နွားခြေရာခွက်ထဲက ဖားသူငယ်များ
ကိုဂျူး
မြန်မာပြည်သူတွေက တိုင်းပြည်ကို စစ်တပ်အုပ်ချုပ်တဲ့စနစ်ကို မကြိုက်ဘူး ဒီမိုကရေစီစနစ်ကို ပြောင်းစေချင်တယ်၊ အမြင်သစ်နဲ့ အရည်အချင်း ပြည့်ဝသူတွေနဲ့ တဗိုလ်တက်တစ်ဗိုလ်ဆင်း ရှေ့သို့တိုးချင်တယ်၊ တိုင်းပြည်ကိုတကယ် အလုပ်အကြွေးပြုမဲ့သူကို ခေါင်းဆောင် စေချင်တယ်၊ အခက်အခဲတွေတွေ့ရင်လဲ သတ္တိရှိရှိ ရင်ဆိုင်မယ် ကျော်ဖြတ်မယ်လို့ သဘောထားတယ်။ တိုင်းပြည် ဒုက္ခရောက်နေတာကို ပြည်သူတွေအားလုံး နည်းလမ်းရှာကုစားချင်တယ်၊ ဘယ်သူ့ကိုမှ သာစေနာစေစိတ်မရှိဘူး၊ ဘယ်သူမပါရဘူး ဘယ်သူပါရမယ် မကန့်သတ် ထားဘူး၊ အရည်အချင်းရှိရင် တပ်မတော်သားလဲပါနိုင်တယ်၊ NLD လဲပါနိုင်တယ်၊ ကမ္ဘာ့အလည်မှာ မျက်နှာ မငယ်ချင်ဘူး၊ အထီးကျန် မနေချင်တော့ဘူး။
နအဖအစိုးရက တိုင်းပြည်ကို စစ်သားတွေဘဲစစ်တပ်နဲ့ဘဲ အုပ်ချုပ်ချင်တယ်၊ ဒီမိုကရေစီတောင်းဆိုသူတွေဟာ တိုင်းပြည်ကို မတည်မငြိမ်အောင်ပြုသူတွေ၊ အာဏာကို သူတို့လက်ထဲက လုယူဘို့ကျိုးစားသူတွေလို့ မြင်တယ်။ တိုင်းပြည်တည်ငြိမ်ရေးဟာ တိုင်းပြည် တိုးတက်ရေးထက် အရေးကြီးတယ်ထင်ပြီး ပြည်သူတွေကို မလှုပ်မရှားနိုင်အောင် ထားချင်တယ်။ အကြီးအကဲလုပ်ချင်တယ်၊ နိုင်ငံကို အုပ်ချုပ်ချင်တယ်၊ အလုပ်အကြွေးပြုတယ်ဆိုတဲ့ စကားမျိုးမကြိုက်ဘူး၊ ရှင်ဘုရင်ကြီးလို ပြည်သူတွေရဲ့ မိဘကြီးလို၊ ဖခင်ကြီးလိုလမ်းပြ ဦးဆောင် ချင်တယ်၊ ထိမ်းချုပ်အမိန့်ပေးချင်တယ်၊ နောက်ဆုံး နွားခြေရာခွက်ထဲက ဖါးသူငယ်လို အထီးကျန်ဖြစ်လာတယ်။
NLDက အရည်အခြင်းရှိတယ်ဆိုရင် ဘာ့ကြောင့် ခုထိဒီမိုကရေစီရအောင် မလုပ်နိုင်သေးတာလဲ၊ နအဖပြုတ်မကျသေးတာလဲဆိုတဲ့ မေးခွန်းရဲ့ အဖြေကို အားလုံးသိပါတယ်၊ ပြောရမှာအားနာလို့သိပ်မပြောချင်ကြပါဘူး။ ကိုယ့်ဟာကို သိဘို့ကောင်းပါတယ်။ မသိတတ်ဘဲ တဇွတ်ထိုးနဲ့ မေးလာလို့သာ ဖြေရတာ အားတော့နာပါတယ်။
