ဒီမိုကရေစီအလားအလာနှင့် စိန်ခေါ်မှုများ
ပြီးခဲ့တဲ့ စက်တင်ဘာလ ၁၅ ရက်နေ့က နိုင်ငံတကာဒီမိုကရေစီ အထိမ်းအမှတ်နေ့ပါ။ ပြီးခဲ့တဲ့ နှစ်ကမှ အထွေထွေ ညီလာခံက ဒီလို သတ်မှတ်ပေးခဲ့တာ ဖြစ်ပါတယ်။ ဒါဟာ ဒီမိုကရေစီစနစ်ဟာ နိုင်ငံအများအပြားက ရွေးချယ်တဲ့စနစ်၊ ရွေးချယ်ကျင့်သုံးဖို့ ကြိုးစားနေတဲ့ စနစ်ဆိုတာကို သက်သေပြလိုက်တာလည်း ဖြစ်ပါတယ်။ လွန်ခဲ့တဲ့ ဆယ်နှစ်တုံးကဆို ဒီလိုဆုံးဖြတ်ချက်မျိုးကို အထွေထွေညီလာခံက အတည်ပြုဖို့ဆိုတာ မစဉ်းစားဝံ့တဲ့ကိစ္စပဲ။ ဒါပေမယ့် အခုလို ဒီမိုကရေစီနေ့ကို ပထမဆုံးကျင်းပနေတဲ့ အချိန်မှာပဲ ဒီမိုကရေစီအနေနဲ့ စိန်ခေါ်မှုအသစ်တွေကို တွေ့နေရတယ်လို့ နိုင်ငံတကာ ဒီမိုကရေစီနဲ့ ရွေးကောက်ပွဲ အထောက်အကူပေးရေးအဖွဲ့ (IDEA) က ထောက်ပြ ပါတယ်။
ပထမဆုံးစိန်ခေါ်မှုကတော့ နိုင်ငံဖွံ့ဖြိုးတိုးတက်မှုအတွက် ဒီမိုကရေစီစနစ်သာလျှင် အသင့်တော်ဆုံး ဖြစ်တယ်ဆိုတဲ့ အယူအဆကို စိန်ခေါ်မှုဖြစ်ပါတယ်။ ဒါကလည်း တရုတ်၊ ဗီယက်နမ်လို ကွန်မြူနစ်ပါတီတွေက တစ်ပါတီစနစ် ကျင့်သုံးအုပ်ချုပ်နေတဲ့ နိုင်ငံတွေရဲ့ စီးပွားရေး ဖွံ့ဖြိုးတိုးတက်မှုတွေ၊ စင်္ကာပူလို အကန့်အသတ်နဲ့ ဒီမိုကရေစီစနစ်ကို ကျင့်သုံးတဲ့နိုင်ငံတွေရဲ့ စီးပွားရေးဖွံ့ဖြိုး တိုးတက်မှုတွေ ကို သုံးသပ်ပြီး ဖွံ့ဖြိုးတိုးတက်ရေးအတွက် အခြားနည်းလမ်းတွေနဲ့လည်း လုပ်ဆောင်လို့ ရတယ်ဆိုပြီး စောဒကတက်လာသူတွေ ပေါ်လာတာကြောင့် ဖြစ်ပါတယ်။ ရုရှားနိုင်ငံမှာ ယဲလ့်ဆင် လက်ထက်မှာ ဒီမိုကရေစီအပြည့်ရှိပေမယ့် နိုင်ငံဆင်းရဲပြီး တည်ငြိမ်မှုမရှိခဲ့တာ၊ ပူတင်လက်ထက်မှာ ဒီမိုကရေစီ နောက်ပြန် လှည့်သွားပေမယ့် တည်ငြိမ်မှုနဲ့ စီးပွားရေးဖွံ့ဖြိုးမှု အားကောင်းလာတာတွေဟာ ဒီစောဒက တက်မှုတွေကို ပိုအားကောင်းစေပါတယ်။
