၂၀၀၉ မနိုးသေးခင် ရေးတဲ့ကဗျာ
အလန့်တကြား အိပ်ပျော်နေရာက
နှစ်နှစ်ခြိုက်ခြိုက် နိုးထလာခဲ့
အညောင်းအညာပြေ လမ်းလျှောက်ထွက်လာတဲ့ ငှက်တွေကို
အတောင်ခပ်ပြင်းပြင်းခတ် ပျံရင်းနဲ့ နှုတ်ဆက်ခဲ့
မဖတ်ဖြစ်လိုက်တဲ့ မနက်စာအစား
သတင်းစာ တစ်စောင်ကိုပဲ မျိုချဖြစ်ခဲ့
အရာအားလုံး ငြိမ်သက်သွားတဲ့အခါ
အဆူညံဆုံး အသံဟာ ငြိမ်သက်ခြင်း ဖြစ်မလား
အငြိမ်သက်ဆုံး အသံဟာ ဆူညံခြင်း ဖြစ်မလား။
သင်္ကေတတွေ ၀ါးထားလိုက်
နိမိတ်ပုံတွေ မေ့ပစ်လိုက်
အစ်ဇင်တွေ အကုန် နားထားလိုက်
ကဗျာတစ်ပုဒ်လောက် ရှိုက်ရင်း
ဆေးလိပ်တစ်လိပ်လောက် ချရေးကြည့်တယ်
Jack Daniel လက်ကျန်တွေ တီးခတ်ရင်း
ဂစ်တာတစ်လက်နဲ့ သီချင်းတွေ တစ်ပုဒ်ပြီး တစ်ပုဒ် သောက်
အဲဒီဂစ်တာ မူးပြီး မှောက်သွားတဲ့အထိ။
ပြီးခဲ့တဲ့နှစ်သစ်ကူးညက ရိုက်ဖြစ်တဲ့ ပုံကို ပြန်ကြည့်ဖြစ်တဲ့အခါ
ခုတော့
တစ်ယောက်က ကွန်ဂိုမှာ
တစ်ယောက်က ဆန်ဖရန်မှာ
တစ်ယောက်က ဘားအံထောင်မှာ
တစ်ယောက်က ...
တစ်ယောက်က ...
တစ်ယောက်က ... ။
hapPY neW yeAR !!!
အော်သံတွေ ရုတ်တရက် ထွက်လာတယ်
နယူးရီးယားတဲ့လား
Cheers! ပါ သူငယ်ချင်းတို့ရေ .. ။ ။
ခေလွန်း
ဒီဇင်ဘာလ ၃၁ ရက်၊ ၂၀၀၈
နံနက် ၂ နာရီ ၃၀ မိနစ်
(၂၀၀၈ ခုနှစ်အတွက် နောက်ဆုံး ရေးဖြစ်တဲ့ ကဗျာ)
You received this email because you are subscribed to the real_time feed for http://nyinyithanlwin.blogspot.com/feeds/posts/default. To change your subscription settings, please log into RSSFWD.