အမျိုးသားနေ့၏ သမိုင်းစာမျက်နှာများ
(မှတ်ချက်။ ။နှစ်ငါးဆယ် ကမ္ဘာ့ရေးရာ- ပထမတွဲ မှ ထပ်ဆင့်
ကူးယူဖော်ပြ ပါသည်။ စာမျက်နှာ - ၁၀၅။)
(ကုလားထိုင်တွင် ထိုင်နေသော ၀ဲဖက်မှ ပဉ္စမနှင့် ဆဋ္ဌမ ပုဂ္ဂိုလ်ကြီး
များမှာ ဒီးဒုတ်ဦးဘချို( ကွယ်လွန်သူ အာဇာနည် ခေါင်းဆောင်ကြီး)
နှင့် သခင်ကိုယ်တော်မှိုင်းဘွဲ့ခံ ဆရာလွန်း တို့ဖြစ်၏။)
(မှတ်ချက်။ ။တို့ဗမာ အစည်းအရုံးသမိုင်း -ပထမတွဲ မှ ထပ်ဆင့်
ကူးယူ ဖော်ပြပါသည်။ စာမျက်နှာ - ၇၆၊၇၇၊ ၇၈၊၇၉၊၈၀၊၈၁။)
နောက်ခံ သမိုင်း- ကိုလိုနီ ပညာရေး
အင်္ဂလိပ်နယ်ချဲ့တို့၏ ကိုလိုနီ ပညာရေးသည် ဗမာနိုင်ငံ၌ ၁၉၂၀
ပြည့်နှစ်အထိ ယင်းတို့အတွက် အခိုင်းအစေ ကျိုးနွံသော မြန်မာ
လူငယ်များကို ကျွန်ပညာသင်ပေးရန်သာ အဓိက ဖြစ်သည်။
ခေတ်အလိုက် အမြင့်ဆုံး ပညာသင်ကြားရာ ယူနီဗာစီတီ ခေါ်
တက္ကသိုလ်ကျောင်း မရှိသေးပေ။ ရန်ကုန်မြို့၌ ရန်ကုန်ကောလိပ်
နှင့် ဂျပ်ဆင် (ယခင် ယုဒသန် ကောလိပ်)ကောလိပ်သာရှိ၍ ယင်း
တို့မှာ ကလကတ္တား ယူနီဗာစီတီ၏ လက်အောက်ခံ ကောလိပ်
ကျောင်းခွဲမျှသာ ဖြစ်သည်။ သင်ရိုးညွှန်းတန်းများမှာ ကလကတ္တား
ယူနီဗာစီတီမှ ချမှတ်ပေးသည့် အတိုင်း သင်ကြားရသဖြင့် ဗမာ
တက်လူငယ်များနှင့် အံမ၀င် ခွင်မကျဘဲ ဖြစ်နေသည်။ စာမေးပွဲများ
ကိုလည်း ကလကတ္တား ယူနီဗာစီတီမှ ဦးစီး စီမံကျင်းပ ပြုလုပ်ပေး
သည်။ မက်ထရစ်ကျူလေရှင်း ခေါ် တက္ကသိုလ်ဝင် စာမေးပွဲကိုလည်း
ကလကတ္တားတွင် မေးခွန်းထုတ်၍ ရန်ကုန်တွင် ဖြေဆို ကြရသည်။
ဝိုင်အမ်ဘီအေက ဗမာပြည်တွင် ယူနီဗာစီတီ (တက္ကသိုလ်) သီးခြား
ရှိရမည်ဟု လှုံဆော်ကြွေးကြော် တိုက်တွန်းပေါင်းများလတ်သော်
ဗမာပြည် အစိုးရသည် ပညာမင်းကြီး မစ္စတာ မက်သယူး ဟန်တား
(Mr. Mathew Hunter) ဦးစီးသည့် ယူနီဘာစီတီ အက်ဥပဒေ ရေး
ဆွဲရေး ကျွမ်းကျင်သည့် ကော်မတီ တရပ်ကို ၁၉၁၈ ခုနှစ် ဇွန်လတွင်
ဖွဲ့စည်းလိုက်၏။ ကော်မတီဝင် ဦးရေ ၃၀ နီးပါးမျှရှိ၍ ၀ိုင်အမ်ဘီအေ
မှ ၀တ်လုံတော်ရ ဦးမေအောင်၊ ဦးမောင်ကြီး (အမ်အေ)၊ ဦးဘဖေ
(ဘီအေ)၊ ဦးကွမ်း (ဘီအေ)ပုသိမ်၊ ဦးဘလှိုင် (ဘီအေ) နှင့် ဦးအမ်
အမ်အုံးခိုင်တို့ ခြောက်ဦးသာပါ၏။