နောက်စိန်ခေါ်မှုတစ်ခုကတော့ ဒီမိုကရေစီစနစ်ထွန်းကားအောင် ပြည်ပက အကူအညီ ပေးတာတွေကို အစိုးရ အပြောင်းအလဲဖြစ်အောင် လုပ်ဆောင်မှုတွေရဲ့ တစ်စိတ်တစ်ပိုင်းအဖြစ် ရှုမြင်လာခြင်းပဲ ဖြစ်ပါတယ်။ ဒီလိုဖြစ်လာရတဲ့ အဓိက အကြောင်းကတော့ ဘုရ်ှအစိုးရရဲ့ နိုင်ငံခြားရေးမူဝါဒကြောင့်ပဲ ဖြစ်ပါတယ်။ ဘုရ်ှက ဒီမိုကရေစီနိုင်ငံခြင်း ဘယ်တော့မှ စစ်မဖြစ်ဘူး၊ ဒီမိုကရေစီထွန်းကားတဲ့ နိုင်ငံတွေမှာ အကြမ်းဖက်ဝါဒ ခြေကုတ်မယူနိုင်ဘူး။ အမေရိကန်လူမှု တန်ဖိုးများဖြစ်တဲ့ ဒီမိုကရေစီ၊ လူ့အခွင့်အရေးတွေ ထွန်းကားအောင်လုပ်ပေးရန် နိုင်ငံအားလုံးဟာ အမေရိကန်ရဲ့ မိတ်ဆွေတွေ ဖြစ်လာမယ်ဆိုတဲ့ အယူအဆကို ရှေ့တန်းတင်ပြီး လုပ်ဆောင်ခဲ့တယ်။ ဒါပေမယ့် တစ်ဘက်ကလည်း အမေရိကန်ရဲ့ မဟာဗျူဟာမြောက် မိတ်ဖက်နိုင်ငံတွေဖြစ်တဲ့ အရှေ့အလယ်ပိုင်းက ရေနံစော်ဘွားနိုင်ငံတွေ၊ ဗဟို အာရှဒေသက ကွန်မြူနစ်နိုင်ငံဟောင်းတွေမှာ ဘုရင်စနစ်၊ အာဏာရှင်စနစ်နဲ့ အုပ်ချုပ်နေတာ၊ လူ့အခွင့်အရေး မရှိတာတွေကိုတော့ လျစ်လျူရှုထားခဲ့တယ်။ ဒီလို လိုတစ်မျိုး၊ မလိုတစ်မျိုး လုပ်တာတွေကြောင့် အခုလို အထင်မှားခံရတာ ဖြစ်ပါတယ်။
နောက်စိန်ခေါ်မှုတစ်ခုကတော့ ရေနံနဲ့ သဘာဝဓာတ်ငွေ့ ဈေးနှုန်းတွေတက်လာတာကြောင့် ချမ်းသာလာတဲ့ အာဏာရှင်နိုင်ငံတွေက သူတို့သြဇာအာဏာကို ချဲ့ထွင်ဖို့ ကြိုးစားလာတာ ဖြစ်ပါတယ်။ ဒီအဖြစ်အပျက်ကိုတော့ ရုရှား၊ ဗင်နီဇွဲလားနဲ့ အီရန်နိုင်ငံတို့ရဲ့ လုပ်ဆောင်ချက်တွေမှာ တွေ့နိုင်ပါတယ်။
အလားတူစိန်ခေါ်မှုတစ်ခုကတော့ ဒီမိုကရေစီ အသွင်ကူးပြောင်းစနိုင်ငံတွေမှာ ရွေးကောက်ပွဲ အရှုံးအနိုင်ကိစ္စများ၊ လူမျိုးရေး ပြဿနာများကြောင့် ဆူပူမှု၊ မငြိမ်သက်မှုတွေ ဆက်တိုက်ဖြစ်ပေါ်လာ နေတာကြောင့် ဒီမိုကရေစီစနစ်ကသာ ပဋိပက္ခတွေကို ဖြေရှင်းဖို့ အကောင်းဆုံးစနစ် ဖြစ်တယ်ဆိုတဲ့အပေါ် မေးခွန်းထုတ်မှုတွေ ပေါ်လာတာပဲဖြစ်ပါတယ်။ အာရှတိုက်က တီမောနဲ့ အာဖရိကတိုက်က ထွန်းသစ်စ ဒီမိုကရေစီနိုင်ငံအများစုမှ ဒီပြဿနာကို တွေ့နိုင်ပါတယ်။ တောင်အမေရိကတိုက်က သက်တမ်းအရှည်ဆုံး ဒီမိုကရေစီနိုင်ငံ ဗင်နီဇွဲလားမှာ စီးပွားရေးကျဆင်းမှု၊ နိုင်ငံရေးပါတီခြင်း ပဋိပက္ခ ဖြစ်မှုတွေ ဆယ်စုနှစ်နဲ့ချီ ဖြစ်ခဲ့ပြီးနောက်မှာ အာဏာရှင်ဆန်ဆန် အုပ်ချုပ်တဲ့ လက်ဝဲ၀ါဒီ ချားဗာ့စ် သမ္မတအဖြစ် အရွေးခံခဲ့ရပါတယ်။
