မောင်းမထု စလောင်းမကူဘဲ စပ်မိ စပ်ရာ ပြောပါရစေ
08/2008
တလောက ရခိုင်နှင့် ဘင်္ဂလားဒေရှ် နယ်စပ်မှာ ရေပိုင်နက်ကျူးကျော်မှု အပြန်အလှန် စွပ်စွဲချက်တွေနဲ့
နှစ်နိုင်ငံ ရေတပ်တွေ တင်းမာမှုတွေဖြစ်ခဲ့ကြပါတယ်။ ဒီသတင်းဟာ ပြည်တွင်ပြည်ပ မျိုးချစ်မြန်မာတွေကြားထဲမှာ တောမီးပမာပြန့်နှံခဲ့ပါတယ်။ အမျိုးဘာသာ သာသနာတော်ကို ချစ်ခင်မြတ်နိုး တန်ဘိုးထားကြသူတိုင်း စိတ်ဝင်စားခဲ့ကြတဲ့ သတင်းတစ်ပုဒ်ပါပဲ။ ဒါပေမဲ့ နောက်ပိုင်းမှာတော့ ထုံးစံအတိုင်း အရင်းကြီးပြီး အဖျားရှုးသွားပါတယ်။ န အ ဖ က ကြေညာချက်ကလေး တစ်စောင် မဖြစ်စလောက်ထုတ်ပြန်ပြီး အမြီးကုတ်သွားတာပါ။
ပြည်တွင်းပြည်ပ အတိုက်အခံတွေ အနေနဲ့ န အ ဖ ရဲ့ လှည့်ကွက်တွေကိုလည်း သတိထားသင့်ပါတယ်။
န ၀ တ၊ န အ ဖ စစ်အစိုးရဟာ နိုင်ငံရေး အကြပ်အတည်းကြုံလာရင် ပြည်သူအချင်းချင်းဖြစ်စေ၊ တိုင်းရင်းသားတွေနဲ့ဖြစ်စေ၊ အိမ်နီးချင်းနိုင်ငံတွေနဲ့ ဖြစ်စေ တနည်းနည်းနဲ့ ရန်တိုက်ပေးပြီး လှည့်စားတတ်ပါတယ်။ န အ ဖ ပြောတိုင်းကို မယုံသင့်ပါဘူး။ န ၀ တ၊ န အ ဖ ဥာဏ်နီ. ဥာဏ်နက် အမျိုးမျိူး သုံးပြီး ပြည်သူလူထု
ကို လှည့်စားလာတာ နှစ် (၂၀)ကျော်လာခဲ့ပါပြီ။
၈၈၈၈ မှာ ရဟန်းရှင်လူ ကျောင်းသားပြည်သူတွေ ညီညီညွတ်ညွတ်နဲ့ ဒီမိုကရေစီရရှိရေးအတွက် တိုက်ပွဲဝင်ခဲ့ကြ
ပါတယ်။ ပြည်သူတွေရဲ့ ညီညွတ်မှုကြောင့် မ ဆ လ ပြိုလဲခဲ့ရပါတယ်။ ဒါပေမယ့် မ ဆ လ ဟာ ပလ္လင်ပေါ်ကကောင်းကောင်းဆင်းမပေးဘဲ ပြည်သူလူထုနဲ့ စစ်တပ်ကို ရန်တိုက်ပေးခဲ့ပါတယ်။
ဖြစ်ပုံက ဒီလိုပါ။ ရာဇ၀တ်မှုနဲ့ ထောင်ကျနေတဲ့ ထောင်သားတွေကို အကန့်အသတ်မရှိလွတ်ပေးတယ်။ ထောင်သားတွေအပြင် သို့ရောက်လာတဲ့အခါ မလိုလားအပ်တဲ့ ပြဿနာတွေပေါ်လာပါတယ်။ အခွင့်ကောင်းကိုစောင့်နေတဲ့ န ၀ တ စစ်တပ်ဟာ အကြောင်းပြချက်မခိုင်လုံဘဲ အာဏာသိမ်းပါတယ်။ ဒါဟာပုံပြင်မဟုတ်ပါ။ လက်တွေ့ကြုံတွေ့ခဲ့ရတဲ့ပြဿနာပါ။
တစ်ခါ ရွှေးကောက်ပွဲပြီးရင် စစ်တန်းလျားပြန်ပါမယ်ပြောပြီး ၁၉၉၀ ပြည့်မှာ ရွေးကောက်ပွဲကျင်းပပေးပေမယ့် အနိုင်ရပါတီကို အာဏာလွဲမပေဲးခဲ့ပါဘူး။ ဒီနေ့ထက်တိုင် စစ်တပ်ကအာဏာသိမ်းထားဆဲပါ။ ဒါပေမယ့် အာဏာသိမ်းထားရခြင်းရဲ့ အကြောင်းအရင်း ကို ဒီနေ့ထိ အကြောင်းပြချက် ခိုင်ခိုင်လုံလုံမပေးနိုင်သေးပါဘူး။
