[ထိပေ့သျှင်] 1 New Entry: ပြန်စာ (၁)

ပြန်စာ (၁)

ိ


မှတ်ချက် ။ ။ ကိုKyaw ရေ... အကိုမေးထားတဲ့ ကွန်မန့်ကို ကျွန်တော်ပြန်လိုက်ပါပြီ။ ကွန်ပျူတာနဲ့ အင်တာနက်ဆိုင်ရာ အခက်အခဲကြောင့် အခုမှတင်ပေးဖြစ်တာကို စိတ်မရှိပါနဲ့ဗျာ။ အကိုမေးခဲ့တဲ့ ကွန်မန့်ကို ကျွန်တော်က အပြုသဘောဆောင်တယ်လို့ ယူဆထားတဲ့အတွက် အပြုသဘောနဲ့ပဲ ကျွန်တော့်အမြင်တွေကို ပြန်ဖြေပေးထားတာ ဖြစ်ပါတယ်။ ဒါပေမယ့် အကို အခုနောက်ဆုံးလာပြောသွားတဲ့ C-box ထဲက စကားအသွားအလာအတိုင်း ပြန်ရေးမပေးနိုင်တာတော့ စိတ်မကောင်းပါဘူးဗျာ။

ကျွန်တော့် ဘလော့မှာ ပြီးခဲ့တဲ့ (၄ ) ရက်နေ့နဲ့ (၁၀) ရက်နေ့က ပေးစာ (၁) နဲ့ (၂) ဆိုပြီး ဘလော့ဂ်ရေးတဲ့ မသဒ္ဓါ ကို စာပြန်ရေးခဲ့ပါတယ် ။ ပေးစာ (၂) ရေးအပြီးမှာ ကို Kyaw ဆိုတဲ့ စာဖတ်သူတစ်ယောက်က Comment တစ်ခုနဲ့ လွန်ခဲ့တဲ့ လတစ်ချို့က မောင်ကျည်ပွေ့ရေးတဲ့ ပို့စ်တစ်ခုကိုတွဲပြီး ရှင်းပြပါဦးလို့ အခုလို ပြောလာခဲ့ပါတယ် ။

(သို့ ဆရာမောင်ကောင်းအောင်ခင်ဗျား
ဆရာ့ရဲ့ပြန်စာလေးတွေဟာ အချက်လက်တွေရော အရေးအသားတွေပါ အလွန်ကောင်းပါတယ်။ ဖတ်တဲ့သူတွေ အတွက် အလွန်လည်း အကျိုးရှိစေပါတယ်။ ဒီလိုအကျိုးအကြောင်းရှင်းပြ ပေးနိုင်တဲ့ စာရေးသားနိုင်မှုကို အထူးပဲလေးစားမိ ပါတယ်။ တဆက်တည်းမှာပဲ ကျွန်တော်သိချင်နေတဲ့ အကြောင်းလေးကို မေးမြန်းခွင့်ပြုပါ ခင်ဗျာ။ ဆရာက ဘာသာရေးနဲ့ ပတ်သက်ပြီး နှံ့စပ်တယ်လို့ (စာအရေးအသားအရ) ယုံကြည်ယူဆလို့ပါ။ လွန်ခဲ့တဲ့ လအနည်းငယ်က ဘလော့တခုမှာ ရဟန်းတော်တွေနဲ့ ပတ်သက်ပြီးရေးသားထားတာတွေ့မိပါတယ်။ ရေးသားထားပုံကို အောက်မှာဖတ်ရပါ။ သူရေးထားသလို သာဖြစ်နေရင်တော့ ဆရာတို့ရဲ့အခေါ် တပ်မတော်ကြီးဟာ ဘယ်လိုအဖွဲ့အစည်းမျိုးဖြစ်ပြီး ဘယ်လိုလုပ်ရပ်တွေနဲ့ ရပ်တည်နေကြောင်း အချိန်ရရင်ဖြေကြားပေးပါခင်ဗျား....)