နောက်ဆုံးစိန်ခေါ်မှုတစ်ခုကတော့ အရေးအကြီးဆုံးပါပဲ။ အဲဒါကတော့ ပြည်သူတွေက နိုင်ငံရေး ပါတီတွေ၊ လွှတ်တော်အမတ်တွေနဲ့ လွှတ်တော်ကို သီးသန့်လူတန်းစားတွေ၊ နိုင်ငံရေး လုပ်စားနေသူတွေ၊ လူမှုရေးမညီမျှမှုတွေကို ဖြေရှင်းပေးဖို့ ပျက်ကွက်နေတဲ့သူတွေလို့ မြင်လာပြီး ယုံကြည်အားကိုးမှု လျော့ပါးလာတာပဲ ဖြစ်ပါတယ်။ ဒီလိုဖြစ်လာတာက ဒီမိုကရေစီ အသွင်ကူးပြောင်းစ နိုင်ငံတွေမှာတင် မဟုတ်ဘဲ အမေရိကန်၊ ဗြိတိန်တို့လို ဒီမိုကရေစီ ဘိုးအေနိုင်ငံတွေမှာပါ ကြုံတွေ့နေရပြီ ဖြစ်ပါတယ်။ အနောက်ဥရောပနိုင်ငံတွေမှာ မဲပေးတဲ့သူတွေ နည်းလာတယ်။ လက်ရှိ နိုင်ငံရေးစနစ်ကို ပြင်မယ်၊ နည်းလမ်းသစ်ရှာမယ်လို့ ကြွေးကြော်သူတွေ အရွေးခံရတာ ပိုများလာတယ်။ မကြာခင် လုပ်တော့မယ့် အမေရိကန် သမ္မတ ရွေးကောက်ပွဲမှာ အိုဘားမားရော၊ မက်ကိန်းကပါ ပြုပြင်ပြောင်းလဲရေး ဆိုတဲ့ ကြွေးကြော်သံကို ကိုင်ပြီး ၀ါရှင်တန် နိုင်ငံရေးလောကကို ပြင်မယ်လို့ ပြောနေပါတယ်။ သမ္မတလောင်း နှစ်ယောက်စကားစစ်ထိုးပွဲ၊ ဒုသမ္မတလောင်း နှစ်ယောက် စကားစစ်ထိုးပွဲတွေကို ကြည့်ရင် ဘယ်သူက ပြုပြင်ပြောင်းလဲရေးသမား အစစ်အမှန်ဖြစ်တယ်ဆိုတာကို သူ့ထက်ငါ သာအောင် ပြောနေတာကို တွေ့ရမှာပါ။
IDEA အဖွဲ့ဥက္ကဌ Vidar Helgesen က မကြာခင်က လုပ်ခဲ့တဲ့ ဆွေးနွေးပွဲတစ်ခုမှာ လူမှုရေး အခြေအနေတွေ၊ ဒေသရဲ့ ထူးခြားတဲ့ အခြေအနေတွေကို မျက်ကွယ်ပြုပြီး ဒီမိုကရေစီကို ဖော်ဆောင်မှုတွေ လုပ်ခဲ့လို့ ဒီမိုကရေစီအပေါ်မှာ လူတွေယုံကြည်မှု လျော့ကျ လာခဲ့တာကို တွေ့လာရတယ်လို့ ဆိုပါတယ်။ နောက်ပြီး သူက ဒီမိုကရေစီဆိုတာ ဖွံ့ဖြိုးပြီး နိုင်ငံတွေက ဖွံ့ဖြိုးဆဲနိုင်ငံတွေကို သင်ပေးရမယ့် အရာဖြစ်တယ်လို့ ထင်နေတာတွေကို မေ့ပစ်လိုက်ဖို့နဲ့ ဖွံ့ဖြိုးဆဲ နိုင်ငံတွေမှာလည်း ဒီမိုကရေစီအသွင် ကူးပြောင်းရေးနဲ့ ပတ်သက်တဲ့ အတွေ့အကြုံတွေ၊ လေ့လာစရာတွေ အများကြီးရှိတယ်။ ဖွံ့ဖြိုးပြီးနိုင်ငံတွေကနေ ပုံတူကူးချဖို့ထက် အခြေအနေတူတဲ့ ဖွံ့ဖြိုးဆဲ နိုင်ငံတွေဆီကနေ လေ့လာသင်ယူဖို့လိုတယ်လို့ ပြောသွားပါတယ်။
