(နာဂိုယာ-ဂျပန်)မှ ဘာသာပေါင်းစုံဆုတောင်းပွဲ
၆၁ နှစ်မြောက်လွတ်လပ်ရေးအထိမ်းအမှတ်အဖြစ် ဒေါ်အောင်ဆန်းစုကြည် နှင့်တကွ နိုင်ငံရေးအကျဉ်းသားများလွတ်မြောက်ရေးအတွက် ဘာသာပေါင်းစုံဆုတောင်းပွဲနှင့် မတရားအကျဉ်းကျခံနေရသောနိုင်ငံရေးအကျဉ်းသားတို့၏မိသားစုများအတွက် အလှုငွေပေးအပ်လှုဒါန်းပွဲကို မြန်မာ့ဒီမိုကရေစီအဖွဲ့ချုပ် (နာဂိုယာ-ဂျပန်)မှ အောက်ပါအစီအစဉ်အတိုင်းကျင်းပပါမည်။
နာဂိုယာရှိ မြန်မာနိုင်ငံသားတိုင်း မည်သူမဆို မလွတ်လပ်သေးသောမြန်မာနိုင်ငံအတွက်၊ ယုံကြည်ချက်ကြောင့်မတရားအကျဉ်းချခံနေရသော ကျွန်ုပ်တို့၏ပြည်တွင်းရှိခေါင်းဆောင်များ၊ရဲဘော်များအတွက် မပျက်မကွက်တက်ရောက်ကြပါရန် လေးစားစွာဖိတ်ကြားအပ်ပါသည်။
နေ့ရက် - ၄.၁.၂၀၀၉ (လွတ်လပ်ရေးနေ့-တနင်္ဂနွေ)
နေရာ - မြန်မာ့ဒီမိုကရေစီအဖွဲ့ချုပ် (နာဂိုယာ) ရုံးခန်းအောက်ထပ်ရှိခန်းမ
အချိန် - ဂျပန်စံတော်ချိန် ညနေ ၄ နာရီမှ ၆ နာရီအထိ
ဆက်သွယ်ရန် - ရဲတင် +၈၁ ၈၀၃၆၂၈၉၉၇၉
အဆုံးမသတ်နိုင်သေးသော မူးရစ်ရီဝေ ဘ၀များ
တွမ် ကရေမာ
ရွှေတြိဂံ ဒေသအတွင်း ဘိန်းထုတ်လုပ်မှု ကျဆင်းလာသည် ဆိုသော်လည်း ဒေသအတွင်း မူးယစ်ဆေးဝါး ပပျောက်ရေး အားထုတ် ကြိုးပမ်းမှု များတွင် ဖုန်းကွယ်ထားသည့် ကြီးမားသော ချို့ယွင်းချက်များရှိနေသေးသည်။ 
လွန်ခဲ့သော ဆယ်နှစ်အတွင်း မြန်မာနိုင်ငံ၊ လောနိုင်ငံနှင့် ထိုင်းနိုင်ငံများတို့တွင် ဘိန်းစိုက်ပျိုးမှု ကျဆင်းလာခဲ့သည်။ ရွှေတြိဂံဟု ထင်ရှားလူသိများသော ထိုနိုင်ငံ ၃ ခု ဆုံတွေ့ရာဒေသသည် တချိန်တခါက ကမ္ဘာပေါ်တွင် ဘိန်းဖြူအများ ဆုံး ထုတ်လုပ်သော နေရာဒေသတခု ဖြစ်ခဲ့သည်။ သို့သော်လည်း ဤရွှေတြိဂံဒေသ၏ အဆင့်ကို ဘိန်းစိုက်ပျိုးထုတ် လုပ်မှု အဆမတန် များပြားတိုးတက်လာခြင်းဖြင့် အာဖဂန် နစ္စတန်နိုင်ငံက ဆက်ခံလိုက်ပြီ ဖြစ်သည်။
၎င်းနိုင်ငံက ယနေ့ ကမ္ဘာ့ ဘိန်းထုတ်လုပ်မှု၏ ၉၀ ရာခိုင်နှုန်းကျော်ကို ထုတ်လုပ်ပေးနေသည်။ ကမ္ဘာ့ကုလသမဂ္ဂ မူးယစ်ဆေးဝါးနှင့် ရာဇ၀တ်ပြစ်မှုဆိုင်ရာရုံး (UNODC) ၏ မှတ်တမ်းများအရ ၁၉၉၈ ခုနှစ်တွင် ရွှေ တြိဂံဒေသမှ ဘိန်းဖြူမက်ထရစ်တန် ၁,၃၀၀ ထုတ်ခဲ့ပြီး ကမ္ဘာ့ ဘိန်းထုတ်လုပ်မှု ပမာဏ၏ သုံးပုံ တပုံရှိခဲ့သည်။
၂၀၀၇ ခုနှစ်တွင်မူ တန်ချိန် ၄၆၀၊ တနည်း ကမ္ဘာ့ထုတ်လုပ်မှု၏ ၅ ရာခိုင်နှုန်းသာ ရှိတော့သည်ဟု ဆိုသည်။ ကုလသမဂ္ဂ မူးယစ်ဆေးဝါးထိန်းချုပ်ရေး အရာရှိများက ထိုကဲ့သို့ ကျဆင်းလာမှုကို ကြီးမားသော အောင်မြင်မှုကြီးတခု အဖြစ် ချီးကျူးထောမနာ ပြုခဲ့ကြသည်။ "ရွှေတြိဂံဒေသသည် ဘိန်းဖြူထုတ်လုပ်မှု လျော့ကျလာနေသော အံ့သြဖွယ်ရာ ကာလတခုသို့ ချင်းနင်းဝင်ရောက်လာနေပြီ ဖြစ်သည်" ဟု UNODC ၏ ဒါရိုက်တာ အန်တိုနီယို မာရီယာ ကို့စ်တာ (Antonio Maria Costa) က ပြောကြားခဲ့သည်။ "ဆယ်စုနှစ်တခုကြာ ကြိုးပမ်းဆောင်ရွက်ခဲ့သော မူးယစ်ဆေးဝါး ထိန်း ချုပ်မှုလုပ်ငန်းအတွက် ရှင်းလင်းစွာ ရလဒ်ပေါ်ခဲ့ပြီ" ဟုလည်း သူက ပြောခဲ့သည်။ သို့သော် ထိုကဲ့သို့သော အကောင်းမြင်မှုအပေါ်တွင် စောဒကတက်စရာ အချက်အနည်းငယ်တော့ ရှိနေသည်။( ဆက်ဖတ်ရန် ) ပထမ အချက်မှာ ၁၉၈၀ ခုနှစ်များ နှောင်းပိုင်းနှင့် ၁၉၉၀ အစောပိုင်းနှစ်များတွင် မြန်မာနိုင်ငံ၏ ဘိန်းထုတ်လုပ်မှု မည်မျှမြင့် မားနေကြောင်း ပမာဏခန့်မှန်းမှု အတိအကျနှင့် ပတ်သက်၍ အငြင်းပွားစရာ ရှိနေသေးသဖြင့် ကျဆင်းမှု ပမာဏ အတိအကျနှင့် ပတ်သက်၍ အခြေအတင် မေးခွန်းများ ရှိနိုင်သေးသည်။ မြန်မာနိုင်ငံ၏ ဘိန်းထုတ်လုပ်မှုသည် ၁၉၈၈ ခုနှစ်တွင် တန်ချိန် ၁,၂၀၀ ခန့်ရှိခဲ့သည်မှ ၁၉၈၉ ခုနှစ်တွင် တန်ချိန် ၂, ၄၀၀ အထိ နှစ်ဆ ခုန်တက်ခဲ့သည်ဟု အမေရိကန်နိုင်ငံမှ ထုတ်ပြန်သော ကိန်းဂဏန်းများက ဆိုခဲ့သည်။ သို့သော် ထို ကာလအတွက် ထုတ်ပြန်သော ကမ္ဘာ့ကုလသမဂ္ဂ၏ ကိန်းဂဏန်းများက ပို၍နည်းပါးနေပါသည်။ ထိုမျှမက မြန်မာနိုင်ငံ ၏ နှစ်စဉ် ဘိန်းထုတ်လုပ်မှုသည် ၁၉၉၇ ခုနှစ်တိုင်အောင် တန်ချိန် ၂,၀၀၀ အထက်တွင် ရှိသည်ဟုလည်း ကုလသမဂ္ဂ က ခန့်မှန်းထားပါသေးသည်။
သို့သော် တချို့သော လေ့လာသူများကမူ ယင်းကိန်းဂဏန်းများသည် နိုင်ငံရေးအပေါ်တွင် အခြေခံထားသော ကိန်း ဂဏန်းများ ဖြစ်ကြပြီး နောက်ပိုင်းတွင် လိုအပ်သလို စာရွက်ပေါ်တွင် ထားရှိသည့် ကိန်းဂဏန်းများသာ ဖြစ်သည်ဟု ယုံကြည်ကြသည်။ " အသေးစိတ်လေ့လာကြည့်မည်ဆိုပါက ကြီးကျယ် ခမ်းနားထည်ဝါလှသော ကွန်ဖရင့်ကြီးများနှင့် အထင်ကြီးလောက်ဖွယ် အစီရင်ခံစာများတွင် အခြေအမြစ်မရှိ ဖေါ်ပြထား သော ယင်းကိန်းဂဏန်းများသည် ပုံကြီး ချဲ့လွန်းလှသည်" ဟု ကွယ်လွန်သူ ရှမ်းအတိုက်အခံခေါင်းဆောင် တဦးလည်းဖြစ်၊ ပညာရှင်တဦးလည်း ဖြစ်သူ ချောင်ဇန်း ညောင်ဝေက ၂၀၀၅ ခုနှစ်တွင် ရေးသားခဲ့ဖူးပါသည်။ တချို့သော ခန့်မှန်းတွက်ချက်မှုများအရ မြန်မာ နိုင်ငံတွင် ဘိန်းထုတ်လုပ်မှုသည် နှစ်စဉ် တန်ချိန် ၁,၀၀၀ ထက် မည်သည့်အခါမှ မပိုဟု ဆိုပါသည်။ ထို့အပြင် လွန်ခဲ့သော နှစ်များအတွင်း ဘိန်းစိုက်ပျိုးမှုပုံစံများသည် နေရာအသစ်များတွင် ပြောင်းရွှေ့ ဖြစ်ပေါ်နေသည့် အပြင် လွန်ခဲ့သော၂ နှစ်အတွင်း ဘိန်းထုတ်လုပ်မှု ထပ်မံတိုးတက်ခဲ့သည်ကိုလည်း မြင်ရပြန်သည်။ ဘိန်းစိုက်ပျိုးမှု အဓိကတိုးများလာသောနေရာများမှာ အထူးသဖြင့် ရှမ်းပြည်နယ် တောင်ပိုင်းတွင် ဖြစ်သည်။
