ကြံ့ခိုင်ရေးအသင်း၊ တရားသူကြီး ၂ ကြံ့ခိုင်ရေးအသင်း၊ တရားသူကြီး ၂ ကြံ့ခိုင်ရေးအသင်း၊ တရားသူကြီး ၂ ယောRemembering Zarganar - from MoeMaKa Team
မိုးမခတောထဲက သတင်းအပိုင်းအစများ "… လူမှုရေးအသင်းကြီးဖြစ်သည့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးအသင်းကြီးကို နိုင်ငံရေးပါတီအဖြစ် ပြောင်းလဲလိုက်ကြောင်း ယနေ့ည ၈း၀၀ နာရီ ရုပ်မြင်သံကြားသတင်းများတွင် ဖော်ပြထားသည်။ နိုင်ငံရေးပါတီအဖြစ် အသွင်ပြောင်းလဲလိုက်သော်လည်း ခေါင်းဆောင်များမှာ အပြောင်းအလဲ မရှိဟု ဆိုသည်။ အသင်း၏ တံဆိပ်၊ အလံ၊ ၀တ်စုံတို့ကိုလည်း ပြောင်းလဲမည်မဟုတ်ဟု ဆိုသည်။ ကြံ့ခိုင်ရေးအသင်း နိုင်ငံရေးပါတီအဖြစ် တရားဝင် ပြောင်းလဲသွားမှုနှင့်ပတ်သက်၍ အမျိုးသားဒီမိုကရေစီအဖွဲ့ချုပ်မှ ဦး/ဒေါ် - - - - - က " - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - " ဟု ပြောကြားလိုက်သည်။ သို့သော်လည်း - - - - - - - - - - - - အဖွဲ့မှ ဦး/ဒေါ် - - - - - က ကြံ့ခိုင်ရေးအသင်း နိုင်ငံရေးပါတီအဖြစ် ပြောင်းလဲမှုကို ၀မ်းမြောက်ဝမ်းသာ ကြိုဆိုလိုက်သည်။ " - - - - - - - - - - - - - - - - - - - - - - - - - - - - - - - - - - - -" ဟု ပြောလိုက်သည်။ ကြံ့ခိုင်ရေးအသင်းက ၂၀၁၀ ပြည့်နှစ်တွင် ကျင်းပမည့် ရွေးကောက်ပွဲတွင် ပါဝင်ယှဉ်ပြိုင်သွားမည်ဟု ဆိုသည်။ လွှတ်တော်ကိုယ်စားလှယ်လောင်း အမည်စာရင်းများကို ရွေးကောက်ပွဲကော်မရှင်သို့ တင်သွင်းရန် အသင့်ဖြစ်နေပြီဟု ဆိုသည်။ ကြံ့ခိုင်ရေးအသင်းကို ၁၉၉၃ ခုနှစ်က စတင်ဖွဲ့စည်းခဲ့ခြင်းဖြစ်သည်။ အောက်ခြေအဖွဲ့ခွဲများအဖြစ် ပြည်နယ်တိုင်း အဆင့် ၁၇ ခု၊ ခရိုင် ၆၆ ခု၊ မြို့နယ်ပေါင်း ၃၂၀ နှင့် ရပ်ကွက်ကျေးရွာများတွင် ဖွဲ့စည်းထားသည်။ လူဦးရေ ၅၈ သန်းရှိသော မြန်မာပြည်တွင် ကြံ့ခိုင်ရေးအသင်းဝင်ပေါင်း ၂၃ သန်းရှိသည်ဟု အသင်းကြီးက ထုတ်ပြန်ကြေညာထားသည်။ …" ဒီသတင်းက မနေ့ညက ကြေညာသွားတာ မဟုတ်ပါဘူး။ မကြေညာရသေးပါဘူး။ သတင်းဌာနတွေဟာ ဒီလိုပဲ ကြိုတင်ပြင်ဆင်ရပါတယ်။ တကယ်ဖြစ်လာတဲ့အခါ အသင့်ရေးထားပြီးသားကို ချက်ချင်း ထုတ်ပြန်တတ်ကြတာပါ။ ၂၀၀၂ ခုနှစ် ဦးနေ၀င်း ကွယ်လွန်တုန်းက နာရီပိုင်းအတွင်းမှာပဲ နိုင်ငံတကာ သတင်းအေဂျင်စီကြီးတွေက သတင်းထုတ်ပြန်ကြတာ မှတ်မိမှာပါ။ ပရင့်အောက်ပြီး ဖတ်လိုက်တော့ ၂ မျက်နှာ ကျော်ပါရောလား။ ဦးနေ၀င်းရဲ့အချက်အလက်တွေကို ကြိုတင်ပြင်ဆင်ထားကြတာ ကြာပါပြီ။ ရန်ကုန်သတင်းထောက်တွေဆီက ဦးနေ၀င်း ဘယ်နေ့ ဘယ်အချိန်မှာ ဘာရောဂါနဲ့ ကွယ်လွန်တယ်ဆိုတဲ့ စာ ၁ကြောင်း ၂ကြောင်း သတင်းပို့ချက်ကို ထိပ်ဆုံးမှာထားပြီး သူတို့ ပြုစုထားတဲ့ အချက်တွေနဲ့ ဆက်လိုက်တော့ သတင်းရှည်ကြီးဖြစ်သွားပြီး ချက်ချင်း ထုတ်ပြန်နိုင်တာ ဖြစ်ပါတယ်။ ဒါကြောင့် သတင်းလောက ထုံးစံအတိုင်း ကြံ့ခိုင်ရေးအသင်း သတင်းကို ကြိုတင်ပြင်ဆင်ထားရခြင်း ဖြစ်ပါကြောင်း။ ဟိုး ရှေးရှေးတုန်းက ဗာရာဏသီပြည်မှာ ဗြဟ္မဒတ်မင်းကြီး စိုးစံတော်မူတယ်။ ဒီနေ့ခေတ်မှာတော့ နေပြည်တော်မှာ မင်းတြားကြီး သန်းရွှေ စိုးစံတော်မူတယ်။ အေးချမ်းသာယာလွန်းတဲ့အပြင် ခေတ်မီနိုင်ငံတော်ကြီးအိပ်မက်လည်း မက်နေတာကြောင့် နိုင်ငံရေးအကျဉ်းသားတွေ လုံးဝ (လုံးဝ၊ လုံးဝ) မရှိ လို့ ဆိုပါတယ်။ ဒါက နေပြည်တော်မှာပါ။ အရှင်လတ်လတ် ရှေးဟောင်းမြို့တော်ဖြစ်သွားတဲ့ ရန်ကုန်မှာတော့ နိုင်ငံရေးအကျဉ်းသားတွေ ဖြစ်ဟန်တူသူတွေတော့ ရှိပါသတဲ့။ သူတို့ကို ထောင်ချတဲ့အခါ "မင်းတို့ကို ထောင်ဒဏ်ဘယ်လောက်ချလိုက်ပြီဟေ့" လို့ ပြီးစလွယ် ပြောလိုက်ရင် ရပါလျက်ကယ်နဲ့ တရားသူကြီးနဲ့ တရားရုံးနဲ့ ဘာနဲ့ အကျအန တရားစီရင်တယ်လို့ ဆိုတယ်။ ဒီအကျဉ်းသားတွေ ပင်ပန်းမှာစိုးလို့ ရန်ကုန်မြို့ပေါ်က တရားရုံးတွေကို ခေါ်မသွားဘဲ ထောင်ထဲမှာပဲ တရားရုံးတွေ ဖန်တီးထားပါတယ်။ တချက်ခုတ် သုံးလေးချက်မက ပြတ်တဲ့ စီစဉ်ချက်တွေပါပဲ။ အကျဉ်းသားတွေ အချိန်ကုန် သက်သာတယ်၊ ခရီးကျုံ့သွားတယ်၊ မော်တော်ယာဉ် အသုံးမပြုရတော့ ဆီဖိုးမကုန်ဘူး၊ ဓာတ်ဆီမကုန်တော့ သဘာဝပတ်ဝန်းကျင်ထိခိုက်တာလည်း ကာကွယ်တဲ့သဘော။ သိပ်အကျိုး ရှိပါတယ်။ အားလုံးကောင်းပါသည်ခင်ဗျားလို့ ထင်ရပေမယ့် တရားသူကြီးတွေကတော့ အဲသလို မထင်ဘူးတဲ့ခင်ဗျာ။ တရားသူကြီးတွေဆိုတာ တရားရုံးတွေမှာ ဘုရင် မဟုတ်လား။ အခုတော့ သူ့တရားရုံးမှာ ရုံးမထိုင်ရဘဲ ထောင်ထဲသွားနေရတာ ခရီးဖင့်တယ်၊ ထောင်ထဲက တရားရုံးကိုရောက်ဖို့ တရားသူကြီးတွေကိုယ်တိုင် ဂိတ်သုံးလေးခုကို ဖြတ်နေရတယ်ဆိုတော့ သူတို့ ညည်းကြပါတယ်။ နို့ပေမယ့် စီရင်ချက်တို့ ဘာတို့အတွက်တော့ ခေါင်းမကိုက်ရပါဘူး တဲ့။ ဘယ်လို ဘယ်လို လုပ်လိုက် ဆိုတဲ့ ညွှန်ကြားချက်များ ရပြီးဖြစ်တဲ့အတွက် အလုပ်အကိုင်များက အေးရာအေးကြောင်းပါလို့ တရားသူကြီးတာဝန်ကျတဦးက ဆိုပါတယ်။ တရက်မှာ တရားသူကြီးက အင်းစိန်ထောင် တရားခွင်မှာ အိပ်ချင်မူးတူး ဖြစ်နေတယ်။ ထုံးစံအတိုင်း သူ့လက်ထဲ ရောက်လာတဲ့ စာရွက်ကို ဖတ်ပြပြီး အကျဉ်းသားကို မေးလိုက်တယ်။ တရားသူကြီး- "ဘာသာနဲ့ သာသနာညှိုးနွမ်းအောင် လုပ်တယ်ဆိုတာ အမှုမှာ ထင်ရှားနေတယ်။ ဘယ်လိုမျိုး ဖြေရှင်းချင်သေးလဲ … ။" အကျဉ်းသား ၁- "ဘာသာနဲ့ သာသနာကို ညှိုးနွမ်းအောင် ဘယ်လိုမျိုးလုပ်ခဲ့လို့ ဘယ်က သက်သေအထောက်အထားတွေနဲ့ စွပ်စွဲရတာလဲ။ ထောက်ပြပါ …" အကျဉ်းသား ၂- (အကျဉ်းသား ၁ကို မျက်စောင်းထိုး၍ကြည့်ပြီး) " အော် ... မင်းကလည်း။ ဘုန်းကြီးကျောင်းတွေကို ၀င်ရိုက်ထားတာဟာ ဘာသာနဲ့ သာသနာကို ညိုးနွမ်းအောင် လုပ်တာပေါ့ … ဟ။ " တရားသူကြီးက အိပ်ချင်ပြေသွားတယ်လို့ ဆိုတယ်။ ရယ်လိုက်ရတာ ဖတ်ဖတ်မောလည်း မလုပ်ဖြစ်ဘူး၊ ရုံးတော်ကို စော်ကားမှု ဆိုပြီးလည်း အမှုထပ်မတိုးပါဘူး တဲ့။ စွဲထားတဲ့အမှုတွေက လေးငါးခု မကဘူး သိပ်များနေပြီတဲ့ တရားသူကြီးက အိမ်ရောက်တော့ ပြန်ပြောပြပါတယ်။ အဲဒီ အကျဉ်းသား ၂ ယောက်က ဘယ်သူတွေလဲ ဆိုတာကို ပဟေဠိ ထုတ်လိုက်ပါရဲ့။
ကြံ့ခိုင်ရေးအသင်း၊ တရားသူကြီး ၂ ယောက်
အဝေးကြည့်မှန်ပြောင်း
သြဂုတ် ၂၁၊ ၂၀၀၈
Zarganar Legacy Lives on with Thee Lay Thee - Burmese Troupe
သီးလေးသီးနှင့် ဆေးရောင်စုံအဖွဲ့ နယ်လှည့် ကပြရန် အစီအစဉ်များရှိ