ဝိုင်အမ်ဘီအေ ကိုယ်စားလှယ်များက ၀ိဇ္ဇာသိပ္ပံ ပညာရပ်များ အားပေး
သည့် ကောလိပ်ပေါင်းများစွာ ဆက်သွယ်နိုင်သည့် ယူနီဘာစီတီ
(တက္ကသိုလ်) ကို ထောက်ခံသော်လည်း မစ္စတာ မက်သယူးဟန်တား
ဦးဆောင်သော ကော်မတီ အများစုက လက်တွေ့မပါ စာပေပညာဆန်
သည့် ဘာသာရပ်များကို အဓိက ထားသည့် တခုတည်းသော
ကောလိပ် ပါဝင်သည့် သိပ္ပံယူနီဘာစီတီ တည်ဆောက်ရန်
တက္ကသိုလ် ဥပဒေ တရပ်ကိုသာ ရေးဆွဲပြီး၊ ၁၉၂၀ ပြည့်နှစ်
စက်တင်ဘာလတွင် တင်သွင်း ဥပဒေ ပြုစေခဲ့၏။
ယူနီဘာစီတီဟူ၍ ဗမာနိုင်ငံတွင် ဤတကျောင်းသာ ရှိရမည်ဟူ
၍၎င်း၊ ယင်းယူနီဘာစီတီ၏ အောက်တွင်လည်း ကောလိပ်
တကျောင်းသာ ရှိရမည် ဟူ၍၎င်း၊ ယင်းကောလိပ်နှင့် တက္ကသိုလ်
တည်ရာ သည်လည်း ရန်ကုန်တွင်သာ ဖြစ်ရမည် ဟု၎င်း စသည့်
ကန့်သတ်ချက်များအပြင်၊ ယူနီဘာစီတီနှင့် ကောလိပ်သို့ ၀င်ရောက်
သင်ကြားရမည့် သူများ၏ အရည်အချင်းများတွင် ကျောင်းအိပ်ကျောင်း
စားများသာ ဖြစ်စေရမည်ဟု၎င်း စသော မလိုလားအပ်သည့် ကန့်သတ်
ချုပ်ချယ်ချက်ပေါင်းများစွာ ပါဝင်နေသော အက်ဥပဒေ ဖြစ်သည်။
သို့ဖြစ်လေရာ ယင်းယူနီဘာစီတီ အက်ဥပဒေသည် ငွေကုန်ကြေးကျ
ခံနိုင်သော မြေရှင် ဓနရှင် လူတန်းစားနှင့် ဗြူရိုကရက် အရာရှိကြီးတို့
၏ အဆက်အနွယ်များ အကျိုးမှ တပါး ဆင်းရဲသား လုပ်စား ကိုင်စား
တို့နှင့် မအပ်စပ်သော ဥပဒေ ဖြစ်သည်။ တနှစ်လျှင် အနည်းဆုံးငွေ
၆၀၀ ကျော် သို့မဟုတ် တလလျှင် ပျမ်းမျှငွေ ၅၀ ကျပ်ကျော် မတတ်
နိုင်လျှင် တက္ကသိုလ်သို့ မည်သည့်နည်းနှင့်မျှ ချဉ်းကပ် နိုင်မည်
မဟုတ်ပေ။ ထိုခေတ် ထိုအခါ ငွေကြေးစံနှုန်း အရ ငွေ ၆၀၀ ကျပ်ဟူ
သည် နည်းလှသော အသပြာထုထည် မဟုတ်၊ တလလျှင် ၅၀ ကျပ်
မျှ ရှိနေပေသည်။ ထိုအချိန်က စာရေးကြီး တစ်ယောက် ၏လခ
သည် ၃၀ ကျပ် ပတ်ဝန်းကျင်မျှသာ ဖြစ်၏။ အစိုးရစာရင်းများအရ
ဆိုလျှင် ထိုခေတ်က အလုပ်သမားတဦး၏ အနိမ့်ဆုံး လစာမှာ
၁၂ ကျပ်ဖြစ်၍ အမြင့်ဆုံး လစာမှာ ၇၅ ကျပ်ဖြစ်ပြီး ပျမ်းမျှ ဆိုလျှင်
၂၀ ကျပ်ခန့် ဖြစ်ပေသည်။ လက်လုပ်လက်စား နေ့လုပ်နေ့စား
အလုပ်ကြမ်းသမားတို့မှာ တနေ့ တမတ်၊ ငါးပဲနှုန်းပင် မှန်မှန်
မ၀င်ကြသော အချိန် ဖြစ်သည်။
ထို့ကြောင့်လည်း ဥပဒေကြမ်းထွက်လာသည်နှင့် တပြိုင်နက်
သတင်းစာတို့က ပြင်းထန်စွာ ပြစ်တင် ဝေဖန်ကြသည်။ ဆောင်း
ပါးရှင် များစွာတို့ကလည်း ကန့်ကွက် ရေးသားကြသည်။ ကျောင်း
သား မိဖများကလည်း မကျေမနပ် ဖြစ်လာကြသည်။
ဤကဲ့သို့ ပြင်းပြင်းထန်ထန် ကန့်ကွက်ကြသော်လည်း ၁၉၂၀ ပြည့်
နှစ် သြဂုတ်လ ၂၈ ရက်နေ့တွင် ဗမာနိုင်ငံ ဒုတိယ ဘုရင်ခံ ဆာရယ်
ဂျီနယ် ကရက်ဒေါက် (Sir Reginald Craddock) သည် ထိုယူနီဘာ
စီတီ အက်ဥပဒေကို အတည်ပြုလိုက်သည်။ ဤသို့ ဗမာကျောင်းသား
ကြီးများနှင့် ဗမာပြည်သူတို့၏ ဆန္ဒကို ဆန့်ကျင်ပြဋ္ဌာန်းအတည် ပြု
လိုက်သော အင်္ဂလိပ်နယ်ချဲ့ အစိုးရ၏ လုပ်ပုံကို ရန်ကုန်တွင်သာမက
မန္တလေး၊မော်လမြိုင်၊ ပုသိမ်၊ စစ်တွေ စသော မြို့ကြီးများ၌ လူထု
အစည်းအဝေးများခေါ်ကာ ကန့်ကွက် ကြလေသည်။
ကျောင်းသားများ၏ ရှေ့ဦးဆုံး လှုပ်ရှားမှု
ဘုရင်ခံ ကရက်ဒေါက်သည် ဗမာလူထု၏ လှုပ်ရှားကန့်ကွက်မှုကို
အလေးမမူ ဂရုမစိုက်ပဲ ၁၉၂၀ ပြည့်နှစ် ဒီဇင်ဘာလ ၁ ရက်နေ့တွင်
ထိုယူနီဘာစီတီ အက်ဥပဒေနှင့် အညီ ရန်ကုန်ကောလိပ်အား ယူနီ
ဘာစီတီအဖြစ်သို့ တိုးမြှင့်ဖွင့်လှစ်တော့မည်ဟု ကြေညာလိုက်လေ
သည်။
သို့ဖြင့် ကောလိပ် ကျောင်းသားများထဲမှ သံတွဲကိုဘဦးကို ခေါင်းဆောင်
အဖြစ် တင်မြှောက်ကာ စည်းဝေးကန့်ကွက်လာကြသည်။ ယူနီဘာစီတီ
အက်ဥပဒေကို မပြင်ဆင်ပဲ ယခုအတိုင်း အတည်ပြုရန် လုပ်ဆောင်ပါက
ကျောင်းသားနှင့် ပြည်သူတွဲ၍ ရှေ့သို့ တလှမ်းတိုးရလိမ့်မည်ဟု ဆုံးဖြတ်
တောင်းဆို လိုက်ကြသည်။ ထိုအခါ မူလကြေညာထားသော ယူနီဘာစီ
တီ ဖွင့်ပွဲကို ဘုရင်ခံသည် ရက်ပြောင်း၍ ဒီဇင်ဘာလ ၇ ရက်နေ့သို့
ရွေ့လိုက်လေသည်။
၁၉၂၀ ခုနှစ် ဒီဇင်ဘာလ ၃ ရက် (တန်ဆောင်မုန်းလဆုတ် ၈ ရက်
သီပေါဘုရင် ပါတော်မူနေ့) နံနက် ၁၁ နာရီအချိန် ကောလိပ်ကျောင်း
သားကြီး (၁၁) ဦးသည် ရွှေတိဂုံ စေတီတော် အနောက်တောင်ထောင့်
(စနေထောင့်) ဗောဓိပင် အရှေ့တွင် လျှို့ဝှက်စုဝေး ဆွေးနွေးပွဲတရပ်ကို
ရှစ်နာရီမျှ ကြာအောင် ပြုလုပ်၍ အမိနိုင်ငံ၏ ဂုဏ်သိက္ခာ ကယ်တင်
ရေးအတွက် ကောလိပ်ကျောင်းသားများ သပိတ်မှောက်ကြရန် ဆုံး
