မောင်၊ နှမလေးများ အားမငယ်စေချင်
ပျင်းရိခြင်း အကြောင်း ခြောက်ပါးကို အော်ကျက် နေတဲ့ ကလေး တစ်ယောက်ကို သူ့အမေက တစ်ပါး ကျန် ခဲ့ တယ်လို့ ထောက်ပါတယ်။ ဘာလဲ အမေရ ဖတ်စာထဲမှာ ၆ပါးတည်းပါ ဆိုတော့ အဲဒါ လက်တွေ့ မကျ ဘူးတဲ့။ လက်တွေ့ကျတာ ၇ပါး တဲ့။ အေးသည်၊ ပူသည်၊ မိုးချုပ် သည်နှင့် စောသည်၊ ဆာသည်၊ ပြည့်အင့် သည်၊ မီးပျက်သည်တဲ့။ သားအမိ နှစ်ယောက် တခွစ်ခွစ် ရယ်မောသံ က ကြည်နူး စရာ ပေမယ့် ကလေး တွေ စာကြိုးစား ချင်စိတ် တက်ကြွ နေရမယ့် အစား ပျင်းရိခြင်း အကြောင်း တပါး တိုးရတဲ့ အတွက် စိတ်မ ကောင်း ဖြစ်ရ ပါတယ်။ ဒါ့အပြင် အတန်းပိုင် ဆရာမ ဆီမှာ ကျူရှင် မယူရင် အဆင့်တစ် မရဘူး ဆိုတဲ့ ကော လဟလတွေ၊ ကျောင်းက ဆရာမ ဆီမှာ ကျူရှင် ယူသူ မေးခွန်း ရတယ်၊ ဂုဏ်ထူး ရတယ် ဆိုတဲ့ အသံတွေ ကျွန်မ အထက်တန်း ကျောင်းသူ ဘ၀ တည်းက ကြားဖူး နေပေမယ့် ဖတ်စာအုပ်ကို သင်ရိုးကုန် အာဂုံ ဆောင်ရုံ မက ကလေး ပုံပြင် ဖတ်သလို နားလည် အောင်ကို လေ့လာ တတ်တဲ့ ကျွန်မ အတွက် ပင်ပန်း တယ် မထင်သလို သီးခြား ဖိနှိပ် ခံရတာ မရှိ သလောက်ပါ။
ဒါနဲ့တောင်မှ စိတ်ဓာတ် မပျက်ပြား သေးဘဲ အားတင်း ရပ်တည် နေတဲ့ လူလတ်တန်းစားနဲ့ အောက်ခြေ လူတန်းစား အလွှာက မောင်နှမ လေးများ အတွက် ကျ တော့ အားလပ်ချိန်မှာ လေ့လာ စရာ စာကြည့် တိုက်၊ အင်တာနက်၊ စာဖတ်ခန်း၊ သင်တန်း တွေက ရှားပါး လက်လှမ်းဝေး ရတဲ့ အထဲ သင်တန်းကြေးနဲ့ ခရီးစရိတ်က ပိုလို့ လက်လှမ်း ဝေးနေတာမို့ အကြောင်းပြချက်သာ ရှာရမယ် ဆိုရင်ဖြင့် ပြမဆုံး နိုင်အောင် ပါ။ မနက်ဖြန် ကျရင် ဘာဖြစ်ရမယ် ဆိုတဲ့ မျှော်လင့်ချက်တွေ အတွက် ကြိုးစားတိုင်း မဖြစ်နိုင် လောက် အောင်၊ ကြိုးစား ချင်စိတ်တွေ ပျက်စီး ရလောက်အောင် မျှော်လင့်ချက်တွေ ရိုက်ချိုး ခံနေ ရတဲ့ မောင်နှမ လေးများ အတွက် မျှော်လင့်ချက် ရောင်ခြည် လေးများ ပေးနိုင်မလား ဆိုပြီး အင်တာနက် တခွင်၊ ကိုယ့် ပတ်ဝန်းကျင် တခွင် လှည့်ပတ် ရှာဖွေ နေခဲ့ ရာက ခုတော့ ရှာရကျိုး နပ်အောင် သတင်းတစ်ပုဒ် တွေ့ လာ တာနဲ့ ချက်ချင်း ဝေမျှ လိုက်ပါတယ်။ 
သူလေး ကတော့ မြန်မာ့ အိမ်နီးချင်း အိန္ဒိယ နိုင်ငံမှာ အဆင်းရဲဆုံး ဖြစ်တဲ့ ဘီဟာ ပြည်နယ် ထဲက ၁၂နှစ်သား မြို့သား လေး တစ်ယောက်ပါ။ သူ့မြို့လေးဟာ အိန္ဒိယမှာ ဘယ်လောက်တောင် နာမည်ဆိုးနဲ့ ကျော်ကြား သလဲ ဆိုရင် လေးနာရီ မှာ တစ်ခါ လူသတ်မှု ဖြစ်ပါတယ်။ ခြောက်နာရီ မှာ တခါ မုဒိမ်းမှုနဲ့ ရှစ်နာရီမှာ တစ်ခါ ပြန်ပေးဆွဲမှု ဖြစ်လောက်အောင် ဆိုးသွမ်းသူများ စုဝေး နေတဲ့ မြို့ ဖြစ်ပါသတဲ့။ သူ ကျောင်းတက် ရတဲ့ ပတ်ဝန်းကျင် ကလဲ ကျောင်းသားတွေ ဓားစာခံ အဖြစ်နဲ့ တချိန်လုံး ပြန်ပေးဆွဲ ခံရတတ်တဲ့ နေရာ ဖြစ်ပြန် သတဲ့။ ဒါ့အပြင် လျှပ်စစ်မီးနဲ့ အင်တာနက် ဟာလဲ ပြတ် ချိန်နဲ့ လာချိန်က မြန်မာပြည်နဲ့ နှိုင်းလို့ ရနိုင် လောက်ပါတယ်။ ဒါတင် ပဲလား ဆိုတော့ သူ့မိဘ များဟာ အလုပ် လက်မဲ့ များလဲ ဖြစ်ပါသတဲ့။ ဆွေမျိုး တွေရဲ့ ပေးစာ ကမ်းစာ လေးနဲ့ ရှင်သန် နေရတဲ့ သူဟာ မိနစ် အနည်းငယ် အကြာ တိုင်းမှာ အင်တာနက် ရော လျှပ်စစ်မီးပါ ပြတ်တဲ့ ကြားက သူဖတ် ရမယ့် စာတွေကို အင်တာနက် ကနေ ဇွဲနဲ့ ရည်မှန်းချက် ရှိရှိ ကြိုးစား ပမ်းစား ဒေါင်းလုပ် လုပ်ပြီး လေ့လာ ခဲ့ရ ပါတယ်တဲ့။
ခုတော့ အိန္ဒိယရဲ့ အထူးချွန်ဆုံး လူငယ် ပြိုင်ပွဲမှာ ပြိုင်ပွဲဝင် ကလေးငယ်ပေါင်း တစ်သောင်း ခြောက်ထောင် ဦးရေဟာ ပထမဆုံး ရေးဖြေ စာမေးပွဲကို ဖြေဆို ကြပေမယ့် ၃၂၀ ယောက်ကိုသာ ရွေးချယ်လို့ နှုတ်ဖြေ တယ်လီဖုန်း အင်တာဗျူးကို ဖြေဆိုခွင့် ရကြပါတယ်။ နှုတ်ဖြေ စာစစ်ပွဲ အပြီးမှာတော့ ဇကာတင် အယောက် ၆၀သာ ကျန်တော့တယ်လို့ ဆိုပါတယ်။ ဆီမီးဖိုင်နယ် စာစစ်ပွဲ အပြီးမှာ ကျန်တဲ့ ၁၈ယောက်ရဲ့ နောက်ဆုံး ပြိုင်ပွဲ ကိုတော့ ရုပ်မြင်သံကြားရဲ့ စတားဝါးလ် လိုင်းကနေ တိုက်ရိုက် ထုတ်လွှင့် ပြသ ခဲ့တယ်လို့ ဆိုပါ တယ်။ ဆယ်လတာ ယှဉ်ပြိုင်ရတဲ့ ပြိုင်ပွဲမှာ ပထမ ရရှိလို့ ဆုအဖြစ် ရုပ်တု၊ စွယ်စုံကျမ်း၊ ရွှေနဲ့ ငွေတို့နဲ့ ပြုလုပ်ထားတဲ့ ဖောင်တိန် တစ်စုံ အပြင် အိန္ဒိယ ရူပီးငွေ တစ်သန်း ကိုလဲ ဆုအဖြစ် ဆွတ်ခူး ရရှိလို့ မိဘနဲ့ သူ့ပြည်နယ် အတွက် ဂုဏ်ထူးဆောင် ကလေး တစ်ယောက် ဖြစ်ခဲ့ ပါပြီ။ ဒါ့အပြင် အိန္ဒိယ သမတ ကလဲ သူတို့ လေးတွေကို တွေ့ဆုံ အားပေး ဂုဏ်ပြု ခဲ့ပါတယ်။ 
