အေးချမ်းမြေ့
စစ်အစိုးရကတော့ နာဂစ်ဆိုင်ကလုန်း မုန်တိုင်းဒဏ် ခံခဲ့ရသည့် ပြည်သူများကို မည်သို့ ပံ့ပိုးလိုက်မည် ကူညီလိုက်မည် ဆိုသည်ထက် လူမှုရေး စိတ်ဓာတ် အပြည့်ဖြင့် ပါဝင်ကူညီ သူများကို မည်သို့ဖမ်းဆီးလိုက်မည်၊ မည်သည့် အပြစ်ဒဏ် ချမှတ်လိုက်မည် ဆိုသည့် အတွေးများသာ ပွားနေပုံရသည်။
နာဂစ် ကူညီကယ်ဆယ် ရေးများ ပြုလုပ်ခဲ့သည့် လူ ၂၂ ဦးကို စစ်အစိုးရက ဖမ်းဆီးထားကာ ၎င်းတို့ အထဲမှ ၆ ဦးကို ယခုအခါ ထောင်ဒဏ်များ ချမှတ်လိုက်ခြင်းက သက်သေ ဖြစ်၏။ ထိုအထဲမှ လူသိများသော လူရွှင်တော် ကိုဇာဂနာကို ပြီးခဲ့သည့် သောကြာ နေ့ကမှ ထောင်ဒဏ် ၄၅ နှစ် ချမှတ်လိုက်ပြီး ဖြစ်သည်။
အစိုးရက မလိုလားသည့် ကြားမှ၊ ပိတ်ပင် တားဆီးမှုများ အမျိုးမျိုး လုပ်ဆောင်သည့် ကြားမှပင် ကိုယ့်အသိ စိတ်ဓာတ်ဖြင့် ကိုယ့်အိတ် ကိုယ်စိုက်ကာ ကူညီ ကယ်ဆယ် ရေးများ လုပ်ဆောင် ခဲ့သည့် ပြည်တွင်း အလှူရှင်များ၊ ပြည်တွင်း ကယ်ဆယ်ရေး လုပ်သားများ များစွာ ရှိခဲ့သည်။
ထိုသူတို့၏ လုပ်ဆောင်မှုနှင့် အလှူများကို အသိအမှတ် မပြု၍ မရအောင် ရှိသော်လည်း စစ်အစိုးရကတော့ အမျိုးမျိုး ထိန်းချုပ် စောင့်ကြည့်မှုများ ပြုလုပ်ခဲ့သည်။ ပြည်တွင်း အလှူရှင်များနှင့် စေတနာရှင် လုပ်အား အလှူရှင်များ အပါအဝင် အိုင်အန်ဂျီအို၊ အန်ဂျီအို တချို့ကို ဒုက္ခသည် များအား တိုက်ရိုက် ကူညီရန် ခွင့်မပြုခြင်းများ ရှိခဲ့သည်။ ဒုက္ခသည် များကို ကူညီခွင့်ရရန် ကြံ့ဖွံ့များ၊ ကျေးရွာ အာဏာပိုင်များ၊ ရယကများနှင့် ပူးပေါင်းကြမှသာ အဆင်ပြေသည်။
မြစ်ဝကျွန်းပေါ်မှ ပြည်သူများ အတွက် ပြည်တွင်း ပြည်ပမှ လှူဒါန်းသည့် ပစ္စည်းများကို ဦးဆောင်၍ ထိရောက်စွာ ပေးပို့ခဲ့သူများ ထဲတွင် ကိုဇာဂနာက ထိပ်ဆုံးမှ ပါဝင်ခဲ့သည်ကို လူအများ အသိပင် ဖြစ်၏။ ထိုစဉ်က ၎င်းကို ဧရာဝတီ မဂ္ဂဇင်းက အင်တာဗျူး အကြိမ်ကြိမ် လုပ်ခဲ့ရာ ၎င်းထံသို့ ရောက်ရှိနေသော ပြည်တွင်း ပြည်ပမှ အလှူပစ္စည်းများနှင့် အလုပ်ရှုပ်ရင်း အားပါးတရ စကားပြောခဲ့သည်။ သူနှင့်အတူ သူ့ကိုချစ်ခင်သော ရုပ်ရှင် အဖွဲ့သားများ၊ အနုပညာရှင် များကလည်း ငွေအား၊ ပစ္စည်းအား၊ လူအားဖြင့် တတ်အား သရွေ့ ပါဝင် ကူညီခဲ့သည်။( ဆက်ဖတ်ရန် ) အဖွဲ့ အသီးသီးခွဲ၍ သွားလာရန် ခက်ခဲသော လူသူ အရောက် အပေါက် နည်းသည့် မြစ်ဝကျွန်းပေါ် ဒေသများသို့ သွားကာ အလှူရှင်များ ပေးပို့လိုသည့် အစားအစာ၊ ဆေးဝါး နှင့် အိမ်သုံး ပစ္စည်းများကို အရောက် ပေးပို့နိုင်ခဲ့သည်။ ထိုစဉ်က အစိုးရနှင့် အိုင်အန်ဂျီအို တချို့တို့ ကယ်ဆယ် ကူညီရေး လုပ်ငန်းများ လုပ်နေကြပြီ ဖြစ်သော်လည်း မြို့ပေါ်တွင်သာ ကယ်ဆယ်ရေး စခန်းများဖွင့်၍ လုပ်ကိုင်ကြခြင်း ဖြစ်ပြီး သွားလာရန် ခက်ခဲသော ဒေသများသို့ ထိုသူတို့ မရောက်ရှိနိုင်ခဲ့ကြပေ။