အမ်စတာဒမ် အခြေစိုက် Think Tank အဖွဲ့တခုဖြစ်သော Transnational Institute (TNI) က ၂၀၀၈ ခုနှစ်တွင် ပြုလုပ်သော သုတေသနပြုချက်တွင် ဘိန်းစိုက်ပျိုးမှုသည် ရှမ်းပြည်နယ် အရှေ့ပိုင်းနှင့် မြောက်ပိုင်းဒေသများအတွင်းရှိ မြို့နယ်များအထိပါ ပြန့်ပွားခဲ့သည်ဟု ဖေါ်ပြထားသည်။ ထို့အပြင် ထိုင်းနယ်စပ်နှင့် နီးစပ်သော ဒေသများနှင့် နမ့်ဆမ်၊ ကွမ်ဟိန်းနှင့် မိုးနဲ မြို့နယ်များတွင်လည်း သီးထပ်စိုက်ပျိုးမှုများ ရှိလာခဲ့သည်ဟု အစီရင်ခံ ဖော်ပြခဲ့သည်။ ဘိန်းစိုက်ပျိုးထုတ်လုပ်မှုကို တင်းကျပ်စွာ ကန့်သတ်တားမြစ်ထားသော ၀ နယ်မြေ၊ ကိုးကန့် နှင့် မုန်းလားဒေသများ သည် ဘိန်းထုတ်လုပ်မှု ကင်းလွတ်နယ်မြေများအဖြစ် တည်ရှိနေသေးသည်ကို TNI သုတေသနပြုချက်က အတည်ပြု ထားသည်။ "ကျနော်တို့ဒေသအတွင်းမှာ ဘိန်းစိုက်ပျိုးမှု ရှိမရှိကို မြို့နယ်တခုချင်းအလိုက် နှစ်စဉ် ကျနော်တို့စစ်ဆေးပါ တယ်။ အကယ်၍ ဘိန်း တမူ (၀. ၀၆၇ ဟက်တာ) စိုက်ပျိုးတာကို ကျနော်တို့ တွေ့တယ်ဆိုရင် အဲဒီသူတွေကို ထောင် ဒဏ် ၃ နှစ်နဲ့ ယွမ်ထောင်ဂဏန်း (၁ ယွမ် = ၀. ၁၅ အမေရိကန်ဒေါ်လာ) စသဖြင့် ဒဏ်ရိုက်ပါတယ်" ဟု ၀ အမျိုးသား သွေးစည်းညီညွတ်ရေးပါတီ (UWSP) ၏ ကိုယ်စားလှယ်တဦးက TNI သို့ မကြာသေးခင်က ပြောပြခဲ့သည်။ သို့သော်လည်း ၀ တပ်များ ထိန်းချုပ်ရာ ဒေသနှင့် နယ်နိမိတ်ထိစပ်နေသော အစိုးရထိန်းချုပ်မှုအောက်တွင် ရှိသည့် ဒေသများဖြစ်သည့် ဟိုပန်းမြို့နယ်တွင်မူ ဘိန်းစိုက်ပျိုးမှု တိုးများလာနေသည်။
UWSP ၀ တပ်များက ဘိန်းစိုက်ပျိုးမှု တားမြစ်ဟန့်တားလိုက်ပြီးသည့်နောက်ပိုင်း ထိုဒေသမှ ဘိန်းစိုက်သူများက ဟိုပန်းဒေသအတွင်းသို့ ပြောင်းရွှေ့ဝင် ရောက်လာကြပုံရသည်။ တချိန်တခါက အရှေ့တောင်အာရှ၏ အဓိက ဘိန်းဖြူထုတ်လုပ်မှုဒေသများဖြစ်ခဲ့သော လောနိုင်ငံ မြောက်ပိုင်းနှင့် ၀ ဒေသ နှစ်ခုစလုံးတွင် ဘိန်းစိုက်ပျိုးမှုကျဆင်းလာရခြင်းသည် ဒေသခံ အာဏာပိုင်များ၏ မူဝါဒဆိုင်ရာ ဆုံးဖြတ်ချက်များ ကြောင့် ဖြစ်သည်။ ၂၀၀၁ ခုနှစ်တွင် လောနိုင်ငံ အစိုးရက ၂၀၀၅ ခုနှစ်တွင် ဘိန်းစိုက်ပျိုးမှု လုံးဝမရှိသော နိုင်ငံတခု အဖြစ်သို့ ရောက်ရှိရမည်ဖြစ်ကြောင်း ၎င်း၏ သံန္နိဌာန်ပြုချက်ကို တရားဝင် ထုတ်ပြန်ပြောဆိုခဲ့ပြီး ၂၀၀၆ ခုနှစ် ဖေဖေါ် ၀ါရီလတွင် ဘိန်းကင်းစင်သောနိုင်ငံအဖြစ် ကြေညာနိုင်ခဲ့သည်။ သို့သော်လည်း လူသူအရောက်နည်းသော တောင် ထူထပ်သည့် ဒေသများတွင် ခိုးဝှက်စိုက်ပျိုးနေသော အသေးစား ဘိန်းစိုက်ခင်းများ ဆက်လက်ရှိနေဆဲ ဖြစ်သည်။ မြန်မာနိုင်ငံတွင် ဘိန်းစိုက်ပျိုးထုတ်လုပ်မှု ကျဆင်းလာရခြင်းမှာလည်း ရှမ်းပြည်မြောက်ပိုင်းအတွင်း တည်ရှိသော အပစ်ရပ်အဖွဲ့များက ၎င်းတို့ဒေသအတွင်း ဘိန်းစိုက်ပျိုးမှု တားမြစ်ဟန့်တားမှုများ ထုတ်ပြန်ကြေညာလာခြင်းကြောင့် ဖြစ်သည်။
ယင်းသို့ တားမြစ်ဟန့်တားမှုများပြုခဲ့သည့် အဖွဲ့များတွင် အမျိုးသားဒီမိုကရက်တစ် မဟာမိတ်တပ်မတော် (NDAA) ဒေသ မုန်းလားတွင် ၁၉၉၇ ခုနှစ်၌လည်းကောင်း၊ မြန်မာအမျိုးသားဒီမိုကရက်တစ်မဟာမိတ်တပ်မတော် (MNDAA) ၏ ကိုးကန့်ဒေသတွင် ၂၀၀၃ ခုနှစ်၌လည်းကောင်း၊ (UWSP) ၏ ၀ ဒေသအတွင်းတွင် ၂၀၀၅ ခုနှစ်၌ လည်းကောင်း ဘိန်းစိုက်ပျိုးမှု တားမြစ်ပိတ်ပင်အမိန့်များ ထုတ်ခဲ့ကြသည်။ ယခင်ကာလများတွင် ထိုဒေသများသည် ဘိန်းစိုက်ပျိုးသော အဓိကဒေသများ ဖြစ်ခဲ့ကြသည်။ ဆယ်စုနှစ်များစွာ တိုက် ခိုက်လာခဲ့ရသော ပြည်တွင်းစစ်ပွဲဒဏ်နှင့် ပိတ်ဆို့မှုဒဏ်များ ခံခဲ့ရပြီးနောက် ၎င်းအပစ်ရပ်အဖွဲ့များသည် မူယစ်ဆေးဝါး စီးပွားရေးတွင် ပါဝင်ခဲ့သော အမည်းစက်ကို ဖယ်ရှား၍ နိုင်ငံတကာ၏ နိုင်ငံရေးအရ အသိအမှတ်ပြုခံရရန်နှင့် ၎င်းတို့၏ ဆင်းရဲချွတ်ချုံကျနေသော ဒေသများအတွက် ဖွံ့ဖြိုးရေးအကူအညီအထောက်အပံ့များ ရရှိရန် မျှော်လင့်ခဲ့ကြသည်။ သို့သော် ၁၉၉၇ ခုနှစ်မှစ၍ ရွှေတြိဂံဒေသအတွင်း အများအားဖြင့် မြန်မာဘက်ခြမ်းအတွင်း ဘိန်းထုတ်လုပ်မှု ကျဆင်း လာရမှုသည် ဒေသခံအာဏာပိုင်များ၏ မူဝါဒဆိုင်ရာ ကြားဝင်ဆောင်ရွက်မှု တခုတည်းကြောင့် မဟုတ်ပေ။ ရွှေတြိဂံ ဒေသမှ ထုတ်ကုန်များမှ အာဖဂန်နစ္စတန် ထုတ်ကုန်များသို့ ကမ္ဘာ့ဘိန်းဈေးကွက် သိသိသာသာ ပြောင်းရွှေ့သွားသော ကြောင့်လည်း ဖြစ်သည်။
ဤသို့ဖြစ်ရသည်မှာလည်း အသစ်အဆန်းဖြစ်စဉ် တခုတော့ မဟုတ်ပေ။ သမိုင်းကြောင်းကို ပြန်ကြည့်ပါက နိုင်ငံတကာ ဘိန်းနှင့် ဘိန်းဖြူဈေးကွက်တွင် ကြီးမားသော အပြောင်းအလဲများ ဖြစ်ပေါ်ခဲ့သည်ကို တွေ့ ကြရမည် ဖြစ်သည်။ ၁၉၇၀ ခုနှစ်များတွင် တူရကီ ဘိန်းစိုက်ကွက်မှ အီရန်နှင့် ပါကစ္စတန်သို့ ပြောင်းရွှေ့သွားခဲ့ပြီး ထိုမှ တဖန် အာဖဂန်နစ္စတန်သို့လည်းကောင်း ပြောင်းရွှေ့သွားခဲ့သည်။ မက္ကစီကိုနှင့် ကိုလံဘီယာနိုင်ငံများတွင် ဘိန်းစိုက် ကွက် အသစ်များ ဖြစ်ပေါ်နေပြန်သည်။ မြန်မာ့ဘိန်းဖြူသည် ဥရောပနှင့် မြောက်အမေရိက ဈေးကွက်များတွင် အာဖဂန်မှ ထုတ်သော ဘိန်းဖြူ (ဥရောပနှင့် အမေရိကန်ဈေးကွက်) နှင့် လက်တင်အမေရိကနိုင်ငံများမှ ထုတ်သော ဘိန်းဖြူများ (အမေရိကန်ဈေးကွက်သို့) ၏ လုံးဝ သိမ်းပိုက်မောင်းထုတ်ခြင်းခံလိုက်ရသည် ဟူသောအချက်သည် လူသိနည်းသလို၊ အစီရင်ခံစာများ ရေးသားရာ တွင်လည်း ခြွင်းချန်ထားခဲ့ကြသည်။ ဤသည်မှာ အရေးကြီးသည့် အချက်တချက်လည်း ဖြစ်သည်။ ၁၉၉၀ ခုနှစ်များ တွင် ကိုလံဘီယာနိုင်ငံမှ ဘိန်းဖြူများသည် အမေရိကန်ဈေးကွက်တွင် တဦးတည်း မင်းမူနေခဲ့သည်။
