တန်ဆောင်မုန်း၊တန်ဆောင်တိုင် ဆီမီးကမြိုင်
Ko James ရေ…
ခင်ဗျားလည်း ခရီးကပြန်ရောက်စဆိုတော့ အလုပ်တွေရှုပ်နေဦးမယ်ထင်ပါတယ်။
ကျွန်တော်လည်း ဟိုဟာလိုလို၊ ဒီဟာလိုလိုနဲ့ အလုပ်တွေမအားသေးဘူးဖြစ်နေတယ်။
ဒီတော့ ဘဲစားဘဲချေပေါ့ဗျာ။ ဘယ်လိုလဲဗျ။ ခင်ဗျားရဲ့ ခရီးစဉ်ရောအောင်မြင်ခဲ့ရဲ့လား။
အလျဉ်းသင့်ရင်တော့ ထူးတွေ့ကြုံ အဆန်းလေးတွေပြောပြပါဦးဗျာ။ ဗဟုသုတရတာပေါ့။
လူငယ်တွေကြည့်ရတာ သနားစရာလည်းကောင်းတယ်၊ စိတ်မကောင်းလည်းဖြစ်တယ်ဆိုတဲ့
ညည်းတာတွေတော့ မပါကြေးဗျနော်။
ဒီလိုဗျ။ ဒီနေ့တန်ဆောင်မုန်းလပြည့်ဆိုတော့ ထုံးစံအတိုင်း လူထူတဲ့နေတွေဆို
အပြင်သွားလေ့မရှိတဲ့ ကျွန်တော်ဖြင့် ညနေပိုင်းခပ်ပျင်းပျင်းရှိနေတာနဲ့ပဲ ရန်ကုန်တပတ်
လျှောက်ကြည့်မိတယ်ဗျ။ သိပ်တော့မကြာပါဘူး။ ညနေသုံးနာရီခွဲလောက်ကနေ ခြောက်နာရီကျော်
လောက်အထိပေါ့ဗျာ။ ပြန်ရောက်ရောက်ချင်းဘဲ ဒီစာကိုခင်ဗျားဆီရေးပို့လိုက်တာဗျို့။
ကျွန်တော်တစ်ယောက်ထဲ ရန်ကုန်တစ်ပတ်လျှောက်သွားနေတာ
ခင်ဗျားကိုတော့ လှမ်းမခေါ်ဘူး ဆိုပြီး စိတ်မဆိုးလေနဲ့ဗျ။ ဒီနေ့မှ ခရီးကနေ ပြန်ရောက်စဖြစ်တဲ့
ခင်ဗျားအဖို့ရာမိသားစုအတွက် အချိန်ပေးသင့်တာမို့ လှမ်းမပြောတာ။
အမှန်တော့ ဒီနေ့ညနေပိုင်း ရန်ကုန်တစ်ပတ်လျှောက်ကြည့်ဖြစ်တာ ခင်ဗျားစနက်လည်းမကင်းဘူး။
ပြီးခဲ့တဲ့ သီတင်းကျွတ်လပြည့်နေ့ညတုန်းက ရန်ကုန်ကမ်းနားဖက်သွားရင်း ခင်ဗျားပြောခဲ့ဖူးတယ်။
အခြားသူတွေပျော်နေကြတဲ့ နေ့ရက်တစ်ခုမှာ ကျွန်တော်တို့တွေလည်း အိမ်ထဲမဟုတ်တဲ့
အပြင်ဖက်တစ်နေရာမှာ ရှိနေသင့်တယ်ဆိုတာလေ။ …ဟာဗျာ၊ လူထုတဲ့နေ့တွေမှာ
လျှောက်သွားနေရတာ သိပ်မနိပ်ပါဘူးလို့ ကျွန်တော်ကပြောတာနဲ့ လူရှင်းတဲ့နေရာတွေရှိပါသကော ဆိုပြီး
ရန်ကုန်ဆိပ်ကမ်းဖက်သွားကြရင်း ရောရောယောင်ယောင်စကားတွေပြောကြတာ အတော်ကြာပဲဗျ။
ဒီတော့ အဲဒီရောဂါပိုးက ဒီနေ့တန်ဆောင်မုန်းလပြည့်နေ့မှာ ပြန်ထတယ်ဗျ။
ဒါနဲ့ပဲ ဘယ်သူ့ကိုမှ ခေါ်မနေတော့ပဲ ကျွန်တော်တစ်ယောက်ထဲ လျှောက်ကြည့်မိတယ်။
မနက်ပိုင်းကတော့ဗျာ။ မှော်ဘီဖက်က ဘုန်းကြီးကျောင်းတစ်ကျောင်းသွားမယ့်
သူငယ်ချင်းတစ်ယောက်က သူတို့နဲ့လိုက်ခဲ့ဖို့ ခေါ်ပေမယ့် သိပ်စိတ်မပါတာနဲ့
