[ညမီးအိမ်] 25 New Entries: ပထမဆုံး

ပထမဆုံး

ကျွန်တော့်ရဲ့အစ်ကိုကြီး လင်းထက် က တဂ်တော့လဲရေးရဦးမှာပေါ့ဗျာ။ ပထမဆုံးတွေကြီးပဲရေးရမယ်ဆိုပဲ။ အစကတော့လွယ်တယ်ထင်တာ ရေးကာနီးကျမှ ဘာရေးလို့ရေးရမှန်းမသိဖြစ်နေတာ။ ပထမဆုံးတွေကိုပြန်စဉ်းစားရတော့တာပေါ့။ ကျွန်တော့်ရဲ့ပထမဆုံးတွေကတော့ဒီလိုဗျာ…


ပထမဆုံးကမ္ဘာမြေကြီးပေါ်ကိုစရောက်ခဲ့တာ

၁၉၈၆ခုနှစ် ဒီဇင်ဘာလ ၂ရက် မနက် ၄နာရီ

ပထမဆုံးအလိမ်ခံရခြင်း

အသက်ဘယ်လောက်လဲတော့မမှတ်မိတော့ဘူး…တော်တော်တော့ငယ်တယ်။ ကျွန်တော့်လက်ညိုးမှာအကြိတ်လေးကိုခွဲဖို့ဟာကို ဆရာဝန်က ချောကလက်ဆိုပြီးကျွေးတာ စားလဲစားပြီရောအိပ်ပျော်သွားတယ်။ ဆရာဝန်အကျင့်မကောင်းဘူး ချောကလက်ဆိုပြီးလိမ်ကျွေးတယ် ( ငယ်ငယ်ကတည်းကအဲလိုငတ်တာ :D )။ :(

ပထမဦးဆုံးအကြိမ်ကျောင်းပြေးခြင်း

မှတ်မှတ်ရရတစ်ခါတည်းပဲပြေးဖူးတာပါ။ ၇တန်းလောက်ကဖြစ်မယ်။ ကျောင်းပြေးပြီးသူငယ်ချင်းနဲ့ဂိမ်းသွားဆော့တာ (အရင်တုန်းကတော့ ဂိမ်းဂျပိုးဗျ။ အခုမှအင်တာနက်ဂျပိုးဖြစ်နေတာ)

ပထမဦးဆုံးမိသားစုနဲ့လမ်းလျှောက်ထွက်ခြင်း

အဲဒါလေးကိုအခုထိအမှတ်ရနေတုန်းပဲဗျ။ ကျွန်တော်မိသားစုနဲ့မြို့ထဲ (ရန်ကုန်မြို့) ကိုလမ်းလျှောက်ထွက်လာတော့ ရုပ်ရှင်ရုံက ရုပ်ရှင်ရုံကြီးရဲ့နာမည်။ ဝဇီရာကို ကျွန်တော်ဖတ်ချလိုက်တာအိမ်ကလူတွေဝိုင်းရယ်ပါလေရော။ ကျွန်တော်ဘယ်လိုဖတ်လိုက်လဲဆိုတော့ ဝဇီရာကို အိုဇီရာဆိုပြီးဖတ်လိုက်တာဗျ။ သိဘူးလေ ငယ်ငယ်တုန်းကဆိုတော့ ဝလုံးကို အင်္ဂလိပ်စာလုံး အို( O ) လို့ထင်ပြီး အိုဇီရာလို့ဖတ်ပြလိုက်တာပေါ့။

ပထမဦးဆုံးတတ်ခဲ့ဖူးသည့်ကျောင်း

အင်္ဂလိပ်လိုဘယ်လိုပေါင်းလဲတော့မသိ bishop home အဲလိုပဲပေါင်းလားတော့မသိပါဘူး။ အဲဒီမှာ သူငယ်တန်းမတတ်ခင်တုန်းကတတ်ဖူးတယ်ဗျ။ သူငယ်တန်း ကနေ ဆယ်တန်းအထိကတော့ အ.ထ.က (၁) ဒဂုံမှာဗျ။ အဖေကျောင်းကိုလိုက်ပို့တာကို ကျောင်းတတ်ရတာအရမ်းပျော်တဲ့ကျွန်တော် ငိုပြီးတော့အဖေ့ကိုဆဲတာလေ။ ကျွန်တော် ဘယ်လိုဆဲတယ်ထင်လဲ "အဖေေ-ာက်ကောင်မကြီး အဖေေ-ာက်ကောင်မကြီး" ဆိုပြီးတော့ဆဲတာ ငယ်ငယ်တုန်းကဘာမှမသိလို့ဆဲတာ အခုတော့မဆဲရဲပေါင် ငရဲငိုးထဲဇောက်ထိုးကျမယ့်ကိန်း (ငရဲမကျရင်ဆဲမယ်ပေါ့လို့တော့မတွေးနဲ့ အဖေကိုချစ်ပြီးသား ဆဲဘူး)။

ပထမဦးဆုံးအကြိမ်ညမအိပ်ပဲနေဖူးချင်း

အဲဒီနေ့က ကျောင်းမှာ ကျွန်တော်တို့တစ်ကျောင်းလုံး စကျင်ကျောက် (သူတို့တွေကတော့စကျင်ကျောက်ဘုရားလို့မခေါ်ရဆိုပဲ။ သူတို့ဆိုတာသိတယ်နော် ဆက်မပြောတော့ဘူး)ဘုရားပင့်တာကို သွားရမယ်ဆိုလို့တစ်ညလုံးကျောင်းကသူငယ်ချင်းတွေနဲ့မအိပ်ပဲဂိမ်းဆိုင်မှာဂိမ်းထိုင်ဆော့နေတာ မိုလင်းတော့ကျောင်းသွား ကျောင်းကကားနဲ့ဘုရားပင့်တာကိုသွားဖူး။ ပြန်လာတော့ ဂိမ်းထပ်သွားဆော့သေးတယ်။ ဂိမ်းဆိုင်မှာဂိမ်းကစားရင်းနဲ့အိပ်ပျော်သွားလေရဲ့။ ဟီးဟီး ငယ်ငယ်တုန်းကအဲလိုဂိမ်းဆော့ မှတ်တာ ဂိမ်းဆော့လွန်းလွန်း အဖေကအိမ်ကနေတောင်ပေးမထွက်တော့တဲ့အထိဖြစ်ဖူတယ်။

ပထမဦးဆုံးကျွန်တော်ရဲ့အချစ်ရဆုံးချစ်သူ

သူ့နာမည်အရင်းတော့မပြောတော့ဘူး ကျွန်တော်ပေးထာတဲ့နာမည်က "မုသားဖြူ" ဆိုပြီးတော့ပါ။ သူနဲ့စတွေ့တာက ၂၀၀၄ခုနှစ် အောက်တိုဘာလ ၂၃ရက်နေ့မှာ လှည်းတန်းအင်္ဂလိပ်စာသင်တန်းမှာ…အဲဒီနေ့ကသူကကျွန်တော့်အရှေ့မှာထိုင်တယ်ဗျ။ ကျွန်တော်သူ့အနောက်မှာပေါ့ဗျာ။ သူ့ကိုစတွေ့တွေ့ချင်ကတည်းက နောက်ကျောလေးပဲစတွေ့တွေ့ချင်းကတည်းက စိတ်ဝင်စားခဲ့တာဗျ။ အဲဒါနဲ့နောက်နေ့သင်တန်းလာတော့ သူနဲ့ရင်းနှီးအောင်(သူငယ်ချင်းတွေအကူအညီနဲ့)လုပ်တာတာပေါ့ဗျ။ ဒီလိုနဲ့ရင်းနှီးလာပြီး ၂၀၀၆ခုနှစ် ဧပြီလ ၃၀ရက်နေ့မှာ သူ့ကိုဖွင့်ပြောပြီး သူမနဲ့ကျွန်တော် ချစ်သူတွေဖြစ်ခဲ့ကြတယ်။ ဒီလိုနဲ့တွဲလာရင်းဘာမှမကြာလိုက်ပါဘူး ၂၀၀၆ခုနှစ် စက်တင်ဘာလ ၂၉ ရက်နေ့မှာ သူမ ကျွန်တော့်ကိုထားသွားတယ်။ (ကျွန်တော်တို့၂ယောက်အကြောင်းအပြည့်အစုံမရေးထားပါ။ ဒါလေးကိုတောင် သူ့ခွင့်ပြုချက်မတောင်းပဲတင်လိုက်တာ။ သူမနဲ့ကျွန်တော့်အကြောင်းစုံစမ်းမေးမြန်းခြင်းသည်းခံပါ။) ဒါပေမယ့်လဲပေါ့ဗျာ ကျွန်တော်ကတော့ သူမ ကိုအခုထိချစ်နေစဲပါ။ ဒီစာလေးကို သူမ ဘယ်တော့မှဖတ်ဖြစ်မှာလဲမဟုတ်ပါဘူးဗျာ။ ကျွန်တော်ပို့ထားတဲ့မေးလ်တွေတောင်မဖတ်တာ။ သူမ ကျွန်တော့်ကိုဘာလို့ထားသွားလဲဆိုတာတော့ ယနေ့အချိန်ထိ ကျွန်တော်သေသေချာချာရေရေရာရာ မသိသေးဘူးဗျာ။ ကျွန်တော်ရဲ့ညံ့ဖျင်းမူ့ကြောင့်လဲပါမှာပေါ့။ တော်ပြီဗျာ ဒီအကြောင်းအရာရေးနေတာနဲ့လမ်းချော်ပြီး တော်တော်တောင်ရှည်နေပြီ။

ပထမဆုံးချစ်သူအနမ်း

ဘယ်နေ့လဲတော့မမှတ်မိတော့ဘူး။ သူနဲ့ကျွန်တော်နဲ့က ချိန်းတွေ့ရင်အမြဲ ကန်တော်ကြီးပဲသွားတယ်ဗျ။ မျှော်စင်ကျွန်းခေါ်မလားအဲဒီနားကသစ်ပင်လေးက ကျွန်တော်တို့နှစ်ယောက်ရဲ့အမှတ်တရလေးပေါ့။ အခုတော့ ကျွန်တော်တစ်ယောက်တည်းအတွက်အမှတ်တရလေးပေါ့။ ခေါင်းစဉ်အတိုင်းနမ်းပဲနမ်းတာနော် တူများတွေလိုဘာမှလုပ်ဘူး :D တကယ်ပြောတာ။

ပထမဆုံးမိသားစုနဲ့ခွဲခွာရခြင်း

အဲဒါကတော့ကျွန်တော် ၁၀တန်းအောင်ပြီးတော့ ကျွန်တော်တို့ သူငယ်ချင်းတစ်အုပ်လုံး GTC လျှောက်ကြမယ်ဆိုပြီးလျှောက်ကြတာ။ ၂ယောက်ပဲပါသွားတယ်ဗျာ ကျွန်တော့်သူငယ်ချင်းတစ်ယောက်ရယ် ကျွန်တော်ရယ်ပေါ့။ ကျွန်တော့်သူငယ်ချင်းက မော်ဘီ GTC ကျွန်တော်က ဝါးခယ်မ GTI အဲဒီမှာစတာပဲ။ မိသားစုနဲ့ပထမဆုံးခွဲရခြင်းပဲ။ ကျွန်တော်အစကတော့ကျောင်းမှန်မှန်တတ်သေးတယ်။ နောက်တော့ ကျောင်းနဲ့အဆောင်နဲ့ကအရမ်းဝေးတယ်ဗျ အဆောင်ကနေကျောင်းသွားရင်အရှေ့တည့်တည့်နေထိုးတယ်။ ကျောင်းကနေ အဆောင်ပြန်တော့ နေဝင်တော့လဲ ကိုယ့်အရှေ့တည့်တည့်မှာက နေ။ အဲဒါနဲ့ နောက်ပိုင်းကျောင်းတွေပျက်လာတယ်ဗျ။ သူများတွေကျောင်းသွားတဲ့အချိန် ကျွန်တော်ကအိပ်တုန်း နိုးလာရင်တစ်ယောက်တည်းလက်ဖက်ရည်ဆိုင်ထိုင် ပြီးရင်အဆောင်ပြန် ဂီတာလေးတီးနဲ့ အင်းးးးးးးးစာမေးပွဲကြီးလဲနီးရော ကျောင်းခေါ်ချိန်မပြည့်လို့ စာမေးပွဲဖြေခွင့်အပိတ်ခံလိုက်ရလေရဲ့။ ဒါနဲ့ပဲဖျာလိပ်ပြီး ရန်ကုန်မှာပဲ အဝေးသင်ယူနေတယ်ဗျ။ ရန်ကုန်မှာရောဖြစ်လားဆိုတော့ အခုထိ first year မအောင်သေးဘူး။ အိမ်ကမိဘတွေကိုလဲသနားပါတယ်။ ကျောင်းဆိုတာကြီးကိုမတတ်ချင်တော့တာလဲပါတယ်။ ငယ်ငယ်ကစာမကျေခဲ့တာလဲပါမယ်ထင်တယ်။ အခုဆိုစာနဲ့ပတ်သက်ပြီးဘာမှမသိတော့ဘူး။

ပထမဦးဆုံးအလုပ်လုပ်ဖူးခြင်း

အလုပ်စလုပ်တာကတော့ ကျွန်တော်ဦးလေးဖွင့်ထားတဲ့ ကွန်ပြူတာဆိုင်မှာဗျ။ အဲဒီတုန်းကဘာမှမလုပ်တတ်ဘူး အလုပ်သင်နဲ့စလုပ်တာ…အဲဒီမှာ ကိုယ့်ဟာကိုယ်တဖြည်းဖြည်းလေ့လာရင်းနဲ့ hardware ပိုင်းကိုနည်းနည်းလေး(နည်းနည်းဆိုတကယ့်နည်းနည်း)နားလည်လာတယ်။ အဲဒီနောက်ပိုင်းမှ အခုလုပ်နေတဲ့ အင်တာဆိုင်မှာ တစ်ညလုံးမအိပ်ပဲထိုင်သုံးရင်းနဲ့ဘလောခ်စလုပ်ဖြစ်လာတယ်။

ပထမဦးဆုံးဘလောခ်စရေးခြင်း

ကျွန်တော်ဘလောခ်ကိုဘယ်အချိန်စရေးလဲဆိုတော့ ၂၀၀၈ခုနှစ် ဖေဖော်ဝါရီ ၂၅ရက်ကဗျ။ အဲဒီတုန်းက ညမီးအိမ်နာမည်နဲ့မဟုတ်သေးဘူးဗျ။ အဲဒီဆိုဒ်လေးလုပ်ပြီး password ချိန်းလိုက်တာ ပြန်ဝင်လို့မရတော့တာနဲ့ အခုနာမည် ညမီးအိမ်ဆိုပြီးဖြစ်လာတာပါ။ ကျွန်တော်ညမီးအိမ် ပထမဆိုဒ်လေးက http://www.nyameeeain.page.tl ပါ။ အဲဒီဆိုဒ်လေးလုပ်တုန်းက ကိုလင်းထက် ကြီးရယ် ကျွန်တော်ရယ်ပေါ့ page.tl မှာတိုင်တွေပတ်နေတာ။ နောက်ပိုင်းမှာ မအိမ်လေး နဲ့ရင်းနှီးတယ်ဗျ သူက ဘလောခ်စပေါ့ မှာလုပ်ပါလားဆိုပြီးကျွန်တော့်ကိုဘလောခ်လုပ်ပေးတယ်ဗျ။ ကျွန်တော်က မလုပ်ချင်သေးဘူး page.tl လေးကိုသံယောဇဉ်ကမပြတ်ဖူး။ အဲဒီဆိုဒ်လေးလုပ်နေရင်းနဲ့ အိမ်မက်မည်းကြီး ကိုဦးက ညီတို့ဆိုဒ်မှာ မြန်မာလို ကောမန့်ပေးလို့မရဘူးတဲ့။ အဲဒါနဲ့ကျွန်တော်ရယ် ကိုလင်းထက် ကြီးရယ် ရွာလည်နေသေးတယ်ဗျ (ကိုကြီးလင်းထက်ရဲ့အရင်ဆိုဒ်လေး)။ အဲဒါနဲ့မထူးပါဘူးဆိုပြီး သူရယ်ကျွန်တော်ရယ် ဘလောခ်စပေါ့လေးလုပ်ဖြစ်သွားတာပါ။ ဪ မေ့လို့ ကိုသားဖြိုး (ကဗျာလွယ်အိပ်) လဲပါတယ်ဗျ သူလဲကျွန်တော့်ကိုအများကြီးကူညီခဲ့တယ်။ ကျွန်တော်ဆရာတွေပေါ့ဗျာ။ ကျွန်တော့်ဆရာတွေထဲမှာ ကိုမျိုး လဲပါသဗျ။ သူကတော့ ကျွန်တော်ကိုစကားတွေနဲ့ဆုံးမတာပေါ့ဗျာ။

ပထမဦးဆုံးရောက်ဖူးသည့်ဘလောခ်

ကျွန်တော်ပထမဦးဆုံးရောက်ဖူးတာ မနိုင်းနိုင်းစနေ ဘလောခ်ဗျ။ သူ့ဘလောခ်လေးကိုစစဖတ်တုန်းကအရမ်းကြိုက်ခဲ့တာ အခုထိလဲကြိုက်တုန်းပဲ မနိုင်းနိုင်းစနေ က စာအရေးအသားအရမ်းကောင်းတဲ့ဘလောခ်ဂါတစ်ယောက်ပါ။

ပထမဦးဆုံးစရေးဖူးတဲ့ဖိုရမ်

ကျွန်တော်ဖိုရမ်တွေတော်တော်များများရောက်ဖူးတယ်ဗျ။ အကောင့်သာလုပ်ထားတာတစ်ခါမှဝင်မရေးဖူးဘူး။ တစ်နေ့ ကျွန်တော် google မှာ မြန်မာ ဆိုပြီးရိုက်ထည့်ရှာလိုက်တာလားမသိဘူး ဖိုရမ်တစ်ခုတွေ့တယ်ဗျ။ အဲဒီဖိုရမ်ထဲဝင်ဖတ်ပြီးတော်တော်သဘောကျသွားတယ်။ နည်းပညာတွေကြီးပဲရေးတဲ့ဖိုရမ်ဆိုတော့ အဲဒါနဲ့အကောင့်လုပ် မိတ်ဆက်မှာဝင်ရေးပြီးအဲဒီမှာလဲ သူငယ်ချင်းတွေတော်တော်များများရသွားပါတယ်။ အခုဆိုရင်ကျွန်တော်က အဲဒီဖိုရမ်မှာ project moderator ဖြစ်နေပြီဗျ( ကြွားတာမဟုတ်ပါ…တကယ်တော့ကြွားတာ :P )။ ကျွန်တော်ပထမဆုံးဝင်ရေးဖူးတဲ့ဖိုရမ်နာမည်က
MYSTERYZILLION ပါ။ MYSTERYZILLION ဟာအခုဆိုရင်ဖြစ် အွန်လိုင်းမှာ နည်းပညာနဲ့ပတ်သက်ပြီး စာသင်ကျောင်းဖွင့်လှစ်ထားပါတယ်။ ဆိုဒ်စတင်တာမကြာသေးတဲ့အတွက်သင်ခန်းစာတွေစုံသင့်သလောက်တော့မစုံသေးပါဘူး။ အဲဒီဆိုဒ်နာမည်ကတော့ http://edu.mysteryzillion.org ပါ။ MYSTERYZILLION နောက်တစ်ခုပေးထားတာကတော့ http://mzblog.net ပါ။ အဲဒီမှာအကောင့်တစ်ခုဆောက်ပြီးအလွယ်တကူဘလောခ်ရေးနိုင်ပါတယ်။ Wordpress နဲ့ပေးထားတာပါ။

ပထမဆုံး tag ခံရခြင်း

ကျွန်တော်ဘလောခ်ရေးတဲ့သက်တမ်းတစ်လျှောက်မှာကျွန်တော်ကိုပထမဦးဆုံး tag တာကတော့ ကင်ကင်ဆိုတဲ့ ကလေးလေးဗျ။

တော်ပြီဗျာဘာဆက်ရေးရမှန်းလဲမသိတော့ဘူး။ စာလဲတော်တော်ရှည်သွားပြီ ဖတ်ရတဲ့သူလဲတော်တော်ကိုပျင်းသွားပြီထင်တယ်။ စိတ်ရှည်လက်ရှည်ဖတ်ပေးတဲ့အတွက်ကျေးဇူးတင်ပါတယ်ဗျာ။
ကဲတဂ်ကြတယ်ဆိုတော့ ကျွန်တော်လဲဘယ်သူ့ကိုတဂ်ရမလဲစဉ်းစားလိုက်တော့တွေ့ပြီဗျာ ညမီးအိမ်ကိုတဂ်လိုက်ပါတယ်။ ကဲညမီးအိမ်ရေ ရေးပေးတော့… :D
ဘယ်သူမှအတဂ်မခံရဘူးဆိုပြီးပျော်မနေကြနဲ့ဗျို့။ ကဲတကယ်တဂ်ပြီ ရေးကြတော့…

ကိုထွက်ပေါက်ကြီး(exiter)
ဂျစ်ပစီ(ပြည့်စုံ)

ကင် ဆိုတဲ့ ကလေးလေး

ကျွန်တော်တဂ်မယ့်လူစာရင်း ၂ယောက်ထပ်တိုးလိုက်ပါတယ်။
ကိုဒီဘီအေကြီး
ကိုတွီတီ

ညမီးအိမ် nyameeeain21286@gmail.com http://www.nyameeeain.blogspot.com

စိတ်ကောင်းလေးထားခဲ့ရင်

ဟိုတစ်နေ့က ကျွန်တော့်သူငယ်ချင်း စေတန် ရဲ့ဘလောခ်ကိုဖတ်ရင်း မြန်မာနိုင်ငံက Virus ရေးတဲ့သူတွေအကြောင်းတွေးရင်းနဲ့ဒေါသတော်တော်ထွက်လာတယ်။ စေတန်ရေးထားတဲ့ပိုစ်ကို ဒီမှာ သွားဖတ်ကြည့်ပါ။ ကျွန်တော်ခံလိုက်ရလို့တော့မဟုတ်ဘူးဗျာ။ သာမန် User တွေအတွက် မခံမရပ်နိုင်လို့အခုပိုစ်အနေနဲ့ရေးလိုက်တာပါ။ သူတို့အဲလိုရေးလိုက်တော့သူတို့မှာဘာအကျိုးအမြတ်ရသွားလဲ? ဘာတွေကြည်နှုးမှု့ရသွားလဲ? သူတို့အတွက်ဘာတွေရသွားလဲတော့မသိဘူး။ သူတို့လုပ်ထားတာကို ဖြေရှင်းတတ်တဲ့သူတွေဆိုအကြောင်းမဟုတ်ဘူးဗျာ။ ကွန်ပျူတာနဲ့ပတ်သက်ပြီးအလုပ်လုပ်နေကြတဲ့ သာမန် User တွေအတွက်နည်းနည်းလေးတော့သူတို့စဉ်းစားပေးသင့်တယ်။ အဲဒီ Virus အထိခံရတဲ့ သာမန် User တွေဆိုရင် အဲဒီအတွက် အချိန်တွေအလကားကုန်မယ်။ သူတို့မလုပ်တတ်လို့ services ဆိုင်တွေပို့ရလို့ ငွေကုန်ဦးမယ်ဗျာ။ ဒီဘာမဟုတ်တဲ့သူတို့ရဲ့ Virus ရေးတဲ့ ရည်ရွယ်ချက်နဲ့ လူတွေတော်တော်ဒုက္ခရောက်ကျတယ်ဗျာ။ တခြားနိုင်ငံတွေတော့မသိဘူး။ မြန်မာနိုင်ငံမှာ သူတို့ရေးခဲ့တဲ့ HappyBirthday Virus(ကျွန်တော့်အထင်) တို့ One Missed Call(ဒါကတော့သေချာတယ်မြန်မာနိုင်ငံက) တို့ထိပြီးတော်တော်ဒုက္ခရောက်ကျတာတွေ့ရတယ်။ အဲလိုသူများဒုက္ခရောက်တာကို အဲဒီရေးတဲ့သူတွေက ပျော်နေကြတာလား? လူတွေဒုက္ခရောက်မှစားဝင်အိပ်ပျော်ကြတာလား? စေတန်ပြောခဲ့တဲ့စကား "ဒါပေမယ့် အကျင့်ယုတ်တဲ့ မြန်မာတွေ ဆက်ပြီး စိတ်ဓာတ်မပျက်စီးချင်လို့ ကျွန်တော် ပြောတာ။ အခုချိန်မှာ လမ်းမမှားသေးဘူး။ လမ်းမှန်ပြန်လျှောက်ပါ။ virus ရေးတာ ဖျက်စီးရတာ ဂုဏ်ယူစရာမဟုတ်သလို လူအထင်ကြီးတဲ့အရာလည်း မဟုတ်ဘူးဗျာ…" စေတန် ပြောသလိုလမ်းမှန်ပြန်လျှောက်နိုင်ရင် တော်တော်ကြီးကောင်းမှာပဲဗျာ။ ကိုယ်နိုင်ငံကိုဘာတွေကောင်းအောင် အကျိုးပြုမယ်စိတ်မကူးဘူး ဘယ်လိုဖျက်စီးရမလဲဘဲ စိတ်ထဲမှာတွေးနေကျလားမသိပါဘူးဗျာ။

ညမီးအိမ် nyameeeain21286@gmail.com http://www.nyameeeain.blogspot.com

ကလေးတစ်ယောက်ရဲ့ပူဆာခြင်း

ကျွန်တော့်ကို ကလေးလေး တစ်ယောက်က tag ထားတယ်ဗျာ။ :P မရေးချင်ပါဘူးဆိုမှအတင်း tag တော့လဲ ကလေးလေး စိတ်တိုင်းကျရေးပေးလိုက်ပါတယ်။

ကိုယ့်ရဲ့နာမည်------------------------------------ညမီးအိမ်
ကိုယ်ကိုသူငယ်ချင်းတွေကဒီလိုခေါ်တယ်-------------ဘယ်လိုခေါ်တယ်ထင်လဲ
ကိုယ်ဒီမှာနေတယ်--------------------------------ဟုတ်တယ် ကျွန်တော်ဒီမှာနေတယ်။
ကိုယ့်ဆီဖုန်းဆက်ချင်ရင်---------------------------ခလုတ်တွေနှိပ်ရမယ်
ကိုယ့်ရဲ့အကြိုက်ဆုံးတွေက
အရောင်ဆိုရင်------------------------------------အနက်ပေါ်မှာအဝါတောက်တောက် :P
အ၀တ်အစားဆိုရင်--------------------------------ဝတ်မှာပေါ့
အစားအစာဆိုရင်---------------------------------ပါးစပ်နဲ့စားတယ်
ပစ္စည်းဆိုရင်--------------------------------------ကီးဘုတ်(သူမရှိရင်ဒီစာတွေရိုက်လို့မလွယ်)
သီချင်းဆိုရင်--------------------------------------ပါးစပ်နဲ့ဆိုရတယ်
စာရေးစာဆရာ------------------------------------ညမီးအိမ် :P
စာအုပ်-------------------------------------------အမှောင်ထဲကမီးအိမ်တစ်လုံး :P
Life style----------------------------------------မဂ္ဂဇင်း :D
ကိုယ့်ရဲ့ဝါသနာ------------------------------------အင်တာနက်သုံးတယ်
အလိုချင်ဆုံးလက်ဆောင်----------------------------ပေးတာကိုတန်ဖိုးထားရမှာပေါ့
ကိုယ့်ရဲ့ အချစ်ဆုံးသူက-----------------------------အဖေနဲ့အမေ
ကိုယ့်ရဲ့ အလေးစားဆုံးသူက-------------------------မိဘနှစ်ပါး
ကိုယ့်ရဲ့ အခင်ဆုံးသူငယ်ချင်းက----------------------ပြောပြလဲသိမှာမဟုတ်ပဲနဲ့
ကိုယ့်ကို အများဆုံးနားလည်မှုပေးနိုင်သူက-------------မရှိဘူးထင်တယ်
ကိုယ့်ရဲ့ အမုန်းဆုံးသူက-----------------------------မရှိဘူး
ရင်အခုန်ဆုံးအချိန်---------------------------------လန့်သွားတဲ့အချိန်ဖြစ်မှာပေါ့
အကြောက်ဆုံးအချိန်--------------------------------အားငယ်နေတဲ့အချိန်
အပျော်ဆုံးအချိန်-----------------------------------လိုချင်တာရတဲ့အချိန်
အမှတ်တရနေ့-------------------------------------ဆိုတာကိုစဉ်းစားတိုင်းရင်နာတယ်
ဆုတောင်းတိုင်းသာပြည့်မယ်ဆိုရင်တောင်းမဲ့ဆု--------လိုချင်တာ"တ"တိုင်းရပါစေ
အချစ်ဆိုတာ--------------------------------------တစ်ယောက်တစ်မျိုးခံယူကြတာပဲ
အမုန်းဆိုတာ--------------------------------------မရှိ
အလွမ်းဆိုတာ-------------------------------------မကောင်းဘူး
သံယောဇဉ်ဆိုတာ---------------------------------ထားတိုင်းမကောင်း
ဘ၀ဆိုတာ----------------------------------------နာမှကောင်းတယ်
သံသရာမှာကျင်လည်နေတာပေါ့---------------------သိဘူး
သူငယ်ချင်းဆိုတာ---------------------------------ဆိုးတူကောင်းဘက်
ချစ်သူဆိုတာ-------------------------------------သစ္စာရှိရှိယုံယုံကြည်ကြည်နဲ့ချစ်နေရင်
ကိုယ့်ကိုကိုယ်ဒီလိုထင်တယ်------------------------အခုလောလောဆယ်တော့ဘယ်လိုမှမထင်
ကိုယ့်ရဲ့လက်ဆွဲဆောင်ပုဒ်က-----------------------'ကိုယ်တကယ်လုပ်မကြည့်သေးပဲနဲ့
ကျွန်တော်လုပ်မရဘူးလို့ဘယ်တော့မှမပြောနဲ့'
အပြောချင်ဆုံးစကားတစ်ခွန်း-----------------------အပေါ်ကစာသားပဲ

