ကမ္ဘာမြေအတွက်လက်ဆောင်
ဗင်နီဇွဲလားအလုပ်သမားတစ်ယောက်လိုသူနေထိုင်
ပီရူးအလုပ်သမားတစ်ယောက်လိုသူစဉ်းစား
ကိုလံဘီယာလယ်သမားတစ်ယောက်လိုသူရှင်သန်
ချီလီအလုပ်သမားတစ်ယောက်လိုသူဖြတ်သန်း
သူဟာ ကမ္ဘာမြေအတွက်လက်ဆောင်။
အဟောင်းအမြင်းအဆောက်အအုံတွေကိုစိတ်ပျက်
လူ့ပတ်ဝန်းကျင်အသစ်ကိုအိပ်မက်ခဲ့သူ
"တောင်အမေရိကတိုက်အကြောင်း
မော်တော်ဆိုင်ကယ်ဒိုင်ယာရီ" ကိုသူရေးခဲ့သလို
ပျောက်ကျားတစ်ယောက်အဖြစ်
အတောက်ပဆုံးသမိုင်းကိုသူရေးခြစ်ခဲ့
ခေတ်ကိုမြစ်ရေလိုဖြတ်သန်းစီးဆင်း
သူဖြတ်သန်းခဲ့တဲ့ခေတ်ဟာ
ခေတ်အဆက်ဆက်ကလိုပဲ
နွံထူပြီးဒိုက်နဲ့အမိူက်တွေမျောတယ်
သနားကြင်နာကင်းမဲ့ မသမာသူတွေပေါတယ်။
ဆရာဝန်တော်လှန်ရေးသမား
စစ်ရေးပညာရှင်ပျောက်ကျားခေါင်းဆောင်
စာရေးဆရာစည်းရုံးရေးမူး
မာစ့်ဝါဒဟာ
သူ့ကြောင့်လူရိုသေရှင်ရိုသေဖြစ်ခဲ့ရတာပေါ့
စိတ်ဓါတ်ကြံ့ခိုင်သူတော်လှန်ရေးသမားတစ်ယောက်အတွက်
အကန့်အသတ်အခက်အခဲတွေနဲ့
မှန်းဆလို့မရတဲ့အနာဂတ်ဆိုတာ
အတားအဆီးမဖြစ်နိုင်ပါဘူး
သွေးပြန်ကြောတွေထဲအထိတဖျဉ်းဖျဉ်းဆူပွက်နေတဲ့
သူ့လွတ်မြောက်ရေးစိတ်ဓါတ်ဟာ
ဓနရှင်တွေကိုသွေးပျက်
အဖိနှိပ်ခံတွေကိုအားတက်စေခဲ့တယ်။
ဖိနှိပ်သူတွေရှိနေသ၍ တော်လှန်ရေးရှိနေမယ်
သူ့ခန္ဒာကိုယ်ထဲမှာ
ဓနရှင်လူတန်းစားဟာ
အပ်တစ်ချောင်းလိုစွဲဝင်စူးစိုက်လို့
သူ့ရင်ဘတ်ထဲမှာတော့
ကဗျာတွေကိုချစ်တဲ့စိတ်က
တောင်ကျစမ်းရေလိုတသွင်သွင်ဖြတ်သန်းစီးဆင်း
ချေဂွေဘားယားနာမည်သာမပါခဲ့ရင်
တော်လှန်ရေးဆိုတဲ့စကားလုံးဟာ
သိမ်ငယ်သွားမှာပေါ့
ချေမပါပဲရေးတဲ့ ၂၀ ရာစုသမိုင်း
ရိုင်းစိုင်းသွားလိမ့်မယ်။
ကျူးဘားကဆီအဲယားမေထရာတောင်တန်းတွေအထိ
အာဖရိကတိုက်ကွန်ဂိုတောနက်ထဲအထိ
ဘိုလီးဘီးယားကယူဂိုတောင်ကြားတွေအထိ
မီးလိုတဟုန်းဟုန်းတောက်လောင်နေတဲ့
ယုံကြည်ချက်တွေကိုထမ်းပိုးလို့
ညစ်ထေးနေတဲ့အ၀တ်ကိုလျှော်ဖွပ်သလို
