ရုပ်ပြောင်းစိတ်လွှဲကုထုံး
အခုတော့ ကျွန်မရဲ့ဘဝတစ်ခုလုံးကို ဒီမီးဖိုထဲမှာပဲ မြှုပ်နှံ့ထားလိုက်ပါပြီ။ ကျွန်မအလုပ်လုပ်တာ ဒီမီးဖိုဆောင်။ အစားအစာအတွက် ကျွန်မအလုပ်လုပ်ပါတယ်။ အိပ်ရင်တောင် ဒီမှာပဲအိပ်ပြီး မနက်အလုပ်စပြီဆိုလဲ အိပ်ရာကလူးလဲထပြီး သမ်းရင်းဝေရင်းပေါ့။
ကျွန်မသိပါတယ်။ ကျွန်မဒီမှာပဲ အရိုးထုတ်ဖြစ်တော့မယ်ဆိုတာကိုပေါ့။ အောက်စဖို့ဒ်ယူနီဗာစီတီမှာ ရူပဗေဒနဲ့ပါရဂူဘွဲ့ကို ယုခဲ့ပြီး နောက်နှစ်နှစ်အကြာမှာပဲ ကျွန်မမီးဖိုဆောင်အလုပ်သမားဖြစ်လာပါတယ်။
ကျွန်မကိုယ်ကျွန်မ ယုံကြည်မှုအပြည့်အဝရှိပါတယ်။ ကျွန်မဟာ အတော်ဆုံးကျောင်းသူတစ်ယောက်ဖြစ်သလို ဌာနမှာလဲ ထက်မြက်တဲ့နည်းပြဆရာမတစ်ယောက်ဖြစ်ခဲ့တယ်။ ဒါပေမယ့် ဒါတွေအားလုံးက ကျွန်မရဲ့ရည်မှန်းချက်အစစ်အမှန် မဟုတ်ခဲ့ဘူး။ ပါရဂူဘွဲ့ရပြီး နှစ်နှစ်အတွင်း ကျွန်မအလုပ်ချင်ဆုံးအလုပ်ကို အကောင်အထည်ဖော်ဖို့ ဆုံးဖြတ်ထားပြီးသားပါ။ တကယ်လဲ အကောင်အထည်ဖော်ခဲ့ပါတယ်။ ရလဒ်ကတော့ အခု ရှင်တို့မြင်တဲ့အတိုင်းပါပဲ။ ကျွန်မဘဝကို ကျွန်မကျေနပ်ပါတယ်။
အဲဒီ့မနက်က ကျွန်မအရမ်းစိတ်ရှုပ်ထွေးနေတယ်။ ဒါပေမယ့် အားလုံးကို ကျွန်မနေသားတကျနဲ့ လုပ်နိုင်ခဲ့တယ်။ စိတ်လှုပ်ရှားနေပေမယ့် အာရုံစူးစိုက်နိုင်တုန်းပဲ။ ကျွန်မအလုပ်ခန်းက မော်လီတို့အိမ်ရဲ့ အောက်ဆုံးထပ်မှာ။ ဘာမှသားသားနားနားမရှိပေမယ့် အလုပ်စားပွဲ ကုလားထိုင်နဲ့ စားစရာထည့်တဲ့ ကြောင်အိမ်ရယ် မိုက်ခရိုဝေ့ဖ်တစ်လုံးရယ်တော့ ရှိပါတယ်။
ကိရိယာတွေအားလုံး တပ်ဆင်လို့အပြီးမှာ ဒီအလုပ်အတွက်ရည်ရွယ်ပြီး ကျွန်မဝယ်ထားတဲ့ ကြောင်နဲ့ရှဉ့်ရဲ့ လှောင်အိမ်တစ်ခုစီကို သေချာနေရာချလိုက်တယ်။ နေရာယူမှန်ဖို့ဆိုတာ သိပ်အရေးကြီးတယ်။ ဟုတ်တယ် နေရာယူမှန်ဖို့က တကယ်အရေးကြီးတာနော်။ မယုံဘူးလား ပြီးမှ ရှင်တို့ယုံမှာပါ။
ဒါကိုတီထွင်ဖို့ ကျွန်မပါရဂူဘွဲ့အတွက် ပြင်ဆင်ချိန်နှစ်နှစ် နောက်ဘွဲ့ရပြီးမှနှစ်နှစ် ပေါင်းလေးနှစ်ကြာခဲ့တယ်။ ဘွဲ့အတွက်စာတမ်းရေးနေချိန်မှာ သူနဲ့ပတ်သက်တာတချို့ကို အရိပ်အမြွက်ထည့်ရေးခဲ့တယ်။ စာတန်းအပြီးမှာ သူဟာတော်တော်ရုပ်လုံးပေါ်နေပေမယ့် အပြီးသတ်ဖို့ အတော်အချိန်ထပ်ယူခဲ့ရတယ်။ ဆိုလိုတာက အရာဝတ္ထုတစ်ခုရဲ့စိတ်ကို နောက်အရာဝတ္ထုတစ်ခုထဲထည့်ဖို့ သိပ်လွယ်တဲ့ကိစ္စတော့မဟုတ်ဘူး။ ရုပ်ပြောင်းစိတ်လွှဲကုထုံးလို့ ကျွန်မက နာမည်ပေးထားတယ်။