အားလုံးပြန်ချုပ်လိုက်ရင်တော့ ဒီမိုကရေစီဆိုတာ ဖွံ့ဖြိုးမှုနဲ့ တည်ငြိမ်မှုတွေကို ဖော်ဆောင်ပေးရာမှာ အဓိကကျတဲ့ နိုင်ငံရေးကျင့်စဉ် ဆိုတာတော့ ဘာမှ သံသယရှိစရာ မလိုပါဘူး။ သို့သော် ကာလ ဒေသနဲ့ ကိုက်ညီအောင် မလုပ်နိုင်ဘူး။ ဒီစနစ်ကို ဖော်ဆောင်တဲ့ နိုင်ငံရေးသမားများ၊ နိုင်ငံရေးပါတီများမှာ အရည်အချင်း မပြည့်ဝဘူးဆိုရင်တော့ အထက်မှာ ပြောခဲ့တဲ့ စိန်ခေါ်မှုတွေကို ကျော်လွှားနိုင်ခြင်း မရှိဘဲ ဒီမိုကရေစီ နောက်ပြန်လှည့်သွားမှာပဲ ဖြစ်ပါတယ်။ မြန်မာနိုင်ငံဟာလည်း ၄၈-၆၂ မှာ ဒီမိုကရေစီကို ကျင့်သုံးခဲ့၊ မြည်းစမ်းခဲ့ပြီပါပြီ။ အဲဒီတုံးက နိုင်ငံရေးသမားများ၊ နိုင်ငံရေးပါတီများရဲ့ အားနည်းချက်များကြောင့် နိုင်ငံရေးစနစ် တစ်လှည့်ပြောင်းပြီး စစ်တပ်ကြီးစိုးတဲ့ နိုင်ငံရေးစနစ်အောက်ကို ရောက်ခဲ့ပြီး ပါပြီ။ အခု ဒီမိုကရေစီစနစ်ကို ကူးပြောင်းဖို့ ကြိုးစားနေတဲ့ အသွင်ကူးပြောင်းရေး အချိန်ကာလဖြစ်ပါတယ်။ ဒီအချိန်မှာ မြန်မာ့နိုင်ငံရေးမှာ ပတ်သက်နေသူတိုင်း ရင်ဆိုင်ရမယ့်စိန်ခေါ်မှုတွေကို သတိပြုဖို့ လိုမယ်လို့ ထင်ပါတယ်။
၅ . ၁၀. ၂၀၀၈ ရက်နေ့ မြန်မာနိုင်ငံသတင်းများ
ကေအန်ယူတပ်တွေ ထိုင်းဖက်က ကရင်ကျေးရွာကို ကျူးကျော်တယ်လို့ ထိုင်းစွပ်စွဲ အာရ်အက်ဖ်အေ click here
သန်းရွှေရဲ့နောက်ဆုံးနေ့ရက်များ ဘားမားတူဒေး click here
မန္တလေးတိုင်း အမျိုးသားဒီမိုကရေစီအဖွဲ့ချုပ် အဖွဲ့ဝင်တွေ ထပ်မံ ရုံးထုတ် အာရ်အက်ဖ်အေ click here
ဒုတိယ ဗိုလ်ချုပ်မှူးကြီး မောင်အေး ဘင်္ဂလားဒေ့ရ်ှကို သွားမည် ဗွီအိုအေ click here
မြန်မာ့ကျောက်စိမ်းနဲ့ပတ္တမြား အသွင်းအထုတ် တားဆီးမိန့် ပထမဆင့် စတင် အာရ်အက်ဖ်အေ click here
ကလေးစစ်သား စုဆောင်းတာတွေ သြဂုတ်လထဲမှာ ၂မှု သိရှိရ အာရ်အက်ဖ်အေ click here
နိုင်ငံရေးအကျဉ်းသားများ ပြန်လွှတ်ရေး ငွေစက္ကူပေါ်မှာ စာရေးဖြန့်ဝေ အာရ်အက်ဖ်အေ click here
