မြို့ပြညရဲ့ အရိပ်တွေ ကြေကွဲ
အနော်ရထာလမ်းနှင့် မဟာဗန္ဓုလလမ်းကြားရှိ ရွှေတိဂုံဘုရားလမ်းတလျှောက် နီယွန်မီးရောင်စုံ ဆိုင်းဘုတ်များ ထိန်ထိန်လင်းနေပေပြီ။ သိမ်းကြီးအပေါ်ထပ်ရှိ စားသောက်ဆိုင်များ၊ နိုက်ကလပ်များမှ တီးသံ၊ မှုတ်သံ၊ သီဆို သံများ ဆူညံစွာ ပျံ့လွင့်နေသည်။ တက်ခမ် Entertainment အပေါက်ဝ အရောက်တွင် ၀ိတ်တာတစ်ဦးက ခရီးဦးကြိုပြုပြီး ကျနော်တို့နှစ်ဦးကို ဓာတ်လှေကားနှင့် သိမ်ကြီးဈေး တတိယထပ်သို့ ခေါ်သွားသည်။
ဓာတ်လှေကားမှအထွက် ဘယ်ဘက်ခြမ်းရှိ စတစ်ကာ ကပ်ထားသည့် မှန်တံခါးကို တွန်းဖွင့် ၀င်လိုက်သည်နှင့် အဲယားကွန်းလေကြောင့် စိမ့်ကနဲ အေးသွားသည်။ ၀ိတ်တာက 'အမောပြေ ထိုင်ကြပါဦး ဆရာတို့' ဟုဆိုကာ ဆိုဖာဆက်တီခုံများကို ညွှန်ပြသဖြင့် သူငယ်ချင်းနဲ့ ကျနော် ၀င်ထိုင်လိုက်ကြသည်။ အခြားဧည့်သည် ငါးဦး လည်း ဆိုဖာဆက်တီခုံတွေမှာ ခြေပစ်လက်ပစ်ထိုင်နေကြသည်ကို တွေ့ရသည်။ ငွေကြေး ဖောဖောသီသီ သုံး နိုင်ကြပုံရသည့် တရုတ်စီးပွားရေးသမားတွေ ဖြစ်ပုံရသည်။ မနေ့ညက ကန်သွားသည့် ဘောလုံးပွဲအကြောင်း၊ လောင်းကြေး အရှုံးအနိုင် အကြောင်းတွေကို လက်ကိုင်တယ်လီဖုန်းများနှင့် ဆက်ကာ ကျယ်လောင်ကျယ် လောင် ပြောဆိုနေကြသည်ကို ကြားနေရသည်။ သူတို့ကိုကြည့်ရသည်မှာ သည်နေရာကို မကြာခဏ လာအား ပေးသည့်အတွက် ၀ိတ်တာတွေ အကုန်လုံးနှင့် ရင်းနှီးနေပြီး ကိုယ့်အိမ်ကိုယ့်ယာလို ဖြစ်နေပုံပေါ်သည်။
ခဏအကြာတွင် ၀ိတ်တာက ကျနော်တို့နှစ်ဦးဆီလာပြီး 'ဆရာတို့နှစ်ယောက် အမောပြေရင် ကြည့်လို့ရပါပြီ' ဟု ဖိတ်မန္တကပြုသဖြင့် သူငယ်ချင်းက ကျနော့်ကို ထဆိုသည့်သဘော မျက်စပစ်ပြသည်။ ကျနော်လည်း ဘာ မှန်းမသိဘဲ ဘုမသိဘမသိနှင့် သူငယ်ချင်းနောက်ကို ထလိုက်သွားမိသည်။ ဒီနေရာကို ကျနော်တစ်ခေါက်မှ မရောက်ဖူးသေး။ သူငယ်ချင်းက စပွန်ဆာလုပ်တာကြောင့် တစ်ကြောင်း၊ စာနယ်ဇင်းသမားမို့ နယ်ပယ်စုံကို စူး စမ်းလေ့လာချင်တာကြောင့်တစ်ကြောင်း လိုက်လာခြင်းဖြစ်သည်။
