မြန်မာ့အရေး တွေးစရာ ရွေးစရာ
ခင်မောင်ခန့်
(ရေးသူ၏ အာဘော်သာ ဖြစ်ပါသည်)
လူတစ်ယောက်ရဲ့ ဘ၀ကို သူ့ရဲ့ တွေးပုံတွေးနည်းက ပြဋ္ဌာန်းပါတယ်။ ဒီလိုပဲ နိုင်ငံတစ်နိုင်ငံရဲ့ လူမှုဘ၀တခုလုံး ကို အဲဒီနိုင်ငံမှာရှိတဲ့ နိုင်ငံသားများရဲ့ တွေးပုံတွေးနည်းက ပြဋ္ဌာန်းပါတယ်။
ဒါဆိုရင် ကျွန်တော်တို့အနေနဲ့ အတိတ်က ဘယ်လိုတွေးခဲ့ကြသလဲဆိုတာကို ပြန်ပြီးဆန်းစစ်ဝေဖန်ဖို့လိုသလို အနာဂတ်မှာ နိုင်ငံရေးရလဒ်ကောင်းတွေ ဖြစ်ပေါ်လာဖို့အတွက် ဘယ်လိုတွေးကြမလဲ။ ဘယ်လိုနည်းလမ်း ကောင်းတွေကို ရှာကြမလဲဆိုတာ စဉ်းစားကြဖို့လိုပါတယ်။ ဒီနေရာမှာ အတိတ်က ဘယ်လိုတွေးခဲ့လို့ မျက် မှောက်မှာ ဘယ်လိုအဖြစ်ဆိုးတွေနဲ့ ကြုံတွေ့နေရတယ် ဆိုတာတွေကတော့ လူတော်တော်များများက ရှုထောင့် မျိုးစုံကနေ တင်ပြခဲ့ကြပြီးပြီးဖြစ်လို့ ဆောင်းပါးမှာ ထည့်မရေးတော့ပါဘူး။ အနာဂတ်အတွက် ဘယ်လိုတွေးကြ မလဲ ဘာကိုရွေးကြမလဲ ဆိုတဲ့အချက်ကိုပဲ ဆွေးနွေးတင်ပြသွားမှာ ဖြစ်ပါတယ်။
သြဂုတ်လ ၂၆ ရက်နေ့က ဧရာဝတီမဂ္ဂဇင်း အင်တာနက်စာမျက်နှာမှာ ဖော်ပြထားတဲ့ ကျော်စွာမိုးရဲ့ ဆောင်း ပါးမှာ မြန်မာ့အရေးလေ့လာသူ ကိုအောင်နိုင်ဦး တင်ပြဆွေးနွေးထားတဲ့ အချက်တစ်ချက်ကို ကောက်နုတ် တင်ပြရရင် "NLD အနေနဲ့ အမျိုးသားပြန်လည်ရင်ကြားစေ့ရေးအတွက် ချွင်းချက်မထားဘဲ တွေ့ဆုံဆွေးနွေး ရန် တောင်းဆိုနေမည့်အစား စစ်အစိုးရထံသို့ ရှင်းလင်းပြတ်သားသည့် အာဏာခွဲဝေယူရေး ကမ်းလှမ်းချက် ကို ထုတ်ပြန်ကြေညာသင့်တယ်" လို့ ဆွေးနွေးတင်ပြထားတာကို တွေ့ရပါတယ်။
တချို့ကလည်း ဘာမှမရှိတာထက်စာရင် တစ်ခုခုရှိတာက ပိုကောင်းပါတယ်လို့ဆိုတဲ့ အယူအဆမျိုးတွေကို တင်ပြကြသလို န.အ.ဖ ကပြုလုပ်မယ့် ၂၀၁၀ ရွေးကောက်ပွဲကို လက်ခံပြီး ရသလောက်နဲ့ တဖြည်းဖြည်းချင်း ဒီမိုကရေစီလမ်းကြောင်းပေါ် ရောက်အောင်သွားတာက လက်ရှိအနေအထားထက်စာရင် တိုးတက်မှုတစုံတ ရာ ရှိလာမှာဖြစ်တယ်ဆိုတဲ့ အယူအဆတွေလည်း ပေါ်ထွက်လာပါတယ်။ တချို့ကတော့ န.အ.ဖ စိတ်ကြိုက်ရေး ဆွဲထားတဲ့ ဖွဲ့စည်းပုံဥပဒေပဲဖြစ်ဖြစ် စစ်အာဏာရှင်များသာ ကြီးစိုးတဲ့ လွှတ်တော်လို့ပဲဆိုဆို အဓိကအားဖြင့် တော့ အရပ်သားများပါဝင်တဲ့ အစိုးရတစ်ရပ် ပေါ်ပေါက်လာဖို့သာဖြစ်ပြီး အဲဒီကမှတဆင့် ဒီမိုကရေစီအသွင် ကူးပြောင်းရေးကို သွားမယ်ဆိုတဲ့ အယူအဆတွေလည်းပဲ ပြောဆိုလာကြပါတယ်။
