ရင်ဝယ်မချိသော ဆုံးဖြတ်ချက်များစွာ
ဆောင်းပါး ကြည်ဝေ ဧရာဝတီ | အလင်းရောင် ကောင်းစွာ မ၀င်သော အစိုးရ သံမဏိ စက်ရုံတခု၏ အလုပ်သမား လိုင်းမှ အခန်း ကျဉ်းလေး တခုထဲတွင် "အမေ ... နာတယ် နာတယ်" ဟု ညည်းညူရင်း ချွေးစေးများ ထွက်နေသော အသက် ၂၅ နှစ်အရွယ် သမီးဖြစ်သူကို ကြည့်ရင်း ဘာလုပ်လို့ ဘာကိုင်ရမှန်း မသိအောင် သောက ဝေနေသည့် မိခင် ဖြစ်သူက ချွေးသုတ် ပေးကာ ယပ်တောင်ကိုသာ အတွင် ခပ်ပေးနေခဲ့သည်။
တဖြည်းဖြည်းနှင့် သမီးမျက်နှာမှာ သွေးဆုတ်စပြုလာပြီး အသံများ တိုးတိမ်သွားရာ အမေဖြစ်သူမှာ ထိတ်လန့် တုန်လှုပ်လာပြီး ဘေးပတ်ဝန်းကျင်က အခန်းများဆီသို့ အော်ဟစ်အကူအညီ တောင်းမိတော့သည်။
ဘေးပတ်ဝန်းကျင်က သိပြီဆိုသည်နှင့် ထိုအဖြစ်အပျက်ကို ဘယ်လို ဖြေရှင်းရမလဲ ဆိုတာကို ဒေါ်အေး တယောက် မတွေးဆရဲတော့။ သမီးဖြစ်သူက ဗိုက်ထဲမှ ၃လအရွယ် သန္ဓေသားကို အရပ်လက်သည် အမျိုးသမီး၏ အကူအညီနှင့် မနေ့ကပင် ဖျက်ချ ခဲ့သည် မဟုတ်လား။ မြန်မာနိုင်ငံတွင် တရားမ၀င် ကလေးဖျက်ချခြင်းမှာ ရာဇ၀တ်မှုတခု ကျူးလွန်ခြင်းပင်။
ကိုယ်ဝန်သုံးလကို လက်သည်နှင့် ဖျက်ချမည်ဟု သမီးပြောတုန်းက သူမအနေနှင့် မတားမိခဲ့ပါဟု ဒေါ်အေးက ပြောဆိုသည်။
"သူ့မှာက ကလေးကလည်း ၂ ယောက်တောင်ရှိတယ်၊ ပြီးတော့ အကြွေးတွေလည်း ရှိသေးတယ် ဆိုတော့ ကျမလည်း မလုပ်ကောင်းဘူးဆိုတာ သိပါတယ်၊ ဒါပေမယ့် မတတ်သာတဲ့အဆုံးမှာ ကျမလည်း .. မတားမိတော့ တာပါ" ဟု ပြောရင်း ငိုရှိုက်လေတော့သည်။
သူမ၏ သမီးမှာအဆိုပါ စက်ရုံမှ လစာနည်း ၀န်ထမ်းတဦးဖြစ်ပြီး ခင်ပွန်းသည်မှာလည်း သူမလိုပင် လစာနည်း အစိုးရ၀န်ထမ်းတဦး ဖြစ်သည့်အတွက် စားဝတ်နေရေးတွင် အခက် အခဲဖြစ်လျက်ရှိကြောင်း၊ ထိုကာလတွင် တတိယမြောက်ကိုယ်ဝန် ရလာသည့်အတွက် အရပ်ကြေးစား လက်သည်တဦးထံတွင် ကိုယ်ဝန်ဖျက်ချခဲ့ပြီး နှစ်ရက်မြောက်နေ့တွင် ဗဟိုအမျိုးသမီး ဆေးရုံသို့ ရောက်ရှိလာရခြင်းဖြစ်ကြောင်း သိရှိရသည်။