ဝိတ်တာက ကျနော်တို့ နှစ်ယောက်ကို ဧည့်ခန်းမ၏ တစ်ဘက်ရှိ လိုက်ကာ ကာထားသည့် နေရာကို ခေါ်သွား သည်။ ထို့နောက် လိုက်ကာကို လှပ်လိုက်ပြီး 'ကဲ … ဆရာတို့ ကြိုက်တာရွေး၊ ပြီးရင် ခေါ်မယ့်နံပါတ်ကို ပြော' ဟု ဆိုလိုက်ရာ သူပြသည့် မြင်ကွင်းကို ကြည့်ပြီး ကျနော့်မှာ ကိုယ့်မျက်စိကိုပင် ကိုယ်မယုံနိုင်လောက်အောင် ဖြစ်သွားလေသည်။
ဝိတ်တာ လိုက်ကာလှပ်ပြသည့် မှန်ခန်းထဲတွင် ဆံပင်အတိုအရှည် ပုံစံမျိုးစုံ၊ ရုပ်ရည် ချောချောမောမော သန့် သန့်ပြန့်ပြန့်၊ အသက်အရွယ်အားဖြင့် (၂၀) နှင့် (၃၅) နှစ်အရွယ်ကြားလောက်ရှိမည့် အမျိုးသမီး အယောက် (၃၀) ခန့် ထိုင်နေကြသည်ကို တွေ့ရသည်။ ရင်ဘတ်တွင် နံပါတ်ပြားအ၀ိုင်းလေးတွေ ချိတ်ဆွဲထားပြီး ခေါင်း လေးတွေငုံ့ကာ ထိုင်နေကြသည်။ သူတို့ကိုကြည့်ရသည်မှာ ရှက်ရွံ့သိမ်ငယ်နေကြသည့်ပုံ ပေါ်နေသည်။ သည် လိုမြင်ကွင်းမျိုးကို နိုင်ငံခြားရုပ်ရှင်၊ ဗီဒီယိုကားတွေထဲမှာသာ တွေ့ဖူးမြင်ဖူးသည့် ကျနော့်အဖို့ အခုလို ကိုယ့် ပြည်တွင်းမှာ ကိုယ်တိုင်ကိုယ်ကျ တွေ့လိုက်ရသည့်အခါ အံ့သြမင်သက်မိနေသည်။
အရှက်အကြောက် ကြီးမားကြသည့် မြန်မာအမျိုးသမီးများအနေနှင့် အခုလို အလုပ်မျိုးကို လုပ်ရဲသည့်သတ္တိ ရှိ ကြလိမ့်မည်ဟု ကျနော် ထင်မထားသည့် အတွက်ကြောင့်လည်း ဖြစ်မည်ထင်သည်။ ရှိုးကေ့စ်ထဲ ထည့်ပြထား သည့် အရုပ်လေးတွေကို ကြည့်နေရသလို ခံစားရပြီး ကျနော့်စိတ်ထဲ နင့်ကနဲ ဖြစ်သွားသည်။ သူတို့တွေကို ကြည့်ပြီး အတန်ကြာ ကျနော် တွေနေမိသည်။
ဝိတ်တာက 'ကြိုက်တာတွေ့ပြီလား ဆရာ' ဟု မေးလိုက်မှ ကျနော် ကယောင်ကတမ်းနှင့် နံပါတ်တစ်ခုကို ပြော လိုက်မိသည်။ သူငယ်ချင်းက အတွေ့အကြုံ ရှိပြီးသားမို့ သူကြိုက်သည့် အမျိုးသမီးကို ရွေးချယ်ပြီး ကျနော့်ကို စောင့်နေသည်။ ကျနော်ရွေးချယ်တာ ကြာနေသည် ထင်လို့လားမသိ၊ မောင်ရင်က ချေးများလှချည်လားဟု သူ ငယ်ချင်းက ကျနော့်ကို နောက်နေသည်။ ကျနော်က ကိုယ့်အတွေးနှင့်ကိုယ် ကြာသွားသည်မို့ သူငယ်ချင်း နောက်တာကို ဘာမှပြန်မပြောတော့ဘဲ ရယ်နေလိုက်သည်။ စိတ်ထဲမှာတော့ အတွေးတွေ အမျှင်တန်းနေမိ သည်။
