[ညီလင်းသစ်] 3 New Entries: သားကလေး, Johanna နှင့် baby-sitting

သားကလေး, Johanna နှင့် baby-sitting

ပြီးခဲ့တဲ့ စနေနေ့က သားကလေးရဲ့ဘဝမှာ ပထမဦးဆုံးအကြိမ် baby-sitting ဆိုတာကို မြည်းစမ်းခွင့်ရတယ်၊ အခု ၁၆ လသားအရွယ်အထိ သားက အဖေ၊အမေကလွဲရင် အဖွားတို့အဒေါ်တို့နဲ့ပဲ နေဖူးသေးတယ်၊ ကျနော်တို့ အလုပ်သွားတဲ့အချိန် တစ်ပတ်မှာ ၂ ရက် အမေဖက်က အဖွားက ထိန်းပေးတယ်၊ အဖွားကိုတော့သူ ကောင်း ကောင်းသိနေပြီ၊ သူ့ကို အဖွားအိမ်မှာ ထားခဲ့ရင် ပျော်ပျော်ရွှင်ရွှင်ပဲ နေခဲ့တယ်၊

အခု baby-sitting ကတော့ သူ့အတွက် မိသားစုဝင် မဟုတ်တဲ့သူတစ်ယောက်နဲ့ ပထမဦးဆုံးအကြိမ် နေရခြင်း ပါပဲ၊ ဒါပေမယ့် လာထိန်းပေးတဲ့ ကောင်မလေးက တခြားသူစိမ်းတော့ မဟုတ်ပါဘူး၊ ကျနော်တို့မိတ်ဆွေ လင်မယားရဲ့ သမီးလေးပါ၊ Johanna လို့ခေါ်တယ်၊ သူက သားကလေးကို သိပ်ချစ်တယ်၊ တစ်ရက်သူတို့အိမ် အလည်သွားကြရင်းနဲ့ မအိမ်သူက Johanna ကို ကလေးထိန်းပေးချင်လားလို့ ကျီစယ်ရင်းမေးလိုက်တယ်၊ Johanna ကပျော်သွားပြီး ချက်ချင်းပဲ ထိန်းပေးမယ်လို့ ပြန်ဖြေတယ်၊ ပြီးတော့ သူ့အမေကို လှမ်းကြည့်တော့ သူ့ အမေကလည်း သဘောတူတယ်လို့ လှမ်းပြောတယ်၊

အခုလို Johanna က သားကလေးကို ထိန်းပေးမယ်ဆိုတော့ ကျနော်တို့လည်း အပြင်သွားပြီး တခြားလုပ်စရာ တွေလုပ်လို့ရတယ်၊ သူ့အတွက်လည်း သားကလေးနဲ့ ကစားခွင့်ရမယ်၊ နေ့စဉ်ဘဝကနေ တမျိုးတဖုံ အပြောင်း အလဲဖြစ်မယ်၊ ပြီးတော့ သူ့ကိုယ်ပိုင်လုပ်အားခနဲ့ မုန့်ဖိုးရှာခွင့်ရမယ်လေ၊ တကယ်တော့ Johanna တို့မိသားစုက ချောင်ချောင်လည်လည်ထဲကပါ၊ သူ့မိဘတွေက ကလေးထိန်းလို့ ရမယ့်မုန့်ဖိုးလောက်ကို ကောင်းကောင်းပေး နိုင်ပါတယ်၊ ဒါပေမယ့် အခုလိုဆိုတော့ Johanna အတွက် သူကိုယ်တိုင်ရှာရတဲ့အခါ ငွေရဲ့တန်ဖိုးကို ပိုသိမယ်၊ ကျနော်တို့အတွက်လည်း ကူဖော်လောင်ဖက် ဖြစ်စေတယ်၊ သူ့မိဘတွေကလည်း ကျနော်တို့ကို ကူညီနိုင်လို့ ဝမ်းသာမယ်၊ သုံးဦး သုံးဖလှယ်အကျိုးရှိတဲ့ ကိစ္စပါပဲ၊

ရယ်စရာကောင်းတာ တခုက Johanna ဟာသားအတွက် ပထမဦးဆုံး မိသားစု ပြင်ပကလာတဲ့ ကလေးထိန်း ဖြစ်သလို သားဟာလည်း Johanna အတွက် ပထမဦးဆုံး မိသားစုပြင်ပမှာထိန်းရတဲ့ ကလေးပါ၊ ဒါပေမယ့် အားလုံး ချောချောမောမောပါပဲ၊ ကလေးအများစုရဲ့ ထုံးစံအတိုင်း သားကလေးဟာလည်း Johanna ကိုအကဲ ခတ်ရင်း သူကျွေးတဲ့ ထမင်းကိုစားလိုက်၊ သူသိပ်တဲ့အခါ အိပ်လိုက်၊ နိုးလာတော့ သူနဲ့ကစားလိုက်နဲ့...၊ ၁၂ နှစ် ဆိုတဲ့အရွယ်နဲ့ မလိုက်အောင်ပဲ Johanna က သားကလေးကို ပျော်ရွှင်အောင် ထားရင်း ထိန်းသွားခဲ့ပါတယ်။ ။

Le fiston, Johanna et baby-sitting

Notre fiston a connu ce que c'est un baby-sitting (la garderie) le samedi dernier. Jusqu'à maintenant, à l'âge de 16 mois, il n'avait l'habitude de rester qu'avec sa grand-mère et sa tante en nos absences. Pendant la semaine où on travaille, il passe 2 jours avec sa grand-mère maternelle qu'il connaît bien. On peut bien le laisser chez elle sans le moindre souci. Il y est content.

Le baby-sitting qu'il a connu maintenant, c'est pour la première fois avec quelqu'un en dehors de la famille. Mais, la baby-sitter n'est personne d'autre que la fille du couple d'amis à nous : Johanna. Elle aime bien notre fiston. Un jour, on leur a rendu visite chez eux et mon épouse a demandé à Johanna si elle voulait garder Alexy pour une fois. Et là...Johanna a tout de suite répondu ' oui ' d'un air très joyeux et tout en regardant sa maman. Sachant bien ce que sa fille voulait demander, la maman a donné son feu vert avec un grand sourire.

Ainsi, on pourrait aller dehors et faire ce qu'on a à faire. Pour Johanna, elle pourrait jouer avec Alexy et ça serait un petit changement dans la vie quotidienne. De plus, elle pourra avoir l'argent de poche, gagné de son propre effort. En fait, la famille de Johanna ne semble pas faire partie des gens qui ont la difficulté financière et certes, ses parents ont les moyens de lui offrir l'équivalent de l'argent de poche gagné par baby-sitting. Néanmoins, si elle est payée pour ce qu'elle a réellement fait, elle comprendra mieux la valeur du travail et de la récompense. Pour nous, ça serait un petit service non-négligeable. Quant à ses parents, ils seraient contents pour nous et fiers de leur fille. Que du bonheur pour tout le monde !

Ce qui est un peu drôle, c'est que pour notre fiston, Johanna est la première baby-sitter en dehors de la famille et vice versa, pour Johanna, Alexy est le premier enfant à garder en dehors de la famille. Mais, tout s'est très bien déroulé. Comme la majorité des enfants, notre fils a mangé ce que Johanna lui avait donné, s'est couché quand elle l'a mis au lit et a joué avec elle lors du réveil tout en observant et se posant des questions sur la personnalité de cette mignonne demoiselle qui était devant lui. Malgré ses 12 ans, Johanna a fait un travail remarquable dans la joie et la bonne humeur pour garder notre fiston unique bien aimé.

ညီလင်းသစ်
၁၇ ဇန်နဝါရီ၊ ၂၀၀၉

Snow...

Snow (1)

Canon EOS 450d, 18 mm, f/13, 1/400, ISO 200


Snow (2)

Canon EOS 450d, 28 mm, f/11, 1/200, ISO 200


Snow (3)

Canon EOS 450d, 63 mm, f/10, 1/250, ISO 200


Snow (4)

Canon EOS 450d, 35 mm, f/13, 1/250, ISO 200

ကျနော့်အနားက ကမ္ဘာ့စီးပွားပျက်ကပ်

ဒီနေ့အလုပ်မှာ Elena ဆိုတဲ့အမျိုးသမီးကြီးနဲ့ တွေ့တော့သူမျက်နှာမကောင်းတာ သတိထားမိတယ်၊ ဒါနဲ့မေးကြည့် တော့မနေ့က သူ့ယောက်ျားအလုပ် ပြုတ်သွားလို့တဲ့၊ မနက်ပိုင်း လုပ်နေကျ ဝန်ထမ်းအစည်းအဝေး မှာဆုံးဖြတ်ပြီး တခါတည်း ထုတ်လိုက်တာပါပဲ၊ သူ့ယောက်ျားက Karcher ဆိုတဲ့ high pressure သုံးရေပိုက်တွေ ထုတ်တဲ့ကုမ္ပဏီမှာ လုပ်နေခဲ့တာ ၁၀ နှစ်ကျော်လောက် ရှိနေပြီ၊ အခုတော့ ၃ လအ တွက်လစာနဲ့အတူ ခွင့် ၇ ပတ်ပေးလိုက်တယ်၊ အဲဒါပြီးရင်တော့ ပြန်လာစရာ မလိုတော့ဘူးတဲ့၊ မနှစ်ကတည်းက စ,လိုက်တဲ့ ကမ္ဘာ့စီးပွားရေးအကျပ်အတည်းကြောင့် ဝန်ထမ်းတွေ လျှော့ချတဲ့သတင်းတွေကို နေရာတိုင်းမှာ ကြားနေရတယ်၊ အခု Elena ရဲ့ယောက်ျားက အကြီးအကျယ်စိတ်တွေတိုပြီး တပြိုင်တည်းမှာ စိတ်ဓါတ်တွေကျ နေတယ်-တဲ့၊ သူ့အသက်က ၅၉ နှစ်ရှိပြီမို့ နောက်အလုပ်တစ်ခုကို လွယ်လွယ်နဲ့တွေ့ဖို့ မဖြစ်နိုင်တော့ပါဘူး၊ ဆွစ်ဇာလန်မှာ လုပ်သက်ပင်စင်က ၆၅ နှစ်ဆိုတော့ သူ့ကို တော်ရုံလူက ဘယ်ခန့်တော့မှာလဲ၊ အလုပ်လက်မဲ့ တွေကူညီစောင့်ရှောက်ရေး ရုံးမှာစာရင်းသွားသွင်းရင် တစ်နှစ်စာလောက်တော့ လစာရနိုင်ပါတယ်၊ ဒါပေမယ့် အဲဒါပြီးရင်တော့ ပြီးပြီဆိုတော့ သူစိတ်ဓါတ်ကျမယ်ဆိုလည်း ကျစရာပါပဲ၊

ကျနော့်မိတ်ဆွေတစ်ယောက်က အကြီးစားစက်မှုလုပ်ငန်းတစ်ခုက ဒါရိုက်တာအဆင့်ရှိသူ တစ်ယောက်ပါ၊ အခု ဝန်ထမ်းလျှော့ချရေးဂယက်ကြောင့် သူ့ရာထူးလည်း ခပ်လှုပ်လှုပ်လို့ပြောတယ်၊ ဒီစီပွားရေး အကျပ်အတည်းဟာ ကော်လာဖြူ၊ ကော်လာပြာဝန်ထမ်းတွေကအစ ကိုယ်ပိုင်စီးပွားရေးလုပ်နေသူတွေအလယ် တပိုင်တနိုင် အိမ်တွင်းမှုလေးတွေ လုပ်နေသူတွေအဆုံး အားလုံးကို အနည်းနဲ့အများ ထိခိုက်စေပါတယ်၊ ပုဂံညောင်ဦး မြင်းကပါ ဝက်ကြီးအင်းက လူတွေ မိရိုးဖလာ တစ်သက်လုံးလုပ်လာတဲ့ ယွန်းလုပ်ငန်းဘယ်လိုမှ အဆင်မပြေ တော့လို့ ဒီအတိုင်းထိုင်နေတဲ့လူကထိုင်၊ ရွှေကျင်တဲ့လူကကျင် ဖြစ်ကုန်တဲ့အကြောင်း သတင်းတစ်ပုဒ်မှာ ဖတ်ရ ပြန်တယ်၊ ကမ္ဘာဟာရွာကြီး တစ်ရွာဖြစ်လာခဲ့ပြီ ဆိုတော့ရွာဦးရဲ့ဂယက်ဟာ တစ်ရွာလုံးကိုရိုက်ခတ်စေတယ်၊ တစ်နိုင်ငံနဲ့တစ်နိုင်ငံ အပြန် အလှန်ဆက်သွယ်မှု ပုံစံသစ်တွေအရ ဘုန်းကြီးမှု ရွာပတ်တာပဲလို့ ပြောလို့မရတော့ ပါဘူး၊

ကျနော့်သူငယ်ချင်းဆန်းထွန်း စင်ကာပူမှာ အလုပ်လုပ်ဖို့ ပြီးခဲ့တဲ့ဒီဇင်ဘာလက ရောက်လာခဲ့တယ်၊ မူလလုပ်ဖို့ ရည်ရွယ်ထားတာက manpower field ထဲမှာပါ၊ ဒါပေမယ့် စီးပွားပျက်ကပ်ကြောင့် ထင်သလိုဖြစ်မလာတော့ ဘူး၊ အခုဒီကောင် ကျောင်းပြီးကတည်းက ချောင်ထိုးထားခဲ့တဲ့ အင်ဂျင်နီယာဘွဲ့ကို ပြန်ပြီးအရောင်တင်ဖို့ လုပ်နေရပြီ၊ တဆက်တည်းမှာ မြန်မာပြည်က ကျနော့်သူငယ်ချင်းတွေ၊ လုပ်ဖော်ကိုင်ဖက်ဟောင်းတွေကို သတိ ရမိတယ်၊ ရွှေဝါရောင်တော်လှန်ရေး ပြီးကတည်းက ကျသွားလိုက်တဲ့ tourism၊ ပြန်ထမယ်ကြံကာရှိသေး နာဂစ် ကရိုက်ချသွားပြန်တယ်၊ အခုတစ်ခါ ကမ္ဘာ့စီးပွားပျက်ကပ်...၊ တဖက်ကလည်း တစ်ရစ်ပြီးတစ်ရစ် ကျပ်လာတဲ့ စားဝတ်နေရေး...၊ ဆိုးဝါးပြီး ကံမကောင်းတဲ့နှစ်လို့ အများကယူဆကြတဲ့ ၂၀၀၈ အလွန်မှာ အားလုံးက ၂၀၀၉ ကိုမျှော်လင့်ချက်အပြည့်နဲ့ ကြိုဆိုကြတယ်၊ သူကကော...? တကယ်ပဲ ကံကောင်းခြင်းတွေ သယ်ဆောင်လာမှာ လား? လောလောဆယ်တော့ အဖျားရောဂါ အကြီးအကျယ်ခံစားခဲ့ရတဲ့ ဝေဒနာသည်တစ်ယောက်လို ခပ်ယဲ့ယဲ့ နဲ့ နာလန်ထလာဆဲပါပဲ၊

အလုပ်ကအိမ်ကိုအပြန်မှာ လေးလံလွန်းတဲ့ ဝန်ထုပ်ကြီးတစ်ခုကို ထမ်းပိုးထားရသလို ခြေလှမ်းတွေက မသွက် ချင်ဘူး၊ တော်ပါသေးရဲ့...တနင်္ဂနွေနေ့က ချက်ထားလို့ စားစရာအဆင်သင့် ရှိနေတယ်ဆိုပြီး အနည်းငယ် သက်သာရာ ရမိတယ်၊ ဒါပေမယ့် ဗိုက်မဆာတော့ဘူး၊ အပင်ပန်းခံ ချက်ထားတဲ့ ဟင်းတွေကရှေ့မှာ...။ ။

You received this email because you are subscribed to the real_time feed for http://nyilinnthit.blogspot.com/feeds/posts/default. To change your subscription settings, please log into RSSFWD.

[MYANMAR POLITICAL NEWS, ART AND IDEA] 2 New Entries: MEDIA FIGHTING

MEDIA FIGHTING

သတင်းသမားများ နှင့် ၂၀၀၈
Thursday, 15 January 2009 18:38 အေးချမ်းမြေ့
(ဧရာဝတီ မှ ကူးယူဖော်ပြသည်)

၂၀၀၈ ခုနှစ်တွင် ပြည်တွင်း ဂျာနယ်လစ်များ အနေနှင့် အာဏာ ပိုင်များ၏ ဖမ်းဆီး ထောင်ချ ခံရခြင်း၊ ခြိမ်းခြောက် ခံရခြင်းတို့ ကြုံတွေ့ ရင်ဆိုင်ခဲ့ ရသည်နှင့် တပြိုင် နက်တည်း ပြည်ပ (ထိုင်းနိုင်ငံ၊ အိန္ဒိယနိုင်ငံ) အခြေစိုက် မီဒီယာများသည်လည်း အင်တာနက် ဆိုက်ဘာတိုက်ခိုက်မှုဒဏ်ကို အပြင်းအထန်ခံခဲ့ရသဖြင့် မြန်မာဂျာနယ်လစ်များအတွက် အခက်အခဲများနှင့် ရောပြွမ်းနေသော နှစ်တနှစ်ဟု ဆိုရမည် ဖြစ်သည်။

ထို့ပြင် ၂၀၀၇ စက်တင်ဘာ ရွှေဝါရောင်တော်လှန်ရေးနှင့် ၂၀၀၈ မေလဆန်းက ဝင်ရောက်မွှေနှောက်ခဲ့သော နာဂစ် ဆိုင်ကလုန်းမုန်တိုင်းနှင့် ပတ်သက်သည့် သတင်းများ၊ ဆောင်းပါးများကို ပြည်တွင်း ပြည်ပရှိ မြန်မာ မီဒီယာများက အချိန်နှင့် တပြေးညီ ဆွဲထုတ် တင်ပြနိုင်ခဲ့သည့်အတွက် မြန်မာပြည်ကို နိုင်ငံတကာက ထူးထူးခြားခြား အာရုံစိုက်အောင် စွမ်းဆောင်နိုင်ခဲ့သည်။

တချိန်တည်းတွင် ပြည်တွင်းရှိ သတင်းသမားများကို အာဏာပိုင်များက တင်းကျပ်စွာစောင့်ကြည့်ခဲ့သည်။ ၂၀၀၈ ခုနှစ်အတွင်းတွင် ဖမ်းဆီးခံရသည့် မီဒီယာသမား ၁၁ ဦးရှိပြီး ၉ ဦးမှာ ထောင်ချခံရသည်။ ကျန် ၁ ဦးကို ချုပ်ရက် ၆ လကျော်ကြာသည့်တိုင် စီရင်ချက် မချသေးပေ။

ကံကောင်းထောက်မစွာဖြင့် ပြည်တွင်း၌ ဂျာနယ်လစ်များ အသတ်ခံရသည်ဟူသော သတင်းမျိုးတော့ မကြားရပါ။ အီရတ်၊ ဆိုမာလီနှင့် အာဖဂန်နစ္စတန်တို့ရှိ သတင်းထောက်များထက် စာလျှင် တော်သေးသည်ဟု ဆိုရမည် ဖြစ်သည်။

ပြည်တွင်းရှိ သတင်းသမားများအတွက် အကြီးမားဆုံးသော အခက်အခဲမှာ စာပေစိစစ်ရေးနှင့် အပတ်စဉ် ရင်ဆိုင်နေရ ခြင်းဖြစ်သည်။ စာပေစိစစ်ရေးနှင့် ရင်ဆိုင်ရာတွင် ပုံစံမတူ မူကွဲများနှင့် ကြုံတွေ့ ကြရသည်။ ဥပမာ - ဒေါ်အောင်ဆန်းစုကြည်ဓာတ်ပုံကို တနင်္လာ၊ အင်္ဂါတွင်ဖြန့်ချိသည့် ဂျာနယ်တချို့တွင် ခွင့်ပြု ခဲ့ပြီးမှ နောက်ပိုင်းရက်ထွက်မည့် ဂျာနယ်များတွင် ထည့်ခွင့်ပိတ်ပင်လိုက်ခြင်းမျိုး ဖြစ်ဖူးကြောင်း ရန်ကုန် အခြေစိုက် သတင်းဂျာနယ် အယ်ဒီတာတဦးက ပြောပြသည်။

စိစစ်ရေး၏ မူဝါဒကို လိုက်နာခြင်းမရှိဟုဆိုကာ ဂျာနယ်အပိတ်ခံရခြင်း၊ ဂျာနယ်တိုက်ဝန်ထမ်းများကို ဖိအားပေး နုတ်ထွက်ခိုင်းခြင်းများ ရှိသည်။ ၂၀၀၈ နှစ်ဆန်းပိုင်းကာလက မြန်မာတိုင်းမ်စ် ဂျာနယ်တွင် ဖော်ပြခဲ့သော ဂြိုဟ်တု စလောင်း သတင်းကြောင့် အယ်ဒီတာများဖြစ်သော မနွယ်နွယ်အေး ဦးမြင့်စိုး၊ ကိုဝင်းညွန့်လွင် နှင့် သတင်း ထောက်ချုပ် ကိုဝင်းကျော်ဦးတို့ကို ဖိအားပေး နုတ်ထွက် ခိုင်းခဲ့သည်။ ချယ်ရီမဂ္ဂဇင်းမှ အယ်ဒီတာ တဦးလည်း အလားတူ နုတ်ထွက်ပေးခဲ့ရသည်။

