ဌာပနာရသော စားစရာများ
စမူဆာ၊ ပေါက်စီ၊ ဖက်ထုပ်၊ အာလူး ကတ်တလိပ်ကဲ့သို့ ဌာပနာရသော စားစရာများထဲမှ လောလောဆယ် တရုတ်စာ ၂ မျိုး၊ ကုလားစာ ၂ မျိုးကို ဝေမျှလိုက်ပါတယ်။ ဒါမှ တစ်မျိုးမဟုတ် တစ်မျိုးကို ကြိုက်တဲ့သူ ရှိနိုင်မှာ။ ဒီလို အစားအစာတွေကတော့ သူမက စိတ်ရှည်ရှည် လုပ်ပေးလို့ စားဖြစ်တာပါ။ ကျွန်တော်ကတော့ ဒါမျိုးတွေမှာတော့ စိတ်မရှည်ချင်ပါဘူး။
စမူဆာ
မကေက စမူဆာလုပ်စားပြီး Recipe ပေးလို့ နည်းနည်း Customise လုပ်ပြီး ကြော်စားကြတယ်။ မကေရဲ့ Recipe က ``ကိုအန်ဒီနဲ့သူမ အတွက်.. ရှယ် Recipe လေး.. ဘလော့ နောက်ကနေ.. တိတ်၂ လေး ပေးလိုက်တယ်.. ( ဘယ်သူ့မှတော့ မပြောနဲ့-ဒါ.. အိန္ဒိယ မြောက်ပိုင်း က..Great Great grand Mother Recipe နော်-း) အားလူးကို ပြုတ်..ချေ ထား။ ကြက်သွန်နီ ဆီသပ် ဆနွင်း ထဲ့.. ကြက်သားထဲ့.. ပြီးမှ.. Cummin အမှုန့်လေး.. တဇွန်းလေး ထဲ့.. ငံပြာရည် နဲနဲ ထဲ့.. အိုကေ.. မွှေး.ပြီး.. ကျက်ရင်- အားလူကြေထဲ ရော မွှေ..။ ဒါပဲ- ကော်ပြန့်ရွက်မှာ ခေါက်တာလေးပဲ။ ကျမကတော့.. ပုံမှန် လေးထောင့် အရွက်ကြီးကို.. ၃ပိုင်း အရှည် ရအောင် ကပ်ကြေးနဲ့ကိုက် လိုက်တယ်။´´ကျေးဇူး မကေ။
ကျွန်တော်တို့ အရင်လုပ်စားတုန်း လက်ဘက်ရည်ဆိုင်တွေက ကြော်သလို အာလူးကို အတုံးလေးတွေ လှီးထားပြီး ကြော်တာ။ နောက်တော့ မကေ ပြောသလို အာလူးကို ပြုတ်ထားပြီးမှ ရောကြော်တာ။ ဘာကွာသလဲဆိုတော့ အတုံးလေးတွေက ဖက်နဲ့ထုပ်တဲ့ အခါကျတော့ နေရာ အနှံ့ မရောက်ဘူး ဖြစ်တယ်။ ကြော်လိုက်တဲ့ အခါကျတော့လည်း အတုံးလေးတွေက နည်းနည်း ခြောက်တယ်။ အာလူးကို ပြုတ်ပြီး ချေထားတာက အပြည့်အသိပ် နေရာလွတ် မကျန်အောင် ထည့်လို့ရပြီး စမူဆာကို စားရတဲ့ အခါ ပိုကောင်းတယ်။ စီးပွားရေး အရဆိုရင်တော့ အစာ ပိုကုန်ပေမယ့် အိမ်မှာ လုပ်စားတာ ဆိုတော့ ပြုတ်ထားတာက ပိုကောင်းတယ်။ တကယ်တော့ ကျွန်တော်တို့က အာလူးကို ပြုတ်တာ မဟုတ်ပါဘူး။ အခွံမခွာဘဲ Microwave ထဲထည့်ပြီး ၅ မိနစ်ကြာရင် တစ်ဘက်လှည့်ပြီး နောက် ၅ မိနစ် ထပ်ဖုတ်တာပါ။ ပြုတ်သလိုပါပဲ။ အနည်းငယ် ခြောက်တာ တစ်ခုပါပဲ။
