[May Nyane] 2 New Entries: ရင်ဖွင့်တဲ့ စာ

ရင်ဖွင့်တဲ့ စာ

ဘ၀မှာ ကိုယ်ရေးကိုယ်တာ ဒဏ်ရာဒဏ်ချက်တွေနဲ့ အခါခါ ပြိုလဲ... အခါခါ စိတ်ကျ.. အခါခါ ပြန်ကျုံးထခဲ့ရဖူး..။ တခါမှ ကိုယ့်ကိုယ်ကိုယ် မသနားခဲ့မိ။ ကိုယ့် ဘ၀ဒဏ် ကိုယ်ခံရုံ။ စိတ်ကျရင် ကဗျာရေးမယ်..။ ကျောင်းကို လွမ်းမယ်..။ ၀တ္ထုရေးမယ်..။ ခုဆို ဘလော့ရေးမယ်..။ သာယာခဲ့ဖူးတဲ့ အချိ်န်လေးတွေကို ပြန်တွေးမယ်..။ ကျမ ကိုယ်ရေးကိုယ်တာကိစ္စနဲ့ အများကြီးသက်သောင့်သက်သာရှိတယ်လို့ ပြောရမယ့် အချုပ်တခုထဲမှာ ၁၁ရက် နေခဲ့ရဖူးပါတယ်။

အချုပ်ဆိုတာကို.. အကျဉ်းကျတယ် ဆိုတဲ့ ဒုက္ခတွေကို... ခံစားရင်း... အဲဒီအချိန်တွေ တလျှောက်လုံးမှာ စစ်အစိုးရရဲ့ ငရဲခန်းတွေထဲက လူထု ရှေ့ဆောင် ၈၈မျိုးဆက်တွေနဲ့ မျိုးဆက်သစ် လူငယ်လေးတွေကို (မတန်မရာ) သတိရနေမိတယ်။ သူတို့က တိုင်းပြည်နဲ့ လူမျိုးအတွက် ငရဲခံနေရတာ..။ သူတို့ ဘ၀တွေ အချိန်တွေ အရွယ်တွေ အများကြီးကို ပုံအော ပေးထားကြတာ။ ပြန်စားသုံးခွင့်ဆိုတာကို မမျှော်မှန်းဘဲ ပေးဆပ်ထားကြတာ။ သူတို့မှာ စိတ်ဖြေရာ ထွက်ပေါက်ဆိုတာ မရှိ။ ဘယ်တော့လဲလို့ မသေချာတဲ့ လွတ်မြောက်ရက်ကို စောင့်နေရမှာ..။ သူတို့ရဲ့ လွတ်လမ်းက တိုင်းပြည် ကံကြမ္မာ.. ပြည်သူလူထု ကံကြမ္မာတွေနဲ့ တထပ်တည်းကျ။ တိုင်းပြည်လွတ်လပ်မှ သူတို့လွတ်မြောက်မှာ။ ပြည်သူလူထု လွတ်မြောက်မှ သူတို့ လွတ်ရမှာ..။

ခုတော့ သူတို့ကို ထောင်ဒဏ် ၆၅နှစ်တဲ့..။ သူတို့နဲ့ ကျမက သက်တမ်းတူ.. ခေတ်တူတွေ ဆိုတော့ အသက် ၄၀ကျော်တန်းတွေပါ။ ခု ထောင်ဒဏ် ၆၅နှစ်....။ မသေမချင်းး ထောင်သွင်း အကျဉ်းချ ဆိုပါတော့။ ဒီနေ့ ကျမ စိတ်ထဲ ရှက်ရွံ့ကြေကွဲနေမိပါတယ်။ ကိုယ်က ကိုယ်လွတ်ရှောင်ခွာ ခွဲခဲ့သူ။ ပြီးတော့ ဘာတခုမှ ဖေးကူမပေးနိုင်တဲ့ ဘ၀မှာ..။ လွမ်းတာတွေကိုပဲ တမ်းတမ်းတတ ခံစားလို့။ နာကျင်စရာတွေကိုတော့ မေ့ပစ်ဖို့ ကြိုးစားလို့။ ဒဏ်ရာတွေကို လျှာနဲ့ တသသ လျက်လို့။ အဲဒီအချိန် ကျမရဲ့ မောင်နှမအရင်းလို ချစ်ရတဲ့ သူငယ်ချင်း အံ့ဘွယ်ကျော်နဲ့ မျိုးချစ်တစုက ထောင်ဒဏ် ၆၅နှစ်တဲ့...။ သူတို့ ဘ၀တလျှောက်လုံး အဲဒီ ငရဲခန်းထဲမှာပဲ အကြာကြီး အချိန်ကုန်ခဲ့ကြရတာ.. ။ ခုလည်း.................................

