ငယ်ငယ်က ကြိုက်ခဲ့တဲ့ လင်္ကာဒီပ ချစ်သူ ၏ လက်ရာရှင် ကွယ်လွန် လေပြီ
စုတ်ချက်တွေ တရှိုက်မက်မက် နဲ့ ဖမ်းစားတတ် တဲ့ ပန်းချီ ဝသုန်
မြန်မာ့ နာမည်ကျော် ပန်းချီဆရာ ဝသုန် (အမည်ရင်း - ဦးခင်လှ) အသက် (၆၁) နှစ်သည် ယနေ့ နံနက် က အဆုတ်ရောင် တီဘီရောဂါဖြင့် သင်္ကန်းကျွန်မြို့နယ်ရှိ သူ၏ နေအိမ်တွင် နံနက် ၇နာရီ ၁၅မိနစ်တွင် ကွယ်လွန်သွားပြီ ဖြစ်သည်။
၁၉၈၈ ခုနှစ် ဒီမိုကရေစီ အရေးတော်ပုံ ကာလများဆီတွင် ရန်ကုန်မြို့ ၃၈လမ်းရှိ မော်လမြိုင် ကျောင်းတိုက်တွင် ဖွဲ့စည်းသော ကာတွန်း နှင့် ပန်းချီ၊ပန်းပု သမဂ္ဂတွင် အထွေထွေအတွင်းရေးမှူး အဖြစ် တာဝန် ထမ်းဆောင်ခဲ့ဖူးသည်။
၁၉၆၄ ခုနှစ်မှ စတင်ကာ မဂ္ဂဇင်းများတွင် သရုပ်ဖော် ပန်းချီများ စတင် ရေးဆွဲခဲ့သူ ဖြစ်သည်၊ သူ၏ လက်ရာများအနက် ချစ်ဦးညို၏ "လင်္ကာဒီပချစ်သူ" ရုပ်ပြကာတွန်း သရုပ်ဖော်ဖြင့် တဟုန်ထိုး ကျော်ကြားလာခဲ့ကာ ၁၉၇၀ ဝန်းကျင်တွင် သူသည် ရေဆေး၊ ဆီဆေး နှစ်မျိုးလုံးဖြင့် ရေးဆွဲလာကာ ရေဆေးဖြင့် ရေးဆွဲခြင်းကို ပိုမို အားသန်သူဖြစ်သည်။
၁၉၈၈ ခုနှစ်အတွင်း ကိုရီးယားနိုင်ငံ မြို့တော်ဆိုးလ် နှင့် ၁၉၉၃ ခုနှစ်အတွင်း အမေရိကန်နိုင်ငံ ဖီလာဒဲလ်ဖီးယား တွင် ပန်းချီပြပွဲများ ကျင်းပခဲ့သေးသည်။
စိတ်ဝင်တစား အနုပညာ ဖန်တီးနေတဲ့ ဝသုန်
……. မြန်မာ ပန်းချီကျော် ဝသုန် ကောင်းရာသုဂတိ လားပါစေ …….
ဓါတ်ပုံများအား ဖလစ်ကာမှ ရယူသည်။
You received this email because you are subscribed to the real_time feed for http://chittemanawmyae.blogspot.com/feeds/posts/default. To change your subscription settings, please log into RSSFWD.