ကလေးလေးရေ ကိုကြီးဖြေထားတယ်နော်။ ဟီးဟီး ပေါက်ကရတွေကြီးပဲ ဖြေပေးထားတယ် :P ကလေးလေးဆိုတာဘယ်သူလဲသိချင်ရင်အဲဒီအပေါ်ကိုနှိပ်ကြည့်ဗျ။ သူကတော့သူ့ကိုယ်သူ 'မမ' လို့ပြောတာပဲ :D နောက်တာပါ အမှန်တော့သူနဲ့ကျွန်တော်ကအသက်သိပ်မကွာဘူး( သူပြောတာပဲ :D )။

ညမီးအိမ် nyameeeain21286@gmail.com http://www.nyameeeain.blogspot.com

Mystery Zillion ကတော့လုပ်ချလိုက်ပြန်ပြီ

ကျွန်တော်တို့အရင်သုံးနေတဲ့ wordpress လိုမျိုး အခု MZ မှ MZblog.net ဆိုတဲ့ဒိုမိန်းနဲ့ ဝန်ဆောင်မူ့ပေးနေပါပြီ။ User တစ်ယောက်ဆီအတွက် 1GB ပမာဏပေးထားပါတယ်။ ဘာတွေကွာခြားသွားသလဲဆိုတော့ ကျွန်တော်သိသလောက်တော့။ MZblog.net မှာ ကိုယ်ကြိုက်သော Theme များကိုထပ်တင်လို့ရပြီး(အခုရတော့ဘူး သူပြင်ထားတယ်ဗျ။ plugins တွေတော့အများကြီးပေးထားပါတယ်) CSS ကုဒ်ကိုပြင်လို့ရပါတယ်။ နဂို wordpress မှာအဲဒါတွေမရဘူးထင်တယ်(ကျွန်တော်စမ်းကြည့်တာမရ)ဗျ။ ကျွန်တော်ကတော့ wordpress ပေးထားတဲ့လုပ်ပိုင်ခွင့်ထပ်နည်းနည်းပိုလာလို့ ပိုသဘောကျတယ်ဗျ။ ဘာပဲပြောပြော MZblog.net မှာ အကောင့်လုပ်ထားရင်မမှားဘူးထင်တယ်ဗျ။

ညမီးအိမ် nyameeeain21286@gmail.com http://www.nyameeain.blogspot.com

blogspot တွင် ကိုယ်ပိုင်ဒိုမိန်း ရှိပြီး comment ဘန်းခံထားရင်

ဒီနေ့တော့ ကျွန်တော့်အစ်ကိုကြီး ကိုလင်းထက် ပေးတဲ့ http://trick-blog.blogspot.com ဆိုတဲ့ ဘလောခ်လေးကို လေ့လာနေတာ ကျွန်တော်အတွက်တော့အကျိုး ( ပစ္စည်း အကျိုးအပဲ့မဟုတ် :P ) အရမ်းရှိတယ်ဗျ။ ကျွန်တော်ရဲ့ဘလောခ်ဂါ အစ်ကို အစ်မတွေ အတွက်လဲအကျိုးရှိမယ်လို့ထင်လို့ဒီပိုစ်လေးကိုတင်လိုက်တာပါ။ သိပြီးသား အစ်ကို ၊ အစ်မ များခွင့်လွှတ်ပေးကြပါ။ သူရေးထားတဲ့ပိုစ်က ဒီမှာ ပါ။

ကျွန်တော်ဒီပိုစ်လေးကိုဘာလို့တင်ထားလဲဆိုတော့ ကျွန်တော်ဘလောခ်လိပ်စာလေးကို http://www.nyameeeain.co.cc လို့ပြောင်းထားတာ မြန်မာနိုင်ငံက လူတိုင်း ဝင်ကြည့်လို့ရအောင်ပါ။ ကျွန်တော်ဟိုစမ်းဒီစမ်းနဲ့ လိုက်ကြည့်တော့ comment ပေးချင်ရင် denied ဖြစ်နေရော comment ပေးချင်ရင်ကျော်ဖွင့်မှရမှာဆိုတော့ မဟုတ်သေးဘူးပေါ့။ ဒါနဲ့ သူ့ဆိုဒ်လေးကိုတွေ့မှအဆင်ပြေသွားတယ်ဗျ။

အခုကျွန်တော်က ကျွန်တော်ဘာသာစမ်းပြီး ပြန်ရေးခြင်းဖြစ်ပါတယ်။

ပထမဦးဆုံး ကျွန်တော်တို့ http://www.blogger.com ထဲကိုအရင်ဝင်ပါ။ ပြီး Setting==>Comment မှာ Comments Default for Posts ဆိုတာရဲ့ box ကို New Post Do Not Have Comments ကိုပြောင်းပြီး Save Settings ကိုနှိပ်ပြီး Save မှတ်ပါ။

အဲဒီအဆင့်ပြီးရင်တော့ http://www.intensedebate.com အဲဒီဆိုဒ်ကိုသွားပြီး အကောင့်အသစ် Sign-Up လုပ်ပါ။ အကောင့်အသစ်ဖွင့်ပြီးရင် Dashboard ကိုနှိပ်ပါ။ ပြီးရင် Manage blogs: ဆိုတာရဲ့ဘေးက Install Intense Debare Now! ဆိုတာကိုနှိပ်ပါ။ အဲဒီမှာ Enter your blog URL: ဆိုတဲ့နေရာမှာကိုယ့်ဘလောခ်လိပ်စာကိုထည့်ပါ။ Get Intense Debate ကိုနှိပ်ပါ။ အဲဒီမှာသူက ဘယ်ဟာအတွက်သုံးမှာလဲမေးပါမယ်။ blogger အတွက်လား wordpress အတွက်လားစသဖြင့်မေးပါမည်။ ကျွန်တော်ကတော့ blogger အတွက်မို့ blogger ကိုရွေးလိုက်ပါတယ်။ အဲဒီမှာထပ်ရွေးရပါမယ်။ Widget လုပ်မှာလား ။ Template မှာတခါတည်းထည့်မှာလားရွေးရပါမယ်။

Widget လုပ်ရင်တော့လွယ်ပါတယ်။ Template ရွေးရင်တော့နည်းနည်းရှုပ်တယ်ဗျ။ အခုကျွန်တော် Widget နဲ့လုပ်တာပဲပြောတော့မယ်ဗျ။ Widget ကိုနှိပ်လိုက်ပါ။ နံပါတ် (၁) to (၃) က ကျွန်တော်အပေါ်မှာပြောခဲ့တဲ့ဟာပါ။ နံပါတ် (၄)က ရွေးချယ်စရာ ၂ခုရှိတယ်ဗျ။ All new posts (Recommended) ကိုရွေးရင် အခုနောက်တင်မယ့်ပိုစ်တွေကို အခု လုပ်ထားတဲ့ comment ပုံစံပြောင်းပါမယ်။ On all blog posts ကိုရွေးရင်တော့ ကိုယ့်ဘလောခ်မှာရှိသမျှပိုစ်တွေကို သူ comment ပုံစံချိန်းတာပါ။ အဲဒီဟာကိုရွေးရင်တော့ အရင် blogger မှာပေးထားတဲ့ comment တွေအကုန်ပျောက်ကုန်ပါမယ်။ ပျောက်ကုန်တာပါ မပျက်ပါဘူး။ ကျွန်တော်အနေနဲ့ပြောချင်တာကတော All new posts (Recommended) ကိုရွေးစေခချင်တယ်ဗျ။ ပြီးရင် Add intense Debate to my blog ကိုနှိပ်လိုက်ပါ။ ဒါဆိုရင် blogger ပြန်ပွင့်လာပြီးရွေးခိုင်းပါမယ်။ သင်ဟာ ဒီမေးလ်တစ်ခုထဲနဲ့ဘလောခ်တွေအများကြီးလုပ်ထားရင်အဲဒီထဲမှ ကိုယ်လုပ်ချင်တာတစ်ခုကိုရွေးပြီး Add Wigdet ကိုရွေးပါ။ ဒါဆိုရင်ရပါပြီ။

မကောင်းတာတစ်ခုက ကွန့်မန့်တွေက blogger ထဲမရောက်တော့ပဲ သူ့ဆိုဒ်မှာပဲဗျ။ အဲကောင်းတာတစ်ခုက ဘယ် ip ကနေ comment ပေးတာလဲဆိုတာပါ ပြထားတယ်ဗျ။ ဒါပေမဲ့လဲလေ ဘာမှတော့လုပ်လို့မရဘူးပေါ့ :D ။

မရှင်းတာများရှိရင် comment မှာမေးနိုင်ပါတယ်ဗျာ။ ကျွန်တော်အတတ်နိုင်ဆုံးပြန်ဖြေပေးပါ့မယ်။

Wininit.exe ဆိုတဲ့ ဗိုင်းရပ်သတ်မယ်

ko-edit ကမေးလာလို့ပိုစ်အဖြစ်နဲ့တင်လိုက်တာပါ။

ပထမအဆင့်

Wininit.exe ဗိုင်းရပ်စ်ကိုစသတ်တော့မယ် ဆိုရင် အရင်ဆုံးဒီ Autoruns.exe ဆော့ဖ်ဝဲလ်လေးကို အရင်ဖွင့်ပါ။ အဲဒါလေးပေါ်လာရင် Wininit.exe run ထားတာကိုရှာပါ။ တွေ့ရင် delete နဲ့ဖျက်ပါ။

ဒုတိယအဆင့်

Task Manager(ctrl+alt+del) နှိပ်ပါ။ အဲဒီကတဆင့် processes ကိုနှိပ်ပါ။ အဲဒီအောက်မှာ Wininit.exe run နေတာကို End Process ပေးလိုက်ပါ။ Yes (or) No မေးရင် Yes ရွေးလိုက်ပါ။

တတိယအဆင့်

My Computer (window+e နဲ့နှိပ်ဖွင့်ပါ) Tools အောက်က Folder Option ကို နှိပ်ပါ။ Folder Option Box ပေါ်လာရင် View ကိုသွားပါ။
အဲဒီမှာ Show Hidden Files and Folder ကို ရွေးပါ။ အောက်နည်းနည်းထပ်ဆင်းပါ။
Hide Protected Operating System File (Recommended) ကိုအစကို အစိမ်းလေးပေးထားတာတွေ့ပါမယ်။ ပိတ်လိုက်ပါ။ ပိတ်လိုက်ရင် Yes (or) No မေးပါမယ်။ Yes ရွေးပါ။ အဲဒါတွေပြီးရင် C:\WINDOWS အောက်မှာ autorun.inf ဆိုတာတွေ့ပါမယ် shift+del နဲ့ဖျက်ပါ။ ပြီးသွားရင် C:\WINDOWS\system32 အောက်မှာ ၀င်နေတဲ့ Virus Wininit.exe ကိုရှာကြည့်ပါ။ တွေ့ရင် shift+del ထပ်ဖျက်ပါ။

နောက်ဆုံးအဆင့်

Window+R ကိုနှိပ်ပါ။ Box ထဲမှာ regedit လို့ရိုက်ထည့်ပါ။ Registry Editor ပေါ်လာပါမယ်။ ပေါ်လာရင် Ctrl+F(Find...) နှိပ်ပါ အဲဒီ box မှာ ၀င်နေသော Virus Wininit.exe ကိုရိုက်ထည့်ပြီးရှာပါ။ အဲဒီ Virus ၀င် run ထားတဲ့ နေရာတွေကိုရှာပြီးပြပါမယ်။ ရှာလို့တွေ့ရင်ဖျက်ပါ။ ဖျက်ပြီးရင် F3 (Find Next)ကီးကိုနှိပ်ပါ။ Virus ၀င် run ထားတဲ့နေရာနောက်တစ်ခုကိုရှာပါမယ်။ တွေ့ရင်ဖျက်ပါ။ အဲလိုပဲ F3 ကိုနှိပ်ပြီးမကုန်မချင်ဖျက်ပါ။ အဲဒီအဆင့်ထိပြီးရင်တော့ Virus သေသွားပြီလို့ထင်ပါတယ်။ ကွန်ပြူတာပုံမှန်ဟုတ်မဟုတ်သိချင်ရင်တော့ restart လုပ်ကြည့်ပေါ့ဗျာ။

သတိထားရန်မှာ တွေ့သမျှဖျက်ဆိုပင်မယ့် ကျွန်တော်တို့ အခုတလော ၀င်ဖူးတဲ့ svchost.exe ဆိုတာမျိုးဆိုရင်တော့ ကြည့်ဖျက်သင့်ပါတယ်။ svchost.exe ဆိုတာအမှန်တကယ်တော့ system ဖိုင်ပါ။ Virus ကထင်ယောင်ထင်မှားဖြစ်အောင် svchost.exe ဆိုပြီး run နေပါတယ်။ svchost.exe ဆိုပြီး ဘယ်ဟာ Virus လဲဆိုတာက Task Manager ခေါ်ပြီး Processes ခေါ်လိုက်ရင် User Name ကိုနှိပ်လိုက်ရင် system အလိုက်စီသွားတယ်။ အဲဒီမှာ svchost ဆိုတဲ့ကောင်က ကျွန်တော်တို့ window တင်တုန်းကနာမည်ပေးထားတဲ့ နေရာမှာ run နေတာပါ။ အဲဒီမှာ svchost.exe run နေရင် Virus ပဲ။

အဲဒီ Wininit.exe ဗိုင်းရပ်စ်သတ်နည်းကိုလဲ ဒီမှာ ရေးထားတာတွေ့ပါတယ်။

မှတ်ချက်။ ။ Virus တော်တော်များများ ဒီနည်းနဲ့သတ်လို့ရပါတယ်။ Virus နာမည်လေးသာသိရင်သတ်လို့ရပါတယ်။

အလင်းရောင်ကိုတွေ့ရှိခြင်း

ကျွန်တော်စိတ်ညစ်နေတုန်း အင်တာနက်ပေါ်မှာ ဟိုလျှောက်ကြည့် ဒီလျှောက်ကြည့်နဲ့ Google
မှာလျှောက်ရှာရင်း အရမ်းစိတ်ဝင်စားစရာကောင်းတဲ့ ဆိုဒ်နှစ်ခုတွေ့တယ်ဗျ။

ပထမဆုံး ရောက်သွားတာက Mysteryzillion ဆိုတဲ့ ဖိုရမ်ဗျ။ အဲဒီမှာတော့ နည်းပညာနဲ့ပတ်သက်ပြီးအစုံပဲဗျာ။ ကျွန်တော်ရောက်သွားတော့ တော်တော်ပျော်သွားတယ် ကိုယ်မသိတဲ့အကြောင်းအရာတွေအများကြီးပဲဗျာ။ ကျွန်တော်တို့ Rapidshare ကဒေါင်းလုပ် လုပ်လို့မရတဲ့ ကျွန်တော်အတွက်တော့ လိုချင်တဲ့ လင့်ခ်သာပေးလိုက် သူတို့တခြားလင့်ခ်နဲ့ ဒေါင်းလုပ်လင့်ခ် ထပ်ပေးလိုက်မယ်။ ကိုယ်မသိတဲ့အကြောင်းအရာဆိုလဲမေးသာမေးလိုက် ပြန်ဖြေပေးမဲ့လူတွေကအဆင်သင့်ပဲဗျ။ အချိန်များရရင် ကျွန်တော်အစ်ကို ၊ အစ်မ ၊ ညီ နှင့် ညီမ များသွားရောက်လေ့လာရန်တိုက်တွန်းလိုက်တယ်ဗျာ။

နောက်ထပ်တွေ့တဲ့ဆိုဒ်လေးကိုပြောပြရရင် ဆိုဒ်နာမည်လေးက နာမည်နဲ့လိုက်အောင် နွေးထွေးတဲ့ဆိုဒ်လေးဗျ မြန်မာမိသားစု လို့နာမည်ရပါတယ်။ အဲဒီဖိုရမ်လေးကိုလဲ ဟိုရှာဒီရှာ နဲ့တွေ့သွားတယ်ဗျ။ ပထမ Mysteryzillion ကိုသွားကြည့်ထားတယ်ဆိုတော့ နောက်ထပ်ဖိုရမ် တစ်ခုတွေ့တော့ ၀င်ကြည့်ဦးမှဆိုပြီ အကောင့်လုပ်ပြီးဝင် ကြည့်လိုက်တယ်။ ဒီဖိုရမ်မှာလဲ အစုံပဲဗျ။ ဒီဖိုရမ်မှာ နည်းပညာပိုင်းရော ဂိမ်းတွေရော ရုပ်ရှင်တွေရော အစုံပဲဗျာ။ ကျွန်တော် အစုံမကြည့်ရသေးဘူး။ တော်တော်စုံတာတော့သိတယ်။ ပြီးတော့ နာမည်နဲ့လိုက်အောင် အရမ်းနွေးထွေးကြတယ်။ ပျော်ဖို့လဲအရမ်းကောင်တယ်။ ဒီမှာနွေးထွေးတယ်လို့ပြောလို့ Mysteryzillion မှာမနွေးထွေးဘူးမထင်နဲ့နော်။ အဲဒီမှာလဲအရမ်းပျော်ဖို့ကောင်းပါတယ်။

ကျွန်တော်နောက်ဆုံးပြောချင်တာကတော့ ကျွန်တော်အဲဒီ ဖိုရမ်လေး ၂ခုကိုကြည့်ပြီး စိတ်ညစ်တာတွေတော်တော်ပျောက်သွားပါတယ်။ ဒါကြောင့် ကျွန်တော်မကြာခင် အချိန်အတွင်းမှာ ပိုစ်တွေတင်တော့ပါမယ်။ အရင်လိုတော့ ကျွန်တော်ပိုစ်မတင်နိုင် လောက်တော့ဘူးထင်တယ်ဗျ။ ကျွန်တော်ကအတတ်နိုင်ဆုံး ကြိုးစားသွားပါမယ်ဗျာ။ ပြီးတော့ အထက်မှာဖော်ပြထားတဲ့ ဖိုရမ် ၂ခု ကိုအရမ်းကျေးဇူးတင်ပါတယ်ဗျာ။

ကျွန်တော်ချစ်သော ဘလောခ်မောင်နှစ်မ များနှင့် ခဏတာခွဲခွာခြင်း

ကျွန်တော် ညမီးအိမ် ဘလောခ်ကို ခဏနားကြောင်းပြောချင်ပါတယ်။ ကျွန်တော်တခုတော့ပြောခဲ့ချင်တယ်ဗျာ။ ကျွန်တော့်စီဗောက်စ်မှာ lility ဆိုတဲ့ လူတစ်ယောက်ရေးသွားတယ်။ ဘာလဲဆိုတော့ ကျွန်တော်မုန်တိုင်းပုံမတင်လို့ အစိုးရလက်ကိုင်ဒုတ်ထင်တယ်တဲ့။ ကျွန်တော်ပြောချင်တယ်ဗျ။ အခုကျွန်တော်ရန်ကုန်မှာနေထိုင်ပါတယ်။ အဲဒီအချိန်မှာကျွန်တော်ဘယ်ကမီးနဲ့ပိုစ်တင်ရမှာလဲ။ မီးမလာလို့ကျွန်တော်ပိုစ်မတင်ဖြစ်ဘူးဗျာ။ အဲဒါကျွန်တော်မှားလား။ အခုကျွန်တော်စိတ်တွေညစ်နေတယ်ဗျာ။ မုန်တိုင်းကိစ္စကြောင့်ရော။ ကိုယ်ရေးကိုယ်တာကြောင့်ရော။ ကျွန်တော်ဘလောခ်ခဏနားပါမယ်။ ဘယ်လောက်ကြာမယ်ဆိုတာတော့အတိအကျမပြောတတ်ဘူးဗျ။ ကျွန်တော် နောက်ဆုံးပြောချင်တာကတော့ ကျွန်တော်ဟာအစိုးရလက်ကိုင်ဒုတ်လဲမဟုတ်ဘူး။ ဘယ်သူလက်ကိုင်ဒုတ်မှလဲမဟုတ်ဘူး။ ကျွန်တော်ဟာ ကျွန်တော့်ကိုယ်ပိုင်လွတ်လပ်ခွင့်နဲ့နေထိုင်နေတဲ့ သာမန်လူသားတစ်ယောက်ပါ။ ပြီးတော့ နောက်တခုပြောချင်တာကတော့ ကျွန်တော်ရဲ့ကိုယ်ပိုင်ဘလောခ်လေးမှာ ကျွန်တော်စိတ်ကြိုက် ကျွန်တော်တင်ချင်တာတင်ခွင့်ရှိတယ်လို့ထင်ပါတယ်။ ကျွန်တော်စာမှာအမှားပါခဲ့ရင်ခွင့်လွတ်ကြပါ။

အားလုံးကိုခင်မင်လေးစားလျက်

ညမီးအိမ်

'အောင်မြင်မှု နှင့် ရှုံးနိမ့်မှုကြားက ပါးလျားသည့် စည်း'

ဒီစာအုပ်ကိုစာရေးဆရာကြီး 'ဖေမြင့်' ဘာသာပြန်ထားခြင်းဖြစ်ပါသည်။

ဒေါက်ဂလပ် (စ) ဟတ်တလေ

(W. Douglas Hartley)

ပန်းပုပညာရှင်။

မည်သည့်ပျက်စီးဆုံးရှုံးမှုမျိုးမဆို လုံးဝပြန်လည်ပြင်ဆင်၍ မရနိုင်တော့ဟူသည် မရှိ။ မဖြစ်ဖြစ်အောင် လုပ်မည်ဟူသောပြတ်သားခိုင်မာသည့် စိတ်ဇွဲ၏တန်းခိုးစွမ်းအားဖြင့် အဲသည်ဆုံးရှုံးမှုသို့ တက်လှမ်းရာလှေကားထစ်အဖြစ်ပြောင်းလဲပစ်နိုင်သည်။

'အောင်မြင်မှု နှင့် ရှုံးနိမ့်မှုကြားက ပါးလျားသည့် စည်း'

ကျွန်တော့်အဖို့မူ ကျွန်တော်ငယ်စဉ် ပန်းပုဆရာလေးဘ၀ နှင့် ပထမဆုံး ပုံတူရုပ်တုတစ်ခု လက်ခံပြုလုပ်စဉ်က အတွေ့အကြုံလောက် မမေ့နိုင်စရာဖြစ်ရပ်မျိုး ရှိလိမ့်မည် မဟုတ်တော့။

အောင်မြင်မှု နှင့် ရှုံးနိမ့်မူကြားမှာ ဘယ်လောက်မှကြီးကြီးမားမား စည်းခြားထားခြင်းမရှိဆိုတာ အဲသည်တုန်းက စတင်၍ကျွန်တော်သိမြင်ခဲ့ရသည်။

ကျွန်တော် တက္ကသိုလ်မှပြန်ရောက်စ။ အိမ်မှာဆယ်ရက်ခန့် နေပြီးလျှင် နောက်တက္ကသိုလ်တစ်ခုသို့ နွေသင်တန်း သွားတက်ရန် စီစဉ်ထားသည်။

စင်စစ် အိမ်မှာနေရသည့် ရက်ပိုင်းအတွင်း ဘာမှမလုပ်ဘဲအေးအေးဆေးဆေးနေဖို့ကောင်းသည်။ သို့သော်ကျွန်တော်မနေ။ သည်ရက်အတွင်းမှာ ကျွန်တော်တို့မြို့က ပုံတူရုပ်တု ထုလောက်သည့် ပုဂ္ဂိုလ်တစ်ယောက်ယောက် ရွေးချယ်ကာ ကိုယ်တစ်ပိုင်းရုပ်တုတစ်ခု ထုလုပ်ရန် ကျွန်တော်ဆုံးဖြတ်ခဲ့သည်။

အနုပညာလောကမှ အခြား မည်သည့်ပုဂ္ဂိုလ်ကိုမဆို မေးကြည့်လျှင် သည်လို အလုပ်မျိုး တစ်ခု ဆယ်ရက်နှင့် ပြီးအောင်တာဝန်ယူလုပ်ဆောင်ဖို့ ဆိုသည်မှာ အတင့်ရဲလွန်းသော လုပ်ရပ်တစ်ခုပဲဟု မြင်ကြမှာ သေချာသည်။ သို့သော် ဘယ်လောက် ရဲလွန်း ရမ်းလွန်းခဲ့သည်ဆိုတာကို နောက်နှစ်လလောက်ကြာတော့မှ ကျွန်တော် ကောင်းကောင်းကြီး သိမြင်ခဲ့ရပါသည်။

မြို့၌ထင်ရှားအရေးပါသူအတော်တော်များများကိုစဉ်းစားသုံးသပ်ပြီးနောက် ကျူ၊ဂျီ၊နော့ဗလစ်အမည်ရှိပုဂ္ဂိုလ်ကြီးအား ကျွန်တော်ရွေးချယ်ခဲ့ပါသည်။ သူက နော့ဗလစ်-စပတ် စက်မှုလုပ်ငန်းကြီး၏ ဘုတ်အဖွဲ့ဥက္ကဋ္ဌဖြစ်၍ ငယ်စဉ်ကတည်းက ကျွန်တော်လေးစား အားကျခဲ့သူတစ်ဦးလည်းဖြစ်ပါသည်။

သူ၏ လုပ်ဖော်ကိုင်ဖက်များအား မစ္စတာ နော့ဗလစ်အတွက်ကိုယ်တစ်ပိုင်းပုံတူ ကြေးရုပ်တစ်ခု လက်ဆောင်အဖြစ်ပေးကြမည်ဆိုလျှင် သူ့အပေါ် ၄င်းတို့၏ လေးစားခင်မင်မှုကို ပို၍အထင်မည်ဆိုလျှင် သူ့အပေါ် ၄င်းတို့၏ လေးစားခင်မင်မှုကို ပို၍အထင်အရှား ပြသရာ ရောက်မည်ဟု ကျွန်တော် အကြံဉာဏ်ပေးသည့်အခါ သူတို့သဘောကျကြသည်။

သို့နှင့် နောက်လေးရက်အကြာမှာပင် မစ္စတာ နော့ဗလစ်က ကျွန်တော် ပန်းပုထုနိုင်ရန်အတွက် ပထမအကြိမ် နှစ်နာရီကြာမျှ ထိုင်ပေးရန် ရက်ချိန်းပေးခဲ့သည်။

သူနှင့် ကျွန်တော် စတွေ့ကြသည်အချိန် ဘယ်သူပို၍ စိတ်လှုပ်ရှားနေသလဲ ခွဲခြားရန်ပင် အတော်ခက်သည်။ သူက ကျွန်တော်သူ့မျက်နှာပေါ် ပလတ်စတာအစိုတွေ အုံပြီး ပုံစံယူလိမ့်မည်အထင်နှင့် စိုးရိမ်နေသည်။ ကျွန်တော်ကလည်း တကယ် နဖူးတွေ့ ဒူးတွေ့တွေ့တော့မှ သည်ပုံကို ငါ ခုနစ်ရက်နှင့်ပြီးအောင်ဖန်တီးနိုင်ပါ့မလားဟု တွေးပူလာသည်။ မစ္စတာနော့ဗလစ်ကတော့သူ့မျက်နှာပေါ် ပလတ်စတာတွေ ကပ်မှာ မဟုတ်ကြောင်း သိသည့်အခါ သက်သောင့်သက်သာ ဖြစ်သွားသည်။

ပုံတူရုပ် ထုသည့်အခါ ဦးစွာ ပထမပြုလုပ်ရသည်က ပုံကြမ်းလောင်းရခြင်းဖြစ်သည်။ အချိုးအစားကိုက်ညီသောဦးခေါင်းပုံစံပေါ်လာအောင် မြေစေးနှင့် တည်ဆောက်ယူရသည်။ ပထမနေ့ထွက်လာသည့် အခြေခံပုံစံက မဆိုး။