ဖြတ်လိုက်ကြသည်။ အဖွဲ့ဝင် (၁၁)ဦးပါ အမြုတေ သပိတ်ကော်မတီ
ကို ဖွဲ့စည်းကြသည်။
၁။ကိုဘဦး (ဘီအေ အထက်တန်း။)
၂။ကိုဘရှင် (ဘီအက်စီ အထက်တန်း။)
၃။ကိုညီပိတ် (ဘီအက်စီ အထက်တန်း။)
၎။ကိုဖိုးကွန်း (ဘီအက်စီ အထက်တန်း။)
၅။ကိုအေး (ဘီအေ အထက်တန်း။)
၆။ကိုလှတင် (ဘီအေ အထက်တန်း။)
၇။ကိုဖေသိန်း (အိုင်အေ အထက်တန်း။)
၈။ကိုထွန်းဝင်း (အိုင်အေ အထက်တန်း။)
၉။ကိုဘရှင် (အိုင်အေ အထက်တန်း။)
၁၀။ကိုဘခင် (အိုင်အေ အထက်တန်း။)
၁၁။ကိုအောင်ဒင် (အိုင်အေ အထက်တန်း။)
ရန်ကုန်တက္ကသိုလ်နှင့် ယုဒသန် ကောလိပ်မှ ကျောင်းသား ၄၀၀
ကျော်သည် ဒီဇင်ဘာလ ၄ ရက်နေ့ ညနေ ၅နာရီတွင် ဗဟန်း
ဦးအရိယကျောင်းတိုက်၌ တက္ကသိုလ် ဥပဒေ တိုက်ဖျက်ရေးအတွက်
သပိတ်မှောက်ကြရန် ယေဘုယျအားဖြင့် သဘောမျှကြသော်လည်း
အစိုးရထံ မိမိတို့ လိုအပ်ရာ တောင်းဆို၍ အစိုးရက ငြင်းပယ်သည့်
အခါမှ သပိတ်မှောက်ကြရန် သို့မဟုတ် သပိတ်မှောက်ပြီးမှ အစိုးရ
ထံ လိုအပ်ချက်ကို တောင်းဆိုရန် အယူအဆ ကွဲကြ၏။ သို့ရာတွင်
သပိတ်မှောက်ပြီးနောက် လိုအပ်ချက်တောင်းရန် ဘက်မှ အများစု
ဖြစ်သဖြင့် အားလုံး သဘောတူ သပိတ်မှောက်ကြမည်ဖြစ်ကြောင်း
ဆုံးဖြတ်ကြ၏။
နောက်တနေ့ဖြစ်သော ၁၉၂၀ ပြည့်နှစ် ဒီဇင်ဘာလ ၅ ရက်နေ့
(မြန်မာသက္ကရာဇ် ၁၂၈၂ ခုနှစ် တန်ဆောင်မုန်း လပြည့်ကျော် ၁၀
ရက်) တွင် ကျောင်းသားကျောင်းသူများ ထပ်မံစုဝေး၍ ယူနီဘာစီ
တီ အက်ဥပဒေကို လုံးဝ ကန့်ကွက်ကြောင်း ဆန္ဒပြသည့်အနေဖြင့်
သပိတ်မှောက်ကြောင်း ဆုံးဖြတ် ကြေညာလိုက်လေသည်။
ရန်ကုန်မြို့ရှိ အထက်တန်း ကျောင်းသူကျောင်းသားများကလည်း
နောင်တော် ကောလိပ်ကျောင်းသားကြီးများ၏ သပိတ်တိုက်ပွဲသို့
ထောက်ခံသည့်အနေဖြင့် ဗဟန်းသပိတ်စခန်းသို့ ချီတက်လာကြ
သည်။ မြို့လူထု တရပ်လုံးကလည်း မားမားရပ်ကာ ကူညီ ထောက်
ပံ့ကြလေသည်။
ဒီဇင်ဘာလ ၅ ရက်နေ့ ကောလိပ်ကျောင်းသားကြီးများ အစည်း
အဝေးမှ နောက်ထပ် (၁၅)ဦး ပါဝင်သော ယူနီဘာစီတီ သပိတ်မှောက်
ကောင်စီ ခေါ် (၂၆)ဦး အဖွဲ့ ဖြစ်၍ လာခဲ့သည်။
၁၂။ကိုလှစိန် -ဥပဒေ ပညာ
၁၃။ကိုဘတင် -ဥပဒေ ပညာ
