ဟစ်တလာရဲ့ လျှို့ဝှက် အိန္ဒိယတပ်မတော် - အပိုင်း(၂)
ဆောင်းပါးရှင် - ဆရာဂါမဏိ
အဲဒီအချိန်တုံးက ဘို့စ်ရဲ့တပ်ထဲဝင်ခဲ့သူတယောက်ဖြစ်တဲ့ ဗိုလ်ဘာရဝန်ဆင်းကို ဘီဘီစီသတင်းထောက်က စုံစမ်းရှာဖွေပြီး အင်တာဗျူးခဲ့ပါတယ်။ သူဟာ အဲဒီတုံးက သူနေတဲ့စစ်သုံ့ပန်းစခန်းကို အိန္ဒိယတော်လှန်ရေးသမားကြီး ဆိုက်ရောက်လာပုံကို ကောင်းကောင်းမှတ်မိနေဆဲဖြစ်ပါတယ်။ "အဲဒီမှာ သူ့ကို ကျုပ်တို့နဲ့စကားပြောချင်တဲ့ ကျုပ်တို့တိုင်းပြည်က ခေါင်းဆောင် တယောက်အဖြစ် မိတ်ဆက်ပေးခဲ့တယ်" လို့ ဆင်းက ပြန်ပြောပြတယ်။ "သူက ကိုယ့်ဆန္ဒအလျောက် စာရင်းသွင်းတဲ့ ရဲဘော် (၅၀၀)လိုချင်တယ်၊ အဲဒီလူတွေကို ဂျာမဏီနိုင်ငံမှာ သင်တန်းပေးပြီး အိန္ဒိယနိုင်ငံထဲ လေထီးနဲ့ချပေးမယ်တဲ့။ လူအားလုံး လက်ထောင်ကြတယ်။ ကျုပ်တို့ ကုလားသုံ့ပန်းတွေ ထောင်နဲ့ချီပြီး စာရင်းပေးကြတယ်ဗျ။"
ဒါကြောင့် ၁၉၄၃ ဖေဖော်ဝါရီမှာ ဘို့စ်ဟာ သူ့တပ်ဖွဲ့ဝင်တွေကို ထားရစ်ခဲ့ပြီး ဂျပန်ပြည်ကို သွားတဲ့ ရေငုပ်သင်္ဘောတစီးနဲ့ တိတ်တဆိတ်လိုက်ပါသွားခဲ့ပါတယ်။
ဂျပန်ပြည်ရောက်တော့ ဘို့စ်ဟာ ဂျပန့်အကူနဲ့ အင်အား ၆၀၀၀၀ ရှိတဲ့တပ်ကိုဖွဲ့၊ မြန်မာ့လွတ်လပ်ရေး တပ်မတော်ခေါင်းဆောင် ဗိုလ်ချုပ်အောင်ဆန်းနဲ့ မဟာမိတ်ပြုပြီး အိန္ဒိယပြည်ကို ချီတက်ဖို့ ကြိုးစားခဲ့ပါတယ်။ ဂျာမဏီပြည်မှာတော့ သူစုဆောင်းခဲ့တဲ့ ရဲဘော်တွေဟာ ခေါင်းဆောင်မဲ့ဖြစ်ပြီး စိတ်ဓာတ်ကျဆင်း ကျန်ရစ်ခဲ့ပါတယ်။ မကျေမနပ် ဆူဆူပူပူတွေ တော်တော်ကြီးဖြစ်၊ တပ်တွင်းပုန်ကန်မှုတခုတောင်ဖြစ်ပြီးနောက်မှာ ဂျာမန်စစ်ဦးစီးဌာနက ဒီ အိန္ဒိယတပ်ကို ပထမဦးစွာ ဟော်လန်နိုင်ငံကို စေလွှတ် ခဲ့ပြီး နောက်ပိုင်းမှာ ပြင်သစ်နိုင်ငံ အနောက်တောင်ပိုင်းကိုပို့၊ မဟာမိတ်တပ်တွေ ကမ်းတက်စစ်ဆင်လာမယ်လို့ မျှော်လင့်ရတဲ့ ကမ်းခြေမှာ အခိုင်အခန့် ခံကတုတ်တွေတည်ဆောက်ခိုင်းခဲ့ပါတယ်။
၁၉၄၄ ခုနှစ် ဇွန်လ မဟာမိတ်တပ်တွေ ပြင်သစ်မြောက်ပိုင်းမှာ နော်မန်ဒီ ကမ်းတက်စစ်ဆင်ရေး လုပ်ပြီးနောက် လွတ်လပ်သောအိန္ဒိယတပ်ဖွဲ့ဟာ ဂျာမန် တပ်တွေနဲ့အတူ ပြင်သစ်နိုင်ငံတလွှားကိုဖြတ် ဆုတ်ခွာခဲ့ပါတယ်။ အဲဒီအချိန်မှာ ဒီအိန္ဒိယတပ်ဟာ ဟင်းမလားရဲ့ ဝါးဖင် အက်စ်အက်စ်တပ်ထဲ ပေါင်းထည့်ခံထားရပါပြီ။ အခုလိုတပ်ဆုတ်ရတဲ့အချိန်မှာ အိန္ဒိယတပ်ဟာ အရပ်သားပြည်သူလူထုတွေ ကြားထဲ ရိုင်းစိုင်းကြမ်းကြုတ်တယ်၊ ရွံမုန်းစရာကောင်းတယ်လို့လည်း နာမည်ဆိုးရလာပါတယ်။ မုဒိန်းကျင့်တာတွေ၊ တရားလက် လွတ်သတ်တာဖြတ်တာတွေ ဖြစ်ခဲ့ပါတယ်။
