ဦးနာအောက် ၊ အောက် မအောက် (၁)
မနှစ် သြဂတ်(စ) က ကိုရွက်ဝါ ဘလော့ဂ်က သူ့ ရဲ့  " ဦးနာအောက် ကျရှုံးမှုနှင့် တိုင်းရင်းသားများ၏ မျိုးချစ်စိတ် " ဆိုတဲ့ပို့  စ် မှာ လာရောက်ဆွေးနွေးပေးဖို့ ဖိတ်ခေါ်ခဲ့တာ အမှတ်ရမိတယ်။ အဲဒိပို့ စ်ကို ပြန် ဆွေးနွေးထားတဲ့ ဆိုးဝှတ် က " ဦးနာအောက်နှင့် ကျွန်မရဲ့ အမြင် " ဆိုပြီးတင်ပြခဲ့တာလဲဖတ်လိုက်ရပါတယ်။
ကိုရွက်ဝါ က ဦးနာအောက် ရဲ့ သဘောင်္လုပ်ငန်း ကျရှုံးရတာဟာ သူ့ ရဲ့ စီးပွားရေး အတွေးအခေါ်မှားယွင်းမှု နဲ့ ပြိုင်ဘက်အင်အားကို မသုံးသပ်ဘဲ လက်ဝါးကြီး အုပ်ချင်တဲ့ စိတ်ကြောင့်လို့ သုံးသပ်ပြခဲ့ တဲ့အပြင် တိုင်းပြည်ချစ်စိတ်နဲ့ တော်လှန်ရေးစိတ် မတွေ့  ရပါ လို့ သူထင်မြင်ပုံကိုလဲ တင်ပြထားခဲ့ပါတယ်။
သူတင်ပြချက်တစ်ချို့ က အခုချိန် ခေတ်သစ်ဘောဂဗေဒအမြင်နဲ့ ချဉ်းကပ်မယ်ဆိုရင်တော့ ဟိုးလွန်ခဲ့တဲ့ နှစ်ပေါင်း ၁၇၆ နှစ် ၁၉ ရာစုနှစ်တုန်း က မွေးဖွားခဲ့တဲ့ ဦးနာအောက်ရဲ့ စီးပွားရေး အတွေးအခေါ်တွေဟာ ဒိတ် အောက်သလိုဖြစ်နေတာ အပေါ်ယံကြည့်လိုက်ရင် မှန်နေသလိုလိုပါပဲ။
အဲဒိတုန်း က သူ့ ထင်မြင်သုံးသပ်ချက်တွေကို ပြန်သုံးသပ် ဆွေးနွေးချင်စရာ တွေရှိခဲ့တဲ့အတွက် ကြောင့်မနှစ်ထဲက ဒီပို့ စ်ကိုရေးဖြစ်ခဲ့ပါတယ်။ ဒါပေမယ့် ဦးနာအောက်နဲ့ ပတ်သတ်တဲ့ အချက်တချို့  ၊ ကွင်းဆက်တချို့ လိုနေတဲ့အတွက် ဒီဆွေးနွေးချက်ပို့ စ်ကို မတင်ဖြစ်ခဲ့ပါဘူး။
အခုတော့ " S0wha1 " နဲ့  " ကိုဟံင်ဂဟူ " ဘလော့ဂ်တွေမှာ ဦးနာအောက် အထုပ္ပတ္တိ ဆိုပီး ရှာဖွေ တင်လာပေးတဲ့ အတွက် အဲဒိတုန်းက လိုချင်နေခဲ့တဲ့အချက်အလက်တစ်ချို့ ရလိုက် လို့ ဒီပို့ စ်ကို တစ်နှစ်ကျော်ကြာပြီး ကာလ ၊ အခုမှ အဆုံးသတ်လို့ ရသွားပါတယ်။ ဒီအတွက် ဆိုးဝှတ်၊ ကိုဟံင်ဂကူ တို့  ကိုကျေးဇူးမှတ်တမ်း တင်တဲ့အပြင်၊ ဒီအကြောင်း ရေးဖြစ်ခဲ့လို့ ကိုရွက်ဝါကိုလဲကျေးဇူးတင်ပါတယ်။
အပိုင်းများ ခွဲပြီးတင်သွားပါမယ်။ လိုတာတွေ တွေ့ ရင်လဲထောက်ပြ ဆွေးနွေးပေးကြပါ။
ဦးနာအောက် ၊အောက်မအောက် (၁)
"ဟဲ့.ကိုရင်မောင်..ကိုရင်မောင်…တော်ကြားပြီးပြီလား…ဦးနာအောက် သင်္ဘောကြီးက လက်မှတ်ခ မယူစရိတ် ငြိမ်းပေးစီးတော့မတဲ့.."
