အငြင်းပွားနေတဲ့ ရေပိုင်နက်မှာ ရေနံရှာဖွေရေး စစ်အစိုးရ ရပ်ဆိုင်း
ဗွီအိုအေ၊ နိုဝင်ဘာလ ၁၀ ရက် ၂၀၀၈
မြန်မာနဲ့ ဘင်္ဂလားဒေ့ရ်ှနိုင်ငံတို့ အငြင်းပွားနေတဲ့ ဘင်္ဂလား ပင်လယ်အော် အတွင်း ကမ်းလွန် ရေနံနဲ့ ဓါတ်ငွေ့ ရှာဖွေ ထုတ်လုပ်ရေး လုပ်ငန်းတွေ ပြီးစီးသွားပြီလို့ မြန်မာ စစ်အစိုးရက ထုတ်ပြန် ပြောကြား လိုက်ပါတယ်။ အဲဒီနေရာမှာ လုပ်ငန်းတွေ ပြီးစီးသွားပြီ ဖြစ်တာကြောင့် ဒေ၀ူး အင်တာနေရှင်နယ် ကုမ္ပဏီဟာ ရေနံတူးတဲ့ လုပ်ငန်းကို တခြား တနေရာကို ရွေ့ပြောင်းသွားပြီလို့ မနေ့က ထုတ်တဲ့ မြန်မာ့အလင်း သတင်းစာမှာ ဖော်ပြထားပါတယ်။
မြန်မာ စစ်အစိုးရက ငှားရမ်းထားတဲ့ အဲဒီ တောင်ကိုရီးယား ကုမ္ပဏီဟာ နှစ်နိုင်ငံ အငြင်းပွားနေတဲ့ ရေပြင်ကနေ ထွက်ခွာသွားပြီလို့ ဘင်္ဂလားဒေ့ရှ် အစိုးရက သောကြာနေ့က ကြေငြာအပြီးမှာ မြန်မာ စစ်အစိုးရဘက်က အခုလို ထုတ်ဖော် ပြောဆိုတာပါ။ တောင်ကိုရီးယား အစိုးရနဲ့ ဒေ၀ူး ကုမ္ပဏီတွေဟာ သူတို့ရဲ့ ရေနံတူး ကိရိယာတွေကို ဖျက်သိမ်းပြီးသွားပြီလို့ သူတို့ကို အကြောင်း ကြားလာတဲ့အကြောင်း ဘင်္ဂလားဒေ့ရှ် ထိပ်တန်း သံတမန် တဦးဖြစ်တဲ့ Iftekhar Ahmed Choudhury က ပြောပါတယ်။
ဘင်္ဂလားဒေ့ရှ် နိုင်ငံ ရေပိုင်နက် အတွင်း မြန်မာဘက်က ရေနံနဲ့ သဘာဝဓါတ်ငွေ့တွေ လာရောက် တူးဖော်နေတယ်လို့ ဘင်္ဂလားဒေ့ရ်ှက တရားဝင် ကန့်ကွက်ခဲ့ရာက လွန်ခဲ့တဲ့ ရက်အနည်းငယ်အတွင်း နှစ်နိုင်ငံအကြား တင်းမာမှုတွေ ဖြစ်ပေါ်ခဲ့ပါတယ်။ မြန်မာဘက်ကတော့ နိုင်ငံတကာ ဥပဒေကို လေးစားပေမယ့် အခုလို ဘင်္ဂလားဒေ့ရ်ှဖက်က တရားဝင် ကန့်ကွက်တာဟာ ဥပဒေနဲ့ မညီညွတ်ဘူးလို့ ပြီးခဲ့တဲ့ ကြာသပတေးနေ့မှာ ပြန်လည် တုန့်ပြန်ခဲ့ပါတယ်။ ဘင်္ဂလားဒေ့ရ်ှနဲ့ မြန်မာစစ်အစိုးရ သံတမန်တွေ လာမယ့် နိုဝင်ဘာ ၁၆ နဲ့ ၁၇ ရက်တွေမှာ ဒီကိစ္စကို တွေ့ဆုံ ဆွေးနွေးကြဖို့ ရှိပါတယ်။
နိုင်ငံရေးအကျဉ်းသားတို့၏ ရှေ့နေများ ဖမ်းဆီးမှုကို အမေရိကန်ရှုတ်ချ
