လေ့ကျင့်ခန်းဆိုတာရဲ့ အကျိုးသက်ရောက်မှုများ
လူတွေဟာ အကြောင်းအမျိုးမျိုးကြောင့် လေ့ကျင့်ခန်း လုပ်ကြပါတယ် ။ တချို့က ၀ိတ်ကျချင်လို့ ၊ တချို့က ကျန်းမာရေးကောင်းချင်လို့ ၊ တချို့ကတော့ ဆရာဝန်က မဖြစ်မနေ လုပ်ကိုလုပ်ရတော့မယ်လို့ ပြောတာ ခံရလို့ ၊ တချို့ကတော့ relaxation လုပ်တဲ့သဘောနဲ့ စသည်ဖြင့် ။ ကျွန်မကတော့ လေ့ကျင့်ခန်းလုပ်တာ အဓိက အချက်သုံးချက်ကြောင့်ပါ - - မိန်းကလေးပီပီ သင့်တင့်မျှတတဲ့ ခန္ဓာကိုယ်လေး ရှိချင်လို့ ၊ အဲဒီ ခန္ဓာကိုယ်ကြီးက အသက်ကြီးလာတာနဲ့အမျှ ယိုယွင်းပျက်စီးလာမယ်ဆိုတာ ယုံကြည်တဲ့အတွက် ကျန်းမာရေး ကောင်းမွန်အောင် ၊ စိတ်ရှုပ်ထွေးစရာတွေ များပြားလှတဲ့ ဒီဘ၀မှာ စိတ်ဖြေနည်းတခုအဖြစ် ။
မိန်းကလေးတွေက လှချင်ကြတာ များပါတယ် ။ ဖြစ်နိုင်ရင်တော့ အဆီအခေါက်တွေနဲ့ဝေးတဲ့ ကိုယ်ခန္ဓာလေးတွေကို ပိုင်ဆိုင်ထားချင်ကြတာပါပဲ ။ ခက်တာက လူဆိုတာ အလွယ်ဆုံးနည်းလမ်းကိုပဲ ရှာချင်ကြတယ် ။ ဒါကြောင့် ပိန်ဆေးတွေ ၊ စက်တွေနဲ့ ပိန်အောင် လုပ်ပေးနိုင်မယ်ဆိုတာမျိုးတွေကို လုပ်လေ့ရှိကြတယ် ။ ကျွန်မလည်း external treatment တွေဖြစ်တဲ့ Indonesian massage လုပ်ရင် toning effect ဖြစ်တယ်ဆို ၊ လုပ်ကြည့်မိသေး ... toning lotion ဆိုတာတွေလည်း လိမ်းတော့ လိမ်းကြည့်မိသေးပါတယ် ။ ထွေထူးတဲ့ရလဒ်ကတော့ တခါမှ မမြင်မိဖူး ။ ကျွန်မသူငယ်ချင်းတချို့ဆို ဒီ့ထက်တောင် ပိုပါသေးတယ် ။ ပိန်ဆေးဆိုတာ စားကြတယ် ။ ပိန်ဆေးစားလို့ စင်္ကာပူက မင်းသမီးတယောက်ဆို liver ထိခိုက်ပြီး ၊ သူ့ရည်းစားရဲ့ liver ကို ယူပြီး အသက်ရှင်နေရတဲ့အထိ ဖြစ်ဖူးပါတယ် ။ နောက် သူငယ်ချင်းတယောက်ဆိုလည်း ပိန်ဆေးစားလို့ ဆေးရုံရောက်ပြီး ၊ အဲဒီမင်းသမီးလို ကျောက်ကပ်ထိခိုက်ဖို့ လက်မတင်ကလေး ဖြစ်ခဲ့ဖူးတယ် ။ နောက်တယောက်ကျတော့ အစားစားချင်စိတ်မရှိအောင် တားတဲ့ ဆေးကိုစားတော့ ညညဆို အိပ်မရဖြစ်တတ်တယ်တဲ့ ။ အဲဒီဆေးရဲ့ side-effect တခုပေါ့ ။ ဒါကြောင့် အဲလို ဆေးတွေမစားဖို့တော့ တိုက်တွန်းချင်ပါတယ် ။
