မင်္ဂလာပါ ဦးလေးဟို (၁)
လက်ကျန်ကွန်မြူနစ် ၅နိုင်ငံထဲက တနိုင်ငံဖြစ်တဲ့ ဗီယက်နမ်နိုင်ငံ၊ ဟိုချီမင်းမြို့ကို အလည်အပတ်ရောက်ဖြစ်ခဲ့ပါတယ်။ တရုတ်၊ ပြင်သစ်၊ ဂျပန်၊ အမေရိကန်တို့နဲ့ နှစ်ပေါင်းများစွာ တိုက်ပွဲဝင်ပြီး ၁၉၇၅-၇၆ လောက်ကမှ ငြိမ်းငြိမ်းချမ်းချမ်းဖြစ်ခဲ့ရတဲ့ နိုင်ငံ၊ တပါတီစနစ်အောက်က ကွန်မြူနစ်နိုင်ငံတနိုင်ငံရဲ့ မြို့ကြီးတမြို့ဆီကနေ ဘာမှတော့ သိတ်ကြီးကြီးကျယ်ကျယ် မမျှော်လင့်ထားခဲ့ပါဘူး။ ၁၉၄၈ကထဲက လွတ်လပ်ရေးရပြီး ခုထိ တောရွာမြို့ကြီး အနှံ့မှာ တိုက်ပွဲတွေဖြစ်နေတဲ့၊ ခေတ်မှီဖွံဖြိုးတိုးတက်လှတဲ့ နိုင်ငံမှာနေထိုင်လာတဲ့သူတယောက်အနေနဲ့ကတော့ ဟိုချီမင်းမြို့လဲ သူမသာ၊ ကိုယ်အသုဘပဲလို့ ထင်ခဲ့တာပါပဲ။ အထင်နဲ့အမြင်တက်တက်စင်အောင် လွဲတယ်လို့ပြောလို့ရ၊ မရဆိုတာ စိတ်ဝင်စားရင်တော့ လက်ဆော့လာတဲ့ ဓာတ်ပုံလေးတွေကို ဆီလျှော်အောင် ဘာသာပြန်တင်ပြထားတာကို ဖတ်ကြည့်ပါ (မဟုတ်တော့လဲ အပျင်းပြေပေါ့)။ ရှားရှားပါးပါးဖြစ်တဲ့ကိစ္စတွေကိုတော့ အလျှင်အမြန်မရိုက်နိုင်ခဲ့လို့ မဖေါ်ပြနိုင်ပါဘူး။ တခါတလေလဲ ခံစားချက်တခုခုကြောင့် ကင်မရာဆီ လက်မရောက်နိုင်ခဲ့ပါဘူး။ တခုရှိတာကတော့ ဗီယက်နမ်နိုင်ငံဆိုတာ ဘယ်လိုဆိုတာမျိုး မဟုတ်ပါဘူး။ ခရီးသွားတယောက် မြင်သလောက်၊ ကြားသလောက်ပေါ့ (အကုန်သိရအောင်လဲ ဗီယက်နမ်အရေးလေ့လာသူမှမဟုတ်တာ..နော)။
လေဆိပ်အပြင်ထွက်လိုက်တာနဲ့ ကြိုဆိုနေတာက ကြီးမားခန့်ထည်လှတဲ့ ကြွေးကျော်သံကျော်ညာ၊ ဦးတည်ချက်ကျော်ညာ၊ လူကျော်ညာ၊ ပါတီကျော်ညာဆိုင်းဘုတ်ကြီးတွေ..............မဟုတ်ပါဘူး။ အဲ့ဒီဆိုင်းဘုတ်တွေ လုံးဝ (လုံးဝ) မတွေ့ပါဘူး။ ဘုရားစူး၊ မိုးကြိုးပွတ်ပါ။ ငြီးစီစီဖြစ်နေတာတွေကို ဖြေဖျောက်ရင်း လေကောင်းလေသန့်လေးရှုပြီး ဆေးလိပ်သောက်နေလိုက်ပါသေးတယ်။ ဒီဘက်တိုင်မှာ ဆေးလိပ်မသောက်ရ စာတမ်းကပ်ထားပြီး ဘေးကကပ်ရပ်တိုင်မှာတော့ ဆေးလိပ်သောက်ဖို့ ပြာခွက်ထားပေးတာကလဲ ပြုံးချင်စရာပါ။ ဟိုတိုင်အထဲမှာ Gas ပိုက်များ ပြေးထားလို့လားမသိဘူး။ ဗီယက်နမ်နိုင်ငံကို ခရီးသည် ၃.