ဆေးရုံတွင် သွေးဆိပ်တက်နေသော ဝေဒနာနှင့် ဆေးဝါးကုသမှု ခံနေရသော အမျိုးသမီးမှာ စက်ရုံမှ အလုပ်ပြုတ်မည့်အပြင်၊ ကိုယ်ဝန်ဖျက်ချသည့်အတွက် ဥပဒေအရ တရားစွဲဆိုခြင်းခံရကာ ပြစ်ဒဏ် ၃ နှစ် ကျခံရမှာ ဖြစ်ကြောင်း သူက ပြောပြသည်။
မြန်မာနိုင်ငံတွင် အမျိုးသမီးအများစုမှာ သားဆက်ခြားနည်း များနှင့်ပတ်သက်ပြီး ဗဟုသုတနည်းပါးခြင်း၊ ငွေကြေး မပြည့်စုံခြင်းတို့ကြောင့် ကြိုတင် စီစဉ်ပြင်ဆင်ထားခြင်း မရှိသော ကိုယ်ဝန် ဆောင်ခြင်း၏ ဆိုးကျိုးကို ခံစားကြရသည်။
ဆေးရုံသို့ ကိုယ်ဝန်ဖျက်ချကာ ရောက်ရှိလာသော အမျိုးသမီးများ အများအပြား ရှိနေကြောင်း ရန်ကုန် အမျိုးသမီး ရောဂါ အထူးကု ဆရာဝန်ကြီးတဦးက ပြောသည်
"အခု ဆေးရုံရောက်လာတဲ့ မိန်းမတွေမှာ ၁၀ ယောက်ရှိရင် ၇ ယောက်က ကိုယ်ဝန် ဖျက်ချ လိုက်လို့ ရောက်လာတာပဲ။ တနှစ်ထက်တနှစ်တိုးလာတယ် အဲဒီ လူနာအမျိုးအစားက လွန်ခဲ့တဲ့ ၂၀၀၄ ကနဲ့ စာရင် ၃ ဆရှိတယ်၊ လွန်ခဲ့တဲ့ ၁၀ နှစ်တုန်းကထက်စာရင် ၈ ဆ နီးပါး လောက် ရှိပါတယ်" ဟု သူက ဆိုသည်။
ဆက်လက်၍ သူက ကိုယ်ဝန်ဖျက်ချကျသော အမျိုးသမီးအများစုမှာ ဆင်းရဲနွမ်းပါးပြီး ကလေးအရေအတွက် များသူ အိမ်ထောင်သည် သားသည် အမေများ ဖြစ်ကြသည်ကို တွေ့မြင်ရသည်ဟု ဆိုသည်။
၎င်းတို့အနေနှင့် ထုံးတမ်းစဉ်လာအရ ကိုယ်ဝန်ဖျက်ချခြင်းသည် ဘာသာရေးအရ သူတပါး အသက်ကို သတ်ခြင်းဖြစ်ကြောင်း နားလည်ထားသည့်ပြင် ဥပဒေအရပါ ပြစ်ဒဏ်ခံရမည်ကို သိနေသော်လည်း နောက်ဆုံး ကြံရာမရသဖြင့် ဖျက်ချကြခြင်းဖြစ်သည်ဟု ဆရာဝန်ကြီးက ပြောဆိုသည်။
ကိုယ်ဝန်ဖျက်ချသော အမျိုးသမီးအများစုသည် အရပ်လက်သည် များနှင့် မိရိုးဖလာ ဆေးမြီးတိုများကို အသုံးချကြသည်။ အမျိုးသမီးတချို့မှာ ပြည်တွင်းဈေးကွက်တွင် ကိုယ်ဝန်ဖျက်ဆေးအဖြစ် နာမည်ကြီး လျက်ရှိသော ကေသီပန်၊ စိန်ကုလားသွေးဆေး၊ နှစ်ခွက်ဆေး စသည့် ပူစပ်သော သွေးဆေးပြင်းများကို အရက်နှင့်ရောသောက်ခြင်း၊ ချင်းနှင့် ထန်းလျက်ကို ရောကြိုသောက်ခြင်း၊ ငရုတ်ကောင်းနှင့်ရေနွေး ရောစပ်သောက်ခြင်း တို့ ပြုလုပ်ကြသည်ကို တွေ့ရသည်။