နောက်တစ်ကြိမ်ထိုင်သည့်အခါ ရှိပြီးအခြေခံပုံပေါ်မှာ မြေစေးတွေ အနည်းငယ်စီဖြည့်ရင်း ဖို့ရင်း နှာခေါင်း ၊ မျက်စိ ၊ ပါးစပ် နှင့် ဆံပင်ပုံစံတွေ ပေါ်လာအောင် ဖော်ယူညှိယူသည်။ တဖြည်းဖြည်း ကျွန်တော့်ရုပ်တုက အပြင်မှသက်ရှိလူ၏ အသွင်သဏ္ဌာန်တွေနှင့် တစ်စိတ်တစ်ပိုင်းတူလာသည်။ သို့သော် အင်္ဂါအစိတ်အပိုင်းတွေအားလုံး ပြည့်စုံပြီးသည့်နောက် အချောကိုင်ရသည့်အပိုင်းမှာလုပ်ငန်းက အလွန်နှေးကွေးလေ့ရှိသည်။ ပြီး ခက်လည်းပိုခက်ခဲသည်။

တတိယအကြိမ် ထိုင်သည့်အခါ၌မူ သည်ရုပ်တုကို အချိန်မီပြီးနိုင်ပါ့မလားဟု ကျွန်တော်တွေးမိစပြုလာသည်။ မြန်မြန်ပြီးစီးအောင် ကျွန်တော်ကြိုးစား၍ လုပ်သည်။ တစ်နာရီခွဲမျှကြာသောအခါ ရုပ်တုက ဘေးတိုက်အနေမထား၌ စိတ်တိုင်းကျ နီးပါးကောင်းသွားသည်။ သို့သော် ရှေ့တည့်တည့်မှ ကြည့်လျှင်ကားလုံးဝနေရာမကျ။ ကျွန်တော်စိုးရိမ်ပူပန်စွာနှင့်ပင် အိမ်ပြန်လာခဲ့သည်။

တနင်္လာနေ့မှာနှစ်နာရီထိုင်သည်။ ဒါက နောက်ဆုံးအကြိမ်။ ကျွန်တော်အသည်းအသန်ဆိုရလောက်အောင် အချိန်လုပြီး အလုပ်လုပ်ရသည်။

သည်အချိန်အတွင်း ရှေ့ဘက်က ကြည့်၍ မတူတာကိုအတော်ကြီး နီးစပ်တူညီအောင် ကျွန်တော်ပြုပြင်နိုင်ခဲ့သည်။ သို့သော် ရုပ်တုတစ်ခုဆိုသည်က အပေါ်ယံ ဆင်တူနေရုံနှင့် မပြီး ၊ လူပုဂ္ဂိုလ်၏ စိတ်ဓာတ်စရိုက်ကိုလည်း ဖော်နိုင်ဖို့လိုသည်။ ကျွန်တော့်ရုပ်တုမှာ မစ္စတာနော့ဗလစ်၏ အဇ္ဈတ္တကိုမမြင်ရသေးဟု ကျွန်တော်ခံစားနေမိသည်။ အချိန်ကလည်း မရှိတော့။

သို့နှင့် မစ္စတာနော့ဗလစ်က သူ၏ ပုံတူရုပ်တုတွင် သူ့စရိုက်လက္ခဏာများ ဖြည့်သွင်းပေးနိုင်ရန်အတွက် သြဂုတ်လ ကျွန်တော်ကျောင်းပိတ်၍ အိမ်ပြန်လာသည့်အချိန်တွင် နောက်ဆုံးတစ်ကြိမ်ထပ်၍ ထိုင်ပေးရန် သဘောတူလိုက်ပါသည်။ ပြီးစီးသွားသည့်ကိုယ်တစ်ပိုင်းပုံကလေးကို ကျွန်တော်တို့အိမ်က မြေတိုက်ခန်းထဲတွင် သိမ်းဆည်းကာ ညစ်ပေခြောက်သွေ့ပြီး မြေစေးတွေ မာခဲမသွားစေရန်အတွက် အရုပ်ပေါ်က အုပ်ထားသည့် အ၀တ်စုတ်ကို အခါအားလျော်စွာ ရေဆွတ်ပေးရန် အဖေ့အား မှာခဲ့သည်။

နောက်နှစ်လအကြာမှာ ကျွန်တော်ပြန်ရောက်လာခဲ့သည်။ အိမ်ထဲ လှမ်းဝင်လိုက်သည်နှင့်တစ်ပြိုင်နက် အဆင်မပြေတာတစ်ခုခုတော့ ဖြစ်နေပြီဆိုတာ ကျွန်တော်သိလိုက်သည်။

'ခေါင်းကြီးက ဘယ်လိုဖြစ်သွားသလဲမသိဘူး ၊ သားကြည့်စမ်းပါဦး' အဖေက ဆိုသည်။

အဖေ့နောက်က စိတ်ပူပန်စွာနှင့် ကျွန်တော်လိုက်သွားသည်။ ကျွန်တော်ဖန်တီးခဲ့သည့် မစ္စတာနော့ဗလစ် ပုံတူရုပ်က သုံးပိုင်းပဲ့ကာ ရုပ်ပျက်ဆင်းပျက်ဖြစ်နေချေသည်။ မျက်နှာက ပြားနေသည်။ နားတစ်ဖက် မရှိတော့။ ဦးခေါင်းညာဘက်တစ်ခြမ်းက ဓားနှင့်လှီးထားသလိုအလွှာလိုက်ပဲ့ကျနေသည်။

ဘာကြောင့် သည်လိုဖြစ်သွားရသလဲ ကျွန်တော်သိလိုက်ပါသည်။ ရေဆွတ်တာများသွားခြင်းပင်။ မြေစေးတွေ ရေစိုလွန်းတော့ သူ့အလေးချိန်နှင့်သူ အိပြီး ပဲ့ကျသွားခြင်းဖြစ်သည်။ ကျွန်တော် ပထမဆုံး အပ်ထည်လက်ရာကား ယခုတော့ မအောင်မြင်သော မြေစေးအစုအဝေးမျှသာ ဖြစ်လျက်ရှိချေပြီ။

ကျွန်တော် အကြီးအကျယ် ဒေါသလည်းထွက် ရှက်လည်းရှက် စိတ်လည်းပျက်သွားသည်။ သေတ္တာတစ်လုံးပေါ်ထိုင်ကာငိုချလိုက်မိသည်။

ညဘက်ပိုင်းမှာလည်း ကျွန်တော်တို့တစ်အိမ်လုံး မည်သူမျှမပြုံးရွှင်နိုင်ကြ။ နောက်တော့ဧည့်ခန်းထဲမှာထိုင်မှိုင်နေသည့်ကျွန်တော့်အနီးသို့ အမေ ရောက်လာသည်။ စာအုပ်စင်သို့ သွားကာ စာတစ်အုပ်ဆွဲထုတ်လာ၏ ။ 'သား ဒီစာအုပ် ဖတ်ဖူးလား' ဟု မေးသည်။

'ကျွန်တော်စာအုပ်အကြောင်းမပြောချင်ဘူး အမေ ၊ ကျွန်တော့်မှာ အခုဘေးကျပ်နံကျပ်ဖြစ်နေပြီ ၊ ဒီကိစ္စ ဘယ်လိုဆက်လုပ်မလဲ စဉ်းစားရဦးမယ်'

'ဒါ သောမတ်(စ်)ကာလိုင်ရဲ့ ပြင်သစ်တော်လှန်ရေးသမိုင်းစာအုပ် သား' ကျွန်တော့်စကားအဆုံးမှာ အမေဆက်ပြောသည် ၊ 'အမေတို့ဘာသာစကားနဲ့ ရှိတဲ့စာအုပ်တွေထဲမှာ အကြီးကျယ်ဆုံး စာအုပ်တစ်အုပ်လို့ဆိုနိုင်တယ်' အမေ ကျွန်တော့်ကို ကြင်နာစွာ ကြည့်နေသည်။

'အဲဒါ ကျွန်တော်နဲ့ ဘာဆိုင်သလဲ အမေ'

'မဆိုင်ချင်လဲ အဆိုင်ဘူးပေါ့ ၊ ဒါပေမဲ့ အများကြီးလဲ ဆိုင်လို့ ရတယ်သား ၊ ကာလိုင်ဟာ အဲဒီစာမူကြီးကို မိတ်ဆွေတစ်ယောက်ဌားလို့လက်ဆင့်ကမ်းလိုက်တယ် ၊ အဲဒီမိတ်ဆွေရဲ့ အိမ်မှာ အိမ်ဖော်လုပ်တဲ့မိန်းမက ဒီစာမူကို ရေးပြီး စက္ကူဟောင်းတွေ အမှိုက်ဟောင်းတွေဆိုပြီး မီးဖိုထဲ ထည့်ပစ်လိုက်တယ် ၊ လပေါင်းများစွာ ဒါမှမဟုတ် နှစ်နဲ့တောင်ချီကောင်းချီမယ့် အလုပ်တစ်ခုဟာ ပြာဖြစ်သွားတယ် ၊ ကာလိုင့်ဆီမှာ ဒီစာအုပ်နဲ့ ပတ်သက်လို့ ဘာမှတ်စုမှတ်တမ်းမှ မကျန်ရစ်ဘူး'

'အဲဒီတော့ ကာလိုင် ဘာလုပ်လဲ' ကျွန်တော်မေးသည်။

'သူ လုပ်နိုင်တာ တစ်ခုတည်းရှိတာပဲ ၊ သူ ဒီစာအုပ်ကို အစအဆုံး ပြန်ရေးတယ် ၊ ဒီအခါမှာ မူလရေးစဉ်ကထက် အများကြီးတိုတောင်းတဲ့အချိန်အတွင်းမှာ ပြီးစီးသွားတယ်'

'မှတ်စုတွေ မရှိဘဲ ဘယ်လိုရေးသလဲ'

'စာအုပ်တစ်အုပ်လုံးက သူ့ခေါင်းထဲမှာ ရှိနေသေးတာကိုး ၊ သူ့အလုပ်က ခေါင်းထဲရှိတာ စာရွက်ပေါ် ပြန်တင်ရုံပဲဟာ'

အမေ ကာလိုင့်စာအုပ်ကို စင်မှာ ပြန်တင်ထားလိုက်ပြီး မီးဖိုချောင်ထဲ ၀င်သွားသည်။

အတော်လေးကြာလျှင်ပင် ကျွန်တော်မြေတိုက်ခန်းထဲ ၀င်ကာ အားကြိုးမာန်တက် အလုပ်စတင်သည်။ မူလ ပုံစံဟောင်းအကြွင်းအကျန်ကို ရေနည်းနည်းခြောက်အောင် လုပ်ပြီးနောက်ရုပ်တုကို ပြန်လည်တည်ဆောက်သည်။ တဖြည်းဖြည်း နဂိုပုံ ပြန်ပေါ်လာသည်။ လုပ်ရင်း ကိုင်ရင်းပင် ကျွန်တော့် လက်တွေကယခင် သူတို့လုပ်ခဲ့ရသည့် လုပ်ငန်းအသေးစိတ်တွေကိုပြန်မှတ်မိလာပုံရသည်။ ပထမအကြိမ်က ကျွန်တော်မှား၍ ပြန်ပြင်ရတာတွေ ယခုအကြိမ်မှာ ရှောင်နိုင်ခဲ့သည်။

နောက်တစ်နေ့မနက် ကျွန်တော်ဆက်လုပ်သည်။ ညဥ့်နက်ပိုင်းလောက် ရောက်သည့်အခါတွင်ကား လွန်ခဲ့သည့် နှစ်လကရှိခဲ့သည့် အနေအထားအတိုင်း ကျွန်တော်ပြန်၍ရလေသည်။

'နည်းနည်း ပြင်လိုက်တယ်ထင်တယ် ၊ ဟုတ်ရဲ့လား' သူက မေးသည်။

'ဟုတ်ပါတယ် ခင်ဗျ'

'ကျွန်တော်တော့ အရင်ထက် ပိုကောင်းသွားတယ်ထင်တာပဲ ၊ ပိုအသက်ဝင်လာတယ် ၊ အမူအရာလဲ နည်းနည်းပိုပါလာတယ်ထင်တယ် ၊ ကျွန်တော်တော့ ထပ်လုပ်ဖို့တောင် လိုမယ်မထင်တော့ဘူး'

မယုံကြည်နိုင်စရာပင်။ ဒုတိယလက်ရာက ပထမထက် ပိုကောင်းနေခဲ့သည်။ သည်လက်ရာကို ပုံယူပြီး ကြေးသွန်းသည်။ ပြီးလျှင် စက်ရုံဧည့်ခန်းနံရံမှာ သူ့အတွက် နေရာကလေး ပြုလုပ်ပြီး ထားရှိလေသည်။

သည်ရုပ်တုက ကျွန်တော့်အဖို့ တစ်သက် မမေ့နိုင်သောရုပ်တုတစ်ခု ဖြစ်ခဲ့သည်။ သည်ဟာကို စတင်စဉ်က ကျွန်တော်သည် ချာတိတ် ၊ ပြီးစီးသည့်အချိန်မှာတော့ ကျွန်တော်ကရင့်ကျက်ပြည့်ဝသူ လူကြီးတစ်ယောက်ဖြစ်သွားခဲ့သည်။

သည်အတိုင်းလုပ်ပါဟူ၍လည်း အတင်းတိုက်တွန်းမသွားသော အမေ့အဆုံးအမမှနေ၍ လူတိုင်း မှတ်သားထားသင့်သောအသိတရားတစ်ခု ကျွန်တော်ရခဲ့သည်။

'မည်သည့်ပျက်စီးဆုံးရှုံးမှုမျိုးမဆိုလုံးဝပြန်လည်ပြင်ဆင်၍မရနိုင်တော့ဟူသည်မရှိ။ မဖြစ်ဖြစ်အောင်လုပ်မည် ဟူသောပြတ်သားခိုင်မာသည့်စိတ်ဇွဲ၏ တန်ခိုးစွမ်းအားဖြင့် အဲသည်ဆုံးရှုံးမှုကို အောင်မြင်မှုသို့ တက်လှမ်းရာ လှေကားထစ်အဖြစ်ပြောင်းလဲပစ်နိုင်သည်' ဟူသောအချက်ပေတည်း။

***

[ရည်ညွှန်း။ ။ The Head I Almost Lost – Reader's Digest, August 1957]

ကမ္ဘာလောကကြီးရေ

ဒီစာအုပ်ကိုစာရေးဆရာကြီး 'ဖေမြင့်' ဘာသာပြန်ထားခြင်းဖြစ်ပါသည်။

ကမ္ဘာလောကကြီးရေ

ကျွန်မသား စကော့ နေသည့်ကျောင်းမှ ကျောင်းအုပ်ဆရာကြီးက အရေးကြီးသော ကိစ္စတစ်ခု ပြောလို၍ အိမ်သို့ လာရောက်လိုကြောင်းနှင့် တွေ့ဆုံနိုင်မည့်အချိန်ကို ပြန်ကြားပေးပါရန် ဖုန်းဆက်ပြောဆိုသည်။

စကော့၏ ကျောင်းဆင်းပွဲကလည်း ရက်သတ္တပတ်အနည်းငယ်သာ လိုတော့သည်ဖြစ်ရာ ကျောင်းအုပ်ကြီးဆက်သွယ်ခြင်းမှာ ယင်းကိစ္စနှင့် ဆက်စပ် ပတ်သက်လိမ့်မည်ဟု ကျွန်မ ယူဆမိသည်။ သို့သော် စကော့ တစ်ယောက် ကျောင်းမှာ မဟုတ်တရုတ် တစ်ခုခုများ လုပ်ခဲ့လေသလားယူ၍လည်း စိတ်ထဲတွေးပူမိသေး၏ ။ သို့နှင့်သတင်းကောင်းပဲကြားပါရစေဟု ကျိတ်ဆုတောင်းကာ ဆရာကြီးအလာကိုစောင့်မျှော်နေခဲ့သည်။

သတင်းက သတင်းကောင်း အစစ်ဖြစ်သည်။ကျောင်းဆင်းပွဲတွင် ကျောင်းသားများကိုယ်စားနှုတ်ဆက်စကား ပြောကြားရန်အတွက် စကော့အား ရွေးချယ် အပ်နှင်းကြောင်း ကြားသိရသည်။ ထို့နောက် ဆရာကြီးက သား၏အောင်မြင်မှုကို ဂုဏ်ပြုသောအားဖြင့် ကျောင်းဆင်းပွဲနှင့် စပ်လျဉ်းသည့် အမှတ်တရ စာတစ်ပုဒ် ရေးသားပေးပါရန် ကျွန်မအား မေတ္တာရပ်ခံသည်။ ကျွန်မကလည်း ၀မ်းမြောက်ဝမ်းသာ ဆောင်ရွက်ပေးနိုင်ပါကြောင်းပြန်၍ပြောလိုက်သည်။ သားအတွက် ကျွန်မ တကယ်ပင် ၀မ်းမြောက်ဂုဏ်ယူခဲ့ခြင်းဖြစ်သည်။

လက်နှိပ်စက်ရှေ့မှာထိုင်ကာ စကော့ ဖြတ်သန်းခဲ့ရသည့်ဘ၀ခရီးအကြောင်း ပြန်ပြောင်း တွေးတောရင်း သူ့ဘ၀အတွက် သည်ကျောင်းဆင်းပွဲ၏ ထူးခြားအရားပါလှပုံကို ကျွန်မထင်လင်းစွာ မြင်လာသည်။ စကော့နှင့် သူ၏ အတန်းဖော်သူငယ်ချင်းများသည်သူတို့အတွက် လုံးဝစိမ်းနေသေးသည့် လက်တွေ့လူ့လောကကြီးအတွင်းသို့ ၀င်ရောက်ကြရတော့မည် ဖြစ်သည်။ သူတို့ကို ကျွန်မတို့ နေ့စဉ် ပုံမှန် လိုက်လံထိန်းကျောင်းပေးနေနိုင်မည် မဟုတ်တော့ ၊ အကြံပေးခြင်း ၊ ဖေးမ ကူညီခြင်းများလည်း မပြတ်လုပ်နေနိုင်မည် မဟုတ်တော့။

သို့နှင့် သူတို့ နဖူးတွေ့ဒူးတွေ့ တွေ့ကြရတော့မည့် ကမ္ဘာလောကကြီးထံ ကျွန်မ စာတစ်စောင် ယခုလို ရေးဖြစ်ခဲ့သည်။

***

ကမ္ဘာလောကကြီးရေ…

တို့ကလေးတွေ ဒီနေ့ ကျောင်းဆင်းကြတော့မယ်။ ကာလအတန်ကြာတဲ့အထိ မင်းကို သူတို့ နားလည်နိုင်ကြဦးမှာ မဟုတ်ဘူး။ မင်းသူတို့ကို ကြင်ကြင်နာနာဆက်ဆံပေးပါလို့ ငါ မေတ္တာရပ်ခံချင်တယ်။

မင်းသိတဲ့အတိုင်း သူတို့က လောလောဆယ် အချိန်ထိ ကိုယ့်အိမ်မှာကိုယ် ဗိုလ်လုပ်နေခဲ့ကြတာ။ သူတို့ခံစားချက်တွေ ၊ ဝေဒနာတွေမှန်သမျှ မိဘက မပြတ်အကဲခတ်ပြီး ဖြေဖျောက်ပေး ကုစားပေးနေခဲ့တာ။ နက်ဖြန်သန်ဘက်က စပြီး အခြေအနေတွေက လုံးဝခြားနားသွားတော့မှာ။ အရင်တစ်ခါမှ မကြုံဖူးတဲ့ စွန့်စားခန်းအသစ်တစ်ခု စတင်ရတော့မှာ။ ဒီစွန့်စားခန်းခရီးမှာ ဒုက္ခဆင်းရဲတွေ ၊ ၀မ်းနည်းကြေကွဲစရာတွေလည်း ကြုံရလိမ့်မယ်။ သူနိုင် ငါနိုင် ယှဉ်ပြိုင်ရတဲ့ တိုက်ပွဲတွေလည်း ဆင်နွှဲရလိမ့်မယ်။ ဒီခရီးလမ်းကို လျှောက်လှမ်းနိုင်ဖို့အတွက် သူတို့မှာ ယုံကြည်မှုတွေ ၊ မေတ္တာတရားတွေ ၊ ခံနိုင်ရည်တွေ ၊ သိနားလည်မှုတွေ အများကြီး လိုအပ်လိမ့်မယ်။

ဒါကြောင့်မို့ သူတို့လေးတွေကို ကြည့်ရှု စောင့်ရှောက်ပေးဖို့ မေတ္တာရပ်ခံနေရတာပဲ ကမ္ဘာလောကကြီးရေ။

သူတို့ သိသင့်သိထိုက်တဲ့အရာတွေ သိအောင် တတ်အောင် သင်ပြပေးစမ်းပါ။ ဒါပေမဲ့ ကျေးဇူးပြုပြီး တတ်နိုင်သမျှ ညှာညှာတာတာတော့ ကိုင်တွယ်ပါနော်။

လောကကြီးမှာ လူတိုင်းသမားသမတ်ရှိတာမဟုတ်ဘူး။ တရားသဖြင့် လုပ်နေတာ မဟုတ်ဘူး ၊ မမှန်မကန်တဲ့လူတွေလည်း ရှိတယ်ဆိုတာ သူတို့သိဖို့ လိုသေးတယ်။ ဒါပေမဲ့ လူဆိုးတစ်ယောက် ရှိတိုင်း ဇာတ်လိုက် လူစွမ်းကောင်း တစ်ယောက်တော့ရှိတယ်။ လိမ်ညာ ကောက်ကျစ်တဲ့ နိုင်ငံရေးသမား တစ်ယောက် ရှိတိုင်း လေးစားကြည်ညိုစရာကောင်းတဲ့ နိုင်ငံရေးခေါင်းဆောင်ကောင်းတစ်ယောက်ရှိတယ်။ ကိုယ့်ကို ဒုက္ခပေးမယ့် ရန်သူတစ်ယောက်ရှိတိုင်း ကိုယ့်ကို ကူညီရိုင်းပင်းမယ့် မိတ်ဆွေတစ်ယောက်တော့ ရှိတယ်ဆိုတာလည်း သင်ကြားပေးစေချင်တယ်။

အချိန်တော့ ပေးရမှာပေါ့ လောကကြီးရယ်။ ဒါပေမဲ့ ကိုယ်တိုင်ရှာ ငွေတစ်ကျပ်ဟာ အလကားရတဲ့ ငွေတစ်ရာထက် တန်ဖိုးရှိတယ်ဆိုတဲ့အကြောင်း ၊ အရှုံးကိုအပြုံးမပျက် ခံယူတတ်မှ အောင်နိုင်ချိန်မှာ ပြည့်ပြည့်၀၀ ပျော်ရွှင်နိုင်မယ်ဆိုတဲ့အကြောင်းတွေလည်း သူတို့သိနားလည်အောင် ဆောင်ရွက်ပေးစေချင်တယ်။

ဖြစ်နိုင်ရင် သူတို့မှာ ၀န်တိုမစ္ဆေရိယစိတ်တွေ ကင်းစင်အောင် ၊ သူတစ်ပါးရဲ့ အဆင်ပြေမှု ၊ အောင်မြင်မှု အတွက်လည်း မုဒိတာ ပွားတတ်အောင် သင်ကြားပေးစေချင်တယ်။ မအောင်မြင်မှုနဲ့ ကြုံရတဲ့အခါမျိုးမှာ အရှုံးဒဏ်ကို ကြံ့ကြံ့ခံနိုင်တဲ့ ဇွဲသတ္တိရှိဖို့နဲ့ အောင်မြင်တဲ့အထိဆက်ကြိုးစားမယ်ဆိုတဲ့ စိတ်ဆန္ဒ ဆက်လက်ပြင်းပြနေတတ်ဖို့လည်း သင်ကြားပေးပါ။ ပြီး သိမ်မွေ့သူကို သိမ်မွေ့စွာ ဆက်ဆံဆတတ်ဖို့ ၊ မာကျောသူနဲ့တွေ့တဲ့အခါ ကိုယ်လည်း မာကျောနိုင်ဖို့ လမ်းညွှန်ပေးပါ။

အများနောက် ရောယောင်မလိုက်ဘဲ ကိုယ့်အသိဉာဏ် ၊ ကိုယ့်ဆုံးဖြတ်ချက်နဲ့ အလုပ်လုပ်တတ်ဖို့ ၊ ဘယ်သူ့စကားမှ နားပိတ် မထားသော်လည်း ကြားသမျှကိုတော့ အမှန်တရားဆိုတဲ့ ဆန်ခါနဲ့ စစ်ပြီးမှ လက်ခံ မှတ်သားတတ်ဖို့ ၊ ၀မ်းနည်းကြေကွဲချိန်မှာလည်း အပြုံးမပျက်နေတတ်ဖို့ ၊ သို့သော် မျက်ရည်ကျခြင်းကိုလည်း ရှက်စရာလို့ မယူဆဖို့ ၊ ပြီး တစ်ခါတစ်ရံ ရှုံးနိမ့်ခြင်းမှာလည်းဂုဏ်ကျက်သရေ ရှိနေတတ်ပြီး အောင်မြင်ပါလျက် စိတ်ပျက်ရခြင်း ဆိုတာမျိုးလည်း ရှိကြောင်း သိရှိဖို့ကိုပါ သင်ကြားပေးစေချင်တယ်။

အမြဲမကောင်းပြောတတ်တဲ့လူတွေကို ဂရုမစိုက်ဖို့စကားချိုလွန်းသူကို သတိထားဖို့။

ကိုယ့်ရဲ့ ဦးနှောက်နဲ့ ကြွက်သားကို ကြေးအမြင့်ဆုံးပေးသူထံ ရောင်းချတတ်ဖို့ ၊ ဒါပေမဲ့ နှလုံးသားနဲ့ ၀ိညာဉ်ကိုတော့ ဘယ်တော့မှ ဈေးနှုန်းမသတ်မှတ်ဖို့အတွက်လည်း သင်ဖို့လိုလိမ့်မယ်။

အကယ်၍ ဖြစ်နိုင်မယ်ဆိုရင် ကိုယ်နဲ့ သူတစ်ပါးနှိုင်းယှဉ်တာမျိုး မလုပ်ဖို့လည်း သင်ပြပေးစေချင်တယ်။ ဘာကြောင့်လဲဆိုတော့ လောကကြီးမှာ ကိုယ့်ထက်ကြီးကျယ်တဲ့လူ ၊ ကိုယ့်ထက် နိမ့်ပါးတဲ့လူတွေဆိုတာ အမြဲရှိနေမှာ မဟုတ်လား။ ကိုယ့်စံချိန် ကိုယ် ချိုးနိုင်အောင် ၊ ကိုယ့် ယခင် ဆောင်ရွက်ချက်တွေထက် ထူးခြားသာလွန်အောင် ပြိုင်ဆိုင်ကြိုးစားဖို့သာ သူတို့ကို သင်ကြားစေချင်တယ်။

ပြီးတော့ လောကကြီးမှာ တစ်ခါတစ်ရံ အလောင်းအစား လုပ်ရတဲ့အခါမျိုး ရှိသလို အံစာတုံးကို လက်လွှဲပေးလိုက်ရတဲ့အခါမျိုးလည်း ရှိတယ်ဆိုတာ သူတို့သိဖို့လိုလိမ့်မယ်။

လောကကြီးရေ…သူတို့ကို ကြင်ကြင်နာနာဆက်ဆံပါကွာ။ ဒါပေမယ့် အလိုတော့ မလိုက်နဲ့ ၊ သိပ်လည်းမျက်နှာသာ မပေးနဲ့ ၊ ဘာကြောင့်လဲဆိုတော့မီးဒဏ်ကို နာနာခံပြီးမှအသားကောင်းတဲ့ သံမဏိဖြစ်မှာကိုး။ ဒီအတွက်သူတို့မှာ မိမိကိုယ်ကို ယုံကြည်တဲ့စိတ်ထက်သန်ပြင်းပြစွာရှိဖို့ မွေးမြူလေ့ကျင့်ပေးပါ ၊ ကိုယ့်ကိုကိုယ် ယုံကြည်စိတ်ရှိမှ လူသားတစ်ရပ်လုံးအပေါ် ယုံကြည်တဲ့စိတ် သူတို့မှာ ကိန်းအောင်းလာလိမ့်မယ်။

မှာလိုက်တာတွေက သိပ်များနေပြီလားပဲ လောကကြီးရေ။ ဒါပေမဲ့ မင်းတတ်နိုင်သမျှတော့ လုပ်ပေးနော်။ သူတို့က နုနယ်သေးတဲ့ လူငယ်လေးတွေ…၊ ငါတို့ရဲ့ကလေးတွေပါ။

[မူရင်း။ ။ Avril Johannes ၏ Dear World]