၅ သန်းလောက်နှစ်စဉ်လာရောက် လည်ပတ်ပါတယ်။ ဒါကြောင့်လဲ လေဆိပ်မှာ ပျားပန်းခပ်ပါပဲ။ ကားကြီး၊ ကားလတ်၊ ကားလေး၊ ကားပိစိကွေးမျိုးစုံ ၀င်လိုက်ထွက်လိုက်ပေါ့။ သတ်မှတ်နေရာမှာပဲ ရပ်ရပါတယ်။ မရပ်ရင် ပိုက်ဆံကောက်မဲ့ ရဲတွေ၊ ပုလိပ်တွေ၊ အစောင့်တွေတော့ မရှိပါဘူး။
TSN လေဆိပ်က မြို့လည်ခေါင်နဲ့ ၆ ကီလိုမီတာလောက်ပဲဝေးပါတယ်။ နောက်အသစ်ဆောက်နေတဲ့ LT လေဆိပ်က ကီလိုမီတာ ၄၀လောက်အဝေးမှာပါ။ လေဆိပ်ကနေထွက်၊ မြို့ထဲရောက်တာနဲ့ ပြူးသွားတာကတော့ မျက်လုံးပါ။ လေဆိပ်မှာကထဲက သတိထားမိပါတယ်။ ဒါပေမဲ့ elite တွေလောက်ပဲ စီးနိုင်မယ်လို့ ထင်ထားခဲ့တာပါ။ မြို့ထဲလမ်းမပေါ်ရောက်တော့မှာ ကားစီးနိုင်တဲ့သူတိုင်းလိုလို မော်ဒယ်အမြင့်ကားတွေချည်းပဲစီးကြတယ် ဆိုတာ သေချာသွားတာပါ။ အိမ်စီးကားတွေ မှန်သမျှ မော်ဒယ်နိမ့်ကားဆိုတာ လုံးဝမရှိပါဘူး။ သမိုင်းဝင်ခေတ်ဆွေးကားတွေကို သိန်းရာချီပေးစီးနေရတဲ့သူတွေအတွက်လဲ ၀မ်းနည်းရပါတယ်။ ဓာတ်ပုံတော့မရိုက်ဖြစ်လိုက်ပါဘူး။ တစီးတလေပဲရိုက်လို့ရမှာဖြစ်သလို၊ အားလုံးကို ပေါ်အောင်ရိုက်ဖို့မဖြစ်နိုင်လို့ပါ။ လူကိုယ်တိုင်လဲ တောသားမြို့ရောက်၊ ခုမှ ကားဆိုတာ ဘီးလေးဘီးနဲ့ပါလားလို့ သိရတဲ့သူလို့ မျက်စိမူးအောင် လိုက်ကြည့်နေလို့ပါ။ တိုးဂိုက်အဆိုအရ နိုင်ငံခြားကားကုမ္ပဏီကြီးတွေက ဗီယက်နမ်မှာ ဖက်စပ်စနစ်နဲ့ စက်ရုံလာဆောက်ပြီး ထုတ်ကြလို့ ကားဈေးလဲ မပေါပေမဲ့ ဈေးမကြီးပါဘူးတဲ့။ ပြည်တွင်းဖြစ်တွေလို့ ဆိုရမှာပေါ့။ အော်.... လူစီးကားဆိုတာ လူစီးဖို့ပါလား။
ဖတ်ချင်ရင် ဆက်ပါအုန်းမယ်။
You received this email because you are subscribed to the real_time feed for http://luthit.myanmarbloggers.org/feeds/posts/default. To change your subscription settings, please log into RSSFWD.