အရပ်လက်သည်အများစုမှာ ဆီးခုံရိုး နေရာကို နှိပ်နင်းခြင်း၊ ထုရိုက်စေခြင်း၊ ၀မ်းဗိုက်ပြင် အရေပြားမှတဆင့် သားအိမ်ကို ပြင်းထန်စွာ နှိပ်ခြင်း စသည့်နည်းများ သုံးကာဖျက်ချပေးကြပြီး သားအိမ်ထဲသို့ ဖဲထီးရိုးများ၊ တုတ်တံများ၊ စက်ဘီးစပုတ်တံများ၊ သစ်ကိုင်းများထည့်ခြင်းဖြင့် သားအိမ်ထဲမှ သန္ဓေသားကို ထိခိုက် ပျက်စီးအောင် လုပ်ခြင်း စသည့် နည်းလမ်းများကို အသုံးပြုလျက်ရှိသည်ကို တွေ့မြင်ရကြောင်း ဆရာဝန်များ၏ ပြောပြချက်အရ သိရှိရသည်။
ထိုနည်းများကို အသုံးပြုသူများသည် သားအိမ်ပေါက်ခြင်း၊ သားအိမ်ထဲတွင် သေဆုံးပြီး သန္ဓေသား၏ အပိုင်းအစများ ကျန်ရစ်ခဲ့ခြင်း၊ ရောဂါပိုးဝင်ရောက်ခြင်း၊ သွေးလွန်ခြင်း၊ သွေးဆိပ်တက်ခြင်း စသည့် ရောဂါများဖြစ်ပွားကြပြီး အသက်သေဆုံး သည်အထိ ဖြစ်လာကြသည်ကို တွေ့မြင်ရကြောင်း သိရှိရသည်။
"အဓိကကတော့ ဆင်းရဲကြပ်တည်းကြတာနဲ့ ၀င်ငွေနည်းပါးကြတာကြောင့်ပဲ။ နောက်တချက် က သားဆက် ခြားနည်းဆိုင်ရာ ဗဟုသုတပိုင်းမှာ အားနည်းတာ၊ လွတ်လပ်ပွင့်လင်းမှု မရှိတာနဲ့ အလုပ်အကိုင်ရရှိမှု ခက်ခဲ တာတွေက အခုခေတ်ရဲ့ ကိုယ်ဝန်ဖျက်ချရခြင်း အကြောင်းရင်း တွေပဲ" ဟု သားဖွားနှင့်မီးယပ် အထူးကု ဆရာဝန်ကြီးတဦးက ပြောဆိုသည်။
ကိုယ်ဝန်ဖျက်ချကြသော အမျိုးသမီးများမှာ အသက် ၂၅ နှစ်မှ ၄၀ ၀န်းကျင်အရွယ် အမျိုးသမီးများဖြစ်သည်ကို တွေ့ရသည်ဟု သူက ဆက်ပြောသည်။
ခုတင်တလုံးပေါ်တွင် ကွေးအိပ်ရင်းနာကျင်မှု ဝေဒနာကို အံကြိတ်ခံစားနေသော မမာလာက "ကျမမှာ သားလေး ၁ ယောက်ရှိတယ်။ အခု ဒီဖျက်ချလိုက်တဲ့ ကိုယ်ဝန်က ဒုတိယမြောက်ပါ။ ဒီကလေးကို မွေးလိုက်ရင် ကျမ အလုပ်ပြုတ်မှာ သေချာတယ်။ အဲဒါကြောင့် မဖျက်ချင်ဘဲ ဖျက်ချလိုက်တာပါ" ဟု ပြောပြသည်။