ဗွီအိုအေ၊ နိုဝင်ဘာလ ၈ ရက် ၂၀၀၈
မကြာခင်က မြန်မာနိုင်ငံမှာ နိုင်ငံရေးအကျဉ်းသားတွေအတွက် ဥပဒေ အကျိူးဆောင်ပေးနေတဲ့ ရှေ့နေ လေးဦးကို မြန်မာစစ်အစိုးရက ထောင်ဒဏ်ပြစ်ဒဏ်ချမှတ်ခဲ့တာနဲ့ ပတ်သက်ပြီး အမေရိကန် နိုင်ငံခြားရေးဝန်ကြီး ဌာနက ရှုတ်ချလိုက်တဲ့အကြောင်း မနေ့က ထုတ်ပြန်ကြေညာလိုက်ပါတယ်။ အဲဒီထုတ်ပြန်ကြေညာချက်ရဲ့ အသေးစိတ်ကို ဦးကျော်ဇံသာ က တင်ပြထား ပါတယ်။
မြန်မာနိုင်ငံမှာ နိုင်ငံရေး အကျဉ်းသားတွေဘက်က လိုက်ပါ ဆောင်ရွက်ပေးခဲ့ကြတဲ့ တရားခံ ရှေ့နေ လေးဦးအပေါ် စစ်အစိုးရက ပြစ်ဒဏ် စီရင်ခဲ့တာကို အမေရိကန် ပြည်ထောင်စုက ရှုတ်ချလိုက်ပါတယ်။ ပြီးခဲ့တဲ့ ရက်သတ္တပတ် နှစ်ပတ်က တရားခံ ရှေ့နေ ဦးညီထွေးကို ထောင်ဒဏ် ၆ လ ချမှတ်ခဲ့ပြီး နောက် သုံးဦးဖြစ်ကြတဲ့ ဦးအောင်သိန်း၊ ဦးခင်မောင်ရှိန် နဲ့ စောကျော်ကျော်မင်း တို့ဟာလည်း ရုံးတော်ကို စော်ကားမှုနဲ့ ထောင်ဒဏ် ကျခံရဖွယ် ရှိနေပါတယ်။
သူတို့ဟာ သူတို့ရဲ့ အမှုသည်တွေကို တရားစစ်ဆေးတဲ့နေရာမှာ တရားဥပဒေနဲ့ ညီညွတ်မှု မရှိဘူးလို့ စောဒက တက်ခဲ့ကြတဲ့အတွက် အာဏာပိုင်တွေက အခုလို ပြစ်ဒဏ်ပေးတာ ဖြစ်ပါတယ်။ ဒါဟာ စစ်အစိုးရ အနေနဲ့ ရှေ့နေတွေကို ခြိမ်းခြောက်ပြီး တရားဥပဒေ စိုးမိုးရေးကို စော်ကားတာလည်း ဖြစ်ပါတယ်။ ဦးညီညီထွေး ကို ချက်ချင်းလွှတ်ပြီး ဦးအောင်သိန်း၊ ဦးခင်မောင်ရှိန် နဲ့ စောကျော်ကျော်မင်း တို့အပေါ် စွဲဆိုထားတာတွေကိုလည်း ချက်ချင်းရုတ်သိမ်းဖို့ တောင်းဆိုလိုက်ပါတယ်။ ဒါ့အပြင် မြန်မာပြည်သူတွေနေနဲ့ နိုင်ငံတကာက အသိအမှတ်ပြုထားတဲ့ လူ့အခွင့်အရေးတွေကို ငြိမ်းချမ်းစွာ ကျင့်သုံးတဲ့အခါ အနှောက်အယှက် ပြုတာ၊ ဖမ်းဆီးတာ မလုပ်ဖို့နဲ့ နိုင်ငံရေး အကျဉ်းသားအားလုံးကို ချက်ချင်း လွှတ်ပေးဖို့ ဒီမိုကရေစီ အရပ်သား အစိုးရတရပ်ဆီ အာဏာလွှဲပြောင်း ပေးနိုင်ဖို့အတွက် ဒီမိုကရေစီနဲ့ တိုင်းရင်းသား အုပ်စုတွေကို တွေ့ဆုံပြီး စစ်မှန်သော ဆွေးနွေးမှု လုပ်ဖို့ကိုလည်း တောင်းဆိုလိုက်ပါတယ်။