နောက်ဆုံးမှာတော့ ဒီလွတ်လပ်သောအိန္ဒိယတပ်ဖွဲ့ဟာ ဗြိတိသျှတွေကို အိန္ဒိယနိုင်ငံက မောင်းထုတ်နိုင်မယ့် အစား ပြင်သစ်က နေ မောင်းထုတ်ခံရ၊ ဒီ့နောက် ဂျာမဏီနိုင်ငံကနေ မောင်းထုတ်ခံရပြီး မဟာမိတ်တပ်တွေရဲ့ ဖမ်းဆီးမှုကိုသာ ခံခဲ့ရပါတယ်။ စစ်ပြီးတနှစ်အကြာမှာ ဒီသုံ့ပန်းတွေကို အိန္ဒိယနိုင်ငံ ပြန်ပို့၊ နှစ်တိုထောင်ဒဏ်တွေ ချခဲ့ပြီးနောက် ပြန်လွှတ်ခဲ့ပါတယ်။ ဒါပေမဲ့ အဲဒီတပ်ဖွဲ့ထဲက အကြီးတန်းအရာရှိကြီးသုံးယောက်ကို ဗြိတိသျှအစိုးရက ဒေလီမြို့နားမှာ တရားရုံးတင်စစ်ဆေးတဲ့အခါ ဗြိတိသျှအိန္ဒိယစစ်တပ်အတွင်း တပ်တွင်းပုန်ကန်မှုတွေ ဖြစ်လာခဲ့ပြီး လမ်းပေါ်လူထုဆန္ဒပြပွဲတွေလည်း ပေါက်ကွဲခဲ့ပါတယ်။ အခုလို အိန္ဒိယစစ်တပ်ဟာ ဗြိတိသျှတွေခိုင်းတဲ့အတိုင်း လိုက်နာလိမ့်မယ်လို့ စိတ်မချရတော့ကြောင်း ဗြိတိသျှတွေ သဘော ပေါက်လာတဲ့အခါ အိန္ဒိယလွတ်လပ်ရေးဟာ မကြာခင် ပေါ်ထွန်းလာပါတော့တယ်။
ဒါပေမဲ့ ဆူဘတ်စ်ချန်ဒရာဘို့စ်ကတော့ သူတစိုက်မတ်မတ် ခက်ခက်ခဲခဲစွန့်စွန့်စားစား တိုက်ပွဲဝင်ခဲ့တဲ့ လွတ်လပ်ရေး အလင်း ရောင်ကို မြင်မသွားရဘဲ ၁၉၄၅ ခုမှာ ကွယ်လွန်သွားခဲ့ပါတယ်။ အဲဒိနောက်ပိုင်းမှာ ဗိုလ်ဘာရဝန်ဆင်းနဲ့ သူ့ရဲဘော် တပ်ဖွဲ့ဝင် တွေအကြောင်းကိုလည်း ဘာမှသိပ်မကြားရတော့ပါဘူး။ ဒီအဖြစ်အပျက်တွေကို မထုတ်လွှင့်ဖို့ ဘီဘီစီသတင်းဌာနကို စစ်အပြီး မှာ တားမြစ်ပိတ်ပင်ခဲ့ပြီး ထူးခြားလှတဲ့ ဇာတ်ထုပ်ကြီးဟာ မော်ကွန်းတိုက်ထဲ ပိတ်လှောင်ထားခံခဲ့ရတာ အခုအချိန်ထိဖြစ်ပါ တယ်။ ဒါပေမဲ့ ဗိုလ်ဆင်းကတော့ အဲဒီစိတ်လှုပ်ရှားစရာကာလတွေကို ဘယ်တော့မှ မမေ့ခဲ့ပါဘူး။ "ကျုပ်တို့တပ်ယူနီဖောင်းတွေ၊ ဘက်တံဆိပ်တွေနဲ့ ကျုပ်တို့ပုံစံတွေကို ကျုပ်မြင်ယောင်နေတုံးဘဲ။ ကျုပ်တို့တတွေ စစ်ချီသီချင်းတွေ ဝိုင်းဆိုကြ၊ နောက်ဆုံးမှာ နိုင်ငံလွတ်လပ်ရေး ရမယ့်အကြောင်းတွေ အားတက်သရောပြောကြဆိုကြတာတွေကို မြင်ယောင်နေတုံးဘဲ" လို့ ဗိုလ်ဆင်းက ဘီဘီစီကို ဒီ ၂၀၀၄ ခုမှာ ပြန်ပြောပြခဲ့ပါတယ်။
You received this email because you are subscribed to the real_time feed for http://photayokeking.myanmarbloggers.org/feeds/posts/default. To change your subscription settings, please log into RSSFWD.