ဒီကိရိယာရဲ့ အလယ်ဗဟိုက မှန်ပြွန်ချောင်းအရှည်ရဲ့ အစွန်းနှစ်ဖက်တည့်တည့်မှာ ကြောင်နဲ့ရှဉ့်တို့ရှိနေတယ်။ ပြောရရင် ကိရိယာကိုဗဟိုပြုပြီး သူတို့နှစ်ကောင်ဟာ မျက်နှာချင်းဆိုင်နေကြတယ်။ မှန်ပြွန်ကထွက်လာမယ့် ဂါမာရောင်ခြည်ဟာ သူတို့ကိုတပြိုင်တည်းသက်ရောက်ဖို့ ဂရုစိုက်ရမယ်။ ကျွန်မခလုတ်နှိပ်လိုက်တာနဲ့ ကြောင်ဟာရှဉ့်လိုခုန်မလား ရှဉ့်ဟာကြောင်လိုအော်မလားဆိုတာ ရှင်တို့မြင်ရမယ်။
ဒါပေမယ့် ကျွန်မသတိလစ်သွားတာ နည်းနည်းရှိတယ်။ ကြောင်နဲ့ရှဉ့်တို့နှစ်ကောင် ကိရိယာဘေးမှာ မျက်နှာချင်းဆိုင်ရှိနေသလို ကျွန်မနဲ့ မိုက်ခရိုဝေ့ဖ်တို့နှစ်ကောင် အဲ နှစ်ခု အေးလေ ကျွန်မတို့လဲ မျက်နှာချင်းဆိုင်နေကြတယ်ဆိုတာရယ် ပြီးတော့ ကိရိယာကိုဆင်ဖို့ ဝက်အူတွေတပ်တဲ့နေရာမှာ ယောကျာ်းအလုပ်သမားတစ်ယောက် ငှားသင့်တယ်ဆိုတာရယ်ပဲ။
ဝက်အူချောင်နေတဲ့ အလယ်မှန်ပြွန်ဟာ ခလုတ်နှိပ်အပြီး ဂါမာရောင်ခြည်တွေ အရှိန်ပြင်းပြင်းတိုးထွက်လာတာနဲ့ ဝှီးကနဲနေအောင် တပတ်လည်သွားလိုက်တာ။ အင်း အပြာရောင်တွေရှင်းသွားတဲ့အချိန်မှာ ကျွန်မရဲ့ခန္ဓာကိုယ်ကြီးဟာ စားပွဲဘေးမှာ ဆန့်ဆန့်ပြန့်ပြန့်လဲနေတယ်ဆိုတာပဲ။ ဒါဆိုကျွန်မကရော ဟုတ်ကဲ့ အထဲမှာဟောင်းလောင်းပေါက်ဖြစ်နေပြီး ပါးစပ်ဟလိုက်တာနဲ့လေတဟူးဟူးထွက်နေတယ်။ မျက်လုံးရှေ့မှာ နေကာမျက်မှန်တပ်ထားသလို အားလုံးကိုခပ်မှိန်မှိန်ပဲမြင်ရတယ်။ ကျွန်မခုန်တယ် အော်တယ် ပါးဖောင်းကြည့်တယ် မျက်လုံးပြူးပြတယ်။ ဒါပေမယ့် ကျွန်မကိုယ်က ဖြူဖြူဖွေးဖွေးဖြစ်နေပြီး ကျွန်မမျက်နှာကတော့ အာကာသယာဉ်မှူးလို မှန်မဲမဲအုပ်ထားတယ်။ စိတ်ကိုစုစည်းပြီး အားကုန်ညှစ်ထုတ်လိုက်ပြန်တော့ အထဲကတဝီဝီမြည်လာပြီး ဗိုက်ထဲမှာတအားပူလာတယ်။ ဗိုက်ကလဲ ပတ်ချာလည်လှည့်နေတယ်။ စိတ်လျော့လိုက်တော့ ကလောက်ဆိုပြီး ပါးစပ်ပွင့်သွားပြန်ရော။ ဟုတ်ကဲ့ မိုက်ခရိုဝေ့ဖ်မီးဖိုတစ်လုံးရဲ့ လုပ်နိုင်စွမ်းအကုန်ပါပဲ။