သူအလုပ်လုပ်သော ရေသန့်စက်ရုံက အလုပ်စ၀င်စဉ်ကတည်းက အိမ်ထောင်ရှိသည်ဟု ဆိုသောကြောင့် မီးဖွားခွင့်မရှိ၊ ကိုယ်ဝန်ရှိလျှင် အလုပ်ထွက်ရမည်ဟု ကြိုတင်ပြောဆို ထားသောကြောင့် ယခုကဲ့သို့ ကိုယ်ဝန်ကို ဖျက်ချလိုက်ရခြင်းဖြစ်သည်ဟု ဆိုသည်။
အိမ်ထောင်ရှိသော အမျိုးသမီးများအနေနှင့် အလုပ်အကိုင်အခွင့်အလမ်း နည်းပါးသည့်ပြင် ယနေ့ခေတ် အလုပ်ရှင်များက အိမ်ထောင်သည် အမျိုးသမီးများအား အလုပ်ခန့်ရာတွင် ကိုယ်ဝန် ဆောင်ပါက မွေးဖွားခွင့် ၄၅ ရက်နှင့် ထို ၄၅ ရက်အတွက် လစာ အပြည့် ပေးရမည် စိုးသောကြောင့် ကိုယ်ဝန်ဆောင်လျှင် အလုပ်ထွက် ရမည်ဟု ကြိုတင် သတိပေးထားလေ့ ရှိသည်။
သားဆက်ခြားနည်း အမျိုးမျိုး ရှိသည့်အနက် ဈေးအသက်သာဆုံး သားဆက်ခြားနည်း ဖြစ်သည့် ဆေးပြား စားသုံးခြင်း ဆိုသည်ပင် တကတ်လျှင် လက်လီဈေးကွက်၌ အနည်းဆုံး ငွေကျပ် ၇၀၀ ဈေးပေါက်လျက် ရှိသောကြောင့် ၀င်ငွေနည်းပါးသူများမှာ ရေရှည်မသုံးစွဲနိုင်ကြောင်း သိရသည်။ ထို့ပြင် ၎င်းဆေးကတ်မှာ အမျိုးသမီးတိုင်းနှင့် မတည့် သည့်အတွက် တချို့သာ သုံးစွဲနိုင်သည်။
တခြားသားဆက်ခြားနည်း တခုဖြစ်သော လစဉ် သားဆက်ခြားဆေး ထိုးမည် ဆိုပါကလည်း တလခံဆေး၊ နှစ်လခံဆေးနှင့် သုံးလခံဆေး ဟူ၍ရှိရာ ကုန်ကျစရိတ်အနေနှင့် ဆေးဖိုးနှင့်ထိုးခ အနည်းဆုံးကျပ် ၁၅၀၀ မှ ကျပ် ၃၀၀၀ ထိ ကုန်ကျသောကြောင့် ၀င်ငွေနည်း မိသားစုများမှ အမျိုးသမီးများ အသုံးပြုနိုင်မှု နည်းပါးသည်ကို တွေ့မြင်ရသည်။
ထို့ပြင် သားသမီးများသောကြောင့် သားကြောဖြတ်မည်ဆိုပါကလည်း အစိုးရက ကန့်သတ် ထားသော ဥပဒေများရှိသောနေရာ အသက် ၃၅ နှစ်အောက် အမျိုးသမီးများ သားကြော ဖြတ်ခွင့်မရဟု သိရသည်။
တခြားသားဆက်ခြားနည်းတခုဖြစ်သည့် ကွန်ဒုံးသုံးစွဲနည်းမှာလည်း ၀င်ငွေနည်း မိသားစုများ အတွက် အဆင်မပြေကြောင်း သိရှိရသည်။ ကွန်းဒုံးတခု၏ လက်ရှိပေါက်ဈေးမှာလည်း လက်လီ ဈေးကွက်တွင် ကျပ် ၂၀၀ နှင့်အထက် ရှိနေရာ တနေ့လုပ်အားခငွေ ကျပ် ၁၅၀၀ သာရသော အလုပ်သမားများအနေနှင့် ၀ယ်ယူ သုံးစွဲနိုင်သည့် အင်အားမရှိပေ။