ဒါကြောင့် မီးပျက်ရုံ၊ သင်ထောက်ကူ ပစ္စည်း များနဲ့ လက်လှမ်း ဝေးနေရုံ လောက်လေး နဲ့ကတော့ စိတ်ဓာတ် မကျ ကြပါနဲ့။ ကြိုးစား အားထုတ် ကြပါလို့ ဒီ အိန္ဒိယ လူငယ် လေးရဲ့ သတင်းနဲ့ တကွ အားပေးလိုက် ရပါတယ်။
ဒါပေမယ့် နောက်ပိုင်း ပိုဆိုး လာတဲ့ ပညာရေး လောက နဲ့ ၀န်ထမ်း လောက အကျင့်ပျက် မှုတွေက လာဘ် ပေး သူကို မေးခွန်းပေး၊ ဂုဏ်ထူး ပေးရုံ မကဘဲ လာဘ် မပေးသူကို တမင် စာမေးပွဲ ချတာ၊ ဂုဏ်ထူး ပေး သင့် လျက်နဲ့ မပေးရုံမက လာကန်တော့ရင် စာစစ် ပွဲ အအောင် ပေးမယ်၊ ဂုဏ်ထူး ပေးမယ် လို့ ပေါ်တင် ဆွယ်တာ တွေပါ ရှိလာတဲ့ အခါ တချို့ ကလေးတွေ ကတော့ ငါဘယ်လောက် ကြိုးစား ကြိုးစား အဆင့်တစ် ရမှာမှ မဟုတ် ဘဲ၊ အောင်မှာ ဂုဏ်ထူး ထွက်မှာမှ မ ဟုတ် ဘဲလို့ စိတ်ဓာတ် အကျကြီး ကျပြီး ရိုးသား မှန် ကန်စွာ ကြိုးစား အားထုတ်မှု လုံးဝ ပျောက်ဆုံးပြီး ငါး ပွက်ရာ ငါးစာချ၊ အမြီးကျက် အမြီးစား၊ ခေါင်းကျက် ခေါင်းစား စတဲ့ သေးသိမ် နုံဖျင်း အောက်တန်း ကျတဲ့ စိတ်ဓာတ်တွေ ၀င်ကုန်ကြ ပါတော့ တယ်။ တကယ် တော့ ဒီလို အခြေအနေမှာ အနာဂတ်ရဲ့ ခေါင်းဆောင်လောင်း လူငယ် တွေရဲ့ စာရိတ္တကို ရိုက်ချိုး ဖျက်ဆီး ပစ်တာဟာ သက်ဆိုင် ရာ တာဝန်ရှိသူ လို့ နာမည် ခံယူ ထားတဲ့ လုပ်ပိုင်ခွင့် ပိုင်ရှင် တွေပဲ ဖြစ်ပါတယ်။ ဒီလို အခြေအနေ မျိုး အတွက် ဆိုရင်ရော လို့ ဆင်ခြေ တက်လာ နိုင်မယ့် မောင်နှမ လေးများ အတွက် တစ်ခု ထပ်ပြီး အားပေး ချင်ပါ သေးတယ်။
လူရည်လူသွေး ဆိုတာကို ပြိုင်ပွဲလေး တစ်ခု တည်းနဲ့တော့ သတ်မှတ် တိုင်းတာလို့ မရပါဘူး။ လူရည် လူ သွေး အစစ် အမှန်ကို လောကဓံနဲ့ တိုင်းတာ တဲ့အခါ လောကဓံက စာမေးပွဲ စစ်တဲ့ အခါ လိမ်လည် လှည့် ဖျားလို့ မရတော့ဘဲ အမှန်အတိုင်း ရင်ဆိုင် ရလေ့ ရှိပါတယ်။ အသေးဆုံး ဥပမာ ပေးရ ရင် ပြည်တွင်းမှာ လာဘ်ထိုးလို့ ပြည်တွင်း တက္ကသိုလ်မှာ အမှတ် အမြင့်စားနဲ့ အောင်ပြီး နိုင်ငံခြားမှာ လာကျောင်းတက် တော့ ကျောင်းဝင် ခွင့်တော့ အောင်ပါရဲ့။ နောက်ပိုင်း စာမေးပွဲမှာ တဘုန်းဘုန်းကျပြီး ပြည်တော် ပြန်ရသူ တွေ ထဲမှာ မြန်မာတင် မက ကမ္ဘာ မှာပါ နာမည်ကြီး ပုဂ္ဂိုလ် များရဲ့ သားသမီးများတောင် ပါပါရဲ့။ လူ တစ် ယောက်ချင်း ကို နာမည်နဲ့ ရာဇ၀င်ပါ သိပေမယ့် အပုပ်ချရာ ရောက်မှာ စိုးလို့ လိုရင်းကနေ လွဲမှာ စိုးလို့ အကျယ် မရေးတော့ ပါဘူး နော်။ ဒါကြောင့် ပြိုင်ပွဲ ၀င်သည် ဖြစ်စေ၊ မ၀င်သည် ဖြစ်စေ၊ အများရဲ့ သတ် မှတ် ချက်မှာ အောင်နိုင် သည် ဖြစ်စေ၊ ကျရှုံးသည် ဖြစ်စေ၊ လူတစ်ယောက် ဟာ ကိုယ်ရည် ကိုယ်သွေး (၀ါ) လူရည်လူသွေး ၀မ်းစာ ပြည့် နေရင်ဖြင့် ဘ၀မှာ မျက်နှာ ငယ်စရာ မလိုဘဲ အနည်းဆုံးတော့ စိတ်ဓာတ် အင်အား ပြည့်ဝ နေပြီး ကိုယ့်ကိုယ်ကို ယုံကြည်မှု ရှိနေမှာ ဖြစ်ပါကြောင်း အားပေး လိုက်ပါတယ် နော်။
ပျိုပျိုမေတို့ သတိထားစရာ (၁)
အချိုရည် လာတိုက်ရင်
မိန်းကလေး သဘာဝ ပတ်ဝန်းကျင်မှာ အန္တရာယ် များတတ်တာမို့ သူများနဲ့ ကားကြုံ မလိုက်ဖို့က စလို့ သူများကျွေးတာ မွေးတာ မစားဖို့က အစ သတိပေး ခံရတတ်တာ အပျိုဖော် မ၀င်ခင် အရွယ်လောက် တည်းကပါ။ ကိုယ်နဲ့ သိတဲ့လူ ဖြစ်စေ၊ ကိုယ်နဲ့ မသိတဲ့ လူဖြစ်စေ မိန်းကလေး တစ်ယောက်ကို အချိုရည် လာတိုက်ရင် ဆေးခတ် ခံရတာ သတိထားလို့ ပြောတတ် ကြသလို ဆေးဟာ ခါးလေ့ ရှိလို့ ကော်ဖီလိုမျိုး အရက်လိုမျိုး ခါးတဲ့ အဖျော် ယမကာ ဆိုရင် မသောက်ဖို့ သတိပေး ခံရတတ်တာ မိန်းကလေး အများစုပါ။ ဒါဆိုရင် စပါကလင်လို၊ စပရိုက်စ်လို အကြည်ရောင် အချိုရည် ဆိုရင်ရော..