ကထိန်သင်္ကန်းတစ်စုံပဲ ၀ယ်ထည့်ပေးလိုက်တယ်။ မရည်ရွယ်ပဲလုပ်ဖြစ်သွားတဲ့ အလှူပေါ့ဗျာ။
သင်္ကန်းတွေကလည်းဈေးကြီးပါ့ဗျာ။ ကိုယ်တိုင်သင်္ကန်းဝယ်ကြည့်မှပဲ လောကမှာ မသိသေးတာတွေ
အများကြီး ရှိနေပါသေးလားလို့ တွေးဖြစ်တယ်။ ထားပါတော့။
နေ့ခင်းပိုင်းအထိ လုပ်စရာရှိတာတွေ လုပ်နေရင်း ငြီးစီစီဖြစ်လာတာနဲ့ အပြင်သွားဦးမှဆိုပြီး
ထွက်လာခဲ့တာပဲ။ ထုံးစံအတိုင်းပါပဲ။ အစိုးရရုံးပိတ်ရက်ရော၊ ပွဲတော်ရက်တစ်ခုပါဖြစ်နေတာမို့လားမသိ။
လူတွေကတော့ ပုံမှန်အချိန်ထက် စည်းကားမြဲ စည်းကားလျက်ပါပဲ။
ဒီနေ့အပြင်ထွက်တာ အကျိုးတော့ မယုတ်ဘူးဗျ။ အထူးသဖြင့်တော့ စတုဒီသာမဏ္ဍပ်တွေကို
ကျွန်တော်ထင်ထားတာထက်ပိုတွေ့ခဲ့ရတာပါပဲ။ ရပ်ကွက်လမ်းတွေ၊ မြို့နယ်လမ်းတွေအပါအ၀င်
မြို့တွင်းကလမ်းတွေမှာပါ စတုဒီသာမဏ္ဍပ်တွေ၊ နိဗ္ဗာန်ဈေးတန်းတွေပါ တွေ့ခဲ့ရတာပဲဗျ။
ခါတိုင်းပွဲတော်ရက်အစိုးရရုံးပိတ်ရက်တွေမှာဆို အများသူငှာအပန်းဖြေ၊ အလွမ်းဖြေနေကြတဲ့
ပန်းခြံတွေ၊ ရုပ်ရှင်ရုံတွေ၊ အထင်ကရစေတီဘုရားတွေမှာသာ လူတွေကိုအတွေ့များလေ့ရှိပေမယ့်
ဒီနေ့မှာတော့ ရပ်ကွက်တွေ၊ လမ်းထဲတွေမှာပါ စည်စည်ကားကားဖြစ်နေတာ တွေ့ခဲ့ရတယ်။
ဝမ်းသာစရာ၊ကြည်နူးစရာကောင်းတယ်လို့တော့ ယေဘုယျဆိုရမှာပေါ့ဗျာ။
လူအတော်များများ စီးပွားရေးခြေကုန်လက်ပန်းကျနေတဲ့ဒီနေ့လိုအချိန်မှာ
အလှူအတန်းတွေ ပေါများဖို့ဆိုတာက အင်မတန်မှမလွယ်လှဘူးမဟုတ်လား။ ဒါပေမယ့်
လူတော်တော်များများကတော့ ဖြစ်အောင်လုပ်ခဲ့ကြတာတွေ့ခဲ့ရတယ်။
သူတို့တွေရဲ့ အလှူအတန်းကိုကြည့်နေရင်း စကားတစ်စကို အမှတ်ရနေမိတယ်ဗျာ။
တမူးရလို့ တပဲလှူဆိုတဲ့ စကားပေါ့ဗျာ။ မလှူလိုမရှိ၊ မရှိလို့မလှူဆိုတာ မဖြစ်တဲ့ သဘောပါပဲ။
ကာလာတွေပြတ်သားချင်မှ ပြတ်သားမယ်၊ ရည်ရွယ်ချက်တွေ ရှင်းလင်းချင်မှ ရှင်းလင်းမယ်။
လူငယ်တွေဆိုရင်လည်း ပျော်စေဖို့လုပ်ကြတာ ဖြစ်ကောင်းဖြစ်မယ်။
ဘယ်လိုစိတ်တွေနဲ့ပဲ လုပ်လုပ် လုပ်ရမယ်၊လုပ်သင့်တယ်ဆိုတဲ့ စိတ်တွေရှိခဲ့တာကတော့
စိတ်ကျေနပ်စရာလို့ ပြောရမယ်ထင်ပါတယ်။ နောက်တစ်ခုကတော့ ဒီနှစ်ကထိန်မှာ