ဒါနဲ့ပဲ ကျွန်တော် အခုပို့စ်ကို ရေးရပါတယ် ။မရေးခင် ကျွန်တော်ပြောချင်တာက ကျွန်တော်ဟာ ကိုKyaw ပြောခဲ့သလို ဆရာ ခေါ်ရလောက်တဲ့ လူတစ်ယောက်မဟုတ်ပါဘူး ၊ နိုင်ငံရေးသမား လည်းမဟုတ်သလို ဘာသာရေးကို သက်ဝင်ယုံကြည်မှု့အရ လေ့လာတာမို့ မနှံ့စပ်ပါဘူး ( ဆိုလိုတာက သာသနာပြုဖို့လောက်ထိ ရည်ရွယ်ပြီးလေ့လာတာမျိုး မဟုတ်ကြောင်းပါ ) ။ ကျွန်တော်က ရုရှားမှာ စာလာသင်နေတဲ့ သာမန်ရဲဘော် တစ်ယောက်ပါ ။ ကျွန်တော်တို့ ရုရှားက ပညာသင်တွေထဲမှာ ဘလောဂ့်တဲ့လူတွေ မှန်းချေ ၁၀၀ ၀န်းကျင်ရှိပါတယ် ။ အဲဒီ ဘလော့ဂ် အားလုံးဟာ ၀ါသနာပါရာ အနုပညာ ၊ သက်ဝင်ယုံကြည်ရာ ဘာသာရေး ၊ လေ့လာမိသမျှ နည်းပညာလေးတွေ မျှဝေနေကြတဲ့သူတွေချည်းပါပဲ ။ အနုပညာ ကိုအရင်းတည် အယောင်ပြပြီး နိုင်ငံရေးရေးတဲ့ သူ ၊ နည်းပညာကို အရင်းတည် အယောင်ပြပြီး နိုင်ငံရေးစည်းရုံးတဲ့သူ ၊ ဘာသာရေးကို ခုတုံးလုပ်ပြီး နိုင်ငံရေးဟောပြောတဲ့သူ တစ်ယောက်မှမရှိပါဘူး ။

ကျွန်တော်တို့ ရုရှားရောက်ဘလော့ဂ်တွေက အရေးအသားတွေကိုကြည့်ရင် ကျွန်တော်တို့ရဲ့ စိတ်နေစိတ်ထားကို ခန့်မှန်းနိုင်ပါတယ် ။ ဒါပေမယ့် ကျွန်တော်တို့က တပ်မတော်သားတွေပါ ။ အဲဒီတော့ လက်ရှိ နိုင်ငံတော်အစိုးရ ကိုမကျေနပ်ကြတဲ့ အတိုက်အခံ လို့ကိုယ့်ဟာကိုယ် ယူဆထားကြတဲ့ သူတွေဟာ သူတို့ရဲ့ ပုဂ္ဂလိက မကျေနပ်ချက်တွေကို ဘလော့ဂ်တဲ့ နေရာမှာ ကျွန်တော်တို့ကို ပစ်မှတ်ထားကြပါတယ် ။ သူတို့ရဲ့ နိုင်ငံတော်အစိုးရအပေါ် အပြစ်တင် ၊ ဝေဖန် ၊ စောင်းမြောင်း ၊ ဆဲဆိုနေတဲ့ လုပ်ရပ်တွေကို သူတို့ရဲ့ လုပ်ဖော်ကိုင်ဘက် (ရင်ဘတ်ထဲအနှုတ်ထည့်ထားသူများ) တစ်ချို့ကလွဲရင် ဘယ်သူမှရေးကြီးခွင်ကျယ် ၊ အသိအမှတ်မပြုတဲ့အခါ လက်ရှိနိုင်ငံတော်အစိုးရရဲ့ ၀န်ထမ်းတွေဖြစ်တဲ့ ကျွန်တော်တို့ဘက်ကို မဲလာပါတော့တယ် ။

ကျွန်တော် ပေးစာ (၁)နဲ့(၂) ကိုရေးရတာကလည်း ဒေါ်သဒ္ဓါက ကျွန်တော်တို့ ရုရှားက ပညာသင်တွေကို ဦးတည်ပြီး တိုက်ရိုက်ရေးလာတာကြောင့်ပါ ။ ကျွန်တော့်လို အတိုက်အခံ ဆိုတဲ့ဘက်ကို တုံ့ပြန်ရေးသားတဲ့ သူ ၂ဦးရှိပါသေးတယ် ။ ထိပေ့သျှင် နဲ့ OppositeEye ပါ ။ တကယ်ဖတ်မိတဲ့ သူတွေသိပါလိမ့်မယ် ။ ကျွန်တော်တို့ ၃ ယောက်လုံးဟာ အတိုက်အခံလို့ ကိုယ့်ဟာကိုယ် ယူဆထားကြတဲ့ လူတစ်ချို့ရဲ့ တစ်ဘက်စောင်းနင်း စကားတွေကို တုံ့ပြန်ဖြေရှင်း ရေးသားယုံသက်သက်ပါ ။ ကျွန်တော်တို့ အမြင် ၊ ကျွန်တော်တို့စွဲချက် နဲ့ ဘယ်သူတစ်ဦးတစ်ယောက်ကိုမှ စပြီးမစော်ကားခဲ့ပါဘူး ။