စပါကလင်တို့ စပရိုက်စ် တို့လို အချိုရည် ထဲကို ဟင်းချိုမှုန့် (Monosodium glutamate) ခတ်လိုက်တဲ့ အခါ အရောင် အဆင်း အနံ့ အရသာ မပြောင်းလဲ ပေမယ့် ဓာတု ဓာတ်ပြုမှု ကတော့ အဆမတန် ပြောင်းလဲ သွားတဲ့ အတွက် အင်မတန် အစွမ်းထက်တဲ့ လိင်စိတ် ကြွဆေး ဖြစ်ပါသတဲ့ရှင်။ တိုးတိုးတိတ်တိတ် သတင်း ပေး သတိပေးပြီး မသောက်မိဖို့ လာတားတဲ့ ၀မ်းမနာ မောင်ငယ်လေးကို ကျေးဇူး အနန္တ ပါပဲ။ လောကမှာ လူယုတ်မာတွေ ပေါပေမယ့် ဒီလို နှမချင်း အမချင်း အမေချင်း စာနာ တတ်တဲ့ လူတွေလဲ ရှိသေးတာမို့ တော်ပါ သေးရဲ့။ ပြုသူ အသစ် ဖြစ်သူ အဟောင်း ဆိုတဲ့ ဓမ္မစကား အတိုင်း ၀ဋ်ကြွေးပါသူက ဖြစ်ရပ် တစ်ခု မှာ ခံရသူ အဖြစ် အပြစ် ပေးဆပ် ရပေမယ့် အပြစ်ကို လုပ်သူကတော့ ၀ဋ်ကြွေး အသစ် မွေးယူ လိုက်တာမို့ သံသရာမှာ တကျော့ပြန် ခံရဦးမှာ အသေအချာ ပါပဲ။ အဲ.. သူဝဋ်ကျွတ်အောင် ငါက အပြစ်ဖြစ်ခံပြီး လုပ်ပေး လို့ ငါ့ကို ကျေးဇူးတင် ဆိုတဲ့ သူများကတော့ လူကို မဟုတ်တော့ လောက်အောင် မိစ္ဆာစိတ် ၀င်နေတဲ့ ဒိဌိ တွေ ဖြစ်တာမို့ လူစာရင်းကို သွင်းဖို့ မလိုတော့ ပါဘူးရှင်။
ဟင်းချိုမှုန့် ခတ်ထား မထား ကြည့်ရုံနဲ့ မြည်းရုံနဲ့ မသိနိုင် တာမို့ ဒီအချိုရည်ကို ကိုယ်ကလဲ သူတပါးကို ဧည့်မခံ၊ သူများ လာဧည့်ခံလဲ မသောက်ဘဲ သောက်ချင်သပဆို ရင်တော့ ပုလင်းအသစ် ၀ယ်လို့ အိမ်မှာသာ စိတ်အေး လက်အေး သောက်တာက စိတ်ချ ရမှာ ဖြစ်ပါကြောင်း…
မှန်ရှေ့မှာ ဆိုရင်
အများသုံး ရေချိုးခန်း၊ အိမ်သာ၊ ဟိုတယ်ခန်းများ၊ ကုန်တိုက် များရဲ့ အ၀တ်လဲခန်းများမှာ အ၀တ် ချွတ်တော့ မယ် ဆိုရင် အဲဒီမှန်ကို သံသယ ၀င်ဖူး ကြပါသလား။ မိန်းကလေး ပီပီ မှန်ကြိုက်ကြ သူချည့် လို့ ထင်မိတာ ပါပဲနော်။ သက်မဲ့ ပစ္စည်း တစ်ခုကို အားအားယားယား လိုက်သံသယ ၀င်ရအောင် ရူးနေလား လို့ အပြစ် တင် မစောလိုက် ပါနဲ့။ သိပ္ပံ ပညာ ထွန်းကားပြီး ခေတ်မီ လှတဲ့ ခေတ်ကြီးမှာ ပြဒါးသုတ် ထားလို့ ကိုယ့် ကိုယ်ကို မြင်နေရတဲ့ မှန်တိုင်း တဖက်ပိတ် မှန် မဟုတ်တော့ ပါဘူး။ တချို့မှန် များဟာ တဖက်က ပြဒါးသုတ် ထားလို့ ကိုယ့်ကိုယ်ကို မြင်နေ ရလောက်အောင် ကြည်လင် ပြတ်သား နေတာမို့ ဟိုဘက် ဒီဘက် ဒိုးယို ပေါက် မြင်နေရတဲ့ မှန်လို့ မထင်ရက်လောက် စရာပါ။ တဖက်ကို အလင်းပြန် နေပေမယ့် မျက်နှာချင်းဆိုင် ဘက်ကို အလင်းပေါက်ပြီး မှန်ရဲ့ တခြား တဖက်က လူကလဲ မှန်ကြည့်နေသူကို ကောင်းကောင်း မြင်နေ ရပါတယ်။ ဒါကို ရိုးရိုး သာမန် မှန် ထင်ပြီး လက်လွတ်စပယ် အ၀တ် အစား လဲမိမယ်၊ ချွတ်မိမယ် ဆိုရင်ဖြင့် မသမာသူ တစုံတယောက်က ကင်မရာနဲ့ ရိုက်ကူး ဖြန့်ချီ ထားလိုက်ရင် က္ကနြေ္ဒ သိက္ခာနဲ့ နေခဲ့သူ စင်စစ်က ကိုယ်လုံးတီး မော်ဒယ်လ် ဖြစ်သွား နိုင်ပါတယ်။
သာမန် ရိုးရိုးကြည့်မှန်နဲ့ ၂ဖက်မြင်မှန် သိသာအောင် စစ်ဆေးနည်းကတော့
သင့်လက်ညှိုးလေးကို အလင်းပြန် မျက်နှာပြင်ပေါ် ထောက်လိုက်တဲ့ အခါ သင့်လက်ညှိုးနဲ့ မှန်ထဲက လက် ညှိုး အရိပ်ကြား အကွာအဝေး သေးသေး တစ်ခု ရှိနေရင် ဒီမှန်ဟာ သာမန် ကြည့်မှန်ပါတဲ့။
ဘာကြောင့် လဲ ဆိုတော့ အလင်းပြန်ဖို့ အတွက် ငွေမှင်ကို မှန်ချပ်ရဲ့ တဖက် မျက်နှာ မှာ သုတ်ထားတာမို့ သင့်လက်ညှိုးနဲ့ လက်ညှိုးရဲ့ အရိပ်ကြား မှန်တစ်ပြားစာ ကွာနေလို့ ပါတဲ့။
အဲလိုမှ မဟုတ်ဘဲ သင့်လက်ညှိုးနဲ့ လက်ညှိုးရဲ့ အရိပ်တို့ အခြားအလပ် မရှိဘဲ ထိနေတယ် ဆိုရင်တော့ မှန်ရဲ့ မျက်နှာပြင်ပေါ်မှာ ငွေမှင်ပါးကို သုတ်ထားတာမို့ ဒါဟာ ၂ဖက်မြင် မှန် ဖြစ်ပါသတဲ့။
အသိ၊ သတိလေး လက်ကိုင် ထားလို့ အမျိုးသမီးများ ကာယိနြေ္ဒကို အမြင်ဖြင့် စော်ကား ခံရခြင်းက ကင်းဝေး နိုင်ကြပါစေ။
မိဘများသို့ သီတင်းကျွတ် ကန်တော့ပန်း
