ကြက်မောင်းကောင်းတဲ့ ကျနော်
ကျနော့်ဘ၀မှာ သူများကြက်ကို ခိုးစားဖူးတာ ဒီတစ်ခါပဲရှိဖူးတယ်။ တကယ်တော့ အဲ့ဒီကြက်ကို ကျနော် ခိုးစားတာ မဟုတ်ပါဘူး။ ကြက်ကို၌က ကျွတ်ချိန်တန်လို့ထင်ပါရဲ့။ ကျနော့်ဟာ ကျနော်အိမ်ပေါ်မှာ စာအုပ်ဖတ်နေတာ ကြက်ကိုက ဟိုစပ်စပ် ဒီစပ်စပ်နဲ့ ကျနော့် အိမ်ပေါ်တက်လာပြီး ဟိုနိုက်ဒီနိုက်လုပ်တော့ ကျနော် ပေါက်ကွဲတာပေါ့။
ပြီးတော့ တခါတလေ အီအီးပါ ထားခဲ့သေးတယ်။ ကျနော် စိတ်မဆိုးပဲ နေပါ့မလား။ တကယ်တော့ ကျနော့်စိတ်ဆိုးလို့ လုပ်တာမဟုတ်ပါဘူး။ ချောက်ရုံလေး ချောက်လိုက်တာပါ။
အဲ့ဒီနေ့က နေကလည်းပူ ၊ လူကလည်း ပျင်းနေတာကြောင့် အပြင်မသွားပဲ စာကြည့်တိုက်က ငှားထားတဲ့ စာအုပ်လေးကို ကော်ဖီလေး တစ်ခွက်လောက် သောက်ပြီး နှပ်နေတာပါ။ ပါပီလွန် ဗင်ဂို စာအုပ်ကို ဖတ်ဖြစ်တာ လေးကြိမ်လောက်ရှိပြီ။ ဖတ်တိုင်းလည်း ထောင်ကျချင်နေတုန်း။ ကိုလန်ဗီယာကိုလည်း ရောက်ချင်နေတုန်း ၊ လူရိုင်းတွေနှင့် ပုလဲငုပ်ချင်နေတုန်းပဲ။
စာအုပ်က ကျနော့်ကို ထောင်ထဲခေါ်သွားလိုက် ပင်လယ်ထဲခေါ်သွားလိုက် ၊ လေမုန်တိုင်းထဲကို တွန်းပို့လိုက်နဲ့။ အနူတွေနှင့် အရောင်းအ၀ယ် လုပ်ကောင်းနေတုန်း အိမ်ပေါ်ကို ကြက်တစ်ကောက်တက်လာပါသည်။
ကြက် ကျနော့်အိမ်ပေါ်ကို တက်တက်ခြင်း ကျနော့်သူ့ကို မသိချင်ယောင်ဆောင်ပြီး စာအုပ်ဆက်ဖတ်ပါတယ်။ တအောက်လောက်ကြာတော့ ကျနော့် ဆန်အိတ်ပေါ်ကို ကြက်က ရောက်နေသည်။ ကျနော်နဲနဲတော့ စိတ်တိုသွားသည်။ အရင်တခါတုန်းကလည်း ဆန်ပေါ်ကို အီးပါခဲ့လို့ ကျနော့်မှာ အီးပေနေတဲ့ ဆန်တွေကို လွှတ်ပစ်လိုက်ရသည်။ စားလို့မှ မရတာ။
ဒီတခါတော့ အရင်တစ်ခေါက်လို အဖြစ်မခံနိုင်တော့ပါ။ ''ရှုး'' ''ရှုး'' လို့ အသံပေးပြီး ကျနော် ချောက်လွှတ်လိုက်သည်။ ကြက်ထွက်သွားတော့ စာအုပ်လေးကို ပြန်ကောက်ကိုင်ရင်း ကော်ဖီလေး တစ်ငုံ ကောက်ငုံလိုက်သည်။
ကျနော့် ကော်ဖီခွက်တောင် လက်ကမကျသေး ဟိုကြက်စုတ်မ အိမ်ပေါ်ပြန်ရောက်နေပြီ။ ကျနော့်သူ့ကို ဘာလုပ်မလဲ ဘယ်သွားမလဲလို့ အသာစောင့်ကြည့်လိုက်သည်။ ထုံးစံအတိုင်း ကြက်စုတ်မ ဆန်အိပ်ပေါ်ထပ်တက်သည်။ ကျနော်စဉ်းစားတယ်။ ဒီကြက်ကို ကောင်းကောင်းမောင်းထုတ်လို့ ရမည်မဟုတ်။ ကြမ်းကြမ်းမောင်းထုတ်မှ နောင်တခါ အိမ်ပေါ်မတက်ရဲတော့မှာ။