မိုးမခ အထောက်တော် ၀၀၃
သြဂုတ် ၁၂၊ ၂၀၀၈
ထိုင်းနိုင်ငံတွင် အခြေပြုပြီး မြန်မာပရိသတ်များနှင့် အသံလွှင့်အစီအစဉ်များအတွက် ဖျော်ဖြေနေသည့် သီးလေးသီးနှင့် ဆေးရောင်စုံအဖွဲ့သားများ ယခုလကုန်တွင် ဂျပန်နိုင်ငံသို့ သွားရောက် ကပြရန် အစီအစဉ်များရှိကြောင်း သိရသည်။
၈ လေးလုံး အထိမ်းအမှတ် တင်ဆက်မှုတွင် စစ်အစိုးရအဆက်ဆက်၏ ကျောင်းသားလူငယ်များအပေါ်၊ ပြည်သူများအပေါ် နှိပ်ကွပ်မှုများကို သရုပ်ဖော်တင်ဆက်ခဲ့ရာ တက်ရောက်သူ မြန်မာများသာမက နိုင်ငံတကာ ပရိသတ်များက နှစ်ချိုက်ကြသည်ကို တွေ့ရကြောင်း၊ ဆေးရောင်စုံအဖွဲ့သားများသည် ပြည်ပရောက် မြန်မာများကို ပျော်ရွှင်စေရေး၊ ဘ၀အမောပြေစေရေးတို့အတွက် အစီအစဉ်များသာမက ကျန်းမာရေးနှင့် လူ့အခွင့်အရေးပညာပေး အစီအစဉ်များ၊ လက်ရှိရင်ဆိုင်နေရသော လူမှုရေး၊ နိုင်ငံရေး အကြပ်အတည်းများကို ထင်ဟတ်သော သရုပ်ဖော်အစီအစဉ်များကိုပါ တိုးချဲ့တင်ဆက်လာဖြစ်ကြောင်း ပြောကြားသည်။
"ဂမ်ဘာရီတို့၊ ဘက်ကီမွန်းတို့တွေကိုပါ ထည့်ပြီး ပြက်လုံးထဲမှာ ပြက်တယ်ဗျာ။ အမြင်တွေ အထင်တွေနဲ့ တကယ်တမ်း ကျနော်တို့ရင်ဆိုင်နေရတဲ့ အခက်အခဲတွေ မတိုက်ဆိုင်တာတွေ၊ လွဲချော်နေတာတွေကိုပါ စဉ်းစားစရာဖြစ်အောင် ထင်ဟတ်တဲ့ အစီအစဉ်တွေကိုပါ ထည့်လာပြီ ဖြစ်ပါတယ်။ ပြည်တွင်းမှာ ပိတ်ဆို့ထားတဲ့ အနုပညာတွေ ကိုယ်စား ပြီးတော့ မတရားဖမ်းဆီးထိမ်းသိမ်းခံထားရတဲ့ ကိုဇာဂနာနဲ့တကွ အနုပညာရှင်တွေ ကိုယ်စား ကျနော်တို့က မြန်မာပြည်သူတွေကိုကော၊ နိုင်ငံတကာက ပရိသတ်တွေကို ပွင့်လင်းတဲ့ တင်ဆက်မှုတွေ ထုတ်ဖော်နေရမယ်လို့ ခံယူတယ်" ဟု ကိုဂေါ်ဇီလာက ရှင်းပြသည်။
"အခက်အခဲတွေကတော့ အများကြီးပါပဲ။ မြန်မာပရိသတ်တွေရဲ့ အားပေးကူညီမှုတွေ နိုင်ငံတကာက အစုအဖွဲ့တွေရဲ့ ၀ိုင်းဝန်း ကြတာတွေနဲ့ သီးလေးသီးနဲ့ ဆေးရောင်စုံအဖွဲ့ဟာ ဆက်လက် လှုပ်ရှားရပ်တည်နေနိုင်တာ ဖြစ်ပါတယ်။ ရှေ့ကို ခရီးဆက်ပြီး မြန်မာပြည်၊ မြန်မာအနုပညာအရေးကိစ္စတွေ၊ မြန်မာပြည်သားတွေရဲ့ ခံစားချက်တွေကို ထင်ဟတ် သရုပ်ဖော်တဲ့ အစီအစဉ်တွေ ဆက်လက် ဆောင်ရွက်နေမှာ ဖြစ်ပါတယ်" ဟု ၎င်းက မိုးမခသို့ ပြောကြားခဲ့ပါသည်။
မိုးမခရဲ့ ၀က်ဆိုက်တခုဖြစ်သည့် မိုးမခ ဒေ့ါနက် ( http://moemaka.net ) တွင်လည်း ၎င်းတို့၏ ကိုရီးယား၊ ဂျပန် ကပွဲများကို အပိုင်းလိုက်ခွဲပြီး တင်ဆက်ထားပါသည်။ နာဂစ်လေဘေးကိစ္စများကို နိုင်ငံတကာက မြန်မာများ ရောက်ရာနေရာက နီးစပ်ရာ စုဝေးပြီး ကူညီကြဖို့အရေးကို ရည်ရွယ်လျက် နှိုးဆော်သည့်အနေဖြင့် ၎င်းတို့အစီအစဉ်များကို မေတ္တာဖြင့် ထုတ်လွှင့်ပေးရန် သီးလေးသီးအဖွဲ့က ခွင့်ပြုချက်နှင့် တင်ဆက်လျက်ရှိခြင်း ဖြစ်ပါသည်။
Zarganar and Zaw Thet Htwe appeared at court inside Insein Jail
ဇာဂနာ၊ ဇော်သက်ထွေးကို ရုံးထုတ် အမှုစွဲဆို၊
ရှေ့နေဖြင့် ဆောင်ရွက်ခွင့်များကို နှောင့်နှေးအောင် ပြုလုပ်ထား
မိုးမခ
သြဂုတ် ၈၊ ၂၀၀၈
ယမန်နေ့က မြန်မာ့အမျိုးသားရေး ဆောင်ရွက်သူ ကိုဇာဂနာနှင့် ကို ဇော်သက်ထွေးတို့ကို အကျဉ်းချထားရမှ ထုတ်ယူပြီး အင်းစိန်ထောင်တွင်း တရားရုံးတွင် ပုဒ်မများတပ် အမှုစွဲဆိုလိုက်သည်။
နာဂစ်မုန်တိုင်းအရေးအခင်းတွင် ရှေ့တန်းမှ ကယ်ဆယ်ရေးလုပ်ငန်းများကို စေတနာ့ဝန်ထမ်းဆောင်ရွက်နေချိန် ၎င်းတို့ကို စစ်အစိုးရက ဖမ်းဆီးခဲ့သည်။ ဇွန်လဆန်းတွင် အကြောင်းတစုံတရာ မပြဘဲ ဖမ်းဆီးခဲ့ရာမှ ယခု ၂ လ ကျော်မှ ရုံးထုတ်ခြင်း ဖြစ်သည်။
ဆူပူလှုံဆော်သည့် ပုဒ်မ ၅၀၅ (ခ)၊ နိုင်ငံရေး ပုဒ်မ ၅ (ည)၊ မတရားသင်းဆက်သွယ် ပုဒ်မ ၁၇ (က)၊ ဗီဒီယို ပုဒ်မ၊ အီလက်ထရောနစ် ပုဒ်မ စသည့် ပုဒ်မပေါင်း များစွာတပ်ပြီး အမှုစွဲဆိုခြင်း ဖြစ်သော်လည်း ကိုဇာဂနာ၊ ကိုဇော်သက်ထွေး၊ ကိုကတုံး၊ ကိုသန့်စင်အောင်တို့အတွက် ကိုယ်စားပြု ဆောင်ရွက်ရန် ရှေ့နေကို တရားရုံးက လက်ခံခြင်း မပြုခဲ့ချေ။ အကြောင်းပြချက်မှာ တရားခံနှင့် မိသားစုဖက်က ပါဝါလွှဲပေးရန် လိုအပ်သေးသည်ဟု အကြောင်းပြသည်။
၈၈ မျိုးဆက် ကျောင်းသားများနှင့် အခြား နိုင်ငံရေးသမားများ၊ ရဟန်းသံဃာများ၊ ကျောင်းသားလူငယ်များစွာကို မတရားဖမ်းဆီးထားပြီး၊ ယခုကဲ့သို့ အကျဉ်းထောင်တွင်းရှိ တရားရုံးများတွင် လျို့ဝှက်ရုံးထုတ်ခြင်း၊ မိသားစုများ ရှေ့နေများလာရောက် လျောက်လဲမှု ပျက်ကွက်စေရန် လုပ်ကြံခြင်း၊ မတရား ထောင်ဒဏ်များ ချမှတ်ပြီးနောက် အလုပ်ကြမ်းများဖြင့် ရဲဘက်စခန်းများ ပို့၍ ပြင်ပနှင့် အဆက်ဖြတ်ခြင်း၊ အကျဉ်းထောင် ရဲဘက်စခန်းများတွင် အသက်အန္တရယ် ကျရောက်စေခြင်း တို့ကြောင့် မြန်မာပြည်တွင် နိုင်ငံရေးအကျဉ်းသားပေါင်းများစွာ အသက်ဆုံးရှုံးခဲ့ရပြီး ဖြစ်သည်။
မကြာသေးမီကပင် နိုင်ငံရေးအကျဉ်းသား နေလင်းစိုးသည် မွန်ပြည်နယ် ရဲဘက်စခန်းတွင် ကျောက်ပိပြီး ပြင်းထန်စွာ ဒဏ်ရာရခဲ့သည်ဟု ထိုင်းအခြေစိုက် အေအေပီပီ အဖွဲ့က ထုတ်ပြန်ခဲ့ပြီး ဖြစ်သည်။
8888 - 20 Years, Zarganar
၈၈ အနှစ် ၂၀
(အခန်းဆက်များ)
ဇာဂနာ ရဲ့ ၈၈ ဒိုင်ယာရီ အပိုင်းအစများ
ဇာဂနာ
( မိုးမခရဲ့ မိတ်ဆက် - ဇာဂနာ အနှစ် ၂၀ - မျက်စိထဲ ပေါ်လာသမျှကို အရင် တင်ပြလိုက်ချင်ပါတယ်။
၁၉၈၈ သြဂုတ်လ အရေးတော်ပုံမှာ အနုပညာရှင်တဦး၊ ကျောင်းသားတဦး အနေနဲ့ ရှေ့တန်းက ဒီမိုကရေစီရေးအတွက် တိုက်ပွဲဝင်ခဲ့သူ၊ ၈၈ မျိုးဆက် ကျောင်းသားခေါင်းဆောင်များဖြစ်တဲ့ မင်းကိုနိုင်၊ ကိုကိုကြီးတို့နှင့် ရှေးမဆွကတည်းက ရင်းနှီးသူ၊
၁၉၉၀ ၀န်းကျင်မှာ စစ်အစိုးရ ရွေးကောက်ပွဲကို သရော်တဲ့ သူတောင်းစားညီလာခံ ပြဇာတ်ကို နယ်လှည့် ကပြ၀ံ့သူ၊ တဦးတည်းသာမဟုတ် အနုပညာဝိုင်းတော်သားတွေနှင့် စည်းလုံးညီညွတ်စွာ ဆောင်ရွက်သူ၊ ၁၉၉၀ ရွေးကောက်ပွဲ မတိုင်ခင်မှာ ဖမ်းဆီးခံရပြီး ထောင် ၅ နှစ် ကျခဲ့သူ၊
၁၉၉၅ နှောင်းပိုင်း တောက်လျောက် အနုပညာရှင်၊ ဒါရိုက်တာတဦးအနေဖြင့် ရပ်တည်ပြီး လူမှုရေး ကူညီမှုများ၊ ကျန်းမာရေး စောင့်ရှောက်ရေး ပညာပေး ရုပ်သံများ ဆောင်ရွက်သူ။
သက္ကရာဇ် ၂၀၀၀ နောက်ပိုင်းမှာ အဖြူရောင် သက်တံ လှုပ်ရှားမှု၊ ထောင်က လွတ်မြောက်လာသော ၈၈ မျိုးဆက် ကျောင်းသားများဖက်က ရပ်တည် ထောက်ခံမှုများကြောင့် စစ်အစိုးရ မျက်မုန်းကျိုးခြင်း ခံရသူ။