သီတင်းကျွတ်ပြီ ဆိုရင် ရောက်ရာ နေရာကနေ မိဘ ရပ်ထံ ပြန်ပြီး ၀ါကျွတ် ကန်တော့ပွဲ လုပ်ကြ တာ မြန်မာ့ ရိုးရာ အစဉ်အလာပါ။ ဗုဒ္ဓဘာသာ ယဉ်ကျေးမှု အရ မိဘ ကျေးဇူး သိတတ်တာ မင်္ဂလာ တစ်ပါးမို့ မိဘ ကျေးဇူး ကို အတတ်နိုင်ဆုံး ပြန်ဆပ် ကြတာလဲ ချစ်စရာ မြန်မာ့ဓလေ့ပါ။ မိဘ ကျေးဇူး မြင့်မိုရ်ဦး အထူး ကျေအောင် ဆပ်ပါမည်လို့ ကလေး ဘ၀တုန်းက တချို့ ကျောင်းတွေမှာ ကျောင်းသားလေးတွေ ရွတ်ဖူး ကြမှာပါ။ ဒါဆို မိဘ ကျေးဇူးက ဘယ်လောက် ကြီးလဲ။ သားသမီးကို ဘယ်လို ပြုစု ပျိုးထောင်ရင် ဘယ်လို ကျေးဇူး ရှိတာမို့ ဘယ်လောက် ကျေးဇူး ကြီးသလဲ။ ဘယ်လို ပြန်ကျေးဇူးဆပ်မှ ကျေးဇူးကြွေး ကျေမလဲ ဆို တာ မိခင်လောင်း ဖြစ်တော့မယ့် ကျွန်မ သေသေချာချာ လေ့လာပြီးမှ ဒီပို့စ် လေးနဲ့ မိဘ များကို နှလုံးသား ထဲကနေ လှိုက်လှိုက်လှဲလှဲ ကန်တော့လိုက်ပါတယ်ရှင်။ ဗုဒ္ဓဘာသာ မြန်မာ လူမျိုးလို့ နာမည် ခံယူ ထားပြီးမှ သာသနာဖျက် အတွေးအခေါ် အမှားတွေ၊ အယူအဆ အလွဲတွေ၊ ဆုံးမ သြ၀ါဒ အမှားတွေကို ကြားရပါ များ လာတဲ့ အတွက် မိဘများကို တရား နည်းလမ်း ကျနစွာ ကျေးဇူး ဆပ်ချင်တဲ့ အတွက် ဒီပို့စ်ကို ကျမ်းကိုး ကျမ်းကား များနဲ့ တကွ ရေးသား ကျေးဇူး ဆပ်ခြင်း ဖြစ်ပါတယ်။
မိဘ ဆိုတာ သားသမီးအပေါ် ဘယ်လောက် ကျေးဇူး ကြီးသလဲ
ကျေးဇူးဆိုတာ ပြုလေ ကြီးလေပါ။ မိဘက သားသမီး အပေါ်ကျေးဇူးပြုမှု များလေလေ ကျေးဇူး ကြီးလေလေး ပါပဲ။ အကျယ် မရေးသာ ပါဘူး။
ဘုရားတောင် အမေ့ကျေးဇူးကို နို့ တစ်လုံးဖိုးပဲ ကျေတယ် ဆိုတာ ဟုတ်သလား။
မြတ်စွာဘုရားရဲ့ မယ်တော်ရင်း မယ်တော် မာယာဟာ မြတ်စွာဘုရားကို ဖွားမြင် အပြီး ၇ရက် အကြာမှာ နတ်ရွာစံတဲ့ အတွက် မြတ်စွာဘုရားကို နို့တိုက်ရလှ ခုနှစ်ရက် ပါပဲ။ စကြာဝတေးမင်းလောင်း အဖြစ် ဗေဒင် ဟော ခံရတဲ့ တူတော်မောင်ကို အဒေါ်ရင်း ဖြစ်သူက တူတောင်မောင်နဲ့ တစ်ရက်တည်း မွေးတဲ့ သားရင်း ရှိပေမယ့် သားရင်းကို နို့ထိန်း မိခင်နဲ့ ထားပြီး သူကိုယ်တိုင် ကတော့ မြတ်စွာ ဘုရား အလောင်း သိဒ္ဓတ္ထ မင်းသားကို နို့တိုက်ပါတယ်။ သူကတော့ မိထွေးတော် ဂေါတမီပါ။ ဒီတော့ နို့ကြွေးကို ပြောရကြေး ဆိုရင် မြတ်စွာဘုရားလောင်းဟာ မိခင်ရင်းရဲ့ နို့ထက် မိထွေးတော်ရဲ့ နို့ကို ပိုသောက် ခဲ့ရ ပါတယ်။ အဲဒီ မိထွေးတော် ဂေါတမီ ထေရီမကြီး ပရိနိဗ္ဗာန် ၀င်စံ ခါနီးမှာ လျှောက်ထား ခဲ့တာလေး ကတော့
"မြတ်စွာဘုရား၊ အရှင်ဘုရားကို တပည့်တော်က လောက နို့ရည် တိုက်ကျွေးပြီး အရှင်ဘုရားရဲ့ ရုပ်ကိုယ် ထည်ကြီး ကြီးထွားလာအောင် မွေးမြူ ခဲ့ရတဲ့ အတွက် တပည့်တော်ဟာ အရှင်ဘုရားရဲ့ မယ်တော်ကြီး (မိခင်) ဖြစ်ပါတယ်။ တပည့်တော်ကို အရှင် ဘုရားက ဓမ္မ နို့ရည် တိုက်ကျွေးပြီး တပည့်တော်ရဲ့ တရား ကိုယ်ထည် ကြီးထွားလာအောင် မွေးမြူ ခဲ့ရတဲံ အတွက် အရှင် ဘုရားဟာ တပည့်တော်ရဲ့ ဖခင် ဖြစ်ပါတယ်။ တပည့်တော် တိုက်ကျွေး ခဲ့တဲ့ လောက နို့ရည်ဟာ ဆာလောင် မွတ်သိပ်ခြင်းကို တဒင်္ဂ တခဏပဲ ငြိမ်းအေး ပြေပျောက် စေနိုင်ပါတယ်။ အရှင် ဘုရား တိုက်ကျွေးတဲ့ ဓမ္မ နို့ရည် ကတော့ ဆာလောင် မွတ်သိပ်ခြင်းကို အမြဲ ထာဝရ ငြိမ်းအေး ပြေပျောက် စေနိုင် ပါတယ်။ မြတ်စွာဘုရား… အရှင် ဘုရားဟာ တပည့်တော်ကို ကိလေသာ အနှောင်အဖွဲ့ အားလုံးမှ လွတ်မြောက်အောင် စောင့်ရှောက် ကယ်တင် နိုင်ခဲ့တဲ့ အတွက် တပည့်တော် အပေါ်မှာ အရှင် ဘုရားဟာ နို့ဖိုးကြွေး လုံးဝ မကျန်တော့ပါ။ မယ်တော့ ကျေးဇူးကို နို့နှစ်လုံး ဖိုးလုံး အကျေ ဆပ်နိုင်ခဲ့ ပြီးပါပြီ ဘုရား" တဲ့။ ပိဋကတ် ကျမ်းစာ အညွှန်းကတော့ ထေရီ အပဒါန ပါဠိတော် စာမျက်နှာ ၂၀၉၊ ဂါထာ ၁၃၃ ဖြစ်ပါတယ်။
မိထွေးတော် ဂေါတမီ ထေရီမကြီးရဲ့ နို့ဖိုးကြွေး ရှင်းတမ်း လျှောက်ထားချက်ကို မြတ်စွာ ဘုရားရှင်က ငြင်းဆန်ခြင်း လုံးဝ မပြုဘဲ လက်ခံတော် မူခဲ့တဲ့ အတွက် အဲဒီ လျှောက်ထားချက်ဟာ မြတ်စွာဘုရားရဲ့ မိန့်ကြားချက်နဲ့ တူတူ ပါပဲ။ တကယ်လို့ နို့ဖိုးကြွေး မကျေဘူးဆိုရင် မြတ်စွာဘုရားဟာ စကားကို ပြင်ပြော ပေးမှာ အသေအချာပါ။ ခုတော့ ဆိတ်ဆိတ်နေခြင်းဖြင့် ၀န်ခံ ခဲ့ပါတယ်။