တချို့ကျတော့လည်း ညစာမစားတာတို့ ဘာတို့ လုပ်တတ်ကြတယ် ။ အမှန်ပြောရရင် အဲလို စားသင့်သလောက်ကို မစားဘဲ နေတာမျိုးလည်း ကျွန်မက လက်ခံချင်ဖူး ။ ကျွန်မအသိတချို့ထဲမှာ အဲလို အစားမစားဘဲ လပိုင်းလောက်နေတော့ ၀ိတ်ကတော့ တကယ်ကျပါရဲ့ ၊ ဒါပေမယ့် ပြန်စားတာနဲ့ တပြိုင်နက် ချက်ချင်း ၀ိတ်က ပြန်တက်လာတတ်တယ် ။ အရင်က အတင်းချိုးနှိမ်ထားတဲ့အတွက် ပြန်စားတဲ့အခါ မထိန်းလိုက်နိုင်တာကြောင့်လည်း ဖြစ်နိုင်ပါတယ် ။
တကယ်က အစားအသောက်ဆိုတာ ကိုယ်က ကျန်းမာနေတုန်းသာ စားနိုင်တာလို့ လူတွေက excuse အနေနဲ့ ပြောပြီး သူတို့ကြိုက်တာ စားကြတာ အတိုင်းအတာတခုထိတော့ မှန်ပါတယ် ။ မမှန်တာက စားချင်တိုင်း မဟားတရားစားတာပါပဲ ။ ကျွန်မအမေဆိုရင် အရင်က သိပ်စားနိုင်ပေမယ့် ခုချိန် ကျန်းမာရေးချွတ်ယွင်းလာတဲ့အခါ ဘယ်အရာမဆို ခံတွင်းမတွေ့တော့ပါဖူး ။ ဒီတော့ စားနိုင်တဲ့အချိန်လေးမှာ စားနိုင်တဲ့ကံလေးရှိတုန်း စားသင့်သလောက်လေး စားသင့်တယ်လို့ ကျွန်မက မြင်ပါတယ် ။ ကျွန်မအလုပ်က လူတယောက်ဆိုရင် သူစားရင် ပုံမှန်လူထက် နှစ်ဆလောက်စားပါတယ် ။ ဒါပေမယ့် သူက လေ့ကျင့်ခန်းလည်း မပျက်မကွက်လုပ်တဲ့အတွက် သူ့ ခန္ဓာကိုယ်ဟာ အမြဲတမ်း fit ဖြစ်နေပါတယ် ။ သူ့နည်းကတော့ ဥပမာ .. ဒီနေ့ စားကောင်းလို့ ပိုစားလိုက်မိရင် လေ့ကျင့်ခန်းလဲ ပိုလုပ်ပါတယ် ။ ဒါကြောင့် အစားလဲစားသလို တချိန်တည်းမှာလည်း စားထားတဲ့ input ဟာ ခန္ဓာကိုယ်လိုအပ်သလောက်ပဲ ဖြစ်သင့်ပြီး ၊ အပိုတွေကို ချေဖျက်ဖို့ လေ့ကျင့်ခန်းလုပ်သင့်ပါတယ် ။
နောက်တချက်ကတော့ လေ့ကျင့်ခန်းလုပ်တယ်ဆိုတာ ကျန်းမာရေးအတွက်လည်း ကောင်းပါတယ် ။ ဥပမာ ... jogging/ running လို Cardiovascular exercise တွေဟာ osteoporosis လို အရိုးရောဂါဖြစ်နိုင်ဖို့အခြေအနေ နည်းပါးစေသလို ၊ နှလုံးရောဂါဖြစ်ဖို့ အခြေအနေလည်း နည်းပါးစေပါတယ် ။ ဒါပေမယ့် လေ့ကျင့်ခန်းလုပ်တိုင်းတော့ သူ့ အတိုင်းအတာအထိပဲ လုပ်သင့်ပါတယ် ။ ကိုယ့်ခန္ဓာကိုယ်က ခံနိုင်ရည်အားထက် အများကြီးကျော်လွန်မယ်ဆိုလည်း အန္တရာယ်ရှိတတ်ပါတယ် ။ အဲဒီအခါ ကိုယ့်ရဲ့ နှလုံးခုန်နှုန်းကိုသုံးပြီး တိုင်းတာလေ့ရှိကြပါတယ် ။ လူတယောက်ရဲ့ အများဆုံး နှလုံးခုန်နိုင်နှုန်းရဲ့ ၅၀ - ၈၅ ရာခိုင်နှုန်းကြားထဲမှာပဲ ရှိသင့်တယ်လို့ ဆိုပါတယ် ။ အများဆုံး နှလုံးခုန်နှုန်းကို တွက်ချက်ရာမှာ ယေဘူယျ သုံးနိုင်တဲ့ ဖော်မြူလာတွေကတော့ ... အမျိုးသမီးတွေအတွက် 226 - (your age) နဲ့ အမျိုးသားတွေအတွက် 220 - (your age) ပဲ ဖြစ်ပါတယ် ။ စင်္ကာပူမှာ ပြေးရင်းနဲ့ လဲကျ သေဆုံးသွားတဲ့ လူငယ်တွေရှိလာတာနဲ့အမျှ ခုနောက်ပိုင်းမှာ လူအများဟာ နှလုံးခုန်နှုန်းကို တိုင်းတာတဲ့စက်လေးတွေကို တတ်ဆင်ပြီး ပြေးလေ့ လေ့ကျင့်ခန်းလုပ်လေ့ရှိကြပါတယ် ။ လေ့ကျင့်ခန်းလုပ်တယ်ဆိုတာ သေချာသတိမထားမိရင် ပြဿနာရှိလာနိုင်ပေမယ့် ၊ စနစ်တကျလုပ်မယ်ဆိုရင်တော့ ကျွန်မတို့ ခန္ဓာကိုယ်တွေရဲ့ ကျန်းမာရေးအတွက် အထောက်အကူပြုစေတာ အမှန်ပါပဲ ။
နောက်ဆုံးတချက်ကတော့ လေ့ကျင့်ခန်းလုပ်တာဟာ စိတ်ကိုလည်း အတိုင်းအတာတခုအထိ ပံ့ပိုးမှုရှိတယ်လို့လည်း ကျွန်မက မြင်မိတယ် ။ စိတ်ဆိုတာ ထားတတ်ရင် ထားတတ်သလို အမျိုးမျိုးဖြစ်နေတတ်တယ် ။ အိုးလုပ်သူဟာ အိုးတအိုးကို သူလိုချင်တဲ့ပုံစံပေါ်မူတည်ပြီး ပုံသွင်းနိုင်သလို ၊ ကျွန်မတို့ စိတ်ဟာလည်း ကိုယ်လိုချင်တဲ့ပုံစံကို ပြုပြင် ပုံသွင်းနိုင်တယ်လို့ မြင်မိတယ် ။ အဲလိုပုံသွင်းနိုင်ဖို့ စိတ်ထဲမှာ ဘာတွေဖြစ်နေလဲဆိုတာ ခွဲခြမ်းစိတ်ဖြာကြည့်ဖို့ လိုအပ်တယ် ။ အကျိုး နဲ့ အကြောင်းကို ကြည့်တတ်ဖို့ လိုအပ်တယ် ။ အဲလိုကိစ္စတွေကို ကျွန်မဟာ အဓိကလုပ်လေ့ရှိတဲ့ လေ့ကျင့်ခန်းဖြစ်တဲ့ အပြေးသွားရင်း လုပ်လေ့ရှိပါတယ် ။ စိတ်တွေညစ်ညူးလာရင် (သို့မဟုတ်) တစုံတရာကို တစုံတယောက်ကို စိတ်တိုင်းမကျဖြစ်တဲ့အခါ ကျွန်မက အပြေးသွားလေ့ရှိတယ် ။ ပြေးရင်း