ပွင့်လင်း လွတ်လပ်သော ဝေဖန်မှုများကြောင့် ၂၀၀၆ တွင် အနုပညာလုပ်ငန်းများ အပိတ်ခံရသူ၊ သို့သော်လည်း ပွင့်လင်းလွတ်လပ်တဲ့ အနုပညာအမွေအဖြစ် သီးလေးသီးနဲ့ ဆေးရောင်စုံ အငြိမ့်အဖွဲ့ကို မျိုးဆက်သစ် မျိုးစေ့ချပေးခဲ့သူ။
၂၀၀၇ စက်တင်ဘာ သံဃာအရေးတော်ပုံမှာ မြန်မာပြည်သူတွေရဲ့ တရားမ၀င်သော်လည်း အားလုံးအတွက် ပြောရေးဆိုခွင့်ရှိသူအဖြစ် ရဲရင့်စွာ ရပ်တည်သူ၊ အထိမ်းသိမ်းခံခဲ့ရသော်လည်း လွတ်မြောက်လာပြီးနောက်ပိုင်းမှာလည်း စစ်အစိုးရ ဦးချိုးထားတဲ့ ပြည်သူတွေ ရဲရင့်တက်ကြွလာစေဖို့ ဆေးရောင်စုံအငြိမ့်က ပြည်သူတွေကြားဆင်းပြီး ကပြချိန်တွင် လိုက်လံ အားပေးဆောင်ရွက်သူ၊ အဖိနှိပ်ခံ သံဃာတော်များ၊ နိုင်ငံရေးသမားများကို ပြုစုစောင့်ရှောက် လှူဒါန်းထောက်ပံ့သူ။
၂၀၀၈ နှစ်ဦးပိုင်း စစ်အစိုးရရဲ့ အတုအယောင် အခြေခံဥပဒေဆန္ဒခံယူပွဲနှင့် ပတ်သက်ပြီးလည်း ပွင့်လင်းစွာ ဝေဖန်ရဲသူ၊ ၂၀၀၈ မေ နာဂစ်မုန်တိုင်းအပြီး ဒုက္ခသည် ပြည်သူကြီးထံသို့ ရှိစုမဲ့စုတွေကို ထုပ်ပိ်ုးပြီး ကယ်ဆယ်ရေး၊ ကုညီရေးတွေ ဆောင်ရွက်သူ၊ စစ်အစိုးရရဲ့ လူထုအပေါ် တာဝန်မကျေခဲ့မှု၊ ရက်စက်မှုများကို ရဲရဲရင့်ရင့် အားလုံးရှေ့မှာ အားလုံးကိုယ်စား ထုတ်ဖော်ဝေဖန်ခဲ့သဖြင့် စစ်အစိုးရရဲ့ ထပ်မံဖမ်းဆီးခြင်း ခံထားရသူ - ဇာဂနာ … ။
သူ လွန်ခဲ့တဲ့ အနှစ် ၂၀ ကတည်းက သူရဲ့ ဘယ်တော့မှ နောက်မဆုတ်ခဲ့တဲ့ ခြေလှမ်းများ အကြောင်း တင်ဆက်လိုက်တာပါ။ )
၁၉၈၈ခုနှစ် စက်တင်ဘာလ ၁၈ရက်နေ့မှာ တပ်မတော်ကအာဏာသိမ်းပါတယ်။ အောက်တိုဘာလ ၂ ရက်နေ့မှာ ကျွန်တော် အဖမ်းခံရပါတယ်။ ၁၉၈၉ ခုနှစ် ဧပြီလ ၂၁ ရက်နေ့မှာ အင်းစိန်ထောင်ကနေ ပြန်လည်လွတ်မြောက်လာခဲ့ပါတယ်။ တစ်ခါ ၁၉၉၀ခုနှစ် မေလ ၁၉ ရက်နေ့မှာ ထပ်ဖမ်းခံရပြီး ထောင်ငါးနှစ် အချခံခဲ့ရပါတယ်။ ပထမအကြိမ် အဖမ်းခံရစဉ်တုန်းက ထောင်တွင်းမှာ ခိုးကြောင်ခိုးဝှက် ရေးခဲ့ရတဲ့ဒိုင်ယာရီ (အမှန်ကတော့ စာရွက် အပိုင်းအစလေးတွေပါ) ကို တစ်လောက အမှတ်တရ ပြန်ရလိုက်တဲ့အခါ တအား ၀မ်းသာသွားခဲ့ပါတယ်။ နှစ်ပေါင်းများစွာ မပျောက်ပျက်အောင် သိမ်းထားပေးတဲ့ ထောင်ဝန်ထမ်းအဖိုးကြီးကိုလဲ
ကျေးဇူးတင်မဆုံးပါ။ ဒါကြောင့်လည်း ဒီနေရာကနေ မှတ်တမ်းတင်လို့ ဖော်ပြသွားပါရစေ။
၁၉၈၈ ခုနှစ်သည် အရေးတော်ပုံနှစ်ဟု ဆိုရမလောက်ပင် အစိုးရအားဆန့်ကျင်သော အရေးအခင်းများသည် တစ်ခုပြီးတစ်ခု ဖြစ်ပွားခဲ့လေသည်။ မောင်ဘုန်းမော် အရေးအခင်းဟု အမည်တွင်ခဲ့သည့် မတ်လလှုပ်ရှားမှု ဂျင်ဂလိပွဲတော်ဟု ကင်ပွန်းတပ်ခံခဲ့ရသည့် ဇွန်လအရေးအခင်း၊ ရှစ် လေး လုံး ဟု ကျော်ကြားခဲ့သော သြဂုတ်လ အရေးအခင်း၊ ထိုသည့်နောက် တစ်နိုင်ငံလုံး အတိုင်းအတာဖြင့် အုံကြွလှုပ်ရှားခဲ့သည့် ဒီမိုကရေစီအရေးတော်ပုံတို့ပင်တည်း။
သြဂုတ်လ ၂၂ ရက်မှ အစပြုခဲ့သော ယင်းဒီမိုကရေစီအရေးတော်ပုံသည်ကားး မြန်မာ့သမိုင်းတွင် မကြုံဘူးလောက်အောင် လူတန်းစား အလွှာပေါင်းစုံ ပါဝင်သည့် အစိုးရဆန့်ကျင်သော လှုပ်ရှားမှုကြီးဖြစ်ရကား ဆရာဝန်များ အနုပညာရှင်များ ရှေ့နေများစသည့် အသိပညာရှင် အတတ်ပညာရှင်များသာမက အိုးမဲ့အိမ်မဲ့ အခြေနေမဲ့များ၏ လမ်းဘေးသမဂ္ဂပါမကျန် တော်လှန် တိုက်ပွဲဝင်ခဲ့ကြလေသည်။
အနုပညာရှင် တစ်ပိုင်းတစဖြစ်နေသော ကျွန်တော်တို့သူငယ်ချင်းတသိုက်မှာလည်း ဤအရေးတော်ပုံ အစကာလများကပင် ပါဝင်ခဲ့ရကား ကျောင်းသားစိတ် တစ်ပိုင်း ကျန်နေသည့် အတွင်းဓာတ်၏ လှုံဆော်မှုကြောင့် တဖြေးဖြေး နက်မှန်းမသိ နက်ရှိုင်းစွာ ဝင်ရောက် ဆင်နွဲမိလေတော့သည်။
ထိုစဉ်က ကျွှန်တော်တို့၏ စုရပ်ဖြစ်သော ရန်ကုန်မြို့ ၂၁ လမ်းရှိ (ယခင် သဘင်ကောင်စီ ရုံးခန်း) မြန်မာနိုင်ငံလုံးဆိုင်ရာ သဘင်သမဂ္ဂ ရုံးခန်းသည်လည်း အနယ်နယ် အရပ်ရပ်မှ သပိတ်ခေါင်းဆောင်များ ကိုယ်စားလှယ်များ စတည်းချရာ နေရာတစ်ခုလည်း ဖြစ်လာလေသည်။ ရွှေပြည်အေးသမားများ၊ အကဲခတ် ဆရာများ၊ ရရင် ရ မရရင် ချ ဆိုသော ပုဂ္ဂိုလ်များ၏ ငြင်းခုန်ရာ စည်းဝေးခန်းမတစ်ခုလည်း ဖြစ်ခဲ့လေသည်။
ကျွန်တော်တို့ သူငယ်ချင်းတသိုက်မှာလည်း တစ်ယောက်နှင့် တစ်ယောက် မျက်နှာချင်းဆိုင်ခွင့် မကြုံရလောက်အောင်ပင် ဟောပြောပွဲများ စည်ဝေးပွဲများ နယ်စည်းရုံရေး ခရီးစဉ်များ၊ ဆန္ဒပြပွဲများ၊ အလှုခံကိစ္စများနှင့် ချာလပတ် ရမ်းနေကြရကား တစ်ဦးနှင့် တစ်ဦး ဆက်သွယ်လိုလျင်ပင် ရုံးရှေ့ ကျေုာက်သင်ပုန်းမှတစ်ဆင့်သာ ဆက်သွယ်ရသည့်ဘ၀သို့ ဆိုက်ရောက်ရလေတော့သည်။
သို့သော်လည်း ကျွန်တော်တို့ လူတသိုက်ကို မျက်နှာချင်း ပြန်လည်ဆုံစည်းခွင်ရအောင် ဖန်တီးပေးလိုက်သည့်အရာကား ၁၉၈၈ ခုနှစ် စက်တင်ဘာလ ၁၈ ရက်နေ့တွင် ပေါ်ပေါက် လာပါတော့သည်။ အခြား မဟုတ်ပါ စစ်တပ်က အာဏာသိမ်းလိုက်ခြင်းပင်တည်း။
ထို့နေ့ ညနေ ၆းဝဝ နာရီခန့်၌ သဘင်သမဂ္ဂ ရုံးခန်းတွင်းသို့ တစ်ယောက်ပြီး တစ်ယောက် အလျှိုအလျှို ရောက်လာကြပါတော့သည်။ ဘာလုပ်ကြမလဲ ဘာတွေ ဆက်လုပ်ကြဦးမလဲ ဘယ်လို လုပ်ကြမလဲ …
သေချာတာတခုကတော့ နဂို နာမည်ကြီးနေကြသည့်အတိုင်း မိမိတို့ လူတသိုက်သည် အဖမ်းခံရလိမ့်မည်။ သည်တော့ ထွက်ပြေးကြမလား၊ သွား အဖမ်းခံမလား၊ တောခိုကြမလား … တခုခုတော့ လုပ်ရပေလိမ့်မည်။
ပထမဆုံးတော့ သည်နေရာမှ အမြန် စွန့်ခွာရလိမ့်မည်။ အကယ်၍များ စစ်တပ်သည် သူ့တို့ကြေညာထားသည့်အတိုင်း အင်အားသုံး၍ သည်နေရာကို ဝင်ရှင်းခဲ့လျင်၊ လမ်းသူ လမ်းသားများ အချောင်သက်သက် ထိခိုက် နစ်နာကြမည် မဟုတ်တုံ့လော့။
မိမိတို့ အပေါ် သံယောဇဉ်ကြီးမားနေပြီးဖြစ်သော လမ်းသူ လမ်းသားများ ကလည်း သူတို့ ကာကွယ်ပေးပါမည်၊ ဖွက်ထားပေးပါမည်၊ မသွားကြပါနှင့်ဟု အတန်တန် တားကြလေသည်။ သို့သော်လည်း ကျွန်တော်တို့ တသိုက်မှာ ဆုံးဖြတ်ထားသည့်အတိုင်း ကိုယ့်ပစ္စည်းလေးတွေ ကိုယ်ဆွဲ၊ ရုံးခန်းတွင်းမှ စာရွက်စာတမ်းများကို အလျင်အမြန် ဖျောက်ဖျက်ကာ ရန်ကုန် ပြည်သူ့ဆေးရုံကြီးဝင်း အတွင်းသို့ ရွှေ့ပြောင်းခဲ့ကြတော့သည်။
ထိုအချိန်က ဆေးရုံကြီးဝင်းအတွင်း၌ အစာငတ်ခံ ဆန္ဒပြနေကြသော အုပ်စု အဖွဲ့အစည်း အသီးသီး တို့မှာလည်း ညမထွက်ရ အမိန့်ကြောင့်ပင် အိမ်ပြန်ခွင့်မရဘဲ လူနာဆောင်အသီးသီး၌ သောင်တင်နေကြလေသည်။
ထိုကြောင့်ပင် ကျွန်တော်တို့ သူငယ်ချင်းတသိုက်မှာ အုပ်စု သုံးစုခွဲပြီး အဝတ်လျှော်စက် ဓာတ်အားပေးစက်နှင့် ရေခဲတိုက်များအတွင်းသို့ ဝင်ရောက် ပုန်းအောင်း နေရတော့သည်။