ဘွယ်ရေ...
နင် ပထမတကြိမ် ထောင်ကျပြီး ထွက်လာတော့ ငါ့အိမ်လာပြီး "ငါ့မှာတော့ စိတ်ပူလိုက်ရတာ.. နင်ကတော့ အချိန်လုပြီး ယောက်ျ်ားယူသေးတယ်.." လို့ ရယ်ကျဲကျဲနဲ့ ငါမခံချင်အောင် ရန်စတယ်။

ဒုတိယတကြိမ် နင် ထောင်နှစ်ရှည်ကျတော့ အချုပ်ထဲကနေ စီးကရက်ဗူးခွံလေးထဲ စာရေးပြီး ပို့ခဲ့တာ... ငါခုထိမမေ့ဘူး။ "ခက်.. ဒီတခါ ငါထောင်ကထွက်လာရင်တော့.. နင် အဖွားကြီး ဖြစ်နေလောက်ပြီ.. ဘာပဲဖြစ်ဖြစ်.. ငါမလုပ်နိုင်တော့တဲ့ အလုပ် နင်လုပ်ပေးဟာ..။ ကလေးတွေ မွေးထား သိလား.. နောက်မျိုးဆက်အတွက်ပေါ့.." တဲ့။ အဲဒီတုန်းက လည်း စာဖတ်ပြီး ငါ ငိုခဲ့ရတယ်။

ခု တတိယအကြိမ်... ၆၅နှစ်ဆိုတော့.. နင် ဘာမှာဦးမလဲ.. ငါသိချင်လိုက်တာ..။ ဒီနေ့လည်း ငါ ငိုရပြန်ပြီလေ။

+++++

မြသီလာအလွမ်းပြေ(၁၅)

၁၉၉၀။

အဲဒီနှစ်ကတော့ ကျမအတွက် ပြန်ပြီး လှုပ်လှုပ်ရှားရှားရှိလာတဲ့ နှစ်ပါ။ ၉၀ နှစ်ဆန်း ဆောင်းရက်တွေထဲမှာပဲ မဟာဝိဇ္ဇာတက်နေဆဲ ဆရာဆရာမတွေအတွက် မဟာဝိဇ္ဇာတန်းတွေ ပြန်ဖွင့်ပေးပါတယ်။ မိန်းထဲမှာ သွားတက် ရမယ်။ On Duty ပေးမယ်တဲ့။ (ကျမအကြိုက်ပေါ့)။ ဆရာ ဆရာမ မဟုတ်ရင်တော့ တက်ခွင့်မရပါဘူး။ (အခွင့်ထူးခံတွေပေါ့.. အဲလို အခွင့်အရေးယူရတာမျိုးကိုတော့ မကြိုက်ပါဘူး)။ ကျောင်းသားတွေ မရှိဘဲ ဆရာဆရာမတွေ ချည်းသာရှိတဲ့ ကျောင်းကြီးကတော့ အတန်းတချို့ ပြန်ဖွင့်တယ်ဆိုပေမဲ့လည်း ခြောက်ခြောက် ကပ်ကပ်ပါပဲ။