ဝိတ်တာက 'ဆရာတို့နှစ်ယောက် ဟောလ်ခန်းထဲမှာ ယူမလား၊ နှစ်ယောက်ခန်း သီးသန့်ယူမလား' ဟုမေးရာ သူငယ်ချင်းက 'နှစ်ယောက်ခန်း သီးသန့်ပဲ ယူမယ်' ဆိုတာကြောင့် ကျနော်တို့ နှစ်ယောက်ကို တစ်ယောက် အိပ်ကုတင် နှစ်လုံးရှိသည့် အခန်းလွတ်တစ်ခန်းထဲ ခေါ်သွားပြီး နေရာချပေးသည်။ ထို့နောက် ၀ိတ်တာ အပြင် ပြန်ထွက်သွားပြီး ကျနော်တို့နှစ်ယောက် ပြောထားသည့် နံပါတ်နှစ်ခုကို အော်ခေါ်နေသံ ကြားရသည်။ အခန်း ထဲတွင် မီးလုံးမှိန်မှိန်ထွန်းထားပြီး အဲယားကွန်းလေကြောင့် စိမ့်အေးနေသည်။ အခန်းထဲရှိ ကုတင်နှစ်လုံးပေါ် တွင် မွေ့ယာထူထူပေါ် ပိတ်ဖြူခင်းထားပြီး ခေါင်းအုံးတစ်လုံးစီ ချထားသည်ကို တွေ့ရသည်။
ခဏအကြာတွင် ဆံပင်ရှည်ရှည်၊ အရပ်အမောင်း မနိမ့်မမြင့်၊ အသားအရေ လတ်လတ်နှင့် ရုပ်ရည်ချောမော ပြေပြစ်သည့် အမျိုးသမီးနှစ်ဦး အခန်းထဲသို့ ၀င်လာသည်။ တစ်ဦးစီ ကျနော်တို့ လှဲလျောင်းနေသည့် ကုတင် တွေနား ရောက်လာပြီး အ၀တ်အစားလဲဖို့ဟုဆိုကာ အင်္ကျီလက်တိုနှင့် ဘောင်းဘီရှည်ပွပွ တစ်စုံစီ ပေးလေ သည်။ ပြီးနောက် အခန်းအပြင်ကို ပြန်ထွက်သွားပြီး အပြင်ကစောင့်နေသည်။ ကျနော်တို့နှစ်ယောက် အ၀တ် အစားလဲပြီး ခဏအကြာမှ အခန်းထဲပြန်ဝင်လာသည်။ သူငယ်ချင်းက အတွေ့အကြုံရှိပြီးသားမို့ သူခေါ်ထား သည့် အမျိုးသမီးနှင့် အပြန်အလှန်စကား စပြောနေကြသော်လည်း အခုမှရောက်ဖူးသည့် ကျနော့်မှာတော့ ကျ နော့်ဆီလာသည့် အမျိုးသမီးကို ကြည့်ပြီး အားနာသလိုလို၊ ရှက်သလိုလိုနှင့် ရှိန်းတိန်းဖိန်းတိန်း ဖြစ်နေလေ သည်။
သူမ၏ ၀တ်စားဆင်ယင်ပုံကို ကြည့်ရသည်မှာ မြန်မာဆန်ပြီး လှယဉ်ကျေးမယ် ၀င်ပြိုင်မည့် အမျိုးသမီးတစ်ဦး နှင့် တူလေသည်။ အပွင့်ပါသော ကြက်သွေးရောင် လက်တိုပါတိတ် ၀မ်းဆက်ကို ၀တ်ဆင်ထားပြီး တည်ငြိမ် အေးဆေးသည့် အသွင်ဆောင်နေသည်။ သူမ၏လက်တွင် မွေးညင်းနုနုရှည်ရှည်များ စင်းနေသည်ကို ထူးထူး ခြားခြား သတိထားမိလိုက်သည်။
သူမက ကျနော့်ခြေထောက်ကို စပြီး နှိပ်နယ်ပေးသည့်နှင့် အားနာမှုကြောင့် 'ဆောရီးနော်' ဟု ကျနော် သူမကို ပြောလိုက်မိသည်။ သူမက ရှက်ပြုံးကလေးနှင့် ရယ်လိုက်ပြီး 'အစ်ကို အရင်လာဖူးလား' ဟု တိုးတိုးဖွဖွ မေး သည်။ သူမ၏ ဖော်ရွေမှုကို အကဲခတ်မိပြီး သူမနှင့် စကားစမြည်ပြောဖို့ ကျနော် အားတက်သွားသည်။ ကျနော့် စိတ်ကလည်း သူမ နင်းနှိပ်ပေးတာကို အရသာခံချင်သည်မဟုတ်။ သူမနှင့် ရင်းရင်းနှီးနှီး စကားပြောခွင့်ရပြီး သူမတို့ အလုပ်အကြောင်း၊ သူမတို့ ဘ၀တွေအကြောင်း စာနယ်ဇင်းဆရာပီပီ စူးစမ်းမေးမြန်းချင်သည့် စိတ်က အဓိကဖြစ်သည်။