အရင်နှစ်တွေကလောက် တန်ဖိုးကြီးပစ္စည်းတွေလှူဒါန်းမှု နည်းပါးတာကို တွေ့ဖြစ်ခဲ့ပေမယ့်
တန်ဆောင်တိုင်လပြည့်နေအလှူအတန်းတွေကတော့ကထိန်မှာ အလှူနည်းခဲ့တာတွေကို
ကုစားနိုင်ခဲ့တယ်လို့ ယူဆရမယ်ထင်ပါတယ်အစ်ကိုရေ။
ကျွန်တော်ရန်ကုန်တပတ်လျှောက်သွားလိုက်တာ ဒီအချက်ကိုမြင်ခဲ့တယ်အစ်ကိုရေ။
ဒီနှစ် ရိုးရာပွဲတော်ရက်တွေထဲမှာ အလှူအတန်းအတော်များခဲ့တဲ့ နေ့ရက်လို့တောင်ထင်မိပါတယ်။
သင်္ကြန်လို့နေ့ရက်မျိုးတွေက အလှူကနည်းနည်း၊ ပျော်ကြတာက များများဆိုတော့
ဒီနေ့လို ဘာသာရေးပွဲတော်ရက်သီးသန့်မှာ စုပေါင်းလှူကြတာကို ပိုပြီးဝမ်းမြောက်မိပါရဲ့ဗျာ။
မြတ်စွာဘုရားရှင် သာမညဖလသုတ်ဟောတော်မူခဲ့တဲ့ ဒီလို့နေ့ရက်မှာ
သာမညဖလသုတ်ဘာလဲဆိုတာကို လူတိုင်းသိနိုင်တော့မယ်မထင်ပေမယ့် အလှူအတန်းလေးတွေ
ရှိနေခဲ့တာကတော့ဖြင့် စိတ်ကျေနပ်စရာတစ်ခု ဖြစ်မယ်ထင်ပါတယ်။
(မြတ်စွာဘုရားရှင်ဟာ တန်ဆောင်မုန်းလပြည့်နေ့မှာ အဖသတ်ခဲ့တဲ့ အဇာတသတ်မင်းကို
သာမညဖလသုတ် ဟောတော်မူခဲ့တယ်။)
ကျွန်တော်ကဖြင့် ရန်ကုန်တပတ်လျှောက်ရင်း ပြန်လာခဲ့တဲ့လမ်းတစ်လျှောက်မှာ ငယ်စဉ်တုန်းက
ရေဒီယိုမှာ နားထောင်ဖူးတဲ့ သီချင်းတစ်ပုဒ်ကို ပြန်ကြားယောင်မိပါတယ်။
မြိုင်မြိုင်ဆိုင်ဆိုင် လတန်ဆောင်တိုင် ဆိုတဲ့သီချင်းပါဗျာ။
မြိုင်မြိုင်ဆိုင်ဆိုင် မြိုင်မြိုင်ဆိုင်ဆိုင် လတန်ဆောင်တိုင်
ကထိန်ပွဲခင်းပါတဲ့ လတန်ဆောင်တိုင်
မြူးဟူးဟူး…. ထူးဟူးဟူး….
သီတင်းကျွတ်ပွဲတော်ပြီးတော့
တန်ဆောင်မုန်း၊တန်ဆောင်တိုင် ဆီမီးကမြိုင်၊
ကထိန်းသင်္ကန်းမို့ ကပ်လှူလို့မဆုံး ပျော်မဆုံးခဲ့ပါ ကေသီခိုင်…
သီချင်းကိုတော့ အစအဆုံးအလွတ်မရတော့ပါဘူးဗျာ။
ဆီးမီးတိုင်တွေမြိုင်လို့၊ သံဃာတော်တွေကို သင်္ကန်းကပ်လှူလေ့ရှိတဲ့ ဒီလိုပွဲတော်ရက်တွေမှာ
ဆီးမီးတိုင်တွေရဲ့ နေရာမှာ လျှပ်စစ်မီးရောင်စုံတွေကိုသာ အတွေ့ရများခဲ့ပေမယ့်
ဒီနှစ် လတန်ဆောင်တိုင်ဟာလည်း မြိုင်မြိုင်ဆိုင်ဆိုင်တော့ ဖြစ်နေခဲ့ပါရဲ့။
You received this email because you are subscribed to the real_time feed for http://openmind.net63.net/?feed=rss2. To change your subscription settings, please log into RSSFWD.