ကျောင်းပြန်တက်ရမယ်ဆိုတော့ မနှစ်က စာမေးပွဲကျထားတဲ့ ကျမရယ်.. ဂုဏ်ထူးတန်း အောင်ထားတဲ့ သူငယ်ချင်း ဆရာတယောက် (ကျမတို့က အရှည်ကြီးလို့ ခေါ်တယ်)ရယ်.. မဟာဝိဇ္ဇာ နားထားပြီးမှ ပြန်တက်တဲ့ ဌာနက ဆရာမ(မနွဲ့)ရယ်.. သုံးယောက်... မဟာဝိဇ္ဇာ ပြန်တက်ရပါတယ်။ ကျမဘ၀တလျှောက် စာသင်သား လုပ်ခဲ့ရသမျှထဲမှာ အဖိုးတန်ဆုံး သင်ယူရတဲ့ နှစ်ပါပဲ။ ဆရာဆရာမတွေနဲ့ နီးနီးကပ်ကပ်.. သုံးယောက်တည်း။ ကြိုးလည်း သိပ်ကြိုးစားရတာပေါ့။ သင်ရိုးတွေက မနှစ်ကနဲ့မတူတော့ ပိုကောင်းသွားပါတယ်။ ကျမ မသင်ရသေးတာတွေမို့ စိတ်ဝင်စားစရာပေါ့။ ကျမက Paper one ကို အကြိုက်ဆုံး။ ရှေးစကားပြေအရေးအဖွဲ့၊ စကားပြေသဘောတရား စကားပြေအတတ်ပညာ၊ စာပေဝေဖန်ရေး နဲ့ ခေတ်သစ်စာပေ သဘောတရား(Modern Literary Theory)။ အဲဒီ Paper One က ဆရာတွေက Reference တွေ ပေးပြီး ကိုယ့်ဘာသာ စာပြင်ရတဲ့ ဘာသာတွဲပါ။ စာမေးပွဲမှာဖြေရင် မေးခွန်းက Unseen လာတာပါ။ ဒါကြောင့် ဂုဏ်ထူးထွက်ဖို့ အင်မတန် ခဲယဉ်းပါတယ်။ ထွက်လေ့လည်း မရှိပါဘူး။ (ဒီနေရာမှာတော့ တကယ် ကြွားချင်ပါတယ်.. အဲဒီနှစ်မှာ ကျမ Paper One ဂုဏ်ထူးထွက်ပါတယ် :P )။

စိတ်အ၀င်စားဆုံးကတော့ ဆရာဇော်(ဇော်ဇော်အောင်)နဲ့ သင်ရတာပဲ။ အဲဒီအချိန် စာ နယ် ဇင်းတွေမှာ စာရေးရတာကလည်း အားရပါးရမရှိတဲ့အချိန်။ ဆရာက Post Modern နဲ့ ပတ်သက်ပြီး စာတွေရေးနေချိန်... ကျမတို့ကို သင်ရတာကလည်း Modern Literary Theory... ဆိုတော့ အကိုက်ပေါ့။ ဆရာ့အတန်းချိန်ဆိုရင် ဆရာက ကျမတို့ထိုင်တဲ့ ခုံတန်းနားမှာ ကုလားထိုင်ချ။ လက်ဘက်ရည်ဆိုင်မှာ ထိုင်သလိုပဲ ပေါ့ပေါ့ပါးပါး တစောင်းမကျတကျလေးထိုင်ပြီး ပြောတော့တာ.. အများကြီးး (နောက်ပိုင်း ဇော်ဇော်အောင် ဖတ်စာ စာအုပ်ထဲမှာပါတဲ့ အကြောင်းအရာတွေပေါ့)။ Lecture ပေးနေတာနဲ့ မတူဘဲ အခါတိုင်း လက်ဘက်ရည်ဆိုင်မှာ ပြောသလိုပဲ... လေအေးအေးလေးနဲ့ ပြောသွားတာ။ အများကြီး..။ ကျမတို့က အဲဒါကို lecture လိုက်ရတာပေါ့။ ကျမ သူငယ်ချင်းနှစ်ယောက် အတွက်တော့ နည်းနည်းခက်တယ်တဲ့။ ကျမအတွက်လည်း ခက်တော့ ခက်တာပါပဲ..။ ဒါပေမဲ့ ကျမက စိတ်ဝင်စားတာကိုးး။ နောက် ကျမ စိတ်ပါလက်ပါအရှိဆုံး အချိန်က ဆရာအေး(မောင်ခင်မင်-ဓနုဖြူ)ရဲ့ စကားပြေသဘောတရား စကားပြေအတတ်ပညာ.. အချိန်။