'၁' ဂဏန်းလေးရဲ့ရွေးချယ်မူ့

ဟိုးရှေးရှေးတုန်းကပေါ့ဗျာ '၁' လေးတစ်ကောင်တည်းလမ်းလျှောက်ထွက်ရင်း ဘ၀လက်တွဲဖော်လိုက်ရှာတယ်ပေါ့ဗျာ။ ဒီလိုနဲ့လျှောက်လာရင်း လမ်းမှာအရင်ဆုံး စတွေ့တာကတော့…

သူနဲ့တူတဲ့ '၁' လေးကိုစတွေ့တယ်။
အဲဒီမှာ အဖော်ရှာထွက်လာတဲ့ '၁' လေးကို လမ်းမှာတွေ့တဲ့ '၁' လေးက "မင်း နဲ့ ငါ နဲ့ပေါင်းဖြစ်ရင် 'နှစ်'နှစ်ကာကာ နဲ့ မြတ်နိုးပါမယ်" တဲ့။ ပထမ '၁' လေးက "စဉ်းစားပါရစေဦး" ဆိုပြီးထပ်ထွက်လာတယ်။

'၂' နဲ့ ထပ်တွေ့တယ်။ '၂' လေးကလဲ ဒီလိုဆိုပါတယ်။ "မင်းနဲ့ငါနဲ့ပေါင်းဖြစ်ရင် 'သုံး' လို့မကုန်တဲ့စည်းစိမ်းတွေပုံပေးပါမယ်" တဲ့။ ဒါနဲ့ '၁' စောစောကလိုပဲ "စဉ်းစားပါရစေ" ဆိုပြီးထွက်လာပြန်ရော။

'၃' နဲ့ ထပ်တွေ့တယ်။ '၃' လေးကလဲ ဒီလို တော်ကီပစ်တယ်ဗျ။ "မင်းနဲ့ငါနဲ့ပေါင်းဖြစ်ရင် မင်းကို 'လေး'လေးနက်နက် နဲ့ တသက်လုံးချစ်သွားပါမယ်" တဲ့။ '၁' ကလဲထုံးစံအတိုင်း စဉ်းစားမယ်ပေါ့ဗျာ။

'၄' နဲ့ တွေ့ပြန်ရော။ '၄' ကတော့ဘာမှမပြောဘူးဗျ။ '၁' လေးစဉ်းစားတာက ဒီလူနဲ့ပေါင်း ရင် ရေလိုက်'ငါး'လိုက်ပဲနေမယ့်လူစားမျိုးလို့ကောက်ချက်ချတယ်။ ဒါနဲ့ '၁' လေးခရီးထပ်ဆက်တယ်။

'၅' နဲ့ တွေ့တယ်။ '၅'ကလူရိုးလေးဗျ။ သူ့ကို '၁' ကဒီလိုကောက်ချက်ပေးတယ်။ အင်းသူ့နဲ့ပေါင်းရင်တော့ သူလေးက 'ခြောက်' ပြစ်ကင်းသဲလဲစင် လေးပဲဆိုပြီး စိတ်ထဲမှာ မှတ်ပြီး နောက်ထပ်လေ့လာကြည့်ဦးမယ်ဆိုပြီး ထွက်လာပြန်ရော။

'၆' နဲ့ တွေ့ပြန်တယ်။ '၆' ကိုတွေ့တော့ ။ အင်းဒီလူနဲ့ပေါင်းရင်တော့ ဘာမှဖြစ်လာမှာဟုတ်ဘူးတဲ့ အ'၇'ပဲရှိတယ်တဲ့ အဲလိုစိတ်ထဲကနှိမ်ပြီးထွက်သွားပြန်ရော။

'၇' နဲ့ တွေ့တယ်။ '၇' ကိုလဲမနှစ်သက်ဖူးဗျ။ သူနဲ့ပေါင်းရင်တော့ ငါ့ဘ၀တော့ ချီး(၈=shit)တွင်းထဲ မှာနေရသလိုပဲနေမှာတဲ့။

'၈' နဲ့ ထပ်တွေ့ပြန်တယ်။ '၈' ကိုမြင်တော့သူနည်းနည်းသဘောကျသွားတယ်ဗျ။ သူနဲ့ပေါင်းရရင်တော့ ယုံကြည်'ကိုး'စားရမယ့်သူ။ အား'ကိုး'ရမဲ့သူဆိုပြီတော့လေ။ အင်းဆက်သွားကြည့်ပါဦးမယ်ဆိုပြီထွက်လာပြန်ရော။

'၉' နဲ့သွားတွေ့တယ်ဗျ။ '၁' တော်တော်လန့်သွားတယ်ဗျ။ သူနဲ့ပေါင်းရရင် အဖတ်'ဆယ်' လို့တောင်ရမှာဟုတ်ဘူးတဲ့လေ။

နောက်ဆုံး '၀' လေးနဲ့သွားတွေ့တယ်။ '၀' လေးကိုတွေ့တော့ သူ တော်တော်လေး လေးစားသွားတယ်။ ဘာလို့လဲဆိုတော့ '၀' လေးက ဘယ်သူနဲ့ပေါင်းပေါင်း သူနဲ့ပေါင်းတဲ့လူရဲ့တန်ဖိုးဟာ ဘာမှပြောင်းလဲမှုမရှိဘူးဆိုတော့။ သူနဲ့ပေါင်းတဲ့လူနဲ့ထပ်တူခံစားပေးနိုင်တယ်ဆိုပြီးတော့လေ။

ကဲဘယ်လိုလုပ်ကြမလဲ။ '၁' လေးကို ဘယ်သူနဲ့ သဘောတူလဲဗျ။ ဟဲဟဲ ပျင်းလို့လျှောက်ရေးထားတာ ဘာမှဟုတ်ဘူး။ လျှောက်ရေးထားတာကို လျှောက်ဖြေပေးကြပါဗျို့။ နှစ်သစ်မှာရွင်လန်းချမ်းမြေ့ကြပါစေဗျာ။

ကျွန်တော်ထပ်ပြောချင်တယ်ဗျ ကျွန်တော်ပထမဆုံးတင်တုံးက '၀' လေးအကြောင်း ကျန်ခဲ့တယ်ဗျ။ ဒီနေ့(၁၅.၀၄.၂၀၀၈)မှသတိရလို့ထပ်တင်လိုက်တယ်။ ခွင့်လွတ်ပေးကြပါ။ မင်္ဂလာနှစ်သစ်ပါဗျို့။

သားမိုက် ဘ၀မှရုန်းထွက်ခြင်း

ဤပိုစ်လေးကိုခဏဖျက်ထားပါသည်။

ပြတင်းပေါက်

ဒီစာအုပ်ကိုစာရေးဆရာကြီး 'ဖေမြင့်' ဘာသာပြန်ထားခြင်းဖြစ်ပါသည်။

ပြတင်းပေါက်

ဘ၀ဟူသည်
ကျွန်ုပ်တို့ စီမံဖန်တီးသည့်အတိုင်း ဖြစ်ရ၏ ။
ယခင်ကလည်း ဤသို့ ၊ နောင်လည်း ဤနှယ်ပင်။
[ဘွားဘွားမိုးဇက်]

တစ်ခါက ဆေးရုံကြီး တစ်ရုံရှိ လူနာခန်းကျဉ်းလေး တစ်ခုထဲမှာ လူနှစ်ယောက်ရှိကြသည်။ နှစ်ယောက်လုံးပင် ရောဂါသည်းသော လူနာများဖြစ်သည်။ အခန်းလေးက ကျဉ်းပြီးအပြင်လောကကို ကြည့်စရာ ပြတင်းပေါက် တစ်ခုသာပါသည်။

လူနာနှစ်ယောက်အနက် တစ်ယောက်က နေ့လယ်ပိုင်း သူ့အဆုတ်ထဲက အရည်တွေ ပိုက်နှင့် စုပ်ထုတ်ရတာကို အကြောင်းပြု၍ တစ်နာရီခန့် ထိုင်ခွင့်ရသည်။ သူ့ခုတင်က ပြတင်းပေါက်အနီးမှာ ရှိနေသည်။ တစ်ဖက်ခုတင်ရှိလူနာကတော့ တစ်ချိန်လုံး ပက်လက်လှန်ကာစန့်စန့်ကြီး လှဲနေရသည်။

နေ့လယ်ခင်းတိုင်း ပြတင်းပေါက်အနီးရှိလူနာက ခုတင်မှာ ခေါင်းအုံးတွေ ဘာတွေဆင့်ကာ ကျောမှီ၍ ထိုင်ခွင့်ရသည့်အချိန် အပြင်ဘက်ဆီ၌ သူ လှမ်းမြင်ရသည့် အရာတွေကို အနီးရှိလူအား ပြောပြလေ့ရှိသည်။

ပြတင်းပေါက်က လှမ်းကြည့်လျှင် အပြင်မှာ ပန်းခြံကြီးတစ်ခု မြင်ရသည်ဟုဆိုသည်။ အဲသည်အထဲမှာ ရေကန်ကြီး တစ်ကန်ရှိသည်။ ရေကန်မှာ ဘဲတွေ ငန်းတွေရေကူးနေသည်။ ကလေးများက သူတို့ကို ပေါင်မုန့်တွေပစ်ကျွေးကြသည်။ ကလေးအချို့က လှေကလေးတွေ မျှောနေသည်။ ချစ်သူစုံတွဲတွေ သစ်ပင်ကြီးများအောက် လက်ချင်းတွဲပြီး လမ်းလျှောက် နေကြသည်။ ပန်းတွေကဝေေ၀ဆာဆာပွင့်နေသည်။ မြက်ခင်းစိမ်းစိမ်းက အပြန့်ကျယ် လှသည်။ အဲသည်မှာ ဘောလုံးပျော့ (ဆော့ဖ်ဘော) ကစားနေကြသူတွေလည်း မြင်ရသည်။ ဟိုအဝေးဆီ၌မှု သစ်ပင်တွေထိပ်ဖျားမှ ထိုးထွက်နေသည့် တိုက်တာအိမ်ရာများ။ ထို့နောက်၌ ပြာလဲ့သော မိုးကောင်းကင်။

ပက်လက်လှန်နေရသောသူသည် တစ်ဖက်လူ ခရေစေ့တွင်းကျ ပြောပြသမျှကို နားစွင့်ကာကိုယ်တိုင်ကြည့်ရသလောက် အရသာတွေ့လျက်ရှိသည်။ ကလေး တစ်ယောက် ရေထဲလိမ့်ကျတော့မလို ဖြစ်သွားတာ ၊ နွေရာသီဝတ်စုံသစ်တွေနှင့် မိန်းကလေးတွေ အရမ်းလှပနေကြတာ စသဖြင့် အပြင်လောကမှာဖြစ်ပျက်နေပုံ အလုံးစုံကို သူ့အာရုံထဲ အသေးစိတ် မြင်ခွင့်ရနေသည်။

သည်လိုနေရင်း သာယာသောနေ့လယ်ခင်းတစ်ခုမှာ သူ့ခေါင်းထဲ အတွေးတစ်ခု ၀င်လာသည်။ တစ်ဖက်လူကတော့ ပြတင်းပေါက်နားမှာနေပြီး အပြင်လောကရှုခင်းအစုံကို စိတ်တိုင်းကျကြည့်ခွင့်ရနေသည် ၊ မိမိကိုတော့ ဘာကြောင့် အဲသည် နားထားမပေးသလဲ ဟူသောအတွေးဖြစ်သည်။

သည်လို သေးသေးသိမ်သိမ် တွေးမိခြင်းအတွက်လည်း သူရှက်တော့ရှက်မိသည်။ သို့သော်သည်အတွေးကို ဖျောက်နေသည့်ကြားကပင် နေရာချင်း လဲချင်စိတ်က ပြင်းပြသထက် ပြင်းပြလာသည်။ ဘယ်နည်းနဲ့ဖြစ်ဖြစ် လဲရမှဖြစ်မယ်ဆိုတာမျိုးအထိ သူ တွေးမိလာသည်။

တစ်ညမှာတော့ သူမျက်နှာကြက်ကို ငေးကြည့်နေစဉ် တစ်ဖက်လူ ရုတ်တရက်နိုးလာကာချောင်းဆိုးသည်။ ချောင်းဆိုးရင်း သီးလာသည်။ သူနာပြုဆရာမကို အရေးပေါ် ခေါ်သည့် အချက်ပေးခလုတ်ကို နှိပ်ရန် လက်ကစမ်းတ၀ါးဝါးလိုက်ရှာသည်။

သို့သော် သူမလှုပ်ရှား။ တစ်ဖက်လူ အသက်ရှူသံရပ်သွားသည်အထိ ငြိမ်၍ပင် စောင့်ကြည့်နေသည်။

နောက်နေ့မနက်မှာ သူနာပြုဆရာမက တစ်ဖက်လူသေဆုံးနေကြောင်း တွေ့ရှိကာ အလောင်းကိုတိတ်ဆိတ်စွာပင် သယ်ယူသွားသည်။

ဣနြေ္ဒမပျက်လောက်ဘူးဟု ထင်ရသော အချိန်လောက်တွင် ကျန်ရစ်သူက သူ့အားပြတင်းပေါက်အနီးရှိ ခုတင်သို့ ပြောင်းပေးနိုင်မလား မေးသည်။

သို့နှင့် ပြောင်းပေးကြသည်။ သက်သောင့်သက်သာအရှိဆုံး ဖြစ်အောင် နေရာချပေးသည်။ သပ်သပ်ရပ်ရပ်ပြင်ဆင်ထားသိုပေးသည်။

သူနာပြုတွေ ထွက်သွားသည်နှင့်တစ်ပြိုင်နက် တံတောင် တစ်ဖက်ပေါ်တွင် အားပြုကာ သူကြိုးစား၍ ထသည်။ နာကျင်မှုဝေဒနာကို ကျိတ်မှိတ်ခံကာ သူ့ကိုယ်သူ ခဲယဉ်းပင်ပန်းစွာ ထူမပြီး ပြတင်းပေါက်မှ အပြင်သို့လှမ်းကြည့်သည်။ အပြင်၌ နံရံတံတိုင်းတစ်ခုသော သူမြင်ရလေသည်။

[မှုရင်း။ ။ အမည်မသိ စာရေးသူ၏ The Window]

အဖေ

ဒီစာအုပ်ကိုစာရေးဆရာကြီး 'ဖေမြင့်' ဘာသာပြန်ထားခြင်းဖြစ်ပါသည်။

အဖေ

ကျွန်တော်

၎နှစ်သားတုန်းက ငါ့ဖေဖေကြီး ဘာမဆို လုပ်တတ်တယ်။

၅နှစ်… ငါ့ဖေဖေကြီး မသိတာ ဘာမှ မရှိဘူး။

၆နှစ်… ငါ့အဖေက မင်းအဖေထက် တတ်တယ်ကွ။

၈နှစ်… တို့အဖေက အကုန်လုံးတော့လည်း အတိအကျ မသိဘူး။

၁၀နှစ်… အဖေတို့ ငယ်ငယ်တုန်းကနဲ့ အခုနဲ့ကတခြားစီပဲ။

၁၂နှစ်… အင်း အဲဒါတော့ အဖေလည်းဘယ်သိပါ့မလဲ ၊ သူက အသက်ကြီးပြီဆိုတော့ ကလေးတုန်းကအကြောင်းတွေ မမှတ်မိနိုင်တော့ဘူး။

၁၄နှစ်… အဖေတော့ ထည့်ပြောမနေနဲ့ ၊ သူက ရှေးရိုးသမားကြီး။

၂၁နှစ်… အဘိုးကြီးလား…ထားပါ ၊ အောက်နေပြီ ၊ လုံးဝအောက်နေပြီ။

၂၅နှစ်… အဖေလည်း နည်းနည်းပါးပါးတော့ သိတယ် ၊ မသိလို့လည်း မဖြစ်ဘူးလေ ၊ လူကြီးပဲဟာ။

၃၀နှစ်… အဖေကိုနည်းနည်းပါးပါး မေးမြန်းကြည့်ရင်ကောင်းမယ်ထင်တယ် ၊ ဘာပဲပြောပြော သူက အတွေ့အကြုံ အများကြီး ရှိတယ်။

၃၅နှစ်… အဖေနဲ့တိုင်ပင်ပြီးမှပဲ ဒီကိစ္စအတွက်ငါတစ်ခုခုလုပ်နိုင်မယ်။

၄၀နှစ်… အဖေသာဆိုရင် ဒီကိစ္စ ဘယ်လို ဖြေရှင်းမလဲ မသိဘူး ၊ အဖေက အတွေ့အကြုံ စုံတယ် ၊ အမြော်အမြင်လည်း ရှိတယ်။

၅၀နှစ်… ဒီကိစ္စအခုနေသာ အဖေနဲ့ တိုင်ပင်ခွင့်ရမယ်ဆိုရင် ဘယ်လောက်ပေးရပေးရ ငါပေးပါတယ်။ အဖေ့အရည်အချင်းတွေ သူရှိတုန်းက ကောင်းကောင်း သတိမထားခဲ့မိတာ သိပ်နှမြောစရာကောင်းတယ် ၊ တကယ်ဆိုငါ အဖေ့ဆီက အများကြီး ရလိုက်ဖို့ကောင်းတယ်။

[မူရင်း။ ။ Ann Landers ၏ My Father When I Was…]

အတွေးကတ်ပြား

ဒီစာအုပ်ကိုစာရေးဆရာကြီး 'ဖေမြင့်' ဘာသာပြန်ထားခြင်းဖြစ်ပါသည်။

အတွေးကတ်ပြား

လူတစ်ယောက်ထံမှ အစစအရာရာ
သိမ်းပိုက်သွားနိုင်သော်လည်း
တစ်ခုကိုမှု ယူ၍မရ။
ယင်းကား ၊ လူ့လွတ်လပ်ခွင့်တို့အနက်
အရင်းခံအကျဆုံးဖြစ်သည့်
'မိမိလမ်းကို မိမိရွေးချယ်ပိုင်ခွင့်' ဖြစ်ပေသည်။
[ဗစ်တာ ဖရန်ကဲလ်]

ကောလိပ်ရောက်စ နှစ်များတုန်းကမှု ကျွန်တော်ကမကျေနပ်စိတ် ဒေါသစိတ်တွေ များနေသည့် လူငယ်တစ်ယောက်ဖြစ်ပါသည်။ ကျွန်တော့်ဒေါသက အရပ်ရပ်သို့ ပျံ့နှံ့နေသည်။ လောကကြီးထဲမှာ ကျွန်တော်ဘာကိုမှ မကျေနပ်ချင်ပါ။ ကျွန်တော့်ဒေါသက နေရာတစ်ခုမှာ စုပြုံကျရောက်နေတာလည်း ရှိသည်။ အဲဒါက မိဘများဖြစ်သည်။ မိဘတွေကို ကျွန်တော် သဘောမကျပါ။ အဖေ့သြ၀ါဒတွေ ၊ လမ်းညွှန်တာ သွန်သင်တာ ဆုံးမတာတွေအတွက် ကျွန်တော် အမြဲဒေါသထွက်နေရသည်။

မိဘက ငွေကြေးမပြည့်စုံတော့ ကျွန်တော် နီးနီးနားနားက ကောလိပ်ကျောင်းကိုပဲ တက်နိုင်သည်။ ကျောင်းသွားတော့လည်း နေ့တိုင်း ဘတ်စကားနှင့် ပဲသွားရသည်။ တစ်နေ့မှာတော့ အဖေနှင့် ကျွန်တော် အကြီးအကျယ် စကားများသည်။ ကျွန်တော့်စိတ်တွင် ကျွန်တော့်ကို အဖေချုပ်ချယ်လွန်းသည်ဟု ထင်နေသည်။ ကျွန်တော် အချုပ်ချယ်တွေက ရုန်းထွက်ချင်နေသည်။ အဖေက ကျွန်တော် လူကြီးကိုမလေးစား ၊ ပုန်ကန်ချင်သည်ဟုမြင်သည်။ ဖိဖိစီးစီး ကိုင်တွယ်မှ ဖြစ်မည်ဟု သဘောထားသည်။ အဲသည်တော့ နှစ်ယောက်လုံး အော်ကြီးဟစ်ကျယ်တွေနှင့် ပေါက်ကွဲကြတော့သည်။ ကျွန်တော် အိမ်ကဆူပူအော်ဟစ်ပြီး ထွက်လာတော့ကျောင်းကားက သွားနှင့်ပြီ။ နောက်တစ်စီး စောင့်မည်ဆိုလျှင် 'ပညာရေး' အတန်းကို မီမှာမဟုတ်တော့။ ကျွန်တော် အဲသည်မှာ ပို၍ပင် စိတ်တိုလာသည်။

လမ်းတစ်လျှောက် ရှူးရှူးရှဲရှဲ ဒေါသထွက်လိုက် ၊ တဟင်းဟင်း သက်ပြင်းချလိုက်နှင့် ကျွန်တော် ကျောင်းသို့ရောက်လာသည်။ စိတ်ထဲမှာ အဖေနှင့်ပတ်သက်သည့် ဒေါသတွေးတွေ တစ်လျှောက်လုံး သွန်ချလာသည်။ မြီးကောင်ပေါက်အရွယ် လူငယ်အတော်တော်များများနည်းတူ ကျွန်တော့်အတွေးတွေက ကိုယ့်သဘော ကိုယ့်ဆန္ဒတွေချည်း ကြီးစိုးလွန်းနေသည်။ လောကကြီးမှာ ကျွန်တော့်အဖေလောက်ဆိုးသည့် အဖေမျိူး တစ်ယောက်မျှ ရှိမည်မဟုတ် ၊ ကျွန်တော့်လို မတရား ချုပ်ချယ်ခံရ သည့် အနေအထားမျိုးလည်း ဘယ်သူမျှ ကြုံဖူးကြလိမ့်မည်မဟုတ် ၊ ပြီး ကျွန်တော့်အဖေသည် အထက်တန်းကျောင်းထွက်စာမေးပွဲလောက်ပင် မအောင်မြင်ခဲ့ ၊ ကျွန်တော်တော်က ကောလိပ်ကျောင်းသား ၊ သူ့ထက်အများကြီးပညာတတ်သည် ၊ ဒါတောင်မှပင် ကျွန်တော့်ဘ၀ ကျွန်တော့်အစီအစဉ်တွေမှာ နေရတကာ ၀င်ပါချင် ၊ လိုက်နှောင့်ယှက်ချင်နေသည် ၊ စသဖြင့်။

ကျယ်ဝန်းသော ကျောင်းဝင်းကို ဖြတ်သန်းကာစာသင်တန်းရှိသည့် အဆောက်အုံဆီသို့ အပြေးအလွှားသွားရင်း ရုတ်တရက် တစ်စုံတစ်ခုကို သတိရသည်။ သည်ကနေ့ပေးရမည့် 'အတွေးကတ်ပြား' အဆိုင်းမင့်အတွက် ကျွန်တော်ဘာမှ မလုပ်ခဲ့ရသေး။

သည်အတန်းက ဒေါက်တာ ဆစ်ဒနီဘီဆိုင်မွန်၏ အတန်းဖြစ်သည်။ ဒေါက်တာဆိုင်မွန်က ကျွန်တော်တို့ကျောင်းမှာ အထူးခြားဆုံး ဆရာတစ်ယောက်ဖြစ်သည်။ သူ့ပေါ်လစီတွေ လုပ်ထုံးလုပ်နည်းတွေက လုံးဝ တစ်ဘာသာ။ သင်ကြားပုံ သင်ကြားနည်းတွေက တစ်ခါမှ မကြုံတွေ့ဖူးသည့် အသစ်အဆန်းတွေဖြစ်သလို ၊ အမှတ်ပေးစနစ်ကလည်း အံ့သြဖွယ်ရာပင်။ ဒေါက်တာဆိုင်မွန် အကြောင်းကို လူတိုင်းက ပြောကြသည်။

သူ့ထံ ပထမဆုံး အတန်းတက်ရသည့်နေ့တွင်ဒေါက်တာဆိုင်မွန်က သင်ခန်းစာအစီအစဉ် တစ်ခုရှင်းပြသည်။ "အင်္ဂါနေ့တိုင်း လေးလက်မ ခြောက်လက်မအရွယ် အညွှန်းကတ်ပြားတစ်ခုစီ ယူခဲ့ကြပါ ၊ ကတ်ပြားရဲ့ ထိပ်မျဉ်းကြောင်းမှာ နာမည်နဲ့ နေ့စွဲရေးပါ ၊ အောက်မှာ ဘာရေးမလဲဆိုတာတော့ တစ်ဦးချင်းသဘောပဲ။ အတွေးတစ်ခုရေးနိုင်တယ် ၊ ကိုယ် စိုးရိမ်ပူပန်တာရေးနိုင်တယ် ၊ ခံစားချက်ရေးနိုင်တယ် ၊ မေးခွန်းတစ်ခုခု ရေးနိုင်တယ် ၊ ဒါမှမဟုတ် ဘာဖြစ်ဖြစ် ခေါင်းထဲပေါ်လာတဲ့ တစ်ခုခုကို ရေးလိုက်နိုင်တယ်။ အဲဒါဟာမင်းတို့နဲ့ ဆရာနဲ့ကြား တိုက်ရိုက်ဆက်သွယ်တဲ့ နည်းတစ်ခုပဲ။ ဒီကတ်ပြားတွေဟာ လုံးဝ 'လျှို့ဝှက်' ဖြစ်တယ် ၊ ဗုဒ္ဓဟူးနေ့တိုင်း ဒါတွေပြန်ပေးမယ် ၊ ကတ်ပြားပေါ်မှာ မင်းတို့ရေးလိုက်တာတွေနဲ့ ပတ်သက်တဲ့ ဆရာ့ရဲ့ မှတ်ချက်တွေ ပါလာလိမ့်မယ် ၊ မေးခွန်းမေးသူကို ဆရာ အတတ်နိုင်ဆုံး ကြိုးစားပြီး ဖြေမယ် ၊ ကိုယ်စိုးရိမ်ပူပန်တဲ့ကိစ္စ ဖော်ပြလာသူကိုလည်းပဲ အလားတူဆရာအလေးအနက် တုံ့ပြန်မယ်။ အရေးကြီးတဲ့ အချက်ကဒီကတ်ပြားဟာ အင်္ဂါနေ့အတန်းတက်ဖို့အတွက်ဝင်ခွင့်လက်မှတ်ဖြစ်တယ်ဆိုတာ မမေ့ကြဖို့ပဲ"

ပထမအင်္ဂါနေ့မှာ ကျွန်တော် တာဝန်ကျေပွန်စွာအညွှန်းကတ်ပြားယူလာသည်။ ကတ်ပြားထိပ်မှာ ကျွန်တော့်နာမည်နှင့် အဲသည်နေ့ နေ့စွဲကို ကျကျနနရေးထားပြီး အောက်ဘက်တွင် "အရောင်ပြောင်တိုင်းလဲ ရွှေမဟုတ်" ဟူသော စာတစ်ကြောင်း ရေးလိုက်သည်။ နောက်တစ်နေ့မှယ ဒေါက်တာဆိုင်မွန်က အတန်းသားတွေကိုကတ်ပြားများ ပြန်ပေးသည်။ ကျွန်တော့်ကတ်ပြားတွင်ခဲတံနှင့် ရေးထားသော မှတ်ချက်တစ်ခု ပါလာသည်။ "ဒီစကားပုံက မင်းအတွက် ဘာအဓိပ္ပာယ် ထွက်သလဲ ၊ ထူးခြားချက် တစ်စုံတစ်ရာရှိသလား"

မှတ်ချက်ကိုဖတ်ကာ ကျွန်တော့်စိတ်ထဲ စနိုးစနှောင့် ဖြစ်သွားသည်။ သူက သည်ကတ်ပြားတွေကိုတကယ်အလေးအနက် လုပ်နေသည်ပဲ။ ကျွန်တော်ကတော့ ရင်ထဲရှိနေတာတွေကို သူ့ထံ လုံးဝဖွင့်ဟချင်စိတ်မရှိ။

