ကျွမ်းကျင်သည့်အလုပ်အကိုင်
အလုပ်အကိုင်ဆိုတဲ့ကွက်လပ်မှာ
ကဗျာဆရာလို့ ခပ်တည်တည်ရေးချလိုက်တယ်
ဘာဖြစ်လဲ
အာဏာသိမ်းစစ်ခေါင်းဆောင်နဲ့စာရင်
ကဗျာဆရာဖြစ်ရတာဂုဏ်ယူစရာကောင်းပါတယ်
စီရော်နယ်ဒိုက
တစ်ပတ်ကို ပေါင်နှစ်သိန်းခွဲ ၀င်ငွေရနေချိန်မှာ
ကျနော်ကတစ်နှစ်ကို ပေါင်နှစ်ရာ့ငါးဆယ်တောင် ကိုယ်ပိုင်ဝင်ငွေမရှိခဲ့ဘူး
ကျွမ်းကျင်တဲ့အလုပ်အကိုင်ဆိုလို့
ကဗျာတွေမတောက်တခေါက်ရေးတတ်တာပဲရှိတယ်
အနုပညာလက်နက်နဲ့ ခံစစ်စည်းရိုးကိုမသေမသပ်ကာထားတယ်
ယုံကြည်မူတစ်ခုနောက်ကောက်ကောက်ပါအောင်လိုက်ခဲ့တယ်
နေပူမရှောင်မိုးရွာမရှောင်စီးတော်မြင်းတစ်ကောင်လို အသုံးတော်ခံခဲ့တယ်
လူဆိုတာပညာတတ်လေပိုပြီးဖောက်ပြန်တတ်လေပဲ
သွေးနားထင်ရောက်နေတဲ့ ကွက်စိပ်ဆရာတစ်ယောက်ကိုတွေ့ဖူးတယ်
သနားစရာကောင်းပါတယ်
မှတ်ကျောက်အတိုက်ခံရဲတဲ့ အညတရတစ်ယောက်နဲ့တွေ့ဖူးတယ်
သူ့အတွက်ကျနော်ဂုဏ်ယူတယ်
လွန်ခဲ့တဲ့အနှစ်နှစ်ဆယ်က ကျောင်းသုံးစာအုပ်မှာ ကျနော်ကဗျာတွေရေးတယ်
လွန်ခဲ့တဲ့ဆယ်နှစ်က မှတ်တမ်းစာအုပ်မှာ ကျနော်ကဗျာတွေရေးတယ်
အခုကွန်ပြူတာမှာ ကျနော်ကဗျာတွေရေးတယ်
အနိမ့်အမြင့် အတက်အကျ မရှိတဲ့
လောကဓံဆိုတာ
ကျနော်ချရေးလိုက်တဲ့ကဗျာတွေပါပဲ ။………….။
ငြိမ်းချမ်းအောင်
ပြန်ခေါက်ထားပါ...
ခံနိုင်ရည်ကိုစမ်းသပ်ခြင်း (၄)
တီဗွီနဲ့ရေခဲသေတ္တာမရှိဘူး
တီဘီနဲ့အေအိုင်ဒီအက်စ်ရောဂါတော့ရှိတယ်
အိုးပိုင်အိမ်ပိုင်မရှိဘူး
ဧည့်စာရင်းတိုင်ရတာတော့ရှိတယ်
အခွင့်အရေးမရှိဘူး
အခွန်အတုတ်တော့ရှိတယ်
လူ့အခွင့်အရေးကြေငြာစာတမ်းမရှိဘူး
မုဒိမ်းကျင့်ခွင့်လိုင်စင်တော့ရှိတယ်
ထောက်ပံ့ကြေးမရှိဘူး
ဖောက်ပြန်ရေးသမားတော့ရှိတယ်
ဘဏ်စာအုပ်မရှိဘူး၊ ခရက်ဒစ်ကဒ်မရှိဘူး
နေ့ပြန်တိုးနဲ့အပေါင်ဆုံးလက်မှတ်တော့ရှိတယ်
အယူခံခွင့်မရှိဘူး၊ ခုခံပိုင်ခွင့်မရှိဘူး
တသက်တကျွန်းထောင်ဒဏ်တော့ရှိတယ်
ဝတ်ပြုဆုတောင်းခွင့်မရှိဘူး၊ ဘာသာရေးလွတ်လပ်ခွင့်မရှိဘူး
လောင်းကစားဝိုင်းနဲ့လမ်းဘေးအရက်ဆိုင်တော့ရှိတယ်
လူမူဖူလုံရေးမရှိဘူး၊ ဖွံ့ဖြိုးရေးစီမံကိန်းမရှိဘူး
အိုင်ဒီပီတော့ရှိတယ်၊ ဒုက္ခသည်တော့ရှိတယ်
အလုပ်လက်မဲ့တွေမိူလိုပေါက်
အမျိုးကောင်းသားသမီးတွေအရက်ကျွံ၊ လိင်ကျွန်ဘ၀ရောက်
လူငယ်တွေကတိုင်းတပါးရောက်
သက်ကြီးရွယ်အိုတွေကလမ်းဘေးရောက်
အလားအလာကောင်းတဲ့တို့နိုင်ငံ
"သူဌေးလှေမှောက်တာပြဿနာမဟုတ်ဘူး
သူတောင်းစားခွက်ပျောက်တာကမှပြဿနာ"
ဘာတွေယူပြီးဘာတွေပြန်ပေးကြမှာလဲ
လုံခြုံရေးကောင်စီမှာ
ရွှေနိုင်ငံအကြောင်းဆွေးနွေးတိုင်း
ပေါက်ဖော်ကြီးနဲ့ရပ်ရှကြီးတို့ကရူးချင်ယောင်ဆောင်
ကျေးဇူးရှင်ကိုရီးယားသံတမန်ကြီးရေ
တနေ့ကိုထမင်းနှစ်နပ်ပုံမှန်စားနိုင်ဖို့
ကလေးတွေကျောင်းထားနိုင်ဖို့
အမိုးအကာအောက်မှာ
အရှက်လုံအ၀တ်အစားတစ်စုံလောက်ရှိရင်တော်ပါပြီ ။……။
ငြိမ်းချမ်းအောင်
You received this email because you are subscribed to the real_time feed for http://nyein-chan-aung.blogspot.com/feeds/posts/default. To change your subscription settings, please log into RSSFWD.