"ကျနော်တို့ ရောက်သွားတဲ့ ဘိုကလေးအပိုင် ရွာ ၄၂ ရွာဆိုရင် ဘာမှကို မရကြသေးဘူး။ နိုင်ငံတော် အဆင့် အကူအညီမပြောနဲ့ ယူအန်ဆီကကော၊ ဘယ်အန်ဂျီအိုဆီကမှ အကူအညီတွေ မရသေးဘူး" ဟု နာဂစ် ဆိုင်ကလုန်းမုန်တိုင်းဝင်ပြီး နောက်ပိုင်းတွင် ဧရာဝတီကတွေ့ဆုံမေးမြန်းခဲ့သည့် အင်တာဗျူး၌ ကိုဇာဂနာက ပြောကြားခဲ့သည်။ ကိုဇာဂနာကို နာဂစ်ဆိုင်ကလုန်းမုန်တိုင်းအပြီး ကူညီလှူဒါန်းသည့် အလုပ်များ လုပ်ကိုင်နေစဉ် ဇွန်လအတွင်း ဖမ်းဆီးခဲ့သည်။ ၎င်း ဖမ်းဆီးမခံရခင် ဘီဘီစီရေဒီယိုနှင့် အင်တာဗျူး၌ စစ်အစိုးရနှင့် ယူအန်အပါအဝင် အန်ဂျီအို တချို့အား ဝေဖန်ပြောကြားခဲ့သေးသည်။
ဧရာဝတီ မဂ္ဂဇင်းနှင့် တွေ့ဆုံမေးမြန်းစဉ်ကလည်း ၎င်းက "ကျနော်တော့ယူအန်ကို ဘဝင်မကျဘူး။ သူတို့က ဘာဖြစ်လို့ အစိုးရရဲ့ အကြိုက်ပဲလိုက်လုပ်နေရတာလဲ။ တကယ်ဆို ဒီလိုလူမှုကူညီရေးတွေလုပ်ဖို့ ဒီ့ထက် စွန့်စွန့်စားစား လုပ်သင့်တယ်" ဟု ပြောခဲ့သေးသည်။ ကယ်ဆယ်ရေးလုပ်ငန်းများ လုပ်နေရင်း အာဏာပိုင်များနှင့် ထိပ်တိုက်တွေ့ရသည့် အဖြစ် အပျက်များကိုလည်း ကိုဇာဂနာက ပြောပြခဲ့သည်။ အသက်အန္တရယ်အတွက် တာဝန်မယူဆိုသည့်တိုင်အောင် သူတို့အဖွဲ့များက လူသူအရောက်အပေါက်နည်းရာ ဒေသများသို့ ပင်ပင်ပန်းပန်း သွားရောက်ခဲ့သည်။ ယူအန်က မြန်မာပြည်တွင်း၌ လူမှုကူညီရေးလုပ်ငန်းများ လုပ်ဆောင်ခွင့်ရရန် စစ်အစိုးရ၏ ယုံကြည်မှုကို တည်ဆောက်ယူနေသည်ဟု မည်သို့ပင်ဆိုစေကာမူ စစ်အစိုးရတော့ ဒုက္ခသည်များကို ကူညီပေးနေသူများအပေါ် ပိုမို စိတ်ဝင်တစား ထိန်းချုပ်ချင်နေသည်ဟု ပြည်တွင်းအလှူရှင်များနှင့် အန်ဂျီအိုဝန်ထမ်းများက ပြောနေကြ သည်။
လူမှုကူညီရေးလုပ်ငန်းများ လုပ်ဆောင်နေသူတို့ကို ဖမ်းဆီးထောင်ချခြင်းနှင့် ပတ်သက်၍ ချင်းမိုင် တက္ကသိုလ်အခြေစိုက် ဗဟုဖွံ့ဖြိုးရေး အစီအစဉ်မှ ကိုအောင်သူငြိမ်းက "ဒီလို လူသိများတဲ့ ကိုဇာဂနာလို လူမျိုးတွေကို လူမှုရေးလုပ်လို့ ဖမ်းတယ် ဆိုတာက နိုင်ငံရေး အငြိုးအတေးနဲ့လုပ်တာပါ" ဟု ပြောသည်။