ကျမသူငယ်ချင်း အရှည်ကြီးကတော့ ကျောက်စာနဲ့ ဘာသာဗေဒမှာ အားသန်တယ်။ နောက် မနွဲ့ကတော့ ကဗျာအားသန်တယ်။ ဒီတော့ ကျမတို့ သုံးယောက် Assignment တွေရေးတဲ့အခါ.. စာတွေပြင်ဆင်တဲ့အခါ သိပ်အဆင်ပြေတာပေါ့..။ ကိုယ်သန်တဲ့ဘာသာရပ် ကိုယ်တာဝန်ယူပြီးပြင်ကြတာ..။ ကျမဘ၀မှာ ကံကောင်းတာ တခုက အနားမှာ အပေါင်းအသင်းကောင်း အမြဲတွေ့ရတာပဲ။ စိတ်ပုပ်ပြီး စာလျှိုထားတတ်တယ်ဆိုတဲ့သူမျိုး မတွေ့ရတတ်ပါ။ အဲဒီတုန်းကလည်း ကျမတို့ သုံးယောက်မှာ မနွဲ့က အသက်အကြီးဆုံး.. ကျမက အငယ်ဆုံး။ တကယ့် မောင်နှမတွေလိုပဲ။ ဆိုတော့ ကျမကို အလိုလိုက်ကြတယ်။ ညှာကြတယ်။ သိပ် စိတ်ချမ်းသာစရာ ကောင်းခဲ့တဲ့ ကျောင်းတက်ချိန်တွေပါပဲ။ ကျမအတွက် အဲဒီကာလမှာ ပိုတန်ဖိုးရှိတာကတော့ ကျောင်းတက် ရင်းနဲ့ ကိုယ်လုပ်ချင်တာလေးတွေ လုပ်ရတာကိုပါ။

ခါတိုင်းလိုပဲ မနက်ခင်း ကျောင်းချိန်၉နာရီမထိုးခင် ကျောင်းကို စောစောလာ။ ကင်တီးမှာ ထိုင်။ လက်ဘက်ရည်သောက်။ ကိုယ့်လိုပဲ ကျောင်းစောလာတတ်တဲ့ မိတ်ဆွေတွေကို မျှော်။ အဲဒီတုန်းက ကျမနဲ့ အစောကြီး လက်ဘက်ရည်ဆိုင်ထိုင်ဖက်က ကျောင်းစောစောလာတတ်တဲ့ ဆရာဦးထွန်းမြင့် (တက္ကသိုလ်မင်းမော်)၊ ကျမတို့က 'ဗိုလ်တိုး' လို့ ခေါ်တဲ့ ဆရာ ဦးအောင်ကျော်တိုး(နုနုရည်-အင်းဝ ရဲ့ ခင်ပွန်း)၊ နောက် အတန်းဖော် အရှည်ကြီးရယ်..။ မိန်းထဲက ဆရာသူငယ်ချင်းတချို့ရယ်။ နေ့တိုင်း စကားတွေက ပြောမကုန်။ စကားလက်စ မသတ်ခင် အတန်းချိန်ရောက်လို့ ထ ထ ပြေးရရင်တောင် နောက်ဆံတငင်ငင် နဲ့ပေါ့။

အဲဒီ စကားဝိုင်းတွေကနေပဲ ကျမ ၀တ္ထုရေးစရာ Inspiration တွေ အများကြီးရခဲ့တာ..။ အထူးသဖြင့် ဗိုလ်တိုးဆီက။ ဗိုလ်တိုးက စိတ်ပညာဌာနက ဆရာ။ စကားပြောကလည်း ကောင်း။ ကျမကလည်း စိတ်ပညာပိုင်းကို စိတ်ဝင်စားတော့ ဗိုလ်တိုးပြောတဲ့ အကြောင်းအရာတွေက ၀တ္ထုရေးချင်စရာ ကောင်းနေတတ် တယ်။ နောက်ပိုင်းမှာ ဗိုလ်တိုးဆီက ကြားရတဲ့ အထဲကနေ Character ရပြီး ရေးဖြစ်ခဲ့တဲ့ လုံးချင်းဝတ္ထုနှစ်ပုဒ် (မီးခိုးငွေ့ မီးခိုးမျှင် နဲ့ ကောင်းကင်နိဒါန်း)အကြောင်း ပြောပါဦးမယ်။ အဲဒီဝတ္ထုနှစ်အုပ်က ကျမရေးခဲ့သမျှထဲမှာ အကြိုက်ဆုံး ဖြစ်ပြီးတော့ ပရိသတ်ကတော့ သိပ်မတုံ့ပြန်ခဲ့တဲ့ ၀တ္ထုတွေပေါ့။