တချက် တချက်တွင် စစ်အစိုးရ အလိုမရှိ ဟူသော အော်သံများ၊ သေနပ်သံများ၊ လမ်းမများပေါ်တွင် ချထားသော အပိတ်အဆို့ အကာအရံများကို လိုက်လံရှင်းလင်းနေသည့် စစ်ကားသံများကို နာခံရင်း တစ်ညတာခရီးကို ကျော်လွန်ခဲ့ရသည်။
ဤနေရာတွင် ကျွန်တော်နှင့်အတူ ပုန်းအောင်းခဲ့သူများကို မှတ်တမ်းတင်လိုပါသည်။ ကျွန်တော်တို့ သဘင်သမဂ္ဂမှ မိုးဝင်း၊ မိုးမင်း၊ အရိုင်း၊ ညီညီလှိုင်(ညောင်ညောင်)၊ ညီဝင်းစိန်၊ ဖိုးဖြူ၊ စိုးဟန်၊ တပ်မတော် မှတ်တမ်းရုံးမှ တပ်ကြပ်အောင်သန်း၊ ကျောင်းသား တပ်ပေါင်းစုမှ ရွှေရောင် အောင်ဇော်မျိုး၊ ရုပ်ရှင် သရုပ်ဆောင် ဇင်ဝိုင်းနှင့် တောင်ဥက္ကလာပမှ ဆိတ်မ ဆိုသူတို့ ဖြစ်ပါသည်။
ညတွင်းချင်းပင် ကျောင်းသား သမဂ္ဂမှ မင်းမင်း၊ ဇော်ထွန်းတို့ ခေါင်းဆောင်သည့် အစာငတ်ခံ ဆန္ဒပြပွဲ ဖြစ်မြောက်ရေးအဖွဲ့သို့ လှမ်း၍ ဆက်သွယ်ပြီး မနက်မိုးလင်းသည်အထိ မည်သည့်နေရာမှ မသွားရန်နှင့် သောင်တင်နေသည့် ကလေးများကိစ္စ မိမိတို့လာမှ ရှင်းပေးမည်ဖြစ်ကြောင်း အကြောင်းကြားထားရပေသည်။
သိုို့ဖြင့် စက်တင်ဘာလ ၁၉ ရက်နေ့ နံနက် ၅းဝဝ နာရီ ထိုးသည့် အချိန် မှာတော့ ကျွန်တော်တို့၏စီစဉ်ပေးမှုဖြင့် အိမ်ပြန်ပို့နိုင်ခဲ့လေသည်။ သည်နောက်မှတော့ ညက ကြိုတင်စီစဉ်ထားသည့်အတိုင်း စစ်အစိုးရ ဆန့်ကျင်ရေး ဆန္ဒပြပွဲကို ချီတက်ရန် စိုင်းပြင်းကြရလေတော့သည်။
သည်မှာတင် ပြသနာက စ ပါလေပြီ။ ဆေးရုံကြီးအတွင်းရှိ သူအစုနှင့်သူ ရှိနေကြသော အဖွဲ့အသီးသီးသည် အင်တင်တင် ဖြစ်နေကြလေသည်။ တောင်လိုလို မြောက်လိုလို အစည်းအဝေး လုပ်ဦးမလိုလို၊ အီးအီး ပါဦးမလိုလိုနှင့် ချီတက်ရန်ကိစ္စကို ရှောင်ဖယ် ရှောင်ဖယ် လုပ်ကြတော့သည်။
သည်တစ်ခါက တကယ်ကို သေနပ်နှင့် ပစ်တော့မှာ မဟုတ်လား။ ကျွန်တော်တို့ သူငယ်ချင်းတစု ခေါင်းချင်းဆိုင်ရတော့၏။
ကဲ … ဘယ်သူမှ မထွက်ခင်တုန်းကတည်းက တို့ ထွက်ခဲ့တယ်၊ နောက် တနိုင်ငံလုံး ပါလာတော့၊ ဒို့ အရေးမှ မလုပ်ရရင် ခေတ်မမီတော့ဘူးဟဲ့ ဆိုပြီး ပါလာလိုက်ကြတာ၊ ခုတော့ ဘယ် တကောင်တမြီးမှ မတွေ့ရတော့ဘူး။ ခု ချက်ချင်း ပစ်ပါ၊ ဖမ်းပါနဲ့ စင်ပေါ်ကနေ လက်သီးလက်မောင်းတန်းခဲ့တဲ့ ဘယ် အနုပညာရှင်သမားဆိုတာတွေမှလည်း အရိပ်တောင် မတွေ့ရတော့၊ တို့ ဘယ်လိုလုပ်မလဲ၊ ကလေးတွေကိုချည်းပဲ မင်းတို့ ချီတက်ကြတော့ ဆိုပြီး လွှတ်လိုက်တော့မလား၊ အသေခံခိုင်းလိုက်တော့မှာလား။ ကိုင်း … ဘယ်သူ ထွက်ထွက်၊ မထွက်ထွက် တို့ ထွက်တယ်ကွာ ဟု ကြိမ်းဝါးပြီး၊ ကိုဇင်ဝိုင်းရယ်၊ (မိုးဝင်း)ရယ်၊ မောင်စိန်ထွန်း(မိုးမင်း)ရယ်၊ အောင်သန်းဦး(အရိုင်း)ရယ်၊ မောင်ရွှေရောင်ရယ်၊ ကျွန်တော်ရယ်၊ နောက်ပြီး ကျောင်းသားဟောင်းများအဖွဲ့မှ နိုင်လင်းနှင့် ကျော်မြင့်တို့ပါ ပေါင်းကာ စုစုပေါင်း ရှစ်ယောက်တည်းဖြင့် စတင် ချီတက်ခဲ့ကြပါတော့သည်။
စစ်အစိုးရ အလိုမရှိ။ စောမောင် အစိုးရ အလိုမရှိ။ ဗိုလ်ချုပ်ပေးတဲ့ စစ်ပညာ ကျောင်းသားပြည်သူ သတ်ဖို့မဟုတ်ဘူး … စသော ကြွေးကြော်သံများဖြင့် ရန်ကုန်မြို့ ဗိုလ်ချုပ်လမ်းတလျှောက် ထိုမှ ဘုရားလမ်း၊ မဟာဗန္ဓုလလမ်း၊ ဘုန်းကြီးလမ်းမှတဆင့် ဗိုလ်ချုပ်လမ်းအတိုင်း ပြန်လည်ချီတက်ခဲ့ကြရာ တစ်ပတ် ပတ်မိသည့်အချိန်မှာဖြင့် လူတန်းကြီးမှာ နှစ်ထောင် သုံးထောင်ခန့် ဖြစ်လာတော့သည်။ ဤသို့ဖြင့် ထပ်မံ ရောက်ရှိလာသော အဖွဲ့များနှင့် ပူးပေါင်းကာ လူ လေးထောင် ကျော်ကျော်ခန့်ကို ဦးဆောင်ပြီး မြို့တော်ခန်းမသို့ ဦးတည်လိုက်တော့၏။ ( ဆက်လက်ဖော်ပြပါဦးမယ်)
အနုပညာရှင် ဇာဂနာ၊ အယ်ဒီတာ ဇော်သက်ထွေးတို့ကို ဖမ်းဆီးပြီးနောက်ပိုင်း ကယ်ဆယ်ရေး စေတနာရှင်များကို စစ်အစိုးရက လိုက်လံ ဖမ်းဆီး၊ နှောက်ယှက်နေဆဲ
အနုပညာရှင် ဇာဂနာ၊ အယ်ဒီတာ ဇော်သက်ထွေးတို့ကို ဖမ်းဆီးပြီးနောက်ပိုင်း ကယ်ဆယ်ရေး စေတနာရှင်များကို စစ်အစိုးရက လိုက်လံ ဖမ်းဆီး၊ နှောက်ယှက်နေဆဲ - (မိုးမခ) - ဇွန် ၁ရ၊ ၂၀၀၈
၈၈ မျိုးဆက် ကျောင်းသားဟောင်းများ၊ အဲင်အယ်ဒီ လူငယ်များနှင့် စာနယ်ဇင်းသမားများ၏ နာဂစ်လေဘေး ကယ်ဆယ်ရေးလုပ်ငန်းများကို အဓိကပစ်မှတ်ထားပြီး လိုက်လံနှောက်ယှက်လျက်ရှိသည်ဟု ဆိုသည်။ စေတနာရှင်လုပ်အားပေးများ၊ ထောက်ပံ့သူများကိုလည်း အလှူငွေများ၏ ဇစ်မြစ်ကို စုံစမ်းခြင်း၊ စာရင်းကောက်ယူခြင်းများ ပြုလုပ်နေသည်။
စာနယ်ဇင်းသမားတဦးက ထင်မြင်ချက်ပြောကြားရာတွင် - အိမ်တွေ ရုံးတွေမှာ လိုက်မေး၊ ပြီးတော့ ခေါ်ပြီး စစ်ဆေး၊ အဲဒါမျိုးတွေ လုပ်လာတော့ ကယ်ဆယ်ရေးလုပ်ငန်းတွေ ကြန့်ကြာနှောင့်နှေးကုန်တာပေ့ါ။ တချို့ကလည်း ခရီးလွန်ပြီး မလာနိုင်တော့တဲ့အခါ ရှောင်နေသလိုလို သတင်းတွေ၊ ကောလဟာလတွေ ဖြစ်ကုန်ပြီး စိုးရိမ်စိတ်တွေ ပိုများ၊ မိသားစုတွေမှာ ပူပန်သောကတွေဖြစ် အဲဒါမျိုးတွေ လူမှုဒုက္ခအပြင် စိတ်ဒုက္ခတွေပါ ဖန်တီးနေတာ - ဟု ဆိုသည်။
ဂျာနယ်တိုက်တွေကိုလည်း ၀င်ရောက် ရှာဖွေမည်၊ စုံစမ်းစစ်ဆေးမည် စသည့်သတင်းများ ထွက်နေသဖြင့် တိုက်ပိုင်များ၊ အယ်ဒီတာချုပ်များက ၀န်ထမ်းများကို လေဘေးသတင်းလိုက်ရာတွင် စစ်အစိုးရကို မငြိုငြင်မိစေရန် ဖိအားပေးလာကြသည် ဆိုသည်။
စေတနာဝန်ထမ်း ကယ်ဆယ်ရေး အလှူရှင်ကားများကို မြစ်ဝကျွန်းပေါ်ခရီးလမ်းတလျောက်တွင် လုံထိန်းများက တားပြီး စစ်ဆေးလျက်ရှိသည်။ ကားပေါ်အထိတက်ပြီး မှတ်ပုံတင်စစ်၊ စာရင်းကောက်ရုံသာမက အလှူပစ္စည်းများကိုပါ လိုက်လံစစ်ဆေးနေသည်။ ထိုမှတ်တမ်းများအပြင် လှိုင်သာယာမြို့အထွက် စစ်ဆေးရေးဂိတ်နားတ၀ိုက် စစ်တပ်က ဒုက္ခသည်များကို အဓမ္မချွေးတပ်ဆွဲပြီး လုပ်အားပေးခိုင်းနေသည်တို့ကို သတင်းထောက်များက ဓာတ်ပုံများ ရိုက်ထားသည်ကို တွေ့ရသည်။
Volunteer Relief Works at Phyar Pon, Dedaye, Kun Chan Gone in the Delta
ဇွန်လဆန်း - ဖျာပုံ၊ ဒေးဒရဲ၊ ကွန်းခြံကုန်း ကိုယ်အားကိုယ်ကိုး ကယ်ဆယ်ရေးမြင်ကွင်း
ဓာတ်ပုံသတင်း၊ မိုးမခ
ဇွန် ၁၁၊ ၂၀၀၈
Vote NO - Burmese Rap with Burmese Cartoons
Junta has no business betwenn the donors and the volunteers of Relief works after Nargis
မြန်မာအလှူရှင်တွေနဲ့ စေတနာရှင်လုပ်အားပေးများကြား စစ်အစိုးရက ၀င်ရှုပ်စရာမလို
ကြပ်ပြေး နေပြည်တော် သို့ သွားရာလမ်းကိုသာ ညွှန်လိုက်ရန်သာ ရှိတော့သည်
မိုးမခ စာဖတ်သူတဦး (ရန်ကုန်)