အူလျားဖားလျားပြောရင်း အိမ်ဝိုင်းထဲအပြေးတပိုင်းဝင်လာသော ကြီးဒေါ်တုတ်စကားကြောင့် အိမ်ရှေ့ ကွပ်ပျစ်ထက်မှာ ထိုင်နေသော ကိုရင်မောင့် ဘေးမှ ညီမတော် မိဂျမ်းဘုံတစ်ယောက် လိပ်လက်စ ပြောင်းဖူးဖက်ဆေး လိပ်ကြီးအားအသာချလျက်…
"အို..ကြီးဒေါ်ဗွေးတုတ်နှယ်..အလကားပေးစီးရုံတင်ဘဲလားတော်..ဦးနာအောက် သင်္ဘောစီးမယ့်အစား ကုလားဖြူ သင်္ဘော ကြီးသွား စီးရင်.ထမင်းပါကျွေးပြီး စရိတ် ငြိမ်းတဲ့တော် ကျုပ်တော့ ..ကုလားဖြူ သင်္ဘောဘဲစီးတော့မပေါ့..တော်တို့ နှယ်.."
ဟုသူသိထားသမျှ သွက်သွက်လက်လက်ကြီး ပြန်ပြောလိုက်သော မိ ဂျမ်းဘုံအား အင်မတန်မှ စိတ်ပျက် လက်ပျက် ဟန်ဖြင့် ကြီးဒေါ်တုတ် ကတစ်ချက်ကြည့်လိုက်ရင်း..
"ရော်..ခက်လှပါကလား မိဂျမ်းဘုံ၊ ဒီမှာ ကရင်မောင် ကိုငါပြောနေတာ.. ညဉ်းမသိရင်အသာနေစမ်း။ ညဉ်းငါ့နောက်မှထမင်းစားလာတာပါအေ့.၊ကျုပ်ကခုလေးတင်မြင်းလှည်းနဲ့ လိုက်ကြော်ငြာတာနားနဲ့ ဆတ်ဆတ်ကြားလိုက်တာပ။ ငါတို့ မြန်မာသူဌေး.ဦးနာအောက်ကြီးက ထမင်းကျွေးစရိတ်ငြိမ်းအပြင် ဒေသထွက်လက်ဆောင်တွေ ပါပေးဦးမယ်ဆိုတော့...."
ကြီးဒေါ်တုတ် စကားတောင် ဖြောင့်အောင်အဆုံးမသတ်လိုက်ရ…မိဂျမ်းဘုံ က ကြီးဒေါ်တုတ်အား အင်မတန်မှ သနားဂရုဏာသက်သော မျက်နှာပေး နှင့်အတူ အသံစူးစူးဖြင့် ..