ခေတ်ကိုလျှော်ဖွပ်ဖို့သူအရောက်သွားခဲ့
ရိုစာရီရိုမြို့ကဆရာဝန်ဟာ
သေနတ်ပစ်ရာမှာလည်းအထူးချွန်ဆုံးဖြစ်ခဲ့ပါတယ်။
မျက်ကန်း အစ်ဇမ် (ism) မဟုတ်ကြောင်းသက်သေပြခဲ့
ခရူးရှက်တို့နဲ့သဘောထားကွဲပြီး
မော်တို့နဲ့လက်တွဲခဲ့တာ
ယုံကြည်ရာအတိုင်းရပ်တည်ရဲခဲ့လို့မဟုတ်ဘူးလား
အယူအဆကွဲပြားမူဟာ
သေဖော်ရှင်ဖက်ရဲဘော်ရဲဘက်ချင်းကိုတောင်
မိတ်ပြက်စေခဲ့
ဟားဗားနားကနေထွက်ခွာသွားရတဲ့
ခြေသလုံးအိမ်တိုင်တော်လှန်ရေးသမားတစ်ယောက်အတွက်
စွန့်လွှတ်ပေးဆပ်မူဆိုတဲ့အဓိပ္ပါယ်ဟာ
သူချရေးခဲ့တဲ့ ဒိုင်ယာရီထဲကမူန်ဝါးဝါးစကားလုံးတွေမျှသာ။
၁၉၆၇ အောက်တိုဘာလ(၉)ရက်
ဘိုလီးဗီးယားဆောင်းမနက်ခင်းနှင်းတွေပရမ်းပတာလွင့်ကျလို့
စူးရှတောက်ပြောင်တဲ့မျက်လုံးတစ်စုံကို
လုပ်ကြံသတ်ဖြတ်ရေးသမားတွေ
ရင်ဆိုင်မကြည့်ရဲခဲ့ကြဘူး
စစ်သုံ့ပန့်အဖြစ်နှောင်ကြိုးတည်းခံရ
ရက်ရက်စက်စက်အသတ်မခံရခင်မိနစ်ပိုင်းမှာတောင်
သူ့သွေးဟာအနီရောင်လက်လက်ထလို့နေရဲ့။
လူတစ်ယောက်ချင်းခံစားနေရတဲ့ရောဂါတွေကိုကုသရတာထက်
လူ့အဖွဲ့အစည်းအလိုက်ခံစားနေရတဲ့ဝေဒနာတွေကိုကုသပေးချင်တဲ့ဆရာဝန်ရဲဘော်ကြီးရေ
ဆန်တာကလာရာဂူဘိမာန်ထဲကပျောက်ကျားခေါင်းဆောင်ရဲဘော်ကြီးရေ
ခင်ဗျားကိုလွမ်းဆွတ်တဲ့စိတ်နဲ့
တောခြစ်တောင်ခြစ်ကဗျာတစ်ပုဒ်ကျွနင်္ုပ်ထုဆစ်နေမိရဲ့
အကယ်၍များကျုပ်စကားလုံးတွေမှာ
အနုပညာတွေပေကျံမသွားခဲ့ရင်
ကျုပ်ရဲ့အသုံးမကျမူသက်သက်သာဖြစ်ကြောင်း။
ခေတ်ကိုအ၀တ်လိုလျှော်ဖွပ်ဖို့ကြိုးစားရင်း
ကိုယ်တိုင်လျှော်ဖွပ်ခံလိုက်ရ
လွတ်မြောက်ရာလမ်းကိုသူရှာတွေ့ခဲ့တယ်
လွတ်လပ်ရေးတော့ရမသွားခဲ့ဘူး။………။
ငြိမ်းချမ်းအောင်
ပြန်ခေါက်ထားပါ...
You received this email because you are subscribed to the real_time feed for http://nyein-chan-aung.blogspot.com/feeds/posts/default. To change your subscription settings, please log into RSSFWD.