မြန်မာနိုင်ငံမှ လာသော ဘိန်းဖြူအားလုံးနီးပါးသည် လတ်တလောအားဖြင့် အရှေ့တောင်အာရှ၊ တရုတ်၊ အိန္ဒိယ၊ သြစတေးလျနှင့် ဂျပန်နိုင်ငံတို့တွင်သာ ဈေးကွက်ရှိ သုံးစွဲနေကြတော့သည်။ ယခင်က ဘိန်းဖြူထုတ်လုပ်သော တချို့အုပ်စုများသည် စိတ်ကြွဆေးပြားများ (Amphetamine-type stimulants –ATS) ထုတ်လုပ်ရေးဘက်သို့ ပြောင်းလဲသွားခဲ့ကြောင်း ညွှန်ပြချက်များ ရှိနေသည်။ အပစ်ရပ်အုပ်စုများက ဘိန်းစိုက် ပျိုးမှုနှင့် ဘိန်းဖြူထုတ်လုပ်မှု တားမြစ်လိုက်သော ဒေသများဖြစ်သည့် ကိုးကန့်နှင့် ၀ ဒေသများကဲ့သို့သော ဒေသများ တွင် တရုတ်ရာဇ၀တ်ဂိုဏ်း အများအပြားက ATS စိတ်ကြွဆေးပြားများကို လာရောက်ထုတ်လုပ်နေသည်ဟုလည်း သတင်း အရင်းအမြစ်များစွာက အခိုင်အမာ ပြောဆိုနေကြသည်။ ပို၍စိုးရိမ်ဖွယ်ကောင်းသော အချက်မှာ မြန်မာနိုင်ငံနှင့် လောနိုင်ငံရှိ ဘိန်းစိုက်ပျိုးခဲ့သူများအကြား ဘိန်းထုတ်လုပ်မှု ကျ ဆင်းလာမှုကြောင့် ဘေးဒုက္ခ ကြုံတွေ့နေရခြင်းဖြစ်သည်။ ထို့ကြောင့် ဘိန်းထုတ်လုပ်မှုကျဆင်ခြင်းကို "အောင်မြင်မှု တခု" အဖြစ် ထုတ်ဖေါ်ပြောဆိုရန်ပင် ခက်ခဲလှသည်။ ဘိန်းစိုက် တောင်သူဦးကြီးဟောင်းများကို နိုင်ငံတကာ အကူ အညီ တချို့ပေးထားပြီး ဖြစ်သည်။ နိုင်ငံတကာ အန်ဂျီအိုများနှင့် ကုလသမဂ္ဂအေဂျင်စီများစွာကလည်း "၀" နှင့် ကိုးကန့် နယ်များအတွင်း ဖွံ့ဖြိုးရေးစီမံကိန်းများ ဆောင်ရွက်နေဆဲ ဖြစ်သည်။ သို့သော် ယင်းထောက်ပံ့မှုများမှာ ၎င်း ဒေသခံတို့၏ အသက်မွေးဝမ်းကြောင်းမှုအပေါ် ပိတ်ပင်ထားခြင်းကြောင့် ဖြစ်ပေါ်လာရသည့် ဆိုးကျိုးဒုက္ခ အပေါ် မထေမိသည်ကို အရှင်းသား မြင်တွေ့နေရသည်။
ကမ္ဘာ့စားနပ်ရိက္ခာအစီအစဉ် (WFP) နှင့် တရုတ်နိုင်ငံတို့က မြန်မာနိုင်ငံ မြောက်ဘက်ခြမ်းဒေသအတွင်း ဘိန်းစိုက် တောင်သူဟောင်းများအတွက် အရေးပေါ် အစားအစာ အထောက်အပံ့များ ပေးထားပြီးဖြစ်သော်လည်း ယင်းအကူ အညီသည် ရေရှည်တည်တံ့မည့် အဖြေတခု မဟုတ်ပေ။ ရွှေတြိဂံဒေသအတွင်း ဘိန်းထုတ်လုပ်မှုကျဆင်းလာမှုကြောင့် ပေါ်ပေါက်လာသော အကြီးမားဆုံး ဆိုးကျိုးဒုက္ခမှာ ဘိန်းစိုက်ပျိုးတောင်သူများအပေါ်တွင် သက်ရောက်နေသည်ကို အငြင်းပွားဖွယ် မရှိသည့်အချက်ပင်ဖြစ်သည်။ မြန်မာနိုင်ငံမြောက်ပိုင်း၊ လောနိုင်ငံနှင့် ထိုင်းနိုင်ငံအတွင်းရှိ တောင်ကုန်းများ၊ တောင်ထူထပ်သော ဒေသများအတွင်း ဘိန်းခင်းများ စိုက်ပျိုးလာသည်မှာ နှစ်ပေါင်း ၁၀၀ မက ရှိခဲ့ပြီးဖြစ်သည်။ ဘိန်းခင်းများကို လူသူအရောက်နည်းသော မတ်စောက်သည့် တောင်စောင်းများ သို့မဟုတ် လျှိုမြောင်ငယ်များတွင် များသောအားဖြင့် စိုက်ပျိုးကြပြီး ပုံမှန်အားဖြင့် ရေသွင်းစိုက်ပျိုးခြင်း သို့မဟုတ် မြေသြဇာအသုံးပြုခြင်းများလည်း မရှိကြပေ။
အထွက်နှုန်းသည်လည်း ပုံမှန်အားဖြင့် အာဖဂန်နစ္စတန်နိုင်ငံနှင့် နှိုင်းယှဉ်ပါက နိမ့်ကျသည်ဟု ဆိုနိုင်သည်။ ဖွံ့ဖြိုးမှု မရှိသော အခြေခံအဆောက်အဦများနှင့် ခက်ခဲသော သယ်ယူပို့ဆောင်ရေးစနစ်များကြောင့် လူသူမနီး တောင် ထူထပ်သောဒေသများတွင် ဘိန်းခင်းအများစုကို စိုက်ပျိုးကြသောကြောင့်သာ ဈေးကွက်တွင် ရှားပါး၊ ယှဉ်ပြိုင်ရန် ခက်ခဲသော သီးနှံ ဖြစ်နေကြရသည်။ ခက်ခဲသော မြေအနေအထားတွင် ဘိန်းပင်များကို လွယ်လင့်တကူ စိုက်ပျိုး နိုင်ပြီးပြန်ရနိုင်သည့် တန်ဖိုးကလည်း သူတို့အတွက် ကြီးလှသည်။ ဘိန်းစိုက်ပျိုးခြင်းသည် ဆင်းရဲမွဲတေမှုနှင့်လည်း လုံးဝ ဆက်နွယ်မှု ရှိနေသည်။ ဘိန်းစိုက်ပျိုးသူအများစုမှာ တောင်ပေါ် လယ်ယာစိုက်ပျိုးခြင်းဖြင့် အသက်မွေးဝမ်းကြောင်းပြုကြသော လူနည်းစု တိုင်းရင်းသားအုပ်စုများမှ ဆင်းရဲသော ကျေး ရွာသားများ ဖြစ်ကြသည်။ ထိုတိုင်းရင်းသားများအထဲတွင် မြန်မာနိုင်ငံမှ ၀ ၊ အခါ၊ လားဟူ၊ ပလောင်၊ ပအို့ဝ်၊ ရှမ်း၊ ကရင်၊ ကရင်နီနှင့် ကချင်တိုင်းရင်းသားတို့ ပါဝင်ကြပြီး လောနိုင်ငံမှ ယောင် (Yao)၊ မုန်နှင့် အခါ တိုင်းရင်းသားများ အပြင်၊ ထိုင်းနိုင်ငံမှ မုံး၊ လားဟူ နှင့် အခါတိုင်းရင်းသားများ ပါဝင်ကြသည်။ မိရိုးဖလာအရ တိုင်းရင်းသားများသည် ဘိန်းကို ငှက်ဖျားရောဂါ၊ အသက်ရှုလမ်းကြောင်းဆိုင်ရာရောဂါ၊ ၀မ်းပျက်ဝမ်း လျှောရောဂါနှင့် အနာသက်သာစေရေးအတွက် ဆေးဝါးအဖြစ် အသုံးပြုကြသည်။