'အရင်မလာဖူးဘူး၊ ဒါပထမ ဆုံးအကြိမ်ပဲ' ဟု သူမကို ကျနော် ခပ်တိုးတိုး ပြန်ပြောလိုက်သည်။ သူမက 'အစ် ကိုက ရန်ကုန်ကပဲလား' ဟု တိုးတိုးဆက်မေးသည်။ ကျနော်က 'ဟုတ်တယ်၊ ညီမကကော ရန်ကုန်ကပဲလား၊ နာမည်ဘယ်လိုခေါ်လဲ' ဟု သူမကို ဖြေမေးလေး ပြန်မေးလိုက်သည်။ သူမက ပြောသင့်မပြောသင့် စဉ်းစားနေ ပုံရသည်။ အတန်ကြာမှ 'မဟုတ်ဘူး၊ အညာကပါ၊ ညီမနာမည်က ၀ါဝါ' ဟု ပြုံးပြီးဖြေသည်။ တဖက်ကုတင် မှာတော့ သူငယ်ချင်းနှင့် သူ့ကို နင်းနှိပ်ပေးနေသည့် အမျိုးသမီးတို့နှစ်ဦးသား တော်တော် ရင်းနှီးကျွမ်းဝင်နေ ကြသည့်ပုံစံနှင့် အပြန်အလှန် စကားလက်ဆုံကျပြီး စနောက်နေကြသည်။ ကျနော်တို့နှစ်ဦး စကားပြောနေသံ က သူတို့နှစ်ဦး၏ စကားသံတွေအောက်မှာ နစ်မြုပ်နေသည်။
ကျနော်က စကားစ ပြတ်သွားမှာ စိုးသည့်အတွက် သူမ၏ အဖြေကို ဆက်နင်းပြီး 'ညီမကလည်း အညာဆိုတာ အကျယ်ကြီးပဲဟာ၊ ဘယ်အညာကို ပြောတာလဲ၊ ဘာလဲ လိပ်စာအတိအကျ ပြောလိုက်ရင် အိမ်လာလည်မှာ စိုးလို့လား' ဟု ပိုရင်းနှီးသွားအောင် သူမကို နောက်လိုက်သည်။ သူမက 'ညီမတို့က ဆင်းရဲပါတယ် အစ်ကို ရယ်၊ အိမ်လည်ခေါ်ရမှာ အားနာပါတယ်' ဟုပြောပြီး အသံတိမ်ဝင်သွားသည်။
'အလကားစတာပါ ညီမရယ်၊ အညာလို့ ပြောလိုက်လို့ ဘယ်အညာလဲ သိချင်လို့ ညီမကို နောက်လိုက်တာပါ' ဟု ကျနော်ပြန်ပြောလိုက်မှ သူမ ကျနော့်အပေါ် ပိုရင်းနှီးသွားပုံရပြီး သူမရဲ့ အကြောင်းတွေကို ကျနော်မမေးရ ဘဲ ဖြေးဖြေးချင်း ဆက်ပြောနေလေသည်။ သူမက ကျနော့်ဘေးမှာ ထိုင်ပြီး လက်ကို နှိပ်ပေးနေသည့်အခါတွင် ရှည်လျားနက်မှောင်သော သူမ၏ ဆံနွယ်စတွေက ကျနော့်ကိုယ်ပေါ် ၀ဲကျနေသည်။ သူမ ခေါင်းလျော်ထား သည်ထင့်၊ သူမဆံပင်မှ ရှန်ပူခေါင်းလျှော်ရည်နံ့လေးက ကျနော့်နှာခေါင်းထဲ တိုးဝင်မွှေးပျံ့နေသည်။
သူမ၏ မျက်နှာအလှကို မသိမသာ အကဲခတ်ရသည်မှာ ရုပ်ရှင်သရုပ်ဆောင် ရတနာခင်နှင့် တူသလိုလို ထင် နေမိသည်။ အသားအရေ နူးညံ့ဝင်းမွတ်ပြီး ရုပ်ရည်သန့်ပြန့်သည့် သူမ၏ ပုံပန်းသဏ္ဍာန်က အညာသူပုံမ ပေါက်၊ ငယ်စဉ်က အလုပ်ပင်ပင်ပန်းပန်း လုပ်ကိုင်ခဲ့ရဖူးပုံမပေါ်ဘဲ သက်သက်သာသာ နေလာခဲ့ရသည့် ပုံပေါ် နေသည်။ စကားပြောပုံ ဟန်ပန်အနေအထားအရ ပညာအရည်အချင်းလည်း အတော်အသင့် ရှိပုံပေါ်သည်။ အသက်အ ရွယ်အားဖြင့် (၂၂) နှစ်ဝန်းကျင်လောက် ရှိမည်ဟု ခန့်မှန်းမိသည်။ သူမ၏ ရုပ်ရည်၊ သူမ၏ ပုံပန်း သဏ္ဍာန်နှင့် သည်လိုအလုပ်မျိုးကို ဘာကြောင့်လုပ်ကိုင်နေရပါလိမ့်ဟု ကျနော်တစ်ယောက်တည်း စဉ်းစားခန်း ၀င်ရင်း သူမ ပြောပြနေတာတွေကို နားထောင်နေမိသည်။
'ညီမက မလှိုင်ကပါ။ မလှိုင်ဆိုတာ မြင်းခြံဘက်သွားတဲ့ လမ်းပေါ်မှာလေ၊ ညီမမှာ ညီမလေးတစ်ယောက်၊ မောင်လေးတစ်ယောက် ရှိတယ်။ ညီမလေးလည်း ဒီမှာပဲ အလုပ်လုပ်တယ်။ မောင်လေးကတော့ ငယ်သေး တယ်။ ညီမမိဘတွေက ၀န်ထမ်းတွေပါ။ အခုတော့ အဖေရော အမေရာ အလုပ်က ထွက်လိုက်ပြီ။ အဖေက အရက်တအားသောက်လို့ အခု လေဖြတ်နေတယ်။ အမေကလည်း ချဲတွေ၊ နှစ်လုံးထီတွေ တအားထိုးပြီး အကြွေးတွေတင်လို့ နောက်ဆုံး မလှိုင်က အိမ်နဲ့ခြံကို ရောင်းပြီး ရန်ကုန်ပြောင်းလာတာ။ အခုလှိုင်သာယာမှာ မိသားစုငါးယောက် အိမ်ငှားနေတယ်။ ရန်ကုန်ရောက်ကာစက ညီအစ်မနှစ်ယောက် အနော်ရထာလမ်းပေါ်က တီဗီဂိမ်းဆိုင်တစ်ဆိုင်မှာ အလုပ်ဝင်သေးတယ်။ ဒါပေမယ့် ရတဲ့လခနဲ့ လှိုင်သာယာကို အဝေးကြီး ပြန်ရတဲ့ဒုက္ခ နဲ့ မိသားစုစားဝတ်နေရေး အဆင်မပြေဘူး။ အဖေ့ဆေးဖိုးကလည်း ရှိသေးတယ်။ အဲဒီလို ဖြစ်နေတဲ့အချိန်မှာ သူငယ်ချင်းတစ်ယောက်က ခေါ်လာပေးလို့ ဒီမှာဝင်လုပ်ဖြစ်တာ။ ဒီမှာ မလှိုင်က လူတွေလည်း တော်တော်များ များ လုပ်နေကြတယ်လေ' ဟု လေအေးအေးနှင့် ရှည်ရှည်ဝေးဝေး ပြောပြနေသည်။
သူမပြောပြတာတွေကို နားထောင်နေရင်း 'ညီမ အခု အသက်ဘယ်လောက်ရှိပြီလဲ၊ ကျောင်းဆက်မတက် တော့ဘူးလား' ဟု မေးလိုက်မိသည်။ 'ညီမက အခု အသက် (၂၃) နှစ်ထဲမှာပါ၊ Eco ဒုတိယနှစ် အဝေးသင် တက်နေပါတယ်။ ကြားထဲမှာ ငွေကြေးအဆင်မပြေလို့ သုံးနှစ်လောက် နားထားရသေးတယ်။ အခုသင်္ကြန်ပြီး ရင် မိတ္ထီလာတက္ကသိုလ်မှာ အနီးကပ် တစ်လသွားတက်ပြီး စာမေးပွဲဖြေရမယ်။ အဲဒီကျရင် ခွင့်တစ်လယူရမယ်' ဟု ပြောပြနေသည်။