နောက်ရက်တွေ ရောက်လာသည်။ သည်အတန်းက တစ်ရက်တစ်နာရီ နေ့တိုင်းရှိသည်။ ဒေါက်တာဆိုင်မွန်က တကယ်ထက်မြက်သော ပုဂ္ဂိုလ်တစ်ယောက်ဖြစ်ပါသည်။ ကျွန်တော်တို့အား မေးခွန်းတွေ မေးသောနည်းဖြင့် သင်ကြားသည်။ အရင်တုန်းက ဘယ်ဆရာထံကမှ မကြားခဲ့ရဘူးသည့် ပြဿနာတွေ ၊ အရေးကိစ္စတွေ သူ ဖော်ထုတ်ကာ ကျွန်တော်တို့အား ဆွေးနွေးခိုင်းသည်။ ပြဿနာကို ကိုယ်တိုင်စဉ်းစားဖြစ်အောင်ဆွပေးသည်။ ပေါ့ပေါ့တန်တန်မဟုတ် အလေးအနက်စဉ်းစားစေခြင်း ဖြစ်သည်။ လူမှုရေးပြဿနာ ၊ နိုင်ငံရေးပြဿနာ ၊ တစ်ဦးချင်းဆိုင်ဂာ ပြဿနာ အားလုံးသည်ပင် ကျွန်တော်တို့ အတန်းအတွက် ဆွေးနွေးစရာသင်ခန်းစာတွေချည်းဖြစ်သည်။ ကျွန်တော်တို့ အတန်းသည် လူမှုရေးရာဘာသာရပ်များ သင်ကြားပို့ချပုံနည်းနာများအကြောင်း လေ့လာသော အတန်းဖြစ်ရာလေ့လာမှုနယ်ပယ်က အလွန်ကျယ်ဝန်းသည်။ ကျွန်တော် အထက်တန်းကျောင်းမှာတုန်းကလည်း လူမှုရေးရာဘာသာများဖြစ်သော ပထ၀ီ ၊ သမိုင်း ၊ စီးပွားရေးပညာ အစရှိတာတွေ သင်ခဲ့ရဖူးသည်။ ဆရာ ဆရာမ များက သည်ဟာတွေကို ကျက်စာဘာသာများအဖြစ်သဘောထားကြသည်။ သူတို့ထဲမှာပါသည့် အမည်တွေ ၊ ခုနှစ်သက္ကရာဇ်တွေ ၊ နံပါတ်စဉ်ထိုး၍ ပေးထားသည့် အချက်အလက်တွေကို အလွတ်ရအောင်ကျက် ၊ စာမေးပွဲမှာ မေးလာသည့်အခါ အားလုံးပြန်ချရေး ၊ ဒါပဲဖြစ်သည်။ သူတို့အထဲက အကြောင်းအချက်တွေနှင့် ပတ်သက်ပြီးစဉ်းစားဝေဖန်ဖို့ ဘယ်သူကမှ ခိုင်းလေ့မရှိခဲ့။

အစပိုင်း၌ ကျွန်တော့်စိတ်တွင် ဆရာဆိုင်မွန်ကကျွန်တော်တို့ကို သည်ပြဿနာရပ်တွေနှင့် ပတ်သက်၍ထောက်ခံသည့်ဘက်ကအမြင်တွေ သို့မဟုတ် ဆန့်ကျင်ကန့်ကွက်သည့် ဘက်ကအမြင်တွေ ခေါင်းထဲရိုက်ထည့်ပေးဖို့ ကြိုးစားနေတာမျာလားဟု ထင်မြင်မိသေးသည်။ သို့သော် ဆရာက သည်လိုပုဂ္ဂိုလ်မျိုး မဟုတ်ပါ။ ကျွန်တော်တို့ ကိုယ့်ဘာသာ စဉ်းစားတတ်ဖို့ ၊ ပြီး အဲသည်ကမှ ကိုယ်ပိုင်အတွေးအမြင် အယူအဆများ ကိုင်စွဲရရှိလာစေဖို့ သူ တိုက်တွန်း အားပေးနေခြင်းသာ ဖြစ်သည်။ သို့သော် ပွင့်ပွင့်လင်းလင်းပြောရလျှင် သည်အတန်းတက်ရတာ ကျွန်တော် အတော် ကသိကအောင့် ဖြစ်ပါသည်။ စင်စစ် ၊ ဆရာဆိုင်မွန် သင်ကြားပုံက အသစ်အဆန်းဖြစ်၍ ငြီးငွေ့ဖွယ်မရှိဟု ဆိုနိုင်သည်။ သဘောကျချင်စရာ၊ တစ်ခါတစ်ရံ တက်တက်ကြွကြွ ပါဝင်ချင်စရာလည်းဖြစ်ပါသည်။ သို့သော်သည်သင်ကြားပုံမျိုး မကြုံဘူးသည့် ကျွန်တော့်မှာ ဆရာဆိုင်မွန်ကို ဘယ်လိုပုံစံပြန်လည်တုံ့ပြန် ဆက်ဆံမည်ဟူသော ဗျူဟာတစ်ရပ် ချမှတ်နိုင်ခြင်းမရှိ ဖြစ်နေသည်။ ပုံမှန်အတန်းမှာ အကောင်းဆုံး ဘယ်လို နေထိုင်ရမည်ဆိုတာ ကျွန်တော်သိသည်။ ရှေ့ဆုံးတန်းမှာထိုင်၊ ဆရာ့လက်ချာကို အရမ်းသဘောကျကြောင်းပြော၊ အဆိုင်းမင့်တွေကို ဆရာပြောသည့်ပုံစံအတိုင်း တိတိကျကျ သပ်သပ်ရပ်ရပ် ရိုက်ပြီးတင်၊ ပြီးလျှင် စာတွေ အလွတ်ကျက် ၊ အလွတ်ကျက် ၊ အလွတ်ကျက်။ ယခု ဆရာ့အတန်းကတော့ လုံးဝတခြားစီ ဖြစ်နေသည်။ အရင်အစဉ်အဆက် ကျွန်တော် သုံးစွဲအောင်မြင်လာခဲ့သည့် နည်းတွေ သည်နေရာမှာ သုံးမရဖြစ်နေသည်။

ဒုတိယအင်္ဂါနေ့ ရောက်လာပြန်သည်။ ကျွန်တော်က ကတ်ပြားပေါ်မှာ "အချိန်မီတစ်ချက်ချုပ်လျှင် ရေညှိမတင်" ဟု ရေးလိုက်သည်။ ("အချိန်မီတစ်ချက်ချုပ်လျှင် ကိုးချက်ချုပ်ရ သက်သာသည်" နှင့် "လိမ့်နေသော ကျောက်ခဲရေညှိမတင်" ဟူသော စကားပုံနှစ်ခုကို ဖြတ်ဆက်ပေးထားခြင်းဖြစ်သည်။) ဒါကလည်း ဆရာ့ကို ပြည့်ပြည့်၀၀ ကိုးစားယုံကြည်ခြင်း မရှိသဖြင့် ဟာသကလေးနှင့် ကိုယ့်ကိုကိုယ် ဖုံးထားကာထားလိုက်ခြင်းဖြစ်သည်။ ကျွန်တော်ရင်းရင်းနှီးနှီး အရောတ၀င် မဆက်ဆံချင်သည့် အခါမျိုးမှာ ကျင့်သုံးလေ့ရှိသည့် ကျွန်တော်၏ အကောင်းဆုံး ကာကွယ်ရေးနည်းလမ်းတစ်ရပ်လည်း ဖြစ်ပါသည်။ နောက်နေ့ကတ်ပြားပြန်ရသည့် အခါမှာတော့ "မင်းကြည့်ရတာ ဟာသဥာဏ်ရှိပုံ ရတယ်၊ အဲဒါဟာ မင်းအတွက် အရေးကြီးတဲ့ အစိတ်အပိုင်းတစ်ရပ်ပဲလား" ဟူသော မှတ်ချက်တစ်ခုပါလာသည်။

သူဘာကိုလိုချင်သလဲ။ အခုလုပ်နေတာ ဘာသဘောလဲ။ မူလတန်းကျောင်းမှ စတင်ကာ ယနေ့အထိ ကျွန်တော့်အား ကိုယ်ရေးကိုယ်တာတွေပါ လိုက်စိတ်ဝင်စားသည့် ဆရာ ဆရာမ တစ်ယောက်မျှ မကြုံဘူးပါ။ သည်ဆရာ ဘာကိုအလိုရှိသလဲ။

ကျွန်တော် စာသင်ဆောင်ထဲ အပြေးအလွှားဝင်လာခဲ့သည့်အချိန် အတန်းစတာ ၁၀ မိနစ်ခန့်ရှိနေပြီ။ အခန်းပြင်ဘက်နားလေးမှာ ကျွန်တော်မှတ်စုစာအုပ်ထဲက အညွှန်းကတ်ပြာတစ်ခု ထုတ်ယူသည်။ နာမည်နဲ့ နေ့စွဲရေးသည်။ အဲသည်နောက် ဘာအတွေး ရေးရမလဲ အသည်းအသန်စဉ်းစားသည်။ သည်အခါ စောစောက အဖေနှင့် ရန်ဖြစ်ခဲ့သည့် အကြောင့်တစ်ခုပဲ ခေါင်းထဲပေါ်လာသည်။ "ကျွန်တော်သည် လုံးဝအသုံးမကျသော သူတစ်ယောက်၏ သားဖြစ်သည်" ဟု ရေးချလိုက်ပြီး အခန်းထဲ အလျှင်အမြန်ဝင်ခဲ့သည်။ ဆရာက ၀င်ပေါက်အနီးမှာပဲ ရပ်ကာ အကြောင်းအရာတစ်ခုကို ဆွေးနွေးပြောဆိုနေခိုက်ဖြစ်သည်။ ကျွန်တော့်ကို မြင်တော့ ကတ်ပြားလှမ်းတောင်းသည်။ ကျွန်တော် သူ့လက်ထဲ ကတ်ပြားထည့်ပေးလိုက်ပြီး ကျွန်တော့်နေရာမှာ ၀င်ထိုင်သည်။

နေရာမှာ ထိုင်မိသည်နှင့် တစ်ပြိုင်နက် ကျွန်တော် အကြီးအကျယ် တုန်လှုပ်ချောက်ချားသွားသည်။ ငါ ဘာတွေလုပ်မိလိုက်ပါလိမ့်။ ကတ်ပြားကို ပေးလိုက်မိပြီ။ အဲဒါ အကြီးအကျယ် ပြသာနာ။ သည်ကိစ္စဖွင့်ပြောဖို့ ကျွန်တော်လုံးဝစိတ်ကူးမရှိခဲ့။ ယခုတော့ ကျွန်တော့်ဒေါသ အာဃာတတွေ သူသိသွားတော့မည်။ ကျွန်တော့်အဖေအကြောင်း ကျွန်တော့်ဘ၀အကြောင်းတွေ သူသိသွားတော့မည်။ အဲသည်နေ့ အတန်းထဲက တစ်ခြားကိစ္စတွေ ကျွန်တော် ဘာတစ်ခုမှသတိမရ။ ကျွန်တော့်ခေါင်းထဲ ကြီးစိုးနေသည်က ကတ်ပြားကိစ္စသာပဲဖြစ်သည်။

အဲသည်ည တစ်ညလုံးပင် အမျိုးအမည်မဖော်ပြနိုင်သည့် တုန်လှုပ်ချောက်ချားမှုတစ်ခုကြောင့် ကျွန်တော် အိပ်မရနိုင်ခဲ့။ သည်ကတ်ပြားတွေက ဘာအဓိပ္ပာယ်လဲ။ ဘာရည်ရွယ်ချက်လဲ။ ငါ ဘာကြောင့် အဖေ့အကြောင်း သူ့ကိုသွားပြောလိုက်မိသလဲ။ တကယ်လို့ သူသာ အဖေကို ဆက်သွယ်စကားပြောခဲ့ရင် ဘယ့်နှယ်လုပ်မလဲ။ ဒါတွေ သူနဲကော ဘာဆိုင်သလဲ။ သူများကိစ္စတွေ သူဘာပတ်သက်စရာလိုသလဲ…။

ဗုဒ္ဓဟူးမနက် ရောက်လာသည်။ စိတ်မဖြောင့် တဖြောင့်နှင့်ပင် ကျောင်းသွားဖို့ ကျွန်တော်ပြင်သည်။ အတန်းထဲ ကျွန်တော် အချိန်စောစီးစွာ ရောက်လာသည်။ အတန်းထဲမှာ နောက်ဘက်အဝေးဆုံးထိုင်ကာ အတတ်နိုင်ဆုံး ပုန်းလျှိုချင်စိတ် ပေါက်နေသည်။ အတန်းစသည်။ ဒေါက်တာဆိုင်မွန်က အတွေးကတ်ပြားတွေ ပြန်လိုက်ပေးသည်။ ကျွန်တော့်ကတ်ပြားကို စားပွဲပေါ်တွေ မှောက်လျက်ချသွားသည်။ ဒါလည်း သူ့ထုံးစံပဲ ဖြစ်သည်။ ကတ်ပြားကို ကျွန်တော်ကောက်ကိုင်လိုက်သည်။ သို့သော် လှန်ရပင် ခက်နေသည်။

ကတ်ပြားကိုကြည့်မိသည့်အခါမှာတော့ သူရေးထားသောစာကို ဖတ်မိသည်။ "လုံးဝအသုံးမကျသော သူရဲ့သားက အနာဂတ်ကာလ သူ့ဘ၀အတွက် ဘာတွေ လုပ်နေပါသလဲ" တဲ့။

ကျွန်တော် လုံးဝ အရှိုက်ထိုးခံလိုက်ရသလို ဖြစ်သွားသည်။ တစ်နေ့တစ်နေ့ ကျွန်တော် ကျောင်းသားသမဂ္ဂလက်ဖက်ရည်ဆိုင်မှာ အခြားသူငယ်ချင်းများနှင့်အတူ တမေ့တမောထိုင်ကာ 'ကျွန်တော့်မိဘတွေကြောင့်' ပေါ်ပေါက်လာရသည့် ကျွန်တော့်ပြဿနာတွေ အကြောင်းပြောဆိုလေ့ရှိခဲ့သည်။ သူတို့ကလည်း အလားတူအကြောင်းအရာတွေ ကျွန်တော်နှင့် ပြန်လည် မျှဝေကြစမြဲ ဖြစ်သည်။ ဘယ်သူကမှ ဘယ်သူ့ကို ကိုယ့်ကိစ္စ ကိုယ်တာဝန်ယူဖို့ ကောင်းသည့်အကြောင်း ပြောလေ့မရှိခဲ့။ တကယ်က ကျွန်တော်တို့အားလုံးပင် မိဘကို အပြစ်ပုံချသောအလုပ်ကို တညီတညွှတ်လုပ်ကာ ရေသာခိုနေခြင်းဖြစ်သည်။ ပြဿနာမှန်သမျှသည် ကျွန်တော်တို့မိဘတွေ၏ ချို့ယွင်းချက်တွေကြောင့်ချည်း ဖြစ်နေသည်။ စာမေးပွဲမှာ အမှတ်ကောင်းကောင်းမရလျှင် အမေ့ကို အပြစ်တင်မည်။ ထောက်ပံ့ကြေးအလုပ်တစ်ခု ရတော့မလိုနှင့် မရလျှင် အဖေ့ကို အပြစ်တင်မည်။ ကျွန်တော်က မိဘတွေနေရာမကျသည့် အကြောင်းအမြဲပြော၍ အပေါင်းအသင်းတွေကလည်း အရမ်းနားလည်သဘောပေါက်သည့် လက္ခဏာဖြင့် ခေါင်းတညိတ်ညိတ်ဖြင့် နားထောင်ကြမြဲ ဖြစ်သည်။ ကျွန်တော့်အတွက် ကျောင်းစရိတ်ရှာဖွေပေးနေသည့် မိဘတွေသည် ဘာတစ်ခုမျှ မတတ်မသိဘဲ နေရာတကာလိုက် ပြဿနာရှာနေကြသူများသာ ဖြစ်သည်။

သို့သော် ပါမောက္ခဆစ်ဒနီဆိုင်မွန်၏ အလွန်ရိုးစင်းသလိုထင်ရသော မေးခွန်းက ကျွန်တော်မှုတ်ထားသည့် အဲသည်လေပူဖောင်းကို ထိုးဖောက်ပစ်ခဲ့သည်။ သူက ပြဿနာ၏ သော့ချက်ကို အမိအရ ဆုပ်ကိုင်သည်။ ကိစ္စက ဘယ်သူ့ကိစ္စလဲ။ မင်းပြဿနာကို ဘယ်သူတာဝန်ယူရမှာလဲဟူ၍ တဲ့တိုးမေးချလိုက်ခြင်းပင်။

အဲသည်နေ့က သမဂ္ဂလက်ဖက်ရည်ဆိုင်ဘက်သို့ခြေဦးမလှည့်ဖြစ်တော့ပဲ အိမ်ဆီ တန်းပြန်လာခဲ့သည်။ လူက စိတ်ဓာတ်ကျနေသလိုလို ၊ နည်းနည်းနှိပ်ကွက်ခံထားရသလိုလို ဖြစ်နေသည်။ တစ်ညနေလုံး သည်ကိစ္စကိုပဲ တအုံနွေးနွေး တွေးနေမိသည်။ အမေပြောခဲ့ဖူးသည့် စကားတစ်ခွန်းကိုလည်း အဖန်ဖန် သတိရနေသည်။ "သန်းကြွယ်သူဌေးက သူ့ကိုယ်သူဂုဏ်ဖော်ချင်တဲ့အခါ 'ကိုယ်ထူးကိုယ်ချွန်သမား' တဲ့ ၊ အမှုဖြစ်ပြီး အဖမ်းခံရပြီဆိုတဲ့အခါကျတော့ 'ငယ်ငယ်တုန်းက စရိုက်ကြမ်းတဲ့ မိဘတွေနဲ့ ကြီးပြင်းလာရလို့ပါ' တဲ့"

ဘ၀အတွက် တကယ့်အပြောင်းအလဲကြီးတစ်ရပ်ကို ကျွန်တော် ကြုံတွေ့ခဲ့ရခြင်းဖြစ်သည်ဟု ပြောချင်လှပါသည်။ သို့သော် သည်လိုပြောလျှင်လည်း အတိအကျမှန်မည်တော့ မဟုတ်ပါ။ ဒေါက်တာဆိုင်မွန်၏ မှတ်ချက်က ရေရှည်ဆွဲကာဖြည်းဖြည်းချင်း အာနိသင်သက်ရောက်ခဲ့ခြင်းသာ ဖြစ်ပါသည်။ နောက်ရက်သတ္တပတ်အတန်ကြာအောင် သူ့မှတ်ချက်စကားက ကျွန်တော့်ခေါင်းထဲ ခဏခဏ ပေါ်လာနေသည်။ စိတ်ထဲမှာ ဟိုကိစ္စ သည်ကိစ္စတွေအတွက် အဖေ့အား အပြစ်တင်စကားဆိုမိတိုင်း ကိုယ်တွင်းမှ အသံတစ်သံက "ဟုတ်ပြီ ၊ မင်းပြောတဲ့အတိုင်း မင်းအဖေက ဘယ်နေရာတစ်ခုမှမကောင်းဘူးပဲ ထားပါတော့ ၊ မင်းကကော မင်းကိစ္စအတွက် ဘယ်လောက်ကြာကြာ အဖေကိုချည်း အပြစ်ပုံချပြီး ရှောင်တိမ်းနေနိုင်မယ် ထင်သလဲ" ဟူ၍လှမ်းလှမ်းမေးတာ ကျွန်တော်ကြားနေရသည်။

တဖြည်းဖြည်း ကျွန်တော့်အတွေးတွေ ပြောင်းလဲသထက် ပြောင်းလဲလာခဲ့သည်။ ကျွန်တော့် ပြစ်တင်ဝေဖန်စကားတွေ ပြောလွန်းတာ ကိုယ့်ဘာသာကြားလာသဘောပေါက်လာသည်။ ကျွန်တော့်ဘ၀မှာ ကျွန်တော့်ကိုယ်ကျွန်တော် အဓိကပုဂ္ဂိုလ်နေရာက မထားမိပါကလား ၊ ကျွန်တော်သည် ပြုလုပ်သူမဟုတ် အပြုခံ ဖြစ်နေခဲ့ပါကလားဆိုတာကို ကျွန်တော်မြင်လာသည်။ သည်အခါကျတော့ ဒေါက်တာဆိုင်မွန့်အတန်းထဲမှာတုန်းကထက်ပင် ပို၍ မသက်မသာခံစားရသည်။ ကျွန်တော်ရုပ်သေးရုပ်တစ်ရုပ်မဖြစ်ချင်ပါ။ ကိုယ်ကစတင် ပြုလုပ်သူသာဖြစ်ချင်သည်။ သူတပါးလုပ်ရပ်ကို လိုက်၍တုံ့ပြန် လှုပ်ရှားသူမျိုး မဖြစ်ချင်ပါ။

သို့သော် ရင့်ကျက်ဖွံ့ဖြိုးမှုဖြစ်စဉ်က အဆောတလျှင်အလွယ်တကူ မဖြစ်ပေါ်ပါ။ မိမိခံစားမှု ၊ မိမိရွေးချယ်မှုနှင့် မိမိလုပ်ရပ်များအတွက် မိမိဘာသာ တာဝန်ယူတတ်သူတစ်ဦးအဖြစ် ကျွန်တော့်အား လူအများ သတိထားမိလာဖို့ တစ်နှစ်မျှ အချိန်ကြာခဲ့သည်။ ကျောင်းက ဘာသာရပ်တိုင်းမှာပင် ကျွန်တော့်အဆင့်အမှတ်တွေသိသိသာသာ တက်လာသည်။ အပေါင်းအသင်း သူငယ်ချင်းအသစ်တွေ တိုးပွားလာသကဲ့သို့ သူတို့၏အရည်အချင်းတွေလည်း မြင့်မားလှတာ အံ့သြစွာတွေ့ရှိရသည်။ အထူးခြားဆုံးက ကျွန်တော့်အမြင်မှာအဖေအရင်ကထက် အဆမတန် တော်လာနေခြင်းဖြစ်သည်။

သည်ကာလ တစ်လျှောက်လုံးပင် ကျွန်တော်အတွေးကတ်ပြားတွေ ဖြည့်မြဲ ဖြည့်ပေးဖြစ်ခဲ့သည်။ ထူးခြားလှသော သည့်ဆရာထံ၌ နောက်ထပ်အတန်းတစ်တန်း ထပ်တက်သေးသည်။ ကျောင်းနေခဲ့သည့်သက်တမ်းတစ်လျှောက် ဆရာ့အတန်းမှာ ကျွန်တော်အကြိုးစားဆုံးဖြစ်ခဲ့သည်။ အပတ်စဉ်ပေးရသည့် အတွေးကတ်ပြားများနှင့်အတူ ပို၍ အဖြေရခက်သော ပြဿနာမေးခွန်းတွေ ကျွန်တော်ဆက်၍ဆက်၍ ရရှိခဲ့သည်။

နှစ်အတန်ကြာပြီးနောက်မှာတော့ ကျွန်တော့်တိုးတက်မှုက ကျွန်တော့်ဘာသာပင် အံ့အားသင့်ရသလောက်ပင် အနိုင်နိုင်ရှိခဲ့သော ကျွန်တော်သည် ထူးချွန်သော ကျောင်းသားတစ်ဦး ဖြစ်လာပြီး အဲသည်နောက်တွင်မှု အောင်မြင်သော ဆရာတစ်ဦးအဖြစ်ပါ အသိအမှတ်ပြု ခံလာခဲ့ရသည်။ နဂိုက အမြဲမကျေမချမ်းဖြစ်နေပြီး ဘ၀အတွက် လုပ်သင့်လုပ်ထိုက်သည့် အလုပ်မှန်သမျှကို အမြဲရှောင်ဖယ်နေခဲ့သော ကျွန်တော်သည် ယခုတော့ ထက်သန်တက်ကြွသူ ၊ ရည်မှန်းချက်ရှိသူ ၊ ရွှင်ပျလန်းဆန်းနေသူတစ်ဦး ဖြစ်လာခဲ့ပြီ။

အဖေနဲ့ ကျွန်တော့်ကြား ဆက်ဆံရေးသည်လည်းအလားတူပင် လုံးလုံးလျားလျားကြီး ပြောင်းလဲသွားခဲ့သည်။ ယခင်က ချုပ်ချယ်သည်ထင်ခဲ့ရာမှ ယခုတော့အဖေကျွန်တော့်အတွက် စိုးရိမ်ပူပန်ခြင်း ၊ ကျွန်တော့်ကိုဂရုစိုက်ခြင်းသာဖြစ်သည်ဟု မြင်လာခဲ့ပြီ။ ကျွန်တော်အားထိန်းကျောင်းပဲ့ပြင်ရန်အတွက် အဖေ့မှာ "ချောမွေ့ပြေပြစ်သော" နည်းလမ်းများ မရှိခဲ့တာ မှန်သော်လည်း စေတနာမေတ္တာအရင်းခံက ကြီးမားလှသည်ဆိုတာ ကျွန်တော်သဘောပေါက်ခဲ့ပြီ။ အဖေနှင့် ရန်ဖြစ်တာတွေ တဖြည်းဖြည်း လျော့လာသည်။ နောက်ဆုံး လုံးဝပျောက်ကွယ်သွားသည်။ အဖေသည် အမြော်အမြင်ရှိ၍ သားသမီးကိုလည်း ချစ်တတ်သော ဖခင်ကောင်းတစ်ယောက်ဖြစ်ကြောင်း ကျွန်တော် ကောင်းစွာ သိနားလည်ခဲ့ပြီ။

သည်အရာအားလုံးပင် အလွန်ရိုးစင်းသလို ထင်ရသည့် ဆရာ့မေးခွန်းတစ်ခုက အစပြုခဲ့ခြင်း ဖြစ်ချေသည်။

[မူရင်း။ ။ Hanoch McCarty ၏ The Thought Card]

မဖြစ်နိုင်ဘူးဆိုတာ သေချာပြီလား

ဒီစာအုပ်ကိုစာရေးဆရာကြီး 'ဖေမြင့်' ဘာသာပြန်ထားခြင်းဖြစ်ပါသည်။

လက်(စ)ပေါလ်
(Les Paul)

အမေရိကန် ဂစ်တာသမား။

၁၉၁၆တွင် ၀စ္စကွန်ဆင်ပြည်နယ် ဝေါ်ကီရှာမြို့၌ ဖွားသည်။

ရေဒီယို၌ ကျေးလက်တေးများ တီးခတ်သီဆိုရင်း စတင်နာမည်ရခဲ့သည်။ ထို့နောက် ဂျပ်ဇ်ဂီတဘက်သို့ ကူးပြောင်းကာ လက်(စ)ပေါလ်သုံးယောက်ဝိုင်းကို ဖွဲ့စည်းသည်။ ၁၉၃၈ မှ ၁၉၄၁ အတွင်း နာမည်ကြီးဖရက်(ဒ)၀ါရင်းအဖွဲ့နှင့် လိုက်ပါ ဖျော်ဖြေရင်း သုံးယောက်ဝိုင်း ပို၍လူသိများလာသည်။ ၁၉၄၂တွင် ဟောလိဝုဒ်သို့ရောက်သည်။

၁၉၅၀ ကျော်နှစ်များအတွင်း သူအထူးကျော်ကြား အောင်မြင်လာသည်။ အဓိက,က ဇွဲနပဲကြီးကြီးနှင့် ဆောင်ရွက်ခဲ့သည့် သူ၏ စမ်းသပ်တီထွင်မှုများကြောင့်ဖြစ်သည်။ ဂစ်တာဖြင့် မာလတီပယ် ရီကော့ဒင်းများ သူ စတင်ပြုလုပ်သည်။ ဆောလစ် 'လော့ဂ်' ဂစ်တာကို တီထွင်သည်။ လျှပ်စစ်ဂစ်တာ ရေပန်းစားအောင် သူကြိုးပမ်းခဲ့သည်။

ဇနီးမေရီဖို့ဒ်နှင့်တွဲဖက်၍ ထင်ရှားသော ဓာတ်ပြား အချပ်ပေါင်းများစွာ သွင်းခဲ့ပြီး ရုပ်မြင်သံကြားတွင်လည်း နှစ်ပေါင်းအတော်ကြာအောင် ပူးတွဲတင်ဆက်ခဲ့သည်။ နောက်ပိုင်းကာလ၌ လျှပ်စစ်ဂစ်တာအား ပို၍ပီပြင်ထက်မြက်သောတူရိယာပစ္စည်း ဖြစ်အောင် မွမ်းမံပြုပြင်သော အလုပ်ကိုပင် နှစ်မြှပ်လုပ်ကိုင်ခဲ့သည်။

'ကိုယ်တကယ်လုပ်မကြည့်သေးပဲနဲ့ ကျွန်တော်လုပ်မရဘူး လို့ဘယ်တော့မှမပြောနဲ့'

***

ကျောက်တုံးကျောက်ခဲနှင့် တည်ဆောက်ထားသည့် နံရံတံတိုင်းဟူသည်လည်း နာနာဖိတွန်းလျှင် တစ်ချိန်မှာ ပြိုလဲသွားနိုင်သည်။

'မဖြစ်နိုင်ဘူးဆိုတာ သေချာပြီလား'