ဘိန်းကို ဓလေ့ထုံးစံ ပွဲတော်များ၊ လက်ထပ်မင်္ဂလာပွဲများနှင့် အသုဘ အခမ်းအနားများတွင်လည်း အသုံးပြုကြသည်။ ထို့အပြင် ဘိန်းအစေ့ကို ဟင်းချက် ဆီကြိတ်ရာတွင် အသုံးပြုသကဲ့သို့ ဘိန်းသည် နတ်ကိုးကွယ်ခြင်းနှင့်လည်း ဆက်နွယ်မှု ရှိနေပြန်သည်။ တခါတရံတွင် ဘိန်းကို ငွေကြေးအစားထိုး အသုံးပြုသကဲ့သို့ ဘိန်းသည် စုငွေပစ္စည်း အဖြစ်လည်း အသုံးပြုကြပြန်သည်။ ပို၍အရေးကြီးသော အချက်တခုမှာ ဘိန်းစိုက်ခင်းများသည် ၎င်းတိုင်းရင်းသားပြည်သူများအတွက် အဓိက ၀င်ငွေရ သီးနှံတခု ဖြစ်နေခြင်းပင်။ တနှစ်ပတ်လည်စာတွင် မိသားစုထမင်းစားရန်အတွက် ဆန်စပါးကို လေးလမှ ခြောက်လစာ အထိသာ ၎င်းတို့က စိုက်ပျိုးထုတ်လုပ်နိုင်သည်။ "ဘိန်းစိုက်ပျိုးခြင်းသည် မိသားစု လိုအပ်ချက်များ၊ ကလေးပညာရေး စရိတ်၊ ကျန်းမာရေး စရိတ်၊ အစားအစာနှင့် အိမ်ထောင်စု လိုအပ်ချက်ပစ္စည်းများ ၀ယ်ယူနိုင်ရေးအတွက် ငွေကြေးရရှိ နိုင်သည်။ ၎င်းတို့၏ အသက်ရှင်နေထိုင်မှုအတွင်း ကြုံတွေ့ရသည့် အခက်အခဲပြဿနာများကို ဘိန်းစိုက်ပျိုးခြင်းက ကူညီ ဖြေရှင်းပေးနိုင်သည်ဟု ပြည်သူများက မှတ်ယူကြသည်ဟု" TNI ၏ သုတေသနပညာရှင်တဦးက မှတ်တမ်းတင် ထားသည်။
ဘိန်းစိုက်ပျိုးမှု တားမြစ်လိုက်သည့်အတွက် ၀င်ငွေရအစားထိုးနည်းလမ်း တခုအဖြစ် ရှာဖွေရာတွင် တရုတ်နိုင်ငံ တလျောက်ရှိ အပစ်အခတ်ရပ်စဲထားသော တိုင်းရင်းသားအဖွဲ့များနှင့် လောနိုင်ငံရှိ ဒေသခံ အာဏာပိုင်များက ယင်း ပြဿနာအတွက် အဖြေတခု ရှာတွေ့ခဲ့ကြသည်ဟု ယူဆခဲ့ကြသည်။ ဤအဖြေမှာ လွန်ခဲ့သော ဆယ်စုနှစ်တွင် စီးပွား ဖြစ် စိုက်ခင်းများ၊ အထူးသဖြင့် ရာဘာ၊ လက်ဖက်၊ ကြံနှင့် ဖရဲ စိုက်ခင်းများ အလွန်အမင်းတိုးများလာခဲ့ပြီး တရုတ် စီးပွားရေးလုပ်ငန်းရှင်များက ၎င်းလုပ်ငန်းများအတွက် ရင်းနှီးမြုပ်နှံမှုများကို တိုးမြှင့်ခဲ့ကြသည်။ လောနိုင်ငံရှိ ဒေသခံ အာဏာပိုင်များနှင့် မြန်မာနိုင်ငံရှိ ၀ဒေသမှ အာဏာပိုင်များက ရာဘာခင်းများကို ဘိန်းအစားထိုး သီးနှံအဖြစ် စိုက်ပျိုး ရန် တွန်းအားပေးနေကြပြီး ရာဘာပင်စိုက်ပျိးရန်အတွက် မြေဧကမြောက်များစွာကို သီးသန့်ဖယ်ထား အသုံးပြုခဲ့ကြ သည်။
တရုတ်နိုင်ငံ ယူနန်ပြည်နယ် တောင်ဘက်ခြမ်းအပါအ၀င် ယင်းဒေသတခုလုံးသည် " ရာဘာခါးပတ် (Rubber Belt)" တခုအဖြစ်သို့ ပြောင်းလဲသွားစေရန် ကြိုးပမ်းခဲ့ကြသည်။ "၂၀၀၇ ခုနှစ်မှာ ရာဘာထွက်နှုန်းက တဧကဆိုရင် အမေရိကန်ဒေါ်လာ ၄၀၀ ကနေ ၅၀၀ အထိ ၀င်ငွေရရှိနိုင်တယ်။ ဘိန်းထုတ်လုပ်မှုက တဧကဆိုရင် အမေရိကန်ဒေါ်လာ ၂၀၀ လောက်သာ ရနိုင်ပါတယ်" ဟု လောနိုင်ငံ အခြေစိုက် နိုင်ငံတကာအေဂျင်စီတခု၏ ကိုယ်စားလှယ်တဦးက ပြောသည်။ "အဲဒါကြောင့် ရာဘာပင်စိုက်တာဟာ စိတ်ကူးယဉ် စရာကောင်းတဲ့ အကျိုးအမြတ်ရတဲ့ သီးနှံတခု ဖြစ်လာတယ်။ ရာဘာအပင်ဆိုတာ ဆင်းရဲတွင်းနက်နေတဲ့ ပြည်သူတွေ ကို ကယ်မနိုင်တဲ့ လက်နက် ပစ္စည်းတခုဆိုတာ အုပ်ချုပ်သူ တော်တော်များများက သဘောပေါက်လာကြပါတယ်"ဟု လည်း TNI သုတေသနပညာရှင်က ဆိုခဲ့သည်။
သို့သော် ရာဘာစိုက်ခင်းများသည် ရေရှည် ရင်းနှီးမြှုပ်နှံမှုတခုဖြစ်သည့်အားလျော်စွာ ရာဘာအတွက် အနာဂတ် ဈေးကွက်နှင့် ရာဘာဈေးတည်ငြိမ်မှုအပေါ်တွင်လည်း စိုးရိမ်ချက်များ ရှိနေရသေးသည်။ ယူနန်ပြည်နယ်၊ မြန်မာ ပြည် မြောက်ဘက်ခြမ်းနှင့် လောနိုင်ငံများတွင် ရာဘာပင် အကြီးအကျယ်တိုးမြှင့် စိုက်ပျိုးနေခြင်းအပေါ် သဘာဝ ပတ်ဝန်း ကျင်ဆိုင်ရာ အထူးစိုးရိမ်မှုများလည်း ရှိနေကြသည်။ "ရာဘာပင်ဆိုတာ ကောင်းတဲ့အရာတခုပါ" ဟု တရုတ်နိုင်ငံ ယူနန်ပြည်နယ်ရှိ ဆစ်ဆောင်ပန္နား အပူပိုင်းရာသီ ရုက္ခဥယျာဉ် (Xishuangbanna Tropical Botanical Garden) မှ ဟူဟွာဘင်း (Hu Huabin) က ရှင်းပြသည်။ "ဒါပေမယ့် အရမ်းကာရော စိုက်မယ်ဆိုရင်တော့ ပြဿနာ ရှိတယ်"ဟုလည်း သူက ဆိုသည်။ ဟူဟွာဘင်းက ပြောပြရာတွင် ရာဘာစိုက်ပျိုးခြင်းသည် မူလအစတွင် နိုင်ငံတော်ပိုင်ဥယျာဉ်များတွင်သာ စိုက်ပျိုး သော်လည်း နောက်ပိုင်းတွင် တရုတ်ပြည်တ၀န်း စိုက်ပျိုးခွင့်ပြုခဲ့သည့်အချိန်မှစ၍ ဒေသအတွင်း ပျံ့နှံ့သွားခဲ့သည်ဟု ဆို သည်။ "ဒေသအတွင်း မနက်ခင်း ပေါ်လာနေကြ မြူတွေသိပ်မကျတော့ဘူး ဆိုကတည်းက ရာဘာစိုက်ပျိုးခြင်း ကြောင့် ဒေသအတွင်းရာသီဥတုအပြောင်းအလဲအပေါ် သက်ရောက်မှု ရှိနေပါပြီ" ဟုသူက ဆိုခဲ့ပါသည်။ တရုတ်ကုမ္ပဏီများက ရာဘာစီးပွားဖြစ်စိုက်ပျိုးခြင်းတွင် အကြီးအကျယ်ရင်းနှီးမြုပ်နှံမှုများလုပ်နေခြင်းနှင့် ရှိပြီးသား စိုက်ပျိုးမြေများကို စီးပွားရေးလုပ်ကွက်များအတွက် အသွင်ပြောင်းလိုက်ခြင်းကြောင့် ရှိပြီးသား စိုက်မြေ ပြဿနာကိုပါ ပို၍ ဆိုးရွားလာစေသည်။ အထူးသဖြင့် လူနည်းစု ဆင်ရဲသားရွာသားများအတွက် ပို၍ ခက်ခဲစေသည်ဟု ဆိုသည်။
ဆင်ရဲသားရွာသားများအဖို့ စိုက်ပျိုးရန် အလွန်ခက်ခဲသည့် မြေဖျင်းမြေညံ့များကိုသာ ရရှိကြပြီး ရာဘာစိုက် ခင်းများ တွင်လည်း လုပ်အားပေးရန်အတွက် ပုံမှန်ဆိုသလို အတင်းအဓမ္မ ချောဆွဲ ခံကြရပြန်သည်။ "ကျနော်အလုပ်လုပ်တဲ့ မြို့နယ်အတွင်းမှာရှိတဲ့ အိမ်ထောင်စုမှန်သမျှ ရာဘာစိုက်ခင်းမှာ လုပ်အားမပေးရတဲ့ အိမ် ထောင်စုရယ်လို့ တစုတလေတောင် မရှိပါဘူး၊ အတင်းအကျပ် ခိုင်းတာပါပဲ။ ဒါပေမယ့် သူတို့ကို လုပ်အားခ နည်း နည်းပါးပါးတော့ ပေးပါ တယ်" ဟု "၀" ဒေသအခြေစိုက် နိုင်ငံတကာ အကူအညီပေးရေး လုပ်သား တဦးက ပြောပြခဲ့သည်။ သို့သော် "၀" ဒေသအတွင်း အလုပ်လုပ်ကိုင်နေသော တခြားအကူအညီပေးရေးလုပ်သားတဦးကမူ ထိုကဲ့သို့ လုပ်အား ခပေးမှုတွင် အာမခံချက်မရှိဟု ဆိုသည်။ "ရာဘာစိုက်ခင်း မန်နေဂျာအပေါ်မှာ မူတည်ပါတယ်၊ တော်တော်များ များက တော့ ဘာလခမှ မရပါဘူး၊ ဒါပေမယ့် အပြန်အလှန်အားဖြင့် သူတို့ အခွန်ပေးစရာတော့ မလိုတော့ဘူး၊ ပြဿနာက တော့ တကယ့်အကြီးကြီးပါ"ဟုလည်း သူက ပြောသည်။ တချိန်တည်းမှာပင် ဒေသခံပြည်သူများသည် ဘိန်းပပျောက်ရေးလုပ်ငန်းကြောင့် ဖြစ်ပေါ်လာရသည့် ဆိုးကျိုးဒုက္ခများ ခံစားရခြင်း အပေါ်တွင်သာ စိတ်မကျေမချမ်းဖြစ်နေကြခြင်း မဟုတ်ပေ။