သူမကို Eco ကျောင်းသူမှန်း သိလိုက်ရတော့ အထင်ကြီး လေးစားစ်ိတ်ဝင်သွားသည်။ ဒါပေမယ့် ဒီအလုပ်လုပ် နေတာကို သဘောမတွေ့သည့် လေသံဖြင့် 'တက္ကသိုလ်ကျောင်းသူ ဖြစ်နေပြီး ဘာလို့ ဒီမှာလုပ်နေရတာလဲ' ဟု သူမကို အပြစ်တင်သလို ကျနော်ပြောလိုက်မိသည်။ သူမက 'ဘယ်လုပ်ချင်မှာလဲ အစ်ကိုရယ်၊ ရွေးစရာ မရှိ လို့ပေါ့၊ အိမ်စရိတ်ရယ် ကျောင်းစရိတ်ရယ် ကာမိအောင်ဆိုတော့ တခြားအလုပ်နဲ့ ဘယ်လိုမှ အဆင်မပြေဘူး၊ ဒီအလုပ်ကတော့ နည်းနည်းတော်သေးတယ်လို့ ပြောရမှာပေါ့' ဟု ရှင်းပြတော့ အပြစ်တင်သည့် လေသံနှင့် ပြောလိုက်မိသည်ကို အားနာသွားမိသည်။ ထို့နောက် လေကြောမိနေသည်က တစ်ကြောင်း၊ သူမ နှိပ်နယ်ပေး နေသည်ကို အားနာမိသည်က တစ်ကြောင်းကြောင့် သူမကို နားဖို့ ကျနော်ပြောလိုက်သည်။ သူမက 'ရပါတယ် အစ်ကိုရဲ့၊ ဒါ ညီမတို့ အလုပ်ပဲ၊ အားမနာပါနဲ့' ဟု ပြောနေသည်။ ကျနော်က 'မဟုတ်ဘူး၊ အညောင်းလည်း ပြေပါပြီ၊ ညီမနဲ့လည်း လွတ်လွတ်လပ်လပ် စကားပြောချင်လို့ပါ' ဟု ပြော မှသူမရပ်လိုက်သည်။
ထို့နောက် သူမက ကျနော့်ဘက် မျက်နှာမူကာ လှည့်ထိုင်ရင်း ပိုမိုရင်းနှီးသွားသည့် လေသံနှင့် 'ကဲ … အစ်ကို ဘာသိချင်လဲ မေး'ဟုပြောကာ လမ်းဖွင့်ပေးလေသည်။ တစ်ဘက်ရှိ သူငယ်ချင်း၏ ကုတင်ဘက်ကလည်း ရယ်လိုက်မောလိုက်၊ ပြောလိုက်ဆိုလိုက်နှင့် ဆူညံနေသည်။ ကျနော်က စာနယ်ဇင်းသမားမို့လားမသိ၊ သူမက သိချင်တာမေးဖို့ပြောတော့ တော်တော်ပျော်သွားသည်။ သို့နှင့် အင်တာဗျူးပုံစံ သူမနှင့် ကျနော် စကားတွေ ဆက်ပြောနေဖြစ်တော့၏။
'ညီမက မေးဆိုလို့ မေးမယ်နော်' ဟု ကျနော်ပြောလိုက်တော့ သူမက 'အင်း' ဆိုသည့်သဘော ခေါင်းညိတ်ပြ သည်။ နောက်ပြီးခေါင်းငုံ့ကာ မခို့တရို့လေး ပြုံးနေသည်။ ကျနော် စိတ်ဝင်တစားနှင့် စမေးလိုက်သည်။
' ညီမတို့ ဒီမှာလုပ်တာ လခဘယ်လောက်ရလဲ'
'လေးထောင်ရတယ်၊ နောက်ပြီး ဧည့်သည်ဝင်ရတဲ့အပေါ် မူတည်ပြီး တစ်နာရီ တစ်ဆက်ရှင်ကို တစ်ရာထပ်ရ တယ်။ တစ်နေ့ ဆယ်ဆက်ရှင် ၀င်ရရင် တစ်ထောင်ပေါ့'
'ဧည့်သည်တွေက ဘောက်စူးပေးတာတွေ ဘာတွေလည်း ရှိမှာပေါ့'
' အဲဒါက ပုံမှန်တော့ မရှိဘူး၊ တချို့လည်း ငါးရာ တချို့လည်း တစ်ထောင်နဲ့ ခင်ရင်ခင်သလို များများပေးကြပါ တယ်'
'အဲသလိုဆို ညီမတို့ရဲ့ တစ်လ၀င်ငွေက ဘယ်နည်းမလဲ'
'ဧည့်သည်ရပြီး ဘောက်စူးများများရတဲ့ လဆိုရင်တော့ တစ်သိန်းခွဲ၊ နှစ်သိန်းလောက် စုမိပါတယ်၊ အဖမ်းအ