၁၄။ကိုမြ -ဘီအက်စီ (အာဇာနည်ခေါင်းဆောင်ကြီး သခင်မြ)
၁၅။ကိုမြင့် (နေရှင်နယ် ဦးမြင့်)
၁၆။ကိုဖိုးကျား -ဘီအေ (ယုဒသန် ကောလိပ်)
၁၇။ကိုစိုးဝင်း -ဘီအေတန်း
၁၈။ကိုဖိုးလတ် -ဘီအေတန်း (ယုဒသန် ကောလိပ်)
၁၉။ကိုထွန်းဖေ -အိုင်အေတန်း
၂၀။ကိုဘဟန် -ဘီအေတန်း
၂၁။ကိုလူဖေ၀င်း -ဘီအေတန်း
၂၂။ကိုဘကျော် -အိုင်အေတန်း
၂၃။ကိုမောင်ကို -ဘီအေတန်း
၂၄။အီးမောင်စိန် -ဘီအေတန်း
၂၅။အင်စီဆင်း -ဘီအေတန်း
၂၆။မစ္စတာဘို့(စ်)
ကောလိပ် အာဏာပိုင်များသည် ကျောင်းသား သပိတ်ကြီး၏အရေး
ဆိုချက်များကို စဉ်းစားရန်ဝေးစွ၊ ဒီဇင်ဘာ ၂၃ ရက်အတွင်း ကျောင်း
ပြန်မတက်က ကျောင်းမှ နုတ်ပယ်ပစ်မည်ဟု ကြေညာပြန်ရာ သပိတ်
မှောက် ကျောင်းသားကြီးများက မိမိတို့၏ အမည်စာရင်း များကို
ကျောင်းသားစာရင်းမှ အပြီးတိုင်ပယ်ထုတ်ပါမည့် အကြောင်း
အာဏာပိုင်တို့ထံသို့ စာပြန်ကာ တုန့်ပြန်လိုက်လေသည်။ ဒီဇင်ဘာ
၂၉ ရက်နေ့တွင် ဂျီစီဘီအေ အသင်းချုပ်ကြီးက သပိတ်မှောက်ကျောင်း
သားများကို အစိုးရ ကျောင်းများနှင့် အစိုးရ အထောက်ပံ့ခံကျောင်းများ
သို့ ပြန်လည်မတက်ကြရန် တိုက်တွန်း နှိုးဆော်ချက် တစ်ရပ်
ထုတ်ပြန် စေခဲ့လေသည်။
တချိန်တည်းမှာပင် အမျိုးသားကျောင်း အမြုတေများကို အမြို့
မြို့ရှိ ၀ံသာနုကြီးများ၏ စေတနာ သဒ္ဓါတရား အကြောင်းပြု၍
တမုဟုတ်ချင်း ပျံ့နှံ့ပေါ်ထွက်လျက်၊ နွေရာသီ စာမေးပွဲများအမှီ
ကျောင်းသားလူငယ်အပေါင်း ဆက်လက် ပညာသင်ကြားနိုင်ရန်
အခွင့်အရေး ရခဲ့ကြ၏။ အမျိုးသားကောလိပ်ကြီးကိုလည်း စေတနာ့
ဝန်ထမ်း ပါမောက္ခဆရာကြီးများ ဖြစ်ကြသော
၁။ဆရာကြီး ဦးလွန်း (မစ္စတာမောင်မှိုင်း)- မြန်မာစာနှင့် သမိုင်း။
၂။ဆရာတော်ဦးညာဏ -ပါဠိ။
၃။မစ္စတာရောင်း (မဟာဝိဇ္ဇာ-၀ါရှင်တန်) -စီးပွားရေးနှင့်နိုင်ငံရေး။
၎။မစ္စတာချင်ဒမ်ဘရာ(ဘာမင်ဂမ်)-စက်မှုလက်မှုနှင့်ကူသန်းရောင်းဝယ်ရေး။
၅။မစ္စတာဘနာဂျီ (မဟာဝိဇ္ဇာ-လန်ဒန်)- ဘောဂဗေဒ။
၆။ဒီးဒုတ်ဦးဘချို -ကထိက … တို့ဖြစ်ကြသည်။
နောက်ဆက်တွဲ … … …
နောက်ပိုင်းတွင် ၀ံသာနု၊ ဂျီစီဘီအေ အသင်းချုပ်ကြီးသည် ဗြိတိသျှ
အစိုးရ၏ ငါးထောင်စား အုပ်ချုပ်ရေး ရာထူး ဘွဲ့ဖြူလက်နက်နှင့် နိုင်ငံ