နောက်တခါ ပြည်ပရောက် မျိုးဆက်သစ် တက်ကြွသူ လူငယ်တစုက ထိုင်းနိုင်ငံ မြန်မာသံရုံးကို ၀င်စီးဖူးပါတယ်။ ထိုလူငယ်တွေကို ထိုင်းစစ်တပ်က ရဟတ်နဲ့ ခေါ်ထုတ်သွားပါတယ်။ မကြာမီ န အ ဖ ဟာ ထိုင်း-မြန်မာနယ်စပ်ပြဿနာကို ဖန်တီးပြီး ထိုင်းပြည်သူတွေနဲ့ မြန်မာပြည်သူတွေကို ရန်တိုက်ပေးပ်ါတယ်။ ထိုင်းစစ်တပ်ပစ်တဲ့ လက်နက်တွေ မြန်မာပိုင်နက်ထဲကို ရောက်တယ်ဆိုပြီး သတင်းစာတွေမှာ တစ်ခန်းတနားဖော်ပြဖူးပါတယ်။ "ဓားတွေ သွေးထားကြ" ဆိုပြီ မြန်မာ့ရုပ်သံ၊ မြ၀တီရုပ်သံတို့က လှုံဆော်ကြပါတယ်။ သတင်းးစာတွေမှာလည်း ထိုင်းဘုရင်အဆက်ဆက်ကို အပုပ်ချတဲ့ ဆောင်းပါးတွေ ကိုရေးစေပါတယ်။ နောက်ပိုင်းမှာတော့ ထုံးစံအတိုင်း အဆန်မပါတဲ့ သင်္ကြန်အမြောက်ဖြစ်သွားတာပါပဲ။ ပြည်သူတွေကို လှည့်စားလိုက်ပေါ့။
နောက်တစ်ခါမန္တလေးမြို့ မဟာမုနိဘုရားကြီးကို ဗိုက်ဖောက်ပြီး ဌာပနာပစ္စည်းတွေကို ရှာပါတယ်။ အဲဒီသတင်း အပြင်သို့ ပြန့်နှံ့ သွားတဲ့အခါရဟန်းရှင်လူ ကျောင်းသားပြည်သူတွေက မကျေနပ်ဖြစ်လာကြပြန်ပါတယ်။ ဘုရားကိုဗိုက်ဖောက်ပြီး ဌာပနာပစ္စည်းရှာတဲ့ အ န ဖ ဟာ ကုလားနဲ့ ဗမာ ကိုရန်ုတိုက်ပေးလိုက်ပါတယ်။ ပြည်သူတွေဟာ န အ ဖ ရဲ့လှည့်စားမှူကို ခံလိုက်ရပါတယ်။ ဒါပေသိ မဟာမုနိဘုရားကြီး ဗိုဖောက်တာကို န အ ဖ က အကြောင်းပြချက်မပေးဘဲ ယနေ့တိုင် ဖုံးကွယ်ထားဆဲပါပဲ။
ကိုယ့်လူမျိုးအချင်းချင်း ဂုတ်သွေးစုပ်နေတာကို မမြင်လိုကြတဲ့ သံဃာတော်အရှင်သူမြတ်တွေက ၂၀၀၇ စက်တင်ဘာမှာ ငြိမ်းငြိမ်းချမ်းချမ်း စည်းကမ်းရှိရှိနဲ့ ဆန္ဒဖော်ထုပ်ပွဲတွေလုပ်ခဲ့ကြပါတယ်။ အစဉ်လာကောင်းပါတယ်ဆိုတဲ့ တပ်မတော်ခေါင်းဆောင်တွေကြီးတွေ သံဃာတော်တွေကို အမျိုးမျိုးစွပ်စွဲပြီး လူသတ်ပွဲ၊ လူဖမ်းပွဲတွေ လုပ်ပါတယ်။ နေ့မထွက်ရ ၊ ညမသွားရ အမိန့်တွေထုတ်ပြန်ြပီး ဘုန်းကြီးကျောင်းတိုက်တွေကို သိမ်းပါတယ်၊။ ဘုရားဟော ဇာတ်တော်တစ်ခုထဲမှာတော့ ဘုရားလောင်း ဆင်မင်းကို လေးနဲ့ခွင်းတဲ့ မုဆိုးကို သူ့ကိုယ်မှာ သင်္ကန်းပါတဲ့အတွက် အသက်ချမ်းသာပေးကြောင်းဖတ်ရဖူးပါတယ်။ ဆင်မင်းဟာ သင်္ကန်းခြုံထားတဲ့ မုဆိုးကို အလှူခံပူဂ္ဂိုလ်မှန်းသိလို့ အစွယ်ကို ဖြတ်ပြီးတောင် လှူလိုက်ပါသေးတယ်။ န အ ဖ က သံဃာတော်တွေကို စွပ်စွဲသလိုမျိုး ထောင်ထွက်၊ သင်္ကန်းဝတ်၊ ရဟန်းတု၊ ရဟန်းယောင်လို့ မစွပ်စွဲခဲ့ပါဘူး။ ဘုရားလောင်းဆင်မင်းဟာ တိရစ္တာန်ပေမယ့်လည်း န အ ဖ လို လူမသတ်ခဲ့ပါဘူး။ န အ ဖ လို ငါတို့ကိုးကွယ်တဲ့ မ ဟ န ဘုန်းကြီးမဟုတ်လို့ဆိုပြီး ပြဿနာမရှာခဲ့ပါဘူး။ အကျယ် သိချင်ရင် သောနုတ္တရ မုဆိုးနဲ့ ဆဒ္ဒန်ဆင်းမင်း ဇာတ်တော်ကို ဖတ်ကြဖို့ န အ ဖ အဖွဲ့ကို လက်တို့ပြီးပြောပါရစေ။ ဒါကနောင် မမှားရအောင် စေတနာနဲ့ ပြောတာပါ။
အခုတခါ နာဂတ်မုန်တိုင်းသင့်သူတွေကို အကူအညီမပေးဘဲ ချုပ်ချယ်တာရယ်၊ ကမ္ဘာ့သက်တမ်းအရှည်ကြာဆုံး ဖွဲ့စည်းအုပ်ချုပ်ပုံ အခြေခံ ဥပဒေဆိုတာကြီးကို အတင်းအဓမ္မ အသက်သွင်းဖို့ ကြိုးစားနေတာရယ် စတဲ့စတဲ့ အချက်တွေေ့ကြာင့် န အ ဖ အတွက် အကြပ်ရိုက်လာတဲ့ ဖြစ်ရပ်တွေရှိနေပါတယ်။ ပြီးတော့ ကုလသမဂ္ဂ အပါဝင် အိမ်နီးချင်း နိုင်ငံအချို့ကပါ နိုင်ငံရေး တိုးတက် ပြောင်းလဲမှုဖြစ်အောင် န အ ဖ ကိုတိုက်တွန်းနေကြတယ်။ ဒါပေမယ့် န အ ဖ က အမျိုးသတ် လမ်းစဉ်(ရ)ရပ်ကိုပဲ အတင်းအဓမ္မ အသက်သွင်းဖို့ကြိုးစားနေပါတယ်။ ရဟန်းရှင်လူ ကျောင်းသားပြည်တွေကို မတရားဖမ်းဆီးပြီး ထောင်ချနေဆဲပါ။ နောက်ဆုံးမှာ အမှုလိုက်ရှေ့နေတွေကိုပါဖမ်းပြီး ထောင်ထဲထည့်နေပါတယ်။ ဘယ်သူတွေ ဘာပြောပြော ပြန်မပြောနားမထောင်းတဲ့ အ န ဖ ဟာ အာဏာလက် မလွတ်ရရေးအတွက် လူဖမ်းပွဲကြီး အကြိုက်အနယ် ဆင်နွဲနေတုန်းပါ။ ပြည်သူတွေကိုလည်း လိမ်နေတုန်းပါ။
လှည့်ကွက်တခုအဖြစ် ပြည်တွင်းမှာဗုံးခွဲးပါတယ်။ KNU နဲ့ DKBA ကရင်လုမျိုးအချင်းချင်းကို ရန်တိုက်ပေးပြန်ပါ
တယ်။ ဒါလောက်နဲ့ မလုံလောက်တော့လို့ ယူဆပြီး ရခိုင်နဲ့ ဘင်္ဂလားဒေရ်ှနယ်စပ် ပြဿနာကို ဖန်းတီးပြီး ရခိုင်နဲ့
ကုလားတွေကို ရန်တိုက်ပေးဖို့ကြံစည်နေပြန်ပါတယ်။ ဒါပေမဲ့ ပြည်သူတွေက န အ ဖရဲ့ လှည်ကွက်ကို သိနေကြလေတော့ န အ ဖ ထင်သလောက် လှည့်လို့မရတော့ဘူးလေ။ ဒါကြောင့် ဘင်္ဂလားဒေရှ့်က နည်းနည်းတင်းပြလိုက်တာနဲ့ လိမ္မာတဲ့ခွေးလို အမြီးကုတ်သွားတာပါ။
မကြာသေးမီကပဲ ဦးမောင်အေး ခေါင်းဆောင်တဲ့ အ န ဖ ကိုယ်စားလှယ်အချို့ ဘင်္ဂလာဒေရှ် ကိုသွားခဲ့ကြပါတယ်။ သူတို့ချုပ်ဆိုခဲတဲ့ စာချုပ်ပါသဘောတူညီချက်တွေဟာ နယ်စပ်မှာရှိနေကြတဲ့ ရခိုင်လူထုကို ဆင်းရဲတွင်းနဲအောင်ဖန်တီးမယ့် စီမံချက်တွေပါ။ ဒါကို လူတိုင်းလူတိုင်းသိပါတယ်။ တကယ်လို့ န အ ဖ ရဲ့ စီမံ ချက်တွေအကျိုးရှိလာမယ်ဆိုရင်လည်း စစ်ဗိုလ်အချို့နဲ့ ခေတ်ပျက်သူဌေးတွေသာ အကျိုးရှိမှာသေချာနေပါတယ်။ ဒီပုံစံအတိုင်းသာဆိုရင် ပြည်သူတွေကတော့ ဖွတ်ကြောပြာစု ဘ၀က မလွတ်မြောက်နိုင်ပါဘူး။
န ၀ တ ၊ န အ ဖ ဟာ အတင်းအဓမ္မ အာဏာလုယူပြီး တိုင်းပြည်ကို တုတ်မိုး၊ ဓားမိုး၊ သေနတ်မိုးပြီး အုပ်ချုပ်လာတာ နှစ်(၂၀)ကျော်လာပါပြီ။ န ၀ တ ၊ န အ ဖ လက်ထက်မှာ ပြည်သူတွေကလည်း ဖွတ်ကြောပြာစု ဘ၀ ရောက်နေပါပြီး။ နိုင်ငံပိုင်သယံဇာတတွေကိုလည်း န အ ဖ ရောင်းစားလို့ကုန် သလောက်ဖြစ်နေပါပြီ။ ပြည်သူတွေရဲ မကျေနပ်ချက်ကလည်း မီးဟုန်းဟုန်းတောက်မတတ်ဖြစ်နေကြပြီ။ ထိုထိုသို့ အခြေအနေမှန်ကို သိနေတဲ့ အ န ဖ ဟာ ပြည်သူတွေရဲ့ တင်းမာမှုတွေလျော့အောင် ရခိုင်နဲ့ ဘင်္ဂလားဒေရှ် နယ်စပ်ပြဿနာကို ဖန်တီးနေတာလို့ ဆိုချင်ပါတယ်။ တကယ်သာ န အ ဖ က ကိုယ့်နယ်မြေကို ကာကွယ်ချင်တယ်ဆိုရင် ရှင်မဖြူကျွန်းအရေးအခင်းကြောင့် စစ်သူကြီးမဟာဗန္ဓုလဟာ ပန်းဝါအထိ ချီခဲ့ဖူးပါတယ်။ ဒါကို သတင်းစာတွေမှာ သာပေါင်းညာစားဆောင်းပါးတွေ ရေးခဲ့ကြတဲ့၊ ရေးနေကြတဲ့ စာရေးဆရာ ဆိုသူတွေ၊ သမိုင်း ပညာရှင်ဆိုသူတွေက ပိုပြီးသိကြပါလိမ့်မယ်လို့ ထင်ပါတယ်။ အားလုံး နှာစေးနေကြရင်တော့ မပြောတတ်ပါဘူး။
န အ ဖ ဟာတိုင်းပြည်ကို တိုးတက်စေချင်ရင် အကျင့်ပျက်ဝန်ကြီးတွေနဲ့ အကျင့်ပျက်ဝန်ထမ်းတွေကို အရင်အရေးယူရပ်ါမယ်။ ပြည်သူ့ဆန္ဒမှန်ကို လေးစားရင် (၁၉၉၀) ရွှေးကောက်ပွဲအနုိုင်ရ အတိုက်အခံတွေနဲ့ စေ့စပ် ဆွေးနွေးရမယ်။ ကမ္ဘာ့ နိုင်ငံတွေ တိုးတက် ပြောင်းလဲနေတာကို မျက်ခြေမပြတ် အကဲခတ်ပြီး လေ့လာရပါမယ်။ အသုံးမ၀င်တော့တဲ့ ၀ါဒဟောင်းတွေကိုစွန့်လွတ်ပြီး ၀ါဒသစ်တွေနဲ့ အစားထိုးရပ်ါမယ်။ မကောင်းတဲ့ ၀ါဒတွေကို စွန့်လွတ်ဖို့ ၀ံ့မလေးသင့်ပါ။