တယောက်တည်း အေးချမ်းတဲ့ပတ်ဝန်းကျင်ရဲ့အလှကို ခံစားရင်း ၊ ကိုယ် စိတ်တိုင်းမကျ ဖြစ်နေတာတွေ ၊ စိတ်ညစ်ညူးနေတဲ့ အကြောင်းအရာတွေဟာ ဖြစ်သင့်လား မဖြစ်သင့်လား ၊ မှန်လား မှားလား ဆိုပြီး စဉ်းစားတွေးတောတတ်တယ် ။ အဲလိုအချိန်မှာ ကျွန်မစိတ်ဟာ ငြိမ်သက်နေတဲ့ ရေပြင်တခုလိုပဲ ။ တခြားအချိန်တွေမှာလို စိတ်ထဲမှာ ဒေါသတွေ မောဟတွေ မရောထွေးနေတော့ပဲ အရှိကို အရှိအတိုင်း မြင်တတ်တယ် ။
နောက်ပြီး လေ့ကျင့်ခန်းလုပ်နေရင်းကလည်း စိတ်ကိုပါ လေ့ကျင့်ခန်းလုပ်သလို ယူတတ်ရင် ဖြစ်နိုင်တယ် ။ ကျွန်မရဲ့ အပြေးလေ့ကျင့်ခန်းကနေ ရတဲ့ သင်ခန်းစာတချို့ကတော့ အောက်ပါအတိုင်းပါပဲ ။ ဂျစ်တူး၏ လေ့ကျင့်ခန်းမှရသော ဒဿနများလို့လည်း ဆိုနိုင်ပါတယ် ။
ကျွန်မက တခါတလေ နောက်မှလုပ်လိုက်ပါမယ် ဆိုပြီး procrastinate သိပ်လုပ်တတ်တယ် ။ ဒါပေမယ့် အပြေးသွားဖို့ဆိုရင် နောက်မှ လုပ်လို့ မရဘူး ။ သူ့ အချိန်နဲ့သူ လုပ်မယ်လို့ ဆုံးဖြတ်ထားရင် ထ လုပ်ရတယ် ။ ဒါကြောင့် နောက်ပိုင်းမှာ procrastinate လုပ်တာ နည်းသွားတယ် ။
ကျွန်မပြေးနေကြ လမ်းကြောင်းရဲ့ နောက်ဆုံးပိုင်းလောက်မှာ နည်းနည်းမတ်တဲ့ လမ်းကြောတခုရှိတယ် ။ ကျွန်မသတ်မှတ်ထားတဲ့ ပန်းတိုင်ဟာ အဲဒီလမ်းမရဲ့ ထိပ်မှာ ရှိတယ် ။ အဲဒီလမ်းမက ပန်းတိုင်နားဆိုတော့ ကျွန်မက မောနေတတ်တယ် ။ အထူးသဖြင့် ပြေးတာနောက်ကျတဲ့ မနက်ခင်းတွေမှာဆိုရင် ၁၀ နာရီလောက်မှာ ထိုးထွက်နေတဲ့ နေက အဲဒီလမ်းမရဲ့ အပေါ်တည့်တည့်မှာ ရှိတတ်တဲ့အချိန်တွေ ၊ ညနေခင်း ညစာမစားခင် ဗိုက်ထဲ ငှက်ပျော်သီးလေးတစ်လုံးထည့်ပြီး ပြေးရတဲ့အချိန်တွေဆိုရင် အဲဒီလမ်းမပေါ်ရောက်တိုင်း ဆက် မပြေးချင်တော့လောက်အောင် ဖြစ်တတ်တယ် ။ အဲဒီကျ "ငါ ပန်းတိုင်အထိတော့ ရောက်အောင်သွားရမယ် ၊ ပန်းတိုင်ရောက်တော့မယ် ၊ ပန်းတိုင်ရောက်ရင် နားရတော့မယ်" ဆိုတဲ့ determination တခုကို လက်စွဲပြီး ကိုယ့်ကိုယ်ကိုယ် အားတင်းပြီး ဆက်ပြေးရတယ် ။ အဲလို ဆက်ပြေးပြီး ပန်းတိုင်ရောက်တဲ့အခါ "ငါ စိတ်လျှော့ချင်တာ မလျှော့ပဲ အားတင်းပြီး လုပ်ရင် ၊ လုပ်နိုင်တာပဲ" ဆိုပြီး စိတ်ထဲမှာ ကိုယ့်ကိုယ်ကိုယ် ကျေနပ်မိတယ် ။