အထက်ပါ အယူအဆ အကြောင်းအရာတွေကို ခြုံငုံသုံးသပ်ကြည့်တဲ့အခါ အားလုံးဟာ န.အ.ဖ ရဲ့ ၂၀၁၀ ရွေး ကောက်ပွဲကို လက်ခံပြီး ရသလောက်အာဏာကို ခွဲဝေယူတဲ့ နည်းလမ်းတွေဆိုတာ ထင်ရှားပါတယ်။ တကယ် တော့ ကျွန်တော်တို့အားလုံး (အတိုက်အခံအင်အားစုများ) ကြိုးစားနေကြတဲ့ ရည်ရွယ်ချက်က မြန်မာနိုင်ငံမှာ စစ်မှန်တဲ့ ဒီမိုကရေစီအုပ်ချုပ်ရေးစနစ် စတင်ဖြစ်ထွန်းပေါ်ပေါက်ဖို့သာ ဖြစ်ပါတယ်။ ဒီထက်ပိုပြီးပြောရရင် တ ရားဥပဒေစိုးမိုးခြင်း၊ လူ့အခွင့်အရေးများကို လေးစားလိုက်နာခြင်း၊ လွတ်လပ်ပြီးတရားမျှတတဲ့ ရွေးကောက်ပွဲ များ ကျင်းပပေးခြင်း စတဲ့အခြေခံအချက်တွေနဲ့ ပြည့်စုံတဲ့ ဖွဲ့စည်းအုပ်ချုပ်ပုံ အခြေခံဥပဒေသစ်တခုနဲ့ အစိုးရတ ရပ် ဖြစ်ပေါ်လာရေးပါပဲ။
၁၉၉၅ ခုနှစ်က လူထုဟောပြောပွဲတစ်ခုမှာ ဒေါ်အောင်ဆန်းစုကြည်က NLD ပါတီရဲ့ ရပ်တည်ချက်နဲ့ ပတ်သက် လို့ "ကျွန်မတို့ အဖွဲ့ချုပ်အနေနဲ့ နိုင်ငံရေးလုပ်နေတဲ့ ရည်ရွယ်ချက်က အာဏာရဖို့ မဟုတ်ဘူး။ ပြည်သူလူထု အားလုံး ဒီမိုကရေစီရရှိဖို့အတွက်သာ အဓိကဖြစ်ပါတယ်" လို့ အတိအလင်း ပြောခဲ့ပါတယ်။
ပြည်ပမှ ရပ်တည်လှုပ်ရှားနေတဲ့ တချို့အင်အားစုတွေကတော့ တော်လှန်ရေး မအောင်မြင်ရတာဟာ သဘော ထားကွဲလွဲနေတာတွေ မညီညွတ်တာတွေကြောင့် ဖြစ်ရတာလို့ ယူဆပါတယ်။ ဒါကြောင့် ညီညွတ်ရေးတည် ဆောက်ပြီး တပ်ပေါင်းစုပုံစံနဲ့ တိုက်ဖို့ပြောကြပါတယ်။ တချို့ကတော့ ညီညွတ်ရေးက ကောင်းပါတယ်တဲ့။ သို့ သော်လည်း ညီညွတ်ရေးတည်ဆောက်တာကိုပဲ အလုပ်တစ်ခုလို မဖြစ်ဖြစ်အောင် ကြိုးစားနေမယ့်အစား ကိုယ် ပါဝင်ရမယ့် အခန်းကဏ္ဍကိုသာ ပီပြင်အောင်သေသေချာချာလုပ်ရင်းနဲ့ သူ့အလိုလို ညီညွတ်သွားမှာပါလို့လည်း ပဲ ဆိုကြပါတယ်။
ပြည်ပမှာရှိတဲ့ ပညာရှင်များ ဒေသတွင်း နိုင်ငံတချို့က ခေါင်းဆောင်များကတော့ ဒီမိုကရေစီအသွင်ကူးပြောင်း ရေးမှာ စီးပွားရေးဖွံ့ဖြိုးတိုးတက်အောင် လုပ်ရမှာက အရင်ဖြစ်တယ်။ စီးပွားရေး ဖွံ့ဖြိုးတိုးတက်မှုက ဒီမိုကရေစီ ဖြစ်ထွန်းဖို့ တွန်းအားပေးသွားမယ်ဆိုတဲ့ အယူအဆတွေလည်း တင်ပြကြပါတယ်။ ဘာပဲဖြစ်ဖြစ် ကျနော်တို့ အားလုံးရဲ့ ရည်မှန်းချက်ကတော့ မြန်မာနိုင်ငံမှာ နှစ်ပေါင်းများစွာ အမြစ်တွယ်နေတဲ့ စစ်အာဏာရှင် ယန္တရား ကြီးကို အပြီးတိုင် ဖယ်ရှားပစ်ဖို့ပါပဲ။