အလားတူပဲ အတိုက်အခံဘက်မှာလဲ ဘယ်သူ့ကိုမှမစော်ကားပဲ ယုံကြည်ရာကို လုပ်နေကြတဲ့သူတွေရှိပါတယ် ၊ သူတို့ကို ကျွန်တော် အသိအမှတ်ပြုပါတယ် ။ ကျွန်တော်တို့ကလည်း ကျွန်တော်တို့ယုံကြည်ရာကို လုပ်တာပါ ။ နီရှေး ပြောသလို ရှု့ထောင့်တွေတော့ တူမှာမဟုတ်ပါဘူး ၊ ဒါပေမယ့် ကျွန်တော်တို့ ရိုးသားကြပါတယ် ။ ကျွန်တော်တို့ ခုလိုရိုးရိုး သားသား လွတ်လွတ်လပ်လပ်နေတာကို ဒေါ်သဒ္ဓါက ထိပါးပြီးပြောလာတဲ့ အတွက် ကျွန်တော်တို့ဘက်က ချေပတာပါ ။ အမှန်ဆို ကျွန်တော်လည်း မပြောချင်ပါဘူး ။ ပထမရွှေကျင်ဆရာတော်ကြီး ရဲ့သြ၀ါဒ နာယူဖူးပါတယ် ။

လူကောင်းသည် အရူးနှင့်ပြိုင်၍ အ၀တ်မလစ်ကောင်း ။
A good man should not remain naked as a mad man does .
သူတော်ကောင်းသည် မသူတော်နှင့်ပြိုင်၍ ဒေါသမဖြစ်ကောင်း ။
A gentleman should not show anger as a mad man does .

ဒါပေမယ့်လည်း မပြောရင် မဖြစ်သာလို့ အမိုက်ခံပြီးပြန်ပြောရတာပါ ။ လောကမှာ စကားနဲ့ပြောလို့ နားမလည်တဲ့ လူတန်းစားဆိုတာရှိပါတယ် ။ ဒေါ်သဒ္ဓါ ကအဲဒီ လူတန်းစားထဲမှာမပါလောက်ပါဘူးလို့ ထင်ပါတယ် ။ ပြည်သူပြည်သား အချင်းချင်း တူအရီး အရွယ်မို့ လေးစားသမှု့နဲ့ အကိုးအကား အချက်အလက်နဲ့ လေးလေးစားစား ပြန်ရေးပြတာပါ ။ ခုလောက်ဆို ဒေါ်သဒ္ဓါလည်း သဘောပေါက်လောက်ပြီ ထင်ပါတယ် ။ နောက်ဆိုရင်တော့ ဒေါ်သဒ္ဓါဆီ ထပ်ရေးဖြစ်မယ်မထင်ပါဘူး ။ ဘာလို့လဲဆိုတော့ဗျာ သူငယ်တန်း ကျောင်းသားကို စွမ်းအင်တည်မြဲမှု့နိယာမ ဥပမာပြောပြရင်မသိနိုင်သလို ပါပဲ။

ကျွန်တော်တို့လည်း လူတိုင်းကိုပြန်မပြော (ပြန်မရေး) ပါဘူး ။ဒေါ်သဒ္ဓါပြော သလို ဒေါ်သဒ္ဓါ နဲ့ လင်းလက်ကြယ်စင်တို့ ကိုကျွန်တော်တို့ကစပြီးတိုက်ခိုက်တယ်ဆိုတာ မဟုတ်ပါဘူး ။ ကျွန်တော်တို့က လာပြောတိုင်းတောင်ပြန်မပြောပါဘူး ။ အပေါ်ကပြောခဲ့သလို သူငယ်တန်းကလေးလောက်ကို ကျွန်တော်တို့ စကားထဲ ထည့်မပြောပါဘူး ။ ဒေါ်သဒ္ဓါ ကိုတောင်အသက်အရွယ်ကြောင့်ပြန်ပြော (ပြန်ရေး)တာပါ ။ ဒေါ်မေငြိမ်းတို့ကျတော့လည်း ပြန်ရေးစရာမလိုပါဘူး ၊ ဒေါ်မေငြိမ်းတို့ကလည်း ကလေးကလား မဆိုင်တဲ့လူ ဆွဲဆွဲရမ်းတာမျိုး မရှိလို့ပါ ။ နောက်ပြီး ရပ်တည်ချက်မတူတာကလွဲလို့ လေးစားပြီးသားပါ ။ ဒေါ်မေငြိမ်းတို့ကလဲ စပြီးမစော်ကားသလို ကျွန်တော်တို့ကလည်းစပြီးမစော်ကားပါဘူး ။ (ဒေါ်မေငြိမ်း နဲ့ ဒေါ်သဒ္ဓါ ညီမျှခြင်းချ မရေးပါနဲ့ ။ မညီပါဘူး ဒေါ်သဒ္ဓါ)

