လိပ်ပြာလေးတစ်ကောင်သို့…
လိပ်ပြာလေးတစ်ကောင်ဆိုတာ ကျွန်မတို့ရဲ့ ဘလော့ဂါညီမငယ်လေး ဆုငယ် ကို ပြောတာပါ။ ကဗျာလေးတွေ၊ စာလေးတွေ၊ ဟင်းချက်နည်းလေးတွေနဲ့ ချစ်စရာကောင်းလှတဲ့ ဘလော့ပိုင်ရှင် ညီမငယ်လေးက ကျွန်မကို tag ထားပါတယ်ဆိုပြီး လာအော်သွားပါတယ်။ ဘာအကြောင်းပါလိမ့်ဆိုပြီး သွားကြည့်လိုက်တော့ အကြိုက်ဆုံးကာတွန်းကား ပါတဲ့။ အဲဒါနဲ့ ကျွန်မလဲ ရေးပေးပါ့မယ်… ခဏတော့ စောင့်နော်…ဆိုပြီး ပြောထားခဲ့ပါတယ်။ ဒါပေမယ့် ကျွန်မခေါင်းထဲမှာ ကာတွန်းကားနဲ့ ပတ်သက်ပြီး ဘာရေးရမလဲဆိုတာ အတွေးပေါ်မလာပါဘူး။ အမှန်အတိုင်းပြောရရင် ကျွန်မက ကာတွန်းကားတွေနဲ့ သိပ်မရင်းနှီးတဲ့ သူတစ်ယောက်ပါ။
ကလေးဘ၀ကို ဖြတ်သန်းလာတဲ့သူတိုင်း ကာတွန်းကားတွေကို ကြည့်ဖူးကြမှာပါပဲ။ ကျွန်မကိုယ်တိုင်လဲ ငယ်ငယ်တုန်းက ကာတွန်းကားလေးတွေ ကြည့်ခဲ့ဖူးပါတယ်။ ဒါပေမယ့် စိတ်ထဲမှာ စွဲစွဲလမ်းလမ်းတော့ မဖြစ်ခဲ့ပါဘူး။ ကာတွန်းကားမှ မဟုတ်ပါဘူး၊ ရုပ်ရှင်၊ ဗွီဒီယို…ဘယ်အရာကိုမှ ကျွန်မ မစွဲလမ်းခဲ့တာပါ။ စာအုပ်နဲ့ သီချင်းလေးတွေက လွဲရင်ပေါ့…။ ဒါပေမယ့် ကျွန်မသဘောကျတဲ့ ကာတွန်းကားလေးတော့ ရှိပါတယ်။ လူတိုင်းလဲ သိကြမှာပါ။ "ကြောင်နဲ့ကြွက်" ရဲ့ မတည့်တဲ့ သဘာဝကို ပီပီပြင်ပြင် ရိုက်ပြထားတဲ့ Tom & Jerry ဆိုတဲ့ ကာတွန်းကားလေးပါ။
သူက အပိုင်းဆက်တွေနဲ့ ခွဲခွဲပြီး ရိုက်ထားတာဆိုတော့ ဘယ်အပိုင်းတိုလေးကို ကြည့်လိုက် ကြည့်လိုက်၊ ရီရပြီး စိတ်အပန်းပြေစေပါတယ်။ အကောင်သေးသလောက် ဥာဏ်ကောင်းတဲ့၊ ဥာဏ်လဲများတဲ့ ကြွက်ကလေးရဲ့ ကျီစယ်နှိပ်စက်မှုအောက်မှာ ကြောင်ကြီးခမျာ အလဲအကွဲ ခံနေရတာချည်းပါပဲ။ ငယ်ငယ်ကဆို အဲဒီကာတွန်းလေးကြည့်တိုင်း ကြွက်ကလေးရဲ့ ဥာဏ်ကောင်းပုံကို သဘောကျလို့ မဆုံးပါဘူး။ ကိုယ်တိုင်ကလဲ ကြွက်ကလေးလို သေးကွေးသူဆိုတော့ ကိုယ့်ထက် အကောင်ကြီးတဲ့သူတွေကို ကြွက်ကလေးလို ဥာဏ်သုံးပြီး အနိုင်ယူမယ်ဆိုတဲ့ အတွေးလေးနဲ့ပေါ့။ အခုအသက်အရွယ်ထိလဲ Tom & Jerry ကာတွန်းလေးကို ပြန်ကြည့်ဖြစ်တိုင်း ရိုးမသွားဘဲ ကြိုက်နေတုန်းပါပဲ။
ကာတွန်းကားနဲ့ ပတ်သက်လို့ ကျွန်မရဲ့ ရှားရှားပါးပါး ဗဟုသုတလေးကတော့ ဒါပါပဲ။ ဒီထက်ပိုပြီး ပြောပြစရာ မရှိတော့တဲ့အတွက် ကျွန်မကို ရေးပေးဖို့ပြောထားတဲ့ ညီမလေးဆုငယ် ကိုလဲ အားနာမိပါတယ်။ နောက်ထပ်တစ်ခါများ ကြုံကြိုက်ခဲ့မယ်ဆိုရင် စာကောင်းကောင်းလေးတစ်ပုဒ်လောက် ရေးပေးချင်ပါသေးတယ်လို့ ပြောရင်း လိပ်ပြာလေးတစ်ကောင်ကို အားနာစွာနဲ့ tag ပို့စ်လေးကို ဒီလောက်နဲ့ပဲ ကျေနပ်ပါလို့…။
You received this email because you are subscribed to the real_time feed for http://suthetlin.blogspot.com/feeds/posts/default. To change your subscription settings, please log into RSSFWD.