ကျွန်တော်တို့ရဲ့ အိမ်နီးချင်း ထိုင်းနိုင်ငံမှာ အစိုးရကိုဖြုတ်ချဖို့ ဆန္ဒပြနေတဲ့ လူထုက စစ်တပ်ကို အာဏာသိမ်း စေချင်ပေမယ့် စစ်ဦးစီးချုပ် ဗိုလ်ချုပ်ကြီးအနုပေါင်ကတော့ အာဏာသိမ်းဖို့ ငြင်းဆန်ပါတယ်။ တိုင်းပြည်လက် ရှိပြဿနာတွေကို နိုင်ငံရေးနည်းလမ်းနဲ့သာ ဖြေရှင်းရမှာဖြစ်ပြီး စစ်တပ်က အာဏာသိမ်းခြင်းကြောင့် ပြဿ နာတွေ ပြေလည်သွားဖို့ဆိုတာ လုံးဝမဖြစ်နိုင်ပါဘူးလို့ ပြောပါတယ်။ မြန်မာ့တပ်မတော်ခေါင်းဆောင်ပိုင်းမှာ ဒီလိုမျိုးတွေးခေါ်သူတွေ ရှိဖို့လိုပါတယ်။
နအဖရဲ့ ရပ်တည်ချက်နဲ့ မူဝါဒသဘောတရားကို လေ့လာကြည့်တဲ့အခါမှာ ထင်ရှားတဲ့ အချက်တွေက နအဖ ဟာ စည်းကမ်းပြည့်ဝသော ဒီမိုကရေစီလို့ ကြွေးကြော်ပြီး ဒီမိုကရေစီအရေခြုံထားတာကို တွေ့ရတယ်။ တ ကယ်တော့ န.အ.ဖက ဒီမိုကရေစီကို မကျင့်သုံးချင်ပါဘူး ဒီမိုကရေစီရဲ့ အခြေခံအချက်တွေ တန်ဖိုးတွေကို လေးစားလိုက်နာဖို့ မစဉ်းစားပါဘူး။ သူတို့က သူတို့စိတ်တိုင်းကျ ရေးဆွဲထားတဲ့ ဖွဲ့စည်းပုံဥပဒေနဲ့ လမ်းပြမြေပုံ အတိုင်း ဆက်သွားမယ့် သဘောပါ။ တွေ့ဆုံဆွေးနွေးရေး လုပ်ရလောက်အောင် သူတို့မှာ နိုင်ငံရေးအကျပ်အ တည်းမရှိဘူးလို့ ထင်နေတယ်။ လူထုကို အကြောက်တရားနဲ့ ထိန်းထားနိုင်မယ်လို့ ယူဆထားတယ်။ ဒါ့ကြောင့် လည်း ဘယ်သူနဲ့မှ မဆွေးနွေးနိုင်ဘူးဆိုပြီး ခေါင်းမာနေတာပါ။
သို့သော်လည်းပဲ ဒီလိုမျိုးတင်းမာတဲ့ အယူအဆရှိသူတွေက ဗိုလ်သန်းရွှေနဲ့ ထိပ်ပိုင်းခေါင်းဆောင်တချို့သာ ဖြစ်ပြီး အချို့သော အဆင့်မြင့်အရာရှိတွေကတော့ ကုလသမဂ္ဂနဲ့ နိုင်ငံတကာဖိအားတွေကို လျော့စေဖို့ နောက် ပြီး အမေရိကန်အပါအ၀င် အနောက်နိုင်ငံတွေနဲ့ ဆက်ဆံရေး အဆင်ပြေစေဖို့အတွက် အတိုက်အခံတွေနဲ့ ပျော့ပျော့ပြောင်းပြောင်း ဆက်ဆံပြီး ထိန်းထိန်းသိမ်းသိမ်း လုပ်ချင်ပုံရတယ်ဆိုတဲ့ သတင်းတွေလည်းပဲ ထွက် ပေါ်လာပါတယ်။ ဒီအချက်ကိုကြည့်ရင် နအဖရဲ့ တင်းမာတဲ့ ရပ်တည်ချက်ဟာ ဒဏ်သေတော့မဟုတ်ဘူး တ ချိန်မှာ ပြောင်းလည်းလာနိုင်တယ်ဆိုတာ သုံးသပ်လို့ ရပါတယ်။ နောက်တစ်ချက်က တရုတ်နဲ့ အိန္ဒိယတို့လို နအဖ အားကိုးနေရတဲ့ နိုင်ငံတွေကို ချဉ်းကပ်ပြီး အဓိပ္ပါယ်ရှိတဲ့ နိုင်ငံရေးအရ တိုးတက်မှုတွေ ဖြစ်ပေါ်လာဖို့ အတွက် ဖိအားပေးခိုင်းတာမျိုးတွေကိုလည်း တဖက်တလမ်းက လုပ်သင့်ပါတယ်။
ဆက်လက်ပြီး တင်ပြမယ့် အရေးပါတဲ့ အကြောင်းအရာတစ်ခုက ၁၉၉၀ ရွေးကောက်ပွဲရလဒ် ဖြစ်ပါတယ်။ ဒါကို မသိကျိုးကျွံပြုပြီး သမိုင်းမှာ ဒီအတိုင်းထားခဲ့လို မရပါဘူး။ နအဖအနေနဲ့ ၁၉၉၀ ရွေးကောက်ပွဲရလဒ်ကို အတိုင်းအတာတခုထိ အသိအမှတ်ပြုရမှာဖြစ်ပါတယ်။ ဒီလိုမှ မဟုတ်ဘဲ ဇွတ်ငြင်းနေမယ်ဆိုရင် ဒီကိစ္စဟာ သ မိုင်းမှာ အမဲစက်ကြီးတစ်ခုဖြစ်ကျန်ခဲ့ပြီး နောင်မှာလည်း ဒီအရိပ်မဲကြီးက ထိုးနေဦးမှာပါပဲ။ ဒါကြောင့်မို့လို့ NLD က တင်ထားတဲ့ လွှတ်တော်ဖွဲ့စည်းရေးနဲ့ ဖွဲ့စည်းအုပ်ချုပ်ပုံအခြေခံဥပဒေကို ပြန်လည်သုံးသပ်ရေး (Review) ကော်မတီဖွဲ့စည်းဖို့ တောင်းဆိုထားတဲ့အချက်ကို အပြုသဘောဆောင်တဲ့ ချဉ်းကပ်မှုတခုအဖြစ် န.အ.ဖဘက် က လက်ခံစဉ်းစားရမှာ ဖြစ်ပါတယ်။
အပြန်အလှန်အားဖြင့် NLD အနေနဲ့ကလည်း နအဖရဲ့ လမ်းပြမြေပုံကို မြန်မာပြည် ဒီမိုကရေစီအသွင်ကူး ပြောင်းရေး လမ်းစတစ်ခုအနေနဲ့ လက်ခံအသိအမှတ်ပြုပြီး ဆွေးနွေးပွဲတွေကို စတင်ဖို့ ကမ်းလှမ်းသင့်တယ်လို့ မြင်ပါတယ်။ နှစ်ဘက်စလုံးက မိတ်ဆွေလိုသဘောထားပြီး ညှိနှိုင်းဆွေးနွေးကြမယ်ဆိုရင် မြန်မာနိုင်ငံ ဒီမိုက ရေစီအသွင်ကူးပြောင်းရေးဟာ မြန်မာပြည်သူများနဲ့ နိုင်ငံတကာကလက်ခံတဲ့အဆင့်ကို ရောက်လာမှာဖြစ်ပါ တယ်။
အခုဆိုရင်၂၀၁၀ ရွေးကောက်ပွဲက နီးကပ်လာပြီဖြစ်ပါတယ်၊ ဒီအတောအတွင်းမှာ အဓိကအတိုက်အခံဖြစ်တဲ့ NLD အနေနဲ့ အရေးပါပြီး အဓိပ္ပါယ်ရှိတဲ့ နိုင်ငံရေးအခင်းအကျင်းတစ်ခုကို စနစ်တကျ ဖေါ်ဆောင်နိုင်ဖို့အ တွက် ပြည်တွင်းပြည်ပ နိုင်ငံရေးအင်အားစုများက NLD ကို ၀န်းရံဖို့ လိုပါတယ်။ ဘာ့ကြောင့်လဲဆိုတော့ အစိုး ရနဲ့ စကားပြောမယ့် ဆွေးနွေးမယ့် အဖွဲ့အစည်းဟာ ပြည်သူနဲ့ အတိုက်အခံအဖွဲ့ စည်းအားလုံးကို ကိုယ်စားပြုတဲ့ အနေထားရှိမှသာ အရေးကြီးတဲ့ ဆုံးဖြတ်ချက်တွေ ကြေညာာချက်တွေကို ပြုလုပ်နိုင်မှာဖြစ်ပါတယ်။ အထူး သတိထားရမှာကတော့ ၂၀၁၀ ရွေးကောက်ပွဲ မတိုင်မီ ထင်သာမြင်သာတဲ့ နိုင်ငံရေးဖြစ်ပေါ်တိုးတက်မှုတွေရရှိ ဖို့ ဖြစ်ပါတယ်။ အကယ်၍ ၂၀၁၀ ရွေးကောက်ပွဲ လွန်သွားမယ်ဆိုရင်တော့ နိုင်ငံရေးအခင်းအကျင်းတွေဟာ ပြောင်းလဲသွားပြီး အခြေအနေတွေ ပိုပြီးရှုပ်ထွေး ပိုပြီးခက်ခဲလာမှာဖြစ်ပါတယ်။
အချုပ်အားဖြင့် တင်ပြရရင် ကျွန်တော်တို့ နိုင်ငံရဲ့ လူမှုအဆောက်အအုံကြီး တခုလုံးဟာ အသစ်ပြန်ပြီးတည် ဆောက်ရမယ့် အနေအထားကို ရောက်နေပါပြီ။ ဒီနေရာမှာ အရေးကြီးဆုံးကတော့ တိုင်းရင်းသားများအပါအ ၀င် ပြည်သူလူထုအားလုံး အကျိုးရှိမယ့် မှန်ကန်တဲ့ နည်းလမ်းကောင်းတွေကို ရှာဖွေပြီး အတူတကွ ပူးပေါင်း ဆောင်ရွက်ကြဖို့ လိုပါတယ်။ အစိုးရဘက်ကရော အတိုက်အခံတွေဘက်ကပါ မိမိတို့မှာရှိနေတဲ့ မမှန်ကန်တဲ့ အတွေးတွေ၊ စိတ်ဆိုးစိတ်ဆာတွေကို မြင်အောင်ကြည့်ပြီး နှစ်ဖက်စလုံးက ပြောင်းလဲဖို့ ၀န်မလေးကြဘဲ တိုင်း ပြည်အတွက် သမိုင်းမှတ်တိုင်တခု စိုက်ထူဖို့ အချိန်တန်ပါပြီ။ ထို့အပြင် ပြည်သူလူထုအားလုံးကလည်း မိမိတို့ရဲ့ စိတ်ဆိုးစိတ်ဆာတွေ တကိုယ်ကောင်းဆန်မှုတွေကို ပြောင်းလဲပြီး ကျွန်တော်တို့ရဲ့ ပြဿနာတွေကို ကျွန်တော် တို့အချင်းချင်းကပဲ ဖြေရှင်းနိုင်ကြမယ်ဆိုရင် …။ ကျွန်တော်တို့ အားလုံးညီညွတ်ကြမယ်ဆိုရင် …။ ကျွန်တော် တို့မှာ စိတ်ကောင်းစေတနာကောင်းတွေ ရှိကြမယ်ဆိုရင် …။
ကျွန်တော်တို့ မြန်မာနိုင်ငံအတွင်းမှာရှိကြတဲ့ တိုင်းရင်းသားပြည်သူလူထုအားလုံးအတွက် ပျော်ရွှင်ချမ်းမြေ့ဖွယ် ကောင်းတဲ့ မနက်ဖြန်များကို ရရှိကြမှာဖြစ်ပါကြောင်း တင်ပြလိုက်ပါတယ်။
ခင်မောင်ခန့်
မှတ်ချက် ။ ။ လမ်းပြမြေပုံကို လက်ခံခြင်းမှာ ဆွေးနွေးပွဲများ စတင်နိုင်ရေးအတွက်သာဖြစ်ပြီး န.အ.ဖ ရေး ဆွဲထားသည့် အခြေခံဥပဒေနှင့် ၂၀၁၀ ရွေးကောက်ပွဲကို လက်ခံခြင်း မဟုတ်ပါ။
ဖဲကြိုးနီဆုရ SAW ရင်သွေးငယ်များ၏ လက်ရာ ''အမေ'' ပန်းချီကားများ
You received this email because you are subscribed to the real_time feed for http://drlunswe.blogspot.com/feeds/posts/default. To change your subscription settings, please log into RSSFWD.