သစ္စာ (True News) အပတ်စဉ် ဂျာနယ်သည် ထိုင်းနိုင်ငံဖူးခက်နယ်ရှိ ဆောက်လုပ်ရေး လုပ်ငန်းခွင်တခုမှ မြန်မာကလေး အလုပ်သမားဓာတ်ပုံကို ဖော်ပြခဲ့သောကြောင့် ထုတ်ဝေခွင့် ၁ လ ပိတ်ပင်ခံခဲ့ရပြီး အက်ရှင်တိုင်းမ်စ် ဂျာနယ်မှာ အမျိုးသားဒီမိုကရေစီ အဖွဲ့ချုပ်ခေါင်းဆောင် ဦးဝင်းတင်သတင်းကို အသေးစိတ် ဖော်ပြခဲ့သောကြောင့် ၂ လ ပိတ်ခံခဲ့ရသည်။ ပိတောက်ပွင့်သစ် မဂ္ဂဇင်းသည်လည်း အိုးဝေဦးညိုမြနှင့်ပတ်သက်၍ မျက်နှာဖုံးသတင်း ဆောင်းပါး ရေးသားခဲ့သောကြောင့် ထုတ်ဝေခွင့် ယာယီ ပိတ်ပင်ခံခဲ့ရသည်။

"စိစစ်ရေးက ဖြတ်ဖို့မေ့သွားပြီး ဂျာနယ်ထွက်လာတော့မှ ဆိုင်ပေါ်ကနေ ပြန်သိမ်းပါ ဆိုတာမျိုးတွေလည်း ကြုံဖူးတယ်" ဟု ရန်ကုန်အခြေစိုက် သတင်းအယ်ဒီတာတဦးက ဆိုသည်။

အပတ်စဉ် စာစစ်မှူးများကို ဂျာနယ်မူကြမ်းတင်ပြသည့် နေ့တွင် ငွေပေးရသည်၊ အရာရှိအားလုံးအတွက် အချိုရည် နှင့် မုန့်များ ဝယ်ပေးရသည်၊ ညွှန်မှူးနှင့်တကွ အကြီးတန်းအရာရှိများကို တလတခါ ပဲဆီပုံး ဝယ်ပေးခြင်း၊ တနှစ် တခါ လက်ဆောင်ခြင်းများပေးပို့ခြင်း ပြုလုပ်ရသည်၊ ထိုသို့ပေးရန်ပျက်ကွက်ပါက ငြိုငြင်ပြောဆိုခံရသည်၊ ပညာပြ တတ်သည်ဟု ၎င်းက ပြောပြသည်။ နှစ်စဉ် စာပေစိစစ်ရေး၏ ကထိန်ပွဲ၊ သင်္ကြန်ရုံးပိတ်ရက် အပျော်ခရီး တို့အတွက် ဂျာနယ်တိုက်များက ရန်ပုံ ငွေ ထည့်ဝင်ပေးရသေးသည်။ စိစစ်ရေး ညွန်ကြားရေးမှူး ခရီးထွက်နေချိန် မျိုးတွင် ကျန်ရှိနေသူ မည်သူတဦး တယောက်ကမှ တာဝန်မခံရဲဘဲ ပိုမိုစိစစ် ဖြတ်တောက်ခြင်းများ ကြုံတွေ့ ကြရကြောင်း ကြားသိရသည်။

"ပြည်တွင်းက သတင်းအယ်ဒီတာတွေအားလုံး စိစစ်ရေးမှူးတွေရဲ့ အဟိန်းအဟောက် မခံရဘူးသူ မရှိဘူး။ မတော်တဆ မှားသွားတာပါလို့ ခံဝန်လက်မှတ်မထိုးဖူးတဲ့သူလည်း မရှိဘူး" ဟု သူက ဆက်ပြောသည်။

၂၀၀၈ ခုနှစ်ထဲတွင် အစိုးရ ဌာနဆိုင်ရာရုံးများမှ သတင်းရယူရန် ပိုမိုခက်ခဲလာသည်၊ အစိုးရ ဌာနများက သတင်းသမားများနှင့် ပူးပေါင်းဆောက်ရွက်ခြင်း မပြုသလောက် ဖြစ်လာသည်၊ သတင်း ထုတ်ပြန်ရန် ငြင်းဆိုလာကြသည်။ ထို့ပြင် သတင်းမှန်ပါလျှက် သူတို့မပြောဘဲ ရေးပါသည်ဟုဆိုကာ တရားစွဲမည် ဟု ခြိမ်းခြောက်ခံကြရသည်။

ဌာနဆိုင်ရာသတင်းများတွင် ပြောသူအမည်နှင့် ရာထူးကို ထည့်သွင်းရမည်ဟု စိစစ်ရေးက ညွှန်ကြားသည်နှင့် တပြိုင်နက်တည်း ဌာနဆိုင်ရာများကလည်း ထည့်သွင်းပေးရန် ကြောက်ရွံ့သဖြင့် သတင်းများစွာ ဖော်ပြ ရေးသားခွင့် ဆုံးရှုံးရသည်။ ဝန်ကြီးဌာနများနှင့် တရားရင်ဆိုင်နေရသည့် သတင်းထောက်များစွာ ရှိသည်။

နှစ်ဆန်းပိုင်းက ဖြစ်ပေါ်ခဲ့သော အင်းလျားလမ်း ၅ လောင်းပြိုင်လူသတ်မှုနှင့်ပတ်သက်၍ ဈာပန အခမ်းအနား ဆောင်းပါးကို ရေးသားခဲ့သော ဆဲဗင်းဒေးနယူးစ် ဂျာနယ်မှ အယ်ဒီတာ မငြိမ်းငြိမ်းနိုင် တရားစွဲဆို ခံခဲ့ရသည်။

နာဂစ်ဆိုင်ကလုန်းမုန်တိုင်းဒဏ်ခံရသည့် ဧရာဝတီတိုင်းအတွင်း လွတ်လပ်စွာသွားလာ သတင်းယူခွင့်မရှိပေ။ မှုခင်းသတင်းများကို ၂၀၀၈ ခုနှစ်အတွင်း အစိုးရသတ်မှတ်ပေးထားသည့် နေရာများတွင်သာ ၎င်းတို့ ရှင်းလင်း ပြသည့်အတိုင်း ရယူပြီး ရေးကြရသည်။ မိမိ လိုက်လိုသည့် ဒေသခံ ရဲစခန်းများတွင် သတင်းယူခွင့် လုံးဝ မရှိတော့ပေ။

၂၀၀၈ ခုနှစ်ထဲတွင် ပြည်တွင်းသတင်းသမားများကို ခေါ်ယူ ခြိမ်းခြောက်ခြင်း၊ ဖမ်းဆီးခြင်းများ ပိုမိုများပြား လာသည်။ နာဂစ်ဆိုင်ကလုန်းမုန်တိုင်း နောက်ပိုင်း လူမှုကူညီရေး လုပ်ငန်း များတွင် ပါဝင်သောကြောင့် ဖမ်းဆီးခံရသူများ ရှိသည်။ နာဂစ် ဆိုင်ကလုန်းမုန်တိုင်းနှင့် ပတ်သက်၍ အဖမ်းအဆီးခံရသည့် သတင်းသမား ၄ ဦးရှိသည်။ ၃ ဦးမှာ ဒုက္ခသည်များကို သွားရောက်လှူဒါန်းရာတွင် ပါဝင်ခဲ့သော အဖမ်းခံရခြင်းဖြစ်ပြီး ၁ ဦးမှာ ဆိုင်ကလုန်းနှင့်ပတ်သက်သည့် မှတ်တမ်း ဓာတ်ပုံ၊ ဗီဒီယိုများ ထိုင်းနိုင်ငံသို့ မသယ်ဆောင်သွားမီ အဖမ်းခံရ ခြင်းဖြစ်သည်။

မတရား အမှုဆင်၍ ဖမ်းဆီးခံရသူများလည်း ရှိသည်။ ထို့ပြင် ပြောမှားဆိုမှားဖြစ်၍ တရားစွဲဆိုထောင်ချ ခံရသူများလည်း ရှိသည်။ အချုပ်ထဲတွင် ၂ လကျော် နေခဲ့ရသည့် ဖလားဝါးနယူးစ် ဂျာနယ် သတင်းထောက် ကိုစောမြင့်သန်းကို ဥပမာပေးကာ သတင်း သမားများ ခေါင်းမထောင်ရဲအောင် ပြုလုပ်ခဲ့သည်။

ကိုစောမြင့်သန်းသည် သင်္ဃန်းကျွန်းလူသတ်မှုသတင်းကို ရေးသားခဲ့ရာ မြို့နယ်ရဲစခန်းတခုမှ ခေါ်ယူခြိမ်းခြောက် ခဲ့သည်။ ထိုသို့ ခြိမ်းခြောက်သည့် သတင်းကို ဧရာဝတီမဂ္ဂဇင်းမှ ရေးသားခဲ့သဖြင့် ကိုစောမြင့်သန်းကို ဖမ်းဆီး သွားခဲ့သည်။

ကဗျာဆရာစောဝေသည်လည်း အချစ်ဂျာနယ်တွင် "အာ နာ ရူး ကြီး မှူး ကြီး သန်း ရွှေ" ဟူသည့် စကားလုံးများ ပါဝင်သည့် ကဗျာ ရေးသားခဲ့သဖြင့် ဖမ်းဆီးခံရသည်။

ထို့ပြင် ယခုလအတွင်း လွတ်လပ်သော အာရှအသံ (အာအက်ဖ်အေ) ၏ ထုတ်လွှင့်ချက် တခုတွင် ဒီမိုကရက်တစ် မြန်မာ့အသံ (DVB) သတင်းဌာန၏ ပြည်တွင်းအခြေစိုက် သတင်းထောက် ၉ ဦး အဖမ်းခံထားရကြောင်း ၎င်း ရုပ်သံသတင်း ထောက် ကိုကျော်မင်းသက်က အတည်ပြုပြောကြားခဲ့သည်ဟု ပါရှိသည်။ ဖမ်းရသည့် အကြောင်းရင်းမှာ စစ်အစိုးရ၏ လျှို့ဝှက်ချက်ကို နိုင်ငံတကာကသိရှိစေရန် ဖော်ထုတ်သောကြောင့်ဟု သိရသည်။

ချင်းမိုင်အခြေစိုက် ဧရာဝတီမဂ္ဂဇင်း၏ မန်နေးဂျင်းအယ်ဒီတာ ကိုကျော်စွာမိုးကလည်း "စစ်အစိုးရကတော့ ဂျာနယ်လစ်တွေရဲ့ ရန်သူဖြစ်နေတုန်းပဲ" ဟု ဆိုသည်။ ၎င်းက စစ်အစိုးရ ဆက်အုပ်ချုပ်နေသရွေ့ မီဒီယာလောက အခြေအနေမှာ အပြောင်းအလဲ ရှိရန် မမြင်ဟု ဆက်ပြောသည်။

စားဝတ်နေရေး ကြပ်တည်းမှုသည်လည်း ပြည်တွင်း သတင်းသမားများအတွက် အရေးပါလှသည့် အခက်အခဲ တခုဖြစ်သည်။ အလုပ်သင် သတင်းထောက်တယောက်၏ လစာမှာ ကျပ် ၃၀၀၀၀ ခန့်သာရှိပြီး ၎င်း၏ အရည် အသွေးပေါ်မူတည်၍ တဖြည်းဖြည်း မြင့်တက်သွားရာ အမြင့်ဆုံးမှာ ကျပ် ၇၀၀၀၀ ခန့်သာ ရှိသည်။ ရန်ကုန် လူနေမှုစရိတ်အရ တဦးချင်း အသုံးစရိတ်မှာ နေ့စဉ် ကျပ် ၁၅၀၀ ခန့်ရှိသောကြောင့် မလောက်ငပေ။

အမြင့်ဆုံးအယ်ဒီတာတဦးပင် လစာ ကျပ် ၃၀၀၀၀၀ ခန့်သာ ရရှိသဖြင့် အိမ်ထောင်ရှိသူဆိုလျှင် ငွေကြေး မလောက်ငသည့် ပြဿနာ ရင်ဆိုင်ရသည်။ ရန်ကုန်တွင် အိမ်ငှားခ၊ တိုက်ခန်းငှားခ ဈေးမှာ အဆမတန် မြင့်မားသည်။ အိမ်ငှားခ သက်သာသည့် မြို့ပြင်ဒေသများမှ လာရလျှင် ခရီးစရိတ်နှင့် အချိန်ကုန်သောကြောင့် မထူးလှပေ။

သတင်းထောက်အားလုံး နီးပါးတွင် ကိုယ်ပိုင် အသံဖမ်းစက်နှင့် ကင်မရာမရှိကြ။ ရုံးမှ ထုတ်ပေးသော ထိုပစ္စည်းများ ထိခိုက်ပျက်စီးလျှင် ကိုယ်ပိုင်ငွေထဲမှ စိုက်လျှော်ရသည်။

[မြန်မာပြည်တွင်းရှိ စာနယ်ဇင်းသမားများအဖို့ ဟန်းဖုန်းနှင့် ခရီးဆောင်ကွန်ပျူတာ ပိုင်ဆိုင်ဖို့ ဆိုသည်မှာ အိပ်မက်တခုအလားပင် (ဓာတ်ပုံ - ဧရာဝတီ)]

"ရန်ကုန်က သတင်းထောက်တွေအတွက် ဟန်းဖုန်းတို့ လက်ပ်တော့ပ်တို့ ပိုင်ဖို့ဆိုတာ အိပ်မက်တခုပါပဲ" ဟု သတင်း အယ်ဒီတာတဦးက စိတ်ပျက်လက်ပျက် ပြောကြားသည်။

ပြည်တွင်းရှိ ဂျာနယ်နှင့် မဂ္ဂဇင်း အစောင် ၃၀ ထက်မနည်း နှစ်စဉ်သက်တမ်းတိုးခ မတတ်နိုင်တော့သော ကြောင့် ၂၀၀၈ ဒီဇင်ဘာလအတွင်း ထုတ်ဝေခွင့်လိုင်စင်များ ရုတ်သိမ်းခံခဲ့ရသည်။

ပြည်ပမီဒီယာများ၏ အခက်အခဲများသည်လည်း သေးငယ်လှသည်ဟု မဆိုသာပေ။ ၂၀၀၈ ခုနှစ်ထဲတွင် ထိုင်းနိုင်ငံနှင့် အိန္ဒိယနိုင်ငံအခြေစိုက် မြန်မာမီဒီယာများ၏ အင်တာနက် စာမျက်နှာများကို အကြီးအကျယ် အတိုက်အခိုက် ခံခဲ့ရသည်။ တိုက်ခိုက်ခံရသည့် မီဒီယာများထဲတွင် ဧရာဝတီ၊ မဇ္ဇျိမ၊ ခေတ်ပြိုင် နှင့် DVB ဝက်ဘ်ဆိုက်များ ပါဝင်သည်။

၎င်းဝက်ဘ်ဆိုက်များထဲမှ ၃ ခုမှာ DDoS (Distributed denial- of- service) နည်းပညာဖြင့် တိုက်ခိုက်ခံရခြင်းဖြစ်ပြီး နောက်ထပ်တိုက်ခိုက်မှု မကြုံတွေ့ရစေရန် နည်းမျိုးစုံဖြင့် ကြိုးပမ်း ကြရသည်။

"ကျနော်တို့ ဝက်ဘ်ဆိုက်ဆိုရင် ၂၀၀၈ ထဲမှာကို တိုက်ခိုက်ခံရတာ ၃၊ ၄ ကြိမ်လောက်ရှိမယ်။ သေချာကို ရည်ရွယ်ချက်နဲ့၊ အုပ်စုလိုက်နှောင့်ယှက်နေတယ် ဆိုတာ သိရတယ်" ဟု မဇ္ဇျိမ သတင်းဌာနမှ လက်ထောက် အယ်ဒီတာ ကိုမုံပီးက ပြောပြသည်။

ထို့ပြင် နအဖ ဘက်တော်သားများ၏ သတင်းလွှဲမှု၊ သတင်းမှားများ ပေးမှုကိုလည်း မကြာခဏ ကြုံတွေ့ရသည်ဟု သူက ဆိုသည်။

"သတင်းတွေကို အမှား၊ အမှန် သေချာ အတည်မပြုနိုင်လို့ လက်လွှတ်လိုက်ရတာတွေ အများကြီးပဲ" ဟု ၎င်းက ဆက်ပြောသည်။

ပြည်ပရှိ အတိုက်အခံ မီဒီယာများတွင် ပြည်တွင်းမီဒီယာများကဲ့သို့ စာပေစိစစ်ရေးကို တင်ပြစရာမလိုသော်လည်း မိမိစာကို မိမိသေချာစွာ စိစစ် တည်းဖြတ်နေရသည့် ပြဿနာ ရှိသည်။ ကိုယ်တိုင်စိစစ် ဖြတ်တောက်ခြင်း မလုပ်မိပါက ခြိမ်းခြောက်ခံရခြင်းများ ကြုံတွေ့ရနိုင်သည်။

ပြည်တွင်းမှ သတင်းရင်းမြစ်များ၏ အရုပ်များ၊ အသံများ၊ နာမည်များ ပေးမသုံးခြင်းသည်လည်း အခက်အခဲ တခုဖြစ်ကြောင်း ထိုင်းနိုင်ငံ ချင်းမိုင်အခြေစိုက် DVB ရုပ်သံမှ အယ်ဒီတာ ဦးခင်မောင်စိုးကပြောသည်။

"အဲဒါက အဆိုးဆုံးပေါ့ဗျာ။ တချို့ DVB ကမို့ မပေးဘူး ဆိုတာမျိုး ခဏ ခဏ ကြုံရတယ်ဗျ" ဟု ၎င်းကဆိုသည်။

ဝါရှင်တန်ဒီစီ အခြေစိုက် VOA ရေဒီယိုအစီစဉ်၏ မြန်မာပိုင်းဌာနမှူး ဦးသန်းလွင်ထွန်းကလည်း ၂၀၀၈ ခုနှစ်အတွင်းတွင် ၎င်းတို့မီဒီယာအနေနှင့် သတင်းလိုက်ရခက်ခဲသည့် ပြဿနာနှင့် အကြီးအကျယ် ကြုံတွေ့ ရသည်ဟု ပြောပြသည်။ မြန်မာပြည်တွင်းသို့ နာဂစ်ဆိုင်ကလုန်း မုန်တိုင်းဝင်မွှေသွားပြီး နောက်ပိုင်း VOA ရေဒီယိုအစီအစဉ်က သတင်းများရယူလွှင့်ထုတ်နိုင်ရန် ကြိုးစားသော်လည်း နအဖစစ်အစိုးရက ဆက်သွယ်ရေးများ ဖြတ်တောက်လိုက်သဖြင့် အခက်အခဲတွေ့ရသည်ဟု ၎င်းကဆက်ပြောပြသည်။

စစ်အစိုးရအနေနှင့် ပြည်တွင်း၌ ဖြစ်ပျက်နေသည့် အခြေအနေမှန်များကို နိုင်ငံတကာအား မသိစေလိုခြင်းက အဓိက ပြဿနာတခု ဖြစ်နေကြောင်း သူကထောက်ပြသည်။ ထိုသို့ ပိတ်ဆို့ခံရမှုကြောင့် သတင်းသမားတို့ လိုက်နာရမည့် စည်းမျဉ်းစည်းကမ်းများကို ချိုးဖောက်ကာ သတင်းရင်းမြစ်များ မဖော်ပြနိုင်သည့် အနေအထား ရှိခဲ့သည်ဟု ဦးသန်းလွင်ထွန်းက ဆိုသည်။

ပြည်တွင်း၌ သတင်းစာပညာနှင့်ပတ်သက်၍ လေ့လာ သင်ယူစရာ သင်တန်းများ၊ ကျောင်းများ သေသေချာချာ မရှိခြင်းသည်လည်း သတင်းလောကသို့ စမ်းတဝါးဝါး ဝင်ရောက်လာသည့် လက်သင် သတင်းထောက်များ အတွက် အခက်အခဲများနှင့်ကြုံတွေ့ရသည်။

ယခုနောက်ပိုင်းတွင် မြန်မာပြည်တွင်း၌ သတင်းထောက်အလုပ်ဆိုသည်မှာ တခြားသော အရောင်းဝန်ထမ်း၊ ကြော်ငြာဈေးကွက် ရှာဖွေသူ၊ ကုမ္ပဏီ စာရေး စသူတို့ကဲ့သို့ အလုပ်အကိုင်အခွင့်အလမ်းတရပ်ဖြစ်နေရာ တက္ကသိုလ် ၄ နှစ်တက်ပြီး မည်သည့်အလုပ် လုပ်ရမည် မသေချာသေးခင် အလုပ်တခု ရရာဝင်လျှောက်သည့် သဘောဖြင့် ဝင်လာကြသူ များပြားကြောင်း ပြည်တွင်း မီဒီယာတခုမှ အကြီးတန်း အယ်ဒီတာတဦးကပြောသည်။

ပြည်ပ မီဒီယာများတွင်မူ လူသားရင်းမြစ် ရှားပါးသောကြောင့် ရွေးချယ်စရာ အခွင့်အလမ်း အလွန်နည်းပါးသည်။ ပြည်ပအခြေစိုက် မီဒီယာများသည် ပြည်ပသို့ ရောက်ရှိပြီးဖြစ်သော နိုင်ငံရေးလှုပ်ရှားသူများ၊ တိုင်းရင်းသား အဖွဲ့အစည်းများကို နီးစပ်ရာဆွဲခန့်ပြီး မီဒီယာပညာရပ်နှင့်ပတ်သက်၍ လက်ပူတိုက်သင်ကြားပေးကြရသည်။