နောက် ကျွန်မပြေးတဲ့ ပြေးလမ်းတွေဟာ အတက် အဆင်းတွေ များတယ် ။ ရှည်လျားတဲ့ အတက်လမ်းတချို့ဟာ မဆုံးနိုင်တော့သလိုပဲ ။ ကျွန်မတို့ဘ၀မှာ ပြဿနာတွေဝင်လာရင် မဆုံးနိုင်တော့သလိုပဲ ။ ဒါပေမယ့် နောက်ဆုံးမှာတော့လည်း အဆင်းလမ်းကို ရောက်ရစမြဲ ။ အဲလိုပဲ ဘ၀မှာလည်း ပြဿနာတွေ ၀င်လာလိုက် ၊ အဆင်ပြေသွားလိုက် ရှိကိုရှိရမယ်လို့ ပြေးရင်းနဲ့ ခေါင်းထဲ အတွေးရောက်မိတယ် ။ အဲလိုအတွေးနဲ့အတူ ပြဿနာတွေကြား စိတ်ရှုပ်ထွေးနေတာတွေ အတိုင်းအတာတခုထိ ပျောက်ပြီး ၊ စိတ်ကြည်လင်သွားတယ် ။ နည်းနည်း စိတ်ချမ်းသာသွားတယ် ။
တခါက ၁၀ ကီလိုမီတာ ပြေးပွဲတခုမှာ အသက် ၄၀ အရွယ်လောက်ရှိတဲ့ အန်တီကြီးတယောက်က ကျွန်မကို နောက်ကနေ ကျော်သွားတယ် ။ ကိုယ့်ထက်အသက်ကြီးတဲ့သူက ကျော်သွားတာ မခံချင်တော့ ကျွန်မက သူ့ကိုအတင်းပြန်လိုက်တယ် ။ ဒါပေမယ့် တာရှည်မှာ နောက်ဆုံးတော့ ကျွန်မ သူနဲ့ ဘေးချင်းယှဉ်ပြီး ဆက်တိုက်မပြေးနိုင်ခဲ့ပါဖူး ။ နောက်ကျကျန်ခဲ့တယ် ။ အဲဒီအခါမှာ ကျွန်မဟာ humility ဆိုတာကို နားလည်သွားမိတယ် ။ တခါတရံ ဘ၀မှာ ကိုယ့်ထက် တော်မယ်လို့ မထင်ထားတဲ့သူက ကိုယ့်ထက် တကယ်တော်နေခဲ့ရင်လည်း လက်ခံတတ်ရမယ်ဆိုတဲ့အချက်ပါပဲ ။ နောက် လူတယောက် တော်တယ် မတော်တယ်ဆိုတာ ယေဘူယျ အပေါ်ယံနဲ့ မဆုံးဖြတ်မိစေဖို့ ။ လူတိုင်းမှာ သူ့ဘာသာ အရည်အချင်းတခုစီတော့ ရှိတတ်ကြတယ် ဆိုတာပါပဲ ။
ကျွန်မတို့ သူငယ်ချင်းတွေ လွန်ခဲ့တဲ့ ၃နှစ်ကျော်က စပြေးကြတော့ အားလုံးပေါင်း ၇ -၈ ယောက်လောက် ရှိကြတယ် ။ နောက်ပိုင်းမှာတော့ အလုပ်မအားတဲ့သူနဲ့ အချိန်မကိုက်နိုင်ကြတာနဲ့ပဲ လူတွေကွဲသွားတယ် ။ ဆက်ပြေးတဲ့သူတွေကလည်း ကိုယ့်ဘာသာပဲ ပြေးဖြစ်ကြတော့တယ် ။ အဲလိုပါပဲ ... ဘ၀ဆိုတာ မွေးတည်းက တယောက်တည်း မွေးလာပြီး လိုအပ်တဲ့အခါ ကိုယ်လုပ်ချင်တဲ့လမ်းကို ရွေးချယ်ပြီး တယောက်တည်း လျှောက်သင့်ရင်လည်း လျှောက်ရမှာပဲ ဆိုတာကို သွားစဉ်းစားလိုက်မိတယ် ။