ရေး ဖြားယောင်းမြှူဆွယ်ခြင်းကို ကြံ့ခိုင်ညီညွတ်စွာ ခုခံနိုင်စွမ်း မရှိသဖြင့်
နယ်ချဲ့ ညွှတ်ကွင်းတွင် အမိခံခဲ့ရသည်။ ဗြိတိသျှ အစိုးရအထောက်အပံ့
ကို ယူသင့် မယူသင့် အငြင်းပွားမှုကို ဖြစ်ပေါ်စေခဲ့ပြီး အချင်းချင်း ကွဲပြား
ကြရသည့် အခြေအနေသို့ ပို့ဆောင်ခဲ့လေသည်။
နောက်ဆုံးတွင် အစိုးရကြိုက် အထောက်အပံ့ယူ အမျိုးသားကျောင်း
များသာ ဆက်လက် ရပ်တည်နိုင်လျက် အထောက်အပံ့မယူသည့်
အမျိုးသားကျောင်းများမှာ တဖြည်းဖြည်းဖြင့် သုံးနှစ်မျှအကြာ ရပ်စဲ
ဖျက်သိမ်းလိုက်ကြရ၏။ ဤအခြင်းအရာနှင့် စပ်လျဉ်း၍ အမျိုးသား
ကောလိပ်တွင် မြန်မာစာနှင့် သမိုင်း ပါမောက္ခ အဖြစ် စေတနာ့ဝန်ထမ်း
လုပ်အားပေးသော ဆရာကြီး သခင်ကိုယ်တော်မှိုင်းက ကျောင်းသား
သပိတ်အား ကြိုဆိုခြင်း၊ ထောက်ခံ အားပေးခြင်း၊ အဆုံးသတ်၌
ဝမ်းနည်း ပက်လက်ဖြစ်ရခြင်း တည်းဟူသော ခံစားချက် ဖော်ဆောင်
ရေးသားခဲ့သည့် ရသမြောက် "ဘွိုင်ကောက်ဋီကာ" ခေါ် လေးချိုအနု
စာပေကြီးမှာ နှောင်းခေတ် မြန်မာတက်လူများအဖို့ သင်္ခဏ်းစာ
ထုတ်ယူနိုင်သော စာပေအမွေအနှစ် တခုဖြစ်ခဲ့ပေသည်။
မွေးထုတ်ပေးခြင်း … … …
၁၉၂၀ ပြည်နှစ် ပထမ ကျောင်းသားသပိတ်ကြီးသည် အင်္ဂလိပ်နယ်ချဲ့
တို့ လက်အောက်တွင် ဗမာနိုင်ငံ၏ ပထမဆုံး ပညာရေး လှုပ်ရှားမှု
ကြီး ဖြစ်သည်။ တမျိုးသားလုံး၏ ဂုဏ်ကို ဖော်ဆောင်ပေးခဲ့သော
ကြောင့် နောင်တွင် အမျိုးသားနေ့ဟု ခေါ်ဆိုသတ်မှတ် ခဲ့သည်။
ယင်း အမျိုးသား ပညာရေးလှုပ်ရှားမှုကြီးမှ အစပြု၍ ဗမာ့လွတ်လပ်ရေး
တိုက်ပွဲ သမိုင်းတလျှောက်တွင် ထင်ရှားကျော်ကြားခဲ့ကြသော ဆရာကြီး
သခင် ကိုယ်တော်မှိုင်း၊ ဆရာကြီး ဒီးဒုတ် ဦးဘချို၊ သခင်ဘသောင်း၊
သခင်မြ၊ သခင်ဖိုးကွန်း (ဗိုလ်ဖိုးကွန်း)၊သခင်ဗဂွမ်း၊ သခင်ထွန်းရွှေ၊သခင်
ဗသီး၊ သခင်သာဒင် စသော အမျိုးသားခေါင်းဆောင်များ ဖြစ်ခဲ့ကြသည်။
You received this email because you are subscribed to the real_time feed for http://pyustate.blogspot.com/feeds/posts/default. To change your subscription settings, please log into RSSFWD.