ကိုယ်ဝန်ဖျက်ချပေးသည့် အရပ်လက်သည်များ၏ ဈေးနှုန်းမှာ ကျပ် ၅ ထောင်မှ ကျပ် ၂ သောင်းထိ ရှိသည်။ ကျန်းမာရေးမှူး သို့မဟုတ် သူနာပြုဆရာမ စသော ဆေးဝန်ထမ်း များထံတွင်ပြုလုပ်ပါက ပိုလုံခြုံမှုရှိပြီး ဈေးနှုန်းမှာလည်း အနည်းဆုံးကျပ် ၅ သောင်းမှ ၁ သိန်းထိ ပေးရသောကြောင့် ၀င်ငွေနည်းပါးသူများ မလုပ်နိုင်ကြောင်း သိရှိရသည်။
ကိုယ်ဝန်ဖျက်ချသူ အများစုမှာ ဈေးသက်သာသော အရပ်လက်သည်များထံတွင်သာ ဖျက်ချကြ သောကြောင့် ဆေးရုံရောက်ရခြင်း၊ အသက်သေဆုံးရခြင်းများ ရှိလာသည်။
မြန်မာနိုင်ငံတွင် ကိုယ်ဝန်ဖျက်ချခြင်းကို ရာဇ၀တ်မှု တခုအဖြစ် သတ်မှတ်ထားပြီး ကိုယ်ဝန် ဖျက်ချသူနှင့် ဖျက်ချပေးသူများကို ထောင် ဒဏ် ၃ နှစ်နှင့်အထက် သတ်မှတ်ကာ ထောင်ဒဏ် ရော ငွေဒဏ်ပါ နှစ်မျိုးစလုံး အပြစ်ပေးလျက်ရှိကြောင်း သိရှိရသည်။
နွားခေတ်ကို ရောက်ရမည်သာ မလွဲပါ
ကာတွန်း ဟန်လေး ဧရာဝတီ |
အန်အယ်လ်ဒီလူငယ်အချို့ မြေနီကုန်းမှာ ဆန္ဒပြလမ်းလျှောက် ဒေါ်အောင်ဆန်းစုကြည်လွှတ်ပေးရေး တောင်းဆို
  အမျိုးသား ဒီမိုကရေစီ အဖွဲ့ချုပ်ဝင်များ ကိုင်ဆောင် ဆန္ဒပြသော -ရင်ကိုဖွင့်၍ ရှင်သန်ပါ- ဆိုင်းဘုတ်ပါ စာသားများ။ ဒီဇင်ဘာ ၃၀ ရက်နေ့ မွန်းလွဲပိုင်းက ဒေါ်အောင်ဆန်းစုကြည် လွတ်ပေးရေး ဆန္ဒပြသူ အဖွဲ့ချုပ်ဝင် ၉ ဦးကို ပြည်သူ့ရင်ပြင်နှင့် လွှတ်တော် အဆောက်အဦရှေ့တွင် လုံခြုံရေး တပ်ဖွဲ့ဝင်များက ရိုက်နှက် ဖမ်းဆီးသွားခဲ့သည်။ |
 |
Campaign Call for Independence Day-2
PDF ဖိုင်ဖြင့် ဖတ်ရန် ကလစ်နှိပ်ပါ 
PDF * 16.0 KB
မြန်မာပြည်လွတ်မြောက်ရေးအဖွဲ့ချူပ်မှ မြန်မာနိုင်ငံ လွတ်လပ်ရေးနေ့  အထိမ်းအမှတ် ကြေငြာချက်။
PDF ဖိုင်ဖြင့် ဖတ်ရန် ကလစ်နှိပ်ပါ PDF * 64.0 KB
ဒုတိယမြောက်လွတ်လပ်ရေးတိုက်ပွဲ နှင့် အနီးကပ်ဆုံးရန်သူ
