ဧည့်ခန်း
ဧည့်ခန်း။
စကားလုံးကား နှစ်လုံးတည်းသာ ဖြစ်သည်။ အိမ်တိုင်း၊ အိမ်တိုင်းတွင် ဧည့်ခန်းဆိုသည်ကို ထားရှိတတ်ကြသည်။ လူမျိုး၊ ဓလေ့၊ ထုံးစံ၊ ဘာသာစကား မည်မျှပင်ကွဲပြား၊ ကွဲပြား၊ တူညီတာတစ်ခု တော့ရှိသည်။ ဤကားမိမိတို့ နေထိုင်ရာအိမ်တွင် ဧည့်ခန်းတစ်ခန်းထားရှိခြင်းပင် ဖြစ်သည်။ လူဆိုသည်ကလဲ တစ်ဦးတည်းနေတတ်သော သတ္တဝါများမဟုတ်ကြ။ ထိုနည်းနှယ်နှယ်ပင် ။ တိုးတက်ပြောင်းလဲလာသော ကမ္ဘာကြီးတွင် တံခါးပိတ် အထီးကျန်နေနိုင်သော နိုင်ငံများကား တဖြည်းဖြည်း ရှားပါးလာလေပြီ။ တံခါးများဖွင့်၍ ဧည့်သည်များလာရန် ဖိတ်ကြရသည်။ အဆိုပါ ကမ္ဘာလှည့် ဧည့်သည်များသည်ကား လက်ချည်းသက်သက်လာသည် မဟုတ်။ အိမ်ရှင်နိုင်ငံများအတွက် အကျိုးစီးပွားများ ဖြစ်ထွန်းစေသဖြင့် နိုင်ငံတိုင်းလိုလိုပင် ဧည့်သည်များအား ဆွဲဆောင်နိုင်ရန် အပြိုင်အဆိုင် ကြိုးစားကြတော့သည်။ စာရေးသူတို့ မြန်မာပြည်ကြီးလဲ အပါအဝင်ပင်ဖြစ်သည်။
ကမ္ဘာလှည့်ခရီးသွား လုပ်ငန်းများသည် ကမ္ဘာ့ကုန်သွယ်မှု၏ ၆ရာခိုင်နှုန်းကို ကိုယ်စားပြုလာသည်ဟု ကမ္ဘာ့ကုန်သွယ်ရေးအဖွဲ့ကြီး၏ အစီရင်ခံစာထဲတွင် တွေ့ရသည်။ ဖွံ့ဖြိုးဆဲနိုင်ငံများအတွက်ကား ကမ္ဘာလှည့် ခရီးသွားလုပ်ငန်းသည် အလွန်ပင်အရေးကြီးသော အခန်းကဏ္ဍတစ်ခုပင်ဖြစ်သည်။ (၂ဝဝ၂)ခုနှစ်၊ သြဂုတ်လတွင် မြန်မာ့ဟိုတယ်နှင့် ခရီးသွားလာရေးဝန်ကြီးမှ မြန်မာအစိုးရ၏ ၁၂ရာခိုင်နှုန်းဝင်ငွေသည် ပုဂ္ဂလိကဟိုတယ်နှင့် ခရီးသွားဝန်ဆောင်မှုလုပ်ငန်းမှ ရသည်ဟုဆိုခဲ့သည်။ ကောင်းလေစွ၊ ကောင်းလေစွ။ ကိုယ့်မွေးရပ်မြေ မြန်မာပြည်ကြီး ဝင်ငွေများရသည်ကို စာရေးသူတို့ဝမ်းသာရပေမည်။
သို့ပေမယ့်လဲ၊ သို့ပေမယ့်လဲ-----။
အဆိုပါဝင်ငွေများ ဘယ်ရောက်ကုန်ပါသနည်း။ စစ်အုပ်စုကတော့ ကြေငြာသည်။ 'တည်ဆောက်ပြုပြင်၊ မြန်ပြည်တခွင်' စီမံကိန်းများတွင် မည်၍မည်မျှကုန်သည် ဟူ၍။ ထိုကိန်းဂဏာန်းများ မှန်သည်၊ မမှန်သည်ကိုတော့ စစ်အုပ်စုနှင့် ဆောက်လုပ်ရေးဝန်ကြီးဌာန၀န်ထမ်းများ အသိဆုံးဖြစ်ပေလိမ့်မည်။ ပြည်သူနှင့် ကမ္ဘာက တကယ် မြင်ခဲ့သည်ကတော့ ထိုတည်ဆောက်ရေး လုပ်ငန်းဆိုသည်များတွင် ထောင်ကျအကျဉ်းသားများအား ရဲဘက်အလုပ်သမားများအဖြစ် မဝရေစာကျွေး၍ အတင်းအဓမ္မ ရိုက်နှက်စေခိုင်းမှုများ၊ လုပ်အားပေး