ကိုဇာဂနာကို အီလက်ထရွန်းနစ်ပုဒ်မ ၃ မှုအပါအဝင် ပုဒ်မ ၅၀၅ (ခ)၊ ပုဒ်မ ၃၃ (က)၊ ၃၂ (ခ)၊ ပုဒ်မ ၃၈ တို့ဖြင့် ထောင်ဒဏ် စုစုပေါင်း ၄၅ နှင့်ချမှတ်ခဲ့ပြီး ၎င်းနှင့်အတူ ကူညီရေးလုပ်ငန်းများ လုပ်ဆောင်ခဲ့သည့် ကိုဇော်သက်ထွေးကို ထောင်ဒဏ် ၁၅ နှစ် ချမှတ်လိုက်သည်။ သူတို့ ၂ ဦးနှင့် အမှုတွဲ တတွဲတည်းဖြစ်သော ကိုတင်မောင်အေးကို ထောင်ဒဏ် ၂၉ နှစ် ချမှတ်လိုက်ပြီး ကိုသန့်ဇင်အောင်ကိုမူ ထောင်ဒဏ် ၁၅ နှစ် ချမှတ်လိုက်သည်။
"နိုင်ငံရေးနောက်ခံရှိထားတဲ့ ဘယ်သူ့ကိုမဆို လူမှုရေးလုပ်ငန်းတွေမှာ ဝင်လုပ်တာမျိုး အစိုးရကမလိုလားဘူးဗျ" ဟု ကိုအောင်သူငြိမ်းက ဆိုသည်။ ကိုဇာဂနာက ၁၉၈၈ မတိုင်ခင်ကတည်းက မြန်မာ့ရုပ်မြင်သံကြားတွင် ကပြခဲ့သော မိုးနတ်သူဇာ အငြိမ့်၌ လူရွှင်တော်အဖြစ် အသုံးတော်ခံရင်း အခွင့်သာလျှင်သာသလို မဆလ အစိုးရနှင့် အာဏာပိုင်များကို သရော်လှောင်ပြောင်ခဲ့သည်။ သူ၏ သရော်ချက်များကို လူအများက နှစ်သက် အားပေးကြပြီး ၁၉၈၈ လူထု လှုပ်ရှားမှုကြီးတွင် တက်ကြွသော လှုပ်ရှားသည့် ကျောင်းသားတဦးအဖြစ် ပါဝင်ခဲ့သည်။ ၁၉၉၀ ပြည့်နှစ်တွင် ၎င်းကိုထောင်ဒဏ် ၄ နှစ်ပြစ်ဒဏ်သတ်မှတ်ခဲ့သည်။
ကိုဇာဂနာမှာ ထောင်မှထွက်လာပြီးနောက်ပိုင်းတွင်လည်း အနုပညာလုပ်ငန်းများ လုပ်ဆောင်ရင်း စစ်အစိုးရကို မကြောက်မရွံ့ ဆက်လက် သရော်လှောင်ပြောင်နေဆဲဖြစ်သည်။ ၎င်းကို စစ်အစိုးရက ၂၀၀၆ ခုနှစ် ဧပြီလမှစ၍ ရုပ်ရှင်နှင့် ဗီဒီယိုများတွင် သရုပ်ဆောင်ပါဝင်ခွင့် ပိတ်ပင်ခဲ့သည်။ ဧရာဝတီတိုင်းအတွင်း ပြန့်ကျဲနေသော လူသေအလောင်းများကို အစိုးရနှင့် အန်ဂျီအို အဖွဲ့များက ရှင်းလင်း မြှုပ်နှံခြင်းများ မပြုနိုင်ခဲ့သည့် ထိုအချိန်တွင် မြန်မာထရီဗြွန်းဂျာနယ် အယ်ဒီတာချုပ် ကိုအောင်ကျော်ဆန်း နှင့်အဖွဲ့က လူသေအလောင်းများကို ရှင်းလင်းမြှုပ်နှံခြင်း လုပ်ငန်းများ ကိုယ်ထူ ကိုယ်ထ လုပ်ဆောင်ခဲ့ကြသည်။
ထိုသို့လုပ်ဆောင်သောကြောင့် ကိုအောင်ကျော်ဆန်းအပါအဝင် အလောင်းမြှုပ်သူ ၇ ဦးကို ဇွန်လ ၁၄ ရက်နေ့တွင် ဖမ်းဆီးလိုက်သလို နာဂစ်ကူညီရေးလုပ်ငန်းများ လုပ်ဆောင်သောကြောင့်ပင် အီကိုဗစ်ရှင်းဂျာနယ် သတင်းထောက် မအိမ့်ခိုင်ဦးကို ထောင်ဒဏ် ၂ နှစ်ချမှတ်ခဲ့သည်။ ရုပ်ရှင်သရုပ်ဆောင် ကျော်သူ ဦးဆောင်သော နာရေးကူညီမှုအသင်း၊ အနုပညာရှင်များပါဝင်သည့် အိတ်ခ်ျအိုင်ဗီ ဝေဒနာရှင်များကို ကူညီစောင့်ရှောက်နေသော အဖြူရောင် သက်တံအဖွဲ့ အပါအဝင် တခြားသောလူမှုကူညီရေး အသင်းများမှာလည်း အစဉ်အမြဲ စစ်အစိုးရ၏ အာရုံထားစောင့်ကြည့်ခြင်းကို ခံနေကြရသည်။