ပြည်ပ မီဒီယာတိုင်းအတွက် ပြည်တွင်းတွင်အခြေစိုက် လုပ်ကိုင်သတင်းပေးပို့နေသည့် သတင်းထောက်များ ရှိသော်လည်း ထိုသူတို့၏ အန္တရာယ်မှာ ကြီးမားလှသည်။

"အခုက ပြည်တွင်းမှာ ကင်မရာကိုင်တဲ့သူဆိုရင်ကို စိတ်မချရတော့ဘူး။ နောက်က တကောက်ကောက် လိုက်စောင့် ကြည့်နေတာ" ဟု DVB ၏ အယ်ဒီတာချုပ် ဦးအေးချမ်းနိုင်က ပြောပြသည်။

ဆက်လက်၍ ၎င်းက အာဏာပိုင်များအနေနှင့် ပြည်တွင်းမှ သတင်းများ ပြည်ပသို့မရောက်ရှိနိုင်ရန် နည်းမျိုးစုံနှင့် တားဆီးပိတ်ပင်သော်လည်း မီဒီယာများက ကမ္ဘာကသိအောင် လုပ်ပေးနိုင်နေဆဲဖြစ်သည်ဟု ဆိုသည်။

မဇ္ဇျိမ သတင်းဌာန၏ လက်ထောက်အယ်ဒီတာ ကိုမုံပီးကလည်း "ပြည်တွင်းက ကျနော်တို့သတင်းထောက်တွေရဲ့ လုံခြုံရေးက အရမ်းကိုအရေးကြီးလာတယ်။ သူတို့က လုံခြုံရေးကိုငဲ့နေရတော့ စိတ်ရှိလက်ရှိ သတင်း မလိုက်နိုင် ကြဘူးပေါ့" ဟု ပြောပြသည်။

ပြည်ပမီဒီယာများတွင် အလုပ်လုပ်နေသည့် သတင်းသမားအားလုံးလိုလို ကြုံတွေ့ရသည့် ပြဿနာတခုမှာ နေထိုင်ခွင့် ဗီဇာဖြစ်သည်။ အများစုမှာ မြန်မာနိုင်ငံကူးလက်မှတ်နှင့် တခြား နိုင်ငံရေးနှင့်ပတ်သက်သည့် နိုင်ငံကူး လက်မှတ်များ တရားဝင်ကိုင်ဆောင်ထားကြသော်လည်း ၎င်း နိုင်ငံကူးလက်မှတ် ရှင်သန်နေရန် ၃ လတခါ ပြည်ပနိုင်ငံများသို့ ထွက်ခွာပြနေရသည်။

တရားဝင် ပတ်စ်ပို့ မကိုင်ဆောင်ထား သူတို့မှာမူ ခရီးတိုထွက်ရန်ပင် ခက်ခဲပြီး နေ့စဉ် သက်ဆိုင်ရာ နိုင်ငံအာဏာပိုင်များ၏ ဖမ်းဆီးမှုရန်မှ ကင်းဝေးရန် ရှောင်တိမ်းနေကြရသည်။ တချို့မှာ တတိယနိုင်ငံသို့ထွက်ပြီး တရားဝင် နေထိုင်ခွင့်ရရန် ကြိုးပမ်းကြရသော ကြောင့် အနည်းဆုံး သုံး၊ လေး၊ ငါး နှစ်ခန့် မိမိမီဒီယာကို စွန့်ခွာကြရသည်။

ငွေကြေးမရေရာမှုသည်လည်း ပြည်ပမီဒီယာများကြုံတွေ့ရသည့် အခက်အခဲထဲတွင် ပါဝင်သည်။ ၎င်းမီဒီယာများ အားလုံးမှာ စီးပွားဖြစ် မဟုတ်သော မီဒီယာများဖြစ်နေပြီး ထောက်ပံ့ငွေကြေး (Funding) ချပေးသည့် အဖွဲ့အစည်းများပေါ်တွင်သာ တည်မှီ လုပ်ကိုင်နေကြရသဖြင့် နှစ်စဉ် ငွေကြေးအခက်အခဲနှင့် ရင်ဆိုင်ရသည့် မီဒီယာများရှိသည်။ ယခု ကာလကဲ့သို့ ကမ္ဘာ့စီးပွားရေး ကပ်ဆိုက်ချိန်တွင် ထောက်ပံ့ငွေဖြင့် ရပ်တည်နေရသော မီဒီယာ အဖွဲ့အစည်းများ မျက်ခုံးလှုပ်ရသည့် ကာလဖြစ်သည်။

"ပိုက်ဆံကတော့ ကျနော်တို့အတွက် စိန်ခေါ်မှုတရပ်ပေ့ါဗျာ။ ဒါပေမယ့် ၂၀၀၈ ခုနှစ်ထဲမှာ လုံးဝ ရပ်သွားရ လောက်အောင်ထိတော့ မကြုံခဲ့ရပါဘူး" ဟု ကိုမုံပီးက ပြောပြသည်။

ဆက်လက်၍ သူက မဇ္ဇျိမ သတင်းဌာနသည် ငွေကြေးကို အလှူရှင်များပေါ်တွင် အမှီပြုနေရသော်လည်း မဇ္ဇျိမ၏ အယ်ဒီတာ့ အာဘော် အပေါ်သို့ အလှူရှင်များလွှမ်းမိုးသည်ကိုမူ လက်မခံကြောင်း ပြောသည်။

"သူတို့ဘက်က သတင်းဦးသတင်းထူး မို့လို့ ပြောပြတာမျိုးတွေတော့ ရှိပါတယ်။ ဒါပေမယ့် မဇ္ဇျိရဲ့ အယ်ဒီတိုရီရယ် ပေါ်လစီက လွတ်လပ်မှုရှိရမယ် ဆိုတာ အစောကြီးကတည်းက ကြေညာထားတယ်။ အလှူရှင် တွေအနေနဲ့ စွက်ဖက်တာမျိုးမရှိပါဘူး" ဟု သူက ဆိုသည်။

ပြည်ပအခြေစိုက် တိုင်းရင်းသား မီဒီယာများအနေနှင့်လည်း အခက်အခဲများစွာ ရှိနေသည်။ မွန်တိုင်းရင်းသား သတင်းဌာန တခုဖြစ်သော လွတ်လပ်သောမွန်သတင်းအေဂျင်စီ၏ အယ်ဒီတာချုပ် နိုင်ကဆော့မွန်က ၎င်းတို့အတွက် အကြီးမားဆုံး အခက်အခဲမှာ သတင်းထောက်များကို ငွေကြေးလုံလောက်စွာ မထောက်ပံ့နိုင်ခြင်း ဖြစ်သည်ဟု ဆိုသည်။

"ကျနော်တို့ တိုင်းရင်းသား မီဒီယာအဖွဲ့တွေက တိုးတက်မှုရှိပါတယ်။ ဒါပေမယ့် ဈေးကွက်ရဖို့ တော်တော် လေးကို ခက်ခဲတယ်" ဟု သူက ဆက်ပြောသည်။ ၎င်းတို့ဆက်လက် ရပ်တည်ရေးမှာ အလှူရှင်များ အပေါ်တွင် များစွာ မူတည်လျှက်ရှိကြောင်း ပြောပြသည်။

၎င်းတို့အတွက် နောက်ထပ် အခက်အခဲတခုမှာ သတင်းထောက်များအတွက် လုံခြုံရေး ပြဿနာဖြစ်သည်။ မွန် တိုင်းရင်းသား သတင်းထောက် အများစုမှာ ထိုင်း-မြန်မာ နယ်စပ်တွင် နေထိုင်လှုပ်ရှားနေရပြီး ထို သတင်း ထောက်များကို စစ်အစိုးရနှင့် လက်နက်နှင့် ငြိမ်းချမ်းရေးလဲလှယ်ထားသည့် မွန်ပြည်သစ်ပါတီသာမက မြန်မာ စစ်တပ်ကပါ သိရှိနေသဖြင့် စွန့်စားသတင်းရယူနေရကြောင်း နိုင်ကဆော့မွန်က ဆိုသည်။

မွန်ပြည်သစ်ပါတီနှင့် မြန်မာစစ်တပ်ကို ဝေဖန်ရေးသားသည့် တချို့သော ၎င်း၏ သတင်းထောက်များကို မွန်ပြည်သစ်ပါတီဝင်တချို့က လုပ်ကြံသတ်ဖြတ်မှုများပင် ရှိသည်ဟု ဆက်ပြောသည်။

ရှမ်းတိုင်းရင်းသား သတင်းဌာန တခုဖြစ်သော သျှမ်းသံတော်ဆင့် သတင်း ဌာနကမူ ၂၀၀၈ ခုနှစ်အတွင်း ငွေကြေးပြတ်တောက်မှု ပြဿနာအပြင် ဆက်သွယ်ရေးနှင့် ပတ်သက်သည့် ပြဿနာကိုပါ ကြုံတွေ့ခဲ့ရသည်ဟု ၎င်းသတင်းဌာန၏ အယ်ဒီတာ တဦးဖြစ်သူ ဦးခွန်စိုင်းဂျန်ရေက ပြောသည်။

၂၀၀၈ ခုနှစ် မေလအတွင်းက ၎င်းတို့ သတင်းဌာနအနေနှင့် နာဂစ်ဆိုင်ကလုန်း မုန်တိုင်းနှင့် ပတ်သက်သည့် သတင်းများ၊ အခြေခံဥပဒေဆန္ဒခံယူပွဲနှင့် ပတ်သက်သည့် သတင်းများကို ဆက်သွယ်ရေး ပြဿနာကြောင့် အချိန်နှင့်တပြေးညီ ဖော်ပြရန် ခက်ခဲခဲ့သည်ဟု သူက ဆိုသည်။

အလားတူ ကရင်တိုင်းရင်းသား သတင်းဌာနဖြစ်သည့် ကရင်သတင်းဌာန (ကေအိုင်စီ) သည်လည်း ငွေကြေး အခက်အခဲနှင့် လူသား အရင်းအမြစ် ရှားပါးမှု ပြဿနာကို ကြုံတွေ့ခဲ့ရကြောင်း ၎င်းအဖွဲ့၏ အယ်ဒီတာ နန်းဖောဂေက ပြောပြသည်။

ကျွမ်းကျင်မှုရှိပြီး အတွေ့အကြုံရှိသည့် တိုင်းရင်းသား သတင်းထောက်များသည် မိခင် သတင်းအေဂျင်စီများကို စွန့်ခွာကာ လစာကောင်းစွာ ပေးနိုင်သည့် နာမည်ကြီး သတင်းဌာနကြီးများသို့ သွားရောက်အမှုထမ်းကြသဖြင့် လူသားအရင်းအမြစ် ရှားပါးမှု ပြဿနာကို ကြုံတွေ့ရခြင်း ဖြစ်ကြောင်း နန်းဖောဂေးက ရှင်းပြသည်။

ကရင်တိုင်းရင်းသား သတင်းသမားကောင်းများစွာ ရှိနေသော်လည်း ထိုသူတို့ကို လုံလောက်စွာ ထောက်ပံ့ပေး နိုင်ခြင်း မရှိသောကြောင့် ၎င်းတို့၏ သတင်းဌာနကို အခက်အခဲများစွာဖြင့် ဆက်လက် ရုန်းကန်နေရသည်ဟု ဆိုသည်။

ပြည်ပရောက် တိုင်းရင်းသား မီဒီယာများအားလုံးက လူသားအရင်းအမြစ် ရှားပါးမှု ကို ကြီးမားသည့် အခက်အခဲအဖြစ် သဘောတူညီကြပြီး ငွေကြေး မလုံလောက်မှုမှာ ၎င်းတို့အတွက် စိန်ခေါ်မှုတရပ် ဖြစ်သည်ဟု ပြောကြသည်။

ယခုအခါတွင် ပြည်တွင်း၊ ပြည်ပရှိ ဘလော့ဂါများသည်လည်း မီဒီယာတာဝန်ကို တစိတ်တပိုင်း ထမ်းဆောင် သူများ ဖြစ်နေပေပြီ။ ပြည်တွင်းရှိ ဘလော့ဂါများ ၂၀၀၈ ခုနှစ်အတွင်း ကြုံတွေ့ရသည့် အခက်အခဲမှာ အင်တာနက် လွတ်လပ်စွာ သုံးစွဲခွင့် မရရှိခြင်း ဖြစ်သည်။

[ပြန်ကြားရေးဝန်ကြီး ဗိုလ်မှူးချုပ်ကျော်ဆန်းကို နေပြည်တော်ရှိ သတင်းစာ ရှင်းလင်းပွဲ တခုတွင် စာနယ်ဇင်း သမားများနှင့်အတူ တွေ့ရစဉ် (ဓာတ်ပုံ - AFP)]

အာဏာပိုင်များက အင်တာနက် သုံးစွဲခွင့်ကို နည်းမျိုးစုံဖြင့် ပိတ်ဆို့မှုများ ပြင်းပြင်းထန်ထန် ပြုလုပ်လျှက်ရှိရာ ပြည်တွင်းမှ ဘလော့ရေးနေသူများ ဒုက္ခရောက်ကြရသည်။

"၂၀၀၈ နှစ်ကုန်ခါနီးလောက်မှာ ကိုယ့်ဘလော့ကိုတောင် ဝင်ကြည့်လို့မရအောင်ဖြစ်တယ်။ စိတ်ပျက်ရတယ်" ဟု ရန်ကုန်အခြေစိုက် ဘလော့ဂါတဦးက ပြောပြသည်။

ပြည်တွင်းရှိ ဘလော့ဂါများမှာ အာဏာပိုင်များ၏ အာရုံစိုက်မှုမှ ကင်းလွတ်အောင် ရှောင်ရှားရသည့် ပြဿနာ လည်းရှိသေးသည်။ ၂၀၀၇ ခုနှစ်က အဖမ်းအဆီးခံခဲ့ရသော ဘလော့ဂါ နေဘုန်းလတ်က ဥပမာတခုဖြစ်သည်။ ဘလော့ဂါနေဘုန်းလတ်ကို ၂၀၀၈ ခုနှစ်အတွင်း ထောင်ဒဏ် အနှစ် ၂၀ ချမှတ်ခဲ့သည်။

ပြည်ပတွင် အခြေစိုက်နေရသည့် မီဒီယာသမားများအနေနှင့် ငွေကြေးအခက်အခဲနှင့် အယ်ဒီတိုရီရယ် ပေါ်လစီ အရပါ လွတ်လွတ်လပ်လပ် ရပ်တည်ရန် ခက်ခဲနေဆဲဖြစ်သည်ဟု ကိုကျော်စွာမိုးက ပြောသည်။

"ကျနော်တို့ ဂျာနယ်လစ်တွေကိုယ်တိုင်ကိုကပဲ စာနယ်ဇင်းရဲ့ ရန်သူဖြစ်သွားနိုင်ပါတယ်။ ဘာကြောင့်လဲ ဆိုတော့ စာနယ်ဇင်းသမား ပီပီသသနဲ့ အမှန်တရားကို ဖော်ထုတ်ဖို့ ဝတ္တရားရယ် သူတို့ရဲ့ တာဝန်အရ ပြည်သူကို အလုပ်အကျွေးပြုဖို့ရယ် အဲဒီ ၂ ချက်ကို ယုံယုံကြည်ကြည် စွဲစွဲမြဲမြဲ ကိုင်မထားနိုင်ရင် ကိုယ်ကိုယ်တိုင်ကပဲ ကိုယ့်ရဲ့ရန်သူ ပြန်ဖြစ်သွားနိုင်ပါတယ်" ဟု သူက ဆိုသည်။

ပြည်တွင်း၊ ပြည်ပရှိ မီဒီယာများအားလုံးမှာ အခက်အခဲ အနည်းနှင့်အများ ဆိုသလို ကြုံတွေ့နေရသော်လည်း သတင်းများကို ပြည်သူလူထုလက်ဝယ် ရောက်ရှိရေးအတွက် ကြိုးစားနေကြသူများချည်းသာ ဖြစ်သည်။ သို့ရာတွင် မြန်မာစစ်အစိုးရ၏ အထီးကျန်ဝါဒ ကိုင်စွဲထားမှုကြောင့် မြန်မာပြည်သူလူထုအနေနှင့် လွတ်လပ်သည့် သတင်းမီဒီယာများကို ဆုံးရှုံးနေရဆဲဖြစ်သည်။

"ကျနော်တို့ဘက်ကတော့ လုပ်စရာရှိတာဆက်လုပ်ရမှာပဲ။ နအဖအနေနဲ့ ဘယ်လိုပဲတားဆီး တားဆီး သတင်း စီးဆင်းမှုတွေကို သူတို့ မပိတ်ဆို့နိုင်ပါဘူး။ ခုလို နည်းပညာတွေ တိုးတက်နေတဲ့ ခေတ်ကြီးမှာ ပိုလို့တောင် မတားဆီးနိုင်တော့ဘူးဆိုတာ ယုံကြည်ပါတယ်" ဟု ဦးအေးချမ်းနိုင်ကပြောသည်။

ပြည်တွင်း၌ သတင်းလွတ်လပ်ခွင့် မရှိခြင်းက စစ်အစိုးရ၏ လူ့အခွင့်အရေး ချိုးဖောက်နေမှုများကို ဖုံးကွယ်ပေး နေယုံမျှမက ကုလသမဂ္ဂအပါအဝင် အန်ဂျီအိုများ၊ အတိုက်အခံများ၏ အဂတိလိုက်စားမှု စသော ချိုးဖောက်နေမှုများကိုပါ ပြည်သူလူထု မမြင်သာအောင် ဖုံးပေးနေသကဲ့သို့ ဖြစ်နေသည်။

"မီဒီယာဆိုတာ ပြည်သူလူထုအတွက် မျက်စိနဲ့ နားတွေပဲ။ အဲဒီလိုပဲ မြန်မာအာဏာပိုင်တွေ အတွက်လည်း မျက်စိနဲ့ နားတွေ ဖြစ်သင့်တယ်။ စစ်အစိုးရက မီဒီယာကို ရန်သူလို သဘောထားနေသရွေ့တော့ ပြည်တွင်းမှာ သတင်းလွတ်လပ်ခွင့် ဆိုတာ ရှိမှာမဟုတ်ဘူး" ဟု VOA မြန်မာပိုင်းဌာနမှူး ဦးသန်းလွင်ထွန်းက ဆိုသည်။

၂၀၀၈ ခုနှစ်အတွင်း အထိမ်းသိမ်းခံခဲ့ရသည့် သတင်းသမားများ

[ဦးသက်ဇင်]

ဦးသက်ဇင်
ဦးသက်ဇင်၊ ၄၂ နှစ်
အယ်ဒီတာ (မြန်မာနေးရှင်း အပတ်စဉ်ဂျာနယ်)
ထောင်ဒဏ် ၇ နှစ် (ရန်ကုန် အင်းစိန်ထောင်)
သင်္ဃန်းကျွန်း တရားရုံးတွင်အမှုစစ်သည်။ အာဏာပိုင်များက ၎င်း၏ ဂျာနယ် ရုံးခန်းကို ဝင်ရောက် ရှာဖွေခဲ့ရာ ၂၀၀၇၊ စက်တင်ဘာ အရေးတော်ပုံလှုပ်ရှားမှု ဓာတ်ပုံများ ပါဝင်သည့် စီဒီအချပ်များ တွေ့ရှိသောကြောင့် ဖမ်းဆီးအရေးယူခဲ့ခြင်း ဖြစ်သည်။

ကိုကျော်ကျော်သန့်
အလွတ်သတင်းထောက်
ထောင်ဒဏ် ၇ နှစ် (ရန်ကုန်အင်းစိန်ထောင်)
နာဂစ်ဆိုင်ကလုန်း ဒုက္ခသည်များကို သွားရောက်လှူဒါန်းရာတွင် ပါဝင်ခဲ့ပြီး အဖမ်းခံခဲ့ရသည်။

[ဦးစိန်ဝင်းမောင်]

ဦးစိန်ဝင်းမောင်
ဦးစိန်ဝင်းမောင်
မန်နေဂျာ (မြန်မာနေးရှင်း အပတ်စဉ်ဂျာနယ်)
ထောင်ဒဏ် ၇ နှစ် (ရန်ကုန် အင်းစိန်ထောင်)
ဦးသက်ဇင်နှင့်အတူ ဖမ်းဆီးခံရကာ ထောင်ချခံရခြင်းဖြစ်သည်။

ကိုသန့်ဇင်အောင်
ဓာတ်ပုံသတင်းထောက်
ထောက်ဒဏ် ၁၈ နှစ် (ရန်ကုန် အင်းစိန်ထောင်)
နာဂစ်ဆိုင်ကလုန်း နှင့်ပတ်သက်သည့် မှတ်တမ်း ဗီဒီယို၊ ဓာတ်ပုံများကို ထိုင်းနိုင်ငံသို့ ယူဆောင်သွားစဉ် မင်္ဂလာဒုံလေဆိပ်၌ အဖမ်းခံခဲ့ရသည်။

[မအိမ့်ခိုင်ဦး]

မအိမ့်ခိုင်ဦး
မအိမ့်ခိုင်ဦး၊ ၂၄ နှစ်
သတင်းထောက် (အီကိုဗစ်ရှင်း အပတ်စဉ်ဂျာနယ်)
ထောင်ဒဏ် ၂ နှစ် (ရန်ကုန် အင်းစိန်ထောင်)
နာဂစ်ဆိုင်ကလုန်း ဒုက္ခသည်များကို သွားရောက်လှူဒါန်းရာတွင် ပါဝင်ခဲ့ပြီး အဖမ်းခံခဲ့ရသည်။

ကိုထွန်းထွန်းသိန်း
သတင်းထောက် (News Watch ဂျာနယ်)
ထောင်ဒဏ် ၃ လ (ရန်ကုန် အင်းစိန်ထောင်)
၎င်း ဂျာနယ်တွင် တရားသူကြီးလာဘ်စားသည့် သတင်းရေးမှုဖြင့် နိုဝင်ဘာ ၅ ရက်နေ့တွင်အဖမ်းခံခဲ့ရသည်။

ဦးခင်မောင်အေး
အယ်ဒီတာ (စောင့်ကြည့် ဂျာနယ်)
ထောင်ဒဏ် ၃ လ (ရန်ကုန် အင်းစိန်ထောင်)
ကိုထွန်းထွန်းသိန်းရေးသည့် တရားသူကြီး လာဘ်စားမှုသတင်းကို ထည့်သွင်း ဖော်ပြသောကြောင့် နိုဝင်ဘာ ၅ ရက်နေ့တွင် အဖမ်းခံခဲ့ရသည်။

ဦးအောင်သွင် (ခ) ဦးအောင်ကြီး
အလွတ်သတင်းထောက်
ထောင်ဒဏ် ၂ နှစ် (ရန်ကုန် အင်းစိန်ထောင်)
(အဖမ်းခံရသည့် အကြောင်းရင်း မသိရှိရ)

[ဦးဇော်သက်ထွေး ]

ဦးဇော်သက်ထွေး
ဦးဇော်သက်ထွေး
အားကစား စာရေးဆရာ။ First Eleven ဂျာနယ်၏ အယ်ဒီတာဟောင်း
ထောင်ဒဏ် ၁၉ နှစ် (ရန်ကုန် အင်းစိန်ထောင်)
နာဂစ်ဆိုင်ကလုန်းဒုက္ခသည်များကို ကိုဇာဂနာနှင့်အတူ သွားရောက်လှူဒါန်းမှုများ ပြုလုပ်ခဲ့ပြီး နောက် အဖမ်းခံခဲ့ရသည်။

ဦးအောင်ကျော်ဆန်း
အယ်ဒီတာချုပ် (မြန်မာထရီဗြွန်း အပတ်စဉ်ဂျာနယ်)
ချုပ်ရက် ၆ လကျော်ကြာသည်ထိ အမိန့်မချသေး
နာဂစ်ဆိုင်ကလုန်းကြောင့် သေဆုံးသွားသည့် လူသေအလောင်းများကို ကိုယ်ထူကိုယ်ထ မြှုပ်နှံပေးခဲ့ပြီးနောက် အဖမ်းဆီးခံခဲ့ရသည်။

------------------------------------------------------------------------------
SOURCE: http://www.irrawaddy.org/bur/index.php?option=com_content&view=article&id=601:2009-01-15-11-38-54&catid=2:article&Itemid=14

Please Answer the Following Questions!

