တစ်နေ့ ဘယ်လောက် ရလိုက်သလဲ
ဒီ Tagပို့စ်က တခြားရေးခဲ့ဖူးတဲ့ Tagပို့စ်တွေနဲ့မတူ တမူထူးခြားပါတယ်... "မသေခင် ဆယ်ရက်အလို" ဆိုတဲ့ Tagတုံးကလည်း တစ်ခါမှ မတွေးဖူးတာတွေကို စိတ်ကူးအတွေးနဲ့ ရေးခဲ့ဖူးပါတယ်... အခု "တစ်နေ့ ဘယ်လောက် ရလိုက်သလဲ" ဆိုတဲ့ ဒီTagအတွက်လည်း တစ်ခါမှ ကိုယ့်ကိုယ်ကို မသုံးသပ်ဖူးတာကို ပြန်သုံးသပ်ဆင်ခြင်ပြီး ရေးပါမယ်...
လူတစ်ယောက်ရဲ့ တစ်နေ့တာမှာ ကုသိုလ်၊ ပညာ၊ ဥစ္စာ တစ်မျိုးမျိုးရလိုက်မှ အဲဒီတစ်နေ့တာဟာ တန်ဖိုးရှိတဲ့ တစ်နေ့တာ ဖြစ်မယ်ဆိုတာကို လက်ခံကျင့်သုံးထားပါတယ်... ကုသိုလ်ဖြစ်တဲ့ အလုပ်၊ အပြော၊ စိတ်အကြံအစည် မရှိတဲ့အချိန်မှာ အကုသိုလ်တွေလုပ်နေတာ ဆိုတာကိုတော့ အကိုသိင်္ခ ရေးမှပဲ သတိပြုမိတာပါ... ခုလို ဒီTagပို့စ်လေး ရေးခိုင်းပြီး ကိုယ့်ကိုယ်ကို သုံးသပ်ဖြစ်အောင် ဖန်တီးပေးတဲ့ အကိုသိင်္ခကို ကျေးဇူးတင်ပါတယ်... ကျွန်မ စနေနေ့ တစ်နေ့တာ လုပ်ဖြစ်ခဲ့တဲ့ အလုပ်တွေကတော့.......
မနက် အိပ်ရာကနိုးတော့ မျက်နှာသစ်၊ သွားတိုက်၊ မိုင်လိုသောက်... ပြီးတော့ ဖေကြီးကို လိုအပ်တာတွေ ၀ိုင်းကူဖြစ်တယ်... မိဘကို ကူညီတာဆိုတော့ ကုသိုလ်ရမယ်လို့တော့ ထင်တာပဲ... အဟဲ... ဘုရားဆွမ်းတော် ကပ်ပြီး ဘုရားရှိခိုးတယ်... ပြီးတော့ ခဏ စာဖတ်သလိုလို ဘာလိုလို လုပ်တယ်... ရေချိုးတယ်... ထမင်းစားတယ်... အပြင်သွားဖို့ ပြင်ဆင်တယ်...
အိမ်ကမထွက်ခင် ဘုရားကန်တော့တယ်... ဖေကြီးကို ကန်တော့တယ်... ပုဆိန်ပေါက်ပေါ့နော်... အပြင်သွားတာက ဈေးဝယ်သွားတာပါ... လောဘ၊ ဒေါသ၊ မောဟတွေကြောင့် အကုသိုလ်တွေတော့ ရလာပါတယ်... ညဘက် အိပ်ခါနီး ဘုရားရှိခိုးပါတယ်... ဘုရားရှိခိုးပြီး ငါးမိနစ်လောက် ၀င်လေထွက်လေ မှတ်ပါတယ်... ပြီးတော့ အိပ်ပြီပေါ့နော်... ဒါကတော့ ကျွန်မရဲ့ ကုသိုလ်တစ်ပဲ အကုသိုလ်တစ်ပိဿာ တစ်နေ့တာပါပဲ...
P.S. ခုရေးထားတဲ့ တစ်နေ့တာက ရုံးပိတ်ရက် တစ်နေ့တာပါ... ဒါကြောင့် မနက်ပိုင်း ဘုရားဆွမ်းတော်ကပ် ဘုရားရှိခိုးတာ ပါတာပါ... ရုံးဖွင့်ရက်ဆိုရင်တော့ ဘုရားနဲ့ ဖေကြီးကို ပုဆိန်ပေါက် ကန်တော့ပြီးတာနဲ့ ရုံးကိုထွက်လာတာပါ... မအိပ်ခင် ၀င်လေထွက်လေ မှတ်တယ်ဆိုတာကလည်း နှစ်ယောက်သောသူရဲ့ တိုက်တွန်းချက်အရ (တိုက်တွန်းတာက နှစ်ယောက်မို့လို့ပါ...) ဒုတိယမြောက်ရက်အဖြစ်နဲ့ပါ... သေချာတော့ လိုက်မမှတ်နိုင်သေးပါဘူး...
You received this email because you are subscribed to the real_time feed for http://www.yellowish-rainbow.co.cc/feeds/posts/default. To change your subscription settings, please log into RSSFWD.