"အစိုးရက ခုလို လူမှုရေးလုပ်ငန်းတွေ လုပ်ဆောင်နေတဲ့သူတွေကို ထောင်ချတယ်ဆိုတာက မြန်မာပြည်ထဲက လူမှုရေး အဖွဲ့အစည်းတွေကို ကြိုက်သည်ဖြစ်စေ မကြိုက်သည်ဖြစ်စေ အစိုးရလုပ်စေချင်တာပဲ လုပ်ရမယ်ဆိုတဲ့ သတင်းစကား ပါးလိုက်တာပဲ" ဟု ရန်ကုန်အခြေစိုက် လူမှုရေးလုပ်ငန်းများတွင် ပါဝင် လုပ်ဆောင်နေသူ တဦးက ပြောသည်။
ယခုကဲ့သို့ ကိုယ့်အားကိုယ်ကိုးသည့် ပြည်တွင်းအလှူရှင်နှင့် ကူညီရေးလုပ်သားများက ထောင်သွင်း အကျဉ်းချ ခံနေရစဉ်တွင် ကြံ့ဖွံ့၊ အမျိုးသမီးရေးရာ စသည့် အစိုးရမျက်နှာသာ ပေးခံရသည့် အဖွဲ့အစည်းများက လွတ်လပ် စွာဖြင့် နိုင်ငံတကာအဖွဲ့အစည်းများက ပေးအပ်သည့် အလှူများကို လက်ခံရင်း ဓာတ်ပုံရိုက်ခံနေကြသည်မှာ ရယ်စရာကောင်းလှသည်။ ကိုဇာဂနာကတော့ ၄၅ နှစ်ထောင်ချခံရလည်း ဦးညွှတ်မည့်သူတော့မဟုတ်။ ရယ်စရာကောင်းသည့် စစ်အစိုးရကို သရော်လှောင်ပြောင်ရင်း ထောင်တွင်းအချိန်များကို ကုန်ဆုံးနေစေလိမ့်မည်မှာ သေချာလှသည်။
မြန်မာစကားတွင်လည်း "ကြောက်မွေးပါဇာဂနာနဲ့နုတ်" ဟူ၍ ရှိထားသည် မဟုတ်ပါလား။
မင်းသက်အောင်
မြန်မာနိုင်ငံ ဒီမိုကရေစီအရေးမှာ လက်ရှိစစ်အစိုးရ၊ အတိုက်အခံဒီမိုကရေစီအင်အားစု၊ တိုင်းရင်းသားနှင့်လက်နက်ကိုင် အဖွဲ့အစည်းများ သုံးပွင့်ဆိုင် တန်းတူညီမျှတဲ့ အခြေခံတွေအပေါ် ဆွေးနွေးအဖြေရှာမှုများ မပြုလုပ်နိုင်ပါက နိုင်ငံတော်အနေဖြင့် ဘယ်တော့မှ ငြိမ်းချမ်းနိုင်မည်မဟုတ်သည်ကို နိုင်ငံရေးစိတ်ဝင်စားသူတိုင်း နားလည် ထားကြပါ သည်၊ ဒီလိုသုံးပွင့်ဆိုင်ဆွေးနွေးရေး မဖြစ်ပေါ်စေဖို့ ဘယ်သူတွေတွန်းအားပေးနေသလဲ၊ ရှာဖွေကြည့်ကြရအောင်။
မြန်မာနိုင်ငံ အိမ်နီးနားခြင်းနိုင်ငံဖြစ်ကြတဲ့ တရုပ်နဲ့အိန္ဒိယ၊ ကမ္ဘာပေါ်မှာ လက်နက်အများဆုံး ထုတ်လုပ်တဲ့ နိုင်ငံစာရင်းထဲမှ ထိပ်ဆုံးနေရာက ပါလာနေပြီး၊ ခေတ်မမီတော့တဲ့ စစ်လက်နက်နဲ့လေကြောင်း ကာကွယ်ရေး ကိစ္စရပ်တွေမကျန် အနီးကပ်ဆုံး ဖောက်သည်ကတော့ မြန်မာနိုင်ငံကစစ်အစိုးရတွေပါပဲ။ အဲဒီနိုင်ငံက ထုတ်လုပ်တဲ့ ဆေဝါးတွေကအစ အိမ်သုံးပစ္စည်း၊ လျှပ်စစ်ပစ္စည်းအမျိုးမျိုးတို့ကို လမ်းစရိတ်သိပ်မကုန်ကျပဲ ကုန်းတွင်းလမ်းကတဆင့် တိုက်ရိုက်တင်ပို့ နိုင်ကြပါတယ်။( ဆက်ဖတ်ရန် )
ထိုအတူ အိမ်နီးခြင်း ထိုင်းနိုင်ငံအပါဝင် အာစီယံအဖွဲ့ဝင် နိုင်ငံအချို့ကလည်း သူတို့ဆီက ထုတ်လုပ်တဲ့ပစ္စည်းတွေ မြန်မာပြည်တွင်းကို နည်းအမျိုးမျိုးနဲ့ မှောင်ခိုလမ်းအပါအဝင် တင်သွင်းနေကြတာပါဘဲ။ ဒီနေ့ မြန်မာ့ သယံဇာတတွေ ဖြစ်ကြတဲ့ သဘာဝဓါတ်ငွေ့၊ ကျွန်းသစ်အပါဝင် အဖိုးတန်သစ်များ၊ ကျောက်မျက်ရတနာ မှအစ နောက်ဆုံးရေကာတာကြီးတွေ တည်ဆောက်ပြီး