သင့်...ဗဟုသုတ မည်မျှ ရှိပါသနည်း
- ယမထာ -

အောက်ပါမေးခွန်းများကို မှန်လျှင် (မှန်)၊ မှားလျှင် (မှား) သင့်အတွေ့အကြုံ၊ အသိစိတ်ဖြင့် ဖြေဆိုပါရန်

၁။ မေတ္တာသုတ်ရွတ်ခြင်းသည် သာသနာကို ညှိုးနွမ်းစေ၏ ။ (မှန်/ မှား)

(ဥပမာ- မြတ်စွာဘုရားသည် တရားအားထုတ်ရန် မဟာဝုန်တောသို့ ၀င်ရောက်သွားကြသော ရဟန်းတော် (၅၀၀)အား ဘီလူးကြမ်းများ၊ သရဲများရန်မှ ကာကွယ်နိုင်ပြီး ငြိမ်းချမ်းစွာ တရားအားထုတ်နိုင်ရန် မေတ္တာသုတ်ကို ဟောကြားခဲ့၏။ ထို့ကြောင့် ဗုဒ္ဓသည် သာသနာကို ညှိုးနွမ်းစေသူလော။)

၂။ `လူအချင်းချင်း နှိပ်စက်ခြင်း ကင်းရှင်းကြပါစေ´ မေတ္တာပို့ခြင်းသည် တိုင်းပြည်ငြိမ်ဝပ်ပိပြားရေးကို နှောက်ယှက်သည်။ (မှန်/ မှား)

(ဥပမာ- ရေကိစ္စဖြင့် သတ်ဖြတ်ကြတော့မည့် ကောလိယနှင့် သာကိယ နှစ်ပြည်ထောင် ခိုက်ရန်မဖြစ်ကြရန် ဗုဒ္ဓသည် မဟာသမယသုတ်ဖြင့် လူအချင်းချင်း မနှိပ်စက်ရန် ဟောပြဆုံးမခဲ့၏။ ထို့ကြောင့် ငြိမ်းချမ်းရေးရ၏။ ဗုဒ္ဓသည် တိုင်းပြည်ငြိမ်ဝပ်ပိပြားရေးကို နှောက်ယှက်သူလော။)

၃။ ဆွမ်းလောင်းသင်း တည်ထောင်ခြင်းသည် နိုင်ငံတော်အစိုးရကို အကြည်ညိုပျက်စေသည်။ (မှန်/ မှား)

(ဥပမာ- ဘာသာခြားအင်္ဂလိပ်မင်းများ အုပ်စိုးစဉ်က ဘာသာ၊ သာသနာကို စောင့်ရှောက်ချီးမြှောက်မှု နည်းပါးခဲ့၏။ ထို့ကြောင့် ကျွန်ုပ်တို့မြန်မာလူမျိုးများ ကိုယ့်ဘာသာ၊ သာသနာအတွက် အသင်း၊ အဖွဲ့များ ဖွဲ့စည်း၍ တပိုင်တနိုင် စောင့်ရှောက်ခဲ့ကြ၏။ ထိုအဖွဲ့အစည်းတို့မှ ဗုဒ္ဓကလျာဏယုဝအသင်းကြီးသည် ယခုတိုင် ထင်ရှား၏။ ထို့ကြောင့် ဗုဒ္ဓဘာသာ ကလျာဏယုဝအသင်းကြီးသည် အစိုးရ အကြည်ညိုပျက်စေသော အသင်းကြီးလော။)

၎။ ကြံ့ခိုင်ရေး အသင်းကြီးသည် သာကူးတို့၏ အသင်းဖြစ်သည်။ (မှန်/ မှား)

(ဥပမာ- မန္တလေးတိုင်း ကြံ့ဖွံ့ခေါင်းဆောင် ရမ်စိန်မြင့်သည် တစ်ချိန်က (အခါအခွင့်သာစဉ်က) ဒေါ်စု၏ NLD-မန္တလေးမှ တက်ကြွသော ခေါင်းဆောင်တစ်ဦး ဖြစ်ခဲ့သည်။ ယခုအခြေအနေတွင် ငရမန်စိန်မြင့်သည် ကြံ့ဖွံ့အမာခံဖြစ်၍ နေပေပြီး ဒေါ်စုနှင့် ငရန်မန်စိန်မြင့်တို့ ပဒုမ္မာခန်းမတွင် တွဲရိုက်ထားသော ဓာတ်ပုံ ကျွန်ုပ်တို့ထံတွင် ရှိသည်။)

၅။ စွမ်း/အားအဖွဲ့သို့ ခေါင်းမရှိသော လူလေလူလွင့်များသာ ၀င်သည်။ (မှန်/ မှား)

(ဥပမာ- စွမ်းအားရှင်များ စည်းရုံးသိမ်းသွင်းပုံမှာ ရပ်ကွက်တွင်း ကျူးကျော်တဲများ၌ နေထိုင်သူများကို စွမ်းအားတွင်း မ၀င်လျှင် မနေရဟု ရယက အမိန့်ဖြင့် ၀င်ရောက်စေသည်။ ကြာရိုးကိုကြည့်၍ ရေ၏ အတိမ်အနက်ကို သိနိုင်သည် မဟုတ်တုံလော။)

၆။ နအဖ ခေတ်၌ ပညာမဲ့များနှင့် ဘိန်းမှောင်ခိုများ အရာရောက်သည်။ (မှန်/ မှား)

(ဥပမာ- အေးရှားဝါးလ် ကုမ္ပဏီပိုင်ရှင် လောစစ်ဟန် ရှု။)

၇။ နအဖသည် သားသတ်သမားများဖြင့် ဖွဲ့စည်းထားသည်။ (မှန်/ မှား)

(ဥပမာ- မြို့ရော/တောပါမကျန် သားသတ်လိုင်စင်ကို နိုင်ငံတော်မှ နှစ်စဉ် ဈေးပြိုင်စနစ်ဖြင့် တရားဝင် တင်ဒါချပေးနေသည်။)

ယမထာ

You received this email because you are subscribed to the real_time feed for http://bigbbrown.blogspot.com/feeds/posts/default. To change your subscription settings, please log into RSSFWD.

[ညီလင်းသစ်] 3 New Entries: သားကလေး, Johanna နှင့် baby-sitting

သားကလေး, Johanna နှင့် baby-sitting

ပြီးခဲ့တဲ့ စနေနေ့က သားကလေးရဲ့ဘဝမှာ ပထမဦးဆုံးအကြိမ် baby-sitting ဆိုတာကို မြည်းစမ်းခွင့်ရတယ်၊ အခု ၁၆ လသားအရွယ်အထိ သားက အဖေ၊အမေကလွဲရင် အဖွားတို့အဒေါ်တို့နဲ့ပဲ နေဖူးသေးတယ်၊ ကျနော်တို့ အလုပ်သွားတဲ့အချိန် တစ်ပတ်မှာ ၂ ရက် အမေဖက်က အဖွားက ထိန်းပေးတယ်၊ အဖွားကိုတော့သူ ကောင်း ကောင်းသိနေပြီ၊ သူ့ကို အဖွားအိမ်မှာ ထားခဲ့ရင် ပျော်ပျော်ရွှင်ရွှင်ပဲ နေခဲ့တယ်၊

အခု baby-sitting ကတော့ သူ့အတွက် မိသားစုဝင် မဟုတ်တဲ့သူတစ်ယောက်နဲ့ ပထမဦးဆုံးအကြိမ် နေရခြင်း ပါပဲ၊ ဒါပေမယ့် လာထိန်းပေးတဲ့ ကောင်မလေးက တခြားသူစိမ်းတော့ မဟုတ်ပါဘူး၊ ကျနော်တို့မိတ်ဆွေ လင်မယားရဲ့ သမီးလေးပါ၊ Johanna လို့ခေါ်တယ်၊ သူက သားကလေးကို သိပ်ချစ်တယ်၊ တစ်ရက်သူတို့အိမ် အလည်သွားကြရင်းနဲ့ မအိမ်သူက Johanna ကို ကလေးထိန်းပေးချင်လားလို့ ကျီစယ်ရင်းမေးလိုက်တယ်၊ Johanna ကပျော်သွားပြီး ချက်ချင်းပဲ ထိန်းပေးမယ်လို့ ပြန်ဖြေတယ်၊ ပြီးတော့ သူ့အမေကို လှမ်းကြည့်တော့ သူ့ အမေကလည်း သဘောတူတယ်လို့ လှမ်းပြောတယ်၊

အခုလို Johanna က သားကလေးကို ထိန်းပေးမယ်ဆိုတော့ ကျနော်တို့လည်း အပြင်သွားပြီး တခြားလုပ်စရာ တွေလုပ်လို့ရတယ်၊ သူ့အတွက်လည်း သားကလေးနဲ့ ကစားခွင့်ရမယ်၊ နေ့စဉ်ဘဝကနေ တမျိုးတဖုံ အပြောင်း အလဲဖြစ်မယ်၊ ပြီးတော့ သူ့ကိုယ်ပိုင်လုပ်အားခနဲ့ မုန့်ဖိုးရှာခွင့်ရမယ်လေ၊ တကယ်တော့ Johanna တို့မိသားစုက ချောင်ချောင်လည်လည်ထဲကပါ၊ သူ့မိဘတွေက ကလေးထိန်းလို့ ရမယ့်မုန့်ဖိုးလောက်ကို ကောင်းကောင်းပေး နိုင်ပါတယ်၊ ဒါပေမယ့် အခုလိုဆိုတော့ Johanna အတွက် သူကိုယ်တိုင်ရှာရတဲ့အခါ ငွေရဲ့တန်ဖိုးကို ပိုသိမယ်၊ ကျနော်တို့အတွက်လည်း ကူဖော်လောင်ဖက် ဖြစ်စေတယ်၊ သူ့မိဘတွေကလည်း ကျနော်တို့ကို ကူညီနိုင်လို့ ဝမ်းသာမယ်၊ သုံးဦး သုံးဖလှယ်အကျိုးရှိတဲ့ ကိစ္စပါပဲ၊

ရယ်စရာကောင်းတာ တခုက Johanna ဟာသားအတွက် ပထမဦးဆုံး မိသားစု ပြင်ပကလာတဲ့ ကလေးထိန်း ဖြစ်သလို သားဟာလည်း Johanna အတွက် ပထမဦးဆုံး မိသားစုပြင်ပမှာထိန်းရတဲ့ ကလေးပါ၊ ဒါပေမယ့် အားလုံး ချောချောမောမောပါပဲ၊ ကလေးအများစုရဲ့ ထုံးစံအတိုင်း သားကလေးဟာလည်း Johanna ကိုအကဲ ခတ်ရင်း သူကျွေးတဲ့ ထမင်းကိုစားလိုက်၊ သူသိပ်တဲ့အခါ အိပ်လိုက်၊ နိုးလာတော့ သူနဲ့ကစားလိုက်နဲ့...၊ ၁၂ နှစ် ဆိုတဲ့အရွယ်နဲ့ မလိုက်အောင်ပဲ Johanna က သားကလေးကို ပျော်ရွှင်အောင် ထားရင်း ထိန်းသွားခဲ့ပါတယ်။ ။

Le fiston, Johanna et baby-sitting

Notre fiston a connu ce que c'est un baby-sitting (la garderie) le samedi dernier. Jusqu'à maintenant, à l'âge de 16 mois, il n'avait l'habitude de rester qu'avec sa grand-mère et sa tante en nos absences. Pendant la semaine où on travaille, il passe 2 jours avec sa grand-mère maternelle qu'il connaît bien. On peut bien le laisser chez elle sans le moindre souci. Il y est content.

Le baby-sitting qu'il a connu maintenant, c'est pour la première fois avec quelqu'un en dehors de la famille. Mais, la baby-sitter n'est personne d'autre que la fille du couple d'amis à nous : Johanna. Elle aime bien notre fiston. Un jour, on leur a rendu visite chez eux et mon épouse a demandé à Johanna si elle voulait garder Alexy pour une fois. Et là...Johanna a tout de suite répondu ' oui ' d'un air très joyeux et tout en regardant sa maman. Sachant bien ce que sa fille voulait demander, la maman a donné son feu vert avec un grand sourire.

Ainsi, on pourrait aller dehors et faire ce qu'on a à faire. Pour Johanna, elle pourrait jouer avec Alexy et ça serait un petit changement dans la vie quotidienne. De plus, elle pourra avoir l'argent de poche, gagné de son propre effort. En fait, la famille de Johanna ne semble pas faire partie des gens qui ont la difficulté financière et certes, ses parents ont les moyens de lui offrir l'équivalent de l'argent de poche gagné par baby-sitting. Néanmoins, si elle est payée pour ce qu'elle a réellement fait, elle comprendra mieux la valeur du travail et de la récompense. Pour nous, ça serait un petit service non-négligeable. Quant à ses parents, ils seraient contents pour nous et fiers de leur fille. Que du bonheur pour tout le monde !

Ce qui est un peu drôle, c'est que pour notre fiston, Johanna est la première baby-sitter en dehors de la famille et vice versa, pour Johanna, Alexy est le premier enfant à garder en dehors de la famille. Mais, tout s'est très bien déroulé. Comme la majorité des enfants, notre fils a mangé ce que Johanna lui avait donné, s'est couché quand elle l'a mis au lit et a joué avec elle lors du réveil tout en observant et se posant des questions sur la personnalité de cette mignonne demoiselle qui était devant lui. Malgré ses 12 ans, Johanna a fait un travail remarquable dans la joie et la bonne humeur pour garder notre fiston unique bien aimé.

ညီလင်းသစ်
၁၇ ဇန်နဝါရီ၊ ၂၀၀၉

Snow...

Snow (1)

Canon EOS 450d, 18 mm, f/13, 1/400, ISO 200


Snow (2)

Canon EOS 450d, 28 mm, f/11, 1/200, ISO 200


Snow (3)

Canon EOS 450d, 63 mm, f/10, 1/250, ISO 200


Snow (4)

Canon EOS 450d, 35 mm, f/13, 1/250, ISO 200

ကျနော့်အနားက ကမ္ဘာ့စီးပွားပျက်ကပ်

ဒီနေ့အလုပ်မှာ Elena ဆိုတဲ့အမျိုးသမီးကြီးနဲ့ တွေ့တော့သူမျက်နှာမကောင်းတာ သတိထားမိတယ်၊ ဒါနဲ့မေးကြည့် တော့မနေ့က သူ့ယောက်ျားအလုပ် ပြုတ်သွားလို့တဲ့၊ မနက်ပိုင်း လုပ်နေကျ ဝန်ထမ်းအစည်းအဝေး မှာဆုံးဖြတ်ပြီး တခါတည်း ထုတ်လိုက်တာပါပဲ၊ သူ့ယောက်ျားက Karcher ဆိုတဲ့ high pressure သုံးရေပိုက်တွေ ထုတ်တဲ့ကုမ္ပဏီမှာ လုပ်နေခဲ့တာ ၁၀ နှစ်ကျော်လောက် ရှိနေပြီ၊ အခုတော့ ၃ လအ တွက်လစာနဲ့အတူ ခွင့် ၇ ပတ်ပေးလိုက်တယ်၊ အဲဒါပြီးရင်တော့ ပြန်လာစရာ မလိုတော့ဘူးတဲ့၊ မနှစ်ကတည်းက စ,လိုက်တဲ့ ကမ္ဘာ့စီးပွားရေးအကျပ်အတည်းကြောင့် ဝန်ထမ်းတွေ လျှော့ချတဲ့သတင်းတွေကို နေရာတိုင်းမှာ ကြားနေရတယ်၊ အခု Elena ရဲ့ယောက်ျားက အကြီးအကျယ်စိတ်တွေတိုပြီး တပြိုင်တည်းမှာ စိတ်ဓါတ်တွေကျ နေတယ်-တဲ့၊ သူ့အသက်က ၅၉ နှစ်ရှိပြီမို့ နောက်အလုပ်တစ်ခုကို လွယ်လွယ်နဲ့တွေ့ဖို့ မဖြစ်နိုင်တော့ပါဘူး၊ ဆွစ်ဇာလန်မှာ လုပ်သက်ပင်စင်က ၆၅ နှစ်ဆိုတော့ သူ့ကို တော်ရုံလူက ဘယ်ခန့်တော့မှာလဲ၊ အလုပ်လက်မဲ့ တွေကူညီစောင့်ရှောက်ရေး ရုံးမှာစာရင်းသွားသွင်းရင် တစ်နှစ်စာလောက်တော့ လစာရနိုင်ပါတယ်၊ ဒါပေမယ့် အဲဒါပြီးရင်တော့ ပြီးပြီဆိုတော့ သူစိတ်ဓါတ်ကျမယ်ဆိုလည်း ကျစရာပါပဲ၊

ကျနော့်မိတ်ဆွေတစ်ယောက်က အကြီးစားစက်မှုလုပ်ငန်းတစ်ခုက ဒါရိုက်တာအဆင့်ရှိသူ တစ်ယောက်ပါ၊ အခု ဝန်ထမ်းလျှော့ချရေးဂယက်ကြောင့် သူ့ရာထူးလည်း ခပ်လှုပ်လှုပ်လို့ပြောတယ်၊ ဒီစီပွားရေး အကျပ်အတည်းဟာ ကော်လာဖြူ၊ ကော်လာပြာဝန်ထမ်းတွေကအစ ကိုယ်ပိုင်စီးပွားရေးလုပ်နေသူတွေအလယ် တပိုင်တနိုင် အိမ်တွင်းမှုလေးတွေ လုပ်နေသူတွေအဆုံး အားလုံးကို အနည်းနဲ့အများ ထိခိုက်စေပါတယ်၊ ပုဂံညောင်ဦး မြင်းကပါ ဝက်ကြီးအင်းက လူတွေ မိရိုးဖလာ တစ်သက်လုံးလုပ်လာတဲ့ ယွန်းလုပ်ငန်းဘယ်လိုမှ အဆင်မပြေ တော့လို့ ဒီအတိုင်းထိုင်နေတဲ့လူကထိုင်၊ ရွှေကျင်တဲ့လူကကျင် ဖြစ်ကုန်တဲ့အကြောင်း သတင်းတစ်ပုဒ်မှာ ဖတ်ရ ပြန်တယ်၊ ကမ္ဘာဟာရွာကြီး တစ်ရွာဖြစ်လာခဲ့ပြီ ဆိုတော့ရွာဦးရဲ့ဂယက်ဟာ တစ်ရွာလုံးကိုရိုက်ခတ်စေတယ်၊ တစ်နိုင်ငံနဲ့တစ်နိုင်ငံ အပြန် အလှန်ဆက်သွယ်မှု ပုံစံသစ်တွေအရ ဘုန်းကြီးမှု ရွာပတ်တာပဲလို့ ပြောလို့မရတော့ ပါဘူး၊

ကျနော့်သူငယ်ချင်းဆန်းထွန်း စင်ကာပူမှာ အလုပ်လုပ်ဖို့ ပြီးခဲ့တဲ့ဒီဇင်ဘာလက ရောက်လာခဲ့တယ်၊ မူလလုပ်ဖို့ ရည်ရွယ်ထားတာက manpower field ထဲမှာပါ၊ ဒါပေမယ့် စီးပွားပျက်ကပ်ကြောင့် ထင်သလိုဖြစ်မလာတော့ ဘူး၊ အခုဒီကောင် ကျောင်းပြီးကတည်းက ချောင်ထိုးထားခဲ့တဲ့ အင်ဂျင်နီယာဘွဲ့ကို ပြန်ပြီးအရောင်တင်ဖို့ လုပ်နေရပြီ၊ တဆက်တည်းမှာ မြန်မာပြည်က ကျနော့်သူငယ်ချင်းတွေ၊ လုပ်ဖော်ကိုင်ဖက်ဟောင်းတွေကို သတိ ရမိတယ်၊ ရွှေဝါရောင်တော်လှန်ရေး ပြီးကတည်းက ကျသွားလိုက်တဲ့ tourism၊ ပြန်ထမယ်ကြံကာရှိသေး နာဂစ် ကရိုက်ချသွားပြန်တယ်၊ အခုတစ်ခါ ကမ္ဘာ့စီးပွားပျက်ကပ်...၊ တဖက်ကလည်း တစ်ရစ်ပြီးတစ်ရစ် ကျပ်လာတဲ့ စားဝတ်နေရေး...၊ ဆိုးဝါးပြီး ကံမကောင်းတဲ့နှစ်လို့ အများကယူဆကြတဲ့ ၂၀၀၈ အလွန်မှာ အားလုံးက ၂၀၀၉ ကိုမျှော်လင့်ချက်အပြည့်နဲ့ ကြိုဆိုကြတယ်၊ သူကကော...? တကယ်ပဲ ကံကောင်းခြင်းတွေ သယ်ဆောင်လာမှာ လား? လောလောဆယ်တော့ အဖျားရောဂါ အကြီးအကျယ်ခံစားခဲ့ရတဲ့ ဝေဒနာသည်တစ်ယောက်လို ခပ်ယဲ့ယဲ့ နဲ့ နာလန်ထလာဆဲပါပဲ၊

အလုပ်ကအိမ်ကိုအပြန်မှာ လေးလံလွန်းတဲ့ ဝန်ထုပ်ကြီးတစ်ခုကို ထမ်းပိုးထားရသလို ခြေလှမ်းတွေက မသွက် ချင်ဘူး၊ တော်ပါသေးရဲ့...တနင်္ဂနွေနေ့က ချက်ထားလို့ စားစရာအဆင်သင့် ရှိနေတယ်ဆိုပြီး အနည်းငယ် သက်သာရာ ရမိတယ်၊ ဒါပေမယ့် ဗိုက်မဆာတော့ဘူး၊ အပင်ပန်းခံ ချက်ထားတဲ့ ဟင်းတွေကရှေ့မှာ...။ ။

You received this email because you are subscribed to the real_time feed for http://nyilinnthit.blogspot.com/feeds/posts/default. To change your subscription settings, please log into RSSFWD.