အခုလည်း ဘာမဆိုင်ညာမဆိုင် မျက်ဖြေလင်္ကာ ကိုကိုးကားပြီးပြန်ရေးပါတယ် ။ နောက်ပြီး ခန္ဓီစ သည်းခံခြင်း ဆိုတာကိုလည်း တစ်လွဲတွေးပြီးရေးထားပါသေးတယ် ။ ဒါပေ့မယ့် ထပ်မပြောတော့ပါဘူးဗျာ ။ ကဲ ထားပါတော့ဗျာ ကိုKyaw မေးတဲ့အကြောင်းကို စလိုက်ပါတော့မယ် ။ ကိုKyaw မေးတဲ့ပုံစံက အပြုသဘောဆောင်တယ်လို့ ကျွန်တော်ယူဆပြီး ကျွန်တော်တို့ ဆွေးနွေးကြတာပေါ့ဗျာ ။ ဆွေးနွေးတဲ့နေရာမှာ ကျွန်တော်ပြောချင်တာက ကိုKyaw ကလည်း အပြုသဘောနဲ့ မေးသလို ကျွန်တော်ကလည်း အပြုသဘောနဲ့ ကျွန်တော်သိမိတဲ့ ကျွန်တော်မြင်မိတဲ့ ကျွန်တော့် အမြင်လေးကို ပြောမှာပါ ။ မှန်နေခဲ့ရင်ပဲ ဖြစ်ဖြစ် မှားနေခဲ့ရင်ပဲ ဖြစ်ဖြစ် ကျွန်တော့် အတွေးပဲ ဖြစ်ပါတယ် ။ (ဘယ်သူ့တိုက်တွန်းချက် ၊ ဘာမျှော်လင့်ချက်မှ မပါပါဘူး )

ကျွန်တော့် အတွေးတွေက မှားကောင်းမှားနိုင်ပါလိမ့်မယ် ကိုKyaw ရေ ။ ကိုKyaw ကအပြန်အလှန် လေးစားသမှု့နဲ့ ဆရာတပ်ခေါ်ပေမယ့် ကျွန်တော်က အပေါ်မှာပြောခဲ့ သလို သာမန်ရဲဘော်တစ်ယောက်ပါ ။နိုင်ငံရေးသမားမဟုတ်ပါဘူး ၊ နိုင်ငံရေး ဝေဖန်သူ လည်းမဟုတ်ပါဘူး ၊ နိုင်ငံရေး ရေးစား ၊ လုပ်စား သူမဟုတ်သလို ၊ တာဝန်ပေးလို့ ၊ ပိုက်ဆံပေးလို့ အခွင့်အရေးတစ်စုံတစ်ရာမျှော်ကိုးပြီးရေးတာ မဟုတ်တဲ့ အတွက် ကျွန်တော့်အမြင်ဟာ အမှားကင်းလိမ့်မယ်လို့ ပုံသေမတွက်နိုင်ပေမယ့် ဘက်လိုက်မှု့ ကင်းနေမယ် လို့ တာဝန်ယူပါတယ် (ကျွန်တော့်ရင်ဘတ်ထဲ အနှုတ်မရှိပါဘူးဗျာ) ။ နိုင်ငံရေးသမား ၊ နိုင်ငံရေးဝေဖန်သူ ၊ စာရေးဆရာ ၊ ဘာသာရေးနှံ့စပ်သူ မဟုတ်တဲ့ သာမန်ပြည်သူတစ်ယောက်ရဲ့ အမြင်ပါ ကိုKyaw ရေ ။ ကိုKyaw လည်းအဲလိုပဲမြင်မလား တော့မသိနိုင်ဘူးပေါ့ဗျာ ။

အဲဒီတော့ ကိုKyaw ရေ ပထမဆုံး ကိုKyaw ရေးပြသွားတဲ့ မောင်ကျည်ပွေ့ရဲ့ ပို့စ်က စာသားတစ်ချို့ကို ကျွန်တော် ထုတ်ပြပါ့မယ် ... အခုလိုပေါ့ဗျာ

>>> မဂ္ဂင်ဆရာတော်ကြီးဟာ နိုင်ငံတကာဗုဒ္ဓစာပေတွေကို ရေးသားပြုစုခဲ့ပြီး၊ ပညာဒါနတွေပေးဝေခဲ့ပါတယ် ၊ သာသနာ တော်အတွက် ဘုရားရှင်ရဲ့ မျက်နှာကိုသာကြည့်ပြီး မှန်မှန်ကန်ကန် ရပ်တည်ပြခဲ့လို့ စစ်ခွေးတွေက ထောင်သွင်းအကျဉ်းချတာခံခဲ့ရပါတယ်။

