ရွေးချယ်ခြင်းနှင့် ရုန်းကန်ခြင်း အပိုင်း(၉)
ရေးသူ - စစ်ငြိမ်းဒီရေ
အစိုးရကျောင်း ပညာရေး စနစ်သည် တိုးတက်သော နိုင်ငံသား အရင်းအမြစ်
ပေါ်ထွန်းရေး ထက် အစိုးရ တည်မြဲခိုင်ခန့်ရေး ယန္တရား ကောင်းမွန်စွာလည်
ပတ် နိုင်ရေးအတွက် သစ္စာတော်ခံများ မွေးထုတ်ဖို့ "မဆလ" တို့က ဦးတည်
ဆောင်ရွက် ခဲ့ပါတယ်။ အခုတော့ အဲဒီထက် အဆပေါင်းများစွာ ဆိုးဝါးတဲ့
စစ်အာဏာရှင် အထောက်အကူပြု ပညာသည် မွေးထုတ်ရေး စနစ်ကို ရောက်
သွား ပါတယ်။
"ယနေ့လူငယ်၊ နောင်အနာဂတ် ခေါင်းဆောင်" အစား "ယနေ့ ပညာသည်၊
နောင်အနာဂတ်အတွက် ၀န်ထမ်း" လို့ အဓိပ္ပါယ် ရွေ့လျား သွားပါတယ်။
"ကျွန်က မွေးရင် သပေါက်" ဆိုသလိုဘဲ မိဘများက တစ်ပါတီ စနစ်ရဲ့ကျွန်၊
ကျနော်တို့က အာဏာရှင် လက်သစ်များ အတွက် "သပေါက်" လက်သစ်တွေ
ပါ။ နိုင်ငံတော် သီချင်း စာသားကို သတ်ပုံမှန်အောင် မရေးတတ်ခင်၊ ဖွဲ့စည်းပုံ
ဥပဒေ ဆိုတာ မသိသေးတဲ့ မူလတန်း ကျောင်းသားဘ၀ ကတည်းက
အမိမြေကို လက်ဝဲ၊ လက်ယာ ရန်သူတွေ လက်က ကာကွယ် စောင့်ရှောက်
ရမယ်လို့ ရိုက်သွင်း ခံရပါတယ်။
လူဖြစ်မယ် ဆိုရုံ ရှိပါသေးတယ်။ ခေါင်းထဲကို အယူအဆ တစ်ရပ် စ၀င်လာ
ပါတယ်။ အဲဒါက …
"ရန်သူ"
ဘယ်လို "ရန်သူ" လဲ …
"ငါတို့ နိုင်ငံတော်ကြီး (လက်ရှိ အစိုးရ အာဏာရမှု) ကို ထိပါးသူ" … တဲ့။
လူသားဆန်တဲ့ ယဉ်ကျေးမှုနဲ့ အနုပညာတွေကို ကမ္ဘာအရပ်ရပ်က ကလေး
ငယ်တွေ သင်ယူနေချိန်မှာ ကျနော်တို့ က "ရန်သူ" ဆိုတာ ဟာကြီးကို
စိတ်ထဲမှာ နှလုံးသွင်းပြီး တွေ့ရင် ချေးမှုန်းမယ်၊ ရိုက်ချိုးမယ် ဆိုပြီး နိုင်ငံတော်
သီချင်းကို စစ်သွေး စစ်မာန်အပြည့်နဲ့ သီဆိုကြပါတယ်။
အခြေခံပညာ ကျောင်းသားဘ၀ "သြကာသ" နဲ့ ကျောင်းစတက်ပြီး၊ "ကမ္ဘာ
မကြေ" နဲ့ ကျောင်းဆင်း ခဲ့ပါတယ်။ သင်ခဲ့သမျှ က နယ်ချဲ့တဲ့ အင်္ဂလိပ်၊
ကျူးကျော်တဲ့ ဂျပန်၊ သွေးစုတ်တဲ့ ချစ်တီးကုလား … သူတို့ က အပြင်ရန်သူ။
အတွင်းရန်သူက လက်ဝဲ၊ လက်ယာ နိုင်ငံရေးသမားတွေ။
နိုင်ငံရေးသမား ဆိုတဲ့ စကားလုံးကို ကြားလိုက်တာနဲ့ အန်ချင်စိတ်ပေါက်