[MYANMAR POLITICAL NEWS, ART AND IDEA] 2 New Entries: MEDIA FIGHTING

MEDIA FIGHTING

သတင်းသမားများ နှင့် ၂၀၀၈
Thursday, 15 January 2009 18:38 အေးချမ်းမြေ့
(ဧရာဝတီ မှ ကူးယူဖော်ပြသည်)

၂၀၀၈ ခုနှစ်တွင် ပြည်တွင်း ဂျာနယ်လစ်များ အနေနှင့် အာဏာ ပိုင်များ၏ ဖမ်းဆီး ထောင်ချ ခံရခြင်း၊ ခြိမ်းခြောက် ခံရခြင်းတို့ ကြုံတွေ့ ရင်ဆိုင်ခဲ့ ရသည်နှင့် တပြိုင် နက်တည်း ပြည်ပ (ထိုင်းနိုင်ငံ၊ အိန္ဒိယနိုင်ငံ) အခြေစိုက် မီဒီယာများသည်လည်း အင်တာနက် ဆိုက်ဘာတိုက်ခိုက်မှုဒဏ်ကို အပြင်းအထန်ခံခဲ့ရသဖြင့် မြန်မာဂျာနယ်လစ်များအတွက် အခက်အခဲများနှင့် ရောပြွမ်းနေသော နှစ်တနှစ်ဟု ဆိုရမည် ဖြစ်သည်။

ထို့ပြင် ၂၀၀၇ စက်တင်ဘာ ရွှေဝါရောင်တော်လှန်ရေးနှင့် ၂၀၀၈ မေလဆန်းက ဝင်ရောက်မွှေနှောက်ခဲ့သော နာဂစ် ဆိုင်ကလုန်းမုန်တိုင်းနှင့် ပတ်သက်သည့် သတင်းများ၊ ဆောင်းပါးများကို ပြည်တွင်း ပြည်ပရှိ မြန်မာ မီဒီယာများက အချိန်နှင့် တပြေးညီ ဆွဲထုတ် တင်ပြနိုင်ခဲ့သည့်အတွက် မြန်မာပြည်ကို နိုင်ငံတကာက ထူးထူးခြားခြား အာရုံစိုက်အောင် စွမ်းဆောင်နိုင်ခဲ့သည်။

တချိန်တည်းတွင် ပြည်တွင်းရှိ သတင်းသမားများကို အာဏာပိုင်များက တင်းကျပ်စွာစောင့်ကြည့်ခဲ့သည်။ ၂၀၀၈ ခုနှစ်အတွင်းတွင် ဖမ်းဆီးခံရသည့် မီဒီယာသမား ၁၁ ဦးရှိပြီး ၉ ဦးမှာ ထောင်ချခံရသည်။ ကျန် ၁ ဦးကို ချုပ်ရက် ၆ လကျော်ကြာသည့်တိုင် စီရင်ချက် မချသေးပေ။

ကံကောင်းထောက်မစွာဖြင့် ပြည်တွင်း၌ ဂျာနယ်လစ်များ အသတ်ခံရသည်ဟူသော သတင်းမျိုးတော့ မကြားရပါ။ အီရတ်၊ ဆိုမာလီနှင့် အာဖဂန်နစ္စတန်တို့ရှိ သတင်းထောက်များထက် စာလျှင် တော်သေးသည်ဟု ဆိုရမည် ဖြစ်သည်။

ပြည်တွင်းရှိ သတင်းသမားများအတွက် အကြီးမားဆုံးသော အခက်အခဲမှာ စာပေစိစစ်ရေးနှင့် အပတ်စဉ် ရင်ဆိုင်နေရ ခြင်းဖြစ်သည်။ စာပေစိစစ်ရေးနှင့် ရင်ဆိုင်ရာတွင် ပုံစံမတူ မူကွဲများနှင့် ကြုံတွေ့ ကြရသည်။ ဥပမာ - ဒေါ်အောင်ဆန်းစုကြည်ဓာတ်ပုံကို တနင်္လာ၊ အင်္ဂါတွင်ဖြန့်ချိသည့် ဂျာနယ်တချို့တွင် ခွင့်ပြု ခဲ့ပြီးမှ နောက်ပိုင်းရက်ထွက်မည့် ဂျာနယ်များတွင် ထည့်ခွင့်ပိတ်ပင်လိုက်ခြင်းမျိုး ဖြစ်ဖူးကြောင်း ရန်ကုန် အခြေစိုက် သတင်းဂျာနယ် အယ်ဒီတာတဦးက ပြောပြသည်။

စိစစ်ရေး၏ မူဝါဒကို လိုက်နာခြင်းမရှိဟုဆိုကာ ဂျာနယ်အပိတ်ခံရခြင်း၊ ဂျာနယ်တိုက်ဝန်ထမ်းများကို ဖိအားပေး နုတ်ထွက်ခိုင်းခြင်းများ ရှိသည်။ ၂၀၀၈ နှစ်ဆန်းပိုင်းကာလက မြန်မာတိုင်းမ်စ် ဂျာနယ်တွင် ဖော်ပြခဲ့သော ဂြိုဟ်တု စလောင်း သတင်းကြောင့် အယ်ဒီတာများဖြစ်သော မနွယ်နွယ်အေး ဦးမြင့်စိုး၊ ကိုဝင်းညွန့်လွင် နှင့် သတင်း ထောက်ချုပ် ကိုဝင်းကျော်ဦးတို့ကို ဖိအားပေး နုတ်ထွက် ခိုင်းခဲ့သည်။ ချယ်ရီမဂ္ဂဇင်းမှ အယ်ဒီတာ တဦးလည်း အလားတူ နုတ်ထွက်ပေးခဲ့ရသည်။

သစ္စာ (True News) အပတ်စဉ် ဂျာနယ်သည် ထိုင်းနိုင်ငံဖူးခက်နယ်ရှိ ဆောက်လုပ်ရေး လုပ်ငန်းခွင်တခုမှ မြန်မာကလေး အလုပ်သမားဓာတ်ပုံကို ဖော်ပြခဲ့သောကြောင့် ထုတ်ဝေခွင့် ၁ လ ပိတ်ပင်ခံခဲ့ရပြီး အက်ရှင်တိုင်းမ်စ် ဂျာနယ်မှာ အမျိုးသားဒီမိုကရေစီ အဖွဲ့ချုပ်ခေါင်းဆောင် ဦးဝင်းတင်သတင်းကို အသေးစိတ် ဖော်ပြခဲ့သောကြောင့် ၂ လ ပိတ်ခံခဲ့ရသည်။ ပိတောက်ပွင့်သစ် မဂ္ဂဇင်းသည်လည်း အိုးဝေဦးညိုမြနှင့်ပတ်သက်၍ မျက်နှာဖုံးသတင်း ဆောင်းပါး ရေးသားခဲ့သောကြောင့် ထုတ်ဝေခွင့် ယာယီ ပိတ်ပင်ခံခဲ့ရသည်။

"စိစစ်ရေးက ဖြတ်ဖို့မေ့သွားပြီး ဂျာနယ်ထွက်လာတော့မှ ဆိုင်ပေါ်ကနေ ပြန်သိမ်းပါ ဆိုတာမျိုးတွေလည်း ကြုံဖူးတယ်" ဟု ရန်ကုန်အခြေစိုက် သတင်းအယ်ဒီတာတဦးက ဆိုသည်။

အပတ်စဉ် စာစစ်မှူးများကို ဂျာနယ်မူကြမ်းတင်ပြသည့် နေ့တွင် ငွေပေးရသည်၊ အရာရှိအားလုံးအတွက် အချိုရည် နှင့် မုန့်များ ဝယ်ပေးရသည်၊ ညွှန်မှူးနှင့်တကွ အကြီးတန်းအရာရှိများကို တလတခါ ပဲဆီပုံး ဝယ်ပေးခြင်း၊ တနှစ် တခါ လက်ဆောင်ခြင်းများပေးပို့ခြင်း ပြုလုပ်ရသည်၊ ထိုသို့ပေးရန်ပျက်ကွက်ပါက ငြိုငြင်ပြောဆိုခံရသည်၊ ပညာပြ တတ်သည်ဟု ၎င်းက ပြောပြသည်။ နှစ်စဉ် စာပေစိစစ်ရေး၏ ကထိန်ပွဲ၊ သင်္ကြန်ရုံးပိတ်ရက် အပျော်ခရီး တို့အတွက် ဂျာနယ်တိုက်များက ရန်ပုံ ငွေ ထည့်ဝင်ပေးရသေးသည်။ စိစစ်ရေး ညွန်ကြားရေးမှူး ခရီးထွက်နေချိန် မျိုးတွင် ကျန်ရှိနေသူ မည်သူတဦး တယောက်ကမှ တာဝန်မခံရဲဘဲ ပိုမိုစိစစ် ဖြတ်တောက်ခြင်းများ ကြုံတွေ့ ကြရကြောင်း ကြားသိရသည်။

"ပြည်တွင်းက သတင်းအယ်ဒီတာတွေအားလုံး စိစစ်ရေးမှူးတွေရဲ့ အဟိန်းအဟောက် မခံရဘူးသူ မရှိဘူး။ မတော်တဆ မှားသွားတာပါလို့ ခံဝန်လက်မှတ်မထိုးဖူးတဲ့သူလည်း မရှိဘူး" ဟု သူက ဆက်ပြောသည်။

၂၀၀၈ ခုနှစ်ထဲတွင် အစိုးရ ဌာနဆိုင်ရာရုံးများမှ သတင်းရယူရန် ပိုမိုခက်ခဲလာသည်၊ အစိုးရ ဌာနများက သတင်းသမားများနှင့် ပူးပေါင်းဆောက်ရွက်ခြင်း မပြုသလောက် ဖြစ်လာသည်၊ သတင်း ထုတ်ပြန်ရန် ငြင်းဆိုလာကြသည်။ ထို့ပြင် သတင်းမှန်ပါလျှက် သူတို့မပြောဘဲ ရေးပါသည်ဟုဆိုကာ တရားစွဲမည် ဟု ခြိမ်းခြောက်ခံကြရသည်။

ဌာနဆိုင်ရာသတင်းများတွင် ပြောသူအမည်နှင့် ရာထူးကို ထည့်သွင်းရမည်ဟု စိစစ်ရေးက ညွှန်ကြားသည်နှင့် တပြိုင်နက်တည်း ဌာနဆိုင်ရာများကလည်း ထည့်သွင်းပေးရန် ကြောက်ရွံ့သဖြင့် သတင်းများစွာ ဖော်ပြ ရေးသားခွင့် ဆုံးရှုံးရသည်။ ဝန်ကြီးဌာနများနှင့် တရားရင်ဆိုင်နေရသည့် သတင်းထောက်များစွာ ရှိသည်။

နှစ်ဆန်းပိုင်းက ဖြစ်ပေါ်ခဲ့သော အင်းလျားလမ်း ၅ လောင်းပြိုင်လူသတ်မှုနှင့်ပတ်သက်၍ ဈာပန အခမ်းအနား ဆောင်းပါးကို ရေးသားခဲ့သော ဆဲဗင်းဒေးနယူးစ် ဂျာနယ်မှ အယ်ဒီတာ မငြိမ်းငြိမ်းနိုင် တရားစွဲဆို ခံခဲ့ရသည်။

နာဂစ်ဆိုင်ကလုန်းမုန်တိုင်းဒဏ်ခံရသည့် ဧရာဝတီတိုင်းအတွင်း လွတ်လပ်စွာသွားလာ သတင်းယူခွင့်မရှိပေ။ မှုခင်းသတင်းများကို ၂၀၀၈ ခုနှစ်အတွင်း အစိုးရသတ်မှတ်ပေးထားသည့် နေရာများတွင်သာ ၎င်းတို့ ရှင်းလင်း ပြသည့်အတိုင်း ရယူပြီး ရေးကြရသည်။ မိမိ လိုက်လိုသည့် ဒေသခံ ရဲစခန်းများတွင် သတင်းယူခွင့် လုံးဝ မရှိတော့ပေ။

၂၀၀၈ ခုနှစ်ထဲတွင် ပြည်တွင်းသတင်းသမားများကို ခေါ်ယူ ခြိမ်းခြောက်ခြင်း၊ ဖမ်းဆီးခြင်းများ ပိုမိုများပြား လာသည်။ နာဂစ်ဆိုင်ကလုန်းမုန်တိုင်း နောက်ပိုင်း လူမှုကူညီရေး လုပ်ငန်း များတွင် ပါဝင်သောကြောင့် ဖမ်းဆီးခံရသူများ ရှိသည်။ နာဂစ် ဆိုင်ကလုန်းမုန်တိုင်းနှင့် ပတ်သက်၍ အဖမ်းအဆီးခံရသည့် သတင်းသမား ၄ ဦးရှိသည်။ ၃ ဦးမှာ ဒုက္ခသည်များကို သွားရောက်လှူဒါန်းရာတွင် ပါဝင်ခဲ့သော အဖမ်းခံရခြင်းဖြစ်ပြီး ၁ ဦးမှာ ဆိုင်ကလုန်းနှင့်ပတ်သက်သည့် မှတ်တမ်း ဓာတ်ပုံ၊ ဗီဒီယိုများ ထိုင်းနိုင်ငံသို့ မသယ်ဆောင်သွားမီ အဖမ်းခံရ ခြင်းဖြစ်သည်။

မတရား အမှုဆင်၍ ဖမ်းဆီးခံရသူများလည်း ရှိသည်။ ထို့ပြင် ပြောမှားဆိုမှားဖြစ်၍ တရားစွဲဆိုထောင်ချ ခံရသူများလည်း ရှိသည်။ အချုပ်ထဲတွင် ၂ လကျော် နေခဲ့ရသည့် ဖလားဝါးနယူးစ် ဂျာနယ် သတင်းထောက် ကိုစောမြင့်သန်းကို ဥပမာပေးကာ သတင်း သမားများ ခေါင်းမထောင်ရဲအောင် ပြုလုပ်ခဲ့သည်။

ကိုစောမြင့်သန်းသည် သင်္ဃန်းကျွန်းလူသတ်မှုသတင်းကို ရေးသားခဲ့ရာ မြို့နယ်ရဲစခန်းတခုမှ ခေါ်ယူခြိမ်းခြောက် ခဲ့သည်။ ထိုသို့ ခြိမ်းခြောက်သည့် သတင်းကို ဧရာဝတီမဂ္ဂဇင်းမှ ရေးသားခဲ့သဖြင့် ကိုစောမြင့်သန်းကို ဖမ်းဆီး သွားခဲ့သည်။

ကဗျာဆရာစောဝေသည်လည်း အချစ်ဂျာနယ်တွင် "အာ နာ ရူး ကြီး မှူး ကြီး သန်း ရွှေ" ဟူသည့် စကားလုံးများ ပါဝင်သည့် ကဗျာ ရေးသားခဲ့သဖြင့် ဖမ်းဆီးခံရသည်။

ထို့ပြင် ယခုလအတွင်း လွတ်လပ်သော အာရှအသံ (အာအက်ဖ်အေ) ၏ ထုတ်လွှင့်ချက် တခုတွင် ဒီမိုကရက်တစ် မြန်မာ့အသံ (DVB) သတင်းဌာန၏ ပြည်တွင်းအခြေစိုက် သတင်းထောက် ၉ ဦး အဖမ်းခံထားရကြောင်း ၎င်း ရုပ်သံသတင်း ထောက် ကိုကျော်မင်းသက်က အတည်ပြုပြောကြားခဲ့သည်ဟု ပါရှိသည်။ ဖမ်းရသည့် အကြောင်းရင်းမှာ စစ်အစိုးရ၏ လျှို့ဝှက်ချက်ကို နိုင်ငံတကာကသိရှိစေရန် ဖော်ထုတ်သောကြောင့်ဟု သိရသည်။

ချင်းမိုင်အခြေစိုက် ဧရာဝတီမဂ္ဂဇင်း၏ မန်နေးဂျင်းအယ်ဒီတာ ကိုကျော်စွာမိုးကလည်း "စစ်အစိုးရကတော့ ဂျာနယ်လစ်တွေရဲ့ ရန်သူဖြစ်နေတုန်းပဲ" ဟု ဆိုသည်။ ၎င်းက စစ်အစိုးရ ဆက်အုပ်ချုပ်နေသရွေ့ မီဒီယာလောက အခြေအနေမှာ အပြောင်းအလဲ ရှိရန် မမြင်ဟု ဆက်ပြောသည်။

စားဝတ်နေရေး ကြပ်တည်းမှုသည်လည်း ပြည်တွင်း သတင်းသမားများအတွက် အရေးပါလှသည့် အခက်အခဲ တခုဖြစ်သည်။ အလုပ်သင် သတင်းထောက်တယောက်၏ လစာမှာ ကျပ် ၃၀၀၀၀ ခန့်သာရှိပြီး ၎င်း၏ အရည် အသွေးပေါ်မူတည်၍ တဖြည်းဖြည်း မြင့်တက်သွားရာ အမြင့်ဆုံးမှာ ကျပ် ၇၀၀၀၀ ခန့်သာ ရှိသည်။ ရန်ကုန် လူနေမှုစရိတ်အရ တဦးချင်း အသုံးစရိတ်မှာ နေ့စဉ် ကျပ် ၁၅၀၀ ခန့်ရှိသောကြောင့် မလောက်ငပေ။

အမြင့်ဆုံးအယ်ဒီတာတဦးပင် လစာ ကျပ် ၃၀၀၀၀၀ ခန့်သာ ရရှိသဖြင့် အိမ်ထောင်ရှိသူဆိုလျှင် ငွေကြေး မလောက်ငသည့် ပြဿနာ ရင်ဆိုင်ရသည်။ ရန်ကုန်တွင် အိမ်ငှားခ၊ တိုက်ခန်းငှားခ ဈေးမှာ အဆမတန် မြင့်မားသည်။ အိမ်ငှားခ သက်သာသည့် မြို့ပြင်ဒေသများမှ လာရလျှင် ခရီးစရိတ်နှင့် အချိန်ကုန်သောကြောင့် မထူးလှပေ။

သတင်းထောက်အားလုံး နီးပါးတွင် ကိုယ်ပိုင် အသံဖမ်းစက်နှင့် ကင်မရာမရှိကြ။ ရုံးမှ ထုတ်ပေးသော ထိုပစ္စည်းများ ထိခိုက်ပျက်စီးလျှင် ကိုယ်ပိုင်ငွေထဲမှ စိုက်လျှော်ရသည်။