-ရင်အေး-
၁၉၄၈ ခုနှစ်၊ ဇန္နဝါရီလ(၄)ရက်နေ့တွင်၊ ဗိုလ်ချုပ်အောင်ဆန်း နှင့် အာဇာနည်ခေါင်းဆောင်ကြီးများ၏ အသက်စွန့် ကြိုးပမ်းမှုကြောင့်၊ အမိမြန်မာပြည် တိုင်းတပါးကျွန်ဘဝမှလွတ်မြောက်ကာ၊ လွတ်လပ်၍ အချုပ်အချာအာဏာပိုင် နိုင်ငံတနိုင်ငံအဖြစ်၊ ဝင့်ကြွားစွာ ရပ်တည်နှိုင် ခဲ့သည်။ ဗမာ့လွတ်လပ်ရေးတပ်မတော် နှင့် ပြည်သူတို့ အတူတကွ လက်တွဲကာ၊ တပ်မတော် ဖခင်ကြီးဗိုလ်ချုပ်အောင်ဆန်း ညွှန်ကြားသည့် အတိုင်း၊ အနီးကပ်ဆုံးရန်သူ ဖြစ်သည့် ဖက်စစ်တို့အား တွန်းလှန်ခဲ့ ပြီးသည့်နောက်၊ နယ်ချဲ့တို့ထံမှ လွတ်လပ်ရေး ကို ညီညွတ်စွာ ရယူနိုင်ခဲ့သည်။
လာမည့် ၂၀၀၉ ခု၊ ဇန္နဝါရီ(၄)ရက်ဆိုလျှင်၊ လွတ်လပ်ရေး ရရှိခဲ့သည်မှာ (၆၁)နှစ်ပြည့်မြောက်တော့မည် ဖြစ်သည်။ (၆၁)နှစ်အတွင်း အမိမြန်မာပြည်မှာ ပြည်သူအများစုကြီး၊ ဗိုလ်ချုပ်တို့အရယူပေးခဲ့သည့် လွတ်လပ်ရေး ၏ အနှစ်သာရ ကို အမှန်တကယ် ရရှိခံစားခဲ့ ကြရပါရဲ့လား
ဗိုလ်ချုပ်အောင်ဆန်း လုပ်ကြံခံခဲ့ရပြီး၊ တပ်မတော်သည်၊ ဖက်ဆစ်အမွေဆိုးကိုအရယူခဲ့သည့် ခေါင်းဆောင်ဆိုး ၏ လက်အောက်သို့ ရောက်ရှိခဲ့ရပြီးနောက်၊ "ပြည်သူနှင့်အတူ တိုင်းတပါးကျွန်ဘဝမှ လွတ်လပ်ရေး အရယူပေး ခဲ့သည့် တပ်မတော်ဘဝ" မှ " ပြည်သူအချင်းချင်း ကျွန်ပြုသည့်၊ စစ်အာဏာရှင်စနစ်ဆိုး ၏ လက်ကိုင် တုတ် တပ်ဘဝ " သို့ ရောက်ခဲ့ရသည်ကို၊ အနှစ်(၆၀)သမိုင်းက အထင်အရှား သက်သေပြနေခဲ့ပြီ ဖြစ်ပါသည်။ မိမိတိုင်းရင်းသား၊ ညီအစ်ကိုခြင်းပြဿနာကို၊ လက်နက်အားကိုး အာဏာရှင်စနစ်ဆိုး၏ ဖြေရှင်းမှုမျိုးဖြင့် ဖြေရှင်းခဲ့ ကြသဖြင့်၊ ပြည်တွင်းစစ်မီး ဟုန်းဟုန်းတောက်ခဲ့ရပြီး၊ ၎င်းဒါဏ်ကို ပြည်သူတရပ်လုံး ခါးဆီး ခံခဲ့ရသည် မှာ ယနေ့ထိတိုင်ဖြစ်သည်။ တိုင်းပြည် မွဲပြာကျခဲ့ရပြီး၊ ကမ္ဘာ့အလည်မှာ အောက်တန်း နောက်တန်းကျခဲ့ရသည်။ အစဉ်အလာကြီးမားခဲ့သည့် တပ်မတော် သည်လည်း၊ တိုင်းရင်းသား၊ ပြည်သူကိုဖိနှိပ်သည့် လက်ကိုင်တုတ် ယန္တရားအဖြစ် ရောက်ခဲ့ရပြီး၊ လူထု၏ အော့နှလုံးနာမှုကိုခံခဲ့ရ၊ ခံနေရဆဲဖြစ်ခဲ့ရသည်။