တဆက်တည်းမှာပဲ အခုလို နိုင်ငံရေးမှုတွေကို အမှုလိုက်ပေးနေတာကြောင့် မကြာခင်ကပဲ လေးလ ထောင်ဒဏ် ချမှတ်ခြင်းကို ခံလိုက်ရတဲ့ တရားရုံးချုပ် ရှေ့နေ နှစ်ဦး ဖြစ်တဲ့ ဦးအောင်သိန်းနဲ့ ဦးခင်မောင်ရှိန်တို့ကို မနေ့ည သန်းခေါင်မတိုင်မှီ အချိန်ကပဲ သူတို့ရဲ့ နေအိမ်ကနေ လာရောက်ခေါ်ဆောင်သွားတယ်လို့ သိရပါတယ်။
ဒါကို ဦးအောင်သိန်းရဲ့ သားဖြစ်သူ ကိုကျော်မင်းကို နော်ရှိုးက ဆက်သွယ် မေးမြန်းတဲ့အခါ သူက အခုလို အတည်ပြု ပြောဆိုပါတယ်။
"အခု ယူကေ စံတော်ချိန်ဆိုရင် ၅ နာရီထိုးပြီး ၁၅ မိနစ်ပေါ့။ မြန်မာစံတော်ချိန် ၁၂ နာရီ ထိုးဖို့ ၁၅ မိနစ်အလိုမှာ ရဲ ၇ ယောက်၊ နောက်ပြီးတော့ သင်္ကန်းကျွန်းမြို့နယ် ဆယ်အိမ်မှူး တယောက် ပါတယ်လို့ ကြားပါတယ်။ လာခေါ်တဲ့အခါမှာ ကျနော့် အမေက နေပြီးတော့ ကျနော့် အဖေကို ခေါ်နိုးလိုက်ပါတယ်ခင်ဗျ။ ခေါ်နိုးလိုက်တဲ့အခါမှာ ကျနော့်အဖေကလည်း ထပြီးတော့ အဆင်သင့်ပါပဲ။ ကျနော့် မိခင်ကလည်း ပြောပါတယ်။ - ငါတို့ စောင့်နေတာ ကြာပြီ။ အခုမှ လာလားလို့ မေးလိုက်တယ်။ အဲဒါ သူတို့ကလည်း ကျနော့်အဖေရဲ့ အဆင်သင့်လုပ်ထားတဲ့ အိတ်ကို သူတို့ ရဲသားတွေကိုယ်တိုင် မပေးပြီးတော့ ခေါ်သွားတယ်လို့ သိရပါတယ်ခင်ဗျ။"
ဟုတ်ကဲ့ လက်ထိပ်တွေ ဘာတွေရော ခတ်သေးလား။ -
"အဲဒီလို ခတ်သွားတာတော့ မတွေ့ပါဘူးခင်ဗျ။ အင်းစိန်မှာနေတဲ့ ဦးခင်မောင်ရှိန်ကိုလည်း ပြီးခဲ့တဲ့ ၁၁ နာရီလောက်မှာပဲ အင်းစိန် ရဲစခန်းကို ခေါ်သွားတယ်လို့ သိရပါတယ်။"
ဆိုတော့ အခု ဦးအောင်သိန်းက လေးလ ထောင်ချခံရတယ် ဆိုတော့ ဒီ့ထက် ကြာဖို့ရှိမယ်လို့ရော ထင်ပါသလား။ -
"ကျနော်ကတော့ အဲဒီလိုတော့ မထင်ဘူးခင်ဗျ။ နိုင်ငံရေးအမှုတွေကို လိုက်ပါဆောင်ရွက်နေတဲ့ အပေါ်မှာ သူတို့အနေနဲ့ အငြိုးအတေးတွေ ရှိတဲ့အပေါ်မှာ အကြောင်း မရှိ အကြောင်း အပြစ်ရှာပြီးတော့ မရရအောင်ပေါ့ တရားဥပဒေကို ရအောင် စွဲပြီးတော့ ပြစ်ဒဏ်ပေးတယ်။ ပြီးလို့ရှိရင် လိုင်စင်ကိုလည်း သူတို့ ရုတ်သိမ်းဖို့ အစီအစဉ် ရှိလိမ့်မယ်လို့ ထင်ပါတယ်ခင်ဗျ။"
