လက်ဆောင်
လူတစ်ယောက်နဲ့တစ်ယောက် ခင်မင်ရင်းနှီးလာပြီဆိုရင် လက်ဆောင်လေးတွေ ပေးလေ့ပေးထ ရှိကြပါတယ်။ မွေးနေ့လက်ဆောင်တို့၊ နှစ်သစ်ကူးလက်ဆောင်တို့လို အထိမ်းအမှတ်တစ်ခုခုအတွက် ပေးကြတာမျိုးရှိသလို ခရီးတစ်ခုခုကနေ ပြန်လာတဲ့အခါ အမှတ်တရအနေနဲ့ လက်ဆောင်ပစ္စည်းလေးတွေ ၀ယ်လာပြီးတော့လဲ ပေးတတ်ကြပါတယ်။ ဘာအကြောင်းမှ မရှိဘဲ ခင်လို့မင်လို့ ပေးကြတာမျိုးလဲ ရှိပါတယ်။ ဘယ်လိုပဲဖြစ်ဖြစ် လက်ဆောင်ရတယ်ဆို ပျော်ကြတဲ့သူချည်းပါပဲ။
ကျွန်မကတော့ မိတ်ဆွေ သူငယ်ချင်းတွေကို လက်ဆောင်ပေးရင် စာအုပ်လေးတွေ ပေးတတ်ပါတယ်။ စာဖတ်ဝါသနာပါတဲ့သူဆိုတော့ သူများကို လက်ဆောင်ပေးမယ်ဆိုရင် စာအုပ်ကလွဲပြီး ဘာမှ သိပ်စဉ်းစားလို့ မရပါဘူး။ စာအုပ်ကောင်းတစ်အုပ်ကို ဖတ်မိရင် နှစ်အုပ်၊ သုံးအုပ်လောက် ပိုဝယ်ထားတတ်တာလဲ ကျွန်မအကျင့်ပါပဲ။ သူများက ကိုယ့်ကို လက်ဆောင်ပေးရင်တော့ ဘာလေးပဲရရ အရမ်းပျော်ပါတယ်။ ကိုယ့်ကို သတိတရနဲ့ အမှတ်ရပေးတဲ့အတွက် ကြည်နူးပီတိဖြစ်ပြီး ပျော်တာမျိုးပါ။ အခုလို အင်တာနက်ခေတ်ကြီးမှာ အွန်လိုင်းကနေ ကိုယ်ခင်တဲ့သူတစ်ယောက်က မေးလ်လေးတစ်စောင်လောက်(တိုတိုလေးပဲဖြစ်ဖြစ်) ပို့လိုက်တာမျိုး၊ E-card လေးတစ်ခုလောက် ပို့ပေးတာမျိုးဆိုရင်လဲ ကိုယ့်အပေါ်မှာထားတဲ့ သူ့ရဲ့ အမှတ်တရရှိမှုအတွက် စိတ်ထဲမှာ ကျေနပ်ပြီး ပျော်မိပါတယ်။
အဲဒါကြောင့် ကိုယ်တိုင်လဲ Christmas တို့၊ New Year တို့လိုမျိုး၊ ဒါမှမဟုတ် အွန်လိုင်းက သူငယ်ချင်းတစ်ယောက်ယောက်ရဲ့ မွေးနေ့လိုမျိုးဆိုရင် အမှတ်တရ ကဒ်လေးတွေ ပို့ပေးတတ်ပါတယ်။ ပြောမနာ ဆိုမနာ ခင်တဲ့ သူငယ်ချင်းတစ်ယောက်ကဆို ကျွန်မကို "နင်က အင်တာနက်ဆိုင်မှာ လုပ်နေတိုင်း အလကားရတဲ့ E-card တွေချည်းပဲ ပို့ပေးနေတယ်" တဲ့။
သူပြောသလို E-card ဆိုတာ အလကားရတာ မှန်ပါတယ်။ ဒါပေမယ့် အဲဒီကဒ်ကို ပို့ပေးတဲ့သူရဲ့ရင်ထဲက သံယောဇဉ်နဲ့ အမှတ်ရမှုကတော့ တန်ဖိုးထားတတ်တဲ့သူတွေအတွက် အလကားတော့ မဖြစ်လောက်ဘူးလို့ ကျွန်မ ယုံပါတယ်။ ကျွန်မကိုယ်တိုင်လဲ လူတစ်ယောက်ရဲ့ စိတ်ခံစားမှုနဲ့ လုပ်ပေးတဲ့ အပြုအမူတိုင်းကို အပေါ်ယံမကြည့်ဘဲ တန်ဖိုးထားတတ်တာကြောင့်ပါ။