အရင်တုန်းက စမူဆာ လုပ်စားရင် အသား မထည့်ဖြစ်ဘူး။ လူက အပေါစားတွေ စားပြီး အပေါစားတွေနဲ့ အရိုး စွဲနေပြီ။ အခုတော့ ကြက်ရင်ပုံသားကို အတုန်းသေးသေးလေးတွေ လှီး ဆား၊ နနွင်းနဲ့ အရင် ကြော်လိုက်တယ်။ ကြက်သားတွေ ကျက်သွားမှ ကြက်သွန်နီ လေးထောင့်တုန်းလေးတွေ လှီးထားတာ ထည့်ကြော်လိုက်ပါတယ်။ ကြက်သွန်နီတွေ ပျော်မသွားအောင် ကြက်သားကျက်မှ ထည့်တာပါ။ ခဏလေး နေတာနဲ့ အာလူးပြုတ်ပြီး ချေထားတာတွေ ထည့်လိုက်တယ်။ ကျွန်တော်က ဟင်းသီးဟင်းရွက်လည်း ကြိုက်တော့ သူမကို ပဲသီးစိမ်းလုံး ထည့်ဖို့ ကြိုပြောထားတယ်။ ပဲသီးစိမ်းပါတော့ စားရတာ ခြောက်ခြောက်ကပ်ကပ် မဖြစ်တော့ဘူး။ ဇီရာမှုန့် (Cumin) အနည်းငယ်ထည့်၊ ပူတီနံကို လှီးထားပြီး ထည့်၊ မဆလာများများ၊ ဆားနည်းနည်းထည့်ပြီး နည်းနည်း ကြော်လိုက်တယ်။ ဒါတွေ မပါရင် စမူဆာက မွှေးမှာ မဟုတ်ပါဘူး။ ဆီသပ်ကတည်းက ငရုတ်သီးမှုန့် နည်းနည်းလေး ပါတယ် ဆိုရုံ ထည့်လည်း ရပါတယ်။ အားလုံး ကျက်တော့ အအေးခံထားတယ်။
အာလူး ကက်တလိပ်
အာလူး ကက်တလပ်အတွက်တော့ အာလူးကို ပြုတ်မှ ဖြစ်မှာပါ။ အထက်က ပြောထားသလို Microwave ထဲ ထည့်လို့ မရပါဘူး။ ပြုတ်မှ စီးမှမို့ အာလူးကို ပြုတ်ပါတယ်။ အခွံခွာပြီး ထောင်းရပါတယ်။ ထောင်းတဲ့ အခါ ပြောင်းကော်မှုန့် (ဒါမှမဟုတ်) ကောက်ညှင်းမှုန့် နည်းနည်း၊ ဆားသင့်ရုံ ထည့်ပြီး စီးသွားတဲ့ အထိ ထောင်းပါတယ်။ ဆီးသွားတဲ့ အထိတော့ မထောင်းပါနဲ့ ဟင်းတွေ ပိုငန်ကုန်ပါမယ်။ ပြောင်းကော်မှုန့်ပါမှ အာလူးအသားက စီးစီးတွဲတွဲလေးနဲ့ စားလို့ ကောင်းတာပါ။
အစာအတွက် အမဲသားဖြစ်ဖြစ်၊ ကြက်သားဖြစ်ဖြစ် အကြေ ဒါမှမဟုတ် အတုံး သေးသေးလေးတွေကို ကြက်သွန်နီ လေးတောင့်တုံးရယ်၊ မုန်လာဥနီ ခြစ်ထားတာရယ် ရောကြော်ပါတယ်။ ဆားသင့်ရုံ၊ မဆလာနည်းနည်း ထည့်ပါတယ်။