ညနေဆိုရင်တော့ အတန်းပြီးတဲ့ ၃နာရီကနေ ၄နာရီခွဲ ရုံးဆင်းချိန်အထိ ကင်တီးမှာ ထိုင်ကြ။ ရုံးဆင်းချိန်ကျမှ ဌာနရုံးခန်းမှာ အဆင်းလက်မှတ် သွားထိုးပြီး ပြန်ကြပါတယ်။ ပြန်ရင်တော့ အားလုံးက အိမ်ပြန်တာပါ။ ကျမကတော့ အိမ်မှာလည်း ဘာမှလုပ်စရာမရှိတဲ့သူမို့ အပြန်လမ်းမှာ အင်းစိန်လမ်းမကြီးပေါ် လှည်းတန်းဈေး နားက ပြုံးပန်းတရာလက်ဘက်ရည်ဆိုင်ဘက် ၀င်ချောင်းသေးတာ.. အဲဒီ လက်ဘက်ရည်ဆိုင်အ၀င်ဝ လမ်းနဲ့ကပ်နေတဲ့ စားပွဲလေးမှာ ကိုစိန်ဝင်း(မောင်စိန်ဝင်း-ပုတီးကုန်း) ထိုင်နေကျလေ။ ကိုစိန်ဝင်းရောက်နေပြီ ဆိုရင်တော့ ကျမက ရုံးဆင်းချိန် ကားအကျပ်ကိုရှောင်ဖို့ စောင့်ရင်း.. စကားလည်းပြောရင်းပေါ့.. လက်ဘက်ရည်ဝင်သောက်တာပဲ၊ ကိုစိန်ဝင်းကလည်း ကျမအတွက်တော့ တိုင်ပင်ဖော်တိုင်ပင်ဖက် အကို တယောက် ပါပဲ... ။

ကိုစိန်ဝင်းနဲ့ကလည်း စကားပြောလို့ သိပ်ကောင်းတာ။ သူနဲ့ ကျမက အရောင်အသွေး အတော်တူတယ်။ ရေးချင်တာလည်း အချစ်ဝတ္ထု.. ကြိုက်လိုက်ရင်လည်း ခံစားချက်အခြေခံတဲ့ စာအမျိုးအစားတွေ.. သီချင်းတွေ ပန်းချီတွေဆိုလည်း ကြိုက်တဲ့အမျိုးအစား ပုံစံတွေ တူတယ်။ ဒါပေမဲ့ ကိုစိန်ဝင်းက Realism ကို ပိုအားသန်ပြီး ကျမက Romanticism ကို ပိုအားသန်တာ တော့ ရှိတာပေါ့လေ။ အဲဒီအခါ ၀တ္ထုတိုတွေမှာ Message ပါသင့် မပါသင့်ဆိုတာမျိုးတွေ ပြောဖြစ်တယ်။ ကိုစိန်ဝင်းရဲ့ ထူးခြားချက်က အငြင်းမထူဘူး။ သူယုံကြည်ရာကို လေအေးအေးနဲ့ ပြောတတ်တယ်။ ပြီးတော့ သူများအကြောင်း ဘယ်တော့မှမပြောဘူး။ ပြီးတော့ စကားပြောရင် အင်မတန်ရိုးသားတယ်။ ဟန်မရှိဘူး။ အထူးသဖြင့် သမားဂုဏ် ပြတာမျိုး မရှိဘူး။ သူနဲ့စကားပြောရင် ကျမကချည်း ပြောတာများတယ်။ သူက ကျမမေးမှ ပြောတာမျိုး.. တိုက်ဆိုင်မှ ၀င်ပြောတာမျိုး။ သူနဲ့ လက်ဘက်ရည်ဆိုင်ထိုင်လည်း သူပြောသမျှ သူတို့ခေတ် ကျောင်းသားဘ၀နဲ့ စက်မှုတက္ကသိုလ်ကို ကြားရ တွေ့ရတယ်။ အနည်းဆုံးတော့ ဒါဟာ ခေတ်တခေတ်ရဲ့ တက္ကသိုလ်သမိုင်းတခုပဲ မဟုတ်လား။