တခြား မကျေနပ်မှုများလည်း ရှိနေကြသည်။ "ကျနော်တို့ဒေသမှာ ဘိန်းမစိုက်ပျိုးရတားမြစ်ချက်ကို အဓိက လုပ်ရခြင်းက တရုတ်ပြည်က ဖိအားပေးလာလို့ပါ" ဟု မုန်းလားဒေသအတွင်းရှိ အပစ်အခတ် ရပ်စဲရေးအဖွဲ့တခုဖြစ်သည့် NDAA အဖွဲ့၏ ကိုယ်စားလှယ်တဦးက ဆိုခဲ့သည်။ "ကျနော်တို့က ဘိန်းမစိုက်ပျိုးရ တားမြစ်ချက်လုပ်ငန်းကို ပထမဦးဆုံး စလုပ်ခဲ့တဲ့ အဖွဲ့ဖြစ်နေတာတောင်မှ ကျနော်တို့ ဒေသကနေ တရုတ်ပြည်ကို ဘိန်းတွေ ဘာဖြစ်လို့ ဒီလောက်များများစားစား ၀င်ရတာလဲလို့ ကျနော်တို့ကို သူတို့က အခု မေးနေပြီ" ဟု ၎င်းက ပြောပြသည်။ တရုတ်နိုင်ငံသည် မကြာသေးမီက မြန်မာနိုင်ငံအတွင်း ဘိန်းစိုက်ပျိုးမှု တိုးမြင့်လာသည့်အပေါ်တွင် အထင်းသား စိုးရိမ် ပူပန်နေသည်။ ဒီမိုကရက်တစ်တပ်မတော်သစ် (ကချင်) (NDA-K) ကဲ့သို့သော အပစ်အခတ်ရပ်စဲရေး အဖွဲ့များကို ၎င်း တို့ထိန်းချုပ်ရာ ဒေသများအတွင်း ဘိန်းစိုက်ပျိုးမှုများ ရပ်စဲစေရန် တရုတ်နိုင်ငံက ပြင်းပြင်းထန်ထန် ရာဇသံပေးထားပြီး လည်း ဖြစ်သည်။
တရုတ်နိုင်ငံသည် မြန်မာနိုင်ငံအတွင်း ဘိန်းစိုက်ပျိုးမှုနှင့်ပတ်သက်၍ ၎င်းတို့ဘာသာ သီးသန့် စစ် တမ်းကောက်ယူမှုများလည်း ပြုလုပ်နေသည်။ တရုတ်နိုင်ငံ နယ်စပ်တရိုးရှိ ယခင်က ဘိန်းဖြူစိုက်ပျိုး ထုတ်လုပ်ခဲ့သော ပြည်သူလူထုထံသို့ အရေးပေါ် ဆန်အကူ အညီများ ထောက်ပံ့ပေးနေဆဲ ဖြစ်သည်။ သို့သော်လည်း ထိုဒေသများအတွင်း တရုတ်နိုင်ငံမှ အကူအညီပေးသော ဘိန်းအစား ထိုး သီးနှံလုပ်ငန်းများသည် စီးပွားရေးအကျိုးအမြတ်ကို အဓိကမျှော်ကိုးသည့် တရုတ် ပုဂ္ဂလိကကုမ္ပဏီ များမှ လာနေ ခြင်း ဖြစ်သည်။ အစားထိုး ဖွံ့ဖြိုးရေးစီမံချက် ခေါင်းစဉ်အောက်မှ တဆင့် ၎င်းတို့ဒေသအတွင်း လာရောက်လုပ်ကိုင်နေ ကြသော တရုတ် ကုမ္ပဏီများနှင့် ပတ်သက်၍ အပစ်ရပ်အဖွဲ့များက သိပ်တော့သဘောမတွေ့လှပေ။ အဘယ်ကြောင့်ဆိုသော် ထိုကုမ္ပဏီ များ၏ ဒေသအတွင်း ဖွံ့ဖြိုးရေးနှင့် ပတ်သက်သော လုပ်ငန်းများသည် အပေါင်းလက္ခဏာဆန်သော အကျိုးပြုမှုများ ရှိ မလာခြင်းကြောင့် ဖြစ်သည်။ ယင်းတရုတ်ကုမ္ပဏီများသည် ဖွံ့ဖြိုးရေး စီမံချက်များ လုပ်ဆောင်ရန်အတွက် တရုတ် အစိုးရထံမှ ချေးငွေများ ရရှိကြသည်။ သို့သော် လက်တွေ့တွင်မူ သူတို့စီးပွားရေးသာ သူတို့လုပ်နေကြ ခြင်းဖြစ်သည်။
အများစုသော ဘိန်းစိုက်တောင်သူဦးကြီးများက ထိုစီမံချက်များမှ တစုံတရာအကျိုးအမြတ် ခံစားခွင့် မရှိကြသေးပေ။ ကျေးလက်နေပြည်သူများ လတ်တလော တွေ့ကြုံနေရသည့် ဘေးဒုက္ခအပေါ် ထပ်လောင်း ဒုက္ခမဖြစ်စေရေးကို ဟန့် တားရန် နှင့် ယနေ့အချိန်အထိ အောင်မြင်မှုရရှိရန်အတွက် အဟန့်အတားဖြစ်နေခြင်းများကို တားဆီးနိုင်ရန်အတွက် မူးယစ်ဆေးဝါးထိန်းချုပ်မှု မူဝါဒများသည် ဖွံ့ဖြိုးရေးကို ဦးတည်ရှေးရှု လုပ်ဆောင်သင့်လှပေသည်။ မူဝါဒများတွင် ရေ ရှည် အမြင်ရှိသင့်ပြီး ဘိန်းစိုက်တောင်သူများအတွက် အစားထိုး အသက်မွေးဝမ်းကြောင်းလုပ်ငန်းများလည်း ဆောင် ရွက်ပေးရန် အထူးအာရုံထားသင့်သည်။
ယခုကဲ့သို့ အရေးကြီးသည့်အချိန်တွင် နိုင်ငံတကာ အသိုင်းအ၀န်းက ရွှေ တြိဂံဒေသကို ပစ်ပယ်မထားရန် အထူးအရေးကြီးလှပါသည်။ ထိုကဲ့သို့သော နည်းလမ်းများမရှိပါက ဘိန်းဖြူ ထုတ် လုပ်မှုကျဆင်းနေခြင်းသည် တာရှည်ခံလိမ့်မည် မဟုတ်ပါကြောင်း။ ။
Tom Kramer ရေးသားသည့် Burma Daze ကို ဆီလျော်အောင် ပြန်ဆိုဖော်ပြပါသည်။
ပွင့်လင်း မြင်သာမှု ရှိရန် လိုသည်
မောင်သုတ
ရုရှနိုင်ငံ၏ အကူ အညီ ဖြင့် မြန်မာ နိုင်ငံက နျူကလီးယား သုတေသန ဌာနတခု တည်ဆောက်ရန် စီစဉ် နေသည်ဟူသော သတင်းများ ထွက်ပေါ် လာခဲ့သည်။ ဤ အချက်ကြောင့်ပင် ပြည်ပရှိ အတိုက်အခံ ဒီမိုကရေစီ အုပ်စုများအကြား၊ စစ် အစိုးရကို ဝေဖန်နေကြ သူများအကြား၊ နောက်ဆုံး အမေရိကန် အစိုးရ၏ အချို့သော ဌာနများ၊ အရာရှိများ ကြားတွင် ပွက်လော ရိုက်သွားရသည်။ ဆွေးနွေးငြင်းခုန်စရာတွေ ဖြစ်လာခဲ့သည်။
နှစ်နိုင်ငံနားလည်မှုစာချွန်လွှာအရ ရုရှားနိုင်ငံက မြန်မာနိုင်ငံသို့ ၁၀ မီဂါဝပ် အပူပေးသုတေသနဓာတ်ပေါင်းဖိုတခုနှင့် ၎င်းနှင့် သက်ဆိုင်ရာ အထောက်အပံ့ပစ္စည်းများ ပေးမည်ဖြစ်သည်။ ဤသတင်းထွက်ပေါ်လာပြီးနောက်ပိုင်းမှ စစ်အစိုးရ၏ နျူကလီးယားအစီအစဉ် ရည်ရွယ်ချက်နှင့် ပတ်သက်၍ စိုးရိမ်ပူပန်မှုများကို ဖြစ်ပေါ်စေခဲ့သည်။ အကြောင်းမှာ စစ်အစိုးရကိုယ်နှိုက်က ပွင့်လင်းမြင်သာမှု မရှိခြင်း၊ ဆိုးရွားသော လူအခွင့်အရေးချိုးဖောက်မှုများ ကျူးလွန် နေခြင်း၊ နိုင်ငံရေးအရ ဖိနှိပ်မှုများရှိနေသည့်အပြင် တိုင်းပြည်စီးပွားရေးအရလည်း ကျဆင်းနေသည်။ အနောက်ကမ္ဘာ နှင့်လည်း သင့်လျော်သော နိုင်ငံရေး၊ စီးပွားရေးဆိုင်ရာ ပြုပြင်ပြောင်းလဲမှုများ ဆောင်ရွက်ရန် ပျက်ကွက်နေခြင်း ကြောင့် ကာလကြာရှည် အငြင်းပွားနေရမှုများကြောင့်လည်း ဖြစ်သည်။( ဆက်ဖတ်ရန် ) နှစ်နိုင်ငံနားလည်မှုစာချွန်လွှာကို မြန်မာနိုင်ငံဘက်မှ ကိုယ်စားပြုလက်မှတ်ရေးထိုးခဲ့သူမှာ စစ်အစိုးရထိပ်တန်းခေါင်းဆောင် ဗိုလ်ချုပ်မှုးကြီးသန်းရွှေ၏ သစ္စာရှိသော နောက်လိုက် မြန်မာနိုင်ငံ သိပ္ပံနှင့်နည်းပညာဝန်ကြီး ဦးသောင်းဖြစ်ပြီး ၎င်းက စစ်အစိုးရ၏ ဒုတိယ ဥက္ကဋ္ဌ ဒု ဗိုလ်ချုပ်မှူးကြီး မောင်အေးနှင့် စစ်တက္ကသိုလ်တွင် တတန်းတည်းကျောင်းနေဘက် သူငယ်ချင်းဟောင်းလည်း ဖြစ်သည်။ တဘက်က ရုရှနိုင်ငံ အဏုမြူအေဂျင်စီဝန်ကြီးဌာန လက်အောက်ခံ ကုန်ပစ္စည်း ရောင်းချသောကုမ္မဏီဖြစ်သည့် AtomStory Export က လက်မှတ်ရေးထိုးခဲ့သည်။ စစ်အစိုးရက ငြိမ်းချမ်းသောရည်ရွယ်ချက်ဖြင့် ဆောင်ရွက်ပါမည်ဟု ပြောသည့်အပေါ် သံသယရှိသူကမရှား။ ထို့အပြင် အချို့သူများက စစ်အစိုးရက နျူကလီးယားလက်နက်များ ထုတ်လုပ်နိုင်ရေးအတွက် စိုင်းပြင်းလာနိုင်သည်ဟု လော၍ ကောက်ချက်ချနေကြသည်။
သို့သော်လည်း သံသယရှိနေသူများနှင့် မီးလှန့်သံချောင်းခေါက်နေသူများ သတိမမူမိသည့် နောက်ကွယ်အကြောင်းအရာများလည်း ရှိနေသေးသည်။ ၎င်းမှာ မြန်မာပြည်အနေဖြင့် ကာလကြာရှည်ကပင် အဏုမြူနည်း ပညာပိုင်ဆိုင်ရေးအတွက် ဆန္ဒရှိပြီး ကြိုးပမ်းအားထုတ်ခဲ့ကြသည်ဟူသော နျူကလီးယားနည်းပညာ ရှာပုံတော်ဆိုင်ရာ သမိုင်းဖြစ်သည်။ လွန်ခဲ့သော နှစ်ပေါင်းငါးဆယ်ကျော်ခန့်က ဦးနု၊ ဦးဘဆွေတို့နှင့် သုံးပွင့်ဆိုင် နိုင်ငံအုပ်ချုပ်ရေးတွင် ဦးဆောင်နေသူ တဦးဖြစ်သည့် ဦးကျော်ငြိမ်းသည် လက်တွေ့ကျကျမြင်တက်သော ခေတ်မီရေးဝါဒီတဦးဖြစ်သည်။ သူက မြန်မာ နိုင်ငံ၏ ထွန်းသစ်စ စက်မှုဖွံ့ဖြိုးရေးကို နောက်ကွယ်မှ အဓိကမောင်းနှင်ပေးသူ တဦးလည်း ဖြစ်ခဲ့သည်။ ထိုကာလတွင်ပင် အမေရိကန်နိုင်ငံ လက်နက်သုတေသနဖောင်ဒေးရှင်း (American Armour Research Foundation) နှင့် တွဲဖက်၍ စက်မှုဝန်ကြီးဌာနလက်အောက်တွင် ပြည်ထောင်စုမြန်မာနိုင်ငံ အသုံးချသုတေသနအဖွဲ့ကို ၁၉၅၃ ခုနှစ်တွင် တည်ထောင်ခဲ့ပြီး ဦးကျော်ငြိမ်းက ကြီးကြပ်လာခဲ့သည်။
၁၉၅၅ ခုနှစ်အကုန်ပိုင်းတွင် အဏုမြူစွမ်းအင်ဌာနနှင့် အဏုမြူဆိုင်ရာ တွင်းထွက်သယံဇာတများဌာနကို တည် ထောင်ခဲ့ပြီး အထူးသဖြင့် အမေရိကန်ပြည်ထောင်စုသို့ ထူးချွန်သော လူငယ်ပညာရှင်များနှင့် နည်းပညာရှင်များကို စေလွှတ်ခဲ့ကြသည်။ သင်ကြားရသည့်ဘာသာရပ်များမှာ ဘွဲ့လွန်အဆင့် ကျန်းမာရေး ရူပဗေဒ၊ နျူကလီးယား ရူပဗေဒ၊ သတ္တုဗေဒဆိုင်ရာ နှင့် ဓာတ်သတ္တုတူးဖေါ်ရေးအင်ဂျင်နီယာပညာရပ်တို့ အပြင် ကရိယာပစ္စည်းများ ထုတ်လုပ်ရာ ကဏ္ဍ၊ စိုက်ပျိုးရေးနှင့် စက်မှု လုပ်ငန်းများတွင် နျူကလီးယားနည်းပညာ အသုံးချမှုဆိုင်ရာ နည်းပညာသင်တန်းများကို လည်း တက်ရောက်စေခဲ့သည်။ စာသင်သွားသူအများစုက မြန်မာပြည်သို့ပြန်လာခဲ့ပြီး UBARI ခေါ် ပြည်ထောင်စုမြန်မာနိုင်ငံ အသုံးချသုတေသနအဖွဲ့၊ ရန်ကုန်တက္ကသိုလ်၊ မန္တလေးတက္ကသိုလ်နှင့် စိုက်ပျိုးရေး သုတေသနသိပ္ပံများတွင် ၀င်ရောက်အမှုထမ်းခဲ့ကြသည်။ AEC ခေါ် အဏုမြူစွမ်းအင်ဌာနကို ဦးဆောင်သည့် ဦးလှညွှန့်က ရှေ့ဆောင်သင်ပြခဲ့ပြီး ၎င်း၏ လမ်းညွှန်မှုမှုအောက် တွင် နိုင်ငံတော် ပညာတော်သင်အပတ်စဉ်ဆင်းများက ပူးပေါင်းဆောင်ရွက်ခဲ့ကြသည်။ ဦးလှညွန့်က လွတ်လပ်ရေး မရမီ ကတည်းက ဂျပန်နိုင်ငံတွင် ပညာဆည်းပူးနေခဲ့သူလည်း ဖြစ်သည်။
ဤသို့သော ပထမအသုတ် ပညာတော်သင် များအနက် ဦးသိန်းဦးဖိုးစောလည်း အပါအ၀င်ဖြစ်ပြီး သူတဦးသာလျှင် လက်ရှိစစ်အစိုးရအောက်တွင် ဆက်လက်၍ အမှုထမ်းနေဆဲ လည်း ဖြစ်သည်။ ဦးသိန်းဦးဖိုးစောက ယခုတော့ သိပ္ပံနှင့် နည်းပညာဝန်ကြီးဌာန၏ အကြံပေး တဦး ဖြစ်ပြီး ရန်ကုန် စက်မှုတက္ကသိုလ်တွင်လည်း တွဲဖက်ပါမောက္ခတဦးအဖြစ် တာဝန်ယူလျှက်ရှိသည်။ ၁၉၅၅ ခုနှစ် သြဂုတ်လတွင် မြန်မာနိုင်ငံသည် ဂျနီဗာ၌ကျင်းပသော အဏုမြူစွမ်းအင်ကို ငြိမ်းချမ်းစွာအသုံးပြုရေး နိုင်ငံ တကာညီလာခံကို တက်ရောက်ခဲ့ပြီး ၁၉၅၇ ခုနှစ်တွင် နိုင်ငံတကာ အဏုမြူစွမ်းအင် အေဂျင်စီ (IAEA) တည်ထောင်သော အခါတွင်လည်း ယင်းအဖွဲ့သို့ ၀င်ရောက်ခဲ့သည်။ များမကြာမီပင် မြန်မာနိုင်ငံ၏ AEC ခေါ် အဏုမြူစွမ်းအင်ဌာနအား "ပြည်ထောင်စုမြန်မာနိုင်ငံ အဏုမြူစွမ်းအင် စင်တာ" (UBAEC) အဖြစ် အဆင့်တိုးမြှင့်ခဲ့သည်။ ၁၉၅၀ ခုနှစ် နှောင်းပိုင်းကာလများသည် အဏုမြူခေတ်သစ်အတွက် ရောင်ခြည်သန်းနေဆဲကာလဖြစ်သည်။ ဤ ကာလတွင် မြန်မာနိုင်ငံ၏ UBAEC တွင်ဝန်းရံ ဆောင်ရွက်ခဲ့ကြသော မြန်မာနိုင်ငံ၏ နျူကလီးယားပညာရှင် ထိပ်သီး များတွင် မြန်မာ နိုင်ငံကို ခေတ်မီစက်မှုနိုင်ငံတော်သစ်ဆီသို့ မောင်းတင်ပေးနိုင်သည်ကို သံသယလုံးဝ မရှိခဲ့ကြပေ။