ဆာလောင် မွတ်သိပ်ခြင်း ဆိုတာ တဏှာပါ။ အမေ့နို့ရည်ဟာ နို့ဆာတဲ့ တဏှာကိုသာ တခဏ အားဖြင့် ပယ်ဖျောက် ပေးနိုင်ပါတယ်။ တခြား လိုချင် တပ်မက်ခြင်း တဏှာ တွေကို ပယ်ဖျောက် မပေးနိုင်ပါဘူး။ (ဒါဟာ မှန်သော သစ္စာ တရားချက် ဖြစ်ပြီး မိခင် ကျေးဇူး ရှုထောင့်နဲ့ ရောထွေးပစ်ပြီး တလွဲ ဆံပင် ကောင်းစရာလဲ မလိုပါဘူး)။ သစ္စာလေးပါး မြတ်တရား ဆိုတဲ့ ဓမ္မ နို့ရည်ကတော့ ဆာလောင် မွတ်သိပ်မှု တဏှာ အားလုံးကို အကြွင်းမဲ့ ပယ်ဖျောက်ပေးနိုင်ပါတယ်။ သစ္စာလေးပါးကို အရဟတ္တ မဂ်နဲ့ ထိုးထွင်း သိမြင်ပြီးလို့ ရဟန္တာ ဖြစ်သွားပြီ ဆိုရင် ဘယ်အရာကိုမှ ဆာလောင် မွတ်သိပ်မှု မရှိတော့ ပါဘူး။ အာရုံ အားလုံး ဘ၀ အားလုံးကို ဘာကိုမှ သာယာ နှစ်သက် တပ်မက် တွယ်တာမှု မရှိတော့တဲ့ အတွက် တဏှာ အဆာဓာတ် အားလုံး အပြီးတိုင် ချုပ်ငြိမ်း ပြေပျောက် သွားပါပြီ။
မြတ်စွာဘုရားရှင်ဟာ မိခင်နို့ ခုနှစ်ရက် တိုက်ကျွေး ခဲ့တဲ့ မယ်တော်ရင်း မာယာဒေ၀ီ ကနေ ဘ၀ပြောင်း သွားတဲ့ သန္တုသီတ နတ်သားကို ၀ါတွင်း သုံးလ ပတ်လုံး အဘိဓမ္မာ တရား ဟောကြား ပေးခြင်း အားဖြင့် သောတာပန် ဖြစ်အောင် ဓမ္မနို့ရည် တိုက်ကျွေး ခဲ့ပါတယ်။ သာမန် ပုထုဇဉ် အဆင့်ကို ကျော်လွန်ပြီး အောက်ထစ်ဆုံး သောတာပန် အရိယာ အဆင့်ကို ရောက်သွားတယ် ဆိုရင်ဘဲ အလွန်ဆုံး ခုနှစ် ဘ၀သာ လောကမှာ ကျင်လည်ပြီး သိပ်မကြာလှတဲ့ အချိန်မှာ ရဟန္တာ ဖြစ်ဖို့ သေချာပြီး ဖြစ်တဲ့ အတွက် မိခင် ရင်းကို သောတာပန် ဖြစ်အောင် ဓမ္မနို့ရည် တိုက်ကျွေး ပြီးတဲ့ မြတ်စွာ ဘုရားရှင်မှာ နို့တစ်စက်ဖိုးမှ အကြွေးမကျန် တော့ပါဘူး။ မိခင် နှစ်ပါးလုံး အပေါ်မှာ နို့နှစ်လုံး ဖိုးလုံး ကျေပါတယ်လို့ ရွှေပါရမီတောရ ဆရာတော် အရှင် ဆန္ဒာဓိက က ဟောကြား ခဲ့တဲ့ တရားတော်ကို ၂၀၀၂ စက်တင်ဘာ ၁၈ ရက်နေ့ထုတ် အင်တာဗျူး ဂျာနယ် မှာ ဖတ်ရှု ခဲ့ရ ပါတယ်။ ဒါ့ပြင် မြတ်စွာဘုရားတောင်မှ မိခင် ကျေးဇူးကို နို့တလုံးဖိုးပဲ ကျေအောင် ဆပ်နိုင် ခဲ့ပါတယ် ဆိုတဲ့စကားဟာ တက်တက်စင်အောင် လွဲမှားတဲ့ လုပ်ကြံ စကားသာ ဖြစ်တယ်လို့ ဆရာတော်က မိန့်ကြား ခဲ့ပါတယ်။ ဒီစကားကို ပြောသူဟာ ဘုရားကိုလည်း စော်ကားရာ ရောက်သလို တရားကိုလည်း ဖျက်ဆီးရာ ရောက်တာမို့ သာသနာ ဖျက်တဲ့သူ လို့တောင် ပွင့်ပွင့်လင်းလင်း ပြောနိုင်တဲ့ အထိ အကုသိုလ် ကြီးပါတယ်လို့လဲ ဆရာတော်က မိန့်ကြား ထားပါတယ်။
မိဘ စကား နားမထောင်ရင် ဒုက္ခနဲ့ တွေ့မယ် ဆိုတာ ဟုတ်သလား။
မိဘကို စိတ်ဆင်းရဲအောင် မျက်ရည်ပေါက် ကြီးငယ် ကျအောင် လုပ်တိုင်းသာ ငရဲ ကြီးစတမ်း၊ တသက်လုံး ဆင်းရဲ စတမ်း ဆိုရင် ဂေါတမ မြတ်စွာဘုရားဟာ ဘုရား အဖြစ် ပွင့်ဖို့တောင် မဖြစ်နိုင်တော့ ပါဘူး။ ဒါဟာ လုပ်ပုံ လုပ်နည်း စိတ်စေတနာနဲ့ မိဘရဲ့ စိတ်ထား အပေါ် မူတည်တယ်လို့ ပြောချင် ပါတယ်။ ဒီနေရာမှာ မိဘရဲ့ ဘယ်လို စကားကို ပြောချင် တာလဲ ဆိုတာပေါ် မူတည် ပါလိမ့်မယ်။ မိဘ စကား နားမထောင်တိုင်း ဒုက္ခနဲ့ တွေ့တာကို တချို့က ဥပမာ လာပေး ပါတယ်။ မဟာ ဇနက ဇာတ်မှာ အမေ တား တဲ့ ကြားက ဘုရားလောင်း ဇနက မင်းသားက ကုန်ကူးလို့ လမ်းမှာ သင်္ဘော မှောက်ရပါသတဲ့။ တော်တော် ပြုံးချင်စရာ လိုရာဆွဲ ပြောတဲ့ စိတ်ပညာ ဆိုင် ရာ အကြပ်ကိုင်မှု လေးပါပဲ။ မြတ်စွာ ဘုရားရဲ့ ဘ၀ ဖြစ်စဉ် တွေ ထဲမှာ ဇာတ်ကြီး ဆယ်ဘွဲ့ ဆိုတဲ့ ဘ၀ကြီး ဆယ်ဘ၀ဟာ သူ့သံသရာမှာ ပါရမီ ဆယ်ပါးထဲက တစ်ပါး စီကို အဆုံးစွန် ဖြည့်ကျင့် ရတဲ့ ဘ၀တွေမို့ ဇာတ် ကြီး ဆယ်ဘွဲ့ အဖြစ် တခမ်းတနား သတ်မှတ် ထားရတာ ဖြစ်ပါတယ်။ မဟာ ဇနက ဇာတ်ဟာ ၀ီရိယ ပါရမီ ကို အဆုံးစွန် ဖြည့်ကျင့် ရတဲ့ ဘ၀မို့ ဘယ်လိုမဆို ဘုရား အလောင်း ဇနက မင်းသားဟာ သမုဒ္ဒရာကို လက်ပစ် ကူးရမှာက ကူးရမှာပါပဲ။ အမေ တားလို့ အမေ့ စကား နားထောင်ရင် လက်ပစ်ကူးစရာလဲ မလိုသလို ပါရမီ လဲ ဖြည့်ဖြစ်တော့မှာ မဟုတ်တာမို့ ဘုရားလဲ ဖြစ်စရာ ရှိပါ့မလား လို့ပဲ ပြန်ပြီး ထောက်ပြ ပြောချင် ပါတယ်။
