လူမှုဂရုဏာအကူအညီနှင့်မြန်မာနိုင်ငံ
နာဂစ်မုန်တိုင်း တိုက်ခိုက်ပြီးနောက်ပိုင်းမှာ နိုင်ငံတကာ အကူအညီပေးရေးအဖွဲ့များနဲ့ မြန်မာအစိုးရအကြား ထိတွေ့ ဆက်ဆံမှုတွေ ပိုများ လာခဲ့ပါတယ်။ ကယ်ဆယ်ရေးလုပ်ငန်းများရဲ့ အစပိုင်းမှာ အစိုးရဘက်က နိုင်ငံတကာ အဖွဲ့အစည်းများဟာ လူမှုဂုရုဏာအကူအညီကို ဗန်းပြပြီး နိုင်ငံရေးနွယ်တဲ့ အလုပ်တွေကို လုပ်မယ်လို့ သံသယရှိခဲ့သလို နိုင်ငံတကာ အဖွဲ့အစည်းများဘက်ကလည်း နအဖဘက်က အကူအညီများကို အလွဲသုံးစားလုပ်မှာကို စိုးရိမ်ခဲ့ပါတယ်။ ဒါပေမယ့် သုံးပွင့်ဆိုင်ဗဟိုအဖွဲ့ ဖွဲ့စည်းပြီးတဲ့နောက်မှာ ကယ်ဆယ်ရေး လုပ်ငန်းတွေကို ထိထိရောက်ရောက်လုပ်နိုင်ခဲ့ပြီး မြန်မာအစိုးရနဲ့ နိုင်ငံတကာအဖွဲ့အစည်းများအကြားမှာ ကောင်းမွန်တဲ့အလုပ်သဘော ဆက်ဆံရေးတစ်ရပ် ထူထောင် နိုင်ခဲ့တယ်ဆိုတာကို ကုလသမဂ္ဂနဲ့ နိုင်ငံတကာ အကူအညီပေးရေးအဖွဲ့များ၊ INGO များရဲ့ ပြောကြားချက်များမှာ တွေ့ရပါတယ်။ ဒါ့ကြောင့်လည်း ICG, CMI (Crisis Management Institute) စတဲ့ အဖွဲ့အစည်းများက နာဂစ်ကရတဲ့ အခွင့်အရေးကို တိုးချဲ့ပြီး မြန်မာနိုင်ငံကို လူမှုဂရုဏာ အကူအညီတွေ တိုးချဲ့ပေးဖို့ ပြောဆိုလာတာတွေ ကြားရပါတယ်။ ဥရောပကော်မရှင်ထဲမှာလည်း မြန်မာနိုင်ငံအပေါ် ပိတ်ဆို့အရေးယူထားမှုတွေကို ပြန်လည်သုံးသပ်ဖို့ဆိုတာကို ဒိန်းမတ်လို နအဖအပေါ် ပြင်းပြင်းထန်ထန် ဆန့်ကျင်ခဲ့တဲ့ နိုင်ငံတွေကပါ ပြောလာပါတယ်။ ဒီအယူအဆတွေကို သဘောမတူဆန့်ကျင်တဲ့ သူတွေလည်း အများကြီးရှိပါတယ်။ ဒါ့ကြောင့် မြန်မာနိုင်ငံအပေါ် လူမှုဂရုဏာအကူ အညီပေးရေးနဲ့ ဖွံ့ဖြိုးရေး အကူအညီပေးရေးဟာ မြန်မာ့နိုင်ငံ ဒီမိုကရေစီ ပေါ်ပေါက်ရေးလုပ်ငန်းမှာ အလေးထားဆွေးနွေးရမယ့် ကိစ္စဖြစ်လာ နေပါတယ်။
တကယ်တော့ မြန်မာနိုင်ငံဟာ Failed State အဆင့်ကို မရောက်သေးပေမယ့် Fragile State လို့ ဆိုရမယ့် အကိုင်အတွယ်မှားရင် ပြဿနာပေါ်နိုင်တဲ့အဆင့်မှာ ရှိပါတယ်။ ဒီတော့ နိုင်ငံရေးနဲ့ လူမှုဂရုဏာ အကူအညီပေးမှုတွေ၊ ဖွံ့ဖြိုးရေးအကူအညီပေးမှုတွေကို ဘယ်လို ဟန်ချက်ညီအောင် ကိုင်တွယ်မယ်ဆိုတာ ပြန်စဉ်းစားဖို့ လိုနေပါပြီ။ ဒီတော့ ဒီပြဿနာကို စဉ်းစားသူလိုသူများအတွက် OECD ( Organization for Economic Co- operation and Development) ရဲ့ PRINCIPLES FOR GOOD INTERNATIONAL ENGAGEMENT IN FRAGILE STATES & SITUATIONS ဆိုတဲ့ အခြေခံမူများကို ကိုးကားတင်ပြချင်ပါတယ်။