>>> မေဒိနီဆရာတော်ကြီးနဲ့ဗောဓိဆရာတော်ကြီး အများအကျိုး၊ သာသနာ့အကျိုးအတွက် ရဲရဲရင့်ရင့် ရပ်တည်ပေး ခဲ့လို့ ထောင်ချခံခဲ့ရပါတယ်။

>>> အင်းစိန်ရွာမဆရာတော်ကြီးဟာ သာသနာတော်အတွက်ဝိနည်းနဲ့အတိအကျရွက်ဆောင်ပြခဲ့လို့ ထောင်သွင်း အကျည်း ချခြင်းကို ၂နှစ်ခွဲအကြာ အင်းစိန်ထောင်ထဲမှာ ခံစားခဲ့ရပါတယ်။စစ်ခွေးတွေရဲ့ ယုတ်မာရိုင်းစိုင်းပုံတွေကတော့ မြန်မာ့သမိုင်း၊ သာသနာ့သမိုင်းမှာ အင်မတန် အောက်တန်းကျလွန်းလို့ မြန်မာနိုင်ငံ၊မြန်မာလူမျိုးတွေအတွက် ပယ်ဖျက်မရတဲ့ အမည်းကွက်ဖြစ်ခဲ့ပါပြီ။

(၁)ကျွန်တော် အခုလိုဘာလို့ ပြန်ရွေးပြရလဲဆိုတော့ ကိုKyawယူပြတဲ့ မောင်ကျည်ပွေ့ရဲ့ ပို့စ်ကို ကျွန်တော် သူစတင်ကတည်းက ဖတ်ဖူးပါတယ် ။ ကျွန်တော့် အမြင်မှာ ဘာသာရေးနဲ့ မဆိုင်ပဲ ၀ါဒဖြန့်တာသက်သက်လို့ ထင်လို့ ၀င်မပြောတာပါ ။ မောင်ကျည်ပွေ့ ရေးထားတဲ့ (ကျွန်တော်ထုတ်ပြတဲ့) စာသားတွေကိုကြည့်ရင် သိသာပါတယ် ။ အကြမ်းဖျင်းကောက်ချက်ချရရင် ဆရာတော်ကြီးတွေ ဘာသာရေးလုပ်လို့ ထောင်ချခံရတယ် လို့သဘောထွက်ပါတယ် ။ သာသနာအတွက် တကယ်စိုးရိမ်တာထက် နိုင်ငံရေး ပယောဂ မကင်းတဲ့အသံတွေ စာထဲမှာအများကြီးပါနေတာကို ကိုKyaw တွေ့မှာပါ ။

(၂)နောက်တစ်ခုက အချက်အလက်တွေဟာ မစုံပါဘူး ။ ဆရာတော်ကြီးတွေ (မောင်ကျည်ပွေ့စာရင်းပါ) ထောင်ကျခဲ့တယ် မကျခဲ့ဘူး ဆိုတာကတော့ ကျွန်တော်လည်း မသိပါဘူး ။ အကယ်၍ ကျခဲ့တာမှန်ရင်တောင်မှ ဘာသာရေးကြောင့်ဆိုတာတော့ မဟုတ်တာ အသေအချာပါပဲလို့ ကျွန်တော် အာမခံရဲပါတယ် ။ မောင်ကျည်ပွေ့ပြောတဲ့ တိပိဋကဓရဂန္ဓာရုံ ဆရာတော်ကြီးဆိုတာ ကျွန်တော်မကြားဖူးပါဘူး ။ ကျေးဇူးရှင် အရှင်ဇနကာဘိဝံသ ဆရာတော်ကြီးဆိုရင်တော့ ဒါဟာ ၀ါဒဖြန့်မှု့တစ်ခုဆိုတာ ကိုKyawလည်း ဆရာတော်ကြီးရဲ့ ထေရုပ္ပတ္တိကို ဖတ်ဖူးရင်သိမှာပါ ။ စာကိုဆုံးအောင် မနည်းတင်းပြီးရေးနေရတယ် ဆိုတဲ့ မောင်ကျည်ပွေ့က သာသနာတော်အတွက် ရင်ထုမနာဖြစ်ပြီး စစ်ခွေး ၊ ခွေးနောက်လိုက် ဆိုတဲ့ စကားလုံးတွေနဲ့ ပို့စ်တစ်ခုလုံး ၈ ခါရေးပြသွားပါတယ် ။ ကိုKyawပဲ စဉ်းစားကြည့်ပါ သာသနာအတွက်တကယ် သက်ဝင်ပြီးစိုးရိမ်နေတာလား ။ တမင် ဆရာတော်ကြီးတွေ နာမည်အောက်ဝင်ပြီး သူအလိုမကျတဲ့ အစိုးရကို ဆဲနေတာလား ဆိုတာပေါ့ ။