ဖက်ထုပ်ပြုတ်ကြော်
ဖက်ထုပ်ကိုတော့ ပြုတ်ကြော် လုပ်စားပါတယ်။ ဆီနဲ့ ကြွပ်ကြွပ် ကြော်တာထက်စာရင် ပြုတ်ကြော်က အနည်းငယ်တော့ ကျန်းမာရေးအတွက် ပိုကောင်းနိုင်တယ် ဆိုတာထက် ပြုတ်ကြော်ကို ပိုကြိုက်လိုပါ။
အစာအတွက် ၀က်သားအကြေ ၂၅၀ ဂရမ်ကို ကျူးဆိုင် ၁ စည်း (ခပ်များများ - ဆတူနီးပါး)၊ ဆားသင့်ရုံ၊ ငရုတ်ကောင်း အမည်း များများ၊ ပဲငန်ပြာရည် အကျဲ အနည်းငယ်၊ နှမ်းဆီအနည်းငယ်၊ သကြား အနည်းငယ်နဲ့ သမအောင် မွှေလိုက်ပါတယ်။
ပြီးတော့ ဖက်ထုပ်ဖက်ထဲကို အစာ များများထည့်ပြီး ထိပ်တွေကို ရေဆွတ်ပြီး ပိတ်လိုက်ပါတယ်။ လက်ထိပ်လေးတွေနဲ့ လိုက်ဖိပါတယ်။ ဖက်ထုပ်တွေက ဗိုက်ဖောင်းဖောင်းလေးတွေ ဖြစ်နေရင် ပိုကောင်းပါတယ်။ ဆီနည်းနည်း ထည့်ထားတဲ့ ဒယ်အိုးထဲမှာ စီထည့်ပြီး ရေအနည်းငယ်ထည့်ပြီး အဖုံးအုပ်ထားပါတယ်။ ၂ရေ ၃ရေလောက် ထပ်ထည့်ပေးရပါတယ်။ ကျက်ခါနီးမှ အောက်ခြေတွေကို အရောင်သန်းလာတဲ့ အထိစောင့်ပြီး ကြော်ပါတယ်။ လှန်ပေးစရာ မလိုပါဘူး။ အောက်ခြေတွေ လိုသလောက်လည်း ရပြီဆိုရင်တော့ သတိထား ဆယ်လို့ ရပါပြီ။
ပေါက်စီ
ပေါက်စီအတွက်ကတော့ အရေးကြီးတာ ဂျုံမှုန့်ပါ။ ပထမ ကိုယ့်ဘာကိုယ် တစ်ခေါက်လုပ်စားတာ ဂျုံမှုန့်တွေက ကောင်းကောင်းမပွလို့ ပေါက်စီ အသားက နည်းနည်း ကျစ်သွားပါတယ်။ နောက်ပိုင်းတွေ လုပ်စားတော့ ရယ်ဒီမိတ် ဂျုံမှုန့်နဲ့ လုပ်စားတာ အဆင်ပြေပါတယ်။ ကိုယ့်ဘာကိုယ် လုပ်စားချင်ရင်တော့ ဦးကြီးပုရဲ့ နည်းကို ရှဲလိုက်ပါတယ်။ သူပြောတဲ့ အတိုင်း အတိအကျလုပ်ပြီး ကြာကြာ ဖောက်ထားမှ ကောင်းမယ်ပုံပါ။ ကျွန်တော်တို့က အချိန်မပေးလိုက်တော့ ကျစ်သွားပါတယ်။