OECD အဖွဲ့က Fragile State များနဲ့ ထိတွေ့ဆက်ဆံပြီး ဆင်းရဲနွမ်းပါးမှုများပပျောက်အောင်၊ လုံခြုံ တည်ငြိမ်တဲ့ အခြေအနေဖြစ်အောင် အကူအညီပေးရာမှာ နိုင်ငံတကာအနေနဲ့ လိုက်နာသင့်တဲ့ အခြေခံမူများကို ၂၀၀၇ ခုနှစ်တုံးက ချမှတ်ခဲ့တယ်။ OECD က အဲဒီနိုင်ငံတွေလက်ရှိအခြေအနေက နေရုန်းထွက်နိုင်ဖို့အတွက် အဲဒီနိုင်ငံကခေါင်းဆောင်တွေနဲ့ ပြည်သူတွေကပဲ လုပ်ရမှာဖြစ်တယ်။ နိုင်ငံတကာက အဖြေရှာပေးဖို့ မဟုတ်ဘူး။ နိုင်ငံတကာအကူအညီဆိုတာက အခြေအနေကောင်းတွေ ပိုကောင်းလာအောင်၊ မကောင်းတဲ့အကျိုးဆက်တွေ လျော့ကျသွားအောင် လုပ်ပေးဖို့ပဲ ဖြစ်တယ်လို့ ဆိုပါတယ်။ သူတို့ချမှတ်တဲ့ အခြေခံမူများဟာ ယိုယွင်း အားနည်းနေတဲ့ အုပ်ချုပ်မှုစနစ်၊ ပဋိပက္ခများနဲ့ ရင်ဆိုင်နေရတဲ့နိုင်ငံများနဲ့ ဆက်ဆံရေးကောင်းမွန်အောင် ဆောင်ရွက်ရာမှာ အထောက်အကူပြုနိုင်ဖို့ ဖြစ်တယ်လို့လဲ ဆိုပါတယ်။ OECD က သူတို့ရဲ့ အခြေခံမူများဟာ အောက်ပါအခြေခံအုပ်မြစ်နှစ်ခုပေါ်မှာ တည်တယ်လို့ ဖော်ပြထား ပါတယ်။
တစ်။ လက်ရှိအခြေအနေကို အခြေခံပြီး စတင်ရန်။ နိုင်ငံတကာအသိုင်းအ၀န်းအနေနဲ့ နိုင်ငံတစ်ခုခြင်းရဲ့ ထူးခြားတဲ့ အခြေအနေတွေကို သိပြီး သင့်တော်တဲ့ တုန့်ပြန်မှုမဟာဗျူဟာကိုချမှတ်ရမယ်။ နိုင်ငံတိုင်းမှာ မတူညီတဲ့ စွမ်းဆောင်မှု၊ နိုင်ငံရေး သံဓိဌာန်ချထားမှု၊ တရားဝင်မှု အခြေအနေတွေ ကွာခြားတယ်ဆိုတာ သတိထားဖို့ အရေးကြီးတယ်။ အဲဒီနိုင်ငံဟာ ပဋိပက္ခလွန်ကာလ သို့မဟုတ် အသွင်ကူးပြောင်းရေး ကာလမှာ ရှိနေတာလား၊ အစိုးရပြိုကွဲနေတဲ့အဆင့်မှာ ရောက်နေတာလား၊ တစ်ဖြေးဖြေးချင်းတိုးတက် ပြောင်းလဲ နေတဲ့ အဆင့်မှာရှိနေတာလား၊ ပဋိပက္ခနဲ့ အကြာကြီး ရင်ဆိုင် နေရပြီး ရှေ့မတိုး၊ နောက်မဆုတ် အခြေအနေကို ရောက်နေတာလား ခွဲခွဲခြားခြားသိရမယ်။ နိုင်ငံနဲ့ ဒေသ အခြေအနေပေါ် မူတည်ပြီး ခိုင်မာတဲ့ နိုင်ငံရေးအကဲဖြတ်ချက်လုပ်ဖို့ အရေးကြီးတယ်။ ပြဿနာအားလုံးကို ကြိုတင်ဆွဲထားတဲ့ အစီအစဉ်နဲ့ ဖြေရှင်းလို့ မရနိုင်ဘူး။
နှစ်။ ထိခိုက်နစ်နာမှုများမဖြစ်စေရန်။ ပဋိပက္ခအကြောင်း၊ အုပ်ချုပ်မှုပြဿနာများအကြောင်းကို ဂဃဏန လဲမသိဘူး၊ ခိုင်မာတဲ့ သုံးသပ်ချက်လဲ မလုပ်ဘူး၊ ပြဿနာပေါ်ရင် ဘယ်လိုဖြေရှင်းမယ် ဆိုတာလဲ ကြိုတင်စီမံမထားဘူးဆိုရင် နိုင်ငံတကာက ၀င်ရောက် အကူအညီပေးရာမှာ မရည်ရွယ်ဘဲနဲ့ လူမှုရေးအရ သဘောထားကွဲမှုတွေဖြစ်အောင်၊ အဂတိ လိုက်စားမှုနဲ့ အခွင့်အရေးချိုးဖောက်မှုတွေ ပိုလာအေင် လုပ်ပေးသလိုဖြစ်နိုင်တယ်။ ဒီလိုပဲ အဂတိလိုက်စားမှုတွေ၊ လူ့အခွင့်အရေး ချိုးဖောက်မှုတွေကြောင့် အကူအညီပေး နေတာတွေကို ရပ်လိုက်ရမလား၊ ဆက်ပေးရမလား ဆုံးဖြတ်မယ်ဆိုရင်လဲ ဆင်းရဲနွမ်းပါးမှု၊ ပြုပြင်ပြောင်းလဲရေးလုပ်ငန်း၊ ပဋိပက္ခအခြေအနေနဲ့ လူတွေရဲ့ လုံခြုံမှုစတာတွေကို ကျယ်ကျယ်ပြန့်ပြန့် စဉ်းစားပြီး ဆုံးဖြတ်ရမယ်။ အကူအညီတွေအတွက် ဘတ်ဂျက် လျာထားချက် ဖြတ်တောက်ဖို့ ဆိုတာကို အလွန်အရေးကြီးတဲ့ အခြေအနေတွေမှသာ နောက်ဆုံးနည်းလမ်းအဖြစ် စဉ်းစားရမယ်။ အကူအညီတွေနဲ့ ပတ်သက်ပြီး အဂတိ လိုက်စားမှုကာကွယ်ဖို့၊ ထင်သာ မြင်သာ ရှိဖို့ ငွေကြေးခ၀ါချတာတွေကို ကာကွယ်ဖို့အတွက် အလှုရှင်နိုင်ငံများက စောင့်ကြည့်တာဝန်ယူရမယ်။
OECD အဖွဲ့က အခြေခံမူတွေကိုလည်းအခုလို သတ်မှတ်ထားပါတယ်။
တစ်။ နိုင်ငံတည်ဆောက်ရေးကို အဓိကရည်မှန်းချက်အဖြစ်သတ်မှတ်ရန်။
နှစ်။ ရေတိုကုသခြင်းသာမက ပြဿနာ၏ အရင်းအမြစ်များကို ဖြေရှင်းနိုင်ရေးအတွက် ဦးစားပေး လုပ်ငန်းများ ခွဲခြား သတ်မှတ်ရန်။
သုံး။ နိုင်ငံရေး၊လုံခြုံရေးနှင့်ဖွံ့ဖြိုးတိုးတက်ရေးကဏ္ဍများအကြားဆက်စပ်နေမှုကို အသိအမှတ်ပြုရန်။
လေး။ အားလုံးပါဝင်နိုင်ပြီး တည်ငြိမ်သည့်လူ့အဖွဲ့အစည်း ဖြစ်စေရေးအတွက် ခွဲခြားဆက်ဆံမှုများ မရှိရေးကို အလေးထား ဆောင်ရွက်ရန်။
ငါး။ နိုင်ငံအလိုက်ထူးခြားတဲ့အခြေအနေ၊ ကွဲပြားတဲ့လုပ်နည်းများ၊ ဦးစားပေးမှုများနဲ့ ကိုက်ညီအောင် ဆောင်ရွက်ရန်။
ခြောက်။ နိုင်ငံတကာ အဖွဲ့အစည်းများကြား လက်တွေ့ကျတဲ့ ပူးပေါင်းဆောင်ရွက်မှုစနစ်ကို ထူထောင်ရန်။
ခုနှစ်။ အမြန်ဆုံး ၀င်ရောက်ကူညီနိုင်အောင် ဆောင်ရွက်ရန်။ သို့သော် အောင်မြင်မှုအခွင့်အလမ်း သေချာစေရန်အတွက် ရေရှည် ဆောင်ရွက်ရန်။
ရှစ်။မျှမျှတတအကူအညီပေးရန်။ နိုင်ငံအချို့အားချန်ထားခဲ့ခြင်း၊ နိုင်ငံအတွင်းတွင် အချို့အုပ်စုများ ကျန်နေခဲ့ခြင်းမျိုး မဖြစ်အောင် သတိပြုရန်။
နိုင်ငံတကာက လူမှုဂရုဏာအကူအညီများ၊ ဖွံ့ဖြိုးရေးအကူအညီများပေးရာမှာ လိုက်နာသင့်တဲ့ အခြေခံမူများကို လေ့လာမိသလောက် ဝေမျှပေးလိုက်တာပါ။
You received this email because you are subscribed to the real_time feed for http://padaukmyay.blogspot.com/feeds/posts/default. To change your subscription settings, please log into RSSFWD.