ဇွန် ၇၊ ၂၀၀၈
အခု သတင်းစာတွေမှာ ပလူပျံနေအောင် မုန်တိုင်းကယ်ဆယ်ရေး အလှူရှင်များနဲ့ လုပ်အားပေး စေတနာရှင်များကြားထဲကို စစ်အစိုးရက ၀င်ပြီး တောပြော၊ တောင်ပြောတွေ ပြောနေပါတယ်။ ဧရာဝတီက မုန်တိုင်းဘေးသင့်ဒုက္ခသည်တွေရဲ့ အဖြစ်မှန်တွေကိုလည်း ပုံကြီးချဲ့၊ လုပ်ကြံဖန်တီးတယ်လို့ စစ်အုပ်စု ၀ါဒဖြန်ချိရေးက ဆိုလာပြန်ပါတယ်။
နိုင်ငံတော်အစိုးရက ၀တ္တရားပျက်ကွက်လို့၊ မျက်ကွယ်ပြုထားလို့ မနေနိုင်သော၊ မျိုးချစ်စိတ် အပြည့်ရှိသော၊ တိုင်းပြည်ကို တကယ်ချစ်သော ပြည်သူများက၊ ဘုန်းကြီးတွေက ပြည်တွင်း ပြည်ပကနေပြီး အလှူထည့်ဝင်ပြီး လှူကြ၊ ပြည်တွင်းက စေတနာရှင် လုပ်အားပေးတွေကလည်း ၀ိုင်းဝန်းပြီး ကယ်ဆယ်စောင့်ရှောက်ရေးတွေ လုပ်နေကြနဲ့ အဲသည်လို အလှူရှင်က စိတ်ပြတ်ပြီးတော့ စေတနာ ၃ တန် ပြဌာန်းပြီး လှူတာပါ။ လုပ်အားပေးသူများကလည်း သူတို့လိပ်ပြာနဲ့သူတို့ ကူညီလုပ်အားပေးနေတဲ့ဆီမှာ ဘေးကနေ ဘာမှ ၀င်ပြောစရာ မလိုပါ။ ကိုယ်ကျိုးရှာတယ်တို့၊ အလွဲသုံးစား လုပ်တယ်တို့ သူတို့က ပြောနေစရာ မလိုပါ။
ဖြစ်နိုင်ရင် ပြည်တွင်း ပြည်ပက အလှူရှင်တွေက စာထုတ်ပေးလိုက်ကြပါလို့ ပြောချင်တာပါပဲ။ ဒီလိုမျုိး ပိတ်ပြောလိုက်ကြပါဗျာ။
အလှူရှင်တွေဟာ အလှူငွေတွေကို ဘယ်လိုပဲ အသုံးပြုသည်ဖြစ်စေ ဘာပဲသုံးသုံး ခွင့်ပြုတယ်၊ ယုံကြည်တယ် ဆိုတဲ့ အကြောင်း၊် ကိုယ်ကျိူးပဲ သုံးတယ်ဆိုလည်း ခွင့်ပြုတယ်ဆိုတဲ့ အကြောင်း၊် အစိုးရကလည်း ဘာမှဝင်ပြောပိုင်ခွင့် မရှိကြောင်း၊ အဲသည်သဘောထားနဲ့ပဲ နိုင်ငံတကာက အကူတွေကို လေဆိပ်တွေမှာ၊ ဂိုဒေါင်တွေမှာ အစိုးရမင်းထံ (မယုံကြည်ဘဲနဲ့ကို) ပုံပေးထားပြီး ဖြစ်ကြောင်း၊ အဲသည် အလှူတွေကိုလည်း စစ်အစိုးရက စိတ်ကြိုက် စီမံခန့်ခွဲနေသည်ကို ဒုက္ခသည် ပြည်သူကြီး အငတ်ဘေးနှင့် ရင်ဆိုင်နေကြသည့် သက်သေ ထင်ရှားနေပြီ ဖြစ်ရာ ကိုယ့်အလုပ်ကို ကျေပွန်အောင် လုပ်ပါဦးလို့ ဆိုတဲ့ မြန်မာပြည် အလှူရှင်များက စစ်အစိုးရကို ကြေညာချက် ထုတ်လိုက်ပါ ဗျာ …။
မြန်မာပြည်ကတော့ စံ ပါပဲဗျာ။ "လဲနေသူကို ထူပေးပါ" ဆိုတာတောင် ခိုးပြီး ထူနေရတဲ့ တိုင်းပြည်၊ "အားနည်းသူကို အားပေးပါ" ဆိုတာတောင် အစိုးရမင်းများ မသိအောင် ခိုးပြီး အားပေးနေရတဲ့ တိုင်းပြည်ကြီးပါ ခင်ဗျား။
နောက်တချက်ကတော့ စေတနာရှင် အလှူရှင်များ၊ စေတနာရှင် လုပ်အားပေးများကလည်း သိပ်အပင်ပန်းခံပြီး ကယ်ဆယ်ရေး၊ နေရာချထားရေး နဲ့ ပြန်လည်ထူထောင်ရေးတွေ လုပ်ပေးမနေပါနဲ့ ခင်ဗျား။ အစိုးရမင်းများက မကြည်ဖြူတဲ့အကြောင်းကို အကျယ်တ၀င့် ရှင်းပြကြပြီး သူတို့အတွက် မြို့သစ်ကြီးတခု အဆင်သင့် ဆောက်ပြီး စောင့်ကြိုနေကြောင်း အဲဒီကိုသာ ရွှေ့ပြောင်းကြဖို့ အကြံပေးပြီး ကြပ်ပြေး နေပြည်တော်သို့ သွားရာလမ်းကို ဧရာဝတီက မြန်မာဒုက္ခသည်များကို လမ်းညွှန်ပေးတော်မူကြပါခင်ဗျား။
မည်သည့်နိုင်ငံတကာအကူအညီမှ ပြည်သူတို့ထံသို့မရောက်
မည်သည့်နိုင်ငံတကာအကူအညီမှ ပြည်သူတို့ထံသို့မရောက်
စစ်အစိုးရ ပျက်ကွက်မှုလား၊ နိုင်ငံတကာအဖွဲ့များ ဘာလဲ ဘယ်လဲ
မိုးမခ
ဇွန် ၅၊ ၂၀၀၈
အဲသည်မတိုင်ခင်မှာ ကိုဇာဂနာတို့ စေတနာရှင်အစုအဖွဲ့တွေအနေနဲ့ ကယ်ဆယ်ရေး၊ ကူညီရေး၊ စောင့်ရှောက်ရေး၊ ကျန်းမာရေးတွေအပြင် ပြန်လည်ထူထောင်ရေးတွေအထိပါ စဉ်းစားပြီး ဆောင်ရွက်နေတဲ့အကြောင်းကို ပြည်ပစာနယ်ဇင်းများကတဆင့် ပရိသတ်က သိရှိနေကြရပြီ ဖြစ်ပါတယ်။
ဖမ်းဆီးခြင်း မခံရမီ မိတ်ဆွေများကို ပြောကြားခဲ့ရာမှာ ပထမတချက်က
"UNDP ကို ကျနော်တို့က လပ္ပတ္တာ အရှေ့ခြမ်း သွားချင်လို့ အကူအညီတောင်းတာ နိုင်ငံရေး နဲ့ မပတ်သက်ချင်လို့ ပါလို့ ပြန်ပြောတယ်။ လုပ်အားပေး စေတနာရှင်တွေလည်း အဲလိုသိရတော့ တအား စိတ်ဆိုးကြတယ်။ ဒီကောင်တွေက အစိုးရ မျက်နှာညိုမှာ တယ်ကြောက်ကြတာကိုး။ သူတို့တွေကြောင့်ခက်နေတာ …" လို့ ပြောခဲ့ပါတယ်။
(ရာဇ၀င်များရဲ့ သတို့သမီး၊ကာတွန်း ကိုပေါ၊မေ ၂၄၊ ၂၀၀၈)
ဒုတိယ တချက်ကတော့ အစိုးရဆီကို အပ်ထားတဲ့ နိုင်ငံတကာက အကူအညီတွေ ဒုက္ခသည် ပြည်သူတွေဆီကို မရောက်ဘူး။ ကိုယ်ထူကိုယ်ထနဲ့ မြန်မာ လုပ်အားပေးတွေ၊ စေတနာရှင်တွေက ရှာဖွေစုဆောင်း ဆောင်ရွက်နေရတယ်။ တခေါက် တခေါက် ဆင်းရင် အနည်းဆုံး သိန်း ၇၀ ရှိတယ်။ မရတော့လည်း ရတာနဲ့ လုပ်ကြရမှာပဲ။ ဒီပုံစံနဲ့ ရေရှည် လုပ်ကိုင်သွားရင် မလွယ်ဘူး။ နိုင်ငံတကာရဲ့ တိုက်ရိုက်အကူအညီတွေ အများကြီး လိုတယ် လို့ သူ့သဘောထားကို ထုတ်ပြောသွားပါတယ်။
တတိယ အချက်ကတော့ လက်တွေ့ရင်ဆိုင်နေရတဲ့ အခြေအနေ၊ အခက်အခဲ၊ လိုအပ်ချက် အကူအညီ စသည်တို့ကို စာရေးပြီးတော့ ယူအင်အဖွဲ့အစည်းကြီးဆီကို တင်ပြဖို့ ကြိုးစားခဲ့တာ ဖြစ်ပါတယ်။ ပြည်တွင်းက ဌာနေ ယူအင်အဖွဲ့တခုကတဆင့် ပေးပို့ခဲ့ပေမဲ့၊ ကိုဇာဂနာရေးတဲ့စာ "ပျောက်" သွားခဲ့ပါတယ်တဲ့။ အဲသည်လို စာတင်တာဟာ နိုင်ငံရေးလုပ်တာဖြစ်လို့ မဆောင်ရွက်ပေးလိုဘူးလို့ ငြင်းလိုက်တယ်လို့ ကိုဇာဂနာက မိတ်ဆွေတွေကို ပြန်ပြောခဲ့ပါတယ်။ ကိုဇာဂနာက အခု ကျနော် နိုင်ငံရေး လုပ်နေတာ မဟုတ်ဘူး။ လူ့အသက်တွေ လိုက်ကယ်နေတာ။ ကယ်ဆယ်ရေးတွေ လုပ်နေတာလို့ ပြန်ပြောခဲ့တယ်။ အဲသည်အတွက် အတော်ကို စိတ်ထိခိုက်ခဲ့တယ်လို့ သိရပါတယ်။
(Cartoon Beruma - Save the Generals first and they will save Burma ( later ...) !!,
May 18th 2008)
အဲဒီအဖြစ်တွေအပြီး နောက်တနေ့မှာ စစ်အုပ်စုက သူ့အိမ်မှာ လာရောက်ဆွေးနွေးခဲ့ပြီး ညနေ အစောပိုင်းကတည်း ဆွေးနွေးနေခဲ့ကြရာမှာ ညဥ့်နက်ပိုင်း အသံလွှင့်ဌာနတွေဆီက ဖုံးတွေ ၀င်လာချိန်မှာတော့ စစ်အုပ်စုက သူ့ကို အင်္ကျီအ၀တ်အစားအနည်းငယ်ယူပြီး လိုက်ခဲ့ဖို့ ခေါ်ဆောင်သွားတော့တာပဲ ဖြစ်ပါတယ်။
ကိုဇာဂနာကို ဖမ်းဆီးချိန်မှာ သူ့လုပ်အားပေး စေတနာရှင်တချို့ ဧရာဝတီကို ဆင်းသွားပြီး ဖြစ်ပါတယ်။ တချို့ကတော့ စစ်အစိုးရ စေခိုင်းတဲ့ လေဘေးရန်ပုံငွေ ရုပ်ရှင်ရိုက်ဖို့ မေမြို့ကို တက်သွားကြပြီ ဖြစ်ပါတယ်။
ကိုဇာဂနာ ပြောသလို ဒုက္ခသည် ပြည်သူတွေခင်မျာ တကယ်ကို ထိရောက်တဲ့ နိုင်ငံတကာက အကူအညီနဲ့ နိုင်ငံတော်အကူအညီ မရလို့ လမ်းပေါ်ထွက်ပြီး အလှူရှင်မျှော်နေရတာလား ဆိုတာကို လွန်ခဲ့တဲ့ စနေ၊ တနင်္ဂနွေက ပြန်တက်လာတဲ့ စေတနာရှင်လုပ်အားပေးအဖွဲ့တွေရဲ့ မှတ်တမ်းအရ ကွဲကွဲပြားပြား မိုးမခအနေနဲ့ ကောက်ချက်ဆွဲပေးလို့ ရပါတယ်။