"အမ်မလေး…ကြီးဒေါ်တုတ်ရယ်…ဒီကလဲ..အစွမ်းကုန် သိတဲ့ ဂျမ်းဘုံအမိပါတော့..ဒီမယ်..ဦးနာအောက်
ကြီး ပေးတာ ဘာဟုတ်သေးတုန်း၊ ကုလားဖြူ သင်္ဘောတွေက စရိတ်ငြိမ်း၊ ထမင်းကျွေး၊တဲ့အပြင် ပေးတဲ့လက်ဆောင်ကဦးနာအောက်ကြီးလို.. ခပ်ရိုးရိုးလက်ဆောင်တွေဟုတ်ဘူးတော့.. ပုဝါလက်ဆောင်လှလှတွေ..ချောကလစ် ဆိုတဲ့ ဘိုမြေပဲယို ဆိုလား ..အဲဒါတွေ. . ပိုလိုစီးကရက်ဘူးတွေ..ပေးသတဲ့..လက်ဆောင်တွေကလဲဆန်းမှဆန်းတော်ရေ"
ပြောလိုက်ရာ..ကြီးဒေါ်တုတ်တစ်ယောက်လဲ မျက်ခုံးများပင့်တက် မျက်လုံးများပင် ပြူးကျယ်သွားပြီးအလွန် အမင်းစိတ် အားတက်ကြွ လာသောလေသံဖြင့်….
"အံမယ် ထမင်းတောင်ကျွေး၊လက်ဆောင်လဲပေးဦးမတဲ့၊ တကယ်ပဲလား ဂျမ်းဘုံ..ဒါဆိုနေရာကျပြီဟဲ့…သူ့  ဘဲအားပေးရအောင်အေ.."
(Photo adapted from "www.irrawaddyflotilla.com"without permission.)
အချီအချ စိတ်အားတက်ကြွစွာဖြင့် လုပ်လက်စအလုပ်များဘေးချလျက် ပါးစပ်မပိတ်စတမ်း တယောက်တလှည့် သတင်းထုးသတင်းဦး များ ၊ ရေကြောင်းသင်္ဘောလိုင်းများအကြောင်းမြိန်ရည်ယှက်ရည်ပြောနေသောအမျိုးသမီးနှစ်ဦးအား အေးအေးသက်သာအနားယူနေသောကိုရင်မောင် တစ်ယောက်မနေနိုင်တော့ပဲ အင်မတန်မှစိတ်အိုက်လာသဖြင့်….
"ဟာ..နေကြစမ်းပါဦး၊ ဒေါ်တုတ်တို့ မိဂျမ်းဘုံတို့ ရာ…ခင်ဗျားတို့ နှယ်၊ အလကားပေးစီးတာ ဟုတ်ပါပြီ..ဘယ်မြို့  ကိုသွားမှာ တုန်းဟ..သွားစရာခရီးဖြင့်မရှိဘဲဟာ...."
ဟုစိတ်မရှည်သောလေသံဖြင့်ဝင်ရောက်ပြောလိုက်သော ကိုရင်မောင့် စကားတောင်အဆုံးမသတ်လိုက်ရ…
"အို..ကိုရင်နှယ်..အ လိုက်ချက်..တော့်အဲဒါတွေကြောင့်သူများ နောက်ကဘဲ ကျန်ကျန်နေတာ.. …အလကားပါဆိုမှ အသွားအပြန်သင်္ဘောပတ်စီး..အပျော်ခရီးပေါ့တော် ..ခရီးစရိတ်မကုန် လက် ဆောင်လဲရ..အိ.ု..တော်မလိုက်ရင်နေခဲ့.. ..ဟိုတောင်ဘက်ပိုင်းက..ရွှေမိတို့ တ၀ိုင်းလုံးသွားမှာ. ကျုပ်တော့.လိုက်ကိုသွားမယ် အနည်းဆုံးတော့ရွှေတိဂုံ ဘုရားဖူးပေါ့တော်. ဟုတ်ဖူးလားဒေါ်တုတ်ကြီး အဲ..ကြီးဒေါ်တုတ်... "
အစွမ်းကုန်သိတဲ့ ဂျမ်းဘုံအမိရဲ့ အထက်ပါမဟာအလကား ခရီးသွားစီမံကိန်းကြီး ကိုကြားလိုက်ရတဲ့တဒင်္ဂ…ကိုရင်မောင် တစ်ယောက် ပါးစောင်မှာတမြုံ့ မြုံ့ ငုံထားသော ကွမ်းသီးစိတ် ပင်ထွက်ကျလုမတတ် ပါးစပ်အဟောင်းသားနှင့်
"အမ်"
ဟုသာရေရွတ်ရင်း….