လျှပ်စစ်စွမ်းအား ဝယ်ယူလာတဲ့ အထိလက်ရဲဇက်ရဲ ရှိလာကြတယ်၊ သဘာဝဝန်းကျင်ထိခိုက်နစ်နာမှု သူတို့ နိုင်ငံမှာတိုက်ရိုက်မဖြစ်ပေါ်ယင်ပြီး တာပါဘဲ၊ ဌာနတုိုင်းရင်းသား များ မူလနေရာက နေပြောင်းရွေ့ထွက်ခွာပြီး ဘယ်ဒေသကိုပဲရောက်ရောက် သူတို့ လုံးဝမသိချင် ယောင်ဆောင် နေကြပါတယ်။ ဒီတော့ မြန်မာ့အရေးကို မြန်မြန်နဲ့အမှန်တကယ် ပြီးမြောက်စေချင်တဲ့ဆန္ဒ အဲဒီနိုင်ငံတွေရဲ့ ခေါင်းဆောင်တွေမှာ လိုလိုလားလားမရှိကြပါဘူး၊
မိမိနိုင်ငံကိုယ်ကျိုးအတွက်သာလျှင် သံတမန် အဝန်းအဝိုင်းကနေ "မြန်မာ့မိတ်ဆွေ အဖွဲ့တွေလို" နာမည်အမျိုးမျိုးပေးပြီး အုပ်စုဖွဲ့နေကြတာပါဘဲ၊ ကုလသမဂ္ဂလည်း ထူးမခြားနားပါဘဲ၊ ကိုယ်စားလှယ် တော်လွှတ်လိုက်၊ ပြန်သွားလိုက်၊ အချိန်ဆွဲလိုက်၊ သတင်းစာရှင်လင်းပွဲလုပ်ပြီး တိုက်တွန်းနေလိုက်ကြတာအချိန်ကုန်၊ လူပမ်းရုံပါဘဲ။ စစ်အစိုးရက ဒီအရာကို မြင်နေတော့ ဖမ်းဆီးလိုက်လွှတ်လိုက်၊ လွှတ်လိုက်ပြန်ဖမ်းလိုက် လုပ်ပြနေတာ၊ ပြီးခဲ့လက နိုင်ငံသမားအချို့ ပါဝင်ထောင်သား ကိုးထောင်ကျော်ကို လွှတ်ပေးလိုက်တာဟာ အားပြတ်နေတဲ့ နိုင်ငံရေးသမား အချို့က နိုင်ငံရေးမိုလေဝသ အခြေအနေသာယာ လာတယ်လို့ ယုံထင် ကြောင်ထင်ဖြစ်နေသူများလည်း ရှိနေပါတယ်၊ စစ်အစိုးရရဲ့ ၂၀၁၀ ရွေးကောက်ပွဲသည်သာ မြန်မာပြည်အရေးရဲ့ ထွက်ပေါက်အမှန်လို့ အော်ပြီး "ခြံခုန်" သမားတွေရဲ့ သံယောင်နောက်မလိုက်မိအောင်လည်း အရေးကြီးပါတယ်။
တရုပ်၊ အိန္ဒိယ၊ ထိုင်းအပါဝင် အာစီယံနိုင်ငံအသင်းနဲ့ ကုလသမဂ္ဂတို့ နားချနေရုံမျှနဲ့တော့ စစ်အစိုးရက သူ့လမ်းစဉ်ကို ပြောင်းလဲမှာမဟုတ်၊ ဒီနိုင်ငံတွေကတော့ ကမ္ဘာ့နိုင်ငံအသီးသီးတွေကြားမှာနားမည်ကောင်း၊ စေတနာကောင်းဟန်ရှိတဲ့ သူတော်ယောင်တွေလိုအော်ပြ၊ လုပ်ပြပါလိမ့်မယ်၊ ဘာအဖြေမှထွက်လာနိုင်မဟုတ်၊ အဲဒီနိုင်ငံက လက်ရှိခေါင်းဆောင် တွေဟာ မြန်မာနိုင်ငံအရေးကို ခရေစေ့တွင်းကျသိသည် ဆိုလေဦးတော့ စာနာစိတ်ထားပေးနိုင်မှာမဟုတ်ပါ၊ သူတို့ နိုင်ငံမှာလည်း သူတို့ပြဿနာတွေနဲ့ပါ၊ အာဏာမြဲအောင် ကုတ်ခဲဖက်တွယ်နေရသူတွေချည်းပါပဲ။
သုံးပွင့်ဆိုင်တွေ့ဆုံးနွေးရေး (စစ်အစိုးရ၊ နိုင်ငံရေးပါတီများ၊ တိုင်းရင်းသားနှင့် လက်နက်ကိုင်အုပ်စုများ) လမ်းစ မမြင်သေးပါ၊ တလောက ဒေါ်စုကြည် ကျန်းမာရေးသိပ်မကောင်းပါ၊ ဒါပေမဲ့ ကိစ္စမရှိတော့ပါ၊ ယ္ခုတလောဦးသန်းရွှေ အူလမ်းကြောင်း ကင်ဆာရောဂါက ကိစ္စရှိနေပါသည်၊ ဒီသုံးပွင့်ဆိုင် ကိစ္စဆိုတာ ဦးသန်းရွှေနဲ့ ဒေါ်စုကြည်တို့မပါ ယင်မပြီးပြတ်နိုင်ပါ၊ နိုင်ငံရေးရေစုံ ဆက်ပြီးမျောနေဖို့သာရှိပါတော့တယ်။
