ခေတ်မီရေးအတွေးအမြင်
(မြန်မာ့နိုင်ငံရေးမှာ ပါဝင်ပတ်သက်နေသူများကြားမှာ အယူအဆအမျိုးမျိုးကွဲပြားနေပေမယ့် အမိမြန်မာနိုင်ငံကို ခေတ်မီ ဖွံ့ဖြိုး တိုးတက်စေချင်တဲ့ ဆန္ဒကတော့ အတူတူပဲဖြစ်ပါတယ်။ ဒါ့ကြောင့် နိုင်ငံခေတ်မီရေးနဲ့ ပတ်သက်ပြီး ဆရာမောင်ဝံသ ထုတ်ဝေတဲ့ ၂၀၀၈ ခုနှစ်အောက်တိုဘာလထုတ် အတွေးအမြင်စာစောင်ရဲ့ အာဘော်ကို မျှဝေပေးလိုက်ပါတယ်။)
အတွေးအမြင် စာစောင်သည် `တင်ထုတ်´ စာစောင်အဖြစ် စာစဉ်အမှတ် (၁၈၀) အထိ ထုတ်ဝေခဲ့ရာမှ ဧပြီ ၂၀၀၇ ထုတ် စာစဉ်အမှတ် (၁၈၁)က စ၍ လစဉ်ထုတ် ပုံမှန်မဂ္ဂဇင်း ဖြစ်လာခဲ့သည်။ အောက်တိုဘာ ၁၉၈၄ ကစတင် ထုတ်ဝေခဲ့သော အတွေးအမြင်၏ သက်တမ်းသည် ယခုလတွင် ၂၄နှစ်ပြည့်လေပြီ။
သက်တမ်းအထိုက်အလျောက် ရလာသည်နှင့်အမျှ အတွေးအမြင် စာဖတ်ပရိတ်သတ်ကိုလည်း ကျွန်ုပ်တို့ ခိုင်မာစွာ စုစည်းနိုင်ခဲ့ပေသည်။ ဤသက်တမ်းအတွင်း အတွေးအမြင်နှင့် စာဖတ်ပရိသတ်သည် ကျွန်းကိုင်းမှီ ကိုင်းကျွန်းမှီ ဆက်ဆံရေးမျိုးဖြင့် အပြန်အလှန် အထောက် အကူ ပြုခဲ့ပေသည်။ တွေးစရာပါသော စာပေအမျိုးအစားကိုမှ ဖတ်ရှုလိုသော လေးနက် စာဖတ်ပရိသတ်အတွက် အတွေးအမြင်က တာဝန်ကျေနိုင်သမျှ ကျေအောင်ဖြည့်ဆည်းပေးသကဲ့သို့ အတွေးအမြင်စာစောင် လှိုင်းတံပိုးတွေကြားမှာ ဆက်လက်အသက်ရှည်အောင် စာဖတ်ပရိတ်သတ်များက ပုံမှန်အားပေး၍ ထူမတ်ပေးခဲ့ပေသည်။ စာဖတ်ပရိသတ်၏ ကြီးမားလှသော ကျေးဇူတရားကို အတွေးအမြင်က မည်သည့်အခါမှ မမေ့ဘဲ တစ်လထက်တစ်လပို၍ ကောင်းသထက်ကောင်းအောင် ကြိုးစားဖြည့်ဆည်းသွားပါမည်ဟု ကတိပြုပါသည်။
ယခုလအဖို့မူ ၂၄နှစ်ပြည့်မြောက် အတွေးအမြင်၏ အထူးဆောင်းပါးအဖြစ် ဖော်ပြထားသော ``သုခမိန် စကား´´ဆောင်းပါးပါ အရေးကြီးသော အချက်အချို့ကို မီးမောင်းထိုးပြလိုပေသည်။ မူလစာရေးသူ စင်ကာပူပညာရှင်က တောင်ကိုရီးယားနှင့် ဖိလစ်ပိုင်ကို ယှဉ်၍ သုံးသပ်ပြပုံမှာ မှတ်သားဖွယ်ပင်။ သုံးသပ်ချက်မှာ ဤသို့ဖြစ်သည်။
၁၉၅၀ ပြည့်လွန်တွင် ဖိလစ်ပိုင်သည် ကမ္ဘာတစ်လွှားတွင် စီးပွားရေး အလားအလာ အကောင်းဆုံးနိုင်ငံဖြစ်၏ ဖိလစ်ပိုင်တွင် ပညာတတ် အထက်တန်းလွှာရှိသည်။ အမေရိကန်၏ အားပေးထောက်ခံမှုလည်း ရနေသည်။ တောင်ကိုရီးယားသည် ဖိလစ်ပိုင်နှင့် ဆန့်ကျင်ဖက် ဖြစ်၏။ ၁၉၅၀-၅၃ ကိုရီးယားစစ်ပွဲဒဏ်ကို အလူးအလှိမ့်ခံခဲ့ရပြီး စီးပွားရေး ချွတ်ခြုံကျ နေသည်။ ထို့ကြောင့် ၁၉၆၀ ပြည့်နှစ်တွင် ဖိလစ်ပိုင်၏ GDP သည် အမေရိကန်ဒေါ်လာ ၆.၉ ဘီလီယံရှိပြီး တောင်ကိုရီးယား၏ GDP မှာ ၁.၅ ဘီလီယံသာရှိ၏။ ၂၀၀၇ ခုနှစ်တွင်မူ ဖိလစ်ပိုင်၏ GDP က ၁၄၄.၁ ဘီလီယံဖြစ်ပြီး တောင်ကိုရီးယား၏ GDP သည် ၉၆၉.၈ ဘီလီယံ ဖြစ်လာသည်။ အဘယ်ကြောင့် ဤသို့ ဖြစ်ရသနည်း။ ``နိုင်ငံရေးပါး မ၀သောစကား´´ကို သုံးနှုန်းပြီး အဖြေပေးရပါမည်။ ဖိလစ်ပိုင် လူ့အဖွဲ့အစည်းက ပဒေသရာဇ်ခေတ် အတွေးအမြင်များကို မဖျောက်ဖျက်ဘဲဆက်ပြီး ကျင့်သုံးသောကြောင့် ဖြစ်ပါသည်။ ပဒေသရာဇ်အကျင့်က လက်တင်အမေရိကန် နိုင်ငံများကိုလည်း ဒုက္ခပေးလျက်ရှိသည်။ တောင်ကိုရီးယားက ဖိလစ်ပိုင်နှင့်မတူပါ။ ပဒေသရာဇ်အတွေးအမြင် အတော်များများကို ပယ်ဖျက်နိုင်ခဲ့ပါသည်။