မုန်တိုင်းသင့် ဒုက္ခသည်တွေကို ကူညီရန် အဝေးရောက် ညွန့်ပေါင်းအစိုးရ တိုက်တွန်း အာရ်အက်ဖ်အေ click here
အရင်နှစ်တွေက စပါးထွက်နှုန်းရဲ့ ၃ ပုံ ၁ ပုံ လောက်ပဲ ထွက်နိုင်မည် အာရ်အက်ဖ်အေ click here
ကမ္တာ့ဆရာ/ဆရာမများနေ့ အထိမ်းအမှတ် အခမ်းအနား မဲဆောက်မှာကျင်းပ အာရ်အက်ဖ်အေ click here
မန္တလေးက နိုင်ငံရေးတက်ကြွတဲ့ သံဃာတွေ ရှောင်တိမ်းနေရ အာရ်အက်ဖ်အေ click here
"ပြောင်းလဲလိုက်ဖို့ ကျနော်တို့ ၀န်မလေးဘူး" - ဘီဘီစီနှင့် ဦးဝင်းတင် ဆက်သွယ်မေးမြန်းချက် မိုးမခ click here
ယမန်နေ့က မတ္တရာအဖွဲ့ချုပ်ဝင် (၅)ဦး ပြန်လွတ်၊ အသက် (၇၀)ကျော် တဦးကျန် ဒီဗွီဘီ click here
ဦးညီပု၏ ကျန်းမာရေးအခြေအနေ လာမည့် တနင်္လာနေ့တွင် သိရမည် ဒီဗွီဘီ click here
အဖွဲ့ချုပ်လူငယ် ကိုမြသန်းထိုက် အလုပ်ကြမ်းနှင့် ထောင်ဒဏ် လေးနှစ် ဒီဗွီဘီ click here
ဗိုလ်ချုပ်ကြီးမောင်အေးခရီးစဉ် ဘင်္ဂလာဒေခ်ျ့ဘက်က အကောင်းမျှော်လင့် နေရဉ္ဖရာ click here
ဓာတ်ပုံနှင့်စိတ်များ ဆက်ဆံရေးဆေးရောင်စုံ လျှပ်တစ်ပြက် click here
စင်ကာပူစီးပွားရေး လျော့ကျမည်ဟုခန့်မှန်း ရန်ကုန်တိုင်းမ် click here
အ၀လွန်ရောဂါပျောက်ကင်းစေသည့် ထိုးဆေးတစ်မျိုး ထုတ်လုပ်နိုင်တော့မည် ရန်ကုန်တိုင်းမ် click here
လျှပ်တစ်ပြက်ဂျာနယ်၏ (၁ဝဝ)ပြည့် အထူးထုတ် လျှပ်တစ်ပြက် click here
သယ်ယူပို့ဆောင်ရေးစနစ် ခေတ်မီသစ်လွင်ဖို့လိုပြီလား ရန်ကုန်တိုင်းမ် click here
အရည်အသွေးထိန်းချုပ်မှု (Quality Control) ပြုလုပ်ပေးသည့်အဖွဲ့ အစည်းမရှိသေးခြင်းက ကွန်ပျူတာနှင့် ဆက်စပ်ပစ္စည်းများ၏ ဈေးနှုန်းမတည်ငြိမ်မှုနှင့် အာမခံချက်များအပေါ် သက်ရောက်မှုရှိကြောင်းသိရ ၀ိကလီးအလဲဗင်း click here
You received this email because you are subscribed to the real_time feed for http://padaukmyay.blogspot.com/feeds/posts/default. To change your subscription settings, please log into RSSFWD.