အဲသည်နေ့တုန်းက အလုပ်သမားတွေ မြောင်းတူးနေကြသည်။ သို့သော် ကျွန်တော်က မြောင်းကို စိတ်မ၀င်စား။ နေ့လယ်စာ စားရန် သူတို့နားကြသည့်အချိန် ဆံပင်ဖြူကျိုးကျဲ နှင့် အလုပ်သမားကြီး တစ်ယောက် သူ့ဘာဂျာဟောင်းလေး ထုတ်ပြီး မှုတ်သည့်အခါမှသာ ကျွန်တော်အံ့သြသဘောကျကာ ငေးကြည့်နေမိသည်။ အဲသည်တုန်းက ကျွန်တော် ကျောင်းသားလေးပဲ ရှိသေးသည်။ ကျွန်တော်စိတ်ထဲတွင် 'ငါသာ ဒီလိုမှုတ်တတ်ရင် သိပ်ကောင်းမှာပဲ' ဟုတွေးနေမိသည်။

သည်အခိုက် အလုပ်သမားကြီးက ဘာဂျာကို ကျွန်တော့်ဆီ ရုတ်တရက်ထိုးပေးသည်။ 'လုပ်ကွာ ချာတိတ် ၊ မှုတ်ကြည့်စမ်း'

'ကျွန်တော် မမှုတ်တတ်ဘူး ခင်ဗျ' ကျွန်တော်က ငြင်းသည်။

လူကြီးက ကျွန်တော့်ကို တစ်ချက်စိုက်ကြည့်သည်။ ပြီးတော့မှ 'ဘယ်ဟုတ်မလဲ ကလေးရ ၊ မှုတ်သာကြည့်စမ်းပါ ၊ တော်ကြာတော့ မင်းကျွမ်းသွားမှာ' ဟုဆိုသည်။ အဲသည်နောက် သူက ကျွန်တော့်တစ်သက်တာအတွက် တန်ဖိုးအရှိဆုံး စကားတစ်ခွန်းကို ဆိုသည်။ 'ကိုယ် တကယ်လုပ်မကြည့်သေးဘဲနဲ့ ကျွန်တော်လုပ်မရဘူးလို့ ဘယ်တော့မှ မပြောနဲ့ကွ' ဟူ၍။

တစ်နေ့မှာ စန္ဒရားဆရာက အမေ့ထံ စာတစ်စောင် ကျွန်တော်နှင့် ပေးပါသည်။ စာက ကျွန်တော်နှင့် ပတ်သက်၍ မညှာမတာ ရေးထားသည့်စာ။

'ခင်ဗျားရဲ့သား လက်စတာဟာ ဂီတပညာ ဘယ်တော့မှ သင်လို့တတ်မှာမဟုတ်ဘူး ၊ ကျွန်တော် သူ့ကိုနောက်ထပ်မသင်နိုင်တော့ပါ' တဲ့။

သည်စာ ဖတ်ပြီးနောက် အလုပ်သမားကြီး ပြောခဲ့သောစကားကို ကျွန်တော်ပြေးသတိရသည်။

စင်စစ် ကျွန်တော်နောက်မဆုတ်ချင်ပါ။ ကျွန်တော်ဂီတပညာ သင်၍ မရနိုင်ဆိုတာ သေချာအောင်မှ စမ်းသပ်မကြည့်ရသေးတာ။ သင်လို့ရတယ်ဆိုတာ သက်သေပြနိုင်အောင် ငါ ကြိုးစားမယ်ဟု ကျွန်တော်ဆုံးဖြတ်လိုက်သည်။

အဲသည်နှစ်မှာ ကျွန်တော် ကိုယ့်ဘာသာ ဂစ်တာအတီးသင်သည်။ ကျွန်တော့်အိမ်နားမှာ ဂစ်တာသမားတစ်ယောက်ရှိရာ အဲသည်လူ တီးသည့်အခါ ဘေးက အသေအချာကြည့်ပြီး ကြိုးခြောက်ကြိုးပေါ်မှာ လက်ချောင်းလေးတွေ ဘယ်အနေအထား ထား၍တီးလျှင် ဘယ်အသံထွက်သည်ဆိုတာ မှတ်သားကာ ၄င်းအတိုင်း ထပ်တူလိုက်တီး ကြည့်ခြင်း ဖြစ်သည်။ သင်ယူရသည့်ချိန်တာကရှည်ကြာလှပါသည်။ သို့သော် ဘာပဲဖြစ်ဖြစ် ကျွန်တော့်အဖို့တော့ ကိုယ် ပိုင်ပိုင်နိုင်နိုင် တီးခတ်နိုင်မည့် တူရိယာပစ္စည်းတစ်ခုကိုတွေ့ရှိခဲ့ခြင်းဖြစ်သည်။

အသက်နှစ်ဆယ် အရွယ်မှာ ကျွန်တော်က ကျွန်တော့်ဂျပ်ဇ်ဂစ်တာကို ပင်တိုင်ထားပြီး သုံးယောက်ဝိုင်းတစ်ခု ဖွဲ့စည်းသည်။ ပြီး အောင်မြင်ကျော်ကြားလာရမည်ဟူသော ရည်မှန်းချက်နှင့် နယူးယောက်သို့ တက်ခဲ့ကြသည်။ သို့သော် နယူးယောက်ရောက်တော့ နာမည်ကြီးတီးဝိုင်းခေါင်းဆောင်တွေက ကျွန်တော်တို့လို ရွက်ပုန်းသီး ပညာသည်တွေကို ကောင်းကောင်းပင် မဆက်ဆံချင်ကြတာ ကျွန်တော်တွေ့ရသည်။ ကျွန်တော်တို့ လက်သံကို မြည်းစမ်းကြည့်ဖို့ပင် အချိန်မပေးနိုင်လောက်အောင် သူတို့အလုပ်များနေကြသည်။

တစ်နေ့ ဘရော့ဒ်ဝေး သဘင်ဂီတ လမ်းမ အဆောက်အဦးကြီးတစ်ခု၏ ကော်ရစ်ဒါမှာ ကျွန်တော်တို့သုံးယောက်အဖွဲ့ ထိုင်စောင့်နေဆဲ နာမည်ကြီး ပင်ဆီလ်ဗေးနီးယင်းအဖွဲ့၏ ခေါင်းဆောင် ဖရက်(ဒ) ၀ါရင်း ဓါတ်လှေကားဆီသို့ လျှောက်သွားတာ ကျွန်တော်လှမ်းမြင်သည်။ ရုတ်တရက်ပင် ကျွန်တော် သည်လူ့ကို သည်နေရာမှာပဲ တီးပြလိုက်မည်ဟု ဆုံးဖြတ်လိုက်သည်။ ကျွန်တော့်အဖွဲ့သားတစ်ယောက်က လန့်သွားသည်။ 'ဟ ဒီနေရာကြီးမှာ ဖြစ်ပါ့မလားကွ'ဟု ဆိုသည်။

'တကယ်ဖြစ်မဖြစ် သေချာအောင် စမ်းကြည့်တာပေါ့ကွာ' ကျွန်တော်ပြောရင်း ဂစ်တာကို ကောက်ကိုင်လိုက်သည်။ ကံအားလျော်စွာ ဓါတ်လှေကားကလည်း ကြာနေသည်။ ကျွန်တော်တို့လက်သံကို ကြားရသောအခါ ဖရက်(ဒ) အံ့အားသင့်သွားသည်။ ဓါတ်လှေကား ရောက်လာ၍ လှေကားထဲ သူမ၀င်မီမှာပင် ကျွန်တော်တို့ 'လက်(စ) ပေါလ် သုံးယောက်ဝိုင်း' ကို သူငှားရမ်းပြီး ဖြစ်သွားလေသည်။

ထို့နောက် နှစ်ပေါင်း အတော်ကြာအောင် ကျွန်တော် ညစဉ်ညတိုင်း ဂစ်တာကို အမျိုးမျိုးအဖုံဖုံ တီထွင်စမ်းသပ် တီးခတ်နေခဲ့သည်။ သည်တူရိယာပစ္စည်း တကယ်ထူးခြားပေါ်လွင်လာအောင် မြှင့်တင်ပေးနိုင်မည့် နည်းနာများ ကျွန်တော် မပြတ်ရှာဖွေခဲ့သည်။ နောက်ဆုံးတွင် ဂစ်တာတစ်လက်တည်းနှင့်ပင် ဂစ်တာများစွာပါဝင်သော သံစုံတီးဝိုင်းကြီးတစ်ခုမှ ထွက်လာသည့်အသံမျိုး ရအောင် ဖန်တီးရန် နည်းလမ်းကို ကျွန်တော် တွေ့ရှိခဲ့သည်။ တေးသီချင်းတစ်ပုဒ်အတွက် ရစ်သမ် ၊ မယ်လဒီ ၊ ဟာမိုနီ ၊ ဘက်ဂရောင်း စသည်တို့ကို တစ်ခုချင်း သီးခြားစီ တီးခတ်ပြီး အသံသွင်းယူသည်။ ထို့နောက် ၄င်းဓာတ်ပြားများအားလုံးမှ အသံစုံကို ဓာတ်ပြားတစ်ချပ်တည်းသို့ ပြောင်းရွှေ့ထည့်သွင်းသည်။ ဤသည်ကား ယခုအခါ မာလတီပယ်(Multiples) ဟု လူသိများနေပြီဖြစ်သည့်နည်း ဖြစ်ပါသည်။

ပထမဆုံး မာလတီပယ်ဓာတ်ပြားများ သွင်းရန် ကုမ္ပဏီတစ်ခုနှင့် စာချုပ်ချုပ်ဆိုဖြစ်ပြီးနောက် မိသားစုထံ အလည်ပြန်ခဲ့သည်။ အိမ်မှာ ကောင်းကောင်းအနားယူပြီး အပြန်လမ်းတွင် ကားဘီးချော်ပြီး လမ်းဘေး ထိုးကျသည်။ ဆီးနှင်းတွေထဲမှာ ရှစ်နာရီလောက် ကြာပြီးမှ ကျွန်တော့်ကို တွေ့ကြကာ လူနာတင်ယာဉ်နှင့် ဆေးရုံသို့ ယူဆောင်ကြသည်။

ဆေးရုံက လူနာမှတ်တမ်းမှာ ရေးသားထားသည့် ကျွန်တော့်ထိခိုက်ဒဏ်ရာစာရင်းက ကြောက်စရာ ရှည်လျားလွန်းလှသည်။ ကျောရိုးဆစ် တချို့ ကျိုးသွားသည်။ ပခုံးနှစ်ဖက်လုံး ကျိုးသွားသည်။ နှာခေါင်းရိုး ကျိုးသည်၊ ညာဘက်လက်မောင်းရိုးက သုံးနေရာတိတိ ကျိုးသွားသည်။ အဲသည်နောက် နံရိုး အတော်များများ၊ တင်ရိုးခွေ၊ ပြီးတော့ ခြေထောက်နှစ်ချောင်းလုံး။

တစ်နေ့နံနက်မှာ ဆရာဝန်တွေ ကျွန်တော့်ညာလက်မောင်းရိုးက ကျိုးကြေသွားတာတွေ သိပ်များနေသဖြင့် ပြန်လည်ပြင်ဆင်နိုင်ဖို့ အလွန်ခဲယဉ်းနေကြောင်း သုံးသပ်ကြသည်။ သည်လက်ကို ဖြတ်ပစ်လိုက်တာ အကောင်းဆုံးဖြစ်လေမလား သူတို့ ဆွေးနွေးကြသည်။

သူတို့ ပြောဆိုကြသည့် စကားများ၏ အနက် အဓိပ္ပာယ် အပြည့်အ၀ကို သေချာစွာ စေ့ငုနေမိသည့်အချိန် အခန်းထဲမှာ ကျွန်တော် နောက်ထပ် ဘာသံမျှ မကြား။ ကျွန်တော် စဉ်းစားနေမိသည်က လက်မောင်းရင်းကသာ ဖြတ်မည်ဆိုလျှင် ကျွန်တော့် ဂစ်တာသမားဘ၀ ဆုံးပြီ၊ ကျွန်တော်ကြိုးစားခဲ့သမျှ သဲရေကျပြီ ဆိုတာပဲ ဖြစ်သည်။ ခုတင်ပေါ်မှာ လဲလျောင်းရင်းကပင် အတိတ်ကာလဆီသို့ ကျွန်တော် လွင့်မျောရောက်ရှိသွားသည်။ ဘာဂျာဟောင်းလေးကို မှုတ်နေသည့် မြောင်းတူးအလုပ်သမားကြီးဆီသို့။ ယခုအချိန်ထိ ကျွန်တော် ရရှိခဲ့သမျှ အောင်မြင်မှုသည်လည်း သူပေးသည့် အကြံဉာဏ်အတိုင်း လိုက်နာခဲ့ခြင်းကြောင့်သာ ဖြစ်သည်။ ဆံဖြူကျိုးကျဲနှင့် သူ့ရုပ်သွင်ကို ကျွန်တော်ပြန်မြင်လာသည်။

သို့နှင့်၊ ကျွန်တော့်ခုတင်နှင့် အနီးဆုံးမှာရှိသည့် ဆရာဝန်ကို လှမ်းပြောသည်။

'ကျွန်တော် ပြောပါရစေဆရာ၊ ဒီလက်မောင်းကို ဆရာတို့ တတ်နိုင်သမျှ ကြိုးစားကြည့်ကြပါဦး၊ လုံးဝ မရတော့ဘူးဆိုတာ သေချာတော့မှပဲ မရဘူးလို့ လက်လျှော့ကြရအောင်လား ဆရာ'

သည်နောက်မှာတော့ ကျွန်တော့်လက်မောင်းကို အကြိမ်ကြိမ် အထပ်ထပ် ခွဲစိတ်ကြသည်။ ခြေထောက်က အရိုးကို လက်မောင်းဆီ ဆက်ပွားနိုင်ပြီးတော့မှသာ လက်တစ်ချောင်းလုံး ဖြတ်ပစ်ရတော့မည့် အန္တရာယ်မှ လွတ်မြောက်သွားတော့သည်။ သို့သော် တံထောင်ဆစ်နေရာမှာ ပြဿနာကျန်နေသေးသည်။ တံထောင်ဆစ်နားတွင် အရိုးတွေ ကြေမွသွားသည်ဖြစ်ရာ အဲသည်နေရာတွင် သတ္တုပြားတစ်ခု အစားထိုးပြီး ပြန်လည်တည်ဆောက်ရသည်။ သည်နေရာမှာ အကွေးအဆန့်လုပ်၍ ရမည်မဟုတ်တော့။ ကွေးလျှင် အကွေးအတိုင်း ၊ ဆန့်လျှင် အဆန့်အတိုင်း တစ်သမတ်ရှိတော့မည်ဖြစ်ရာ ဆရာဝန်များအား ကျွန်တော် ဂစ်တာတီးရန် အဆင်ပြေသည့် အနေအထားအတိုင်း ထားပေးရန် မေတ္တာရပ်ခံလိုက်သည်။

တကယ် ဂစ်တာတီး၍ ရ မရ သေချာအောင်ကား တစ်နှစ်ခွဲလောက် ကြာအောင် စောင့်ဆိုင်းခဲ့ရသည်။ သို့သော် မရဘူး ဆိုတာ မသေချာမချင်း လက်မလျှော့ဘူးဟူသော မူဝါဒကို လက်ကိုင်ထားသူပီပီ အဲသည်စောင့်ဆိုင်းနေရစဉ် ကာလအတွင်းမှာ တေးသွားတွေ၊ တီးကွက်တွေကို ခေါင်းထဲမှာပဲ စဉ်းစားသည် ၊ စီစဉ်သည် ၊ အမျိုးမျိုးအဖုံဖုံ စမ်းသပ်တီးခတ်ကြည့်နေသည်။

တဖြည်းဖြည်း ကျွန်တော့်ခေါင်းထဲမှာ ဧရာမ လောင်းပလေး ဓာတ်ပြားကြီး တစ်ချပ် တည်ဆောက်မိလာသည်။ ကျွန်တော်ဂစ်တာ သေသေချာချာ ပြန်ကိုင်နိုင်သည့်အချိန် တီးခတ်မည့် ဂီတသံစဉ်တွေအားလုံး သည်ဓာတ်ပြားကြီးထဲမှာ သိုမှီးထားသည်။

သည်လိုနှင့် နောက်ဆုံး ကျောက်ပတ်တီးဖြည်ရမည့်အချိန် ဆိုက်ရောက်လာပါသည်။ အဲသည်နောက်တွင် လုံးဝ အချိုးမကျဖြစ်နေသော ကျွန်တော့်ညာဘက်လက်ကို အရင်တုန်းက သူတတ်ခဲ့သမျှတွေ ပြန်လုပ်တတ်အောင် ခဲယဉ်းပင်ပန်းစွာ ပြန်လည်သင်ကြားခြင်း ပြုရပါသည်။ ထို့နောက် သုံးယောက်ဝိုင်းတစ်ခု ထပ်မံ ထူထောင်ကာ နယ်ပွဲစဉ်များ စတင်သည်။

သည်လိုလုပ်ဖြစ်ရန်အတွက် ကျွန်တော် အတော်ကြီး သတ္တိမွေးခဲ့ရသည်။ ဇွဲကြီးကြီးနှင့်လည်း အားထုတ်ခဲ့ရပါသည်။ ယခင်ပုံမှန်အနေအထား ရောက်အောင် ကျွန်တော်ပြန်လုပ်နိုင် မလုပ်နိုင် ဆိုသည်က စင်ပေါ်တကယ်တက်ကြည့်မှ သေချာပေါက် သိနိုင်မည် မဟုတ်လား။

တစ်မြို့ပြီးတစ်မြို့၊ တစ်ပွဲပြီးတစ်ပွဲ ဆက်တိုက်ကူးကာ တစ်နှစ်လောက်ကြာအောင် ကျွန်တော်ထွက်ခဲ့သည်။ အလွန်ပင်ပန်းသည်။ သို့သော် အဲသည်ပြင်းထန်ကြမ်းတမ်းလွန်းသော ခရီးစဉ်က အကျိုးရလဒ်ကြီးမားခဲ့သည်။ ထိခိုက်ဒဏ်ရာ မရမီက လက်ကို မီအောင် ကျွန်တော် ပြန်လည်တီးခတ်လာနိုင်ခဲ့သည်။

ကျွန်တော် ဓာတ်ပြားတွေ ပြန်သွင်းဖြစ်သည်။ သည်အခါမှာတော့ ကျွန်တော့်ဂစ်တာသံမှာ ဇနီးသည် မေရီဖို့ဒ်၏ အဆိုပါ တွဲဖက်ပါဝင်လာပြီ။ ကျွန်တော့်တို့ ဇနီးမောင်နှံ၏ ဓာတ်ပြားတွေကို တစ်ကမ္ဘာလုံးက နှစ်ခြိုက်စွာ နားသောတ ဆင်ကြသည်။ ဓာတ်ပြား ချပ်ပေါင်း ၁၇ သန်းကျော်မျှ ၀ယ်ယူအားပေးခဲ့ကြသည်။ အတိုင်းတိုင်း အပြည်ပြည်က လူငယ်များလောကတွင်လည်း ဂစ်တာ ဆိုသော တူရိယာပစ္စည်းက အကြီးအကျယ် ရေပန်းစားကာ အားတက်သရော လေ့ကျင့်တီးခတ်လာခဲ့ကြသည်။

***

များမကြာမီကမူ မိတ်ဆွေ ဂီတသမားတစ်ယောက် ကျွန်တော့်နည်းတူ ဆိုးဆိုးဝါးဝါးထိခိုက်အနာတရဖြစ်သည့်အကြောင်းကြားသိရသည်။ သူက စန္ဒရားသမား ဖြစ်သည်။ ထိခိုက်ဒဏ်ရာကြောင့် စန္ဒရားလုံးဝမတီးနိုင်တော့ပြီ၊ ဂီတပညာရှင်ဘ၀ကို စွန့်လွှတ်ရတော့မည်ဟု ကြားရသည့်အခါ ကျွန်တော် သူ့ကို စာတွေ အစောင်စောင်ရေးကာ ဂီတကို မစွန့်လွှတ်ဖို့ ၊ ပြန်လည်ကြိုးစားကြည့်ဖို့ တိုက်တွန်းသည်။

'ကျွန်တော် မတတ်နိုင်တော့ပါဘူးဗျာ' သူ့ထံမှ စိတ်ပျက်စွာ အကြောင်းပြန်လာသည်။

'မတတ်နိုင်တော့ဘူးဆိုတာ သေချာလား ၊ သေချာအောင် ခင်ဗျား စမ်းကြည့်ပြီးပြီလား' ဟူ၍ပဲ ကျွန်တော် ထပ်တလဲလဲ ပြန်မေးသည်။

နောက်ဆုံးတော့ ကျွန်တော့်တိုက်တွန်းမှု အောင်မြင်သွားသည်။ သူစန္ဒရားပြန်တီးသည်။ မျှော်လင့်ချက် ကင်းမဲ့သော အနေအထားမှ နေ၍ တောက်ပသော အနာဂတ် တစ်ခု သူပြန်လည် တည်ဆောက်နိုင်ခဲ့သည်။

***

သည်လိုပဲ တစ်ကြိမ်မဟုတ် တစ်ကြိမ် ကျွန်တော်တို့ဘ၀တွေမှာ အုတ်နံရံကြီး ကာဆီးထားသလို ခက်ခဲသော အနေအထားမျိုးကြုံရတတ်ပါသည်။ ဖြေရှင်းရန် နည်းလမ်းမရှိတော့ပြီဟု ထင်ရသည့်ပြသာနာမျိုး။ ဆောင်ရွက်ရန် လုံးဝမဖြစ်နိုင်ဟု ယူဆရသော လုပ်ငန်းတာဝန်မျိုး။

သည်အနေအထားမျိုး ကြုံရသောအခါ ငါ မတတ်နိုင်ဟု အလွယ်တကူ မပြောပါနှင့်။ ငါ မတတ်နိုင်ဘူးဆိုတာ သေချာသလား လက်တွေ့ စမ်းကြည့်ပါ။ မတတ်နိုင်တာ တကယ်သေချာပါပြီဆိုတော့မှသာ လက်လျှော့ပါ။

ကျွန်တော်ကိုယ်တိုင် အနေနှင့်မူ ငယ်စဉ်က တွေ့ဖူးသည့် မြောင်းတူးသူအလုပ်သမားကြီး၏ ကျေးဇူးကြီးမားလှသော သြ၀ါဒစကားကို လိုက်နာခဲ့သည့် အကျိုးကြောင့် ကျောက်တုံးကျောက်ခဲနှင့် တည်ဆောက်ထားသည့် နံရံတံတိုင်းဟူသည်လည်း နာနာ ဖိတွန်းလျှင် တစ်ချိန်မှာ ပြိုလဲသွားနိုင်သည်ဆိုတာ တွေ့မြင်သိမြင်ခဲ့ပြီဖြစ်ပါသည်။

***

[ရည်ညွှန်း။ ။ Advice – Reader's Digest, July 1957]

သတ္တိဆိုတာ

ဒီစာအုပ်ကိုစာရေးဆရာကြီး 'ဖေမြင့်' ဘာသာပြန်ထားခြင်းဖြစ်ပါသည်။

သတ္တိဆိုတာ

………

"အဲဒီတော့ ရှင်က ကျွန်မကို သတ္တိရှိတယ်လို့ယူဆတယ်ပေါ့" သူမက မေးသည်။

"ဟုတ်တယ်"

"အင်းလေ…ဟုတ်ချင်လဲ ဟုတ်မှာပေါ့ ၊ ဒါပေမဲ့ သတ္တိရှိတယ်ဆိုတာလဲ အဲဒီလို ရှိလာအောင် နှိုးဆွပေးခဲ့တဲ့ ပုဂ္ဂိုလ် တချို့ကြောင့်လို့ ဆိုရမှာပါ ၊ ပုဂ္ဂိုလ် တစ်ယောက်အကြောင်း ကျွန်မ ပြောပြပါ့မယ်"

***

"လွန်ခဲ့တဲ့ နှစ်ပေါင်းများစွာတုန်းက ကျွန်မ စတင်းဖို့ဒ်ဆေးရုံမှာ စေတနာ့ဝန်ထမ်း အလုပ်လုပ်ခဲ့ဖူးတယ် ၊ အဲဒီမှာလီဇာဆိုတဲ့ လူနာမိန်းကလေးတစ်ယောက်ကျွန်မတွေ့ရတယ် ၊ သူကလေးက အင်မတန်ဖြစ်ခဲတဲ့ ရောဂါဝေဒနာဆိုးတစ်မျိုးကို ခံစားနေရတာ ၊ သူ နာလန်ပြန်ထူလာဖို့အတွက်ကအသက်ငါးနှစ်ပဲ ရှိသေးတဲ့သူ့မောင်လေးဆီက သွေးကို သွင်းပေးတဲ့ နည်းလမ်းတစ်ခုပဲ ရှိတော့တယ် ၊ ဒီမောင်လေးက သူကိုယ်တိုင် သူ့အစ်မရဲ့ရောဂါမျိုး ဖြစ်ခဲ့ပြီး ထူးခြားအံ့သြဖွယ် ပြန်ကျန်းမာရှင်သန်လာခဲ့သူလေးပဲ။ အဲဒီရောဂါကို ခုခံတွန်းလှန်နိုင်တဲ့ ပဋိပစ္စည်းတွေလဲ သူ့ရဲ့သွေးထဲမှာဖြစ်ပေါ်ခဲ့တယ် ၊ ဆရာဝန်က ဒီကလေးကို သူ့အစ်မရဲ့ရောဂါ အခြေအနေအကြောင်း ရှင်းပြပြီး အစ်မအတွက် သူ့သွေးကို ပေးလိုတဲ့ ဆန္ဒရှိသလားမေးတယ် ၊ ကောင်လေးဟာ ခဏတော့ တွေသွားတာ ကျွန်မ သတိထားမိတယ် ၊ အဲဒီနောက် သက်ပြင်းတစ်ချက် ရှိုက်ပြီး သူပြန်ဖြေတယ် ၊ 'မမ အသက်ကို ကယ်နိုင်မယ်ဆိုရင် ကျွန်တော်ပေးပါ့မယ့်'တဲ့"

"အဲဒါနဲ့ သူ့ဆီက သွေးကို သွင်းတဲ့အခါ အစ်မခုတင်ဘေးမှာ သူလဲ ခုတင်တစ်လုံးနဲ့ လှဲရင်း ကြည့်နေတယ် ၊ ကောင်းမလေးပါးပြင်မှာ သွေးရောင်သန်းလာတော့ ကျွန်မတို့ကြည့်နေသူတွေအားလုံး နည်းတူ သူလဲ ပြုံးနေတာပဲ ၊ အဲဒီနောက်တော့ သူ့မျက်နှာလေးက ဖြူရော်ရော်ဖြစ်လာပြီး အပြုံးလေးလဲ ပြယ်သွားတယ် ၊ ပြီးတော့ ဆရာဝန်ကို မော့ကြည့်ပြီး တုန်တုန်ယင်ယင် အသံလေးနဲ့ သူ မေးရှာတယ် ၊ 'ကျွန်တော် အခု တစ်ခါတည်း သေသွားတော့မှာလား' တဲ့"

"ကလေးက ငယ်တော့ ဆရာဝန်ရှင်းပြတာကိုကောင်းကောင်း သဘောမပေါက်ဘူး ၊ သူက သူ့အစ်ကအတွက် သွေးပေးရမယ်ဆိုတာ သူ့သွေးအားလုံး ဖောက်ပေးလိုက်ရမယ်လို့ ထင်းထားတာကိုး"

"အဲဒါပါပဲ ၊ သတ္တိစိတ် မွေးပေးတဲ့ အဲဒီလို ပုဂ္ဂိုလ်မျိုးတွေ တွေ့ခဲ့ရဖူးလို့ ကျွန်မမှာလဲ သတ္တိဆိုတာ ရှိတတ်လာခဲ့တာပါ"

[မူရင်း။ ။ Dan Millman ၏ On Courage]

အိမ်တက်မင်္ဂလာ

ကျွန်တော်ရဲ့အိမ်တက်မင်္ဂလာမှာအ၀အပြဲသာစားကြဗျို့အော်ဒါမှာထားတာ။ စားပြီးရင်သောက်ဖို့လဲအဆင်သင့်ပဲဗျို့။ စားပြီး ၊ သောက်ပြီးရင်ဒီမှာပဲအိပ်ကြနော်။ ကုတင်တွေပါမှာထားတယ်။ မလောက်လို့ရှိရင်ယောင်္ကျာလေးတွေကြမ်းပြင်မှာအိပ်ကြတာပေါ့ဗျ။ :D သိပ်တော့မသောက်ကြနဲ့နော်။ အစ်မတွေ ၊ ညီမတွေနဲ့ဆိုတော့ အပျော်သဘောလောက်ပဲသောက်ကြပေါ့ဗျာ။ (ဟီးဟီး...မသိ ရင်တကယ်ကျွေးသလိုလို) ကျွန်တော်ရဲ့အိမ်တတ်အလှူလေးကို ကြိုက်တယ်ဆိုရင် ကောမန့်လေးတွေချန်ထားခဲ့ပါနော်။