စစ်အစိုးရအနေနဲ့ ပြည်သူမျက်နှာကို မထောက်ပဲ ၂၀၁၀ ရွေးကောက်ပွဲကို အောင်မြင်စွာ ဆောင်ရွက်နိုင်ပါစေ၊ မြန်မာနိုင်ငံအရေးဟာ ဒီလိုရွေးကောက်ပွဲ လုပ်ပြရုံနဲ့ပြီး ပြည့်စုံပြီးလို ယူဆနိုင်ပါသလား။ စစ်အစိုးရအနေဖြင့် အထက်တင်ပြပါ အိမ်နီးနားချင်း မိတ်ဆွေကောင်း နိုင်ငံတွေနဲ့ အပေးအယူ အတိုင်အဖေါက်တည့် နေပါသည်၊ မြန်မာပြည်သားချင်း ညီညွတ်နေမယ်ဆိုယင် အင်အားစုကြီးတစ်ခုလို စုရုံးတက်လာတာကို အိမ်နီးနားချင်း တွေက သဘောမတွေ့ပါ၊
သူ့တို့ခိုးယူထားတဲ့ နိုင်ငံတော်ရဲ့ နယ်နိမိတ်ပြဿနာတွေ ဖြေရှင်းကြရပါမယ်၊ နောက်ဆုံးတော့ စားပွဲဝိုင်းအဆင့်မနိုင်ယင်ရတဲ့ နည်းနဲ့ဖြေရှင်းတတ်တဲ့ သတ္တိတွေ မြန်မာပြည်သားတွေမှာ အမြဲကိန်းအောင်းနေပါတယ်။
ဒါကြောင့် မြန်မာနိုင်ငံအရေး အေးဆေးတည်ငြိမ်လို့မဖြစ်၊ ဒီနာတာရှည်ရောဂါသည် စစ်အုပ်စုလုယူထားတဲ့ အမိနိုင်ငံတော်ကြီးဆီက ရသမျှအသွေးအသားအဆီအနှစ်တို့ကို ဈေးပေါပေါနဲ့ ဝယ်ယူပြီး ပြဿနာများရှည်ကြာအောင် မီးစတစ်ဖက်၊ ရေမှုတ်တစ်ဖက် စတဲ့ သူတို့ရဲ့အမျိုးသားနိုင်ငံရေး မဟာဗျူဟာကို အကောင်အထည်ဖော်ယင်းနဲ့ မြန်မာပြည်သူပြည်သားများ စိတ်ဝမ်းအမျိုးမျိုးကွဲပြားနေကြရအောင် အိမ်နီးနားချင်းကောင်းနိုင်ငံများက ကြိုးပမ်းနေလျှက်ရှိ်ကြောင်းပါ။
ဟိတမွန်
ဆရာတော် ဘဒ္ဒ န္တကောသလ္လ (BA ဆရာတော်) သည် သက္ကရာဇ် ၁၉၇၀၊ တန်ဆောင်မုန်းလကွယ် ကြာသပတေးနေ့ နံက် (၆း၁၅) နာရီတွင် သက်တော် ၇၂ နှစ်၊ ၀ါတော် (၄၆) ၀ါတွင် မော်လမြိုင် မြေနီကုန်းဘူတာ၌ မီးရထားစီးရန် ကားပေါ်၌အနားယူ စောင့်ဆိုင်းနေစဉ် ရုတ်တရက် ဘ၀နတ်ထံသို့ ပျံလွန်တော်မူသွားခဲ့လေသည်။ 
သက္ကရာဇ် ၁၃၇၀၊ တန်ဆောင်းမုန်းလဆုတ် ၁၃ ရက်နေ့တွင် ဆရာတော်သည် ပဲခူးမြို့မှ မော်လမြိုင်ရှိ ပဲခူးပရိယတ္တိစာသင်တိုက်သို့ ကျိုက်မရောမြို့နယ် (၃၆) ကြိမ်မြောက် ဓမ္မာစရိယနှစ်ကူးအစည်းအဝေး တက်ရောက်ရန်အတွက် ကြွရောက်လာခဲ့သည်။( ဆက်ဖတ်ရန် ) တန်ဆောင်မုန်းလဆုတ် ၁၄ ရက်နေ့တွင် ကျိုက်မရောရှိ ရာမညဓမ္မာစရိယ အစည်းအဝေးသို့ တက်ရောက်ခဲ့သည်။ ထိုည၌ပင် မော်လမြိုင် ပဲခူးပရိယတ္တိစာသင်တိုက်သို့ ပြန်လာပြီး အိပ်စက်အနားယူလေသည်။ မနက်မိုးမလင်းမီ ပဲခူးမြို့သို့ ပြန်လည်ကြွချီရန်အတွက် ပြင်ဆင်ပြီး ကျောင်းကားဖြင့် မော်လမြိုင် မြေနီကုန်းဘူတာသို့ ထွက်လာခဲ့သည်။ ဘူတာသို့ ရောက်သောအခါတွင် မီးရထားအလာကို စောင့်ဆိုင်းနေစဉ် ထိုကျောင်းကားပေါ်၌ပင် ပျံလွန်တော်မူသွားခဲ့သည်။