မေးခွန်းကို အလွယ်ဆုံး အယဉ်ကျေးဆုံး ဖြေရရင် နအဖ လူမဆန်သေးလို့ပါဘဲ၊ တိုင်းပြည်အကျိုးကို မကြည့်တတ်သေးလို့ပါ။ ဒီမိုကရေစီစနစ်ကို ပြောင်းသွားရင်သူတို့အတွက် အကျိုးစီးပွားလျှော့နဲသွားမှာ တခုတည်းကို တွေးကြောက်ပြီး ဒီမိုကရေစီ တောင်းဆို သူတွေကို ရန်သူလိုမြင်ပြီး လူမဆန်အောင် ရက်ရက်စက်စက် နှိပ်ကွပ်နေလို့ပါ။ တိုင်းပြည်အကျိုး စီးပွားတိုးတက်သွားမှာကို ဂရုမစိုက်ဘဲ ကိုယ့်အာဏာ တည်မြဲရေး တစ်ခုထည်းကိုကြည့်ပြီး တော်ရုံအရှက်အကြောက်ရှိတဲ့ အစိုးရတွေမလုပ်တဲ့ နည်းလမ်းတွေသုံးပြီး နှိပ်ကွပ်နေလို့ပါ။
ဒါတွေဟာ သာမန်အစိုးရ ရှက်လို့မလုပ်ဝံ့ပါဘူး၊ အင်မတန်သေးငယ်တဲ့ မိမိပုဂ္ဂလိကကိုယ်ကျိုးစီးပွားကို တတိုင်းပြည်လုံးရဲ့ အကျိုးစီးပွား နဲု့ လဲနေတာ၊ စတေးနေတာဟာ နိုင်ငံတကာအစိုးရတွေအတွက်တော့ အင်မတန်ရှက်စရာကောင်းပါတယ်၊ နအဖ ဗိုလ်ချုပ်ကြီးတွေ ရှက်ရမှန်း မသိသေးပါ။ အာဏာလက်လွှတ်ရမှာ ကြောက်တာဘဲသိပါသေးတယ်။
တိုင်းပြည်ဘဏ္ဍာ ကိုယ့်ဟာမှတ်ပြီးဗြောင်ကျကျတပည့်သားမြေးတွေနဲ့ အခွင့်ထူးအမျိုးမျိုးယူပြီး သုံးစွဲနေတာ၊ မသမာမှုတွေကြူးလွန် နေတာဟာလဲ သာမန်လူတွေအတွက်တော့ အလွန်ရွံစရာကောင်းတဲ့ လုပ်ရပ်တွေပါဘဲ၊ မသန့်ရှင်းတဲ့အစားအစာတွေကို အများရှေ့မှာ စားပြနေတာ ရွံရကောင်းမှန်းမသိသေးလို့ပါ။ နအဖ ဗိုလ်ချုပ်ကြီးတွေ စားချင်တာဘဲသိပါသေးတယ်။
လူနဲ့ တရိစ္ဆန်တွေ မတူကွဲပြားတာက ယဉ်ကျေးတဲ့လူဟာ ကြောက်ရမှန်း ရှက်ရမှန်း ရွံရမှန်းသိပါတယ်။ ရိုင်းစိုင်းတဲ့ တရိစ္ဆန်တွေက ကြောက်ရမှန်းဘဲ သိပါတယ်၊ ဒါပေမဲ့ ရှက်ရမှန်း ရွံရမှန်း မသိပါဘူး၊ အသားနာမှာဘဲကြောက်ပါတယ်၊ မစားရမသောက်ရမှာ ကြောက်ပါတယ် ဒါပေမဲ့ အ၀တ်မ၀တ်ပါဘူး၊ နေရာတကာမှာ အစာစားပါတယ်၊ အညစ်အကြေးစွန့် ပါတယ်၊ မေထုန်မှီဝဲပါတယ်။ အဲဒီမှာ နအဖ ကို NLDက ဘယ်လိုမှလိုက်မယှဉ်နိုင်တော့ပါ။ ရှုံးတော့တာဘဲ၊ ဒါကြောင့် NLDက ခုထိဒီမိုကရေစီရအောင် မလုပ်နိုင်သေးတာပါ။ ကိုယ်လဲဒီလောက်ဘဲ ယဉ်ယဉ်ကျေးကျေး ပြောတတ် ပါတယ်၊ ရှင်းလောက်ပြီ ထင်ပါတယ်။