Folder Option ပျောက်သွားရင်

ပထမအဆင့်

ပထမဆုံး Window+R နှိပ်ပါ။ Run Box ပေါ်လာပါမယ်။ Box ထဲမှာ gpedit.msc လို့ရိုက်ထည့်လိုက်ပါ။ Box တခုထပ်တတ်လာပါမယ်။ အဲဒီထဲက User Configuration ဆိုတဲ့ဘေးက + လေးကို Click တစ်ချက်ပေးပါ။ အဲလိုပဲ Administrative Templates အဲဒီကတဆင့် Windows Components ပြီးတော့ Windows Explorer ကို Click လိုက်ပါ။ Click လိုက်ရင် Right Box ထဲမှ Removes the Folder Options menu item from the Tools menu ကို Double Click လိုက်ပါ။ Box တစ်ခုထပ်ပေါ်လာပါမယ်။ Disabled ကိုရွေးပြီး OK နှိပ်ပါ။ ဒီအဆင့်နဲ့မရရင်လာပြီအောက်မှာ။

ဒုတိယအဆင့်

ထုံးစံအတိုင်း Window+R နှိပ်ပါ။ regedit လို့ရိုက်ထည့်ပါ။ HKEY_LOCAL_MACHINE အောက်က SOFTWARE အောက်က MICROSOFT အောက်က WINDOWS အောက်က CurrentVersion အောက်က policies ကို Click လိုက်ပါ။ right box မှာ No Folder Option ဆိုတာကို Click ပြီး Delete လိုက်ပါ။ OK ဒါဆိုရင်တော့ Folder Option ပြန်ပေါ်ပါပြီနော်။

mp3 (or) mp4 တို့ကို Safely Remove Hardware နဲ့ထွက်လို့မရလျှင်မည်သည့်နည်းလမ်းသုံးမလဲ

ကျွန်တော်လုပ်နေကျအတိုင်းပြောရမယ်ဆိုရင် ပထမဆုံး Ctrl+Alt+Del ကီးကိုနှိပ်လိုက်ပါ။
Box တခုပေါ်လာပါမယ်။အဲဒီ Box က Processes ကိုရွေးလိုက်ပါ။
ထို့နောက် explorer.exe ကိုတချက် နှိပ်ပြီး End Process ကို Click ပါ။
Box တခုထက်ပေါ်လာပါမယ် Yes ကိုရွေးလိုက်ပါ။
(မှတ်ချက်***သင်သုံးနေသောလုပ်ငန်းစဉ်တော်တော်များများရပ်သွားပါလိမ့်မယ်)
ပြီးရင် File အောက်က New Task (Run...) ကို Click ပါ။
Box တခုပေါ်လာပါမယ်။အဲဒီ Box ထဲမှာ explorer လို့ရိုက်ထည့်လိုက်ပါ။
ဒါဆိုရင် Window စနစ်ကိုအစကနေ ပြန်စလုပ်ပါမယ်။
OK သင့် mp3 (or) mp4 ကို Safely Remove Hardware နဲ့ထွက်လို့ရပါပြီ။ တစ်ခါတစ်လေလဲမရဘူးဗျ။

နှလုံးသားအတွက် တစ်သက်တာ အာဟာရ

ဒီစာအုပ်ကိုစာရေးဆရာကြီး 'ဖေမြင့်' ဘာသာပြန်ထားခြင်းဖြစ်ပါသည်။

နှလုံးသားအတွက် တစ်သက်တာ အာဟာရ

အတန်းထဲက

အမှတ်မထင်လေ့ကျင့်ခန်းလေးသည်

တစ်သက်တာမမေ့နိုင်စရာ

သင်ခန်းစာတစ်ခုဖြစ်သွားခဲ့သည်။

သူ့နာမည် မာ့ခ် အက္ကလွန်။ သူက တကယ့်ကို ရှားရှားပါးပါး လူစားမျိုး။

မင်နီဆိုတားပြည်နယ် ၊ မောရစ်မြို့ကလေးရှိစိန့်မေရီကျောင်းမှာ တတိယတန်း ကလေးတွေ စာသင်ပေးရစဉ်သူ့ကိုကျွန်မ စ,တွေ့ခဲ့ခြင်းဖြစ်သည်။ အတန်းသား ၃၄ ယောက်လုံးပင် အလွန်ချစ်စရာကောင်းလှသည်။ သည်အထဲမှာမှ မာ့ခ်က ပို၍ ထူးထူးခြားခြား။

လူက အလွန်သပ်ရပ်သန့်ပြန့်သည်။ အမြဲ ရွှင်ရွှင်ပျပျ တက်တက်ကြွကြွရှိသည်။ တစ်ခါတစ်လေ သူ ဆိုးတတ်သည်။ သို့သော် ဆိုးတာလေးသည်ပင် ရယ်ရွှင်ချင်စရာ။

သူက စကားလည်း အလွန်များသည်။ ဘယ်တော့မှ ပါးစပ်ပိတ်မနေနိုင်။ အတန်းထဲမှာ ဆရာမ ခွင့်ပြုချက်မရဘဲ စကားပြောလျှင် အပြစ်ဖြစ်ကြောင်း သူ့ကိုခဏခဏ သတိပေးရသည်။ သို့သော် သူနှင့် ပတ်သက်၍ ကျွန်မ အထင်ကြီးမိရတာ တစ်ခုတော့ ရှိသည်။ အဲဒါက သူ့ကို အပြစ်ဒဏ်ပေးသည့်အခါတိုင်း "ကျွန်တော့်ကို ဆုံးမတဲ့အတွက် ကျေးဇူးတင်ပါတယ် ဆရာမ" ဟူ၍ တကယ်အရိုးခံ နှင့် ပြန်လည်ပြောဆိုတတ်ခြင်းဖြစ်သည်။ အစတွင်တော့ သူ့စကားက နားထဲမှာ တမျိုးကြီး ဖြစ်နေသည်။ နောက်တော့လည်း နေ့စဉ် အကြိမ်ပေါင်းများစွာ ကြားရကာ တဖြည်းဖြည်း ရိုး၍သွားသည်။

တစ်နေ့ နံနက်မှာတော့ မာ့ခ်ကို စကားမပြောဖို့ပြောရတာ အကြိမ်ပေါင်း များလွန်းသဖြင့် ကျွန်မ စိတ်မရှည်ဖြစ်ကာ ဆရာမပေါက်စများ ထုံးစံအတိုင်း အမှားတစ်ခုကို ကျူးလွန်မိသည်။ မာ့ခ်ကို စေ့စေ့ကြည့်ကာ "နောက်ထပ် စကားတစ်ခွန်း ပြောရင် မင်းပါးစပ် ကို ပလာစတာ နဲ့ ကပ်ထားမယ်" ဟူ၍ ပြောလိုက်မိခြင်းဖြစ်ပင်။

ဆယ်စက္ကန့်မှပင် မကြာပါ။ "မာ့ခ် စကားပြောနေပြန်ပြီ" ဟူ၍ ချပ်က လှမ်းတိုင် သည်။ အတန်းသားများအား မာ့ခ်ကို စောင့်ကြည့်ပေးရန် ကျွန်မ အကူအညီတောင်းထား သည်တော့ မဟုတ်။ သို့သော် မာ့ခ်နောက်ထပ် စကားပြောလျှင် ဘယ်လို အပြစ်ပေးမည် ဆိုတာ အားလုံးရှေ့မှာ ကျွန်မကြေညာမိခဲ့ပြီးဖြစ်ရာ ယခုပြစ်မှုကျူးလွန်ပြီဆိုတော့ ကျွန်မ အပြစ်မပေးဘဲ နေ၍မဖြစ်တော့။

အဲသည်တုန်းကအကြောင်းကို သည်ကနေ့မနက်မှ ဖြစ်ပျက်ခဲ့သလိုကျွန်မ အာရုံထဲ တွင်ပြက်ပြက်ထင်ထင် မြင်နေဆဲဖြစ်သည်။ စားပွဲဆီသို့ ကျွန်မလျှောက်သွားသည်။ အံဆွဲကို ဖြည်းဖြည်းချင်း ဖွင့်သည်။ အထဲက ပလာစတာခွေပို ယူသည်။ အစ နှစ်စ ညှပ်သည်။ ပြီး နောက်မာ့ခ်ပါးစပ် ကြက်ခြေခတ် ကပ်ထားလိုက်ပြီး အတန်းရှေ့ပြန်လျှောက်လာသည်။

သူဘယ်လိုနေသလဲ လှမ်းကြည့်လိုက်တော့ သူက မျက်စိမှိတ်ပြသည်။

'မှတ်ကရော…အခုတော့ စကားမပြောနိုင်တော့ဘူးမဟုတ်လား' ဟုတွေးကာ သူ့ကို ကြည့်ပြီး ကျွန်မရယ်နေမိသည်။ ကျွန်မ သူ့ဆီပြန်သွားကာ ပလာစတာတွေ ပြန်ခွာပေး လိုက်တော့ တစ်ခန်းလုံး သြဘာသံတွေ ညံသွားသည်။ ပါးစပ်လည်း ဟ၍ရရော သူပြော လိုက်သည့်စကားက ထုံးစံအတိုင်း "ကျွန်တော့်ကို ဆုံးမတဲ့အတွက် ကျေးဇူးတင်ပါတယ် ဆရာမ" ဟူ၍ပင်။

နောက်နှစ်တွေမှာ ကျွန်မ အလယ်တန်း (Junior High) အဆင့်တက်ကာ သချာင်္ ဘာသာ သင်ရသည်။ နှစ်တွေက အလျင်အမြန်ကုန်လွန်ခဲ့ရာ ဘာမျှပင် ကြာသည်မထင် လိုက်ရဘဲ မာ့ခ်တစ်ယောက် ကျွန်မအတန်းသို့ပြန်ရောက်လာသည်။ လူက အရင် ကထက် ပိုချောလာသည်။ အပြောအဆိုက ယခင်အတိုင်း ယဉ်ကျေးဆဲပင်။ သို့သော် ကိုးတန်းမှာ ကျွန်မသင်သည့် သချာင်္သစ်က အတော်ကြိုးစားပြီး လိုက်ရသည်ဖြစ်ရာ မာ့ခ်တစ်ယောက် အရင်ကလို စကားများများမပြောနိုင်ခဲ့။

တစ်ခုသော သောကြာနေ့တွင်မူ အခြေအနေကနည်းနည်းပိုဆိုးနေခဲ့သည်။ အဲသည် ရက်သတ္တပတ် တစ်ခုလုံး သင်္ချာသစ်သင်ခန်းစာတစ်ခုကို အတန်းသားများ အကြိတ်အနယ် ကြိုးပမ်းတွက်ချက်ခဲ့ကြရသည်။ သင်ခန်းစာက ခက်တော့ ကလေးတွေ စိတ်ပင်ပန်းကာ တစ်ဦးအပေါ် တစ်ဦးလည်း ခါတိုင်းလိုသည်းညည်းမခံနိုင်ဘဲ အလွယ်တကူ စိတ်တိုနေ ကြသည်။ သို့နှင့် အခြေအနေတွေ သည့်ထက် ဆိုးရွားမသွားမီ ထိန်းသိမ်းရန် အစီအစဉ် တစ်ခု ကျွန်မပြုလုပ်သည်။

ကျွန်မအစီအစဉ်က အတန်းသားတစ်ဦးချင်းအားမိမိ အတန်းဖော်များအမည်ကို တစ်ခုနှင့်တစ်ခု နည်းနည်းစီ ချဲ၍ တန်းစီလျက် ဗလာစာရွက်တွင် ရေးချစေသည်။ ထို့နောက် အမည်တစ်ခုစီ၏ အနီးတွင် ချန်ထားသည့် ကွက်လပ် အသီးသီး၌ ၄င်းအတန်းဖော် သူငယ်ချင်းနှင့် ပတ်သက်၍မိမိမြင်သည့် အကောင်းဆုံးအချက်တစ်ခုစီကို စဉ်းစားရေးသား ကြစေသည်။ ထို့နေ့က ကျန်ရှိသည့် စာသင်ချိန်လေးမှာ ၄င်းကထင်မြင်ချက်များ ရေးသားကြရင်းပင် ကုန်ဆုံးသွားသည်။ အတန်းပြီးသည့်အခါ ကျောင်းသူကျောင်းသား အားလုံး သူတို့စာရွက်ကလေးတွေ ကိုယ်စီ ကျွန်မဆီ အပ်ပြီး ပြန်ကြသည်. ချပ်က ကျွန်မကို ပြုံးပြသည်။ မာ့ခ်ကတော့ ထုံးစံအတိုင်း "ကျွန်တော့်ကို ဆုံးမတဲ့အတွက် ကျေးဇူးတင်ပါတယ် ၊ အားလပ်ရက်မှာ ဆရာမ ပျော်ရွှင်ပါစေ" ဟူ၍နှုတ်ဆက်သည်။

အဲသည် စနေနေ့မှာ ကျောင်းသားကျောင်းသူတစ်ဦးစီ၏ အမည်ကို စာရွက်လွတ် တစ်ရွက်စီ ထိပ်တွင် ကျွန်မ ရေးထိုးပြီးနောက် ၄င်းတစ်ဦးစီနှင့် ပတ်သက်သည့် အတန်းဖော် သူငယ်ချင်းအသီးသီးတို့၏ မှတ်ချက်များကို စီတန်း၍ ရေးချသည်။ တချို့အတွက် တစ်ရွက် ရေးရသည်။ တချို့အတွက် နှစ်ရွက်။

တနလာင်္နေ့ ရောက်သောအခါ အဲသည်စာရွက်များကို သက်ဆိုင်သူ အသီးသီးသို့ ကျွန်မ ဖြန့်ဝေပေးလိုက်သည်။ သည်စာရွက်တွေ ဖတ်ကာမကြာမီပင်တစ်တန်းလုံး ပြုံးလာ ကြတာ တွေ့ရသည်။

"ဟယ်…တကယ်လား ၊ ငါက သူများတွေဒီကိစ္စ သတိထားမိမယ်တောင် မထင်ဘူး"

"ငါ့ကို သူများတွေ သူများတွေ ဒီလောက်သဘောကျလိမ့်မယ်လို့ လုံးဝထင်မထားဘူး"

စသည့် တီးတိုးမှတ်ချက်ချသံများကျွန်မကြားရသည်။

သို့သော် နောက်ပိုင်းမှာတော့သည်စာရွက်များနှင့်ပတ်သက်၍ မည်သူ့ထံကမျှ စကားတစ်ခွန်း တစ်ပါဒ မကြားရတော့ပါ။ စာသင်ချိန်အပြီးမှာသူတို့အချင်းချင်း ဆွေးနွေး ပြောဆိုကြတာ ၊ ဒါမှမဟုတ် အိမ်မှာ မိဘများကို ပြကြ ပြောကြတာတွေတော့ ရှိလေမလား မပြောတတ်ပါ။

သို့သော် အဲသည် ဝေဖန်ဆွေးနွေးမှုတွေ ရှိ ၊ မရှိဆိုတာက အရေးမကြီးပါ။ အရေး ကြီးသည်က သည်စာရွက်တွေ ပေးလိုက်ပြီးသည့်နောက်ပိုင်း သူတို့တစ်တွေ ပြောင်းလဲ သွားခြင်း ဖြစ်ပါသည်။ အတန်းသူ အတန်းသားတွေ အားလုံး ရွှင်ရွှင်ပျပျဖြစ်လာကြပြီး တစ်ဦး ကိုတစ်ဦးလည်း ယခင်က နည်းတူ ခင်ခင်မင်မင် ပြန်လည် ဆက်ဆံလာကြပါသည်။

သည်လိုဖြင့် အချိန်တန်တော့လည်း မာ့ခ်တို့ အုပ်စု ကျွန်မလက်က ထွက်ကာ အတန်းသစ် အဆင့်ဆင့်တွေတက်သွားကြပါသည်။

ကြားမှာ နှစ်ပေါင်း အတော်ကြာခဲ့သည်။ တစ်နေ့ ကျွန်မ အပန်းဖြေခရီးမှ ပြန်လာ တော့ မိဘများက ကျွန်မကို လေဆိပ်မှာ လာကြိုကြသည်။ အိမ်သို့အသွား ကားပေါ်တွင် ရာသီဥတု အကြောင်း ၊ ကျွန်မခရီးစဉ် အတွေ့အကြုံများအကြောင်းတွေ မေးမြန်းပြောဆို လာကြရင်း စကားစ နည်းနည်းပြတ်သွားချိန်တွင် အမေက အဖေ့ဘက် လှည့်ကာ အချက် ပေးသည့် လေသံဖြင့် "အဖေကြီး" ဟု ဆိုလိုက်သည်။ အဖေက ချောင်းတစ်ချက် ဟန့်ကာ စကား စ,သည်။

"အက္ကလွန်းမိသားစု ညတုန်းက ဖုန်းဆက်တယ်"

"ဟုတ်လား ၊ သူတို့နဲ့ အဆက်အသွယ်ပြတ်နေတာ တောင် နှစ်ပေါင်ကို မနည်းဘူး ကြာပြီနော် ၊ မာ့ခ် တစ်ယောက်လဲ ဘယ်လိုနေသလဲ မသိဘူး" ကျွန်မက ပြန်ပြောလိုက်မိ သည်။

အဖေက တည်ငြိမ်စွာပင် ဆက်ပြောသည်။

"မာ့ခ် ဗီယက်နမ်မှာ ကျသွားတယ်…၊ နက်ဖြန် သင်္ဂြိုဟ်မှာ ၊ သူတို့မိသားစုက သမီးကို အသုဘ လိုက်ပို့စေချင်ကြတယ်"

သည်ကနေ့တိုင်အောင်ပင် အဖေ ကျွန်မအား မာ့ခ်ကွန်လွန်သည့်သတင်းကို လမ်းမကြီးပေါ်က ဘယ်နေရာနားမှာ ပြောပြခဲ့သည်ဆိုတာ ကျွန်မ တိတိကျကျ အမှတ်ရနေ ဆဲ ဖြစ်သည်။

စစ်သည်တော်တစ်ဦး၏ ရုပ်အလောင်းအား စစ်ဘက်ဆိုင်ရာ အဆောင်အယောင် အခမ်းအနားများနှင့် ပြင်ဆင် နေရာချထားပုံကို ကျွန်မ တစ်ခါမျှ မကြည့်မမြင်ဖူးပါ။ မာ့ခ်၏ ရုပ်သွင်က တကယ်ပင် ရင့်ကျက်ခံ့ညား၍ နေသည်။ ကျွန်မ ရင်ထဲတွင်ကား မာ့ခ်ရယ်…မင်း သာ စကားပြောနိုင်မယ်ဆိုရင် တစ်ကမ္ဘာလုံးမှာ ရှိတဲ့ပလာစတာတွေအားလုံး ငါ ပေးပစ် လိုက်မှာပါ ဟူ၍သာ ပြောဆိုနေမိခဲ့သည်။

အဲသည်နေ့က ဘုရားရှိခိုးကျောင်းမှာ မာ့ခ်၏ သူငယ်ချင်းတွေ အပြည့် ရောက်ရှိနေ သည်။ ချာလီ၏ ညီမက တေးသီချင်း သီဆိုသည်။ သင်္ချိုင်းနေရာဘေးမှာ အနေရခက်လှ သည့်အထဲ မိုးက ရွာချပြန်သည်။ ဘုန်းတော်ကြီးက ထုံးစံအတိုင်း ဆုတောင်းပတ္ထနာပြုပြီး နောက်စစ်သည်တော်တစ်ဦးက ခရာမှုတ်သည်။

ထို့နောက် မာ့ခ်ကို ချစ်ခင်ကြသူများ သူ့ခေါင်းတလား အနီးသို့ နောက်ဆုံးအကြိမ် အဖြစ် ချဉ်းကပ် ဖြတ်သန်းကြကာ သန့်ရှင်းသော ရေစင်တော် ဖျန်းပက်ကြသည်။

အားလုံးနောက်တွင်မှ ကျွန်မ မာ့ခ်ရုပ်ကလာပ်ကိုကောင်းချီးမင်္ဂလာပေးသည်။ ခေါင်းတလားအနီး ကျွန်မရပ်နေဆဲ စောစောက ခေါင်းထမ်းရာတွင် ပါဝင်သည့် စစ်သား လေးတစ်ယောက် အနားကပ်လာကာ "မာ့ခ်ရဲ့ သင်္ချာဆရာမလားခင်ဗျာ…" ဟု မေးသည်။ ကျွန်မက ခေါင်းညိတ်ပြကာ ခေါင်းတလားကိုပင် မမှိတ်မသုန် ကြည့်နေမိသည်။ "ဆရာမ အကြောင်း သူ အမြဲပြောတယ်" သူက ဆက်ပြောနေသည်။

ဈာပနာ အခမ်းအနား ပြီးသည့်နောက် မာ့ခ်နှင့်တစ်တန်းတည်းတက်ခဲ့သည့် သူငယ်ချင်းတစ်သိုက် ချာလီ၏ လယ်တောအိမ်သို့နေ့လယ်စာ စားရန် သွားရောက်ကြသည်။ အဲသည်မှာ မာ့ခ်၏ အဖေနှင့်အမေ လည်းရောက်နေကြသည်။ ကျွန်မအား တွေ့ရန် စောင့် ဆိုင်းနေကြခြင်းပင်။

"ဆရာမကို ပြစရာတစ်ခုရှိတယ်" မာ့ခ်၏ အဖေက ဆိုကာ သူ့ပိုက်ဆံအိတ်ကို ထုတ်သည်။

"မာ့ခ် ကွန်လွန်တဲ့အချိန် သူ့ကိုယ်ပေါ်မှာ ဟောဒီဟာလေး တွေ့ရတယ်လို့ ဆိုတယ် ၊ ဆရာမ မှတ်မိလိမ့်မယ်လို့ထင်ပါတယ်"

သူက ပိုက်ဆံအိတ်ကိုဖွင့်ကာ နွမ်းကြေစုတ်ပြတ်နေပြီဖြစ်သည့် ဗလာစာရွက်စ နှစ်ခု ကို ဂရုတစိုက် ထုတ်ယူသည်။ စက္ကူစများက ဖြန့်လိုက် ခေါက်လိုက် လုပ်ဖန်များသဖြင့် ခေါက်ရိုးနေရာမှ ပြတ်တောက်ကာ တိပ်စများနှင့်ပင် အကြိမ်ကြိမ်ပြန်ကပ်ထားခဲ့ပုံ ပေါ်နေ သည်။ ကျွန်မ သေသေချာချာပင် ကြည့်စရာ မလိုပါ။ အတန်းဖော် သူငယ်ချင်းများ ရေးသည့် မာ့ခ်အကြောင်းအကောင်းဆုံး မှတ်ချက်တွေကို စုစည်းပေးထားသည့် မှတ်တမ်း စာရွက် များဖြစ်ကြောင်း ကျွန်မသိပါသည်။

"ဒီအတွက် ဆရာမကို အများကြီး ကျေးဇူးတင်ပါတယ် ၊ ဆရာမမြင်တဲ့အတိုင်း သူက ဒီဟာလေးကို သိပ်တန်ဖိုးထားတာ" မာ့ခ်၏ မိခင်က ဆိုရှာပါသည်။

မာ့ခ်၏ အတန်းဖော်တွေ ကျွန်မတို့ အနီးသို့ ချဉ်းကပ်လာကြသည်။ ချပ်က ရှက်ပြုံး ကလေး ပြုံးကာ "ကျွန်တော်လဲ ကျွန်တော့်စာရွက်လေးကို သိမ်းထားပါတယ် ၊ အိမ်က ကျွန်တော့်စားပွဲ အပေါ်ဆုံး အံဆွဲထဲမှာ အမြဲ ရှိတယ်"

"ချာလီကလဲ သူ့စာရွက်ကလေးကို ကျွန်မတို့ လက်ထက်ပွဲ အယ်လ်ဘမ်ထဲမှာ ထည့်ထားခိုင်းတာဗျ" ချာလီ၏ ဇနီးက ၀င်ပြောသည်။

"ကျွန်မမှာလဲ ရှိတယ် ၊ ဒိုင်ယာရီထဲ ညှပ်သိမ်းထားတယ်" မာရီလင်က ဆိုသည်။

ထို့နောက် နောက်ထပ် အတန်းဖော်တစ်ဦး ဖြစ်သူဗစ်ကီက လက်ပွေ့ အိတ်ထဲမှ ပိုက်ဆံအိတ်ကို နှိုက်ဖွင့်ပြီး သူ့စာရွက် ကြေကြေမွမွလေးကို ထုတ်ပြသည်။ "ကျွန်မကတော့ ဒါလေးကို အမြဲ ကိုယ်နဲ့မကွာ ဆောင်ထားတယ် ၊ ကျန်တဲ့ သူငယ်ချင်းအားလုံးလဲ သူတို့ စာရွက်တွေ ရိုရိုသေသေသိမ်းထားကြမှာပါ" ဟူ၍သူကဆိုသည်။

သည်ဟာတွေ ကြားရပြီသည့်နောက်တွင်တော့ ကျွန်မ လုံးဝထိန်းထားနိုင်စွမ်း မရှိ တော့ပါ။ အဲသည့်နေရာမှာပင် ထိုင်ကာ ကျွန်မ ငိုချလိုက်မိပါသည်။ မာ့ခ်အတွက်ရော မာ့ခ်ကို နောက်ထပ်ဘယ်သောအခါမျှ တွေ့နိုင်ကြမှာ မဟုတ်တော့သည့် သူ့ သူငယ်ချင်း များ အတွက်ပါ ကျွန်မ ငိုလိုက်မိခြင်း ဖြစ်ပါသည်။

[မူရင်း။ ။ Helen P.Mrosla ၏ All The Good Things]

ဘာတွေပဲ ဖြစ်နေနေ ၊ အဖေလာမယ် စိတ်ချ

ဒီစာအုပ်ကိုစာရေးဆရာကြီး 'ဖေမြင့်' ဘာသာပြန်ထားခြင်းဖြစ်ပါသည်။

ဘာတွေပဲ ဖြစ်နေနေ ၊ အဖေလာမယ် စိတ်ချ

၁၉၈၆ ခုနှစ်တွင် အာမေးနီးယားပြည်၌ ရစ်ချတာ စကေး ၈.၂ ရှိသည့် အင်အားပြင်းထန်သော မြေငလျင်ကြီးတစ်ခုဖြစ်ပေါ်သည်။ တိုက်တာအိမ်ရာတွေ မြေကြီးမှာ ပြားပြားဝပ်သွားပြီး ၄မိနစ်ပင် မပြည့်သည့်အချိန်အတောအတွင်း လူပေါင်း ၃၀,၀၀၀ ကျော် သေဆုံးခဲ့ရသည်။

အပျက်အစီးတွေ ဖရိုဖရဲ ကစဥ့်ကလျားကြားမှာ ဖခင်တစ်ယောက် ဇနီးသည်ကိုအိမ်မှာ ဘေးမသီရန်မခထားခဲ့ကာ သူ့သားရှိနေမည့် စာသင်ကျောင်းဆီသို့ ပြေးလာသည်။ သို့သော် ကျောင်းဆီရောက်တော့ ကျောင်းက မြေမှာ ပြားချပ်နေပြီ။

ရုတ်တရက်သူ့ရင်ထဲဆို့နင့်ကာ ကယောင်ချောက်ချားဖြစ်သွားသည်။ သည့်နောက်မှာ သားကိုသူပေးထားသည့် ကတိစကားကို ပြန်၍ သတိရသည်။ "ဘယ်ကိစ္စမျိုး ကြုံကြူံသားဘာမှမစိုးရိမ်နဲ့ ၊ အဖေရောက်လာမယ် စိတ်ချ" ဆိုသောစကား။ သူ့မျက်လုံးအစုံထဲမှာ မျက်ရည်တွေအိုင်လာသည်။ သူရှေ့တွင်တစ်ချိန်က စာသင်ကျောင်းရှိခဲ့သော နေရာ၌ အုတ်ပုံအစုအဝေးတစ်ခုရှိနေသည်။ ဘယ်လိုမှမျှော်လင့်နိုင်စရာ မရှိအောင်ပိပြားနေသည့် အုတ်ပုံကြီးတစ်ခု။ သို့သော်သားထံပေးထားခဲ့သည့်ကတိစကားကို သူထပ်တလဲလဲ ပြန်ကြားနေသည်။

စိတ်ကိုတည်ငြိမ်အောင် ကြိုးစားထိန်းကာသူ နေ့စဉ် နံနက်တိုင်း လိုက်ပို့နေကျဖြစ်သည့် သူ့သားငယ်၏ စာသင်ခန်းရှိရာ နေရာကို မှန်းဆ ရှာဖွေသည်။ သားတို့အခန်းသည် အဆောက်အဦး၏ လက်ယာဘက်အပိုင်းနောက်ဘက်ခြမ်းမှာ။

သည်နေရာသို့ သူပြေးသွားသည်။ ပြီး အုတ်ကျိုးအုတ်ပဲ့တွေကို စတင်တူးဆွဖယ်ရှားခြင်း ပြုလေသည်။