…………………………………………………………………………
ဒါကတော့ ကိုယ်မမီလိုက်တဲ့ ခေတ်ကို စိတ်ကူးယဉ်ကြည့်တာပါ။ လက်ဆောင်တွေ၊ဘာတွေဆိုတာက အလကားပေးစီးသည်အထိ အပြိုင်အဆိုင် ခရီးသည်ခေါ်ကြတယ် လို့ သူတို့ ပြော လို့  ကွန့် တွေးကြည့်တာပါ။အဲဒိလို ကြီး တကယ်ရောဟုတ်ပမလားပေါ့။
အထက်ကအတိုင်းသာ ဆိုရင်တော့ဖြင့် ဦးနာအောက် တစ်ယောက်လုံးပါးမပါးဘဲ တိခနဲ ဒေ၀ါလီခံရကိန်းဘဲလို့ စီးပွားရေးဗျူဟာအရ ချည်းကပ်ပုံမှားတယ်လို့  ထင်စရာပါ။ ဒီလို ချဉ်းကပ်တွေး မယ်ဆိုရင်လဲ ခေတ်သစ် ဘောဂဗေဒ နိယာမတွေအရ သဘာဝကျတယ်ထင်ချင်စရာပါ။
ဒါပေမယ့် သူ့ ကျွန်လက်အောက်က ကျွန်တော်တို့ မြန်မာလူမျိုးတွေကို တစ်ကယ်ပဲ အင်္ဂလိပ်ပိုင်သင်္ဘောကုမ္ပဏီတွေက ဒီလို ဆက်ဆံခဲ့ပါသလား။ ဒီလိုမြန်မာ လူမျိုးများကိုအရေးတယူအပြိုင်အဆိုင်ဈေးကွက်ရှာဆွဲဆောင်ခဲ့တာရောဟုတ်ပါ့မလား။ လက်ဆောင်တွေ အပြိုင်အဆိုင်နဲ့ ထမင်းကျွေးစရိတ်ငြိမ်းပြိုင်ကြသည်ဆိုတာကရော တကယ်ဟုတ်ခဲ့ ပါရဲ့ လား…
ဦးနာအောက် ကရော တစ်ကယ် စီးပွားရေး လက်ဝါးကြီးအုပ်ချင်ခဲ့တာပါလား။ ဦးနာအောက်ဘာကြောင့် စိန်ခေါ်ခဲ့တာပါလဲ။အင်မတန် နွမ်းပါးနိမ့်ကျတဲ့ဘ၀ကလာခဲ့တဲ့ နွားကျောင်းသား ကလေး မောင်နာအောက် ကို ဘာဖြစ်လို့  မျိုးချစ်စိတ်ရှိသူ တိုင်းရင်းသား သူဌေးကြီး အဖြစ် သမိုင်းက မှတ်တမ်း တင်ထားခဲ့တာပါလဲ…အဲဒိအချိန်မှာ မြန်မာတွေကရောတကယ်ကို မျိုးချစ်စိတ်ကင်းမဲ့ခဲ့ပါသလား ။ ကိုလိုနီခေတ် ရေကြောင်းကုန်သွယ်မှု စီးပွားရေးလောကမှာ ဘယ်သူက ဘယ်သူ ကိုလက်ဝါးကြီးအုပ်ဖို့ ကြိုးစားခဲ့ပါသလဲ………..
တစ်ကယ်တော့….
(အပိုင်း ၂ - ဆက်ပါမည်…..)
မောင်ရင်
xxxxxxxxxxxxxxxxxxxxxxxxxxx
.
You received this email because you are subscribed to the real_time feed for http://maungyin.blogspot.com/feeds/posts/default. To change your subscription settings, please log into RSSFWD.