အမေ လုပ်သူက သားဒုက္ခ ရောက်မှာ စိုးတဲ့ မေတ္တာလေးက ကြည်ညို ချင်စရာ ကောင်းပြီးသားပါ။ ဒါကို စိတ် ပညာ ဘာသာရပ်ကို ခုတုံးလုပ်ပြီး သားသမီးကို ကိုယ် ကြိုးဆွဲရာ ကစေချင်တာနဲ့ပဲ ဘာသာရေးနဲ့ ဗုဒ္ဓ၀င်ကို အသုံးချပြီး လိုရာဆွဲ ပြောတာကတော့ အင်မတန် ရုပ်ဆိုး သလို "သာသနာဖျက်" အဖြစ်လဲ အပြစ် ကြီးလေး လွန်းလှတာမို့ မိဘများ အထူးသဖြင့် မိခင်များ အထူး သတိပြု ရှောင်ရှား စေချင် ပါတယ်ရှင်။
နောက်ပြီး ပြောချင်တာက ဗုဒ္ဓသာသနာတော်ကို ကနဦး တည်ထောင်တော် မူတဲ့ မြတ်စွာ ဘုရားသာ မိဘ စကား နားထောင်ရင် ဟိန္ဒူ ဘာသာဝင်သာ ဆက်ဖြစ်နေမှာ ဖြစ်ပြီး မိဘ စကား နားမထောင်ဘဲ အိမ်ပြေး အဖြစ် တောထွက်ရင်း တရားစစ် တရားမှန်ကို ရှာဖွေ ခဲ့လို့သာ ဘုရားအဖြစ် ရောက်ခဲ့တာ ဆိုတာ အထူး ပြောစရာ လိုပါ့မလားရှင်။ ပြီးတော့ သာသနာဦး အစမှာ ဂေါတမ မြတ်စွာ ဘုရားရဲ့ တပည့်သား သာဝက အဖြစ် လာရောက် ခိုလှုံ ကြတဲ့ သူများ အားလုံးဟာ ဟိန္ဒူနဲ့ တခြား ဘာသာဝင် များချည့်သာ ဖြစ်ပါတယ်။ သူတို့ အားလုံး မိရိုးဖလာကို စွန့်ပြီး မြတ်စွာ ဘုရားရဲ့ သာသနာအောက် ရောက်လာ ကြတာ မိဘ စကား နားထောင်ပြီး ရောက်လာတာလား။ ကိုယ့် စဉ်းစားဉာဏ် ဆင်ခြင် သုံးသပ်တတ်တဲ့ အသိဥာဏ်နဲ့ ဗုဒ္ဓ သာ သနာထဲ ရောက်လာတာလား ဆို တာလေး ပြန် သတိ ထားစေ ချင်ပါတယ်။ ဒါပေမယ့် အဲဒီ သာဝကတွေ အားလုံးဟာ သံသရာ တလျှောက် ဆင်းရဲဒုက္ခ ကင်းငြိမ်းရာမှန် မြတ်နိဗ္ဗာန်ကိုသာ ဆိုက်ရောက် ပြီး ဒုက္ခ အားလုံး ချုပ်ငြိမ်း သွားခဲ့ ကြပါတယ်။ ဒါလောက်ဆိုရင် မိဘ စကား နားမထောင်တဲ့ သူတိုင်း ဒုက္ခ ရောက် ရတယ် ဆိုတဲ့ စကား ကြီးဟာ ဘယ်လောက် အထိ သာသနာဖျက် ဆန်သလဲ။ မှားယွင်း နေပြီလဲ ဆိုတာ သိသာ လောက်ပါပြီ နော်။ ဒါပေမယ့် တလွဲ ဆံပင် ကောင်းပြီး မိဘ စကား မှန်သမျှ နားမထောင်ဘဲ အိမ်ပြေး လုပ်ရမယ်လို့ မဆိုလိုကြောင်းလဲ သတိ ထားစေ ချင်ပါတယ်။
မိဘကို စိတ်ဆင်းရဲအောင်၊ မျက်ရည်ပေါက် ကြီးငယ် ကျအောင် လုပ်ရင် တသက်လုံး ဆင်းရဲတယ်။ ငရဲ ကြီးတယ် ဆိုတာ ဟုတ်သလား။
နောက်တစ်ချက်က မိဘ မျက်ရည်ပေါက် ကြီးငယ် ကျရင် သားသမီး တသက်လုံး မကောင်းစားဘူး ဆိုတဲ့ စကား လေးပါ။ မိဘက ဘာကြောင့် မျက်ရည် ကျတာလဲ။ သားသမီးက တရားနည်းလမ်း ကျနေလျက်နဲ့ မိဘက ကိုယ့်ရဲ့ တဖက်စောင်းနင်း အတ္တ ဆန္ဒ လိုဘတွေ မပြည့်လို့ သားသမီး အပေါ် မဲပြီး မျက်ရည် ကျတာ ဆိုရင်တော့ အဲဒီ မျက်ရည်ဟာ မိဘနဲ့ပဲ ဆိုင်ပါတယ်။ မိဘ မျက်ရည်ပေါက် ကြီးငယ် ကျတိုင်းသာ သားသမီး ဆင်းရဲ ဒုက္ခ ရောက်ရမယ် ဆိုရင် ဂေါတမ မြတ်စွာ ဘုရားဟာ ဆင်းရဲတွင်းထဲက တက်ရစရာ အကြောင်းကို မရှိ ပါဘူး။
ဘုရားအလောင်း သိဒတ္ထ မင်းသား တောထွက်တော့ မိထွေးတော် ဂေါတမီနဲ့ ဖခင်ရင်း သုဒ္ဓေါဒန မင်းကြီး တို့ ငိုလိုက်ရတာ.. လောကီ ရေးရာနဲ့ ပြောရရင် ဘုရင် တပါးက သားတော် လေး မွေးချိန်မှာ တိုင်းပြည်က ထွက်ပြေးတာလေ။ အဖေ မင်းကြီး ခမျာ သားပျောက်တဲ့ သောက အပူ အပြင် သားဘုရင်ရဲ့ တိုင်းပြည် အပေါ် တာဝန်မဲ့မှု၊ ဇနီးနဲ့ သားအပေါ် တာဝန်မဲ့မှု တွေအတွက် ဘယ် လောက် မျက်နှာပူမလဲ။ ဒီကြားထဲ သားဘုရင် ပစ်ပြေးတဲ့ သားဖွားပြီးစ ချွေးမက ဘုရင့် သမီးတော်။ ခမည်း ခမက်ကို ဘယ်လို မျက်နှာ ပြရ မလဲ။ လောကီ အနေနဲ့ တွေးရင် ဒီသားက ဖခင် မျက်နှာ အိုးမည်းသုတ်တဲ့ သား ဖြစ်မနေ ဘူးလား။ သုဒ္ဓေါ ဒန မင်းကြီး ခမျာ ငိုလိုက်ရတာ။ ဒါတင် ပြီးပြီလား ဆိုတော့ သားတော်ငယ် နန္ဒမင်းသား ဘုရင် အဖြစ် ရာဇ ဘိသိက် တင်တဲ့ နေ့မှာ သပိတ်ထမ်းပြီး ကျောင်းလိုက် ပို့ခိုင်းပြီး ရဟန်း ၀တ်ပေး လိုက်ပြန်လို့ နောက်တ ရှက် ထပ်ကွဲ ပြန်တယ် ဆိုပြီး ငိုလိုက် ရတာ။ နောက်ဆုံး ဘုရင် မျိုးဆက် မျှော်လင့် ချက် ဖြစ်တဲ့ မြေးတော် လေး ရာဟုလာကို အမွေ တောင်းခိုင်း လိုက်တာ ကိုရင် ၀တ်ပေး လိုက်ပြန်တော့ သူ့နှလုံးသား ကြေပျက် သလို ခံစားရပါတယ်လို့ ကိုယ်တိုင် ဘုရားကို လျှောက်ယူ ရတဲ့ အထိ ပါပဲ။