တခါတလေတော့ နေ့လယ်ပိုင်းမှာ အတန်းတွေ မရှိဖြစ်တတ်တယ်။ တပတ်မှာ ၁ရက် ၂ရက်လောက်။ အဲဒီအခါ ကျမက BED(ပညာရေးတက္ကသိုလ်)ကင်တီးမှာ သွားထိုင်တယ်။ အဲဒီမှာက ကိုဟိန်းလတ်(အခု... ပေါ်ပြူလာ ဂျာနယ်.. ရတီမဂ္ဂဇင်းတွေရဲ့ အယ်ဒီတာချုပ်) ရှိတယ်လေ။ မဟေသီအင်တာဗျူးနောက်ပိုင်းမှာ ကျမက ကိုဟိန်းလတ်နဲ့ ခင်သွားတယ်။ ကိုဟိန်းလတ်က အဲဒီတုန်းက ပညာရေးသုတေသနဗျူရိုမှာ ရှိ်နေတဲ့အချိန်။ နေ့လယ် ထမင်းစားချိန်မှာ ကိုဟိန်းလတ်ရယ်.. အင်္ဂလိပ်စာဆရာ ဦးစိုးလင်း (လွန်းထားထား (အဲဒီတုန်းက စာရေးဆရာမ မဖြစ်သေး)ရဲ့ အဖေ)ရယ်... ကိုမြင့်ဦးသစ် (ဂီတပဒေသာ)ရယ်.. ပညာရေးတက္ကသိုလ်က သူငယ်ချင်းဆရာမ တချို့ရယ်.. ထိုင်တတ်တယ်။ အဲဒီဝိုင်းတွေမှာတော့ ကိုဟိန်းလတ်က ဦးဆောင် စကားပြော သူ။ ကိုဟိန်းလတ်က စာဖတ်နာ.. အပေါင်းအသင်းစုံ... အတွေ့အကြုံ စုံတဲ့သူဆိုတော့ သူဖြတ်သန်းခဲ့တာတွေကို ပြော။ ကျန်တဲ့သူတွေက နားထောင်သူတွေ။

BED မှာ သွားထိုင်ရင် ကျမ သဘောကျတာတခုက ကင်တီးနောက်ပေါက်ကနေထွက်ပြီး TTC ကျောင်းတွေ ဆေး(၁)တွေ နောက်ဘက်က ပိတောက်လမ်း(သထုံလမ်း)အတိုင်း တက္ကသိုလ်ရိပ်သာလမ်းဘက် လျှောက်ထွက် ရတာကိုပါ။ (RC-3 မှာ ကျောင်းတက်တုန်းက မိန်းထဲကို လာလည်ရင် လျှောက်နေ ဖြတ်နေကျ လမ်းအတိုင်းပေါ့)။ ဝေးပေမဲ့ လျှောက်လို့ကောင်းတယ်။ လမ်းမှာ BOC ကောလိပ်နေရာကို ဖြတ်ကျော်ခဲ့... ဘောလုံးကွင်းကို ဖြတ်ကျော်ခဲ့... လိုင်းပေါက် ၀န်ထမ်း အိမ်ရာကို ဖြတ်ကျော်ခဲ့..။ တက္ကသိုလ်ဆေးရုံဝင်းကို ဖြတ်ခဲ့။ ကျောင်းပိတ်ကာလမို့ လမ်းတလျှောက်မှာ လူရှင်း ကားရှင်းရှိနေတတ်တော့ ပိုကောင်းတာပေါ့။ ဟိုငေးဒီငေး ဟိုတွေးဒီတွေး... ဘ၀အမောတွေ တောင် အဲဒီအချိန်မှာ ပြေပျောက်သလို ခံစားရသေး။ ပြီးတော့ လုံးချင်းရေးဖို့ ဇာတ်လမ်းတပုဒ် စိတ်ကူးရတာလည်း အဲဒီလမ်းပေါ်လျှောက်ရင်းနဲ့ပါပဲ။ ဒုတိယအုပ် ပကတိမြားပေါ့။ အဲလိုနဲ့ တက္ကသိုလ်ရိပ်သာလမ်းပေါ်ရောက်ရင် ပုဂံလမ်းမှတ်တိုင်ကနေ ၄၅ကားစောင့်စီးပြီး အိမ်ပြန်။