ကျွန်မပြေးတဲ့အခါ လမ်းမှာ တခြားပြေးသူတချို့ကိုလည်း တွေ့ရတတ်ပါတယ် ။ အဲဒီအခါ ကျွန်မထက် တော်တဲ့ သူတို့ရဲ့ ပြေးနှုန်းနဲ့ လိုက်မှီအောင် ကြိုးစားပြေးလေ့ရှိတယ် ။ နောက်ပြီး ဒီနေ့တော့ ဘယ်အထိ ငါပြေးမယ်ဆို ကိုယ့်ဘာသာ target ချမိတယ် ။ ဘ၀ဆိုတာ ကိုယ့်ထက်တော်တဲ့သူကို အမြဲရှာဖွေနေသင့်ပြီး ကိုယ့်ကိုယ့်ကိုယ် အမြဲ တွန်းအားပေးဖို့ လိုအပ်တယ်လို့ မြင်မိပါတယ် ။ တချိန်တည်းမှာပဲ အဲဒီလူကို ယှဉ်ပြိုင်တာမျိုးမဟုတ်ဘဲ သူ့ကို တွန်းအားအနေနဲ့သာသုံးပြီး ကိုယ့်ဘာသာ target တခုချပြီး ၊ ကိုယ့်ဘာသာ ယှဉ်ပြိုင်ရတာကို ကျွန်မက ပိုနှစ်သက်တယ် ။
ပန်းတိုင်မရောက်ခင် ပြေးရင်း မောဟိုက်လာတဲ့အချိန်တွေမှာ ကျွန်မဟာ စိတ်ကို နားထောင်နေတဲ့ သီချင်းထဲဖြစ်ဖြစ် ၊ ကိုယ်တွေးနေတဲ့ အတွေးတခုထဲဖြစ်ဖြစ် နှစ်ထားပြီး ၊ ခံစားချက်ကို ကျွန်မ ခြေထောက်တွေနဲ့ မြေကြီး အထိမှာ ထားရှိပါတယ် ၊ အမြင်ကိုတော့ ကျွန်မရှေ့ ပေ ၂၀ လောက်အထိပဲ ကြည့်တတ်ပြီး ပတ်ဝန်းကျင်ကို လျစ်လျူရှုထားတတ်တယ် ။ အဲလို focus ထားပြီး ဆက်ပြေးလိုက်ရင် ၊ ပန်းတိုင်ကို ရောက်မှန်းမသိ ရောက်သွားတတ်ပါတယ် ။ လူ့ဘ၀ဆိုတာလည်း ပတ်ဝန်းကျင်ရဲ့ ချီးမွန်း ကဲ့ရဲ့သံတွေကြား ကိုယ်ပိုင် ပန်းတိုင်ရောက်ဖို့ focus ဆိုတာ အရေးကြီးတယ်လို့ ကောက်ချက်ချမိတယ် ။
ကျွန်မရဲ့ပြေးရာကနေရတဲ့ ဒဿနတွေကတော့ ဒီလောက်ပါပဲ ။ တကယ်တော့ နှစ်ရှည်လများစွာ အပြေးကိုပဲ လေ့ကျင့်ခန်းတခုအဖြစ် အဓိကလုပ်မိတဲ့ကျွန်မဟာ တခြားခန္ဓာကိုယ်ရဲ့ အစိတ်အပိုင်းတွေမှာ အားနည်းတယ်လို့ ဆိုရပါမယ် ။ ဥပမာ .. ကျွန်မက flexibility တော်တော်အားနည်းတယ် ။ ကြက်တောင်ရိုက်တာတို့ ဘော်လီဘော် တခါတရံပုတ်တဲ့အချိန်တွေမှာ တချို့ ကြွက်သားတွေက တောင့် နေတတ်တယ် ။ ဒါကြောင့် နောက်ဆုံး ကောက်ချက်ချမိတာ ... လေ့ကျင့်ခန်းဆိုတာလည်း သူ့နေရာနဲ့သူ ထိရောက်ဖို့ အမျိုးမျိုး လုပ်သင့်တယ်ဆိုတာပါပဲ ။ ဒါကြောင့် ခု ကျွန်မ yoga ခပ်ဆန်ဆန် pilates ဆိုတာကို စ လုပ်ကြည့်နေပါတယ် ။