ဒီ ငိုပွဲတွေ အားလုံးဟာ သံယောဇဉ် အပူမီးနဲ့ အတ္တတွေ၊ တရားကို မသိမှု မောဟနဲ့ အ၀ိဇ္ဇာ တွေကြောင့် ငိုရတဲ့ ငိုပွဲတွေ ဖြစ်ပါတယ်။ တကယ်က လောကီနယ်ကနေ လွန်မြောက် နေတဲ့ မြတ်စွာ ဘုရား အဖို့ အရာရာကို အဆုံးအစ မရှိ သိမြင်တော် မူတဲ့ မြတ်စွာ ဘုရားရဲ့ သံသရာ တလျှောက် စာ အငိုရပ်အောင် ဆောင်ရွက်မှု တွေသာ ဖြစ်ပါတယ်။ ဒါကြောင့် တရားသိသူ တွေရဲ့ ဆောင်ရွက်ချက်တွေဟာ တရားမရှိသူ တွေရဲ့ အငိုပွဲ ဆက်အောင် လုပ်တဲ့ ဖြစ်ရပ် ဖြစ်နေစေ ဦးတော့ ဒါဟာ တကယ် တော့ အပြစ် မရှိ ပါဘူး။ ဒါကြောင့် မိဘ မျက်ရည်ပေါက် ကြီးငယ် ကျအောင် လုပ်တဲ့ သားသမီး ငရဲကြီးတယ် တသက် လုံး ဆင်းရဲ ဒုက္ခ ရောက်ရတယ် ဆိုတဲ့ စကားကို လက်လွတ်စပယ် မပြောသင့် သလို အာဏာရှင် သာသနာ ထူထောင် ဖို့ အတွက် စိတ်ပညာ အသုံးချ လုပ်ရပ် အဖြစ်နဲ့လဲ ဗုဒ္ဓဘာသာကို ခုတုံးလုပ် အသုံးချမှု မပြုသင့် ပါဘူး။ လုံးဝကို ဖီလာ ဆန့်ကျင် ပြောင်းပြန် ဖြစ်နေလို့ပါ။ အထူး သတိ ထားရမယ့် အချက် ဖြစ်ပါတယ်။
မိဘ ဆိုတာ သားသမီးကို ပုံသွင်းသူမို့ ဆန်ဖွပ်သလို ဆန်ရင်း နာနာဖွပ်မှ သားသမီး လိမ်မာမယ် ဆိုတာ ဟုတ်သလား။
ပဋိစ္စ သမုပါဒ် လာ တရားတော် အရ လူတိုင်းမှာ သံသရာ တလျှောက် ကျင်လည်ရာ ဘ၀ အဆက်ဆက်က အထုံပါလာတဲ့ စရိုက်တွေ ရှိကြ ပြီးသားမို့ ရာဂ စရိုက်၊ ဒေါသ စရိုက်၊ ပညာ စရိုက်၊ မောဟ စရိုက် ရှိသူ ဆိုပြီး အသီးသီး ရှိကြ ပြီးသား ဖြစ်ပါတယ်။ ဒါကို မိဘတွေက ငါက မွေးပြီး ငါက ကျွေးလို့ လူဖြစ် လာရတာ ငါ့သားသမီးကို ငါလိုချင်ရာ ပုံစံ အတိုင်း ငါပုံသွင်းလို့ မရရင် ငါညံ့ရာ ကျတယ်ဆိုပြီး အတင်းလုပ်ယူ၊ မရတဲ့ အခါကျတော့ အမွေပြတ်၊ ရောဂါတက် စသဖြင့် ပြသနာ မျိုးစုံ တက်ကြတာဟာ အင်မတန် တရားမဲ့လို့ ငါစွဲ အတ္တ ကြီးလွန်းလို့ ဖြစ်ရတာ လို့ မိုးကုတ် ဆရာတော် ဘုရားကြီးရဲ့ တပည့်ရင်း ဦး စန္ဒာဝရာ ဘိဝံသက ၂၀၀၀ ခုနှစ်ထုတ် ပဋိစ္စ သမုပါဒ် နဲ့ ဘ၀အမြင် စာအုပ်မှာ သေချာပေါက် မိန့်ကြား ခဲ့ဖူး ပါတယ်။ ဒီနေရာမှာ မိဘရဲ့ ကောင်းစေချင်တဲ့ ဆိုဆုံးမမှုကို မဆိုလို ပါဘူးနော်။ မိဘရဲ့ တရားနည်းလမ်း တကျ ဆုံးမ စကားဟာ ပစ္စုပ္ပန် ရော သံသရာ မှာပါ အကျိုးကျေးဇူး များလှတဲ့ အတွက် ကျေးဇူး များလှတာမို့ တယူသန်ပြီး တလွဲ ဆံပင် ကောင်းရင်တော့ ကိုယ်ကျိုး နည်းတတ် ပါတယ်။
သားသမီးက မိဘ စကားကို တသဝေ မတိမ်း နားထောင် နာခံမှ မိဘ စိတ်ချမ်းသာမှ ကျေးဇူး ဆပ်ရာ ရောက်တယ် ဆိုတာ ဟုတ်သလား။
ဘယ်ပိဋကတ်တော် ထဲမှာမှ မပါတဲ့၊ ဘယ်နီတိ ထဲမှာမှ မပါတဲ့ လုပ်ကြံ စကားသာ ဖြစ်ပါတယ်။ ဒါ့အပြင် မိဘစကားကို တသဝေ မတိမ်း နားထောင်ပြီး မိဘ စိတ်ချမ်းသာအောင် ထားတယ် ဆိုတာဟာ တကယ်က မိဘကို ကုသိုလ်စိတ် ဖြစ်အောင် လုပ်ရာ မကျဘဲ မိဘက သားသမီး အပေါ် သံယောဇဉ် ပိုကြီး ပိုတွယ်တာ အောင် လုပ်ရာသာ ကျပါတယ်။ မိဘက သားသမီး အပေါ် တွယ်တာမှု ပိုများ လာလေ၊ ဒုက္ခ ပိုများ လာလေ မဟုတ် ပါလား။ ဓမ္မစကြာ သုတ်မှာ သမုဒယ သစ္စာကြောင့် ဒုက္ခ သစ္စာ ဖြစ်တယ်လို့ အတိအလင်း ပါပါ တယ်။ သမုဒယ သံယောဇဉ် များတာဟာ ဒုက္ခ များခြင်းရဲ့ အကြောင်း တရား ဖြစ်တာမို့ မိဘက ကိုယ့်ကို တွယ်ကပ် သံယောဇဉ် ကြီးမားအောင် လုပ်တာဟာ မိဘ ဒုက္ခ များအောင် လုပ်တာနဲ့ တူတူ ပါပဲ။ မိဘကို ဒုက္ခ များအောင် လုပ်တာဟာ မိဘကို ကျေးဇူးဆပ်ရာ ရောက်ပါ့မလားရှင်။
မိဘ ကျေးဇူးကို ဘယ်လိုနည်းနဲ့ အမြင့်မြတ်ဆုံး အကျေဆပ် မလဲ။
မြတ်စွာ ဘုရားရှင်ဟာ မိခင် ကျေးဇူးကိုသာ ကျေအောင် ဆပ်တာ မဟုတ်ဘဲ ဖခင်ကျေးဇူးကိုလဲ ကျေအောင် ဆပ်နိုင် ခဲ့ပါတယ်။ သုဒ္ဓေါဒန မင်းကြီးကို လူဝတ်ကြောင် ဘ၀နဲ့ ရဟန္တာ ဖြစ်ပြီး ကျွတ်တမ်း ၀င်အောင် လမ်းညွှန် ပေးနိုင် ခဲ့တဲ့ အတွက် ဖခင် ကျေးဇူးကိုလဲ ဆပ်နိုင်ခဲ့သူပါ။ ဒါတင် မက "ငါဘုရား မိဘကျေးဇူးကို အကျေ ဆပ်နိုင် သလို သင်ချစ်သား ချစ်သမီး တို့လည်း မိဘ ကျေးဇူးကို အကျေ ဆပ်နိုင် ပါတယ်" လို့ပဲ မိန့်တော် မူခဲ့ ပါတယ်။ ဘယ်လို ဆပ်ရမလဲ ဆိုတာကို ခုလို မိန့်ကြား ခဲ့ပါတယ်။