အဲဒီတုန်းကတော့ အိမ်ပြန်ရောက်ဖို့အရေးလည်း လျှောက်ရသေးတာပဲလေ။ ဘီပီအိုင်မှတ်တိုင် မှာဆင်းတော့ ကျောင်းဝင်းရှေ့က ဆင်းရဲသားဂိတ်ကလေးက ပိတ်လိုက်ပြီမို့ အရင်လို အလွယ်လေး ကျောင်းထဲ မရောက်တော့။ ဂိတ်မကြီး(ဦးလူပေါဂိတ်လို့ ခေါ်ကြတယ်)ဆီကို တပတ်ကြီးလျှောက်ပြီး ကျောင်းထဲဝင်.. Block တွေကို အလျားလိုက်ဖြတ်.. ရေပန်းစင်ရှိတဲ့ အ၀ိုင်းလေးကိုဖြတ်.. ကင်တီးကနေဆင်း.. ဘောလုံးကွင်း ဘေးကနေ ဂျီဟောရှေ့ကိုဖြတ်... အင်းး တော်တော်တော့ ဝေးတာ။ ကျမကတော့ လမ်းလျှောက်တာ ကြိုက်တဲ့သူမို့ လျှောက်တာပဲ..။ တခါတလေတော့လည်း မောတာပေါ့လေ။ အဲဒီအခါ ကဗျာဆရာ မောင်ရန်ပိုင်(ခုတော့ ဦးရန်ပိုင်) ရေးတဲ့ ကဗျာထဲကလို "နှလုံးသားသန်သူ ခြေထောက်သန်သတဲ့".. ဆိုတာ လေးပဲ တွေးရသေး..။

+++++

တခါတလေကျတော့ နေ့လယ်ပိုင်းအားပြီဆို မြေနီကုန်း မပိုလမ်းမှာ ရုံးခန်းဖွင့်ထားတဲ့ စံပယ်ဖြူမဂ္ဂဇင်းတိုက်ကို သွား သွား ထိုင်တယ်။ အဲဒီမှာ မမိုး(မိုးမိုး-အင်းလျား)က ရုံးထိုင်တယ်။ ပြီးတော့ မေဦး(ဒေါ်ခင်ဆွေဦး) ရှိတယ်။ မပုလဲ(ဒေါ်ခင်ဆွေဦးသမီး) ရှိတယ်။ အဲဒီမှာ ထိုင်ရင်း စကားတွေ ပြောကြ။ ကျမက မမိုးကို သိပ်ချစ်တယ်။ စိတ်ထားအင်မတန်လှပြီး ဖြူစင်ရိုးသားတဲ့.. မမိုးဟာ ကျမကိုစာရေးဆရာလုပ်ချင်စိတ်ပေါ်အောင် တွန်းအားပေး ခဲ့ဖူးတဲ့ စာရေးဆရာလည်း ဖြစ်တယ်လေ။ မမိုးရဲ့ "နာမကျန်းသည်.. အိုနှင်းဆီ" ကို ဖတ်ပြီး ကျမ စာရေးဆရာ လုပ်ချင်စိတ်ပေါ်ခဲ့တာ..။ ပြီးတော့ "ညီမလေးက အချစ်ကို ကိုးကွယ်သတဲ့လား..." မှာ တုန်လှုပ်ခဲ့တာ။ "ပွင့်တချို့ ကြွေတချို့"၊ "ကြွေမလိုနဲ့ ဝေ.. ဝေမလိုနဲ့ကြွေ"၊ "ငြိမ်းကိုရှက်ပါ" တွေမှာ အံ့သြချီးကျူးခဲ့ရတာလေ။ ( နောက်တော့ အဲဒီ၉၀ထဲမှာပဲ မထင်မှတ်ပါဘဲနဲ့ မမိုးကို ကျမတို့ ဆုံးရှုံးခဲ့ရတာပေါ့)။ မြသီလာနဲ့ မဆိုင်လှပေမဲ့ ဒါဟာ မြသီလာကိုချစ်တဲ့သူတယောက် လွင့်ကြွေသွားရတာမို့ ထည့်ရေးပါရစေတော့။