ဘယ်လို ပြစ်မှုတွေကို ကျူးလွန်ခဲ့လို့ ဖမ်းရတယ်လို့ ပြောပါသလဲ ရှင့်။ -
"သူတို့ စွဲထားတာကတော့ ကျနော်တို့ အဓိက ပြောရရင်တော့ ပုဒ်မ (၃) လို့ပြောတယ်။ တရားရုံးမှာ တရားခံတွေရဲ့ တင်ပြချက်ကို ကျနော့်အဖေ ကနေပြီးတော့ တရားသူကြီးကို လျှောက်ထားတဲ့အခါမှာ တရားခံတွေကနေပြီးတော့ မတရား တရားသူကြီး ဖြစ်တဲ့အတွက်ကြောင့် အမှု ပါဝါ ရုတ်သိမ်းပေးဖို့အတွက်ကို သူတို့က တင်ပြတောင်းဆိုတဲ့ အခါမှာ ကျနော့်အဖေ ကနေပြီးတော့ လျှောက်လွှာပေါ်မှာ စာရေးရတယ်။ ရှေ့နေဖြစ်သူ ဆိုတာကတော့ မိမိရဲ့ တရားခံရဲ့ တင်ပြလျှောက်ထားချက် အပေါ်မှာ စာအကြောင်းအရာကို ထည့်ရေးတယ်။ ထည့်ရေးပြီးတော့ တရားသူကြီးကို တရားခံကိုယ်တိုင် လက်မှတ်ရေးထိုးတယ်။ ကျနော့်အဖေ ဖြစ်သူ ရှေ့နေ ကိုယ်တိုင်လည်း ရှေ့နေတယောက် အနေနဲ့ လက်မှတ်ရေးထိုးပြီးတော့ တရားသူကြီးကို တင်ပြတယ်။ ဒီလို တင်ပြတဲ့အပေါ်မှာ သူတို့ဘက်ကနေပြီးတော့ ဒါဟာ တရားရုံးကို မထီမဲ့မြင်ရာ ရောက်ပါတယ် ဆိုပြီးတော့ ပုဒ်မ စွဲပြီးတော့ ပြစ်ဒဏ်ချမှတ်တယ်လို့ သိရပါတယ်။"
အခုလို ဦးအောင်သိန်းနဲ့ ဦးခင်မောင်ရှိန်တို့ အကျဉ်းချခံခဲ့ရတာနဲ့ ပတ်သက်ပြီး ဟောင်ကောင် အခြေစိုက် အာရှ လူ့အခွင့်အရေးကော်မရှင် က ရှေ့နေ ဦးမင်းလွင်ဦးကို မေးကြည့်တော့ သူက အခုလို ပြောပြပါတယ်။
"တကယ်တော့ ဒီလို ပြစ်မှုတွေမှာ တရားရုံးကို မထီမဲ့မြင်ပြုမှုတွေ၊ အရေးယူခံရတဲ့ ကိစ္စတွေက အများအားဖြင့် တရားရုံးချုပ်ကနေပြီးတော့ ပြင်းထန်စွာ သတိပေးတယ် ဆိုတဲ့အဆင့်လောက်နဲ့ပဲ ဆုံးဖြတ်ကြတာ အတော်များများ တွေ့ရှိရပါတယ်။ တကယ်တမ်း အဲဒီလိုမျိုး ထောင်ဒဏ်တို့၊ ငွေဒဏ်တို့ အပြစ်ပေးတယ် ဆိုတာကတော့ တရားရုံးက ချမှတ်တဲ့ အမိန့်ဒီဂရီတွေကို လိုက်နာဆောင်ရွက်ခြင်း မရှိဘဲနဲ့ တရားရုံး အဆင့်ဆင့်ကသော်လည်းကောင်း၊ ရဲစခန်း အဆင့်ဆင့်ကသော်လည်းကောင်း တရားလို တရားပြိုင်တွေကသော်လည်းကောင်း လိုက်နာဆောင်ရွက်ခြင်း မရှိဘူး ဆိုမှသာ ထောင်ဒဏ်သော်လည်းကောင်း၊ ငွေဒဏ်သော်လည်းကောင်း အပြစ်ပေး အရေးယူတာ ဖြစ်ပါတယ်။ ယခုလိုမျိုး နိုင်ငံရေးအမှုတွေမှာ လိုက်ပါဆောင်ရွက်တဲ့ တရားရုံးချုပ် ရှေ့နေတွေ၊ အကျိုးဆောင်တွေကို ဒီလိုမျိုး ပြစ်ဒဏ်တွေ ချမှတ်ခြင်းဟာ ကျနော်တို့ မြန်မာနိုင်ငံ တရားစီရင်ရေးစနစ်ကြီး တခုလုံး ဖောက်လွဲဖောက်ပြန် မှားယွင်းနေပြီး အုပ်ချုပ်ရေးအာဏာပိုင်တွေရဲ့ လက်အောက်ကို လုံးဝ ကျရောက်နေပြီ ဆိုတာကို အထင်အရှား ပြသလိုက်တာလို့ပဲ ကျနော်ကတော့ ပြောချင်ပါတယ်။"
အဲတော့ အဲန်ကယ်လ်တို့ဘက်က ဘယ်လို ဖိအားပေးမှုတွေ ဆောင်ရွက်နေပါလဲရှင့်။ -
"ဒီလို နိုင်ငံရေးမှုတွေမှာ လိုက်ပါဆောင်ရွက်တဲ့ ရှေ့နေတွေရဲ့ဘ၀ မရေမရာ ဖြစ်တာ၊ အမြဲတမ်း ခြိမ်းခြောက်ခံနေရတာ၊ ဖိအားပေးခံနေရတာ၊ စားဝတ်နေရေး အခက်အခဲ ဖြစ်အောင် နည်းမျိုးစုံနဲ့ ခြောက်လှန့် ဟန့်တားနေတဲ့ ကိစ္စတွေကို ကျနော်တို့ ကုလသမဂ္ဂ လက်အောက်မှာရှိတဲ့ Independent judge and lawyer လွတ်လပ်တဲ့ တရားစီရင်ရေးဆိုင်ရာ တရားရေးအဖွဲ့အစည်းတွေနဲ့ ရှေ့နေများရဲ့ အခွင့်အရေးတွေနဲ့အညီ ရသင့်ရထိုက်အောင် ခွင့်ပြုသင့်တဲ့ အချက်အလက်တွေ ခွင့်ပြုနိုင်အောင် ကျနော်တို့ နိုင်ငံတကာ အဖွဲ့အစည်း အသီးသီးကိုလည်း ကျနော်တို့ တင်ပြထားပါတယ်။ နောက်ပြီးတော့တခါ International Bar Association ကိုလည်း ကျနော်တို့ ဒီရှေ့နေတွေရဲ့ ကိစ္စရပ်တွေကို အသေးစိတ် အစီရင်ခံ တင်ပြထားပြီး ဖြစ်ပါတယ်။"
ထိုင်းအခြေစိုက် မြန်မာနိုင်ငံ ရှေ့နေများ ကောင်စီကလည်း တရားရုံးက စစ်ဆေး ဆုံးဖြတ်ချက်တွေအပေါ် တရားသူကြီးချုပ် ဦးအောင်တိုးကိုယ်တိုင်မှာ တာဝန်ရှိတယ်။ မှားယွင်းတဲ့ တရားရုံး ဆုံးဖြတ်ချက်တွေကို ချက်ချင်း ပယ်ဖျက်ပေးဖို့ ထုတ်ပြန် ကြေညာခဲ့ပါတယ်။