ကြက်ကိုမောင်းထုတ်ဖို့အတွက် လက်နက်တစ်ခုခုလောက်ရှိမလားလို့ ကျနော့်အနီးအနားကို ကြည့်လိုက်သည်။ အနီးအနားမှာလည်း မောင်းထုတ်စရာဆိုလို့ သစ်သားတစ်ပိုင်းပဲ ရှိသည်။ ကျနော် သစ်သားအပိုင်းလေးကို အသာကောက်ကိုင်လိုက်သည်။ ကြက်ကိုကြည့်လိုက်တော့ သူ ဆန်အိတ်ကို နှိုက်ဖို့ချောင်းနေသည်။ ကျနော်လည်း သစ်သားပိုင်းကို အသံကျယ်မယ့် သံပုံးလေးကို ချိန်ပြီး ပစ်လိုက်သည်။
လွဲသွားပါသည်။ ကြက်မလေး ဆန့်ငင် ဆန့်ငင်နဲ့ လဲသွားသည်။ ကျနော် သူ့ကို ချောက်လိုက်ကာမှ တည့်တည့်ကို မှန်သွားသည်။ ကျနော် စိတ်မကောင်း ဖြစ်သွားသည်။ ပြီးတော့ သူ့ပိုင်ရှင်ကိုလည်း ကျနော်မသိဘူး။ ကျနော်ထင်တာ ကျနော့်တို့ အိမ်အနောက်က ကျနော်တို့နှင့် အစေးမကပ်သော လင်မယားရဲ့ကြက်ဖြစ်နိုင်သည်။ တလောက သူတို့ လင်မယား ကြက်လေးတွေကို အစာကြွေးတာ မြင်ဖူးတယ်။
ပိုင်ရှင်ကို သွားပြောပြီး ကြက်သေကို လျော်ပေးရမှာလား (ဒါမှမဟုတ်) ချက်တုတ်လိုက်ရမလား ဘာလုပ်ရင်ကောင်းမလဲလို့ ကျနော်စဉ်းစားတယ်။ အမှန်တော့ ကျနော် သူတို့ကို စကားမပြောချင်ပါ။ နောက်ထပ်ဘာမှ မစဉ်းစားတော့ဘဲ ရေနွေးအိုး ကျိုလိုက်သည်။ ပြီးတော့ ကြက်လေးကို အသာလေး အမွှေးနူတ်ပြီး ငရုတ်သီး စပ်စပ်လေး ကြော်လိုက်သည်။ ကြက်လေးက ကြက်ပိန်လေးဗျ။
ကြက်က ကြော်လိုက်မှ ဘာမှမရပါဘူး။ ဒီလောက်အရိုးများတဲ့ကြက် သေတာပဲကောင်းတယ်လို့ ကြော်နေရင်း စဉ်းစားမိတယ်။
အဲ့ဒီညက ကျနော်တို့ကြက်ကြော်လေးကို အရက်တွေ တစ်လုံးပြီး တစ်လုံး မြည်းရင်း ကြက်အကြောင်းလေးပြောလိုက် နေ့လည်က အဖြစ်အပျက်လေးကိုပြောလိုက် သောက်လိုက်နဲ့ တော်တော်လေးရီဝေသွားကြသည်။ တကယ်ပါဗျာ ခိုးစားတဲ့ ကြက်မို့လို့လားမသိဘူး။ တော်တော်လေးကို ကောင်းတယ်။
You received this email because you are subscribed to the real_time feed for http://hanlinhtun.blogspot.com/feeds/posts/default. To change your subscription settings, please log into RSSFWD.