တကယ်တော့ လေ့ကျင့်ခန်းဆိုတာ သူများက အပြေးလေ့ကျင့်လို့ ပြေးနိုင်မှ လေ့ကျင့်ခန်းလုပ်ရာရောက်တယ်လို့ မဟုတ်ပါဖူး ။ တဦးချင်းဆီ ကိုယ်တတ်နိုင်သလောက်လေး ကိုယ်လက်လှုပ်ရှားလုပ်တာဆိုရင်ပဲ ပြည့်စုံပါတယ် ။ ဥပမာ ... သက်ကြီးရွယ်အိုတွေက taichi လို့ခေါ်တဲ့ စိတ်အာရုံကို စုစည်းပြီး အနှေးကစားရတဲ့ လေ့ကျင့်ခန်းမျိုးကို လုပ်ကြပါတယ် ။ ကလေးနဲ့ အိမ်ထောင်သည်တွေဆိုလည်း မိသားစုလိုက် ပန်းခြံမှာ လမ်းလျှောက်ရင်း ၊ တနေ့တာ ပြဿနာတွေနဲ့ အဝေးမှာ family time အဖြစ် ၊ ကလေးတွေကြား အလုပ်ရှုပ်နေလို့ စကားမပြောဖြစ်ကြတဲ့ ဇနီးမောင်နံတို့ အတွက် romantic time အဖြစ် ၊ ပျော်ရွှင်စွာ ဖြတ်သန်းရင်း ကျန်းမာရေးအတွက်လည်း လုပ် ၊ တချက်ခုတ် နှစ်ချက်ပြတ် နိုင်ပါတယ် ။
ဒါကြောင့် ဒီပိုစ့်မှာပါတဲ့ လေ့ကျင့်ခန်းရဲ့ ကိုယ်တွေ့ အကျိုးသက်ရောက်မှုများကို ဖတ်ပြီး ၊ စာဖတ်သူတို့လည်း လေ့ကျင့်ခန်းဆိုတာနဲ့ အနည်းနဲ့အများ နီးစပ်လာနိုင်ကောင်းရဲ့ လို့ မျှော်လင့်လိုက်ပါတယ် ။
References:
[1] Benefits of Cardiovascular Exercise
(http://ezinearticles.com/?Benefits-of-Cardiovascular-Exercise&id=257189)
(http://www.ideasforwomen.com/health/fit-5sp-cardio-3.php)
[2] Types of Cardiovascular Exercise
(http://www.blogger.com/post-create.g?blogID=8255107139332040506)
[3] What is cardiovascular exercise?
(http://www.ideasforwomen.com/health/fit-5sp-cardio-1.php)
You received this email because you are subscribed to the real_time feed for http://gyittu.blogspot.com/feeds/posts/default. To change your subscription settings, please log into RSSFWD.