အက္ကောဓသုတ်- (အမျက်မထွက်သော)
အမျက်မထွက်ခြင်း မညှဉ်းဆဲခြင်းသည် အရိယာတို့၏ အကျင့်။
အက္ကောဓသုတ်- (အမျက်မထွက်သော)
အခါတစ်ပါး၌ မြတ်စွာဘုရားသည်...
သာဝတ္ထိပြည် အနာထပိဏ်သူဌေး၏ ဇေတဝန်ကျောင်း၌ သီတင်းသုံးနေတော်မူ၏၊
ထိုအခါ ...
မြတ်စွာဘုရားသည် ဤစကားကို မိန့်တော်မူ၏၊
ရဟန်းတို့ ...
ရှေးက ဖြစ်ဖူးသည်ကား နတ်တို့အရှင် သိကြားမင်းသည် သုဓမ္မာသဘင်၌
တာဝတိံသာနတ်တို့ကို ဆုံးမလိုသည်ဖြစ်၍ ဤဂါထာကို ရွတ်ဆို၏-
အချင်းနတ်တို့ သင်တို့အား အမျက် {ဒေါသ}သည် မလွှမ်းမိုးစေလင့်၊
အမျက်ထွက်သူတို့အား ပြန်၍ အမျက်မထွက်ကုန်လင့်။
အမျက်မထွက်ခြင်းသည် လည်းကောင်း၊
မညှဉ်းဆဲခြင်းသည် လည်းကောင်း အရိယာတို့၏ အကျင့်တည်း။
ထိုသို့ မဟုတ်ခဲ့သော် အမျက် {ဒေါသ}သည် သင့်ကို လွှမ်းမိုး နှိမ်နင်းနိုင်၏၊
ဟု (ရွတ်ဆို၏)။
၅ - အက္ကောဓသုတ်၊ တတိယဝဂ်၊ သဂါထာဝဂ္ဂသံယုတ်ပါဠိတော်။
ရူပအညာဏသုတ်-
အခါတစ်ပါး၌ မြတ်စွာဘုရားသည် သာဝတ္ထိပြည် အနာထပိဏ်သူဌေး၏ အရံဖြစ် သော ဇေတဝန်ကျောင်း၌ (သီတင်းသုံး) နေတော်မူ၏။ ထိုအခါ ဝစ္ဆဂေါတ္တ ပရိဗိုဇ် သည် မြတ်စွာဘုရားထံသို့ ချဉ်းကပ်၍ မြတ်စွာဘုရားနှင့်အတူ ဝမ်းမြောက်ဝမ်းသာ နှုတ်ဆက်စကား ပြောဆိုပြီးလျှင် တစ်ခုသောနေရာ၌ ထိုင်နေလျက် မြတ်စွာဘုရား အား ဤစကားကို လျှောက်၏-
အသျှင်ဂေါတမ ...
{လောကသည် မြဲ၏} ဟူ၍ လည်းကောင်း၊
{လောကသည် မမြဲ} ဟူ၍ လည်းကောင်း၊
{လောကသည် အဆုံးရှိ၏} ဟူ၍ လည်းကောင်း၊
{လောကသည် အဆုံးမရှိ} ဟူ၍ လည်းကောင်း၊
{ထိုအသက်သည် ထိုကိုယ်တည်း} ဟူ၍ လည်းကောင်း၊
{အသက်သည် တခြားကိုယ်သည် တခြား} ဟူ၍ လည်းကောင်း၊
{သတ္တဝါသည် သေသည်မှ နောက်၌ ဖြစ်၏} ဟူ၍ လည်းကောင်း၊
{သတ္တဝါသည် သေသည်မှ နောက်၌ မဖြစ်} ဟူ၍ လည်းကောင်း၊
{သတ္တဝါသည် သေသည်မှနောက်၌
ဖြစ်လည်းဖြစ် မဖြစ်လည်းမဖြစ်} ဟူ၍ လည်းကောင်း၊
{သတ္တဝါသည် သေသည်မှ နောက်၌
ဖြစ်သည်လည်းမဟုတ် မဖြစ်သည်လည်း မဟုတ်} ဟူ၍ လည်းကောင်း ...
လောက၌ ဤအမျိုးမျိုးကုန်သော အယူတို့ဖြစ်ပေါ်ရခြင်း၏ အကြောင်းကား အဘယ် ပါနည်း၊ အထောက်အပံ့ကား အဘယ်ပါနည်း}} ဟု (လျှောက်၏)။
ဝစ္ဆဂေါတ္တ -
ရုပ်၌ မသိခြင်းကြောင့်,
ရုပ်ဖြစ်ကြောင်း၌ မသိခြင်းကြောင့်,
ရုပ်ချုပ်ရာ၌ မသိခြင်းကြောင့်,
ရုပ်ချုပ်ရာ (နိဗ္ဗာန်)သို့ ရောက်ကြောင်း အကျင့်၌ မသိခြင်းကြောင့်,
{လောကသည်မြဲ၏}ဟူ၍ လည်းကောင်း။ပ။ {သတ္တဝါသည် သေသည်မှ နောက်၌ ဖြစ်သည်လည်းမဟုတ် မဖြစ်သည်လည်းမဟုတ်} ဟူ၍ လည်းကောင်း လောက၌ ဤသို့အားဖြင့် ဤအမျိုးမျိုးကုန်သော အယူတို့ ဖြစ်ပေါ်ကုန်၏။
ဝစ္ဆ- လောက၌ ဤအမျိုးမျိုး ကုန်သော အယူတို့ ဖြစ်ပေါ်ရခြင်း၏ အကြောင်းကား ဤသည် ပင်တည်း၊ အထောက်အပံ့ကား ဤသည် ပင်တည်း ဟု (မိန့်တော်မူ၏)။
၁ - ရူပအညာဏသုတ်၊ ဝစ္ဆဂေါတ္တသံယုတ်၊ ခန္ဓဝဂ္ဂသံယုတ်ပါဠိတော်။
You received this email because you are subscribed to the real_time feed for http://lknt.blogspot.com/feeds/posts/default. To change your subscription settings, please log into RSSFWD.