သူ ဖယ်ရှားနေဆဲ တခြားမိဘတွေပါ ရောက်လာကြသည်။ "ငါ့သားလေး သေပါပြီ" ။ "အမယ်လေး…ငါ့သမီးလေး မရှိတော့ပါဘူး" စသဖြင့် သောကမီး ၊ ပရိဒေ၀မီးတွေ တောက်လောင်ကာ ငိုကြွေးကြမြည်တမ်းကြသည်။ တည်တည်ငြိမ်ငြိမ်ရှိသည့် တချို့မိဘများကတော့ (သွေးရူးသွေးတမ်း လုပ်ကိုင်နေဟန်ရှိသော) သူ့အား ကရုဏာသက်ကာ ကျောက်ပျက် အုတ်ကျိုးပုံမှဖျောင်းဖျခေါ်ယူကြသည်။

"မရတော့ပါဘူးဗျာ"

"ဘယ်သူမှ အသက်မရှိတော့ပါဘူးဗျာ"

"အဲဒီလို လုပ်နေလို့ အကျိုးမထူးတော့ပါဘူး ၊ အိမ်သာ ပြန်ပါဗျာ"

"စိတ်ထိန်းမှပေါ့ ၊ ခင်ဗျားမြင်တဲ့အတိုင်းပဲ ၊ ဘာလုပ်လို့ရဦးမှာလဲ" စသဖြင့် ပြောကြသည်။

တချို့ကဆိုလျှင် "ဟေ့လူ…တော်ပါတော့ဗျာ ၊ ခင်ဗျားလုပ်တဲ့အတွက် ပိုတောင်ဆိုးနေဦးမယ်" ဟုပြစ်တင်ကြသည်။

သည်လိုလာပြောသည့်မိဘတိုင်းကို သူက စကားတစ်ခွန်းပဲပြန်ပြောသည်။ "ဒီမှာ…ခင်ဗျား အခု ကျွန်တော်လုပ်နေတာကို ၀င်ကူမလား ၊ မကူဘူးလား ၊ ဒါပဲပြောဗျာ" ဟူ၍။ သည်နောက် အဲသည်လူတွေကို လျစ်လျူရှုကာ သူ့သားကို ဖော်ထုတ်နိုင်ဖို့ပဲ သူဆက်လုပ်သည်။ အုတ်အင်္ဂတေ အစိုင်အခဲတွေ တစ်တုံးချင်းတစ်ဖဲ့ချင်းကောက်ယူဖယ်ရှားသည်။

သည်အချိန် မီးသတ်အရာရှိ ရောက်လာပြီး သူ့ကိုဆွဲထုတ်ဖို့ကြိုးစားသည်။ "မီးတွေ လောင်နေပြီ ဘယ်နေရာကမဆို အချိန်မရွေး ထပေါက်နိုင်တယ်။ ခင်ဗျားအတွက်အန္တရာယ်ရှိတယ် ၊ ကျွန်တော်တို့လုပ်လုပ်ပါ့မယ် ၊ ကိုယ့်အိမ်ကိုယ်ပြန်ပါ" ဟု ဆိုသည်။ သားကိုချစ်သော အဖေကတော့ သူ့စကားကို အရေးမထား။ "ခင်ဗျား ကျုပ်ကို ကူညီမလား ၊ မကူညီဘူးလား ၊ ဒါပဲပြောပါ" ဟုပဲပြန်ပြောသည်။

ရဲကလည်း ရောက်လာသည်။

"ခင်ဗျား သွေးရူးသွေးတန်း လျှောက်လုပ်မနေနဲ့ ၊ ခင်ဗျားကြောင့် တခြားလူတွေမှာ အန္တရာယ်ဖြစ်မယ် ၊ အိမ်ပြန်ပါ ၊ ကျွန်တော်တို့ လုပ်ပါ့မယ်"

ရဲကိုလည်း ခင်ဗျား ကျွန်တော့်ကိုကူညီမှာလားပဲသူပြန်မေးသည်။

မည်သူကမျှ မကူညီ။

သို့သော် ကိစ္စမရှိ။ သူ့ဘာသာ တစ်ကိုယ်တည်းဇွဲနပဲကြီးစွာသူတူးဖော်သည်။ သူ့မှာ အရေးကြီးနေတာတစ်ခုပဲ ရှိသည်။ "ငါ့သားလေး သေပြီလား ၊ အသက်ရှင်နေသေးလား" ဒါသေချာဖို့ လိုသည်။ မျက်မြင်ဒိဋ္ဌ သူတွေ့ရဖို့ လိုသည်။

သူတစ်ယောက်တည်း အုတ်ကျိုး အုတ်ပျက်ပုံကို ဖယ်ရှားသည်။ ၈နာရီကြာပြီး၊ …၁၂နာရီ၊ … ၂၄နာရီ၊ …၃၆နာရီ၊ အဲသည်နောက် ၃၈နာရီမြောက်၌ အုတ်အင်္ဂတေတုံးကြီး တစ်တုံး သူဆွဲထုတ်လိုက်ပြီးသည့်နောက်တွင် သား၏ အသံကိုကြားလိုက်ရသည်။

ချက်ချင်းပင် သားနာမည်ကို သူသံကုန် အော်ခေါ်လိုက်သည်။

"အာမန်း…"

ပြန်အော်သံ ကြားရသည်။ "ဖေဖေ…ဖေဖေလား ၊ သားပါ ဖေဖေရ ၊ သူငယ်ချင်းတွေလဲ သားပြောထားတယ် ၊ 'ဘာမှမကြောက်နဲ့ ၊ ငါ့အဖေ မသေသေးရင် ငါ့ကိုသေချာပေါက်လာကယ်မှာ ၊ ငါလွတ်ရင် မင်းတို့လဲလွတ်မယ်' လို့ ၊ ဖေဖေ သားကို ကတိပေးထားတယ် မဟုတ်လား ၊ 'ဘယ်ကိစ္စမျိုးကြုံကြုံ သားမစိုးရိမ်နဲ့ ၊ အဖေရောက်လာမယ် စိတ်ချ' ဆိုတာလေ ၊ အခုအဖေ ပြောထားတဲ့ အတိုင်းပဲ ရောက်လာပြီပေါ့"

"အဲဒီ အောက်ထဲမှာ ဘယ်လို အခြေအနေ ရှိလဲသား" အဖေက မေးသည်။

"သားတို့ ၃၃ ယောက်ထဲမှာ ၁၄ ယောက်ပဲ ကျန်တယ် အဖေ ၊ သားတို့ ကြောက်လဲ ကြောက်တယ် ၊ ဆာလဲ ဆာတယ် ၊ ရေးလဲ ငတ်တယ်၊ အဖေ ရောက်လာတာ အရမ်းဝမ်းသားတာပဲ ၊ ကျောင်းကြီးပြိုကျတော့ သားတို့နေရာလေး ကွက်ပြီး တြိဂံပုံ အမြှောင့်လေး တစ်မြှောင့်မပိဘဲ ကျန်နေတယ် ၊ အဲဒါကြောင့် သားတို့ မသေတာ"

"ကဲ…ထွက်ခဲ့တော့သားရေ"

"နေဦး ဖေဖေရ ၊ တခြားလူတွေ အရင်ထွက်ပါစေ ၊ သားမှာက ဖေဖေ ရှိနေတာပဲ ၊ ဘယ်လိုကိစ္စမျိုး ကြုံကြုံသားက မစိုးရိမ်ဘူး ၊ အဖေလာကယ်မယ်ဆိုတာ သိနေတယ်"

[မူရင်း။ ။ Mark V.Hansen ၏ Are You Going To Help Me?]

ငါသိတယ် ၊ ငါလုပ်နိုင်ရမယ်

ဒီစာအုပ်ကိုစာရေးဆရာကြီး 'ဖေမြင့်' ဘာသာပြန်ထားခြင်းဖြစ်ပါသည်။

ငါသိတယ် ၊ ငါလုပ်နိုင်ရမယ်

သင်တတ်နိုင်မည်ထင်သလား

မတတ်နိုင်ဘူးထင်သလား

မည်သို့ထင်သည်ဖြစ်စေ

သင့်အထင် မှန်ပါလိမ့်မည်

ဟင်နရီဖို့ဒ်

အဲသည်တုန်းက ရော့ကီး အသက်ငါးနှစ်။

သူ့မိခင် ကယ်လီက ပစ်ကပ် ထရပ်ကားလေးကို မောင်းကာ သားအမိနှစ်ယောက် အယ်လဗားမားတောကျေးလက်ကိုဖြတ်သန်းလာခဲ့ကြသည်။ ရော့ကီးက သူ့ အမေပေါင်ပေါ်ခြေတင်လျက် အိပ်ရင်းလိုက်ပါလာသည်။

လမ်းက ယာဉ်ကြောနှစ်ခုစာလောက်သာ ကျယ်သည့်တောလမ်း။ အကွေ့အ၀ိုက်တွေလည်း များသည်။ ကယ်လီက ကားကိုဂရုစိုက်မောင်းနှင်လာသည်။ သို့သော် တစ်နေရာတွင် လမ်းက ကွေ့သွားပြီး တံတားကျဉ်းကျဉ်းတစ်ခုထဲ ဆက်တိုက်ဝင်ရသည်။ သည်အချိန်ကားက ချိုင့်တစ်ခုထဲ ဆောင့်ကျပြီး လမ်းဘေးဘက်ချောထွက်ကာ ညာဘက်ရှေ့ဘီးက မြောင်းလိုဖြစ်နေသည့် ဘီးလမ်းကြောင်းရာတစ်ခုထဲ ကျသည်။ ကားမှောက်မှာ စိုးသဖြင့် ကယ်လီက လီဗာကို ဖိနင်း ၊ စတီယာရင်ကို ဘယ်ဘက်တအားလှည့်ပြီး ကားကို လမ်းပေါ် ကမန်းကတန်း ဆွဲတင်သည်။ သို့သော် ကံဆိုးချင်တော့ ရော့ကီး၏ ခြေထောက်ကြားမှာ ကန့်လန့်ခံနေသည်။ ပစ်ကပ်ကိုသူမထိန်းနိူင်တော့။

ကားက တစ်ပြန်နှစ်ပြန် လိမ့်ကာ ပေနှစ်ဆယ်ခန့်နက်သည့် ချောက်ထဲ ကျသွားသည်။ ချောက်ထဲ ကားရောက်တော့မှ ရော့ကီး နိုးလာသည်။

"မေမေ…မေမေ၊ သားတို့ ကားဘီးတွေ မိုးပေါ်ထောင်နေပါလား" အမေ့အား သူမေးသည်။

ကာလီ့မျက်စိနှစ်ဖက်လုံး သွေးတွေဖုံးနေသဖြင့် ဘာကိုမှ မမြင်ရ။ ဂီယာတံနှင့် ဆောင့်ထိုးမိသောဒဏ်ကြောင့် နှုတ်ခမ်းက ပါးအထိ ဟက်တက်ကွဲကာ မျက်နှာတစ်ခုလုံး စုတ်ပြတ်ကြေမွနေသည်။ ပခုံးနှစ်ဖက်လုံး ကျိုးကြေသွားပြီး ချိုင်းကြားတစ်ဖက်၌ အရိုးတစ်ချောင်းဖောက်ထွက်နေသည်။ ပြီး ပိန်ချိုင့်သွားသည့်တံခါးက သူ့ခန္ဓာကိုယ်အား ဖိညှပ်ထားသလိုလည်းဖြစ်နေသည်။

"မေ့မေ့ကို သားဆွဲထုတ်ပေးမယ်" ရော့ကီးကဆိုသည်။ အံ့သြဖွယ်ပင်သူက ဒဏ်ရာလုံးဝမရခဲ့။ သူ့အမေအောက်မှတိုးဝှေ့ထွက်ကာ ပွင့်နေသော တံခါးပေါက်မှသူလျှောဆင်းသည်။ ပြီးလျှင် မိခင်အားဆွဲထုတ်နိုင်ရန်ကြိုးစားသည်။ သို့သော် သူမည်မျှ အားစိုက်ဆွဲသော်လည်း ကယ်လီက နည်းနည်းမျှ မရွေ့။

"မေမေ ခဏ အိပ်ပါရစေ သားရယ်" ကယ်လီကဆိုသည်။ သူကသတိလစ်တစ်ချက် မလစ်တစ်ချက် ဖြစ်နေသည်။

"ဟင့်အင်း မေမေ…မေမေ မအိပ်ရဘူး" ရော့ကီးက လုံးဝငြင်းသည်။

ရော့ကီးက ကားထဲ ခဲခဲယဉ်းယဉ်းပြန်ဝင်ပြီး သူ့အမေကို သည်အထဲက မရမက တွန်းထုတ်သည်။ ပြီးနောက် အမေသည်နား ခဏနေခဲ့ ၊ သားလမ်းပေါ်တက်ပြီး တွေ့တဲ့ကားကို အကူအညီတောင်းမယ်ဟုဆိုသည်။ မိခင်ကစိတ်မချ။ မှောင်မှောင်မည်းမည်းထဲမှာ သူ့သားလေးကို ကားမောင်းလာသူတွေမြင်ချင်မှမြင်မှာဟုတွေးကာ သားတစ်ယောက်တည်းမသွားနဲ့ဟုဆိုသည်။

အဲသည်နောက် သားအမိနှစ်ယောက် လမ်းဘေးကမ်းပါးယံကို ဖြည်းဖြည်းချင်း တွားတက်ကြသည်။ ရော့ကီးက အလေးချိန် ပေါင် ၄၀ မျှရှိသည့် သူ့ ခန္ဓာကိုယ်လေးနှင့် ၁၀၄ ပေါင်လေးသော သူ့မိခင်ကို တွန်းတင်သည်။ ခရီးကမတွင်နိုင်။ တစ်ကြိမ်မှာ တစ်လက်မ နှစ်လက်မ လောက်စီပဲရွေ့သည်။ ဝေဒနာပြင်းထန်းလွန်းသဖြင့် ကယ်လီ လက်လျှော့ချင်လာသည်။ သို့သော်ရော့ကီးက မလျှော့ရ။

သူ့အမေ အားမလျှော့စေရန် ရော့ကီးက "မေမေ ၊ မီးရထားလေးအကြောင်း သတိရ" ဟု ဆိုသည်။ သူတို့ကလေးတွေ အလွန်နှစ်သက်သည့် 'စွမ်းဆောင်နိုင်သောစက်ခေါင်းလေး' ပုံပြင်ကို သူဆိုလိုခြင်းဖြစ်သည်။ စက်ခေါင်းလေးသည် မတ်စောက်သော တောင်ကြီးကို မရရအောင် တက်သွားသည်။ စက်ခေါင်းလေးအကြောင်းမိခင်အား သတိဖော်ပေးရန်အတွက် ပုံပြင်ထဲမှာပါသည့် 'ငါသိတယ် ၊ မင်းတတ်နိုင်တယ် ၊ ငါသိတယ် ၊ မင်းတတ်နိုင်တယ်' ဆိုသည့် လူံ့ဆော်စကားလေးကို သူ့နူတ်က တတွတ်တွတ် ရွတ်သည်။

နောက်ဆုံး လမ်းမပေါ်ရောက်ကြပြီး သူ့မိခင်၏ မျက်နှာပေါ်မှ ရုပ်ပျက်ဆင်းပျက် ဒဏ်ရာများကို သေသေချာချာ မြင်ရတော့မှ ရော့ကီး ရှိုက်ကြီးတငင် ငိုလေသည်။ ထို့နောက် ထရပ်ကားတစ်စီးလာတာ မြင်တော့လက်နှစ်ဖက်ကို ဝှေ့ယမ်းကာ "ရပ်ပါ ခင်ဗျာ ၊ ရပ်ပါ ခင်ဗျာ" ဟု အော်သည်။

"မေ့မေ့ကိုဆေးရုံပို့ပေးကြပါ" ထရပ်ကား မောင်းသူအား သူ မေတ္တာရပ်ခံသည်။

ကယ်လီ၏ မျက်နှာကို ခွဲစိတ်ခန်းမှာ ရှစ်နာရီမျှကြာအောင် ပြန်လည်ပြုပြင်ယူရသည်။ စုစုပေါင်း ၃၄၄ ချက်တိတိ ချုပ်ခဲ့ရသည်။ သို့တိုင်အောင် ယနေ့သူ့မျက်နှာက ယခင်ကနှင့်တခြားစီ ဖြစ်နေသည်။ "အရင်တုန်းကဆိုရင် ကျွန်မ နှာတံလေးက သွယ်တန်းနေတာပဲ ၊ နှုတ်ခမ်းက ပါးပါး ၊ ပါးရိုးပေါ်ပေါ်နဲ့ပေါ့ ၊ အခုတော့နှာခေါင်းပွပွ ၊ နှုတ်ခမ်းထူထူ ၊ ပါးရိုးချပ်ချပ် ဖြစ်နေပြီ"

သို့သော် ဘာပဲပြောပြော အမာရွတ်တော့ သိပ်မပေါ်ပေ။ ထိခိုက် ဒဏ်ရာတွေ အားလုံး ရှင်းရှင်းလင်းလင်း ပြန်ကောင်းသွားခဲ့သည်။

ရော့ကီး၏ စွမ်းဆောင်ပုံအကြောင်းသည် ဧရာမ သတင်းကြီးတစ်ခု ဖြစ်သွားခဲ့သည်။ သို့သော် သတ္တိခဲ ချာတိတ်ကတော့ သူ လုပ်ခဲ့တာ ဘာမှ ထူးထူးခြားခြား ကြီးကြီးကျယ်ကျယ် မပါပါဟု ဆိုသည်။ "ဒီကိစ္စကြီး ဖြစ်ပျက်ခဲ့တာကို ကျွန်တော် သဘောကျတယ်လို့မထင်ကြပါနဲ့နော် ၊ မတော်တဆ ဖြစ်လာတော့ ကျွန်တော်လဲလုပ်ရတာပေါ့ ၊ ဘယ်သူမဆို ဒီလိုကြုံရင် ဒီတိုင်းလုပ်ကြမှာပဲ မဟုတ်လား"

သူ့ မိခင်ကတော့ ဆိုသည်။

"ရော့ကီးလေး ကယ်လို့သာပေါ့ ၊ မဟုတ်ရင် ကျွန်မ သွေးလွန်ပြီး သေမှာ" ဟူ၍။

[မူရင်း။ ။ Michele Borba ၏ I Think I Can!]

မဟတ္တမ ဂန္ဓီရဲ့ ဖိနပ်တစ်ရံ

ဒီစာအုပ်ကိုစာရေးဆရာကြီး 'ဖေမြင့်' ဘာသာပြန်ထားခြင်းဖြစ်ပါသည်။

မဟတ္တမ ဂန္ဓရဲ့ ဖိနပ်တစ်ရံ

တစ်နေ့ မဟတ္တမ ဂန္ဓကြီး ခရီးသွားရန် ရထားပေါ်အတက်မှာ သူ၏ ဖိနပ်တစ်ဖက် ကျွတ်ပြီးအောက်ဘက်သံလမ်းပေါ်ကျသည်။ရထားကထွက်စပြုနေပြီဖြစ်ရာသူ ကောက်မယူနိုင်တော့။

ဘေးလူတွေ ငေးကြည့်နေကြဆဲ ဂန္ဓကအေးအေးဆေးဆေးပင် သူ့မှာ ကျန်နေသေးသည့် ဖိနပ်တစ်ဖက် ကို ချွတ်ကာ စောစောက ကျွတ်ကျခဲ့သည့် နေရာဘက်ဆီသို့ လှမ်းပစ်လိုက်သည်။

"ဟာ…ဘာလုပ်တာလဲ" ခရီးသည်တစ်ယောက်က မေးသည့်အခါ ဂန္ဓကြီးက ပြုံးပြီး "စောစောက တစ်ဖက်တည်းကောက်ရမယ့်လူ အခုတော့တစ်ရံ ရသွားမှာပေါ့ဗျာ ၊ အဲဒါဆို သူစီးလို့ ရသွားပြီ" ဟု ဖြေလေသည်။

[မူရင်း။ ။ The Little, Brown Book of Anecdotes မှ အမည်မသိစာရေးသူ၏ Shoes]

ဆပ်ကပ်

ဒီစာအုပ်ကိုစာရေးဆရာကြီး 'ဖေမြင့်' ဘာသာပြန်ထားခြင်းဖြစ်ပါသည်။

ဆပ်ကပ်

လူကောင်းတစ်ယောက်ရဲ့ ဘ၀မှာ
အကောင်းဆုံးအစိတ်အပိုင်းဆိုတာ
မကြီးမကျယ်တဲ့ ၊ အမည်အဖော်တဲ့ ၊ အမှတ်တရပြုမနေတဲ့
အကြင်နာ ၊ မေတ္တာ အပြုအမူလေးများပါ။
ဝီလျံဝါ့ဒ်စ၀ပ်

ကျွန်တော် လူပျိုပေါက် အရွယ်လောက်က ဖြစ်သည်။ အဖေ နှင့် ကျွန်တော် ဆပ်ကပ်ပွဲအတွက် လက်မှတ် တန်းစီနေကြသည်။ အတော်ကြာ စောင့်ဆိုင်းပြီး သည့်နောက်တွင် လက်မှတ်ပေါက်နှင့် ကျွန်တော်တို့ ကြားမှာ မိသားစု တစ်ခုသာ ကျန်လေသည်။

သည်မိသားစုကို ကြည့်ပြီး ကျွန်တောသဘောကျနေမိသည်။ ကလေးချည်း ရှစ်ယောက် ပါသည်။ တစ်ယောက်မျှ ၁၂နှစ် ပြည့်သေးပုံမရ။ သူတို့အပြင်တွေကြည့်ရုံဖြင့်ပင် ငွေကြေးပြည့်ပြည့်စုံစုံထဲက မဟုတ်ကြောင်းသိနိုင်သည်။ အ၀တ်အစားတွေကအဖိုးတန်ထဲက မဟုတ်။ သို့သော်သပ်သပ်ရပ်ရပ်ရှိသည်။ ကလေးတွေက အမူအရာယဉ်ကျေးသည်။ မိဘများနောက်မှာ နှစ်ယောက်တစ်တွဲ လက်ချင်းချိတ်ပြီး တန်းစီနေကြသည်။ သို့သော်နှုတ်ကမူ ညဘက်တွင် သူတို့ကြည့်ရမည့်ဆပ်ကပ် လူပြက်များ ၊ ဆင်လိမ္မာများနှင့် အခြားပြကွက်များ အကြောင်းကို အားတက်သရော ပြောဆိုနေကြသည်။ သူတို့လေးတွေခမြာ ဆပ်ကပ်ပွဲ တစ်ခါမျှ ကြည့်ဖူးကြဟန်မတူ။ သည်ညကတော့ သူတို့ဘ၀မှာ တကယ့် အမှတ်တရည ဖြစ်တော့မည့်ပုံမျိုး။

အဖေနှင့်အမေက အုပ်စုထိပ်မှာ ၀မ်းမြောက်ဂုဏ်ယူသည့် အသွင်အပြင်များဖြင့် ရပ်နေကြသည်။ ကလေးတွေ၏ မိခင်က ခင်ပွန်းသည်၏လက်ကို ကိုင်လျက်သူ့မျက်နှာကို ရွှန်းရွှန်းစားစားကြည့်နေပုံမှာ 'မေ့ချစ်သူလူစွမ်းကောင်းကြီး'ဟု နှုတ်ခွန်းဆက်သနေဘိသည့်အလား အထင်ကြီးမှု ၊ လေးစားမှုလက္ခဏာတွေ အပြည့်ပါသည်။ ခင်ပွန်းသည်ကလည်း 'အားကိုးစမ်းပါအချစ်ရယ်' ဟုခွန်းတုံ့ပြန်သည့်နှယ် ဂုဏ်ယူသော အပြုံးနှင့်ချစ်ကြည်နူးစွာကြည့်သည်။

သည်အခိုက် လက်မှတ်ရောင်းသော အမျိုးသမီးက အဖေလုပ်သူအား လက်မှတ် ဘယ်နှစ်စောင်ယူမလံလှမ်းမေးသည်။

"ကျွန်တော် ကလေးလက်မှတ်ရှစ်စောင်နဲ့လူကြီးလက်မှတ်နှစ်စောင် လိုချင်ပါတယ် ၊ အဲဒါ မှ ကျွန်တော်တို့ တစ်မိသားစုလုံး လာလို့ရမှာ" သူက တက်တက်ကြွကြွပင် ဖြေသည်။

အမျိုးသမီးက လက်မှတ်ခ နှုန်းထားများ လှမ်းပြောသည်။

ဇနီးသည်က သူ့ခင်ပွန်း၏လက်ကို လွှတ်ချလိုက်ပြီး ခေါင်းလည်းငုံ့သွားသည်။ အမျိုးသား၏ နှုတ်ခမ်းတွေတဆတ်ဆတ် တုန်လာသည်။ သူ ရှေ့သို့ အနည်းငယ်တိုးကာ "ဘယ်လောက်ဗျာ"ဟူ၍ မေးသည်။

လက်မှတ်ရောင်းသော အမျိုးသမီးက ဈေးနှုန်းတွေထပ်ပြောသည်။

အဖေလုပ်သူမှာ ပိုက်ဆံ အလုံအလောက်မပါ။

သို့သော် သည်အချိန်ကျမှ သူနောက်ဘက် လှည့်ကာ ကလေးတွေကိုအဖေ့မှာ ပိုက်ဆံ အလုံအလောက်မပါလို့ သည်ည ဆပ်ကပ်ကြည့်နိုင်မှာ မဟုတ်ဘူးဟု သူဘယ်သို့ ပြောထွက်နိုင်ပါမည်နည်း။

ဖြစ်ပျက်ပုံ အလုံးစုံကို မြင်ကာ ကျွန်တော့်အဖေအင်္ကျီအိတ်ထဲ လက်နှုက်သည်။ ဒေါ်လာ ၂၀ တန် တစ်ရွက် ထုတ်လာပြီးနောက်မြေကြီးပေါ်အသာပစ်ချသည်။ (ကျွန်တော်တို့လည်း ချမ်းသာသူများ မဟုတ်ကြောင်းကြားဖြတ်ပြောလိုပါသည်။) ထို့နောက် အဖေပဲ သည်ပိုက်ဆံကိုပြန်ကောက်ကာ ကလေးများ ဖခင် ပခုံးကိုသွားပုတ်ပြီး ပြောသည်။ "ဒီမှာခင်ဗျ ၊ စောစောက ခင်ဗျားအိတ်ထဲက ထွက်ကျသွားတယ်"

အဖေဘာလုပ်သည်ဆိုတာ ထိုပုဂ္ဂိုလ် ကောင်းစွာနားလည်လိုက်ပါသည်။ ဘယ်သူ့ဆီကမှ သူ လက်ဖြန့်တောင်းခံခဲ့သည်တော့မဟုတ်။ သို့သော်ဒီလိုအသည်းအသန် အရေးတကြီးအချိန် ၊ ဖခင်တစ်ယောက်အနေနှင့်အရှက်ကြီး ရှက်ရမည့်အဖြစ်မျိုး ကြုံရအံ့ဆဲဆဲ အချိန်တွင် မမျှော်လင့်ဘဲ ပေါ်ပေါက်လာသည့် သည်အကူအညီအတွက် သူတကယ်ပဲ ကျေးဇူးတင်သွားခဲ့သည်။ အဖေ့မျက်လုံးအစုံကို သူ စူးစိုက်၍ကြည့်သည်။ ဒေါ်လာ ၂၀ တန် ကိုင်ထားသော အဖေ့လက်ကို သူလက်နှစ်ဖက်နှင့်ဖျစ်ညှစ်ဆုပ်ကိုင်ကာ တုန်ယင်သော နှုတ်ခမ်းများဖြင့်ကျေးဇူးတင်စကားဆိုသည်။

"ကျေးဇူးတင်တယ်ဗျာ ၊ တကယ့်ကိုကျေးဇူးပါပဲ ၊ ကျွန်တော်အတွက်ရော ကျွန်တော့်မိသားစု အတွက်ပါ အဖိုးမဖြတ်နိုင်ပါဘူးခင်ဗျာ" သည်လိုပြောရင်းသူ့ပါးပြင်ပေါ် မျက်ရည်တစ်ပေါက် လိမ့်ဆင်းကျလာသည်။

အဖေနှင့်ကျွန်တော် ကားဆီသို့ လှည့်ပြန်ကာ အိမ်သို့ပဲ မောင်းလာခဲ့ကြသည်။ အဲသည်ည ဆပ်ကပ်ပွဲသို့ကျွန်တော်တို့ မသွားကြပါ။ သို့သော် သည်ညသည် အချည်းနှီး ညတော့ လုံးဝမဟုတ်ခဲ့။

[မူရင်း။ ။ Dan Clark ၏ The Circus]

You received this email because you are subscribed to the real_time feed for http://www.nyameeain.co.cc/feeds/posts/default. To change your subscription settings, please log into RSSFWD.