စွမ်းအင် ထုတ်လုပ်ရေး၊ စိုက်ပျိုးရေး၊ ဆေးဝါးထုတ်လုပ်ရေး၊ စက်မှုလုပ်ငန်းနှင့် ပညာရေးနယ်ပယ်များတွင် အပတ် တကုတ် သုတေသနလုပ်ငန်း၊ ဖွံ့ဖြိုးရေးလုပ်ငန်းများဖြင့် ဆောင်ကြဉ်းပေးနိုင်မည်ဟု ယုံကြည်ခဲ့ကြသည်။ သို့သော် အကြွားသန်ခဲ့ကြသော "ပြည်တော်သာစီမံကိန်း"၏ ကျရှုံးမှုနှင့်အတူ နှစ်အနည်းငယ်အတွင်း နျူကလီးယား ရည်မှန်းချက်၏ ပထမအဆင့်ကာလသည်လည်း အိပ်မက်ပြိုကွဲ တုန့်ဆိုင်းသွားခဲ့ရသည်။ UBAEC ၏နာယကဖြစ်သူ ဦးကျော်ငြိမ်းလည်း နိုင်ငံရေးဂိုဏ်းဂဏ အကွဲအပြဲများ၊ ဝေဖန်မှုများအောက်တွင် အရှက်ရခဲ့သည်။ ၁၉၆၂ ခုနှစ် မတ်လတွင် စစ်တပ်က အာဏာသိမ်းပြီး ပါလီမန်ဒီမိုကရေစီစနစ်ကို နိဂုံးချုပ်စေလိုက်သည်။ စစ်တပ် အာဏာသိမ်းမှု နောက်ပိုင်းတွင် အခြားဦးစားပေးကိစ္စများသို့ ပြောင်းသွားခဲ့သည်။ အဏုမြူအသိပညာ၊ အဏုမြူပါဝါ ရှာပုံတော်ဆီသို့ ဦးမလှည့်နိုင်တော့။ ဤသို့နှင့် တချိန်က လျှမ်းလျှမ်းတောက်ခဲ့သော UBAEC ၏ ကံတောက်ပမှုသည်လည်း ကွယ်ပျောက်ခဲ့ရသည်။
စစ်အေးတိုက်ပွဲ ပြင်းထန်လာသည်နှင့်အမျှ ဈေးပေါပေါဖြင့် အဏုမြူပါဝါ ရရှိမည်ဟူသော ကိစ္စများမှာ မဖြစ်နိုင်တော့။ ပို၍ ခက်ခဲလာသည်နှင့်အတူ မြန်မာနိုင်ငံ၏ အဏုမြူရည်မှန်းချက်ကိုလည်း ရင်ထဲသိမ်းထုတ်ထားလိုက်ရတော့သည်။ တိုင်းပြည် တော်တော်များများက နျူကလီးယားသုတေသနဓာတ်ပေါင်းဖိုများနှင့် နျူကလီးယားစက်ရုံများ တည် ဆောက်နိုင်ခွင့်ရရှိခဲ့ ကြသော်လည်း မြန်မာနိုင်ငံ၏ အတိအကျ ဘက်မလိုက်ကြားနေရေးမူဝါဒကြောင့် အမေရိကန် ပြည်ထောင်စုထံမှရော၊ ရုရှနိုင်ငံ နှစ်နိုင်ငံစလုံးမှပါ နျူကလီးယားဆိုင်ရာ အကူအညီများ ရယူနိုင်ခြင်း မရှိခဲ့ပါ။ ဤအခွင့်အရေးများ လက်လွတ်ဆုံးရှုံး ခဲ့ရပြန်သည်။ နောက်ပိုင်းတွင် ဦးလှညွှန့်သည်လည်း မြန်မာနိုင်ငံမှ ထွက်ခွာ၍ အပြည်ပြည်ဆိုင်ရာ အဏုမြူစွမ်းအင် အေဂျင်စီ (IAEA) တွင် အကြီးတန်းအရာရှိအဖြစ် ဆက်လက်အလုပ် လုပ်ကိုင်ခဲ့ပြီး နောက်ပိုင်း ပြည်ပတွင်ပင် သူကွယ်လွန်ခဲ့သည်။ သို့သော်ငြားလည်း နိုင်ငံခြားတိုင်းပြည်များတွင် ပညာသင်ကြားခဲ့ကြသော တက္ကသိုလ်ကြီးများတွင် တာဝန်ထမ်းဆောင် နေကြသည့် ပထမနှင့် ဒုတိယမျိုးဆက်၊ လက်တဆုပ်စာ ရူပဗေဒပညာရှင်များ၊ သိပ္ပံပညာရှင်များနှင့် ပြည်ထောင်စု မြန်မာနိုင်ငံ အသုံးချသုတေသနသိပ္ပံ (UBARI) တို့သည် အခြေခံ နျူကလီးယားသိပ္ပံ အသုံးချ သုတေသနကို ဆက်လက် သင်ကြားဆဲ၊ လေ့လာဆောင်ရွက်ဆဲ ပြုနေခဲ့သည်။
နျူကလီးယား သုတေသနစင်တာ တခုတည်ဆောက်ရေးအပြင် (IAEA) နှင့် အစိုးရအထောက်အပံ့များဖြင့် နျူကလီးယားသုတေသနဓာတ်ပေါင်းဖိုတခု တည်ဆောက်နိုင်ရေး မျှော်လင့်ချက်ကိုလည်း ဆက်လက်ကိန်းအောင်းနေခဲ့ကြသည်။ (IAEA) နှင့်ရင်းနှီးသော အစိုးရများ၏ နည်းပညာအကူအညီများနှင့် ၁၉၆၀ ခုနှစ်အစောပိုင်းကာလများမှစ၍ ရန်ကုန်ဝိဇ္ဖာနှင့် သိပ္ပံတက္ကသိုလ်တွင် ဘွဲ့ကြိုတန်းကျောင်းသားများ၊ ဘွဲ့လွန်ကျောင်းသားများနှင့် သုတေသန ပညာရှင်များ အတွက် နျူကလီးယားဓာတ်ခွဲခန်းတခု တည်ဆောက်လည်ပတ်ထားခဲ့သည်။ ဘွဲ့ကြိုဂုဏ်ထူးတန်း သင်ခန်းစာများတွင် နျူကလီးယား ရူပဗေဒအား မသင်မနေရဘာသာရပ်တခုအဖြစ် သင်ကြားစေခဲ့ပြီး ၁၉၆၄ ခုနှစ်မှစတင် ကျင့်သုံးခဲ့သော အဓိက ဦးစားပေး ဘာသာ "မေဂျာ"ယူရသော ပညာရေးစနစ်သစ်အောက်ရှိ မဟာဘွဲ့များတွက် စိတ်ကြိုက်ရွေးချယ် သင်ကြားနိုင်သော ဘာသာရပ်တခုအဖြစ် သင်ကြားပြသခဲ့ကြသည်။
နောက်နှစ်များတွင် မန္တလေးတက္ကသိုလ်ကလည်း အလားတူ သင်ကြားမှု ပုံစံမျိုး ဆက်လက်ကျင့်သုံးခဲ့ကြသည်။ အလားတူပင် (UBARI) ကလည်း ၁၉၅၀ ခုနှစ်များတွင် သုတေသနစာကြည့်တိုက်နှင့် သတင်းအချက်အလက်စင်တာများကို တည်ထောင်ခဲ့ပြီး ထိန်းသိမ်းဖွင့်လှစ်ထားခဲ့သည်။ ကုန်ပစ္စည်းများ ထုတ်လုပ်ရေး၊ ရေဒီယိုအိုင်ဆိုတုပ် အသုံးချ ဘာသာရပ်၊ ကျန်းမာရေးရူပဗေဒဘာသာရပ်၊ ဓာတ်သတ္တိကြွထိန်းချုပ်မှုဘာသာရပ်၊ စက်မှုလုပ်ငန်းအသုံးချ ဘာသာ ရပ်များနှင့် ဓာတ် သတ္တု ခွဲခြမ်းစိတ်ဖြာလေ့လာခြင်းဘာသာရပ် နယ်ပယ်များတွင် သုတေသနလုပ်ငန်းများ လုပ်ဆောင် ခြင်းနှင့် အခြား ဖြစ်ထွန်းဖွံ့ဖြိုးစေမှု လုပ်ငန်းများကို ဆက်လက်ဆောင်ရွက်ခဲ့သည်။ (IAEA) ၏ ရုပ်ဝထ္ထုပစ္စည်း၊ သင်တန်းအထောက်အပံ့နှင့် ကျွမ်းကျင်မှုနည်းပညာအထောက်အပံ့စသော နည်းပညာအကူအညီများ ဆက်လက်ရယူ နေခဲ့သည်။ ၁၉၆၀ နှောင်းပိုင်းနှစ်များတွင် တော်လှန်ရေးကောင်စီသည် သုတေသနမူဝါဒညွှန်ကြားရေးဘုတ်အဖွဲ့ဟု ခေါ်ဝေါ်သော ၀န်ကြီးအဆင့် သုတေသနကြီးကြပ်ရေးအဖွဲ့တခုကို စီမံကိန်းနှင့် ဘဏ္ဍာရေးဝန်ကြီးဌာနမှ ၀န်ထမ်းများနှင့် ဖွဲ့စည်းလာ ခဲ့သည်။ နောက်ပိုင်းတွင် ၎င်း၏စီမံမှုအောက်တွင် အဏုမြူစွမ်းအင်ကော်မတီကို ဖွဲ့စည်းခွင့် ပြုခဲ့သည်။ ၁၉၇၀ ခုနှစ်များ အတွင်းတွင် ၎င်းကော်မတီက မြန်မာနိုင်ငံ နျူကလီးယားသုတေသနလုပ်ငန်းများ အားလုံးကို ကြီးကြပ်ခဲ့သည်။
နျူကလီးယားဓာတ်ပေါင်းဖို အသေးစားတခုတည်ဆောက်ရန် ဖြစ်နိုင်၊ မဖြစ်နိုင်ကိုလည်း ဤကော်မတီတွင် ဆွေးနွေးခဲ့ ကြသည်။ အဆင့်နှိမ့်ထားသော သင်တန်း၊ သုတေသနဆိုင်ရာ အိုင်ဆိုတုပ်ထုတ်လုပ်ရေးနှင့် အထွေထွေ အက်တမ်ပိုင်းဆိုင်ရာ အမေရိကန်ပုံစံ အစီအစဉ် American TRIGA (Training, Research Isotope Production, General Atomic) တခုကို ဒေါ်လာ ၅ သိန်းအောက်တန်ဖိုးမျှဖြင့် တည်ဆောက်နိုင်ရေးအတွက် ကမ်းလှမ်းရန် ထိုအချိန်က စဉ်းစားခဲ့ကြသေး သည်။ သို့သော် လက်တွေ့တွင် အကောင်အထည် ပေါ်မလာခဲ့ပေ။ အကြောင်းမှာ နိုင်ငံခြားငွေ မရှိသလောက် ပြတ်တောက်နေ ခြင်းနှင့် တပါတီဆိုရှယ်လစ်အစိုးရ၏ အာဏာအ၀န်းအ၀ိုင်းထဲတွင် ဤအစီအစဉ်အတွက် စည်းရုံးပေးမည့် ဦးကိုင်ဖခင် တဦးမျှ မရှိသောကြောင့် ဖြစ်သည်။ ယခုဆိုလျှင် ဦးသောင်းက ဤအဏုမြူအစီအစဉ်အတွက် ဦးကိုင်ဖခင်ဖြစ်လာခဲ့သည်။ စစ်အုပ်စု၏ခေါင်းဆောင် ဗိုလ်ချုပ် မှုးကြီးသန်းရွှေကိုလည်း နားချထားနိုင်ခဲ့ပြီ ဖြစ်သည်။