ချစ်သား ချစ်သမီးတို့.. စကားကုန်ပြောရမယ် ဆိုရင် မိဘ နှစ်ပါးကို နှစ်သက်ဖွယ် ရတနာတွေ အများကြီး ရှိတဲ့ မြေပြင် တစ်ခုလုံးကို စိုးမိုးအုပ်ချုပ် နိုင်တဲ့ စကြာဝတေးမင်း ရာထူးမှာ ထားပြီး ကျေးဇူး ဆပ်ဦးတော့၊ မိဘကျေးဇူးကို ကျေအောင် ဆပ်ရာ မရောက်ပါဘူး။
သီလ မရှိတဲ့ မိဘကို သီလနဲ့ ပြည့်စုံအောင်
သဒ္ဓါတရား မရှိတဲ့ မိဘကို သဒ္ဓါတရားနဲ့ ပြည့်စုံအောင်၊ မပေးရက် မလှူရက် နှမြောတွန့်တို တဲ့မိဘကို စွန့်ကြဲ ပေးကမ်း လှူဒါန်းခြင်းနဲ့ ပြည့်စုံအောင်
စိတ်ထားမတတ် အကျင့်အမူ မကောင်းတဲ့ မိဘကို စိတ်ထားတတ်အောင်
ပညာဥာဏ် မရှိတဲ့ မိဘကို ပညာဥာဏ်နဲ့ ပြည့်စုံအောင်
ကောင်းစွာ နာယူ ဆောက်တည် စေမယ် လေးလေးနက်နက် သက်ဝင် စေမယ် ခိုင်ခိုင်ခံ့ခံ့ တည်တံ့မြဲမြံ စေမယ် ဆိုရင် မိဘ ကျေးဇူးကို တုံ့ပြန် ပြီးသား အကျေဆပ်ပြီးသား ဖြစ်ပါတယ် လို့ ဟောခဲ့ ပါတယ်။ သဒ္ဓါ၊ သီလ၊ စာဂ၊ ပညာ လို့ ခေါင်းစဉ် တပ်ပြီး ဟောထား ပေမယ့် လိုရင်းကတော့ မိဘကို ကုသိုလ် တရား တိုး ပွား သထက် တိုးပွား လာအောင် တရားထူး တရား မြတ် ရရှိသထက် ရရှိ လာအောင် စွမ်းဆောင် ကူညီပြီး ကျေးဇူး ဆပ်ဖို့ပါ။
ဒါဟာ ဘုရားဟော မူရင်းပါပဲ။ မိဘကျေးဇူးကြွေး မကျေတဲ့ ဆပ်နည်းကိုရော၊ ကျေးဇူး ကျေတဲ့ ဆပ်နည်း ကိုပါ အတိအကျ ညွှန်ကြား ထားပါတယ်။ ဒီနေရာမှာ တခုတော့ ပြောချင်ပါတယ်။ တချို့ မိဘများ (ကျွန်မ ကိုယ်တွေ့ ကြုံဖူးသဖြင့် ပြောခြင်းပါ) ဟာ နိုင်ငံ ရပ်ခြားက သားသမီး များထံ အကြောင်းပြချက် ပေါင်းစုံဖြင့် အလွန်အမင်း ငွေမှာပြီး ကုသိုလ် ပြုပါ တယ်။ စေတနာ အရင်းခံ သလား၊ ကြွားချင်တဲ့ စိတ်က အရင်းခံ သလား ဆိုတာ ကိုယ်တိုင်က အသိဆုံး ဖြစ်ပါလိမ့်မယ်။ ငွေရှာရတဲ့ သား သမီး က မနိုင်မနင်း ဖြစ်လာလို့ အမေ လှူတာ စိစစ်ပါဦးလို့ ပြောလာရင် ဒိဌိလို့ ပြန်လှန် စွပ်စွဲ ကြပါသေးတယ်။ ဒါကြောင့် မိဘများ ကိုယ့် စိတ်ကို သဒ္ဓါ စိတ်က အဓိကလား၊ ကြွားဝါ ပလွှားချင်လို့ လှူပြ ချင်တဲ့ စိတ်က အဓိက လား ဆိုတာ ပြန် ဆန်းစစ်ဖို့ လိုပါတယ်။ ဒါဟာလဲ စိတ်ထား မတတ်တဲ့ မိဘကို စိတ်ထား တတ်အောင် လမ်းညွှန်ခြင်းမို့ မိဘ ကျေးဇူး ဆပ်နည်း ပါပဲ။ မိဘ များက ငါ့ကို ပြန်ဆရာ လုပ်တယ်လို့ စွပ်စွဲ လာရင်တော့ ဒါဟာ ဆရာလုပ်တာ မဟုတ်ဘဲ မြတ်စွာ ဘုရား ကိုယ်တော် တိုင်က နည်းလမ်း ပေးခဲ့တဲ့ မိဘ ကျေးဇူး ဆပ်နည်းပါပဲ လို့ ပြော ရမှာ ဖြစ်ပါတယ်ရှင်။
ဒါကြောင့် မိဘ စိတ်ချမ်းသာသည် ဖြစ်စေ၊ စိတ်မချမ်းသာသည် ဖြစ်စေ သူတို့ရဲ့ အတိတ်ဘ၀က ပါလာတဲ့ စရိုက်ပေါ် မူတည်ပြီး စိတ်ခံစားမှု မျိုးစုံ ရှိနေ နိုင်ပေမယ့် မိဘ ကျေးဇူးကို ရုပ်ပိုင်း ဆိုင်ရာ အရရော စိတ်ပိုင်း ဆိုင်ရာ အရပါ အဆင့် အတန်း မြင့်အောင် ကျေးဇူး ဆပ်နေတဲ့ သားကောင်း သမီးကောင်း ရဲ့ ထံမှောက်ကို ကံကောင်းခြင်း တွေက အရပ် ဆယ်မျက်နှာကနေ ၀င်လာမစဲ တသဲသဲ ဆိုသလို အလုံးအရင်းနဲ့ ၀င်လာမှာ ကတော့ သေချာပေါက် ပါပဲလို့ ရွှေပါရမီ တောရ ဆရာတော် ရှင် ဆန္ဒာဓိကက ဟောကြား ခဲ့တာကို ၂၀၀၃ အောက်တိုဘာ ၃ရက်နေ့ထုတ် အလင်းတန်းဂျာနယ်မှာ ဖတ်ရှု နိုင်ပါတယ်ရှင်။
တလောကလုံးမှာ ရှိတဲ့ မိဘ များကို ရည်စူးပြီး မိဘ ကျေးဇူး အထူး ဆပ်နိုင်ကြ စေဖို့ မိဘ ကျေးဇူး အကျေ ဆပ်နည်းကို ခုလို ရေးသား ဖြန့်ချီ ရတဲ့ ကုသိုလ်အကျိုးကို တသံသရာ လုံးမှာ တော်စပ်ခဲ့ ဖူး သမျှ မိဘ မှန်သမျှ အမှူးပြုပြီး တလောက လုံးကို အမျှ ပေးဝေ ပါတယ်…
အမျှ … အမျှ… အမျှ ယူတော်မူကြ ပါကုန်လော့....
You received this email because you are subscribed to the real_time feed for http://khunmyahlaing.blogspot.com/feeds/posts/default. To change your subscription settings, please log into RSSFWD.