"၅ နာရီ ၁၅ မိနစ်လောက်မှာ အာရုံဆွမ်းဘုန်းပြီးတော့ ၅ နာရီ ၄၅ မိနစ်လောက်မှာ ဘူတာသွားဖို့အတွက် ဒီကကျောင်းသားကို မောင်းပို့ခိုင်းလိုက်တယ်၊ ဆရာတော်က အပြည်ပြည်ဆိုင်ရာ ထေရ်ရ၀ါဒ ဗုဒ္ဓတက္ကသိုလ်မှာ ပါမောက္ခဖြစ်နေတဲ့အတွက် ခရီးသွားလို့ရှိရင် လက်မှတ်တွေဝယ်စရာမလိုဘူး၊ မီးရထားက (၇) နာရီမှ ထွက်မယ်ဆိုတော့ ဆရာတော်က ကားပေါ်မှာပဲ နားပြီးတော့ စောင့်နေတယ်၊ ကားမောင်းပို့ပေးတဲ့ ကျောင်းသားက အပြင်ကိုခဏ ထွက်လျှောက်နေတဲ့အချိန်မှာ ဆရာတော်ပျံလွန်တော်မူသွားတာ၊ အဲဒါနဲ့ကျောင်းကို မောင်းပြန်လာခဲ့ပြီး ကျောင်းသားက ဘုန်းဘုန်းကို လာအကြောင်းကြားတဲ့အချိန်မှာ ဘုန်းဘုန်းက ဘယ်လိုမှမယုံဘူး၊
အံ့သြလွန်းလို့ပါ၊ အခုဆိုရင် ဆရာတော်ရဲ့ ရုပ်ကလာပ်ကို ပဲခူးက သုခကာရီကျောင်းကို ပို့လိုက်ပြီ" ဟု မော်လမြိုင်ပဲခူးစာသင်တိုက်မှ သီလစာရ ဆရာတော်ကြီးက ပြောသည်။ "(၇) နာရီမှ မီးရထားကရောက်မှာဆိုတော့ ထိုင်စောင့်နေမယ့်အစား ဘူတာဘက်ကို ခဏထွက်လျှောက်လိုက်တာ၊ (၇) နာရီထိုးခါနီးမှာ ကျွန်တော်ဆရာတော်ကို လာခေါ်တော့ ခေါ်လို့လဲမရဘူး၊
အိပ်ပျော်နေတယ်လို့ပဲ ကျွန်တော်ထင်တယ်၊ ဒါနဲ့ ခြေလက်တွေကို လိုက်စမ်းကြည့်တော့မှ အသက်မရှိတော့တာ သိလိုက်ရနဲ့ တစ်ခါတည်း ကျောင်းကိုမောင်းပြန် လာခဲ့တယ်" ဟု ကားမောင်းပို့ပေးခဲ့သော ကျောင်းသားက ပြောသည်။
"ဆရာတော်ဆီမှာ ဟိုရောဂါ၊ ဒီရောဂါရှိတယ်လို့ ပြောတာ တခါမှ မကြားဖူးဘူး၊ ကျောင်းကို ရောက်လာတဲ့အချိန်မှာ ခေါင်းနည်းနည်းမူးနေတယ်၊ လက်နှစ်ဖက်က နည်းနည်းထုံကျင်နေပြီးတော့ နေရထိုင်ရတာ မအီမသာဖြစ်နေတယ်လို့တော့ ပြောတယ်။ ရာမညဓမ္မာစရိယ အစည်းအဝေးသွားတုန်းကလဲ အစည်းအဝေးပွဲကို မတက်နိုင်ဘူး ကားပေါ်မှာပဲ အနားယူနေတယ်" ဟု ပဲခူးကျောင်း ဆရာတော်က ပြောသည်။
ဆရာတော်သံဃာတော်များနှင့် စာသင်သားအပေါင်းတို့သည် BA ဆရာတော်အတွက် နှမြောတသ ဖြစ်ကြရကုန်၏။ ဆရာတော်၏ ဂုဏ်ကျေးဇူးတော် အကြောင်းကိုလည်း ပြန်ပြောင်းအောက်မေ့ကာ ပြောဆိုတမ်းတနေကြလေသည်။
သတင်းများကို ကိုကိုမှ အချိန်နှင့် တပြေးညီ တင်ဆက်ပေးနေပါသည်
( 1 )နယ်ထောင်ပြောင်းခံရသူ နိုင်ငံရေးအကျဉ်းသားများ ကျန်းမာရေးစိုးရိမ်ရ
( 2 )Unpreventable Death Under Military Boots
( 3 )တရုတ် မြန်မာ စစ်ဖက်ဆက်ဆံရေးတိုးမြင့်
( 4 )Journalists jailed by junta
( 5 )The unquenchable fire in Burmese hearts