ထို့အပြင် သဘာဝဓာတ်ငွေ့ရောင်းရငွေများမှ နိုင်ငံခြားငွေ အမြောက် အများလည်း လှိမ့်၍ရနေချိန် ဖြစ်သည်။ ၁၉၉၇ ခုနှစ် သူ၏၀န်ကြီးဌာနလက်အောက်တွင် ဖွဲ့စည်းတည်ထောင်ခဲ့သော အဏုမြူစွမ်းအင်ဌာနသည်လည်း ဓာတ်ပေါင်းဖိုကို အခြေခံသော နျူကလီးယားသုနေသန ဌာနတခု တည်ဆောက်ရန် တာဝန်ကို အထမြောက်အောင် ဆောင်ကြဉ်းနိုင်လိမ့်မည်ဟု သူက ယုံကြည်ချက်အပြည့် ရှိနေပုံ ရသည်။ (ဦးသောင်း၏ သိပ္ပံနှင့်နည်းပညာဝန်ကြီးဌာနက တနှစ်စော၍ ဖွဲ့စည်းခဲ့သည်။) မြန်မာပြည်တွင် နျူကလီးယားသုတေသနလုပ်ငန်းများကို ထိရောက်လုံခြုံစွာ၊ ဘေးကင်းစွာ လုပ်ဆောင်နိုင်စွမ်းရှိပါ သလားဟု မေးခွန်းမေးလာပါကလည်း မြန်မာနိုင်ငံ၏ ကာလကြာရှည်စွာကတည်းက သန္ဓေတည်လာခဲ့သော နျူကလီးယား သုနေသနနှင့် ဖွံ့ဖြိုးရေး လုပ်ငန်းများကို ပြရန်ရှိနေသည်။
၎င်းတို့လုပ်ဆောင်လာခဲ့သည်မှာ နှစ်ပေါင်းငါးဆယ်ကြာ အတွေ့အကြုံရှိခဲ့ပြီးဖြစ်သည်။ ထို့အပြင် နိုင်ငံတွင်း (အဓိကအားဖြင့် ရန်ကုန်စက်မှုတက္ကသိုလ်၊ ရန်ကုန်နှင့် မန္တလေးတက္ကသိုလ်များ)နှင့် နိုင်ငံခြားပြည်ပ (ရုရှနိုင်ငံ) များတွင် နျူကလီးယား အတတ်ပညာရှင်များကို လေ့ကျင့် ပေးနေခဲ့သည်မှာ ဆယ်စုနှစ်တခုပင် ရှိတော့မည်ဖြစ်သည်။ ဤအချက်များကို ဦးသောင်းက မလွဲမသွေ ထောက်ပြနိုင် လိမ့်မည် ဖြစ်သည်။ သို့သော်လည်း အရေးကြီးလှသောမေးခွန်းမှာ နျူကလီးယားလုပ်ငန်းများကို လုပ်နိုင်စွမ်းမဟုတ်ပါ။ ထို့ထက်ပို၍ အရေးကြီးသည်မှာ ဤအစီအစဉ်၏ ပွင့်လင်းမြင်သာမှုပင် ဖြစ်ပါသည်။
ထို့အပြင် ခက်ခဲပင်ပန်းစွာရထားသော နိုင်ငံခြား ငွေမာများကို မည်သို့မည်ပုံ စီမံသုံးစွဲသနည်းဟူသော သူတို့၏ ချင့်ချိန်စဉ်းစားမှုကိုလည်း မေးရန် ရှိပါသည်။ ဤ အဏုမြူ လုပ်ငန်းများအတွက် နှစ်စဉ်ကုန်ကျစရိတ် ဒေါ်လာ သောင်းဂဏန်း၊ သိန်းဂဏန်းကုန်ကျပါလိမ့်မည်။ အမေရိကန် ဒေါ်လာ ဆယ်သန်းမှ သန်း တစ်ရာအထိလည်း ရှိနိုင်ပါသည်။ ဆင်းရဲသော မိမိတို့တိုင်းပြည်တွင် အခြေခံ လိုအပ်ချက်များဖြစ်သည့် သောက်ရေသန့်နှင့် လျှပ်စစ်မီးမှန်မှန် မပေးနိုင်သေးသောအချိန်၌ ဤကဲ့သို့သော အရေးပေါ် လိုအပ်ချက်များအတွက် နိုင်ငံတော်၏ ငွေမာများကို ပို၍အကျိုးရှိရှိအသုံးချရန် သင့်ပါကြောင်း တင်ပြလိုပေသည်။ မောင်သုတသည် နိုင်ငံရပ်ခြားတွင်နေထိုင်လျှက်ရှိသော မြန်မာပညာရှင်တဦးဖြစ်သည်။
၂၀၀၇ ခုနှစ် ဇူလိုင်လထုတ် ဧရာဝတီ မဂ္ဂဇင်းမှ မောင်သုတရေးသားသော Transparency Needed ကို ဆီလျော်အောင် ပြန်ဆိုဖော်ပြပါသည်။
ယနေ့ မြန်မာ့ရေးရာ သတင်းများ Dec,29th,2008
သတင်းများကို ကိုကိုမှ အချိန်နှင့် တပြေးညီ တင်ဆက်ပေးနေပါသည်
( 1 )99 migrants rescued from sea
( 2 )Coast Guard rescues illegal migrants
( 3 )Japan's decision on Myanmar refugees sends message
( 4 )300 migrants missing off Andamans
( 5 )ဘိုကလေး ရေသန့်စက်လှူပါလျက် ပျက်၍ ဖြုတ်ပြီးနောက် ၀ယ်သုံးနေရ
( 6 )Hundreds of migrants feared dead in Indian Ocean
( 7 )Myanmar to supply natural gas to China
( 8 )Myanmar signs gas deal with China
( 9 )ရေစကြိူမှာ ပေါ်တဲ့မြေနုကျွန်း အာဏာပိုင်တွေ နေရာကောင်း ရယူ
( 10 )Myanmar, China ink gas deal
( 11 )ကာတွန်းဆရာကြီးများ ကန်တာ့ပွဲ အာဏာပိုင်များ စောင့်ကြည့်
( 12 )ပြည်ပဆန်တင်ပို့မှု အရှုံးပေါ် နိုင်ငံခြားဆန်ရောင်းသူများ လက်တွန့်
( 13 )နေပြည်တော်ပျဉ်းမနားမှာ ဘူတာသစ် ထပ်တည်မည်အိမ်ခြေ (၂၀,၀၀၀) ကျော် မြို့ပြင် ထုတ်ဖို့ပြင်
( 14 )Myanmar signs gas deal with SKorea, India, China
( 15 )China grabs Myanmar gas deal ahead of India
( 16 )Firms to pipe Burma oil to China
( 17 )၀မ်းတွင်းမြို့နယ် NLD အစည်းအဝေး
( 18 )၂၀၀၈ ရဲ့ အကြီးမားဆုံး သဘာဝဘေးဒဏ်များ
( 19 )Political Prisoner Htay Lwin Oo Dies
( 20 )နာဂစ်မုန်တိုင်း ရံပုံငွေ နာမည်ဖြင့် ကညနတို့ ဆိုင်ကယ်လိုင်စင်ထုတ်ပေး- ကျပ်သိန်းချီ အခွန်ကောက်
( 21 )Man arrested for connections with media in exile
( 22 )နိုင်ငံရေးသမား နောက်တစ်ဦးသေဆုံး
( 23 )Increase in murders on western Burma border
( 24 )ဦးသန့်ပုံ မျက်နှာဖုံးတွင် ခွင့်မပြု
ကရင်နှစ်သစ်ကူးပွဲတော်သို့
မြှောက်ပေးသော် စောက်ခွေးပျော်လေ၏
VOCR Weekly Newsletter(Vol. 1, Issue 1)
အမှန်တရားက ဘယ်တော့မှ ကျည်မတိုးဘူး
Please click on photo to enlarge.
You received this email because you are subscribed to the real_time feed for http://myochitmyanmar.org/index.php?format=feed&type=rss. To change your subscription settings, please log into RSSFWD.