ဆီးရှိလို့ ပိတ်ရရင်တော့ ၀င်ငွေမရှိဘူးပေါ့'
'ညီမက သဘောကောင်းတော့ ဧည့်သည်များများ ရမှာပေါ့'
'ဧည့်သည်တိုင်းလည်း မ၀င်ရဲဘူး အစ်ကိုရဲ့၊ လူလည်း ကြည့်ရသေးတယ်၊ တချို့ဧည့်သည်တွေက နှမချင်း ကိုယ်ချင်းမစာဘူး၊ ယုတ်မာတယ်၊ ဒီအလုပ်လုပ်တယ်ဆိုပြီး အထင်သေးအမြင်သေးနဲ့ အလွယ်တကူ စော်ကား ချင်ကြတယ်၊ အဲဒါကြောင့် တစ်ခါဝင်ကြည့်ပြီး အဆင်မပြေရင် နောက် အဲဒီဧည့်သည်လာရင် ရှောင်ရတာပေါ့'
'ဧည့်သည်က ခေါ်ခိုင်းပေမယ့် ကိုယ်က အဲဒီဧည့်သည်နဲ့ အလုပ်မ၀င်ချင်ဘူးဆိုရင်ကော အလုပ်ရှင်က မငြိုငြင် ဘူးလား'
'ငြိုငြင်တာပေါ့၊ ဒါပေမယ့် ကိုယ်မ၀င်ချင်တဲ့ ဧည့်သည်ဆို ၀ိတ်တာတွေကို ပေါင်းထားပြီး တခြားဧည့်သည် ကြို ချိန်းထားလို့ မအားလို့ပါဆိုပြီး အလိမ္မာနဲ့ ပြောခိုင်းရတာပေါ့'
'ဒီမှာ အလုပ်လာလုပ်တဲ့ သူတွေထဲမှာကော ညီမလို ကျောင်းတက်နေတဲ့ သူတွေရှိလား'
'ရှိတယ်၊ ဘွဲ့ရပြီးတဲ့ အစ်မတွေတောင် ရှိတယ်၊ အများစုကတော့ အိမ်မှာရှိတဲ့ မိဘမောင်ဖွားတွေကို လုပ်ကျွေး နေကြတဲ့ သူတွေများပါတယ်'
'ညဘက် အလုပ်ပိတ်ရင် ညီမတို့ကို အိမ်အပြန် ဖယ်ရီနဲ့ လိုက်ပို့ပေးလား'
'အိမ်မပြန်ရဘူး အစ်ကိုရဲ့၊ သူဌေးက ဒီအဆောက်အဦရဲ့ အပေါ်ဆုံးထပ်မှာ အဆောင်လုပ်ပေးထားတယ်၊ တစ် လမှ ခွင့်တစ်ရက်ပဲ ပေးတယ်၊ ခွင့်လိုချင်ရင် မန်နေဂျာကို ကြိုပြောထားရတယ်'
'အလုပ်ချိန်က ဘယ်နှစ်နာရီ လုပ်ရလဲ'
'နေ့လည် (၁၂) နာရီဆို တန်းစီရတယ်၊ သူဌေးက လူစစ်တယ်၊ အပြင်တွေ ဘာတွေ ခဏတဖြုတ် သွားနေလို့ နောက်ကျရင် ဒဏ်တပ်တယ်၊ လစာထဲက ဖြတ်တယ်၊ လူစစ်ပြီးတာနဲ့ အလုပ်ဝင်ရတာပဲ၊ အဲဒါ ည (၁၂) နာရီ၊ တခါတလေ ဧည့်သည်ကျရင် (၁) နာရီထိုးရောပဲ'
'တစ်နေကုန် နင်းနှိပ်ပေးနေရတော့ မပင်ပန်းဘူလား'
'ပင်ပန်းပေမယ့်လည်း ပိုက်ဆံရတော့ ရတုန်းလေး လုပ်နေရတာပဲ၊ ညဘက် အဆောင်ပေါ်ရောက်ရင် တစ် ကိုယ်လုံး ညောင်းကိုက်ပြီး ဘာမှကို လုပ်ချင်ကိုင်ချင်စိတ် မရှိတော့ဘူး၊ တန်းအိပ်တော့တာပဲ'