နိဂုံးချုပ်ပြောရရင် အတိုက် အခံတွေ၊ ပြည်သူတွေအနေနဲ့ န အ ဖ ပြောတိုင်းကို မယုံကြည်ကြပါနဲ့။ လုပ်သင့်တာကို လုပ်ကြပါ။ န ၀ တ ၊ န အ ဖ လိမ်တာ ညာတာ နှစ်(၂၀)ကျော်လာပါပြီ။ န အ ဖ ရဲလှည့်ကွက် သို့မဟုတ် ကစားကွက်ကို သတိထားပြီစောင့်ကြည့်ကြပါ။ တကယ်လို့ စစ်ဖြစ်လာရင်လည်း အစဉ်အလာ ကောင်းပါတယ်ဆိုပြီး မိမိနိုင်ငံသား ရဟန်းရှင်လူ ကျောင်းသားပြည်သူတွေကို လက်ရဲ ဇာက်ရဲ သတ်ရဲတဲ့ န အ ဖ လက်ကိုင်ဒုတ် လူသတ်တပ်မတော်ကြီး ကပဲတိုက်ပါလိမ်မယ်။ စစ်ကူလိုရင် န အ ဖ နဲ့ စားဖော်စားဖက်၊ သောက်ဖော်သောက်ဖက် ခေတ်ပျက်သူဌေးတွေ ကူကြပါလိမ်မယ်။ န အ ဖ အ နေနဲ့ ဒီတစ်ခါ ပြဿနာ ဖြစ်တော့မယ်ဆိုရင် "ဓါးသွေးထားကြ" ဆိုပြီး ပြည်သူတွေကို စစ်ကူမတောင်းပါနဲ့။ စစ်ရေးနဲ့ နိုင်ငံတည်ထောင်တာ၊ အင်အားသုံးံပြီး ပြဿနာဖြေရှင်းတာ၊ အကြမ်းဖက်တာ စတာတွေကို ကမ္ဘာက လက်မခံတော့ပါ။ စစ်တိုက်တာကို မလိုလားပါ။ ပြီးတော့ ထမင်းနပ်မှန် မစားရတဲ့ ပြည်သူတွေမှာ စစ်တိုက်ဖို့အတွက်ခွန်အား လုံးဝမရှိပါ။ နေစရာအိပ်မရှိတော့ပါ။ ၀တ်စရာမရှိတော့ပါ။ စားရေး၊ ၀တ်ရေး၊ နေထိုင်ရေးအတွက် နပမ်းလုံးနေရပါတယ်။ ပြဿနာ ဖြစ်လာရင် မေတ္တာနဲ့ ဖြေရှင်းတာကိုပဲ လိုချင်ပါတယ်။ ဇာတိပုည ဂုဏ်မာန ကို ခ၀ါချဖို့ ပြောတာတော့ မဟုတ်ပါ။ မလွဲသာလို့ စစ်ဖြစ်ခဲ့ရင် တိုင်းပြည်ရဲ့ ရန်စွယ်ကို ကာကွယ်တားဆီးရန်၊ ပြည်သူတို့ရဲ့ အသက်အိုးအိမ် စတာတွေကို ကာကွယ်ရန်အတွက် န အ ဖ မှာသာ တာဝန်အပြည့်အ၀ရှိပါကြောင်း မောင်းမထု စလောင်းမကူဘဲ ပြောလိုက်ပါရစေ။
လူအချင်းချင်း လှည့်ဖြားခြင်း ကင်းရှင်းကြပါစေ။
ပြည်သူတစ်ဦး
http://www.wanna23.co.cc/ မှ ဖော်ပြချက်
You received this email because you are subscribed to the real_time feed for http://saiwunna.focusburma.com/?feed=rss2. To change your subscription settings, please log into RSSFWD.