(၃)ဆဌမ သံဃာယနာတင်ဖို့အတွက် တိပိဋကဓရဘွဲရ ဆရာတော်ပေါ်ထွန်းလာရေးကို ၀န်ကြီးချုပ်ဦးနု လက်ထက်က စတင်ကျင်းပပေးခဲ့ပါတယ် ။ သူဌေးကြီး ဆာဦးသွင် တို့ကဦးဆောင်ပြီး ကြိုးစားခဲ့ကြပါတယ် ။ တိပိဋကဓရ စာပြန်ပွဲအတွက် ပြည်သူနဲ့ရော ရဟန်းတော်တွေကြားထဲပါ အတော်ကြိုးစားခဲ့ရတာတွေကို တိပိဋကဓရ စာပြန်ပွဲ စတင်ဖြစ်ပေါ်လာပုံတွေမှာ ဖတ်ကြည့်ပါ ကိုKyaw ရေ ။ ကျွန်တော်ပြောချင်တာက မောင်ကျည်ပွေ့ပြောသလို တိပိဋကဓရဆိုတာ အတော်လေးမြင့်မြတ်ပါတယ် ။ ခက်ခဲပါတယ် ။ ၀န်ကြီးချုပ်ဦးနုလက်ထက် စတင်ကျင်းပရာကနေ ၁၉၈၈ ခုနှစ်အတွင်းမှာ ပေါ်ပေါက်ခဲ့တဲ့ တိပိဋကဓရ ဆရာတော်တွေ နဲ့ အခုလက်ရှိအစိုးရတာဝန်ယူပြီးနောက် ၁၉၈၈ နောက်ပိုင်း ပေါ်ထွန်းလာခဲ့တဲ့ ဆရာတော်တွေကို အချိုးချကြည့်ရင် လက်ရှိအစိုးရက သာသနာရေးကို အလေးထားမထား သိနိုင်ပါတယ် ။ အခုလက်ရှိ မြန်မာနိုင်ငံမှာ တိပိဋကဓရ ဆရာတော်တွေ ၊ ဒွိပိဋက ဆရာတော်တွေ ၊ ဧကပိဋကဆရာတော်တွေ ကအရပ်သားစကားနဲ့ပြောရရင် လွှတ်ပေါ လို့ပြောရမလောက်အောင် သာသနာတော်တိုးတက်နေတာ ကိုKyaw လည်းအသိပါ ။

(၄) မောင်ကျည်ပွေ့ စာရင်းပါ ဆရာတော်ကြီးတွေလိုရော ၊ အဲဒီဆရာတော်ကြီးတွေထက်ပါ သိက္ခာ ၊သမာဓိ အရာမှာ နာမည်ကြီးပြီး ရိုသေရတဲ့ ဆရာတော်ကြီးတွေ ကျွန်တော်တို့မြန်မာပြည်မှာ အများကြီးပါ ။ နောက်တစ်ချက်က မောင်ကျည်ပွေ့ပြောတဲ့ ဆရာတော်ကြီးတွေထဲမှာ ကမ္မဌာနာစရိယ ဆရာတော် တွေလည်းမပါပါဘူး ။ နိုင်ငံတကာကိုလှည့်လည်သာသနာ ပြုနေတဲ့ ဆရာတော်ကြီး တွေလည်းအများကြီးပါ ။ ကိုKyaw လည်းသိမှာပါ ။ အဲဒီတော့ကျွန်တော်ဆိုလိုချင်တာက မီးသတ်သမားက လူဆိုးမဖမ်းပါဘူး ။ လယ်သမားကလည်း တိုက်မဆောက်ပါဘူး ။ ရဲကလည်း သူနာပြုမလုပ်သလို ၊ အစိုးရအနေနဲ့ အကြောင်းမဲ့သက်သက် ဆရာတော်ကြီးများကို (မောင်ကျည်ပွေ့အလိုအရ သာသနာထွန်းကားအောင်လုပ်လို့) မဖမ်းပါဘူးဗျာ ။ အဲလိုဖမ်းရင်လည်း ဘယ်သူမှလက်မခံပါဘူး ။ ဖမ်းလောက်စရာ အကြောင်းကိစ္စရှိလို့ ဖမ်းတာပါဗျာ ။