ဒီနှစ်ထဲမှာ ကျွန်မအတွက် တန်ဖိုးမဖြတ်နိုင်တဲ့ လက်ဆောင်လေးတွေ ရ,ထားတာရှိပါတယ်။ လွန်ခဲ့တဲ့ လအနည်းငယ်လောက်က အွန်လိုင်းမှာ ကျွန်မ အရမ်းခင်ရတဲ့ အစ်မတစ်ယောက်ဆီကနေ လက်ဆောင်တစ်ခု ရလိုက်ပါတယ်။ လူကြုံနဲ့ထည့်ပေးလိုက်တဲ့ DVD လေးတစ်ချပ်ပါ။ ရပ်ဝေးမြေခြားကနေ သတိတရနဲ့ တကူးတက ထည့်ပေးလိုက်တာရယ်၊ လုံးဝ မမျှော်လင့်ထားတာရယ်ကြောင့် အဲဒီ DVD လေး ကျွန်မလက်ထဲ ရောက်လာတဲ့အချိန်မှာ ပြောမပြတတ်အောင်ကို ပျော်မိပါတယ်။ အဲဒီအစ်မရဲ့ ကျွန်မအပေါ်မှာ ထားတဲ့ သံယောဇဉ်ကိုလဲ ရင်ထဲမှာ တကယ့်ကို အမှတ်တရနဲ့ ပီတိဖြစ်မိပါတယ်။
နောက်ထပ်ရ,ထားတဲ့ တန်ဖိုးမဖြတ်နိုင်တဲ့ လက်ဆောင်ဆိုတာကတော့ သီချင်းလေးတွေပါ။ စာအုပ်တွေကို ချစ်သလို ဂီတသံစဉ်လေးတွေကိုလဲ မြတ်နိုးတဲ့ ကျွန်မအတွက် သီချင်းအပုဒ်ရေပေါင်း များစွာကို လက်ဆောင်ရတာဟာ တကယ့်ကို ပျော်စရာလေးပါပဲ။ တစ်နေ့တာလုံး အလုပ်ခွင်မှာ အာရုံစိုက်ထားရသမျှ ညအချိန်မှာ သီချင်းလေးတွေ နားထောင်ပြီး အနားယူလိုက်ရရင်ပဲ ပင်ပန်းမှုတွေ ပြေပျောက်ရပါတယ်။ အဲဒါကြောင့် သီချင်းလက်ဆောင်ပေးတဲ့သူတစ်ယောက်ကိုလဲ ပြောမပြတတ်အောင် ကျေးဇူးတင်မိပါတယ်။ ဒီလို မိတ်ဆွေသူငယ်ချင်းတွေနဲ့ ရှိနေတဲ့ ကိုယ့်ဘ၀ကိုယ်လဲ ကျေနပ်စိတ်နဲ့အတူ ပိုပြီး ခင်တွယ်မိပါတယ်။ ကိုယ့်ဘ၀ကိုယ် ခင်တွယ်ကျေနပ်နေတဲ့သူအဖို့ ဘ၀ဟာ နေပျော်ချင်စရာပါပဲ။
သက်မဲ့ လက်ဆောင်ပစ္စည်းတစ်ခုကနေ တန်ဖိုးမဖြတ်နိုင်တဲ့ စိတ်ပိုင်းဆိုင်ရာ ကြည်နူးပီတိဖြစ်မှုကို ရရှိခံစားစေတဲ့အတွက် ကျွန်မကတော့ လက်ဆောင်လေးတွေမှန်သမျှကို တန်ဖိုးထား မြတ်နိုးနေမှာပါ။ အဲဒီလိုပဲ ကျွန်မခင်တဲ့သူတွေကိုလဲ အွန်လိုင်းကနေပဲဖြစ်ဖြစ်၊ ပြင်ပလောကမှာပဲဖြစ်ဖြစ် ကျွန်မတတ်နိုင်တဲ့ အတိုင်းအတာအလျောက် အမှတ်တရလေးတွေ ဖန်တီးပေးသွားဖို့လဲ ဆုံးဖြတ်ထားပါတယ်။
တကယ်တော့ လက်ဆောင်ဆိုတာ တန်ဖိုးနည်းသည်ဖြစ်စေ၊ များသည်ဖြစ်စေ လူတစ်ယောက်ရဲ့စိတ်ကို ကြည်နူးမှုပေးနိုင်တာ အမှန်ပါပဲ။
You received this email because you are subscribed to the real_time feed for http://suthetlin.blogspot.com/feeds/posts/default. To change your subscription settings, please log into RSSFWD.