ညစာ
ဒီနေ့ စားတဲ့ ညစာ မဟုတ်ပါဘူး။ ဟိုပြီးခဲ့တဲ့ တစ်နေ့  က ညစာ။ အခု ဗိုက်ဆာတာနဲ့  သတိရပြီး ရိုက်ထားတဲ့ ပုံလေးတွေ တင်လိုက်တာပါ။ အလုပ်က သူငယ်ချင်း တစ်ယောက်က ညစာ အတူသွားစားကြရအောင် အကြံပြုတာကို အားလုံးထောက်ခံပြီး သွားစားခဲ့ကြတယ်။ အဲဒီနေ့ က မိုးတွေ အရမ်း ရွာနေခဲ့တယ်။
အဲဒီဆိုင်က China Square Central အရှေ့ မှာ ရှိတယ်။ မိုးတွေ ရွာနေတော့ ဆိုင်နာမည်ကို သေချာမကြည့််လိုက်မိဘူး။ Menu က ပုံ ကိုတော့ ဓာတ်ပုံရိုက်ထား လိုက်တယ်။ ဆိုင်နာမည်လား၊ ဘာလား မသိဘူး။ အဲဒီဘာသာစကား မတတ်တဲ့အတွက် ဘာရေးထားတယ်ဆိုတာ မပြောပြနိုင်ပါ။ နောက်ပိုင်း အချိန်ရမှ နေ့ လယ်ပိုင်း အဲဒီဆိုင်မှာ ထပ်သွားစား ကြည့်အုံးပြီး ဆိုင်နာမည်မှတ်လာခဲ့မယ်။
ပထမဆုံးစားတာက ပုဇွန်။ အဲဒီ ပုဇွန်က အေးရင် မာသွားပြီး စားရခက်မှာစိုးလို့  ဘာမှ မစားခင် ပုဇွန်ကင်ကို အရင်စားလိုက်ကြတယ်။ မလေး နဲ့ စလုံး သူငယ်ချင်းတွေက သူတို့ စားဖူးတဲ့ ပုဇွန်မှာ ဒီပုဇွန်က တော်ကြီး တယ်တဲ့။ ကျွန်မ အတွက်တော့ မဟုတ်ဘူးလို့ ပြောလိုက်တယ်။ ရန်ကုန်က ပုဇွန်ချိုချို ကွေးကွေးကြီးတွေကို သတိရပြီး အရမ်းစားချင်သွားတယ်။ အဲဒီဆိုင်မှာ မှာစားတဲ့ အစားအစာတွေမှာ Duck Soup က အတော်လေး သောက်လို့ ကောင်းတယ်။ Coffee Pork Rip ကို အဲဒီနေ့ ကမှ ပထမဆုံး အကြိမ်စားဖူးခဲ့တာ။ ၀က်နံရိုးကို ကိုက်လိုက်တိုင်း ကော်ဖီအနံ့ လေးရပြီး၊ နည်းနည်းခါးသက်သက် အရသာလေးရတာ တမျိုးလေးပဲ၊ စားလို့ ကောင်းတယ်။ ကြိုက်တယ်။ ဂျပန် တို့ ဖူးခေါ်မှလား တို့ ဖူး ၀ိုင်းဝိုင်းလေးတွေ ကိုတော့ အရင်ကတည်းက မကြိုက်လို့  နည်းနည်းပဲ စားဖြစ်တယ်။ ကိုက်လန်ကြော်၊ ကြက်ကင်၊ ပုဇွန်ကင် နဲ့  ဟင်းတွေ အားလုံး ကောင်းပါတယ်။
You received this email because you are subscribed to the real_time feed for http://naynaynaing.blogspot.com/feeds/posts/default. To change your subscription settings, please log into RSSFWD.