တစ်အိမ်တစ်ယောက်လိုက်ရမည်ဆိုကာ အတင်းအဓမ္မခေါ်ယူ မှုများကိုပင် ဖြစ်သည်။ ထိုလမ်းများ၊ တံတားများပေါ်တွင် ပြည်သူတို့၏သွေးများ၊ချွေးများ၊ အကျဉ်းသမားများစွာ၏ အသက်များ ပေးဆပ်ခဲ့ရသည်ကတော့ အမှန်ပင်ဖြစ်သည်။ ယင်းအဖြစ်မှန်များကို လိမ်ညာဖုန်းကွယ်၍၊ လုပ်အားခ မည်မျှကုန်သည်ကို စာရင်းထဲထည့်ပြီး၊ မိမိတို့အိတ်ကပ်ထဲထည့်သည်ကတော့ အလွန်ပင် လူမဆန်ရာကျပါသည်။ ထို့အပြင် လမ်း၊ တံတားများအတွက် အမှန်တကယ် လိုအပ်မည့် ပစ္စည်းများကို အသုံးမပြုပဲ အရေအတွက်လျှော့သုံးခြင်း၊ အရည်အသွေး လျှော့သုံးခြင်းများ ပြုလုပ်ကာ ကျန်ငွေများကို ကိုယ်ကျိုးအတွက်သုံးခြင်းသည် ကုန်စီးဆင်းမှု မြန်ဆန်ရေးနှင့် အန္တရာယ်ကင်းရှင်းရေးကို များစွာ ထိခိုက်နစ်နာစေပါသည်။ နိုင်ငံတော်ရာဇ၀တ်မှု ကျူးလွန်ခြင်းပင်ဖြစ်သည်။
အခြားမေးစရာများကလည်း ရှိလာပါသည်။ နိုင်ငံတော်ဝင်ငွေများ တိုးတက်နေပါလျက် အဘယ်ကြောင့် ဆေးရုံများတွင် ဆေးကုရန် ဆေးဝါးများမရှိရပါသနည်း။ စာသင်ခန်းများတွင် သောက်ရေအိုးဖိုး၊တံမြက်စည်းဖိုးများမှအစ ကလေးငယ်များထံမှ ပိုက်ဆံကို ဆရာ၊ဆရာမများ အလှူခံနေရပါသနည်း။လမ်းမများပေါ်တွင် တောင်းစားရသူ ကလေးငယ်လေးများ၊ အမှိုက်ကောက်ကလေးငယ်လေးများ အ ဘယ်ကြောင့် များလာရပါသနည်း။စားစရာဆန်မရှိ၍ ထမင်းရေ ဝယ်သောက်နေရသူများ အဘယ်ကြောင့် များလာရပါသနည်း။ နိုင်ငံတော်ငွေများ ဘယ်ရောက်ကုန်ပါသနည်း။
ငယ်စဉ်ကတော့ အဂ္ဂိရတ်သမားများ ဖိုထိုးပြီး ရွှေရသည်ဟု ကြားရလျှင် စာရေးသူမှာ သိပ်မယုံချင်လှ။ယခု မျက်ဝါးထင်ထင်ဆိုတော့ ယုံရလေပြီ။ နအဖတို့၏အဂ္ဂိရတ်ဖိုများသည် ရွှေတင်မဟုတ်ပဲ၊ စိန်များ၊ရတနာများပင် ထွက်လေသည်။ စစ်အုပ်စုနှင့် အပေါင်းအပါ ခါတော်မှီသူဌေးများထံတွင် စိန်များ၊ရတနာများတင်းတောင်းပြည့် ထွက်လာဖို့ ပြည်သူတို့၏ သွေး၊ချွေး၊မျက်ရည်စက်များကို စတေးနေကြလေသည်။
ကမ္ဘာလှည့် ခရီးသွားလုပ်ငန်းများမှ ရရှိလာသောဝင်ငွေများ မည်သည့်နေရာများသို့ ရောက်သွားခဲ့သည်ဆိုသည်မှာ အဖြေကတော့ ရှင်းနေပါသည်။ ကမ္ဘာလှည့် ခရီးသည်များ မြန်မာပြည်သွားသင့်၊ မသွားသင့်၊ မသွားရန် ပိတ်ဆို့ခြင်းလုပ်သင့် မလုပ်သင့် ဆိုသည်ကတော့ မိမိတို့၏ ကိုယ်ပိုင်စိတ်ထား တန်ဖိုးထားမှု နှလုံးသားများဖြင့်သာ စပ်ဆိုင်ပါသည်။