( 6 )Myanmar fights AIDS with national awareness
( 7 )ကြက်ဆူ သံသရာ ရခိုင်ပြည်သူများ ကျော့ကော့အောင် ဆက်လက်ခံနေရ
( 8 )ဘိုးစဉ်ဘောင်ဆက် ပိုင်ရှင်လာသော လယ်မြေများကို နအဖတပ်များ ဆက်လက် သိမ်းယူနေ
( 9 )Japan-ASEAN FTA takes effect
( 10 )Myanmar chief of staff visits China
( 11 )မြန်မာနိုင်ငံ AIDS အခြေအနေ
( 12 )Woman Murdered on Western Border
( 13 )Junta Army build-up on the Wa-Mongla border
( 14 )ဆရာတော် ဦးဂမ္ဘီရကို ခန္တီးထောင်သို့ ရွှေ့လိုက်ပြီ
( 15 )Burmese Refugees in Australia Face More Hurdles
( 16 )Junta Orders Major Air Force Base Relocated
( 17 )အရှင်ဂမ္ဘီရကို ထောင်ပြောင်း
( 18 )Saffron Revolution leader moved to remote prison
( 19 )ကမ္ဘာ့ AIDS နေ့ အထိမ်းအမှတ် လှုပ်ရှားမှု ထိုင်းနိုင်ငံတွင် ပြုလုပ်
( 20 )စစ်အုပ်စုက ရွေးကောက်ပွဲအတွက် အပြီးသတ် ပြင်ဆင်နေသည့် လက္ခဏာများ
( 21 )Burmese Migrants Mark World Aids Day
( 22 )The unquenchable fire in Burmese hearts
( 23 )အခြေခံဥပဒေ မပြင်လျှင် ရွေးကောက်ပွဲဝင်ရန် မဖြစ်နိုင်ဟု အဖွဲ့ချုပ်ပြောကြား
( 24 )Oxfam reaches 840,000 people with vital relief in Myanmar
( 25 )Gambira, Five Others Sent to Remote Prisons
( 26 )တပ်မတော် ချည်မျှင်အထည်စက်ရုံ ၀န်ထမ်းများ၏ ဒုက္ခများ
( 27 )Silencing Burma's Monks
( 28 )မြန်မာနေးရှင်း အယ်ဒီတာ ဦးသက်ဇင် ထောင်ဒဏ် ၇ နှစ် ချမှတ်ခံရ
( 29 )2 journalists sentenced for having rights report
( 30 )Total assistance given to Myanmar Nargis victims so far
( 31 )ကမ္ဘာ့ AIDS ရောဂါတိုက်ဖျက်ရေးနေ့ အခမ်းအနားကျင်းပ
( 32 )some 240,000 people infected with HIV in Myanmar
( 33 )မြန်မာမှ ထိုင်းသို့ ပျံသန်းသည့် လေကြောင်းလိုင်းအချို့ ပြန်လည်ပြေးဆွဲ
( 34 )Reporting From a Closed Country wins Amsterdam top prize
( 35 )Commission will keep its focus square on Burma
( 36 )ဖဲကြိုးနီဆုရ အမျိုးသမီးများအတွက် လူမူစောင့်ရှောက်ရေးအဖွဲ့ကို ထပ်ဆင့်ဂုဏ်ပြု
( 37 )Youths in Myanmar at risk
You received this email because you are subscribed to the real_time feed for http://myochitmyanmar.org/index.php?format=feed&type=rss. To change your subscription settings, please log into RSSFWD.