(၅) ကိုKyaw ရေ အခုထောင်ထဲရောက်နေတဲ့ သံဃာတွေထဲမှာ နယ်တွေ ၊ ရွာတွေမှာ ပုံမှန်ဆွမ်းခံ ၊ တရားကျင့်ကြံနေတဲ့ ဆရာတော်တွေ တစ်ပါးမှမပါပါဘူးဗျာ ။ ခပ်ရှင်းရှင်းပြောရရင် ကိုKyawရေ ပရိတ်ကြီး ၁၁ သုတ်ကိုလမ်းပေါ်တက်မရွတ်ပဲ ကျောင်းမှာတင် အော်ကျက်နေတဲ့ ကိုရင်လေးတွေ တစ်ပါးမှထောင်ထဲ မထည့်ပါဘူးဗျာ ။ နိုင်ငံတကာ နဲ့ အပြည်ပြည်ဆိုင်ရာ ဗုဒ္ဓဘာသာညီလာခံတွေမှာ ဥက္ကဌ ၊ အတွင်းရေးမှုး ၊ နာယက ၊ အဖွဲ့ဝင် ဆိုတဲ့နေရာတွေ မှာထိုင်တော်မူခဲ့ကြတဲ့ မြန်မာပြည်က ဆရာတော်ကြီးများ ကိုလည်း ထောင်ထဲဆွဲမထည့်ပါဘူးဗျာ ။ အထည့်လည်းမခံရပါဘူး။

အခုဆွဲထုတ်ပြတဲ့ အချက်တွေက မပြည့် စုံသေးပါဘူး။ အမှားလည်းရှိနိုင်ပါလိမ့်မယ်။ ကျွန်တော်မြင်တဲ့အမြင်လေးကိုပဲ ခပ်ရိုးရိုးလေး ပြောပြလိုက်ခြင်းပါပဲ။ ဒီနေရာမှာ ကျွန်တော့်အမြင်များကိုသာ တင်ပြခြင်း သက်သက်သာဖြစ်တဲ့ အတွက် ကျွန်တော့်အမြင်အားလုံးဟာ တပ်မတော်ကြီးတစ်ခုလုံးကို ကိုယ်စားမပြုပါဘူး။ ကျွန်တော် ထပ်ပြောပါဦးမယ် "မီးသတ်သမားက လူဆိုးမဖမ်းပါဘူး ။ လယ်သမားကလည်း တိုက်မဆောက်ပါဘူး ။ ရဲကလည်း သူနာပြုမလုပ်သလို ၊ အစိုးရအနေနဲ့ အကြောင်းမဲ့သက်သက် ဆရာတော်ကြီးများကို (မောင်ကျည်ပွေ့အလိုအရ သာသနာထွန်းကားအောင်လုပ်လို့) မဖမ်းပါဘူးဗျာ ။ အဲလိုဖမ်းရင်လည်း ဘယ်သူမှလက်မခံပါဘူး ။ ဖမ်းလောက်စရာ အကြောင်းကိစ္စရှိလို့ဖမ်းတာပါဗျာ ။"

(၆) နောက်ဆုံးတစ်ချက်အနေနဲ့ ကျွန်တော် ဖတ်ဖူးတဲ့စာအုပ်ထဲက ဗိုလ်ချုပ်ရဲ့ဆန္ဒ (သို့မဟုတ်) အမြင်လေးတွေ ကို ကူးယူဖော်ပြပေးပါဦးမယ်။
" ….. အောင်ဆန်း တက္ကသိုလ်ရောက်စ ပထမနှစ်တွင် ကျောင်းသားသမဂ္ဂမှ စကားရည်လုပွဲတစ်ရပ် ကျင်းပပါသည်။ ထိုစကားရည်လုပွဲအပြီး၌ အောင်ဆန်းသည် ပရိသတ်အကြားမှထကာ သူ့အစ်ကိုအောင်သန်း တင်သွင်းသော ဘုန်းကြီးများ နိုင်ငံရေးမလုပ်သင့်ဟူသောအဆိုကို ထောက်ခံလိုက်ပါသည်။ ဤသည်မှာမိသားစုဝင် ညီအစ်ကိုအချင်းချင်း သွေးစည်းရေး သဘောဆောင်သည့် အပြုအမူမဟုတ်ပါ။ ယုံကြည်ချက် အရလုပ်လိုက်ခြင်း ဖြစ်ပါသည်။ထိုစကားရည်လုပွဲတွင် အောင်ဆန်းထောက်ခံခဲ့သော အဆိုမှာ သူ၏ရေရှည်ယုံကြည်ချက် တစ်ရပ်အား ဖော်ထုတ်ခဲ့ခြင်းဖြစ်သည်ကို သတိမူသင့်ပါသည်။ ထိုယုံကြည်ချက်မှာ သံဃာတော်များ နိုင်ငံရေးတွင် ၀င်ရောက်လုပ်ကိုင်ခွင့် မပြုသင့်ကြောင်းပင် ဖြစ်ပါသည်။