`ဂျုံမှုန့် (၅၀ သား) ကို ဘေကင်ဆော်ဒါ (လက်ဘက်ရည် ဇွန်း ၂ ဇွန်း) နဲ့ ရောစပ်၍ သမသွားအောင် စကာနဲ့ အထပ်ထပ် ချပါ။ ခေါက်ပြီး ဘဲဥ၊ ကြက်ဥ (၆လုံး) တို့နှင့် ဂျုံအလျဉ်တို့ကို ရောနယ်ပါ။ နွားနို့ ထည့်နယ်ပါ။ နယ်သားကျသွားသောအခါ ပိတ်ပါးကို ရေဆွတ်၍ ခေတ္တ အုပ်ထားပါ။´ တဲ့။ ကျွန်တော်တို့က ဘေကင်ဆော်ဒါ ထည့်တာ နည်းပြီး အုပ်တာ နာရီဝက်လောက်ပဲ ဆိုတော့ မုန့်က မပွဘူး ဖြစ်သွားတယ်။ ဘေကင်ဆော်ဒါများများ ထည့်ပြီး ၂ နာရီလောက် နှပ်ထားရင်တော့ ကောင်းမှာပါ။ နောက်တော့ ဆိုင်က ၀ယ်လာတဲ့ ရယ်ဒီမိတ် ဂျုံမှုန့်နဲ့ဆိုတော့ ကောင်းကောင်း ပွပါတယ်။ ဂျုံမှုန့်ကို ရေအေးနဲ့ နယ်ပြီး ၁ နာရီလောက် ထားပါတယ်။
အစာအတွက် ၀က်သားအကြေ ၂၅၀ ဂရမ်ကို ကြက်သွန်ဥနီကို လေးထောင့်တုံး လှီးထားတာရယ်၊ ကြက်သွန်ဖြူ သေးသေးနုပ်နုပ်လှီးထားတာရယ်၊ ဆားသင့်ရုံ ငရုတ်ကောင်းများများ၊ သကြား လက်ဘက်ရည်ဇွန်း တစ်ဇွန်း၊ ပဲငန်ပြာရည် အကြည်နည်းနည်း၊ ထည့်ပြီး နယ်ပါတယ်။ ဘဲဥ အငန် မရှိတော့ ကြက်ဥပြုတ် ထည့်ပါတယ်။ ၀က်အူချောင်းကို ပါးပါးလှီးပြီး ထည့်ပါတယ်။
ဌာပနာဖို့ ဂျုံသား ခပ်ကြီးကြီး ယူပြီး ခွက်လုပ်ထည့်ပြီး ဘေးသားတွေကို အပေါ်ကို စုယူပြီ လိမ်လိုက်ပါတယ်။
ပေါင်းချောင်ထဲကို ခပ်ချောင်ချောင် ထည့်ပါတယ်။ မုန့်သားက ပွလာမှဆိုတော့ နေရာ ပေးထားရပါတယ်။ ပေါင်းတဲ့ အခါ ရေနွေးကို ဆူအောင် လုပ်ပြီးမှ ပေါင်းချောင်ကို ဆင့်ပါတယ်။ ရေနွေးထဲကို Vinegar တစ်ဇွန်းလောက် ထည့်ပေါင်းရင် ဂျုံသားဖြူပါတယ်။ နာရီဝက်လောက် ပေါင်းရပါတယ်။ ပေါင်းနေချိန်မှာ ဖွင့်မကြည့်ရပါဘူး။ အချိန်တန်ရင်တော့ ပေါက်ဆီပွပွတွေ ရပါပြီ။ ငရုတ်ဆီနဲ့ ဆိုရင် လိုက်ဖက်ပါတယ်။ လာရှိုး ၇လွှာ ပေါက်ဆီလောက်တော့ အသားမပွပေမယ့် သူ့လို ငရုတ်သီးကြော်နဲ့ စားလည်း ကောင်းပါတယ်။
You received this email because you are subscribed to the real_time feed for http://wesheme.blogspot.com/feeds/posts/default. To change your subscription settings, please log into RSSFWD.