အိုဘားမားရဲ့ အောင်မြင်မှု အတွက် ၀မ်းမြောက် ကြောင်း မြန်မာစစ်အစိုးရ သ၀ဏ်လွှာပို့
ဗွီအိုအေ၊ နိုဝင်ဘာလ ၈ ရက် ၂၀၀၈
အမေရိကန်ပြည်ထောင်စု သမ္မတ ရွေးကောက်ပွဲမှာ ဘားရက် အိုဘားမား အနိုင်ရလိုက်တဲ့ အတွက် ချီးကျုးဝမ်းမြောက် ကြောင်း သ၀ဏ်လွှာတွေ မြန်မာစစ်အစိုးရ ခေါင်းဆောင် ဗိုလ်ချုပ်မှူးကြီး သန်းရွှေနဲ့ ဒုတိယ ဗိုလ်ချုပ်မှူးကြီး မောင်အေးတို့က ပို့ထားပါတယ်။ ဒီလို ပို့တာကို မြန်မာစစ်အစိုးရ သတင်းစာတွေမှာ ဖော်ပြပါတယ်။
သမ္မတ ရွေးကောက်ပွဲ အနိုင်ရ ဆီးနိတ်လွှတ်တော်အမတ် အိုဘားမားနဲ့ ဒု-သမ္မတလောင်း အဖြစ် ရွေးချယ်ထားတဲ့ ဂျိုးဇက် ဘိုင်ဒန် (Joseph Biden) တို့ဟာ မြန်မာစစ်အစိုးရအပေါ် အမေရိကန်ပြည်ထောင်စုရဲ့ ကုန်သွယ်ရေးနဲ့ ရင်းနှီးမြှုပ်နှံမှု ပိတ်ဆို့ရေး အရေးယူ ဒဏ်ခတ်မှုတွေကို ထောက်ခံသူတွေ ဖြစ်ပါတယ်။
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသားတွေကို ချက်ခြင်း လွှတ်ပေးဖို့လည်း ဘားရက် အိုဘားမား က တောင်းဆိုထားပါတယ်။ ပြီးခဲ့တဲ့နှစ် ရွှေဝါရောင် တော်လှန်ရေး ခေါ် သံဃာ့လှုပ်ရှားမှုအတွင်း ဘားရက် အိုဘားမား ရဲ့ ထုတ်ပြန်ချက်ထဲမှာ လွတ်မြောက်ရေးအတွက် နိုးထလာတဲ့ မြန်မာပြည်သူတွေနဲ့ လက်တွဲရပ်တည်ရမယ်လို့ ဖော်ပြခဲ့ကြပါတယ်။
ဘားရက် အိုဘားမား သမ္မတရွေးကောက်ပွဲမှာ အနိုင်ရလိုက်တဲ့အတွက် ၀မ်းမြောက်ကြောင်း ထုတ်ဖော် ပြောဆိုသူတွေထဲမှာ အမေရိကန် ပြည်ထောင်စုနဲ့ ဆက်ဆံရေး အဆင်ပြေတဲ့ သူတွေတင်တာ မဟုတ်ဘဲ အမေရိကန်ပြည်ထောင်စုနဲ့ သဘောကွဲလွဲနေတဲ့ နိုင်ငံတွေက ခေါင်းဆောင်တွေလည်း ပါဝင်ပါတယ်။
အီရန်သမ္မတ မာမွတ် အမာဒင်နီဂျက် နဲ့ ဗင်န်နီဇွဲလား သမ္မတ ဟူဂို ချာဗတ်စ် တို့လည်း ဗိုလ်ချုပ်မှူးကြီး သန်းရွှေလို သမ္မတရွေးကောက်ပွဲ ရလဒ်အပေါ် ၀မ်းမြောက်ကြောင်း ထုတ်ဖော် ဆန္ဒပေးပို့ထားပါတယ်။
စစ်တွေ-ရန်ကုန် ကားလမ်းပြုပြင်ရာတွင် ဒေသခံများကို လုပ်အားပေးစေခိုင်းနေ
နေရဉ္ဖရာ၊ နိုဝင်ဘာလ ၉ ရက် ၂၀၀၈