[မြန်မာပြည်တွင်းရှိ စာနယ်ဇင်းသမားများအဖို့ ဟန်းဖုန်းနှင့် ခရီးဆောင်ကွန်ပျူတာ ပိုင်ဆိုင်ဖို့ ဆိုသည်မှာ အိပ်မက်တခုအလားပင် (ဓာတ်ပုံ - ဧရာဝတီ)]

"ရန်ကုန်က သတင်းထောက်တွေအတွက် ဟန်းဖုန်းတို့ လက်ပ်တော့ပ်တို့ ပိုင်ဖို့ဆိုတာ အိပ်မက်တခုပါပဲ" ဟု သတင်း အယ်ဒီတာတဦးက စိတ်ပျက်လက်ပျက် ပြောကြားသည်။

ပြည်တွင်းရှိ ဂျာနယ်နှင့် မဂ္ဂဇင်း အစောင် ၃၀ ထက်မနည်း နှစ်စဉ်သက်တမ်းတိုးခ မတတ်နိုင်တော့သော ကြောင့် ၂၀၀၈ ဒီဇင်ဘာလအတွင်း ထုတ်ဝေခွင့်လိုင်စင်များ ရုတ်သိမ်းခံခဲ့ရသည်။

ပြည်ပမီဒီယာများ၏ အခက်အခဲများသည်လည်း သေးငယ်လှသည်ဟု မဆိုသာပေ။ ၂၀၀၈ ခုနှစ်ထဲတွင် ထိုင်းနိုင်ငံနှင့် အိန္ဒိယနိုင်ငံအခြေစိုက် မြန်မာမီဒီယာများ၏ အင်တာနက် စာမျက်နှာများကို အကြီးအကျယ် အတိုက်အခိုက် ခံခဲ့ရသည်။ တိုက်ခိုက်ခံရသည့် မီဒီယာများထဲတွင် ဧရာဝတီ၊ မဇ္ဇျိမ၊ ခေတ်ပြိုင် နှင့် DVB ဝက်ဘ်ဆိုက်များ ပါဝင်သည်။

၎င်းဝက်ဘ်ဆိုက်များထဲမှ ၃ ခုမှာ DDoS (Distributed denial- of- service) နည်းပညာဖြင့် တိုက်ခိုက်ခံရခြင်းဖြစ်ပြီး နောက်ထပ်တိုက်ခိုက်မှု မကြုံတွေ့ရစေရန် နည်းမျိုးစုံဖြင့် ကြိုးပမ်း ကြရသည်။

"ကျနော်တို့ ဝက်ဘ်ဆိုက်ဆိုရင် ၂၀၀၈ ထဲမှာကို တိုက်ခိုက်ခံရတာ ၃၊ ၄ ကြိမ်လောက်ရှိမယ်။ သေချာကို ရည်ရွယ်ချက်နဲ့၊ အုပ်စုလိုက်နှောင့်ယှက်နေတယ် ဆိုတာ သိရတယ်" ဟု မဇ္ဇျိမ သတင်းဌာနမှ လက်ထောက် အယ်ဒီတာ ကိုမုံပီးက ပြောပြသည်။

ထို့ပြင် နအဖ ဘက်တော်သားများ၏ သတင်းလွှဲမှု၊ သတင်းမှားများ ပေးမှုကိုလည်း မကြာခဏ ကြုံတွေ့ရသည်ဟု သူက ဆိုသည်။

"သတင်းတွေကို အမှား၊ အမှန် သေချာ အတည်မပြုနိုင်လို့ လက်လွှတ်လိုက်ရတာတွေ အများကြီးပဲ" ဟု ၎င်းက ဆက်ပြောသည်။

ပြည်ပရှိ အတိုက်အခံ မီဒီယာများတွင် ပြည်တွင်းမီဒီယာများကဲ့သို့ စာပေစိစစ်ရေးကို တင်ပြစရာမလိုသော်လည်း မိမိစာကို မိမိသေချာစွာ စိစစ် တည်းဖြတ်နေရသည့် ပြဿနာ ရှိသည်။ ကိုယ်တိုင်စိစစ် ဖြတ်တောက်ခြင်း မလုပ်မိပါက ခြိမ်းခြောက်ခံရခြင်းများ ကြုံတွေ့ရနိုင်သည်။

ပြည်တွင်းမှ သတင်းရင်းမြစ်များ၏ အရုပ်များ၊ အသံများ၊ နာမည်များ ပေးမသုံးခြင်းသည်လည်း အခက်အခဲ တခုဖြစ်ကြောင်း ထိုင်းနိုင်ငံ ချင်းမိုင်အခြေစိုက် DVB ရုပ်သံမှ အယ်ဒီတာ ဦးခင်မောင်စိုးကပြောသည်။

"အဲဒါက အဆိုးဆုံးပေါ့ဗျာ။ တချို့ DVB ကမို့ မပေးဘူး ဆိုတာမျိုး ခဏ ခဏ ကြုံရတယ်ဗျ" ဟု ၎င်းကဆိုသည်။

ဝါရှင်တန်ဒီစီ အခြေစိုက် VOA ရေဒီယိုအစီစဉ်၏ မြန်မာပိုင်းဌာနမှူး ဦးသန်းလွင်ထွန်းကလည်း ၂၀၀၈ ခုနှစ်အတွင်းတွင် ၎င်းတို့မီဒီယာအနေနှင့် သတင်းလိုက်ရခက်ခဲသည့် ပြဿနာနှင့် အကြီးအကျယ် ကြုံတွေ့ ရသည်ဟု ပြောပြသည်။ မြန်မာပြည်တွင်းသို့ နာဂစ်ဆိုင်ကလုန်း မုန်တိုင်းဝင်မွှေသွားပြီး နောက်ပိုင်း VOA ရေဒီယိုအစီအစဉ်က သတင်းများရယူလွှင့်ထုတ်နိုင်ရန် ကြိုးစားသော်လည်း နအဖစစ်အစိုးရက ဆက်သွယ်ရေးများ ဖြတ်တောက်လိုက်သဖြင့် အခက်အခဲတွေ့ရသည်ဟု ၎င်းကဆက်ပြောပြသည်။

စစ်အစိုးရအနေနှင့် ပြည်တွင်း၌ ဖြစ်ပျက်နေသည့် အခြေအနေမှန်များကို နိုင်ငံတကာအား မသိစေလိုခြင်းက အဓိက ပြဿနာတခု ဖြစ်နေကြောင်း သူကထောက်ပြသည်။ ထိုသို့ ပိတ်ဆို့ခံရမှုကြောင့် သတင်းသမားတို့ လိုက်နာရမည့် စည်းမျဉ်းစည်းကမ်းများကို ချိုးဖောက်ကာ သတင်းရင်းမြစ်များ မဖော်ပြနိုင်သည့် အနေအထား ရှိခဲ့သည်ဟု ဦးသန်းလွင်ထွန်းက ဆိုသည်။

ပြည်တွင်း၌ သတင်းစာပညာနှင့်ပတ်သက်၍ လေ့လာ သင်ယူစရာ သင်တန်းများ၊ ကျောင်းများ သေသေချာချာ မရှိခြင်းသည်လည်း သတင်းလောကသို့ စမ်းတဝါးဝါး ဝင်ရောက်လာသည့် လက်သင် သတင်းထောက်များ အတွက် အခက်အခဲများနှင့်ကြုံတွေ့ရသည်။

ယခုနောက်ပိုင်းတွင် မြန်မာပြည်တွင်း၌ သတင်းထောက်အလုပ်ဆိုသည်မှာ တခြားသော အရောင်းဝန်ထမ်း၊ ကြော်ငြာဈေးကွက် ရှာဖွေသူ၊ ကုမ္ပဏီ စာရေး စသူတို့ကဲ့သို့ အလုပ်အကိုင်အခွင့်အလမ်းတရပ်ဖြစ်နေရာ တက္ကသိုလ် ၄ နှစ်တက်ပြီး မည်သည့်အလုပ် လုပ်ရမည် မသေချာသေးခင် အလုပ်တခု ရရာဝင်လျှောက်သည့် သဘောဖြင့် ဝင်လာကြသူ များပြားကြောင်း ပြည်တွင်း မီဒီယာတခုမှ အကြီးတန်း အယ်ဒီတာတဦးကပြောသည်။

ပြည်ပ မီဒီယာများတွင်မူ လူသားရင်းမြစ် ရှားပါးသောကြောင့် ရွေးချယ်စရာ အခွင့်အလမ်း အလွန်နည်းပါးသည်။ ပြည်ပအခြေစိုက် မီဒီယာများသည် ပြည်ပသို့ ရောက်ရှိပြီးဖြစ်သော နိုင်ငံရေးလှုပ်ရှားသူများ၊ တိုင်းရင်းသား အဖွဲ့အစည်းများကို နီးစပ်ရာဆွဲခန့်ပြီး မီဒီယာပညာရပ်နှင့်ပတ်သက်၍ လက်ပူတိုက်သင်ကြားပေးကြရသည်။

ပြည်ပ မီဒီယာတိုင်းအတွက် ပြည်တွင်းတွင်အခြေစိုက် လုပ်ကိုင်သတင်းပေးပို့နေသည့် သတင်းထောက်များ ရှိသော်လည်း ထိုသူတို့၏ အန္တရာယ်မှာ ကြီးမားလှသည်။

"အခုက ပြည်တွင်းမှာ ကင်မရာကိုင်တဲ့သူဆိုရင်ကို စိတ်မချရတော့ဘူး။ နောက်က တကောက်ကောက် လိုက်စောင့် ကြည့်နေတာ" ဟု DVB ၏ အယ်ဒီတာချုပ် ဦးအေးချမ်းနိုင်က ပြောပြသည်။

ဆက်လက်၍ ၎င်းက အာဏာပိုင်များအနေနှင့် ပြည်တွင်းမှ သတင်းများ ပြည်ပသို့မရောက်ရှိနိုင်ရန် နည်းမျိုးစုံနှင့် တားဆီးပိတ်ပင်သော်လည်း မီဒီယာများက ကမ္ဘာကသိအောင် လုပ်ပေးနိုင်နေဆဲဖြစ်သည်ဟု ဆိုသည်။

မဇ္ဇျိမ သတင်းဌာန၏ လက်ထောက်အယ်ဒီတာ ကိုမုံပီးကလည်း "ပြည်တွင်းက ကျနော်တို့သတင်းထောက်တွေရဲ့ လုံခြုံရေးက အရမ်းကိုအရေးကြီးလာတယ်။ သူတို့က လုံခြုံရေးကိုငဲ့နေရတော့ စိတ်ရှိလက်ရှိ သတင်း မလိုက်နိုင် ကြဘူးပေါ့" ဟု ပြောပြသည်။

ပြည်ပမီဒီယာများတွင် အလုပ်လုပ်နေသည့် သတင်းသမားအားလုံးလိုလို ကြုံတွေ့ရသည့် ပြဿနာတခုမှာ နေထိုင်ခွင့် ဗီဇာဖြစ်သည်။ အများစုမှာ မြန်မာနိုင်ငံကူးလက်မှတ်နှင့် တခြား နိုင်ငံရေးနှင့်ပတ်သက်သည့် နိုင်ငံကူး လက်မှတ်များ တရားဝင်ကိုင်ဆောင်ထားကြသော်လည်း ၎င်း နိုင်ငံကူးလက်မှတ် ရှင်သန်နေရန် ၃ လတခါ ပြည်ပနိုင်ငံများသို့ ထွက်ခွာပြနေရသည်။

တရားဝင် ပတ်စ်ပို့ မကိုင်ဆောင်ထား သူတို့မှာမူ ခရီးတိုထွက်ရန်ပင် ခက်ခဲပြီး နေ့စဉ် သက်ဆိုင်ရာ နိုင်ငံအာဏာပိုင်များ၏ ဖမ်းဆီးမှုရန်မှ ကင်းဝေးရန် ရှောင်တိမ်းနေကြရသည်။ တချို့မှာ တတိယနိုင်ငံသို့ထွက်ပြီး တရားဝင် နေထိုင်ခွင့်ရရန် ကြိုးပမ်းကြရသော ကြောင့် အနည်းဆုံး သုံး၊ လေး၊ ငါး နှစ်ခန့် မိမိမီဒီယာကို စွန့်ခွာကြရသည်။

ငွေကြေးမရေရာမှုသည်လည်း ပြည်ပမီဒီယာများကြုံတွေ့ရသည့် အခက်အခဲထဲတွင် ပါဝင်သည်။ ၎င်းမီဒီယာများ အားလုံးမှာ စီးပွားဖြစ် မဟုတ်သော မီဒီယာများဖြစ်နေပြီး ထောက်ပံ့ငွေကြေး (Funding) ချပေးသည့် အဖွဲ့အစည်းများပေါ်တွင်သာ တည်မှီ လုပ်ကိုင်နေကြရသဖြင့် နှစ်စဉ် ငွေကြေးအခက်အခဲနှင့် ရင်ဆိုင်ရသည့် မီဒီယာများရှိသည်။ ယခု ကာလကဲ့သို့ ကမ္ဘာ့စီးပွားရေး ကပ်ဆိုက်ချိန်တွင် ထောက်ပံ့ငွေဖြင့် ရပ်တည်နေရသော မီဒီယာ အဖွဲ့အစည်းများ မျက်ခုံးလှုပ်ရသည့် ကာလဖြစ်သည်။

"ပိုက်ဆံကတော့ ကျနော်တို့အတွက် စိန်ခေါ်မှုတရပ်ပေ့ါဗျာ။ ဒါပေမယ့် ၂၀၀၈ ခုနှစ်ထဲမှာ လုံးဝ ရပ်သွားရ လောက်အောင်ထိတော့ မကြုံခဲ့ရပါဘူး" ဟု ကိုမုံပီးက ပြောပြသည်။

ဆက်လက်၍ သူက မဇ္ဇျိမ သတင်းဌာနသည် ငွေကြေးကို အလှူရှင်များပေါ်တွင် အမှီပြုနေရသော်လည်း မဇ္ဇျိမ၏ အယ်ဒီတာ့ အာဘော် အပေါ်သို့ အလှူရှင်များလွှမ်းမိုးသည်ကိုမူ လက်မခံကြောင်း ပြောသည်။

"သူတို့ဘက်က သတင်းဦးသတင်းထူး မို့လို့ ပြောပြတာမျိုးတွေတော့ ရှိပါတယ်။ ဒါပေမယ့် မဇ္ဇျိရဲ့ အယ်ဒီတိုရီရယ် ပေါ်လစီက လွတ်လပ်မှုရှိရမယ် ဆိုတာ အစောကြီးကတည်းက ကြေညာထားတယ်။ အလှူရှင် တွေအနေနဲ့ စွက်ဖက်တာမျိုးမရှိပါဘူး" ဟု သူက ဆိုသည်။

ပြည်ပအခြေစိုက် တိုင်းရင်းသား မီဒီယာများအနေနှင့်လည်း အခက်အခဲများစွာ ရှိနေသည်။ မွန်တိုင်းရင်းသား သတင်းဌာန တခုဖြစ်သော လွတ်လပ်သောမွန်သတင်းအေဂျင်စီ၏ အယ်ဒီတာချုပ် နိုင်ကဆော့မွန်က ၎င်းတို့အတွက် အကြီးမားဆုံး အခက်အခဲမှာ သတင်းထောက်များကို ငွေကြေးလုံလောက်စွာ မထောက်ပံ့နိုင်ခြင်း ဖြစ်သည်ဟု ဆိုသည်။

"ကျနော်တို့ တိုင်းရင်းသား မီဒီယာအဖွဲ့တွေက တိုးတက်မှုရှိပါတယ်။ ဒါပေမယ့် ဈေးကွက်ရဖို့ တော်တော် လေးကို ခက်ခဲတယ်" ဟု သူက ဆက်ပြောသည်။ ၎င်းတို့ဆက်လက် ရပ်တည်ရေးမှာ အလှူရှင်များ အပေါ်တွင် များစွာ မူတည်လျှက်ရှိကြောင်း ပြောပြသည်။

၎င်းတို့အတွက် နောက်ထပ် အခက်အခဲတခုမှာ သတင်းထောက်များအတွက် လုံခြုံရေး ပြဿနာဖြစ်သည်။ မွန် တိုင်းရင်းသား သတင်းထောက် အများစုမှာ ထိုင်း-မြန်မာ နယ်စပ်တွင် နေထိုင်လှုပ်ရှားနေရပြီး ထို သတင်း ထောက်များကို စစ်အစိုးရနှင့် လက်နက်နှင့် ငြိမ်းချမ်းရေးလဲလှယ်ထားသည့် မွန်ပြည်သစ်ပါတီသာမက မြန်မာ စစ်တပ်ကပါ သိရှိနေသဖြင့် စွန့်စားသတင်းရယူနေရကြောင်း နိုင်ကဆော့မွန်က ဆိုသည်။

မွန်ပြည်သစ်ပါတီနှင့် မြန်မာစစ်တပ်ကို ဝေဖန်ရေးသားသည့် တချို့သော ၎င်း၏ သတင်းထောက်များကို မွန်ပြည်သစ်ပါတီဝင်တချို့က လုပ်ကြံသတ်ဖြတ်မှုများပင် ရှိသည်ဟု ဆက်ပြောသည်။

ရှမ်းတိုင်းရင်းသား သတင်းဌာန တခုဖြစ်သော သျှမ်းသံတော်ဆင့် သတင်း ဌာနကမူ ၂၀၀၈ ခုနှစ်အတွင်း ငွေကြေးပြတ်တောက်မှု ပြဿနာအပြင် ဆက်သွယ်ရေးနှင့် ပတ်သက်သည့် ပြဿနာကိုပါ ကြုံတွေ့ခဲ့ရသည်ဟု ၎င်းသတင်းဌာန၏ အယ်ဒီတာ တဦးဖြစ်သူ ဦးခွန်စိုင်းဂျန်ရေက ပြောသည်။

၂၀၀၈ ခုနှစ် မေလအတွင်းက ၎င်းတို့ သတင်းဌာနအနေနှင့် နာဂစ်ဆိုင်ကလုန်း မုန်တိုင်းနှင့် ပတ်သက်သည့် သတင်းများ၊ အခြေခံဥပဒေဆန္ဒခံယူပွဲနှင့် ပတ်သက်သည့် သတင်းများကို ဆက်သွယ်ရေး ပြဿနာကြောင့် အချိန်နှင့်တပြေးညီ ဖော်ပြရန် ခက်ခဲခဲ့သည်ဟု သူက ဆိုသည်။

အလားတူ ကရင်တိုင်းရင်းသား သတင်းဌာနဖြစ်သည့် ကရင်သတင်းဌာန (ကေအိုင်စီ) သည်လည်း ငွေကြေး အခက်အခဲနှင့် လူသား အရင်းအမြစ် ရှားပါးမှု ပြဿနာကို ကြုံတွေ့ခဲ့ရကြောင်း ၎င်းအဖွဲ့၏ အယ်ဒီတာ နန်းဖောဂေက ပြောပြသည်။

ကျွမ်းကျင်မှုရှိပြီး အတွေ့အကြုံရှိသည့် တိုင်းရင်းသား သတင်းထောက်များသည် မိခင် သတင်းအေဂျင်စီများကို စွန့်ခွာကာ လစာကောင်းစွာ ပေးနိုင်သည့် နာမည်ကြီး သတင်းဌာနကြီးများသို့ သွားရောက်အမှုထမ်းကြသဖြင့် လူသားအရင်းအမြစ် ရှားပါးမှု ပြဿနာကို ကြုံတွေ့ရခြင်း ဖြစ်ကြောင်း နန်းဖောဂေးက ရှင်းပြသည်။

ကရင်တိုင်းရင်းသား သတင်းသမားကောင်းများစွာ ရှိနေသော်လည်း ထိုသူတို့ကို လုံလောက်စွာ ထောက်ပံ့ပေး နိုင်ခြင်း မရှိသောကြောင့် ၎င်းတို့၏ သတင်းဌာနကို အခက်အခဲများစွာဖြင့် ဆက်လက် ရုန်းကန်နေရသည်ဟု ဆိုသည်။

ပြည်ပရောက် တိုင်းရင်းသား မီဒီယာများအားလုံးက လူသားအရင်းအမြစ် ရှားပါးမှု ကို ကြီးမားသည့် အခက်အခဲအဖြစ် သဘောတူညီကြပြီး ငွေကြေး မလုံလောက်မှုမှာ ၎င်းတို့အတွက် စိန်ခေါ်မှုတရပ် ဖြစ်သည်ဟု ပြောကြသည်။

ယခုအခါတွင် ပြည်တွင်း၊ ပြည်ပရှိ ဘလော့ဂါများသည်လည်း မီဒီယာတာဝန်ကို တစိတ်တပိုင်း ထမ်းဆောင် သူများ ဖြစ်နေပေပြီ။ ပြည်တွင်းရှိ ဘလော့ဂါများ ၂၀၀၈ ခုနှစ်အတွင်း ကြုံတွေ့ရသည့် အခက်အခဲမှာ အင်တာနက် လွတ်လပ်စွာ သုံးစွဲခွင့် မရရှိခြင်း ဖြစ်သည်။

[ပြန်ကြားရေးဝန်ကြီး ဗိုလ်မှူးချုပ်ကျော်ဆန်းကို နေပြည်တော်ရှိ သတင်းစာ ရှင်းလင်းပွဲ တခုတွင် စာနယ်ဇင်း သမားများနှင့်အတူ တွေ့ရစဉ် (ဓာတ်ပုံ - AFP)]