မြန်မာနိုင်ငံ ဒီမိုကရေစီဖော်ဆောင်ရေးမှာ နအဖ ကန့်လန့်တိုက်နေလို့ ဘက်မညီဖြစ်ပြီး ခရီးမရောက်တာပါ။ နအဖက တိုင်းပြည် အကျိုးစီးပွားကို မကြည့်ဘဲ သူ့အကျိုးစီးပွားတစ်ခုဘဲကြည့်နေသမျှ ဒီလိုဘဲခက်ခဲနေဦးမှာဘဲ။ သူ့ကိုသတ္တိရှိလာအောင် ဝဉ်ကျေးသိမ်မွေ့ လာအောင်၊ ရှက်တတ်ရွံ့တတ်လာအောင် အဖက်ဖက်က (ချော့တဲ့လူလဲချော့၊ ခြောက်တဲ့လူလဲခြောက်) တွန်းထိုးပေးနေတာပါ။ တနေ့"လူ" ဖြစ်လာနိုးနဲ့ သင်ပေးနေကြတာပါ။ အလိုတော့မလိုက်နိုင်ပါဘူး၊ အလိုသွားလိုက်မိရင် နအဖ တစ်သက်လုံး "လူ" ဖြစ်တော့မှာ မဟုတ်ပါဘူး။ ဘယ်သူဘာထင်ထင် သူများအိပ်ထောင်ထဲက ပိုက်ဆံကို မသိအောင်နှိုက်ယူနိုင်တဲ့ သူခိုးခါးပိုက်နှိုက် အရည်အချင်းမျိုး ကိုလဲ သားသမီးကိုချစ်ရင် အလိုလိုက် အားမပေး သင့်ဘူးလေ။
တိုတိုပြောရရင် မြန်မာပြည်ရဲ့ပြဿနာက စိတ်ဓါတ်ခြင်း ဘက်မညီတဲ့ ပြဿနာပါ။
ပြည်သူက ရင့်ကျက်သွားပြီး အစိုးရက ကလေးကြီးတွေ ဘ၀မှာကျန်ခဲ့တယ်၊ ဥဏ်ရည်အနိမ့်အမြင့်နဲ့ ဦးဏှောက်ခြင်း တဖြေးဖြေး ကွာခြားလာတယ်။ လိမ်ပြောတာကို မကောင်းမှန်းမသိဘူး ရှက်ရမှန်းလဲမသိဘူး၊ လိမ်တာကို တိမ်တောင်သဖွယ် မင်းရေးကြွယ်တယ်လို့ ဂုဏ်ယူပြောလာတယ်၊ ရွေးကောက်ပွဲလုပ်ပြီး အာဏာမလွှဲတော့ တကမ္ဘာလုံးက ပါးစပ်အဟောင်းသားဖြစ်ကုန်တာကို ရှက်ရမှန်း မသိဘူး "ဒါ အတိုက်အခံတွေကို searching fire လုပ်တာ၊ ဒါလဲ ငါတို့ပညာဘဲကွ" ဆိုပြီး ရွေးကောက်ပွဲနိုင်တဲ့လွှတ်တော် ကိုယ်စားလှယ်တွေကို အကုန်ဖမ်းထောင်ထဲထည့်လိုက်တယ်။ ငြိမ်းချမ်းစွာဆန္ဒပြသူတွေကို အကြမ်းဖက်တယ်၊ ဒါနဲ့ အချိန်တွေ ကြာလာတော့ ဒါမျိုးကမှ အရည်အချင်း ပညာဘဲလို့ မောင်ရင်တို့လို နအဖနဲ့ နီးစပ်သူတွေ လက်ဝေခံတွေက အထင်ကြီးလာတာ မဆန်းပါဘူး။
ခွေးကတက်က နေရနေရလို့တော့ ဒေါ်စုနဲ့ NLDကို မလုပ်ခိုင်းပါနဲ့၊ နေနိုင်ရင်လဲ မောင်ရင်တို့ဘဲ ခွေးကတက်မှာ နေကြပါ၊ အပေါစား လုပ်လွန်းတယ်လို့ဘဲ မြင်ပါတယ်။ ကိုယ့်ကိုကိုယ် နိုင်ငံရေးဂုရုကြီးတွေမှတ်ပြီး နိုင်ငံရေး စကားထူး စကားဆန်းကြီးတွေ တည်ထွင် မိန့်ကြားလာတာ ကြားရတော့ ပြုံးမိပါတယ်။ ဂျူဂျစ်ဆုနိုင်ငံရေးတဲ့၊ နိုင်ငံရေးဆိုတာ မရှိတာကိုရှိအောင် လုပ်တာတဲ့၊ လမ်းစဉ်မှန်ရင် မရှိရာကနေ ရှိလာမယ်။ လမ်းစဉ်မှားရင် ရှိရာကနေ မရှိဖြစ်သွားမယ်တဲ့၊ ဒါဖြင့် ဗိုလ်ချုပ်အောင်ဆန်းတို့လက်ထက်က ပြည်သူချစ်တဲ့ တပ်မတော်သားဘ၀ တပ်မတော်သိက္ခာရှိခဲ့ရာက ဦးနေ၀င်း၊ န၀တနဲ့ နအဖ လက်ထက်မှာ နိုင်ငံရေးထဲ ၀င်ပါလိုက်တာ တပ်မတော်သိက္ခာ ကုန်းကောက်စရာ မရှိတော့အောင် ကျသွားတာ ဘာ့ကြောင့်လဲ သတ္တိရှိရှိ တွေးကြည့်ပါဦး။ သခင်သိန်းဖေတို့ သခင်ချန်ထွန်းတို့လို နိုင်ငံရေးရင့်ကျက်မှုတွေ၊ နိုင်ငံရေး အတွေ့အကြုံတွေ ရှိတဲ့ ၀ါရင်နိုင်ငံရေးသမားတွေရဲ့စကားလဲနားထောင်ကြဦးလေ၊ ရေးခွင့်ပြောခွင့်တွေ တန်းတူပေးကြလေ။ စစ်သားတွေဖြစ်ပြီး ဒီလိုသတ္တိရှိရှိအလုပ်မျိုး မလုပ်ရဲပါဘူး။
လွတ်လပ်ရေးကျိုးပမ်းချိန်က ဗိုလ်ချုပ်အောင်ဆန်းက အင်္ဂလိပ်အစိုးရအဖွဲ့ထဲဝင်ပါပြီး ရန်သူနဲ့ အဆင်ပြေအောင် အလုပ်ဖြစ်အောင် လုပ်နိုင်ခဲ့ပေမဲ့ ဒေါ်စုက နအဖနဲ့ လက်တွဲမလုပ်နိုင်ရကောင်းလား အပြစ်တင်စကားပြောတာ မကြာခဏကြားဘူးပါတယ်။ အခြေအနေခြင်း မတူပါဘူး၊ အခြေအနေခြင်း ပြောင်းပြန်ကြီးကို တူသလိုလို ရောချတဲ့ နေရာမှာတော့ ထိပ်ကဘဲ၊ ဗြိတိသျှက သူတို့လက်ထဲက တိုင်းပြည်လွတ်လပ်ရေး တောင်းဆိုကျိုးပမ်းသူ ခေါင်းဆောင် ဗိုလ်ချုပ်အောင်ဆန်းကို အစိုးရအတိုင်ပင်ခံကောင်စီဖွဲ့ဖို့ ဖိတ်ခေါ်တာပါ။ လွတ်လပ်ရေးပေးချင်သူ၊ လုပ်ပိုင်ခွင့်ရှိသူက ဗြိတိသျှအစိုးရပါ။ လွတ်လပ်ရေးလိုချင်သူ ဗိုလ်ချုပ်အောင်ဆန်းနဲ့ မြန်မာနိုင်ငံရေး သမားတွေကို နယ်ချဲ့ဗြိတိသျှက လေးလေးစားစားဆက်ဆံပြီး အစိုးရအဖွဲ့ထဲဝင်ပါကြဘို့ ဖိတ်ခေါ်ခဲ့ပါတယ်။ အလုပ်ဖြစ်အောင် လုပ်သွားပါတယ်။ မြန်မာပြည်လွတ်လပ်ရေး ရသွားပါတယ်။ အတုယူစရာ အင်မတန်ကောင်းပါတယ်။
မြန်မာပြည်မှာလဲ လုပ်ပိုင်ခွင့်ရှိသူ နအဖအစိုးရက အလုပ်ဖြစ်အောင်လုပ်ချင်ရင် ဗြိတိသျှအစိုးရလုပ်ခဲ့သလို ၁၉၉၀ ရွေးကောက်ပွဲ နိုင်သူကို ဖိတ်ခေါ် ညှိနှိုင်းဆွေးနွေးလိုက်ရုံပါဘဲ၊ ဒီလိုမလုပ်ဘဲ ရွေးကောက်ပွဲနိုင်သူ တစ်ယောက်မကျန် အကုန်ဖမ်းထောင်ထဲထည့် နှိပ်စက်ခဲ့တာပါ၊ လက်တွဲတွေ့ဆုံဆွေးနွေးဘို့ ကမ္ဘာသိ အကြိမ်ကြိမ်ဖိတ်ခေါ်နေတာက NLDပါ။ ဒေါ်စုပါ။ လုပ်ပိုင်ခွင့်ရှိပေမဲ့ အတွေ့မခံရဲဘဲ ထွက်ပြေးနေတာက နအဖပါ။ ဒီမိုကရေစီတောင်းဆိုသူ ဘုန်းကြီး၊ မယ်သီလ၊ ကျောင်းသား၊ အငြိမ့်လူရွှင်တော်ပျက်လုံး ပျက်သူတွေကအစ မကြားဘူးတဲ့ ထောင်ဒဏ်နှစ်ရှည်တွေချနေတာ နအဖပါ။ ဒေါ်မန်စမစ်နဲ့ မတူပါဘူး၊ တလောက ဒေါ်စုက နအဖရဲ့ ၁/၂၀၀၇ ကို ကျွန်မနဲ့အားလုံးပူးပေါင်းလက်တွဲကြပါလို့ ပြန်ဖိတ်ခေါ်လိုက်မိတာနဲ့ နအဖစစ်ဗိုလ်ကြီးတွေ အကြောက်လွန်ပြီး လှည့်ပြေး လိုက်ကြတာ အုန်းအုန်း ထသွားတာဘဲ မှတ်မိပါတယ်။
မောင်ရင်တို့နှိုင်းရှင်ပြတဲ့ အခြေအနေနှစ်ခုက ပြောင်းပြန်ကြီး ဖြစ်နေပါတယ်။ ဒီလောက်တော့ သိဘို့ကောင်းပါ တယ်၊ ဒါကိုမှ မသိရင် နိုင်ငံရေးအကြောင်းပြောရတာ လက်ဝင်ပါတယ်၊ ဘက်မညီတော့ ကျွန်တော်ပျင်းပါတယ်။
ဗိုလ်ချုပ်နေ၀င်း၊ ဗိုလ်ချုပ်စောမောင် ဗိုလ်ချုပ်သန်းရွှေ မြန်မာတပ်မတော် ခေါင်းဆောင်အဆက်ဆက် နာမည်ဆိုးနဲ့ သမိုင်းကျန်ခဲ့မှာ မကြောက်သူတွေ၊ တိုင်းပြည်ရဲ့ အဓိကပြဿနာတွေကို မဖြေရှင်းရဲဘဲ ရှောင်ပြေးပုန်းနေသူတွေ၊ ကိုယ့်အကျိုးစီးပွားတစ်ခုနဲ့ တိုင်းပြည်အကျိုးစီးပွားကို ဖျက်ဆီးပြစ်သူတွေ၊ တိုင်းပြည်ဥစ္စာပစ္စည်းတွေခိုးဝှက်ယူငင် စားသောက်သူတွေ၊ စည်းမဲ့ကမ်းမဲ့ လက်နက်ကိုင် လူရမ်းကား သာသာတွေမို့ တိုင်းပြည်ခေါင်းဆောင်၊ အမျိုးသားခေါင်းဆောင် မဖြစ်ခဲ့ကြတာပါ။ ပြည်သူတွေကို မှန်ကန်တဲ့ နည်းလမ်းပြဘို့ နေနေသာသာ တိုင်းပြည်နစ်နာအောင်၊ အကျိုးမဲ့အောင် လုပ်ခဲ့သူတွေဘဲဆိုတာ သမိုင်းက အထင်အရှားသက်သေ ခံနေပါတယ်။
ဝမ်းသာစရာတစ်ခုနဲ့အဆုံးသတ်ရရင် ကမ္ဘာပေါ်မှာ ဘယ်နိုင်ငံရောက်ရောက် ကျွန်တော်တို့ မြန်မာလူမျိုးတွေ အင်မတန်မျက်နှာပွင့်တာ တစ်ခု ရှိပါတယ်။ လမ်းမှာတွေ့တဲ့ သူတို့လူမျိုးတွေက ဘယ်နိုင်ငံကလာလဲ၊ ဘာလူမျိုးလဲ မေးရင် မြန်မာနိုင်ငံက မြန်မာလူမျိုးလို့ပြောရင် ကောင်းကောင်းမသိပါဘူး၊ ဂျပန်က ဘိရုမာမှသိတယ်၊ တရုပ်က မြန်ဒင်းမှသိ၊ ပြင်သစ်က ဗြန်မာနီမှသိနဲ့ တော်တော်ရှင်းရပါတယ်။ ခဏခဏ မေးခံရလို့ အကောင်းဆုံးအလွယ်ဆုံးကတော့ ငါတို့ အောင်ဆန်းစုကြည်လူမျိုး၊ အောင်ဆန်းစုကြည် နိုင်ငံကလို့ ဖြေလိုက်တာနဲ့ ကြားတဲ့သူအပေါင်းက မျက်နှာဝင်းပသွားပြီး Oh! Good. I respect her. She is very brave but your army is not good. ဆိုပြီး ရိုရိုသေသေဆက်ဆံပြီး ခင်မင်လေးစား သွားကြပါတယ်။ မြန်မာလူမျိုးဆိုတာ မကြားဘူးသူတွေတောင်မှ ဒေါ်စုနာမည်ကိုသိကြ ချစ်ကြ ပါတယ်။ လေးစားကြပါတယ်၊ ဒေါ်စုကြောင့် ကမ္ဘာမှာ မြန်မာဖြစ်ရတာ သိပ်ဂုဏ်ရှိပါတယ်၊ နိုင်ငံခြားရောက်ဘူးသူ မြန်မာတိုင်း ကြုံဘူးမှာပါ။ ဒါကိုကြည့်ရင် သာမန်ကမ္ဘာ့ပြည်သူတွေ မြန်မာ့အရေးမှာ ဘယ်လောက် စိတ်ဝင်စားတယ်၊ မြန်မာနိုင်ငံက ဒီမိုကရေစီ တောင်းဆိုသူတွေကို ဘယ်လောက်အားပေးတယ်ဆိုတာ ရှင်းပါတယ်။ မောင်ရင်တို့ ခံနိုင်ရည်မရှိ တနေ့တနေ့ ကိုယ့်စိတ်ကိုယ်ဖြေ တွေးနေရင် နွားခြေရာခွက်ထဲက ဖားသူငယ်လို ဖြစ်သွားပါလိမ့်မယ်။
ခုနောက်ဆုံး မြန်မာနအဖအစိုးရဟာ သူတို့ဘက်က ဘာမှပြုပြင်ပြောင်းလဲမှု မရှိဘဲ သူတို့အလိုကို အတိုက်အခံဘက်က အားလုံးလိုက်လျှော ပေးရမယ်၊ တကမ္ဘာလုံးက နအဖကို ကလေးဆိုးကြီးတစ်ယောက်လို ချော့မြူပေါင်းသင်းရမယ်၊ NLDက ၂၀၀၈ အခြေခံဥပဒေကို အသိအမှတ် ပြုရမယ်၊ ၂၀၁၀ ရွေးကောက်ပွဲကို ၀င်ပြိုင်ပေးရမယ်၊ နအဖအစိုးရနဲ့ ပူးပေါင်းရမယ်လို့ တောင်းဆို လာပါတယ်။ ၂၀၁၀မှာ NLDပါဘို့ နအဖက မျှော်လင့်ချင်သေးရင် ဒီအတိုင်းတော့မရပါဘူး။ နအဖ ဒီအတိုင်းသွားရင် NLD ရွေးကောက်ပွဲမ၀င်ပါဘူး။ ၂၀၁၀အပြီးမှာ နအဖပေးမဲ့ political space ကို NLDက မမက်လောက်ပါဘူးဆိုတာ ကျွန်တော် အကြိမ်ကြိမ် ပြောပြီးပါပြီ။ မမျှော်ပါနဲ့။
ဒါတွေဘဲ ခဏခဏရေးရတာ ညီးငွေ့လာပါပြီ။ ဒီထက် အတွေးသစ်ကလေးဘာလေး လုပ်ကြပါဦး။ ရေးရတာစိတ်မပါလို့ စာတွေလဲ တောင်ရောက် မြောက်ရောက်နဲ့မို့ သီးခံပြီး ဖတ်ကြပါဗျာ။
စေတနာဖြင့်၊
ကိုဂျူး
You received this email because you are subscribed to the real_time feed for http://padaukmyay.blogspot.com/feeds/posts/default. To change your subscription settings, please log into RSSFWD.