ကျွန်မအဲဒီ့တမနက်လုံး အားကုန်သုံးပြီး ကိရိယာရဲ့ခလုတ်ကို ပြန်ဖွင့်နိုင်ဖို့ကြိုးစားနေတယ်။ ကြာတော့ ကျွန်မအထဲကနေ တဒုတ်ဒုတ်မြည်လာပြီး ဗိုက်ထဲမှာအစွမ်းကုန်လည်နေတာပဲ အဖတ်တင်တယ်။ အဲ ကံကောင်းချင်တော့ အိမ်ပေါ်ထပ်မှာ ဆေးသုတ်နေတဲ့ အလုပ်သမားဆင်းလာတယ်။ သူကကျွန်မအလုပ်ခန်းက မိုက်ခရိုဝေ့ဖ်ထဲကို နေ့လည်စာထည့်နွှေးတတ်တယ်။ သူဝင်လာတယ် သတိမထားမိပဲလာပြီး ကျွန်မပါးစပ်ကိုဖွင့် နေ့လည်စာဗူးကိုထိုးထည့်ပြီး ပါးကိုဆွဲလှည့်တယ်။ ကျွန်မဗိုက်ထဲက ပူလာပြီး လည်နေတုန်း သူကျွန်မရဲ့လဲနေတဲ့ ခန္ဓာကိုယ်ကြီးကို ကြမ်းပြင်ပေါ်မှာတွေ့သွားတယ်။ သူအော်လိုက်ပြီး အလည်ကကိရိယာကိုဝင်တိုက်ရင်း အဲဒီကိုယ်လုံးကိုထူဖို့ပြေးသွားတယ်။ ကံကောင်းတယ်ပဲဆိုရမလား အဲဒီကိရိယာတစ်ပတ်ထပ်လည်သွားပြီး အင်း အင်း တကယ်တော့ ဆေးသုတ်သမားကိုတည့်တည့်သွားမှန်တယ်။ သူအခုကျွန်မဒီမီးဖိုဆောင်ရောက်လာချိန်မှာ ဟိုမော်လီတို့အိမ်က နံရံပဲဖြစ်နေလိမ့်ဦးမယ်ထင်တယ်။ အင်း သူလဲကျွန်မလိုပဲ သူ့ဘဝကိုကျေနပ်မယ်လို့ မျှော်လင့်တယ်။
ဆက်ပြောပြရမလား။ ပရော်ဖက်ဆာ အမ်မီလီယာနဲ့ ဆေးသုတ်သမားတို့ ဂါမာရောင်ခြည်ထိပြီး လဲကျသေဆုံးသွားခြင်း သတင်းအပြီးမှာ ကျွန်မမော်လီတို့အိမ်မှာ စိတ်ဓာတ်ကျစွာဆက်ရှိနေတုန်းပဲ။ အဲဒီတုန်းကတော့ သင်ကြားရတာအတော်ခက်တယ်။ အားတိုင်းပါးစပ်ဆွဲဖွင့်ခံနေရတဲ့ဘဝမှာ သူတို့ကျွန်မရဲ့ကိရိယာကို သတိကြီးစွာနဲ့ဖြုတ်ယူသွားတာကို ငေးမောကြည့်နေရတယ်။ ဗိုက်ကလဲပူလိုက် နွေးလိုက်နဲ့ ရှဉ့်နဲ့ကြောင်ကိုလဲ အမျိုးသားသုတေသနဌာနက သိမ်းလိုက်တယ်။
ဟိုဆေးသုတ်သမားကို စကားပြောဖို့ကြိုးစားတော့လဲ နံရံက ကျွန်မမိုက်ခရိုဝေ့ဖ်ဖြစ်နေတာကို မသိဘူးနဲ့တူတယ်။ ကျွန်မတဝီဝီလည်ရုံကလွဲလို့ ဘာမှမတတ်နိုင်ဘူး။ နှစ်ပေါင်းများစွာသင်ယူခဲ့ရတဲ့ ရူပဗေဒပညာက ကျွန်မကို ဒီလိုဟင်းစော်နံနေရတဲ့ဘဝနဲ့ ကျေနပ်ခွင့်မပေးဘူး။ ဒီတော့ကျွန်မအော်တယ်။ ငိုတယ်။ ညည်းညူတယ်။ ပြောခဲ့ပါတယ် အစပိုင်းက သင်ကြားဖို့ခက်ပါတယ်လို့။