လူအမျိုးမျိုး၊ စိတ်အထွေထွေဆိုသည်က ရှိတတ်ကြပါသည်။ 'အိမ်ကိုဧည့်သည် လာသည်ပဲ။ ဧည့်ခန်းကို လှလှပပ ပြင်ထားရင်ပြီးရောပေါ့။ မြေတိုက်ထဲက အကျဉ်းသားတွေကိစ္စ၊ အိမ်နောက်ဖေးက အလုပ်သမားတွေ အစာမစားရတဲ့ကိစ္စ၊ တချို့အိမ်သားတွေ ငတ်နေတဲ့ကိစ္စ၊ ဧည့်သည်တွေဆီကရတဲ့ ပိုက်ဆံကို အိမ်အတွက်မသုံးပဲ အိတ်ကပ်ထဲထည့် ဖျောင်ပစ်တဲ့ကိစ္စ မီးဖိုချောင်မှာ ယင်တလောင်းလောင်းနဲ့ ညစ်ပတ်ပေရေနေတဲ့ကိစ္စ၊ အိမ်ခန်းတွေထဲမှာ အေအိုင်ဒီအက်စ် ရောဂါသည်တွေ ပြည့်နှက်နေတဲ့ ကိစ္စတွေဟာ ဧည့်သည်တွေ သိဖို့မလိုပါဘူး။သိအောင် လုပ်နေတဲ့ လူတွေကသာ အဖျက်သမားတွေ'ဟူ၍ ဆိုနေကြသူ အိမ်သားများရှိသလို၊ 'သူတို့ဟာ သူတို့သေတာ၊ ငတ်တာ ငါတို့နဲ့ ဘာမှမဆိုင်၊ ငါတို့ဘာသာ အပန်းဖြေ အနားယူချင်လို့သွားတာ။ ဧည့်ခန်းလှနေရင်ပြီးတာပဲ'ဆိုသူ ဧည့်သည်များကလဲ ရှိသည်ဆိုတော့ မြန်မာပြည် အလည်သွားသင့်၊ မသွားသင့်ဆိုသည်မှာ ဆုံးဖြတ်သူများ၏ စိတ်ထားများနှင့်သာ ပတ်သက်ပါသည်။
'ဧည့်ခန်း'ကိုသာ လှအောင်ပြင်မည်ဆိုသော အိမ်သားများအား တစ်ခုတော့ပြောချင်ပါသည်။ ဧည့်သည်များထဲတွင် ဇိမ်ခံချင်သူများသာမကပဲ အခြေအနေမှန်ကို လက်တွေ့လေ့လာချင်သူများလဲ ပါသေးသည်ဆိုသော အချက်ကိုပင်ဖြစ်သည်။ လူတစ်ယောက်၏ မျက်လုံးများကို မျက်မှန်စိမ်းတပ်၍ ရချင်ရပါမည်။ လူတစ်ယောက်၏ နားများကို တခဏတာပိတ်ထား၍ ရချင်ရပါမည်။ သို့ပေမယ့် လူတစ်ယောက်၏ ဦးနှောက်နှင့် အသိဉာဏ်ကို သင်းကွပ်၍မရပါ။ ပို၍ခက်သည်က ကိုယ်ချင်းစာနာစိတ်ရှိသော၊ လူပီသသော နှလုံးသားများကို ရာထူးအာဏာ အခွင့်အရေးများပေး၍ ဆွဲဆောင်သိမ်းသွင်း၍ မရခြင်းပင်ဖြစ်သည်။ အမှန်တရားကို မည်သည့်အရာနှင့်မျှ ဖုန်းကွယ်၍ ရမည်မထင်ပါနှင့်။
မည်သို့ဆိုစေ၊ 'ဧည့်ခန်း'သာမက အိမ်တစ်အိမ်လုံး သာယာလှပရေးအတွက် ကျွနိုပ်တို့ အားလုံး၌ တာဝန်ရှိပါကြောင်းနှင့်၊ အိမ်ကြီးကို အရုပ်ဆိုးအကျည်းတန်အောင် ပြုလုပ်နေသူများကို အမြန်ဆုံး ဖယ်ရှားသင့်ပါကြောင်း ပြောကြားရင်းဖြင့် နိဂုံးချုပ်ပါမည်။
ခင်မမမျိုး (၁၆၊ ၁၂၊ ၂၀၀၆)
You received this email because you are subscribed to the real_time feed for http://khinmamamyo.blogspot.com/feeds/posts/default. To change your subscription settings, please log into RSSFWD.