သူတို့တတွေ ဆင်းသွားတဲ့ မြို့က ဖျာပုံဖြစ်ပါတယ်။ မြို့ပေါ်မှာ ဒုက္ခသည်တွေကို ရှင်းလင်းထားပြီး ဖြစ်ပါတယ်။ ကူညီချင်သူတွေအနေနဲ့ မကယ - မြို့နယ်အာဏာပိုင်တွေဆီမှာ အကူအညီပစ္စည်းတွေ ထားခဲ့လို့ရတယ်။ သူတို့တွေ တဆင့်ဆောင်ရွက်ပေးမယ်လို့ ပြောလာပေမယ့် စေတနာရှင် လုပ်အားပေးအဖွဲ့က နားမယောင်ခဲ့ပါဘူး။ သူတို့ ခရီးဆက်လာချိန်မှာ ကျိုက်လတ်နဲ့ မအူပင်ဖက်မှာ ဘုန်းကြီးကျောင်း ဒုက္ခသည်စခန်းတွေကို တွေ့ကြပြီး၊ ပါလာတဲ့ အိုးတွေ၊ ဆန်တွေ၊ ဓာတ်မီးတွေ နဲ့ အစားအသောက်တွေ လှူဖြစ်ကြပါတယ်။ အဲဒီဒုက္ခသည်တွေဟာ နောက်နေ့ဆိုရင် ရွာပျက်တွေဆီ ပြန်ဖို့ အာဏာပိုင်တွေက အမိန့်ပေးခံထားရတဲ့ သူတွေ၊ မိသားစုတွေပါ။
မေးတဲ့ မေးခွန်းက တခုတည်းပါပဲ။ နိုင်ငံတကာက အကူအညီတွေ ရရှိကြသလား။ မရပါဘူး။ ကြားတောင် မကြားဘူးပါဘူး။ ချောကလက်လည်း မကြားဖူးဘူး။ လုပ်အားပေးစေတနာရှင်တွေ ပေးတဲ့ ချိုချဉ်တွေကို ကလေးတွေက ၀မ်းသာအားရ စုပ်နေကြရတာ တွေ့ရပါတယ်။
အပျိုအရွယ် မိန်းကလေးတွေက စေတနာရှင်တွေဆီက လုံခြည်တို့၊ ဘောင်းဘီတို့ တောင်းပါတယ်။ မုန်တိုင်းအပြီးမှာ ယောင်္ကျားတွေက ပုဆိုးတွေကို မိန်းမတွေကိုပေး၊ ဘုန်းကြီးတွေက သင်္ကန်းတွေကို စုတ်ဖြဲပြီး ယောင်္ကျားတွေ၊ ကလေးတွေ ၀တ်ဖို့၊ ခြုံဖို့ပေးကြရလို့ အ၀တ်အစား မလောက်ငှပါဘူး။ ဘုန်းကြီးတွေမှာ သင်္ကန်းတောင် ကောင်းကောင်း ရုံစရာ မရှိပါဘူး။ မိဘမဲ့တဲ့ ကလေးတွေဟာ လမ်းပေါ်မှာ အဖေ၊ အမေ တစာစာ အော်ပြီး ရှာနေချိန်မှာ ကလေးတွေရဲ့ မျက်လုံးတွေကို တခြားက ဧည့်သည်တွေအဖို့ တည့်တည့်ကြည့်ရဲဖို့ သတ္တိမရှိနိုင်ကြဖူးလို့ သူတို့က မိုးမခကို အကြောင်းကြားကြပါတယ်။
ရတဲ့ ပိုက်ဆံတွေကို ဘုန်းကြီးတွေက ခွဲဝေလို့ အနီးအပါးက အိမ်တွေ အမိုးမိုးဖို့ ပေးရပါတယ်။ တအိမ်ကို မြန်မာကျပ်ငွေ ၅၀၀၀ လောက်ရကြပါတယ်တဲ့။ အဲဒီ ဘုန်းကြီးကျောင်းမှာ စာရင်းအရ ဒုက္ခသည် ၁၀၀၀ ကျော်ပါတယ်။ နိုင်ငံတကာက အကူအညီ၊ နိုင်ငံတော်က အကူအညီ ဘာမှ မရှိပါခင်ဗျား။
အဲဒီက အခုဓာတ်ပုံထဲမှာ ပါတဲ့ အပြာရောင် အမိုးအကာနဲ့ ယာယီ ဂိုဒေါင်တွေထဲမှာ စစ်အစိုးရက အဆင့်ဆင့် လက်ဆင့်ကမ်း ဖြန့်ချိတဲ့ လေဘေးအကူအညီတွေ အပုံလိုက်ရှိနေပါတယ်။ ဆန်တွေက မိုးသင့်လို့ အစိုပြန်ပြီး အောက်စော်တွေ နံလို့၊ သောက်မိရင် ချောင်းဆိုးတာသာ အဖတ်တင်မယ့် ဗီးဗီးအချိုရည်တွေကလည်း ရက်လွန်ပြီး အနံဆိုးတွေ ထွက်လို့၊ အဲဒီ ဂိုဒေါင်က အနံဆိုးကြီးက အစိုးရအကူအညီတွေ ဘာဖြစ်ကုန်ပြီလဲဆိုတာကို သက်သေ တကြော်ကြော် လိုက်နေတော့တာပါပဲ။
နိုင်ငံတကာက အကူအညီတွေဟာ ဒုက္ခရောက်နေတဲ့ ပြည်သူတွေဆီကို ထိထိရောက်ရောက် မရောက်ပါဘူး။ စစ်အစိုးရ ပျက်ကွက်မှုလား၊ အထက်က အောက်ကို အဆင့်ဆင့် ပျက်စီးနေတာကြောင့်လား။ နိုင်ငံတကာက၊ ကုလက ပြည်တွင်းမှာ ရောက်ရှိဆောင်ရွက်နေတဲ့ အဖွဲ့အစည်းတွေက စိစစ် စုံစမ်းမှုတွေ မလုပ်နိုင်ကြလို့လား။ ကိုဇာဂနာပြောသလို နိုင်ငံရေး ပုဒ်မကို ကြောက်နေတာလား။ သူပြောခဲ့တာလေးနဲ့ ဒီဆောင်းပါးကို နိဂုံးချုပ်ပါမယ်။
အခု ကျနော်လုပ်နေတာ နိုင်ငံရေး မဟုတ်ပါ။ လူ့အသက် ကယ်နေတာ။ ကယ်ဆယ်ရေး လုပ်နေတာပါ။
Zarganar arrested from his home by Burmese military junta
လူုမှုကယ်ဆယ်ရေး စေတနာရှင်၊ အနုပညာရှင် ဇာဂနာကို စစ်အစိုးရက ဖမ်း
မိုးမခ
ဇွန် ၄၊ ၂၀၀၈
ရန်ကုန် စံတော်ချိန် ည ၁၁ နာရီက အနုပညာရှင် ဇာဂနာ၏ နေအိမ်ကို အထူးစုံစမ်းရေး၊ မြို့နယ်ရပ်ကွက် အာဏာပိုင်များအပါအ၀င် ပုဂ္ဂိုလ် ၉ ဦးဝင်ရောက်ပြီး ၄င်းအား စစ်ဆေးမေးမြန်းရန်အတွက် ခေါ်ဆောင်သွားကြောင်း သိရှိရပါသည်။
ဇာဂနာ သည် နိုင်ငံရေး အကျဉ်းသားဟောင်း၊ စစ်အစိုးရက အနုပညာလှုပ်ရှားခွင့်များ ပိတ်ပင်ထားသော အနုပညာရှင်၊ ၂၀၀၇ သံဃာအရေးအခင်းတွင် အဖိနှိပ်ခံ သံဃာတော်များ၊ လူငယ်များဖက် ရပ်တည်သူ၊ ၂၀၀၈ မေ နာဂစ်မုန်တိုင်း ကယ်ဆယ်ရေးလုပ်ငန်းများကို စေတနာဝန်ထမ်း ဦးဆောင်သူ ထင်ရှားသည့် အနုပညာရှင်တဦး ဖြစ်သည်။
စစ်အာဏာပိုင်များက နာဂစ်မုန်တိုင်းကယ်ဆယ်ရေး စေတနာဝန်ထမ်း လုပ်ကိုင်နေသူများကို ၄င်းတို့ စာနယ်ဇင်းများကနေပြီး တိုင်းပြည် အရှက်နှင့် သိက္ခာကို ထိန်းသိမ်းကြရန်၊ ဒုက္ခသည်များကို တောင်းရမ်းစားသောက်သူများအဖြစ် နိုင်ငံတကာအလည်မှာ မတင်ပြရန်၊ နိုင်ငံတော်က မုန်တိုင်းကယ်ဆယ်ရေးကို ကောင်းမွန်ကျွမ်းကျင်စွာ ကိုင်တွယ်နိုင်ကြောင်း စသည်တို့ဖြင့် ၀ါဒ ဖြန့်နေခဲ့သည်။
ဇာဂနာတို့၏ စေတနာဝန်ထမ်း ကယ်ဆယ်စောင့်ရှောက်ရေး လုပ်ငန်းများကို စစ်အုပ်စုက နောက်ကွယ်မှနေပြီး နည်းမျိုးစုံဖြင့် အနှောက်အယှက်ပေးနေကြောင်း၊ မိတ်ဆွေ အနုပညာရှင်များဖြစ်သည့် အရိုင်း၊ ငှက်ပြောကြော်တို့ကို ကူညီစောင့်ရှောက်လုပ်ငန်းများနှင့် ပတ်သက်ပြီး ခေါ်ယူစစ်ဆေးကြောင်း၊ အကူအညီအရောက်နည်းသည့် ဒေသများကို သွားရောက်နိုင်ရေးအတွက် ကုလအဖွဲ့တခုကို ဇာဂနာက အကူအညီတောင်းခဲ့ရာတွင်လည်း ၄င်းအဖွဲ့က စစ်အုပ်စု ငြိုငြင်မည်ကို စိုးရိမ်ပြီး မိမိတို့ကို ငြင်းဆိုခဲ့ကြောင်း၊ နိုင်ငံတကာ၏ တရားဝင် အကူအညီများ ထိရောက်စွာ မရောက် ရှိသေးကြောင်း စသည် အတွေ့အကြုံနှင့် ခံစားချက်တို့ကို ပြည်သူသို့ လွတ်လပ်ပွင့်လင်းစွာဖြင့် ဇာဂနာက ဝေဖန်ပြောဆိုခဲ့သည်။
ဇာဂနာဦးဆောင်သည့် လူငယ်နှင့် အနုပညာရှင်များ၊ ကျော်သူ ရွှေဇီးကွက် ဦးဆောင်သည့် နာရေးကူညီမှု အသင်းကြီးတို့နှင့်အတူ မုန်တိုင်းကယ်ဆယ်ရေးကို မြန်မာလူငယ် စေတနာရှင် အစုအဖွဲ့များက စောလျင်စွာ ကိုယ့်အားကိုယ်ကိုး ဆောင်ရွက်ခဲ့ကြပြီး ဆရာတော်များ၊ သံဃာတော်များကလည်း တအပ်တအား ဆောင်ရွက်နေကြချိန်၊ မြန်မာပြည်တ၀ှမ်း လူထု လူတန်းစား အသီးသီးက စေတနာ ထက်သန်စွာ လိုက်လံ ၀ိုင်းယံနေကြချိန်တွင် စစ်အုပ်စုက ထိုသို့ ဇာဂနာကို ဖမ်းဆီးခြင်းဖြစ်သည်။
ဖမ်းဆီးသူများက ဇာဂနာ့အိမ်သားများကို သတင်းဌာနများသို့ အကြောင်းမကြားရန်နှင့် ဆွေးနွေးမှုများ ပြီးဆုံးပါက အမြန်ဆုံး အိမ်ပြန်ပို့ပေးမည် ဖြစ်ကြောင်း ပြောကြားသွားသည်ဟု သိရသည်။
စေတနာရှင်များရဲ့ ခရီးသွားတဲ့ ဓာတ်ပုံများ
စေတနာရှင်များရဲ့ ခရီးသွားတဲ့ ဓာတ်ပုံများ
ကောင်းကင်ပြာ
ဇွန် ၃၊ ၂၀၀၈