မိုက်ခရိုဝေ့ဖ်က တဝီဝီလည်ပြီး မပူတော့ဘူးဆိုတဲ့ အကြောင်းပြချက်ကြောင့် ကျွန်မကိုအဟောင်းဈေးနဲ့ ရောင်းထုတ်လိုက်ကြတယ်။ နောက်တော့ အင်း နောက်တော့ ရှည်ရှည်ဝေးဝေး မပြောချင်ဘူး။ ကျွန်မရဲ့ကျောကုန်းကိုဖွင့်ပြီး ပန်ကာအသစ်လဲလိုက်ကြတယ်။ နောက်တော့ စတာလင်ပေါင် ၁၅ပေါင်နဲ့ ဒီလုပ်သားသက်သာစားဖိုခန်းက ကျွန်မကိုဝယ်လိုက်တယ်။
အခုကျွန်မ ရုပ်မြင်သံကြားကြည့်လို့ရတယ်။ အဲဒီမီးဖိုဆောင်ထဲက အလုပ်သမားတွေအတွက် အပန်းဖြေဖို့ လိုင်းငါးလိုင်းပါတဲ့ ရုပ်မြင်သံကြားစက်တစ်ခုရှိတယ်။ သူတို့ဝင်လာရင် ပြောတဲ့အကြောင်းအရာတွေကို ကျွန်မစိတ်ဝင်စားရင် နားထောင်တယ်။ နေ့လည်တရေးတမောအိပ်တယ်။ အိပ်နေတုန်း ကျွန်မပါးစပ်ကိုဆွဲဖွင့်ရင်တော့ သမ်းဝေရင်း လည်ရပတ်ရတယ်။ ဟင်းနံ့တော့နံတယ်။ ဒါပေမယ့် အကျင့်ဖြစ်နေပြီ။ အစားအသောက်တွေကို မစားမသောက်ပဲ ပါးစပ်ထဲငုံရတယ်။ ကျွန်မထွေးထုတ်တာကို သူတို့ကစားကြတယ်။ အော် မေ့လို့ အလုပ်သမားထဲမှာ ပိုလန်လူမျိုးတွေများတယ်။ အခုကျွန်မပိုလန်စကား နည်းနည်းတတ်နေပြီ။
ပြီးပါပြီ။
မွန်စိတ်ကူးယဉ်တယ်ဆိုတာ အဲလိုပေါက်ကရတွေ ယဉ်တာပါ။ စိတ်ကူးအယဉ်လွန်ပြီး မဖြစ်နိုင်တာတွေ ယုတ္တိမရှိတာတွေ ဖြစ်ဖြစ်သွားတတ်တယ်။ ညီမလေးနေ့အိပ်မက်က စိတ်ကူးယဉ်ရမယ်ဆိုလို့း)))။
တပတ်အတွင်း ပို့စ်ရေးရင် စိတ်ကူးယဉ်တာ ဖြစ်လာမယ်တဲ့ ဒါဆို နောက်တစ်ပတ်ကျရင် မိုက်ခရိုဝေ့ဖ်တစ်လုံးဘေးမှာ ဘလော့ထဲကစာတွေ ဖတ်ပြမယ့်သူတစ်ယောက်လောက်ရှိစေချင်တယ်။ ညီမလေးနေ့အိပ်မက်လိုပဲ စာဖတ်နေရရင် ကျေနပ်နေမယ့်သူပါ။
ဒီစိတ်ကူးယဉ်ပို့စ်အတွက် စိတ်ကူးယဉ်ဖို့
မမအိမ့်ချမ်းမြေ့
မမပန်
မမရွှေပြည်သူ
မမမွန်(သုနှင်းဆီ)
ဂါဂါ
ဘလက်
သူငယ်ချင်း အကေးရှား
stupidee
ပိကျိလေး
မောင်လေးညစ်ပတ်ပေတူး
အိမ်
တို့ကိုအပူကပ်ရမယ်။တပတ်အတွင်းရေးပေးရင် စိတ်ကူးတွေဖြစ်လာမယ်ဆိုပါလား။
You received this email because you are subscribed to the real_time feed for http://www.natthimilay.com/feeds/posts/default. To change your subscription settings, please log into RSSFWD.