ရန်ကုန်-စစ်တွေကားလမ်းတလျောက်ရှိ မင်းပြားမြို့နယ်မှ ကျေးရွာသားများကို ဒေသအာဏာ ပိုင်များက အတင်းအဓမ္မဆင့်ခေါ်ပြီး ကားလမ်းအပျက်အစီးများကို လုပ်အားပေးစေခိုင်းနေ ကြောင်း သတင်းရရှိသည်။
အဆိုပါ လုပ်အားပေးခိုင်းစေမှုကို တပ်မတော် တန်းမြင့်လေ့ကျင့်ရေးကျောင်း အမှတ် ၉ ကျောင်းအုပ်ကြီး ဗိုလ်မှူးဇော်လွင်စေခိုင်းခြင်းဖြစ်ပြီး မင်းပြားရဲစခန်းမှူး ဦးစောရွှေမှတဆင့် ကျေးရွာရယကဥက္ကများကို ဆင့်ခေါ်ကာ နိုဝင်္ဘာလ ၂ ရက်နေ့မှစပြီး စေခိုင်းနေ ခြင်းဖြစ်ကြောင်း သိရှိရသည်။
"ကျနော်တို့ရွာမှာ ရယကဥက္ကက တအိမ်ကို တယောက်ကျစီ ကားလမ်းလုပ်ဖို့သွားရမယ်၊ မသွားနိုင်ရင် တအိမ် ကျပ် ၅၀၀၀ ကျစီပေးရမယ်လို့လာပြောပါတယ်၊ ငွေမပေးနိုင်တော့ တရွာလုံးလိုလို သွားလုပ်ကြရပါတယ်။"ဟု အမည်မဖေါ်လိုသူ စွန်းရဲရွာသားတဦးက ပြော သည်။
တပ်မတော် တန်းမြင့်လေ့ကျင့်ရေးကျောင်းအမှတ် ၉ မှာ မင်းပြားမြို့နယ် ကန်းနီကျေးရွာတွင် တည်ရှိသောကျောင်းဖြစ်သည်။
ယခုကဲ့သို့ လုပ်အားပေးစေခိုင်းခြင်းကိုခံနေရသော ကျေးရွာများမှာ စွန်ရဲ၊ ကြောင်ရီချောင်း၊ ချောင်းရီ၊ ပလိပေါက် ကျေးရွာများဖြစ်ကြသည်။
"ဒီလိုသာ ကားလမ်းတလျှောက် ပျက်စီးနေတဲ့နေရာတွေကို နီးစပ်ရာရွာတွေက လုပ်အားပေး ရမယ်ဆိုရင် ကားလမ်းကနေရာတိုင်းလိုလို ပျက်စီးနေတော့ နီးစပ်တဲ့ ရွာတွေအားလုံး လုပ်အားပေးစေခိုင်းမှု ဆက်တိုက်ဖြစ်ပေါ်နေမှာဘ"ဟုစစ်တွေမြို့မှ ကုန်သည်တဦးက ပြောသည်။
ယခု လုပ်အားပေးနေရသည့် စစ်တွေ-ရန်ကုန်ကားလမ်းမှာ မိုးရာသီအတွင်းက မိုးရေတိုက် စားမှုကြောင့် ပျက်စီးခဲ့ရသည့် နေရာများဖြစ်ကြောင်း ဒေသအတွင်းမှ လာသည့် သတင်း များအရ သိရှိရသည်။
You received this email because you are subscribed to the real_time feed for http://soneseayar.blogspot.com/feeds/posts/default. To change your subscription settings, please log into RSSFWD.