အာဏာပိုင်များက အင်တာနက် သုံးစွဲခွင့်ကို နည်းမျိုးစုံဖြင့် ပိတ်ဆို့မှုများ ပြင်းပြင်းထန်ထန် ပြုလုပ်လျှက်ရှိရာ ပြည်တွင်းမှ ဘလော့ရေးနေသူများ ဒုက္ခရောက်ကြရသည်။

"၂၀၀၈ နှစ်ကုန်ခါနီးလောက်မှာ ကိုယ့်ဘလော့ကိုတောင် ဝင်ကြည့်လို့မရအောင်ဖြစ်တယ်။ စိတ်ပျက်ရတယ်" ဟု ရန်ကုန်အခြေစိုက် ဘလော့ဂါတဦးက ပြောပြသည်။

ပြည်တွင်းရှိ ဘလော့ဂါများမှာ အာဏာပိုင်များ၏ အာရုံစိုက်မှုမှ ကင်းလွတ်အောင် ရှောင်ရှားရသည့် ပြဿနာ လည်းရှိသေးသည်။ ၂၀၀၇ ခုနှစ်က အဖမ်းအဆီးခံခဲ့ရသော ဘလော့ဂါ နေဘုန်းလတ်က ဥပမာတခုဖြစ်သည်။ ဘလော့ဂါနေဘုန်းလတ်ကို ၂၀၀၈ ခုနှစ်အတွင်း ထောင်ဒဏ် အနှစ် ၂၀ ချမှတ်ခဲ့သည်။

ပြည်ပတွင် အခြေစိုက်နေရသည့် မီဒီယာသမားများအနေနှင့် ငွေကြေးအခက်အခဲနှင့် အယ်ဒီတိုရီရယ် ပေါ်လစီ အရပါ လွတ်လွတ်လပ်လပ် ရပ်တည်ရန် ခက်ခဲနေဆဲဖြစ်သည်ဟု ကိုကျော်စွာမိုးက ပြောသည်။

"ကျနော်တို့ ဂျာနယ်လစ်တွေကိုယ်တိုင်ကိုကပဲ စာနယ်ဇင်းရဲ့ ရန်သူဖြစ်သွားနိုင်ပါတယ်။ ဘာကြောင့်လဲ ဆိုတော့ စာနယ်ဇင်းသမား ပီပီသသနဲ့ အမှန်တရားကို ဖော်ထုတ်ဖို့ ဝတ္တရားရယ် သူတို့ရဲ့ တာဝန်အရ ပြည်သူကို အလုပ်အကျွေးပြုဖို့ရယ် အဲဒီ ၂ ချက်ကို ယုံယုံကြည်ကြည် စွဲစွဲမြဲမြဲ ကိုင်မထားနိုင်ရင် ကိုယ်ကိုယ်တိုင်ကပဲ ကိုယ့်ရဲ့ရန်သူ ပြန်ဖြစ်သွားနိုင်ပါတယ်" ဟု သူက ဆိုသည်။

ပြည်တွင်း၊ ပြည်ပရှိ မီဒီယာများအားလုံးမှာ အခက်အခဲ အနည်းနှင့်အများ ဆိုသလို ကြုံတွေ့နေရသော်လည်း သတင်းများကို ပြည်သူလူထုလက်ဝယ် ရောက်ရှိရေးအတွက် ကြိုးစားနေကြသူများချည်းသာ ဖြစ်သည်။ သို့ရာတွင် မြန်မာစစ်အစိုးရ၏ အထီးကျန်ဝါဒ ကိုင်စွဲထားမှုကြောင့် မြန်မာပြည်သူလူထုအနေနှင့် လွတ်လပ်သည့် သတင်းမီဒီယာများကို ဆုံးရှုံးနေရဆဲဖြစ်သည်။

"ကျနော်တို့ဘက်ကတော့ လုပ်စရာရှိတာဆက်လုပ်ရမှာပဲ။ နအဖအနေနဲ့ ဘယ်လိုပဲတားဆီး တားဆီး သတင်း စီးဆင်းမှုတွေကို သူတို့ မပိတ်ဆို့နိုင်ပါဘူး။ ခုလို နည်းပညာတွေ တိုးတက်နေတဲ့ ခေတ်ကြီးမှာ ပိုလို့တောင် မတားဆီးနိုင်တော့ဘူးဆိုတာ ယုံကြည်ပါတယ်" ဟု ဦးအေးချမ်းနိုင်ကပြောသည်။

ပြည်တွင်း၌ သတင်းလွတ်လပ်ခွင့် မရှိခြင်းက စစ်အစိုးရ၏ လူ့အခွင့်အရေး ချိုးဖောက်နေမှုများကို ဖုံးကွယ်ပေး နေယုံမျှမက ကုလသမဂ္ဂအပါအဝင် အန်ဂျီအိုများ၊ အတိုက်အခံများ၏ အဂတိလိုက်စားမှု စသော ချိုးဖောက်နေမှုများကိုပါ ပြည်သူလူထု မမြင်သာအောင် ဖုံးပေးနေသကဲ့သို့ ဖြစ်နေသည်။

"မီဒီယာဆိုတာ ပြည်သူလူထုအတွက် မျက်စိနဲ့ နားတွေပဲ။ အဲဒီလိုပဲ မြန်မာအာဏာပိုင်တွေ အတွက်လည်း မျက်စိနဲ့ နားတွေ ဖြစ်သင့်တယ်။ စစ်အစိုးရက မီဒီယာကို ရန်သူလို သဘောထားနေသရွေ့တော့ ပြည်တွင်းမှာ သတင်းလွတ်လပ်ခွင့် ဆိုတာ ရှိမှာမဟုတ်ဘူး" ဟု VOA မြန်မာပိုင်းဌာနမှူး ဦးသန်းလွင်ထွန်းက ဆိုသည်။

၂၀၀၈ ခုနှစ်အတွင်း အထိမ်းသိမ်းခံခဲ့ရသည့် သတင်းသမားများ

[ဦးသက်ဇင်]

ဦးသက်ဇင်
ဦးသက်ဇင်၊ ၄၂ နှစ်
အယ်ဒီတာ (မြန်မာနေးရှင်း အပတ်စဉ်ဂျာနယ်)
ထောင်ဒဏ် ၇ နှစ် (ရန်ကုန် အင်းစိန်ထောင်)
သင်္ဃန်းကျွန်း တရားရုံးတွင်အမှုစစ်သည်။ အာဏာပိုင်များက ၎င်း၏ ဂျာနယ် ရုံးခန်းကို ဝင်ရောက် ရှာဖွေခဲ့ရာ ၂၀၀၇၊ စက်တင်ဘာ အရေးတော်ပုံလှုပ်ရှားမှု ဓာတ်ပုံများ ပါဝင်သည့် စီဒီအချပ်များ တွေ့ရှိသောကြောင့် ဖမ်းဆီးအရေးယူခဲ့ခြင်း ဖြစ်သည်။

ကိုကျော်ကျော်သန့်
အလွတ်သတင်းထောက်
ထောင်ဒဏ် ၇ နှစ် (ရန်ကုန်အင်းစိန်ထောင်)
နာဂစ်ဆိုင်ကလုန်း ဒုက္ခသည်များကို သွားရောက်လှူဒါန်းရာတွင် ပါဝင်ခဲ့ပြီး အဖမ်းခံခဲ့ရသည်။

[ဦးစိန်ဝင်းမောင်]

ဦးစိန်ဝင်းမောင်
ဦးစိန်ဝင်းမောင်
မန်နေဂျာ (မြန်မာနေးရှင်း အပတ်စဉ်ဂျာနယ်)
ထောင်ဒဏ် ၇ နှစ် (ရန်ကုန် အင်းစိန်ထောင်)
ဦးသက်ဇင်နှင့်အတူ ဖမ်းဆီးခံရကာ ထောင်ချခံရခြင်းဖြစ်သည်။

ကိုသန့်ဇင်အောင်
ဓာတ်ပုံသတင်းထောက်
ထောက်ဒဏ် ၁၈ နှစ် (ရန်ကုန် အင်းစိန်ထောင်)
နာဂစ်ဆိုင်ကလုန်း နှင့်ပတ်သက်သည့် မှတ်တမ်း ဗီဒီယို၊ ဓာတ်ပုံများကို ထိုင်းနိုင်ငံသို့ ယူဆောင်သွားစဉ် မင်္ဂလာဒုံလေဆိပ်၌ အဖမ်းခံခဲ့ရသည်။

[မအိမ့်ခိုင်ဦး]

မအိမ့်ခိုင်ဦး
မအိမ့်ခိုင်ဦး၊ ၂၄ နှစ်
သတင်းထောက် (အီကိုဗစ်ရှင်း အပတ်စဉ်ဂျာနယ်)
ထောင်ဒဏ် ၂ နှစ် (ရန်ကုန် အင်းစိန်ထောင်)
နာဂစ်ဆိုင်ကလုန်း ဒုက္ခသည်များကို သွားရောက်လှူဒါန်းရာတွင် ပါဝင်ခဲ့ပြီး အဖမ်းခံခဲ့ရသည်။

ကိုထွန်းထွန်းသိန်း
သတင်းထောက် (News Watch ဂျာနယ်)
ထောင်ဒဏ် ၃ လ (ရန်ကုန် အင်းစိန်ထောင်)
၎င်း ဂျာနယ်တွင် တရားသူကြီးလာဘ်စားသည့် သတင်းရေးမှုဖြင့် နိုဝင်ဘာ ၅ ရက်နေ့တွင်အဖမ်းခံခဲ့ရသည်။

ဦးခင်မောင်အေး
အယ်ဒီတာ (စောင့်ကြည့် ဂျာနယ်)
ထောင်ဒဏ် ၃ လ (ရန်ကုန် အင်းစိန်ထောင်)
ကိုထွန်းထွန်းသိန်းရေးသည့် တရားသူကြီး လာဘ်စားမှုသတင်းကို ထည့်သွင်း ဖော်ပြသောကြောင့် နိုဝင်ဘာ ၅ ရက်နေ့တွင် အဖမ်းခံခဲ့ရသည်။

ဦးအောင်သွင် (ခ) ဦးအောင်ကြီး
အလွတ်သတင်းထောက်
ထောင်ဒဏ် ၂ နှစ် (ရန်ကုန် အင်းစိန်ထောင်)
(အဖမ်းခံရသည့် အကြောင်းရင်း မသိရှိရ)

[ဦးဇော်သက်ထွေး ]

ဦးဇော်သက်ထွေး
ဦးဇော်သက်ထွေး
အားကစား စာရေးဆရာ။ First Eleven ဂျာနယ်၏ အယ်ဒီတာဟောင်း
ထောင်ဒဏ် ၁၉ နှစ် (ရန်ကုန် အင်းစိန်ထောင်)
နာဂစ်ဆိုင်ကလုန်းဒုက္ခသည်များကို ကိုဇာဂနာနှင့်အတူ သွားရောက်လှူဒါန်းမှုများ ပြုလုပ်ခဲ့ပြီး နောက် အဖမ်းခံခဲ့ရသည်။

ဦးအောင်ကျော်ဆန်း
အယ်ဒီတာချုပ် (မြန်မာထရီဗြွန်း အပတ်စဉ်ဂျာနယ်)
ချုပ်ရက် ၆ လကျော်ကြာသည်ထိ အမိန့်မချသေး
နာဂစ်ဆိုင်ကလုန်းကြောင့် သေဆုံးသွားသည့် လူသေအလောင်းများကို ကိုယ်ထူကိုယ်ထ မြှုပ်နှံပေးခဲ့ပြီးနောက် အဖမ်းဆီးခံခဲ့ရသည်။

------------------------------------------------------------------------------
SOURCE: http://www.irrawaddy.org/bur/index.php?option=com_content&view=article&id=601:2009-01-15-11-38-54&catid=2:article&Itemid=14

Please Answer the Following Questions!

သင့်...ဗဟုသုတ မည်မျှ ရှိပါသနည်း
- ယမထာ -

အောက်ပါမေးခွန်းများကို မှန်လျှင် (မှန်)၊ မှားလျှင် (မှား) သင့်အတွေ့အကြုံ၊ အသိစိတ်ဖြင့် ဖြေဆိုပါရန်

၁။ မေတ္တာသုတ်ရွတ်ခြင်းသည် သာသနာကို ညှိုးနွမ်းစေ၏ ။ (မှန်/ မှား)

(ဥပမာ- မြတ်စွာဘုရားသည် တရားအားထုတ်ရန် မဟာဝုန်တောသို့ ၀င်ရောက်သွားကြသော ရဟန်းတော် (၅၀၀)အား ဘီလူးကြမ်းများ၊ သရဲများရန်မှ ကာကွယ်နိုင်ပြီး ငြိမ်းချမ်းစွာ တရားအားထုတ်နိုင်ရန် မေတ္တာသုတ်ကို ဟောကြားခဲ့၏။ ထို့ကြောင့် ဗုဒ္ဓသည် သာသနာကို ညှိုးနွမ်းစေသူလော။)

၂။ `လူအချင်းချင်း နှိပ်စက်ခြင်း ကင်းရှင်းကြပါစေ´ မေတ္တာပို့ခြင်းသည် တိုင်းပြည်ငြိမ်ဝပ်ပိပြားရေးကို နှောက်ယှက်သည်။ (မှန်/ မှား)

(ဥပမာ- ရေကိစ္စဖြင့် သတ်ဖြတ်ကြတော့မည့် ကောလိယနှင့် သာကိယ နှစ်ပြည်ထောင် ခိုက်ရန်မဖြစ်ကြရန် ဗုဒ္ဓသည် မဟာသမယသုတ်ဖြင့် လူအချင်းချင်း မနှိပ်စက်ရန် ဟောပြဆုံးမခဲ့၏။ ထို့ကြောင့် ငြိမ်းချမ်းရေးရ၏။ ဗုဒ္ဓသည် တိုင်းပြည်ငြိမ်ဝပ်ပိပြားရေးကို နှောက်ယှက်သူလော။)

၃။ ဆွမ်းလောင်းသင်း တည်ထောင်ခြင်းသည် နိုင်ငံတော်အစိုးရကို အကြည်ညိုပျက်စေသည်။ (မှန်/ မှား)

(ဥပမာ- ဘာသာခြားအင်္ဂလိပ်မင်းများ အုပ်စိုးစဉ်က ဘာသာ၊ သာသနာကို စောင့်ရှောက်ချီးမြှောက်မှု နည်းပါးခဲ့၏။ ထို့ကြောင့် ကျွန်ုပ်တို့မြန်မာလူမျိုးများ ကိုယ့်ဘာသာ၊ သာသနာအတွက် အသင်း၊ အဖွဲ့များ ဖွဲ့စည်း၍ တပိုင်တနိုင် စောင့်ရှောက်ခဲ့ကြ၏။ ထိုအဖွဲ့အစည်းတို့မှ ဗုဒ္ဓကလျာဏယုဝအသင်းကြီးသည် ယခုတိုင် ထင်ရှား၏။ ထို့ကြောင့် ဗုဒ္ဓဘာသာ ကလျာဏယုဝအသင်းကြီးသည် အစိုးရ အကြည်ညိုပျက်စေသော အသင်းကြီးလော။)

၎။ ကြံ့ခိုင်ရေး အသင်းကြီးသည် သာကူးတို့၏ အသင်းဖြစ်သည်။ (မှန်/ မှား)

(ဥပမာ- မန္တလေးတိုင်း ကြံ့ဖွံ့ခေါင်းဆောင် ရမ်စိန်မြင့်သည် တစ်ချိန်က (အခါအခွင့်သာစဉ်က) ဒေါ်စု၏ NLD-မန္တလေးမှ တက်ကြွသော ခေါင်းဆောင်တစ်ဦး ဖြစ်ခဲ့သည်။ ယခုအခြေအနေတွင် ငရမန်စိန်မြင့်သည် ကြံ့ဖွံ့အမာခံဖြစ်၍ နေပေပြီး ဒေါ်စုနှင့် ငရန်မန်စိန်မြင့်တို့ ပဒုမ္မာခန်းမတွင် တွဲရိုက်ထားသော ဓာတ်ပုံ ကျွန်ုပ်တို့ထံတွင် ရှိသည်။)

၅။ စွမ်း/အားအဖွဲ့သို့ ခေါင်းမရှိသော လူလေလူလွင့်များသာ ၀င်သည်။ (မှန်/ မှား)

(ဥပမာ- စွမ်းအားရှင်များ စည်းရုံးသိမ်းသွင်းပုံမှာ ရပ်ကွက်တွင်း ကျူးကျော်တဲများ၌ နေထိုင်သူများကို စွမ်းအားတွင်း မ၀င်လျှင် မနေရဟု ရယက အမိန့်ဖြင့် ၀င်ရောက်စေသည်။ ကြာရိုးကိုကြည့်၍ ရေ၏ အတိမ်အနက်ကို သိနိုင်သည် မဟုတ်တုံလော။)

၆။ နအဖ ခေတ်၌ ပညာမဲ့များနှင့် ဘိန်းမှောင်ခိုများ အရာရောက်သည်။ (မှန်/ မှား)

(ဥပမာ- အေးရှားဝါးလ် ကုမ္ပဏီပိုင်ရှင် လောစစ်ဟန် ရှု။)

၇။ နအဖသည် သားသတ်သမားများဖြင့် ဖွဲ့စည်းထားသည်။ (မှန်/ မှား)

(ဥပမာ- မြို့ရော/တောပါမကျန် သားသတ်လိုင်စင်ကို နိုင်ငံတော်မှ နှစ်စဉ် ဈေးပြိုင်စနစ်ဖြင့် တရားဝင် တင်ဒါချပေးနေသည်။)

ယမထာ

You received this email because you are subscribed to the real_time feed for http://bigbbrown.blogspot.com/feeds/posts/default. To change your subscription settings, please log into RSSFWD.

[ညိမ်းညို] 2 New Entries: နံနက်ခင်းသို့ ဖြူရှင်းလင်းမြစေ… ညခင်းတို့ မြူကင်းဝင်းပစေ...

နံနက်ခင်းသို့ ဖြူရှင်းလင်းမြစေ… ညခင်းတို့ မြူကင်းဝင်းပစေ...

"ကွာလှမ်းသော်ငြား
သင့်အိမ်အားလောင်မြိုက်သောမီးသည်
ငါ့ရင်ကို လာဟပ်သဖြင့်
တရပ်တရွာတည်းဖြစ်ကြောင်း
ငါယုံပြီ".....မင်းမြင့်ဇင်

ရွက်နုတို့ ဝေပါစေ
မျိုးဆက်သစ်တို့ ဝေပါစေ၊

မိုးတွေ စွေပါစေ
ဂရုဏာတရားတွေ စွေပါစေ၊

နှင်းတွေ ဖွေးပါစေ
ချစ်ခြင်းမေတ္တာတွေ ဖွေးပါစေ၊

နေမင်းကြီး ထွန်းလင်းပါစေ
ဉာဏ်ပညာအပေါင်း ထွန်းလင်းပါစေ၊

လမင်းကြီး သာပါစေ
စာနာမှုတရားတို့ သာပါစေ၊

ဆွေးနွေးရင်းငြင်းခုံ၊ ငြင်းခုန်ရင်းဆွေးနွေး
ညီအကိုတို့ ဖေးမနိုင်ပါစေ၊

ပေါင်းစီးရင်းကွဲလွဲ၊ ကွဲလွဲရင်းပေါင်းစည်း
ညီအကိုတို့ သွေးနီးနိုင်ပါစေ၊

တိုင်ပင်ရင်းအဖြေရှာ၊ အဖြေရှာရင်းတိုင်ပင်
ညီအကိုတို့ ချစ်ခင်နိုင်ပါစေ၊

သင်ယူရင်းတည်ထောင်၊ တည်ထောင်ရင်းသင်ယူ
ညီအကိုတို့ စိတ်တူကြည်ဖြူနိုင်ပါစေ၊

နားလည်ရင်းခွင့်လွှတ်၊ ခွင့်လွှတ်ရင်းနားလည်
ညီအကိုတို့ ပြုံးရယ်ပျော်ရွှင်နိုင်ပါစေ၊

မရဏံ ဓူဝံ
ဇိဝိတံ နဓူဝံ။
သေခြင်းတရားကား မြဲ၍
အသက်ရှင်ခြင်းကား မမြဲ၊

ရှင်တုန်းခဏ တွေ့ကြခိုက်မှာ
လက်တွေ ခိုင်ခိုင်မြဲနိုင်ပါစေ
လက်တွေ ခိုင်ခိုင်တွဲနိုင်ပါစေ
စိတ်ဝမ်းလက်ညီ ပြည်သစ်တည်နိုင်ပါစေ။

ညိမ်းညို

အခွံမာသစ်သီးများ

ထိရှမိသမျှ
ဖြာခနဲ
နက်လည်း ထင်းထင်း
ဖြူလည်း လင်းလင်း။

ရှင်းတယ်
ဇာတ်လမ်းရှင်းရှင်း
ဇာတ်ညွှန်းရှင်းရှင်း
ရင်ဘတ်ထဲကလာတဲ့ အသံကို
သွင်းမယ်။

ငါတို့ ဦးခေါင်းမှာ
ခပ်မာမာ ဗီဇဆဲလ်တစ်ခုနဲ့
ငါတို့ နှလုံးသားမှာ
နူးညံ့ပန်းတစ်ပွင့်နဲ့
သွေဖီတတ်၊ ကြေကွဲတတ်
မျက်ရည်၊ အားမာန်
ဘတစ်ပြန် ကျားတစ်ပြန်။

သွေးတွေ
ရိုးရိုးသားသား နီကြ
အိပ်မက်တွေ
ထောက်မမီအောင် နက်ရှိုင်းကြ
လောကဓံ ဓားရှစ်လက်ကြားမှာ
ငါတို့စိတ်ဓာတ်ဟာ
မဆုတ်တမ်းခံစစ်ပဲ။

မြစ်တစ်စင်း
ရှေ့မှာ....
မှောင်မှောင်ပိန်းပိန်း
ဟိန်းဟိန်းညံညံ။

ဝံ့စားတယ်
သစ္စာတရားကို ကြိုးလိုကျစ်ပြီး
အဲဒီမြစ်ကို ကူးမယ်။

လူငယ်
အခွံမာသစ်သီးများ
ပျော့ပျောင်းချိုမြိန်သော အသားမွှာတို့ရှိရဲ့။

ညိမ်းညို

You received this email because you are subscribed to the real_time feed for http://nyeinnyo.blogspot.com/feeds/posts/default. To change your subscription settings, please log into RSSFWD.

[NYI LYNN SECK 18+ DEN] 8 New Entries: ခရီးသွားမည်

ခရီးသွားမည်

လွန်စွာ ထူးဆန်းသော၊ ကြောက်မက်ဖွယ်ရာများ ပြည့်လျှမ်းနေသော၊ မမြင်ရသည့် အံ့ဩဖွယ်ရာများ လွှမ်းခြုံနေသော၊ မထိတွေ့နိုင်သည့် အစောင့်အကျပ်များဖြင့် ပြည့်နှက်နေသော၊ လူသူ အရောက်အပေါက် ခက်ခဲလှသည့် မြန်မာပြည် အထက်ပိုင်း တောကြီးတစ်ခု အတွင်းမှ လျှို့ဝှက်ဆန်းကြယ် ဂမ္ဘီရ နေရာတစ်ခုသို့ အင်္ဂါနေ့တွင် သွားရောက်မည် ဖြစ်သည်။ မည်သည့်ရက်တွင် ပြန်ရောက်မည်ကို အတိအကျ မပြောနိုင်သော်လည်း ကျွန်ုပ် ပြန်ရောက်သောအခါတွင် အားလုံးအတွက် စိတ်ဝင်စားစရာ ဓာတ်ပုံများ၊ ရင်သပ်ရှုမောဖွယ်ရာ အဖြစ်အပျက်များ၊ စိတ်လှုပ်ရှားဖွယ် စွန့်စားခန်းများကို တပါတည်း ယူဆောင်လာခဲ့ နိုင်လိမ့်မည်ဟု ယုံကြည်မိလေသည်။ 

Every secret of a writer's soul, every experience of his life, every quality of his mind is written large in his works. (Virginia Woolf)

သူဘယ်သူလဲ

ကျွန်တော်ပဲ ဒီမှာစာတွေရေးနေရတာ ပျင်းလာပြီ။ ဒီတော့ Web Research ကို စိတ်ဝင်စားတဲ့ သူတွေနဲ့ အတူတူ Research လုပ်ကြည့်ရအောင်။ အထက်ကပုံက မနေးရဲ့ နာမည်ကျော် ပန်းချီကားတစ်ချပ်၊ အောက်ကပုံက ဒါဒါပုံစံ လုပ်ထားတဲ့ Vow Wow Wow ရဲ့ နာမည်ကျော် အခွေကာဗာ။ ဒါကို အကြောင်းမဲ့ တင်ထားတာ မဟုတ်ပါဘူး။ အိုကေ စိတ်ဝင်စားတဲ့သူတွေ Research လုပ်ကြည့်လိုက်ကြပါဦး။ ဒါဆိုရင် စိတ်ဝင်စားစရာ လူတစ်ယောက် အကြောင်းကို သိလာရမယ်လို့ အာမခံတယ်ဗျာ။ ကျွန်တော်ကိုယ်တိုင် ဒီပုံကို 2004 Art Theory သင်တုန်းက မြင်ခဲ့ဖူးပေမယ့် အမှတ်တမဲ့ပဲ သဘောထားခဲ့တာ။ ဒီနေ့မှ တိုက်တိုက်ဆိုင်ဆိုင် အဘိဓာန် စာအုပ် တစ်အုပ်ထဲက အကြောင်းအရာလေး တစ်ခုနဲ့ ဆက်စပ်ပြီး ရှာဖတ်ဖြစ်လိုက်တာ။ အိုကေ  ဒီပုံမှာ ကျွန်တော်တို့အတွက် စိတ်ဝင်စားစရာ အကောင်းဆုံး လူတစ်ယောက် ဘယ်သူဖြစ်မလဲ ဆိုတာ ရှာဖွေကြည့်လိုက် ကြပါဦး။ အဖြေသိရင် တခြားသူတွေကိုလည်း ကွန်မန့်မှာ မျှဝေပေးလိုက်ပါဦး။ 

Every secret of a writer's soul, every experience of his life, every quality of his mind is written large in his works. (Virginia Woolf)

ခရစ္စတီးနားရဲ့ကမ္ဘာ

ခရစ္စတီးနားရဲ့ကမ္ဘာ (Christina's World) လို့ အမည်ရတဲ့ ကမ္ဘာကျော် ပန်းချီကားကို ရေးဆွဲခဲ့သူ အမေရိကန် ပန်းချီကျော် အင်ဒရူးဝိုင်းယတ် ဟာ ၁၆ရက်နေ့က ကွယ်လွန်သွားပါတယ်။ သူကွယ်လွန်ချိန်မှာ အသက် ၉၁နှစ် ရှိနေပြီ ဖြစ်ပါတယ်။ [news]  

ခရစ္စတီးနားရဲ့ကမ္ဘာ

စကြဝဠာတစ်ခုလုံး

ဖူးပွင့်သွားတာကိုတောင်

မသိလိုက်တဲ့ကောင်ပါ

နွေရာသီတစ်ခုလုံး ငါ့အပေါ်ပြုတ်ကျ

မိုးဦးရနံ့တွေနဲ့ တမ်းတနှုတ်ဆက်စကား ဆိုမိတော့မှ

ငါဟာ ရွက်ကိုတပ်လို့

အရှေ့ဘက် မြစ်ဖျားတွေဆီ ထွက်ခဲ့တယ်

ငါရရှိခဲ့တယ်... အားသွင်းထားတဲ့ ဓာတ်ခဲတွေ

ငါရရှိခဲ့တယ်... သေသေပ်တဲ့ လေပန်ကာတွေ

ငါရရှိခဲ့တယ်... ရေခဲထဲမှာ သေနေတဲ့ငါးတွေ

ငါရရှိခဲ့တယ်... နေကြာပန်းတွေ

ငါရရှိခဲ့တယ်... ဆွဲအားလွတ် လေဟာနယ်တွေ

ငါရရှိခဲ့တယ်... မသိသေးတဲ့ နံနက်ခင်းနေရောင်တွေ

ငါရရှိခဲ့တယ်...

ငါရရှိခဲ့တယ်...

ကလေးတစ်ယောက် ချော်လဲသွားတယ်

အိပ်နေရင်းနဲ့ ချစ်သူဆိုတာကို မျှော်လင့်လို့...။

အဲဒီပန်းချီကားလေးရဲ့ နာမည်နဲ့ နောက်ခံ အကြောင်းကို နှစ်သက်လို့ 2001 လောက်က ရေးခဲ့တဲ့ ကဗျာလေးပါ။ 

Every secret of a writer's soul, every experience of his life, every quality of his mind is written large in his works. (Virginia Woolf)

လူ့ဘောင်သမိုင်းသစ်

ဒီစာအုပ်လေးကလည်း ကျွန်တော် ငယ်ငယ်က ဖတ်ခဲ့ရ၊ နှစ်သက်ခဲ့ရတဲ့ စာအုပ်ကလေးပါ။ အိမ်မှာရှိတဲ့ စာအုပ်က ခြကိုက်လို့ တဝက် မရှိတော့ဘူး။ အဲဒါ တစ်ရက်က အဟောင်းတန်းမှာ မမျှော်လင့်ဘဲ တွေ့လို့ ၂၅၀၀ ပေးပြီး ဝယ်လာခဲ့တယ်။ အိမ်ရောက်တော့ စာအုပ်ကို တစ်ရွက်ချင်းဖြုတ် စကန်နာထိုင်ဆွဲပြီး ပြန်သန့်ထားလိုက်ပါတယ်။ လူကြီးတွေ ဖတ်ဖို့ မဟုတ်ပါဘူး။ ကလေးတွေ ဖတ်ဖို့ပါ။ 

စာအုပ်ကို ဒီနေရာမှာ ဒေါင်းလုဒ် ရယူနိုင်ပါတယ်။ [Download PDF: 6Mb ]

--
Every secret of a writer's soul, every experience of his life, every quality of his mind is written large in his works. (Virginia Woolf)

Every secret of a writer's soul, every experience of his life, every quality of his mind is written large in his works. (Virginia Woolf)

Myanmar Ban Blogspot Again

ဘလောဂ်မှာ အရင်ကလို စာတောင် တင်လို့ မရတော့ပါဘူး။ ပရောက်ဆီ ဆောဖ့်ဝဲတွေ သုံးရင်လည်း ပိုစ့်တင်လို့ မရတော့ပါဘူး။ အနည်းဆုံး Save in Draft တောင် လုပ်လို့ မရတော့တာ တွေ့ရပါတယ်။ ပိုစ့်တင်မယ်လို့ နှိပ်လိုက်ရင် အောက်ကလို စာသားတွေ ထွက်လာပါတော့တယ်။ အရင်က ဘလော့ကို မူရင်း www.blogger.com ကိုပိတ်ထားပေမယ့် https://www2.blogger.com ကနေဝင်ရင် အေးအေးဆေးဆေး စာဝင်ရေးလို့ရတယ်။ ပြင်လို့ရတယ်။ အခုတော့ ဒါတွေအားလုံးပါ ပိတ်သွားခဲ့ပြီ။ အခုလည်း ဘယ်လိုမှ တင်မရလို့ Mail to Blogger ကိုအသုံးပြုပြီး တင်လိုက်ပါတယ်။ မနေ့ညကမှ ဪ ဘလောဂ်တွေ ဖွင့်ပေးနေပြီလို့ ဝမ်းသာအားရ ဆိုလိုက်မိတာ မှားသွားမှန်း သိလိုက်ရတယ်။ ကျွန်တော်ကိုယ်က အမှတ်မရှိတာ။

The requested URL could not be retrieved

Please double check or try again later.

Celebrity Secrets To Staying Young

Adventure Sailing Vacation

Activities for the Youth

Accountancy Career

Making Chocolate

The History of Acupuncture

Tai Chi Techniques and Training

Organic Vegetable Gardening

A Simplified Look at Composting

What are Hydrogen Fuel Cells?

Top 5 Reasons Why to Raise Chickens

Every secret of a writer's soul, every experience of his life, every quality of his mind is written large in his works. (Virginia Woolf)

ရှေးဟောင်းလူ နှင့် ဝက်သား

တစ်နေ့က စာအုပ်တွေရှင်းရင်း  ကျွန်တော် ငယ်ငယ်က ဖတ်ခဲ့ရတဲ့ သမိုင်းစာအုပ်လေးကို ပြန်တွေ့တယ်။ တော်တော်လည်း ပျော်သွားတယ်။ ဒီစာအုပ်လေးကို ကျွန်တော်တို့ ခေတ်မှာ မသင်ခဲ့ရပါဘူး။ ကျွန်တော့် အကိုတို့ လက်ထက်ကတော့ သင်ခဲ့ရပုံ ပေါ်တယ်။ ကျွန်တော်ကတော့ အဲဒီစာအုပ်လေးကို ငယ်ငယ်ထဲက အတော် စွဲလမ်းခဲ့တာ။ အဲဒီအထဲက ဇာတ်လမ်းလေးတွေဟာ သိပ်ကောင်းတယ်။ အခုခေတ် စာအုပ်တွေနဲ့ မတူဘူး။ နဲနဲ မြည်းကြည့်လိုက်ပါဦး။ 

ရှေးဟောင်းလူနှင့် ဝက်သား

ရှေးအခါက တရုတ်ပြည် အနောက်ဖက်ပိုင်း တာရင်ချိုင့်ဝှမ်း ဒေသတွင် ရှေးဟောင်းလူများ နေခဲ့သည်။ ယင်းဒေသ လူများသည် တိရစ္ဆာန်များကို မွေးမြူ၍ အသက်မွေးတတ်သည်အထိ ယဉ်ကျေးနေကြပြီ ဖြစ်သည်။

တောင်စောင်းတခုအနီး ရွာငယ်တခုတွင် တဲငယ်တခု ဆောက်၍နေသည့် မိသားစု အိမ်ထောင်တစု ရှိ၏။ အမိ၊ အဖ၊ အစ်ကို၊ အစ်မ တို့အားလုံး သိုးကျောင်း၊ သစ်သီးရှာ၊ ငါးမျှား စသော အလုပ်များလုပ်ရန် ထွက်သွားကြစဉ် ဘိုဘိုဟုခေါ်သော သူငယ်တယောက်တည်းသာ တဲစောင့်နေခဲ့၏။

ဘိုဘိုသည် အိမ်တွင် ပျိုးထားသော မီးဖိုထဲမှ မီးတစကို ယူ၍ ကလေးဘာဝ မီးနှင့် ကစားစဉ် တဲငယ်ကလေး မီးလောင်သွားတော့၏။ မီးလောင်နေသော တဲကိုကြည့်ပြီး ဘိုဘိုသည် စိတ်ပူနေသည်။ မကြာမီ တဲကလေး မီးကျွမ်းသွားသောအခါ တဲထဲတွင် နေသည့် ဝက်ကလေး ငါးကောင်တို့မှာလည်း မီးလောင်၍ သေနေကြသည်။ မီးလောင်ပြီး သေနေသော ဝက်ငယ်များ အနီးသို့ ဘိုဘို သွားကြည့်သည်။ 

ဝက်ကလေးများမှာ မီးသင်းထားသဖြင့် ကား၍ တောင့်၍ နေကြသည်။ မီးသင်းထားသော ဝက်ကလေးများမှ ဝက်နံကင် အနံ့ကဲ့သို့ အမွှေးနံ့များ သင်းနေသည်။ ဘိုဘိုက ဝက်နံကင် အနံ့ကို ရသဖြင့် သဘောကျပြီး အနီးသို့ ချဉ်းကပ်လျက် ကလေးတို့ဘာဝ ဝက်ကလေးတကောင်အား လက်ညှိုးဖြင့် ထိုးကြည့်လိုက်ရာ ဝက်သားသည် နူးနပ်နေပြီ ဖြစ်၍ ဘိုဘို၏ လက်ညှိုးကလေးသည် ဝက်သားထဲမြုပ်၍ ဝင်သွားသောအခါ အလွန်ပူလောင်သွားသည်။

ဘိုဘိုသည် လက်ညှိုးတွင် အပူထိသဖြင့် အမြန်ဆွဲနုတ်လိုက်ပြီး သက်သာရာ သက်သာကြောင်း လက်ညှိုးကို သူ့ပါးစပ်ကလေးဖြင့် စုတ်မိလေသည်။ ထိုသို့ စုတ်မိလိုက်သည်နှင့် တပြိုင်နက် မိမိခံစားနေရသော အပူကို မေ့လောက်အောင်ပင် လျှာတွင် အရသာ တွေ့သွားသည်။ ဘိုဘို အလွန်သဘောကျသွားသည်။ နောက်တကြိမ် ဝက်ကလေးကို လက်ညှိုးဖြင့် ထိုးပြီး လက်ကို စုတ်မိပြန်သည်။ အရသာ တွေ့လှသဖြင့် လက်ညှိုးဖြင့် ထိုးရုံမျှမကဘဲ လက်နှင့် ကော်၍ကော်၍ ဝက်သားကို စားလေတော့သည်။

ထိုခဏတွင် အဖဖြစ်သူ ရောက်လာပြီး၊ တဲမီးလောင် ပြာကျနေသည်ကို မြင်သောအခါ အလွန်ဒေါသဖြစ်လျက် အော်ငေါက်ပြီး အိမ်ဆီသို့ ပြေးလာသည်။ အိမ်မီးလောင်ရုံမျှ မကေသေး၊ ဘိုဘိုသည် ရွံစရာကောင်းသော ဝက်၏ အသားကို လက်ညှိုးဖြင့် ကော်ကာ စားနေသည်ကို တွေ့ပြန်သဖြင့် ဘိုဘို၏ အပေါ်သို့ သူ့အဖေကြီးက လက်သီးမိုး ရွာချလိုက်တော့သည်။

ဘိုဘိုလည်း သူ့အဖေအား ဝက်၏အသားသည် အလွန်မွှေး၊ အလွန် အရသာရှိကြောင်း လက်သီးထိုးခံရင်း ရှင်းပြသည်။ မယုံကြည်လျှင် တတို့မျှ တို့၍ မြည်းကြည့်ရန် ပြောလိုက်သောအခါ အဖိုးကြီးက ပထမ ငြင်းဆန်ပြီး ဘိုဘိုအား ပြစ်တင်ရှုံ့ချလျက်ပင် နေသေးသည်။ သို့သော် ဘိုဘိုက လက်ညှိုးဖြင့် ကော်ကာကော်ကာ စားပြရင်း သူ့အဖေကြီးအား အနည်းငယ်မျှ မြည်းကြည့်ရန် တိုက်တွန်း၏။

အဖိုးကြီးလည်း ဝက်ငယ်တကောင်ကို လက်ညှိုးဖြင့် ထိုးလိုက်ရာ အလွန်ပူလှသဖြင့် ဘိုဘိုကဲ့သို့ပင် လက်ညှိုးကို ပါးစပ်ဖြင့် စုတ်လိုက်မိလေသည်။ အဖိုးကြီးလည်း ဘိုဘိုနည်းတူ အရသာ တွေ့သွားသဖြင့် ဘိုဘို၏ ကျောကို သပ်လျက် ချော့မြှူရင်း မီးသင်းဝက်သားကို ကော်ကာကော်ကာ စားလေသည်။ နောက် အခြားအိမ်သားများ ပြန်လာသော အခါတွင်လညး မီးသင်းဝက်သားကို မြိန်ရှက်စွာ စားကြလေသည်။

ထိုအခါမှစ၍ အသားကို မီးသင်း၍ စားသော အလေ့အထသည် ကျန်ဒေသများသို့ ပြန့်နှံ့ သွားလေသတည်း။

တတိယတန်း ကမ္ဘာ့သမိုင်းပုံပြင်၊ စာ ၈၇၊ ၁၉၇၈

မှတ်ချက်။ အစ္စလာမ် စာဖတ်သူတွေ ဒီပိုစ့်တော့ ခွင့်လွှတ်ကြပေါ့ဗျာ။

Every secret of a writer's soul, every experience of his life, every quality of his mind is written large in his works. (Virginia Woolf)

Blogger and Blogspot are unbanned in Myanmar

Blogger and Blogspot are unbanned in Myanmar (False News!)

Yangon, 

11pm, Jan 14, 2009.

What a beautiful day!!! Our lovely Google's Blogger and Blogspot are released from ban in Myanmar. 

Blogspot, the most popular blogging platform among burmese bloggers was banned in Myanmar since last two years ago. Blogging is interested as one of the most famous tech revolution and media explosion in myanmar youths and, it reached its highest popularity at 2007. Actually it(blogging) doesn't mean as most people thought as just writing something on web, but it has more meaningful characteristics and can be doing as professional. At least, it can earn some extra bucks for survive. Now, it is released from ban and we bloggers hope to build more meaninful myanmar blogosphere for community, and wishing not to be banned again. Cheer!

Update!

ဒီဟာ ရေးပြီးမှပဲ မနက်မိုးလင်းချိန်မှာ ပြန်ပိတ်တာ ခံလိုက်ရပါတော့တယ်။ ကိုယ်တောင် တော်တော် ကြောင်သွားတယ်။ တကယ်တမ်း မသိလိုက်ရင် အကောင်းသား။ :( ယုံကြည်မိတာကိုက ကျွန်တော့် အမှားပါ။

Every secret of a writer's soul, every experience of his life, every quality of his mind is written large in his works. (Virginia Woolf)

ငရဲခွေးကြီးလွတ်နေပြီ

ငရဲခွေးကြီးလွတ်နေပြီ

The Hell-Hound at Large

Escaped from Awizi, a devil in the form of a black dog. Had been during his brief span on earth a base object of universal odium and execration, - sentenced to Eternal Damnation for Treachery, Theft, Presumption, Intrigue, Pettifogging, Sadism, Churlishness, Vulgarity, etc. A pimping knave with avuncular pretensions to some cheap wiggling wenches from a well-known Hostel, he was also a hectic popularity-hunter, shamming interest in Games, Concerts, Associations etc., menacing the public placed with his unwanted presence though generally welcomed everywhere as small-pox. His only distinguishing marks have been the abominable V.D. ulcers on his neck and buboes due to copulation with his own wife. 

Will finder please kick him back to Hell?

Yamamin.

From: Oway or The Voice of the Peacock, Voice of the RUSU, Jan. 1936; Vol. 5, No. 1, p.56. Points from Letters.

အိုးဝေမဂ္ဂဇင်း အတွဲ (၅) အမှတ် (၁) တွင်ပါရှိသည့် ငရဲခွေးကြီးလွတ်နေပြီ ဆောင်းပါး။ 

Related: အနိုင်မခံ

Every secret of a writer's soul, every experience of his life, every quality of his mind is written large in his works. (Virginia Woolf)

You received this email because you are subscribed to the real_time feed for http://nyilynnseck.blogspot.com/feeds/posts/default. To change your subscription settings, please log into RSSFWD.