အောင် ကျောင်းပညာ သင်ပေး လိုက်ပါတယ်။ နိုင်ငံရေးသမား ဆိုတာ
လူလိမ်၊ လူညာတွေ၊ ကလိမ်ကကျစ်တွေလို့ အဓိပ္ပါယ် သက်ရောက်
အောင် ကျောင်းပညာရော၊ လူထု ဆက်ဆံရေး၊ သတင်းနှင့်ပြန်ကြား
ရေးပိုင်း ဆိုင်ရာ ရုပ်ရှင်၊ စာပေ၊ အနုပညာ ကဏ္ဍလောက အသီးသီး
က အစိုးရ ၀န်ထမ်းတွေ၊ ပြင်ပလောက က"အကြိုးမျှော် ညောင်ရေ
လောင်းသူ" တွေ ၀ိုင်းပြီး သမ ကြတာ အဲဒီ စကားလုံး ကြားတာနဲ့ သရဲ
တစ္ဆေ တွေ့သလို ထိန်လန့် နေရတယ်။
လူငယ်တွေ နိုင်ငံရေးကို စိတ်မ၀င်စားတော့ အာဏာရှင်ရဲ့ အနာဂတ်
အရမ်းလှတော့ ပေါ့ဗျာ။ သိပ်လှတာပေါ့။ အဲဒီ ပုံစံခွက်ထဲမှာမွေးပြီး အဲဒီပုံစံ
ခွက်ထဲမှာ ကြီးပြင်း ကြပါတော့တယ်။ အရွယ်ရောက်လာရင် စစ်ဗိုလ်ကြီး
လုပ်မယ်။ ဆရာဝန်ကြီး လုပ်မယ်။ အင်ဂျင်နီယာ လုပ်မယ်။ လုပ်ပါ။ ကောင်း
ပါတယ်။ လူ့အဖွဲ့အစည်းအပေါ် လုပ်ကျွေးမယ် ဘာညာပေါ့။ နိုင်ငံဝန်ထမ်း၊
ပြည်သူ ၀န်ထမ်း အမျိုးကို စုံ ပါတယ်။ ခေါင်းစဉ် လှလှ လေးတွေပါ။ စနစ်
တစ်ခုကို အလုပ်အကျွေးပြုရတဲ့ ၀န်ထမ်း။ စနစ်က ဆိုးခဲ့ ရင်တော့ …
"စပါးကို ဖျက်တဲ့ စပါးထဲက ပိုး"
"အာဏာရှင်ကို သက်ဆိုးရှည်အောင် ပံ့ပိုးတဲ့ လူယုတ်မာ"
"ကိုယ့်အမျိုးသား အချင်းချင်း မျက်ရည်ပေါက်ကြီးငယ် ကျမှ ထမင်းစားခွင့်
ပေးတဲ့သူ" ဖြစ်ကြ ပါတော့တယ်။
ဒီစနစ်ဆိုး ဒီပညာဆိုးတွေကို သင်ခဲ့တဲ့ သူများက ကျနော်တို့ ဆရာတွေ။
သူတို့ဆီက လက်ဆင့်ကမ်း သယ်ဆောင်ပြီး ဒရွတ်တိုက် ဆွဲလာတဲ့
ကျနော်တို့ အရွယ် တချို့ဆိုရင် သားသမီး နှစ်ယောက်၊ သုံးယောက်
နဲ့။ ကျနော်တို့ ကလေးငယ်တွေရဲ့ ရှေ့ရေး … … … ။
(ဆက်လက်ဖော်ပြမည်။)
(အင်တာနက်ပေါ်မှာ တွေ့ရှိ သဘောကျသော ဓါတ်ပုံ၊ ပန်းချီပုံများကို
အသုံးပြုပါတယ်။ မူရင်း ပိုင်ရှင်များကို တောင်းပန် ပါတယ်။)
You received this email because you are subscribed to the real_time feed for http://pyustate.blogspot.com/feeds/posts/default. To change your subscription settings, please log into RSSFWD.