ပဒေသရာဇ်ခေတ်အတွေးအမြင်ဟူသည် အလွန်ကျယ်ပြန့်သည်။ လိုရင်းဆိုရလျှင်တော့ အမြင်ကျဉ်းသည်။ ခေတ် နောက်ပြန်ဆွဲသည်။ ခေတ်မီရေးနှင့် ဆန့်ကျင်ဘက်ဖြစ်သည်။ ယနေ့ခေတ်တွင် နိုင်ငံရေး၊ စီးပွားရေး၊ လူမှုရေး ဘက်ပေါင်းစုံ ခေတ်မီရေးသည် အောက်ကျ နောက်ကျဖြစ်နေသော နိုင်ငံတိုင်းအတွက် အရေးအကြီးဆုံးဖြစ်သည်။
ခေတ်မီရေးဟူသည် ယေဘူယျအားဖြင့် ပထမကမ္ဘာ၏ လူနေမှုအဆင့်ကို မမီသေးသော ပထမကမ္ဘာပြင်ပနိုင်ငံများက နိုင်ငံရေး၊ စီးပွားရေး၊ လူမှုရေးတို့တွင် ယင်းတို့၏ လက်ရှိအနေအထားထက် တိုးတက်ဖွံ့ဖြိုးလာစေရန် ရည်သန်ခြင်းကို ခေတ်မီရေးကြိုးပမ်းသည်ဟု ခေါ်ဆိုသည်။ (ပထမကမ္ဘာဆိုသည်မှာ အနောက်ဥရောပ၊ မြောက်အမေရိကနှင့် ယခင် ဓနသဟာယ နိုင်ငံများကို ရည်ညွှန်းသည်။) ခေတ်မီရေး၏ သော့ချက်များအဖြစ် နိုင်ငံရေးတွင် လစ်ဘရယ်ဒီမိုကရေစီ၊ စီးပွားရေးတွင် တံခါးဖွင့် ဈေးကွက်စီးပွားရေးကို တောင်းဆိုကြသည်။ တရုတ်ပြည်သည် ခေတ်မီရေးလှုပ်ရှားမှုကို ၁၉၇၅ ခုနှစ်ကတည်းက အစပျိုးခဲ့သည်။ ထိုစဉ်က ``ကဏ္ဍလေးခု ခေတ်မီရေး´´ဟူသော ကြွေးကြော်သံကို တိန့်ရှောင်ဖိန်ဦးဆောင်၍ ထုတ်လွှင်ခဲ့ သည်။ ယင်းတို့မှာ (၁) လယ်ယာ၊ (၂) စက်မှု၊ (၃) ကာကွယ်ရေးနှင့် (၄) သိပံ္ပနှင့်နည်းပညာတို့ဖြစ်သည်။ ယင်းခေတ်မီရေး လှုပ်ရှားမှုကြောင့် ၁၉၇၈ ခုနှစ်တွင် တရုတ်ပြည်တံခါးဖွင့်မူဝါဒ ပေါ်ပေါက်လာပြီး နှစ် ၃၀အကြာတွင် ကမ္ဘာ့အဆင့်မီ နိုင်ငံ တစ်နိုင်ငံဖြစ်လာသည်။ ဂျပန်နိုင်ငံသည် မေဂျီဧကရာဇ် (၁၈၆၈-၁၉၁၂) လက်ထက်တွင် ဂျပန်နိုင်ငံကို ခေတ်မီရေးနှင့် အနောက်ပုံစံသွင်းရေး (modernization and westernization) လုပ်ဆောင်ခဲ့ရာ ခေတ်မီရုံမျှမက စစ်အင်အားရှင်နိုင်ငံ တစ်နိုင်ငံဖြစ်လာခဲ့သည်။ တတိယကမ္ဘာနိုင်ငံများဟု ခေါ်ဆိုသော ဖွံ့ဖြိုးဆဲနိုင်ငံအချို့တွင် ခေတ်မီရေးနှင့် အနောက်ပုံစံ သွင်းရေးကို မကွဲမပြားကြသဖြင့် ခေတ်မီရေးလှုပ်ရှားမှုများကို ဟန့်တားမှုများရှိခဲ့ကြသည်။
ဖြစ်သင့်သည်မှာ အနောက်ပုံစံသွင်းခြင်းကို အမျိုးသားရေးသတိဖြင့် စောင့်ကြည့်ပြီး ခေတ်မီရေးကို ရဲရဲကြီးဆက်လုပ် ကြဖို့သာဖြစ်သည်။
You received this email because you are subscribed to the real_time feed for http://padaukmyay.blogspot.com/feeds/posts/default. To change your subscription settings, please log into RSSFWD.