+++++

မဟာဝိဇ္ဇာပြန်တက်ရတဲ့ အဲဒီ ၁၉၉၀ဟာ ပင်ပန်းပေမဲ့ ကျမအတွက်တော့ အနှစ်သာရ အများကြီးရှိတဲ့ ကာလတခုပါ။ သူငယ်ချင်းတွေနဲ့ အချိန်ကုန်ရင်း ၀တ္ထုတွေ အများကြီး ရေးဖြစ်ခဲ့တဲ့ နှစ်လည်း ဖြစ်တယ်။ စိတ်မကောင်းစရာကောင်းတာ တခုကတော့ ၀တ္ထုတွေ ရေးဖြစ်လာသလောက် ကဗျာရေးမထွက်တော့တာပါပဲ။ ကိုစိန်ဝင်းစကားနဲ့ ပြောရရင်.. ဒါတောင် အချစ်ဦးက ကဗျာ...။ အဲဒီကာလမှာပဲ သီချင်းနှင်းဆီက ကျောင်းပိတ် ရက်ရှည်နဲ့ တိုက်ဆိုင်လို့ထင်ပါရဲ့။ ဈေးကွက်ထဲမှာ ခပ်မှန်မှန်လေး သွားနေသတဲ့။ မဆိုးဘူးဆိုပါတော့။ ဒါနဲ့ အကိုက နောက်တအုပ်လုပ်မလားတဲ့။

အမှန်အတိုင်းဝန်ခံရရင် အဲဒီတုန်းက ကျောင်းတက်နေရတော့ ပိုက်ဆံလည်း လိုနေတဲ့အချိန်။ ကိုယ်တိုင်က လည်း စာပဲ ရေးချင်နေတဲ့အချိန်။ ရေးချင်နေတဲ့ ဇာတ်လမ်းလေးတပုဒ်ကလည်း ရှိထား..။ ဒီတော့ ကျောင်းစာ လုပ်နေတဲ့ ကြားထဲကပဲ နောက်တအုပ်ကို အလွယ်တကူပဲ ရေးနိုင်ခဲ့တယ်။ အဲဒါ ပကတိမြား... ပေါ့။

(ပန်းချီ မြင့်မောင်ကျော် ပါပဲ)

ပကတိမြားထဲက ဇာတ်လိုက်က ကိုယ် အင်မတန် ပိုင်တဲ့ ဇာတ်ကောင်လေ။ ဒါကြောင့် ရေးခဲ့ရတဲ့ ၀တ္ထုတွေ ထဲမှာ လက်အတွေ့ဆုံးနဲ့ ရေးရတာ အမြန်ဆုံးပါပဲ။ ဈေးကွက်မှာလည်း စွံသား.. မဆိုးပါဘူး။ (ကျမမှာ ကြောင်တဲ့တချက်က လူကသာ ပိုက်ဆံမရှိတာ အဲဒီဝတ္ထုကို ရုပ်ရှင်ရိုက်ဖို့လို့ လာဝယ်တော့ မင်းသားက ကိ်ုယ်မကြိုက်တဲ့သူမို့ ကိုယ့်ဇာတ်ကောင်နေရာမှာ အစားမထိုးနိုင်ပါဘူးဆိုပြီးတော့ မရောင်းခဲ့ဘူး :D )။

၁၉၉၀နှစ်ကုန်ချိန်မှာတော့ ကျမက မဟာဝိဇ္ဇာတန်း နောက်ဆုံးနှစ်ကို အောင်ခဲ့ပြီ။ Thesis ရေးဖို့ပဲ ကျန်တော့တာပေါ့။ ပြီးတော့ လုံးချင်းဝတ္ထုနှစ်အုပ်လည်း ထွက်နိုင်ခဲ့ပြီ။ ၀တ္ထုတိုတွေလည်း အပုဒ် ၃၀ကျော်ခဲ့ပြီ။ အဲဒီ ၁၉၉၀ ထဲမှာ စိတ်လှုပ်ရှားစရာ အကောင်းဆုံးကတော့ သားကြီးကို ကိုယ်ဝန်ရှိလာတာပါပဲ။ သားကြီးကိုယ်ဝန်နဲ့တုန်းက ပုံလေးတွေ အမှတ်တရ တင်ပေးလိုက်ပါတယ်။ ဗိုက်ထဲမှာ မောင်ထူးမြတ်ပေါ့။

အဲဒီအချိန်လောက်မှာပဲ တက္ကသိုလ်တွေ ပြန်ဖွင့်တော့မလိုလို ကြားလာရတာ....။

+++++

You received this email because you are subscribed to the real_time feed for http://maynyane.blogspot.com/feeds/posts/default. To change your subscription settings, please log into RSSFWD.