ကျနော်တို့နှစ်ယောက် စကားကောင်းနေတုန်း တစ်ဘက်ကုတင်မှ သူငယ်ချင်းက 'ဟိုဘက်က နှစ်ယောက် အင်တာဗျူးလို့ မပြီးကြသေးဘူးလား၊ အချိန်စေ့ပြီဗျို့' ဟု လှမ်းအော်မှ သူမနဲ့ကျနော် စကားစပြတ်တော့သည်။ သူငယ်ချင်းက ၀ိတ်တာယူလာသည့် ဘောက်ချာစာရွက်ကို ရှင်းပေးလိုက်ပြီး သူမတို့နှစ်ဦးကို တစ်ယောက် ဘောက်စူးတစ်ထောင်စီ ပေးနေသည်။ ကျနော်က သူမကို သိချင်တာတွေ စိတ်ရှည်လက်ရှည် ဖြေပေးလို့ ကျေးဇူးတင်ကြောင်းပြောပြီး ဘောက်စူးတစ်ထောင် ထပ်ပေးလိုက်သည်။
သူမက ကျနော့်ကို 'အစ်ကိုက မေးခွန်းတွေ တအားမေးတယ်၊ ထောက်လှမ်းရေးတော့ မဟုတ်ပါဘူးနော်' ပြော ရင်း ပြုံးးနေသည်။ သူငယ်ချင်းက 'ထောက်လှမ်းရေးတော့ မဟုတ်ဘူး၊ အဲဒီထက် ဆိုးတယ်၊ သူက စာရေးဆ ရာ၊ စာရေးဖို့ ကုန်ကြမ်းရှာနေတာဟဲ့' ဟု နောက်လိုက်ရာ သူမက လန့်သွားသည့် အမူအရာနှင့် 'အစ်ကို ကျမ အကြောင်းတွေ ထည့်မရေးပါနဲ့နော်' ဟု တောင်းပန်နေသည်။ ကျနော်က 'မကြောက်ပါနဲ့ ညီမရယ်၊ အစ်ကိုတို့ က ညီမတို့ ဒုက္ခရောက်အောင် လုပ်မယ့်လူစားမျိုးတွေ မဟုတ်ပါဘူး' ဟု ပြောလိုက်မှ သူမ ကြောက်စိတ်ပြေ သွားပုံရသည်။
အပြန်မှာ တံခါးဝအထိ လိုက်ပို့ရင်း 'နောက်လည်း လာခဲ့ဦးနော် အစ်ကို' ဟုပြောကာ ပြုံးပြနှုတ်ဆက်နေသည်။ ဓာတ်လှေကားမှတဆင့် သိမ်ကြီးဈေး အောက်ဆုံးထပ်သို့ဆင်းရင်း သူမပြောပြသည့် ဘ၀အမောတွေကို ပြန် လည်ကြားယောင်နေမိသည်။ ကားပေါ်အရောက်တွင် သူငယ်ချင်းက 'ဘယ်လိုလဲ စာရေးဆရာကြီး၊ အညောင်း အညာတွေ ပြေသွားရဲ့လား' ဟု မေးသည်။
ကျနော်က 'အညောင်းပြေပေမယ့် ခေါင်းပိုကိုက်သွားတယ်' ဟု ကျနော့်အဓိပ္ပါယ်နှင့်ကျနော် ပြောလိုက်ရာ သူ က ဘယ်လိုသဘောပေါက်သွားသည် မသိ၊ ကျနော့်ကို ပြုံးဖြီးဖြီးနှင့် ကြည့်ကာ 'သိပ်မခံစားနဲ့ ဆရာ၊ ခေါင်း ကိုက်ရင်လည်း ပါရာစီတမောသာ သောက်လိုက်' ဟုပြောပြီး ကားကိုစက်နှိုးကာ ဂီယာထိုးလိုက်သည်။ ကား ဘီး စလိမ့်သည်နှင့် သူငယ်ချင်းမသိအောင် ကျနော် သက်ပြင်းရှည်ကြီးတစ်ချက် ခိုးချလိုက်မိလေသည်။
ကိုလတ်
ခေါင်းစဉ်အမည်ကို ကွယ်လွန်သူ အဆိုတော် ထူးအိမ်သင်၏ 'မြို့ပြညများ' သီချင်းစာသားထဲမှ ယူပါသည်။
You received this email because you are subscribed to the real_time feed for http://drlunswe.blogspot.com/feeds/posts/default. To change your subscription settings, please log into RSSFWD.