မကွယ်လွန်မီ တစ်နှစ်ကျော်က ပြောခဲ့သော ရွှေတိဂုံစေတီတော် အလယ်ပစ္စယံမိန့်ခွန်း၌ ဘာသာရေးနှင့် နိုင်ငံရေးရောစပ်ပါမူ ဘာသာရေး၏ သဘောတရားကို ဆန့်ကျင်ရာ ရောက်စေသည်ဟု ပြောခဲ့၏။ ရဟန်းသံဃာတော်များအား အရှင်ဘုရားတို့က သာသနာတော်ရောင် ထွန်းပြောင်အောင် အားထုတ်တော်မူကြပါ။ကမ္ဘာသူ ကမ္ဘာသားတို့ မေတ္တာပွားများ၍ သမစိတ္တနှင့် ညီရင်းအစ်ကို မောင်နှမကဲ့သို့ နေနိူင်ကြပါလိမ့်မည်။ ဤကဲ့သို့ဆောင်ရွက်မှုသည် သာသနာတော်ဘက်ကကြည့်၍ မြင့်မြတ်သည်မဟုတ်ပါ။ တပည့်တော်တို့၏ နိုင်ငံနှင့်လူမျိုးအတွက် အမြင့်မြတ်ဆုံးသော နိုင်ငံရေးကို ဆောင်ရွက်ရာလည်း ရောက်ပါသည်ဘုရား စသည်ဖြင့် လျှောက်ထားခဲ့ပါသည်။..."

ကိုKyaw ပြောသလို ကျွန်တော်တို့ရဲ့ တပ်မတော်ကြီး မဟုတ်ပါဘူး။ မြန်မာနိုင်ငံတွင်းမှာနေထိုင်တဲ့ ပြည်သူလူထုအားလုံးရဲ့ တပ်မတော်ပါဗျာ။ တပ်မတော်အတွင်းမှာ တာဝန်ထမ်းဆောင်နေတဲ့ တပ်မတော်သား အားလုံးကလည်း ပြည်သူထဲကနေ ပေါက်ဖွားလာတဲ့ ပြည်သူ့သားကောင်းများသာ ဖြစ်ပါတယ်။ အရေးကြုံလာရင် အဲဒီတပ်မတော်သားတွေပဲ နိုင်ငံတော်အတွက် အသက်ပေးလှူကြတာ မဟုတ်လားဗျာ။ အဲဒီတော့ ကိုKyaw ရေ .. အစ်ကိုမေးသလို ကျွန်တော်တို့ရဲ့ တပ်မတော်ကြီးဟာ ဘယ်လိုအဖွဲ့အစည်းမျိုးလဲ ဆိုတော့ ပြည်သူတွေနဲ့ဖွဲ့စည်းထားတဲ့ ပြည်သူ့အဖွဲ့အစည်းပါ ။ မလိုလားတဲ့ ပြည်ပအဖွဲ့အစည်းတွေက အပုပ်ချ ၀ါဒဖြန့်တာတွေကို ယုံကြည်နေကြတဲ့ လူတွေကို ထိန်းသိမ်းစောင့်ရှောက်ပေးရင်း စည်းကမ်းပြည့်ဝတဲ့ ဒီမိုကရေစီ နိုင်ငံကိုဦးတည်နေတာပါ ။ အဲဒါကို မလိုတဲ့သူတွေက ငါးတကာယိုတဲ့ချေး ပုဇွန်ခေါင်းစု ဆိုသလို ဖြစ်သမျှပြဿနာတွေ ၊ တစ်ဦးချင်းအဆင်မပြေမှု့တွေအားလုံးကို လက်ရှိအုပ်ချုပ်သူတပ်မတော်အစိုးရအပေါ် ပုံချနေကြတာပါ ။ ဒ်ီလောက်ဆို ကိုKyaw yaလည်းနားလည်လောက်ပါပြီ။ ကိုKyaw မေးတဲ့မေးခွန်းရဲ့ အဖြေ (ကျွန်တော့်အမြင်) ကိုရော သဘောပေါက်လောက်ပြီလို့ ကျွန်တော်ထင်ပါတယ်။ အားလုံးအဆင်ပြေပါစေဗျာ။ ။

You received this email because you are subscribed to the real_time feed for http://platonicloveaugust4.blogspot.com/feeds/posts/default. To change your subscription settings, please log into RSSFWD.