ဖက်ဆစ်အမွေဆိုးကိုဆက်ခံခဲ့သည့်အာဏာရှင်၏၊ လက်ဝေခံစစ်အာဏာရူးတစု၏ နဖါးကြိုးထိုးထားခြင်း ခံနေရပြီး၊ တပ်မတော်တွင်းရှိ အရာရှိ၊ အရာခံ၊ အကြပ်၊ တပ်သား အဆင့်ဆင့်တိုင်းသည်၊ မိမိတို့၏ အရာရှိ ကိုသာမကတော့ပဲ၊ အရာရှိ၏ မိန်းမ၊ သားသမီး၊ ယောက္ခမ အဆုံး၊ ကြေး ကျွန်များသဖွယ် ဆက်ဆံခံရ၊ လုပ်ကျွေးပြုစုပေးနေကြရသည် ကို၊ တပ်မတော်သားတိုင်းသိလာကြပြီဖြစ်သည်။ မိမိပြည်သူခြင်း အိုးမဲသုတ် သတ်ဖြတ်ခိုင်းထားခြင်း၊ အနှစ်သာရမဲ့ စစ်ပွဲများ ဖန်တည်းပေးထားခြင်းဖြင့်၊ တပ်မတော်သား အားလုံးကို မအားရအောင်၊ မလိုအပ်ပဲအသက်စွန့်ခိုင်းထားခြင်းဖြင့် ၎င်းတို့၏အာဏာကို ကြီးထွား သထက် ကြီးထွားအောင် တည်ဆောက်ထားခဲ့သည်။ တိုင်းရင်းသား၊ညီအ ကိုများနေထိုင်ရာ နယ်စပ်ဒေသများတွင်လည်း၊ စစ်ပွဲ များကြားတွင် မတရားမှု ပေါင်းများစွာကို အစွမ်းကုန်ကျူး လွန်စေသောနည်းဖြင့် ရပ်တည်ခိုင်းခံထားရပြီး၊ ၎င်း၏ အကျိုးဆက်အဖြစ်၊ တပ်မတော်တခုလုံး၏ ဂုဏ်သိက္ခာမှာ၊ ကမ္ဘာ့ အလည်တွင် အဖတ် မဆည်နှိုင်အောင် ကျဆင်းစေခဲ့သည်။
၂၀၀၉ ခုနှစ်၊ ဇန္နဝါရီ(၄)ရက်တွင် ဖခင် ဗိုလ်ချုပ်အောင်ဆန်း ၏ တပ်မတော်သည်၊ ပြည်သူတရပ်လုံးနှင့် လက်တွဲ၍၊ တိုင်းပြည် လွတ်လပ်ရေးကို အရယူပေးခဲ့သည်မှာ၊ (၆၁)နှစ် တင်းတင်းပြည့်ပြီ ဖြစ်သည်။
ဒီကနေ့ အာဏာရှင်၏အစေအခိုင်းခံနေရသည့်တပ်မတော် ဘယ်လို ဆက်ရပ်တည်ကြမည်နည်း။
ပြည်သူလူထုတရပ်လုံးအနေနှင့်၊ အာဏာရှင်တစု၏ မတရားပြုကျင့် အုပ်စိုးထားမှုမှလွတ်မြောက်ဖို့ရာ၊ နည်းမျိုးစုံ ဖြင့် ကြိုးစားခဲ့ကြ၊ ကိုးစားနေဆဲပင်ဖြစ်သည်။ ဒုတိယမြောက် လွတ်လပ်ရေးတိုက်ပွဲအတွက် ဒီကနေ့မျိုးဆက်တို့ ပေးဆပ်နေကြရသည်။ ဘုရားသားတော် သံဃာတော်များ လူမဆန်စွာ နှိပ်ကွပ် ခံနေကြရသည်။
အားလုံးမှာ လက်တဆုပ်စာ အာဏာရှင်တို့်၊ မတရားရယူထားသည့် အခွင့်အရေးများလက်မလွှတ်ရရေး တခုတည်း အတွက်သာ၊ စစ်တပ်တခုလုံးမှာအသုံးချခံ အကာအကွယ်ပေးထားခဲ့ရသည်။ အဖိနှိပ်ခံ ပြည်သူ တရပ်လုံးမှာ၊ စားရာမဲ့သောက် ရာမဲ့၊ အနာဂတ်မဲ့၊ နင်းပြား ဘဝများ ဖြစ်နေကြရသည်။
ထိုဘဝများစွာထဲတွင်၊ ဒီကနေ့ တပ်မတော်သားအများစု၏ မိဘများ၊ ဇနီးမယား၊ သားသမီးများလည်း အပါအဝင် ဖြစ်နေကြရသည်။ တပ်မတော်သားများ၏ မိဘ၊ ဇနီး၊ သားသမီးများသည်လည်း ပြည်သူထဲမှ ပြည်သူ များသာ ဖြစ်ကြသည်။ ပြည်သူလူထုကြီး နှင့် ထပ်တူ ခံစားနေကြရသူများသာဖြစ်ကြသည်။ ပြည်သူလူထုကြီးနှင့် အတူ လွတ်လပ်ရေးကို လိုလားနေကြသူများဖြစ်ကြသည်။ လက်တဆုပ်စာ အာဏာရူး စစ်ခေါင်းဆောင် တစု၏ . . မိမိတို့နှင့် မိမိတို့ကိုသစ္စာခံသူ က္မျန်တစုသာကောင်းစားရေး အတွက်၊ အများစုကို စစ်ကျွန်ပြု ထားသည့် စနစ်ဆိုးကြီးမှ ရုန်းထွက်သည့် "ဒုတိယမြောက် လွတ်လပ်ရေး တိုက်ပွဲ" တွင်၊ ပြည်သူလူထုကြီးနှင့်အတူ ပူပေါင်း ပါဝင်ကြခြင်းဖြင့်၊ တပ်မတော်၏ ဂုဏ်သိက္ခာ ကို အချိန်မှီ ကယ်တင် ကြရမည့် အချိန်ပင် ဖြစ်သည်။
ဒါကြောင့် " မျိုးချစ်တပ်မတော်သားအပေါင်းတို့အနေနှင့် လာမည့် ဇန္နဝါရီ (၄) ရက် နေ့ကစလို့ သင်တို့နှင့် အနီးကပ်ဆုံးရန်သူကို စတင်ရှာဖွေ တော်လှန်ကြခြင်းဖြင့်၊ ဒုတိယမြောက် လွတ်လပ်ရေးတိုက်ပွဲကြီး မှာ၊ ပြည်သူလူထုကြီး နဲ့အတူပူးပေါင်းကာ၊ အာဏာရှင် စနစ်ဆိုးကြီးကို၊ အမိမြေမှ အပြီးတိုင် ဖယ်ရှားကြပါစို့ ဟု (၆၁)နှစ်မြောက်လွတ်လပ်ရေးနေ့အခါသမယမှာ လေးနက်စွာ တိုက်တွန်း ဖိတ်ခေါ်လိုက်ပါတယ်။
ကိုရင်အေး ( မြန်မာပြည်လွတ်မြောက်ရေးအဖွဲ့ချုပ် )
၂၀၀၉ ခုနှစ်၊ ဒီဇင်ဘာလ (၃၁) ရက်နေ့။
You received this email because you are subscribed to the real_time feed for http://deyea.blogspot.com/feeds/posts/default. To change your subscription settings, please log into RSSFWD.