အနုပညာရှင် အောင်လွင် ဆေးရုံပေါ်မှာ အလှူငွေပေးအပ်သူ စေတနာရှင်မိသားစုနှင့် တွေ့ရစဉ်
ကြည့်လိုက်ပါဦးတော့။ ရေငန်ပိုင် ဦးရှင်ကြီး။ ကျွန်းညိုကြီးက ကိုမောင်ရှင် ဒေါင်ဒင်စရာ စောင်းမရှိ
မြင်းကကုန်းကျေးရွာ မြင်ကွင်း။
ကယ်ဆယ်ကူညီမှုတွေကို တကယ်ရရှိနေကြရင် သူတို့တွေ တောင်း မစားပါဘူးဗျာ။ကယ်ဆယ်ရေးလုပ်သားကြီး လူရွှင်တော် ဇာဂနာ
မေး။ ။ ဖြစ်တဲ့နေ့ကစပြီးတော့ အခုလက်ရှိကာလအထိ အခြေအနေ ဘယ်လိုရှိလဲဆိုတာ အရင်ပြောပြပါ။ ဘိုကလေးအပိုင်ထဲမှာလည်း ကျေးရွာအစုကြီး ၃ စု … အဲဒါမျိုးတွေကို ကျနော်တို့အရောက်သွားတယ်။ အဲဒီရွာတွေ ၄၂ ရွာရှိတယ်၊ ဘာအကူအညီမှမရကြသေးဘူး။ နိုင်ငံတော်အဆင့်ကပေးတဲ့ အကူအညီတင် မဟုတ်ဘူး … ယူအန်ဆီကလည်းမရဘူး၊ ဘယ်အန်ဂျီအိုမှလည်း မရောက်ကြသေးဘူး။ မေး။ ။ အဲဒီနေရာတွေမှာ ဘာတွေတွေ့ခဲ့သလဲ၊ လူတွေဘယ်လောက်သေသလဲ၊ ဘာအကူအညီတွေ လိုအပ်နေသလဲ၊ ရွာတွေ ဘယ်လောက်ပျက်သွားတယ်ဆိုတာကို ပြောပြနိုင်မလား ခင်ဗျ။ ဖြေ။ ။ ကျနော် ဥပမာတခုပြောပြမယ်။ မငေးကြီးဒိုင်နယ်ဆိုရင် အိမ်ခြေတထောင်ရှိတယ် … အဲဒီတထောင်မှာ ၇၀၀ က ဘာမှမကျန်အောင်ကို လုံးဝပျက်စီးသွားတယ်။ အိမ်ခြေ ၃၀၀ က တိုင်လောက်၊ အခင်းလောက် ကျန်တယ်။ လူ ၂၂၁ ယောက်သေတယ်၊ ၃၀၀ က ပျောက်နေတုန်းပဲ အခုအထိရှာမတွေ့သေးဘူး၊ ဘယ်ရောက်နေမှန်းလည်း မသိဘူး။ ကျနော်တို့ရောက်တဲ့ ၂၂ ရက်နေ့အထိ အလောင်းတွေက ချောင်းထဲမှာဒီအတိုင်းရှိနေတုန်းပဲ။ အစိုးရကပေးတဲ့ ဆန် နို့ဆီဘူး ၇ လုံးနဲ့ စေတနာရှင်တယောက်ကလာလှူတဲ့ ခေါက်ဆွဲခြောက်တထုပ်ဆီ ရတယ်၊ အဲဒါကလွဲရင် ဘာမှမရကြသေးဘူး။ အဲဒါ မုန်တိုင်းအလွန် ရက် ၂၀ အကြာ …။ ပြီးခဲ့တဲ့ ၂၈ ရက်နေ့က ကျနော်တို့ ဘိုကလေးကနေပြီးတော့ တင်မောင်းချောင်း၊ ကြိမ်စု၊ ထိပ်ချောင်းကြီးကျေးရွာ၊ ကန်စု၊ ရွှေဘိုစု … အဲဒီနေရာတွေကိုရောက်တယ်။ အဲဒီနေရာမှာရှိတဲ့ လူတွေအားလုံးက ဘာအကူအညီမှ မရသေးဘူး၊ ဘယ်သူကမှလာမပေးဘူး … အင်္ကျီမရှိဘူး၊ ကလေးတွေက ကိုယ်တုံးလုံးနီးပါးဖြစ်နေတယ်။ အရေအတွက်က မိသားစု ၅၄၂ အိမ်ထောင်ရှိတယ် … အဲဒီအိမ်ထောင်စုတွေအားလုံး အိမ်မရှိတော့ဘူး။ အဲဒီမှာ အကျွတ်အလွတ်ဆိုတဲ့ ဘုရာလေးတဆူရှိတယ်၊ အဲဒီဘုရားကလည်း ပျက်စီးနေပါပြီ၊ ထီးတွေဘာတွေ ကျိုးကျနေပြီ … သူတို့ခမျာ အဲဒီဘုရားရင်ပြင်ပေါ်မှာ စုပြုံပြီးတော့အိပ်နေကြတယ်။ ယူအန်မလာဘူး၊ အန်ဂျီအို မရောက်သေးဘူး … ဘာအကူအညီမှ မရဘူး။ ကျနော်တို့ ပုဂ္ဂလိကအဖွဲ့ကလေးတွေပဲ အဲဒီကို ရောက်တယ်။ ကျနော်တို့ရောက်တဲ့ အချိန်ကတော့ သူတို့ဘာမှမရသေးလို့ တော်တော်များများ ပေးနိုင်ခဲ့တယ်။ အဆိုးဆုံးက အဲဒီမှာ ရေမရှိဘူး၊ သောက်ရေလုံးဝမရှိဘူး။ အဲဒီလိုမရှိတဲ့အတွက် မိုးရွာမှ ရေခံပြီးသောက်နေရတယ်။ ရေသန့်တွေကို သင်္ဘောနဲ့တင်ပြီး သွားပို့ရတယ်။ ရေသန့်ဘူးပေါင်းတသောင်း။ မေး။ ။ အစိုးရ ရနေတဲ့ … လက်ခံထားတဲ့ နိုင်ငံတကာကအကူအညီတွေ အဲဒီဘက်ကို မရောက်ဖူးဘူးလား ခင်ဗျ။ ဖြေ။ ။ အဲဒါတွေက … ကယ်ဆယ်ရေးစခန်းတွေရှိတယ်ဗျ။ လပ္ပတ္တာမှာရှိတယ်၊ ဘိုကလေးမှာဆိုလည်းရှိတယ် … အဲဒီစခန်းတွေမှာတော့ မိုးကာတဲတွေနဲ့နေရတယ်၊ တတဲကို ၄၊ ၅ ယောက် နေကြတယ်။ အဲဒီမှာ ထမင်း ချက်တယ်၊ ဆန်ပြုတ်သောက်ရတယ်၊ အဲဒီဘက်တွေမှာတော့ရတယ်။ အရည်အတွက်အားဖြင့် နည်းနည်းလေးပဲရှိတယ်။ ရွာတွေမှာရောက်နေတဲ့လူတွေကတော့ ဘာမှမရကြဘူး။ မေး။ ။ ယူအန် က ပြောတယ်။ လွန်ခဲ့တဲ့အပတ်အထိ လူဦးရေ ၂၅ ရာခိုင်နှုန်းအထိပဲ အကူအညီတွေ ရောက်သေးတယ်ဆိုတော့ … အဲဒီတွက်ချက်မှုက ဘယ်လောက်အထိ မှန်ပါသလဲ။ ဖြေ။ ။ မှန်တယ်လို့တော့ပြောလို့ရတယ်။ အဲဒီလို ကယ်ဆယ်ရေးနေရာတွေကို ရောက်တဲ့လူက နည်းနည်းရယ် … ကျန်တဲ့ ကျွန်းတွေ၊ ကိုယ့်ရပ်ရွာတွေပေါ့ဗျာ … ဘယ်သူမှလည်း လာမခေါ်လို့၊ ဘယ်သူမှလည်း လာမရလို့၊ ကားလမ်းလည်းမပေါက်လို့ ရေလမ်းတခုပဲ အားကိုးအားထားပြုပြီး ကိုယ့်ရွာလေးမှာ အသက်ရှင်ကျန်နေကြတဲ့ လူတွေပေါ့ဗျာ … စိတ်မကောင်းစရာအကြောင်းလေးတခု ကျနော်ဖြတ်ပြောပြမယ် … အဘွားကြီးတယောက်က သူ့မှာ မိသားစု ၁၁ ယောက် ရှိတယ်၊ ၁၀ ယောက်သေသွားပြီး သူတယောက်တည်းကျန်ခဲ့တယ်။ အဲဒီလို ၁၀ ယောက်သေသွားတယ်ဆိုတာကို သူမသိဘူး၊ သူကိုယ်တိုင်လည်း သူ့ကိုယ်သူ မမှတ်မိတော့ဘူး။ အဲဒီလိုလူတွေ အများကြီးပဲ၊ ကျွန်းတွေပေါ်မှာ အဲဒီလို ကြောင်ပြီးကျန်ခဲ့တဲ့လူတွေ အများကြီးပဲ။ တံငါရွာလေးတွေပေါ့။ မေး။ ။ အဲဒီလို စိတ်ပိုင်းဆိုင်ရာထိခိုက်သွားတဲ့လူတွေ ဘယ်လောက်တွေ့ခဲ့သလဲ။ သူတို့တွေက ဘယ်လိုအခြေအနေမျိုးမှာ ရှိနေကြသလဲ ခင်ဗျ။ ဖြေ။ ။ ၃ မျိုးတွေ့တယ်ဗျ။ တမျိုးက အရမ်းပေါက်ကွဲနေတယ်၊ အထိမခံရွှေပုဂံပေါ့ဗျာ … ဘာမှကိုအပြောမခံဘူး၊ ဒေါသတွေကြီးနေတယ်၊ တချိန်လုံး စိတ်တွေတို ရန်လိုနေတဲ့လူတွေကို တွေ့ရတယ်။ ဒုတိယတမျိုးကျတော့ လုံးဝကို ငိုပြီးတော့ သူ့မှာ ကြုံခဲ့ရတဲ့အခက်အခဲကြီးကိုပြန်ပြီးတော့ တချိန်လုံးတွေးပြီး ပြောကာပြောကာနဲ့ ငိုနေတဲ့လူတွေကို တွေ့ရတယ်။ နောက်တခုကတော့ ဘာစကားမှကို မပြောတော့ဘူး၊ လှုပ်လဲမလှုပ်တော့ဘူး။ ကျနော်တို့က ဆန်သွားဝေတယ်ဗျာ … တယောက်ကို ဆန် ၄ ပြည်နှုန်းနဲ့ဝေတယ်။ နောက်ပြီးတော့ ပဲဝါ၊ ပဲကတ္တီပါပေးတယ်။ အဲဒါတွေကို အထုပ်တွေနဲ့ စောင်၊ ခြင်ထောင်ပါထည့်ပြီး တယောက်ချင်းစီကိုပေးတယ်။ အဲဒီလိုပေးတာကိုတောင် လာမယူတော့ဘူး။ ဘာကိုမှ စိတ်မ၀င်စားတော့ဘူး … ငါတို့ဘ၀ သေတာပဲ ကောင်းပါတယ်ဆိုတာမျိုးတွေရှိတယ်။ မေး။ ။ ကိုဇာဂနာ သွားခဲ့တဲ့နေရာတွေမှာ နိုင်ငံတော်က ဘာတွေလုပ်ပေးနေတာကို တွေ့ခဲ့ပါသလဲ။ ဖြေ။ ။ ဘာမှလုပ်မပေးဘူး။ ရတာက အခုနကျနော်ပြောသလို ဆန်နို့ဆီဗူး ၇ လုံးနဲ့ စေတနာရှင်တယောက်ဝေသွားတဲ့ ခေါက်ဆွဲခြောက်တထုပ်ပဲရတယ်။ အဲဒါ ၂၈ ရက်နေ့ ကျနော်တို့ရောက်သွားတဲ့ အချိန်အထိ … မေး။ ။ အဲဒီဖက်တွေကိုကျတော့ အကူပစ္စည်းကို ဘာနဲ့ပို့ရသလဲ။ လှေတွေနဲ့သွားတာလား။ ဖြေ။ ။ ဟုတ်တယ် … လှေနဲ့သွားရတာ။ မေး။ ။ ကိုဇာဂနာတို့လို ပုဂ္ဂလိကအလှူရှင်တွေအနေနဲ့ ဘယ်လောက်အထိ လုပ်ခွင့်ရသလဲ။ ဖြေ။ ။ အစပိုင်းကတော့ ကျနော်တို့က တွန်းလုပ်တာပေါ့ဗျာ … နည်းနည်းတော့ အခက်အခဲရှိတယ်။ ထိပ်တိုက်တိုးရတာတွေ ရှိတယ်။ ဥပမာ - ခင်ဗျားတို့က ဘာဖြစ်လို့ ကျနော်တို့ကို (အာဏာပိုင်) မတိုင်ပင်ဘဲ သွားတာလဲ၊ ကျနော်တို့ကိုပြောပါ ဘာညာဆိုပြီး နည်းနည်းညှိနှိင်းပြီးလုပ်ကျတဲ့။ ခင်ဗျားတို့ရဲ့ အသက် အန္တရာယ်ကို တာဝန်မယူဘူးတဲ့ … မယူလဲနေ၊ သေချင်သေပလေ့စေ၊ သွားမယ်ပြောပြီး တိုးဝင်သွားရတာတွေ ရှိတယ်။ စေတနာရှင်တွေ ကိုယ်တိုင် သွားလှူလို့ရတယ်အမိန့်ထွက်ပြီးတော့ သိပ်မပြောတော့ဘူး … သဘာဝ ဘေးအန္တရာယ်ကာကွယ်ရေးအဖွဲ့က ထုတ်တဲ့အမိန်လေ … သွားလာရေး ခက်ခဲ့တဲ့နေရာတွေကိုသွားနိုင်ရင် ပိုမိုကောင်းမွန်ပါတယ်၊ ပုဂ္ဂလိကအလှူရှင်များ မိမိသဘောနဲ့မိမိ ကြိုက်သလိုလှူဒါန်းနိုင်ပါတယ်လို့ အမိန့်မှာပါတယ်။ အဲဒိအမိန့်ထွက်ပြီးမှ တရုတ်တန်းက ကုန်သည်များအဖွဲ့၊ မဂိုလမ်းက ရွှေဆိုင်တွေတွေပါ အကူကိစ္စ လုပ်လာကြတယ်။ သူတို့တွေဝင်လာတော့ ဒုက္ခသည်တွေလည်း ပိုရတာပေါ့။ သူတို့တွေ ချောင်ကျတဲ့ နေရာတွေကို မသွားနိုင်လည်း ကျနော်တို့အဖွဲ့က ယူသွားပေးတယ်။ ဥပမာ - ဘိုကလေးမြို့ ဆိုပါတော့၊ အလှူရှင်တွေက မြို့ပေါ်မှာထားခဲ့ … ကျနော်တို့သရုပ်ဆောင်တွေက ရွာတွေဆီယူသွားပေးပေါ့။ ကျနော်တို့ အဖွဲ့မှာ ၀ိုင်းကူလုပ်နေတဲ့လူ ၄၂၀ ရှိတယ်။ ထိရောက်မှုရှိအောင် အဖွဲ့တွေခွဲပြီး လုပ်ကြတယ်။ မေး။ ။ တနေ့က မြန်မာ့အလင်းမှာ လူတွေကို ဖားရှာ၊ ငါးရှာစား … နောက်နှစ်ဆို ဧရာဝတီမြစ်ဝကျွန်းပေါ်မှာ စပါးတွေရွှေရောင်းသန်းပြီးတော့ ပြန်လည်ထူထောင်ရေးလုပ်ငန်းနဲ့ စည်ပင်တော့မယ်လို့ ရေးထားတယ်။ အဲဒါ ဖြစ်နိုင်ပါ့မလား ခင်ဗျ။ ဖြေ။ ။ အဲဒီအိပ်မက်ကလေးကောင်းသားပဲလို့ ကျနော်ပြောချင်တယ် … ဟဲဟဲဟဲ … ဖားရှာ၊ ငါးရှာ ရှာလို့ရမလားတော့ မသိဘူး … ဧရာဝတီမြစ်ကြီးနဲ့ ဘိုကလေးမြစ်ဆိုရင် ရေအရောင်ကို နာမည်ပေးထားတယ်၊ နာဂစ်ကာလာလို့။ ဘာလဲဆိုတော့ ဖြူဖြဲဖြဲ အရောင်ကြီး၊ အဲဒီအရောင်ကြီးနဲ့ လူနဲ့ ကျွဲ နွားအလောင်းတွေက အများကြီး … နာဂစ်ရနံ့ဆိုတာရှိသေးတယ် … အဲဒီညှီနံ့ကြီးက ပြန်လာရင်ပါလာတာပဲ၊ ဘယ်သူမှမခံနိုင်ဘူး အန်တယ်။ ဒီတော့ အဲဒီလိုနေရာတွေမှာ ဘယ်လိုလုပ်ပြီး ငါးရှာ၊ ဖားရှာမှာလဲဗျာ … ငါးဖမ်းမယ့်အစား အလောင်းတွေဖဲ့စားမှ ရတော့မယ်။ မေး။ ။ အလောင်းကိစ္စကို မေးချင်သေးတယ်။ အခုထိ အလောင်းတွေကို သင်္ဂြီုဟ်လို့ မပြီးသေးဘူးလား ခင်ဗျ။ ဖြေ။ ။ ကောက်ကို မကောက်နိုင်သေးတာ။ ၂၈ ရက်နေ့ ဘိုကလေးကပြန်လာတယ်။ ရွာ ၅ ရွာကို သွားခဲ့တယ်။ အဲဒီ ၅ ရွာမှာ ဗီဒီယို၊ ဓာတ်ပုံ မရိုက်နိုင်တော့ဘူး … အလောင်းတွေများလွန်းလို့။ အနည်းဆုံး အလောင်း ၄၀ လောက် တွေခဲ့တယ်။ အဲဒါတောင် ဟိုးအစွန်ပိုင်းကအလောင်းတွေကို ကောက်ပြီးတော့ မီးရှို့လိုက်တာ တထောင်ကျော် ရှိတယ် … စေတနာရှင်တွေက မီးစက်ကြီးတွေ အလုံး ၈၀ လောက်သယ်လာပြီး မီးရှို့ပေးတာ။ ကျနော်သိသလောက် အေဇက်ဂျီတို့ ခရစ်ယန်သာသနာပြုအဖွဲ့တို့ကပေါ့။ မေး။ ။ ဧရာဝတီမြစ်ဝကျွန်းပေါ်မှာ ကရင်လူမျိုးတွေအများစုနေကြတယ် … သူတို့တွေရဲ့ အခြေအနေကရော ဘယ်လိုရှိပါသလဲ။ ဖြေ။ ။ ဘိုကလေးအပိုင်တို့ ဒေးဒရဲအပိုင်တို့မှာ ကရင်ရွာတွေရှိတယ် … အများစုက ခရစ်ယာန်ဘာသာဝင်တွေ ဖြစ်တယ်။ အဲဒီက ကရင်တွေကို သဘောကျတယ်ဗျ။ ကျနော်တို့ရောက်သွားတဲ့အချိန်မှာ ရွာထဲကနေကူမယ့် လူတွေကို ခေါ်တယ် … သူတို့ကို ရန်ကုန်ခေါ်လာပြီး ဆရာဝန်တွေနဲ့ ဆွေးနွေးပွဲတွေ လုပ်ပေးတယ်။ သူ့တို့က ရွာကိုပြန်ပြီး တည်ဆောက်ရေးကို ဦးဆောင်ကြမှာလေ။ အရေးပေါ်လိုအပ်နေတဲ့ အမိုး၊ အကာနဲ့ အစားအသောက်စတဲ့ အကူပစ္စည်းတွေပေးပြီး ဒုတိယအဆင့်အနေနဲ့ ဒီနေ့ကစပြီးတော့ ကန်စွန်း၊ ဟင်းနုနွယ်၊ ချင်ပေါင် မျိုးစေ့တွေပေးတယ်။ ဘယ်မြေမှာမဆိုစိုက်လို့ရအောင်ထည့်တဲ့ မြေသြဇာပေးတယ်၊ သုံးပုံသုံးနည်းကိုလည်း သင်ပေးတယ်။ မေး။ ။ အခုလိုကာလမှာ စိုက်ပျိုးရေးလုပ်ငန်းတွေ ပြန်စလို့ရမယ် ထင်ပါသလား။ ဖြေ။ ။ စပါးကတော့ မရနိုင်သေးဘူး။ ဟင်းသီးဟင်းရွက်၊ ဘူးသီး၊ ခ၀ဲသီးလောက်ကတော့ ရနိုင်တယ်။ ဒီနေ့စလုပ်တယ် … ရွာတွေကပါလာတဲ့ ကရင်တွေကို တတ်ကျွမ်းတဲ့လူတွေနဲ့ သင်ပေးတယ်။ မေး။ ။ ကရင်လူမျိုးတွေ တိုင်းရင်သားတွေမို့ အကူအညီမရကြဘူးလို့ ပြောကြတာတွေလည်းရှိတယ်။ အဲဒါ ဟုတ်ပါသလား။ ဖြေ။ ။ တိုင်းရင်သားမှမဟုတ်ပါဘူး … ဗမာလည်း မရကြပါဘူး … ဘယ်သူမှမရကြတာပါ။ စပါးပြန်စိုက်ဖို့ အချိန်က ၁၅ ရက်ပဲ ရှိတော့တယ်။ အခု ကျနော်တို့က ကုမ္ပဏီကြီးတွေကို မေတ္တာရပ်ခံပြီး လိုက်ညှိနေတာ … ထိုင်းက ပညာရှင်တွေနဲ့လဲ ညှိထားတယ်။ ရွှေကျွဲလို့ခေါ်တဲ့ လက်တွန်းလယ်ထွန်စက်ပေါ့ … အဲဒီကောင်နဲ့ဆိုရင် နေ့ဝက်ကို တဧကပြီးတယ်။ စက်တလုံးကို ကျပ် ၁၄ သိန်းရှိတယ်။ ကျွန်းညိုကြီးတိုက်နယ်ကို အဓိကနေရာအဖြစ် သတ်မှတ်လိုက်တယ်။ အဲဒီမှာ လူဦးရေ ၅၅၁၄ ဦး ရှိတယ် … အဲဒီမှာ အလုပ်လုပ်နိုင်တဲ့ ယောက်ျားဦးရေက ၃၂၀၀ ကျော် ရှိတယ်။ အဲဒီကမြေကြီးတွေကို ထိုင်းက ပညာရှင်တွေနဲ့ပြင်ကြည့်တော့ ရတယ်။ သံဘီးတပ်တဲ့ ရွှေကျွဲ ၁၈ လုံးလောက်ရှိရင် အလုပ်စလုပ်လို့ရပြီ။ အခုအလှူခံထားတာ ၁၀ လုံးရပြီ၊ နောက် ၈ လုံးလိုသေးတယ်။ မေး။ ။ အိမ်နီးချင်းနိုင်ငံတွေက ကျန်းမာရေးအဖွဲ့၊ ကယ်ဆယ်ရေးအဖွဲ့တွေ လာကြတယ်။ သူတို့တွေကော အဲဒီနေရာတွေကို ရောက်ကြရဲ့လား။ ဖြေ။ ။ တခြားနိုင်ငံတွေကတော့မရောက်ဘူး။ ကျနော်တို့နဲ့အတူ ထိုင်းက အမျိုးသမီးတယောက်လိုက်လာပြီး မြေကြီးတွေ လေ့လာတာတော့ရှိတယ်။ မနေ့ကပြန်သွားတယ် … စနေနေ့ ပြန်လာမယ်။ သူပြန်လာရင်တော့ သိရမယ် ဒီမြေကြီးကို ၁၅ ရက်အတွင်း စပါးစိုက်လို့ ရ မရကို။ မေး။ ။ မြန်မာနိုင်ငံမြောက်ပိုင်း၊ အထက်ပိုင်းကကော ဘယ်လိုအကူအညီတွေရပါသလဲ ခင်ဗျ။ ဖြေ။ ။ ရောက်လာတယ် … အများကြီးပဲ။ ဥပမာ - နမ္မတီး၊ မြစ်ကြီးနား၊ လားရှိုး ဘက်ကဆို ၁၀ ဘီး ကားကြီးတွေနဲ့ လာတာ။ ဆီတွေဆိုရင် ပေပါ ၂၀၀ တို့ … အခုနောက်ပိုင်း ဆင်းလာတယ်။ လားရှိုးက ဆင်းလာတဲ့အဖွဲ့ဆိုရင် ခရစ်ယာန် သာသနာပြုအဖွဲ့နဲ့ ပေါင်းပြီး ဆင်းလာတာ ၁၀ ဘီးကား ၁၀ စီးနဲ့။ အခုနပဲ သွားကြိုလာတာ … ရှမ်းလူမျိုးတွေ။ မေး။ ။ ရန်ကုန်မြို့အခြေအနေကိုလည်း ပြောပြပါဦး။ ဖြေ။ ။ အဲဒီနေရာတွေကိုလည်း သွားနေရတာပါပဲ။ ဒီနေ့မနက်ဆိုရင် ဒလ၊ ကွမ်းခြံကုန်းနဲ့ ကြည့်မြင်တိုင် တဘက်ကမ်းက ညောင်ဝိုင်းကို ကျနော်တို့အဖွဲ့တွေ သွားကြတယ်။ အဲဒီနေရာတွေက မြစ်ဝကျွန်းပေါ်လောက် ဆိုးဆိုးရွားရွား မဖြစ်ပါဘူး။ ဒါပေမယ့် အိမ်တွေပြိုသွားတယ်၊ အဲဒီလူတွေကိုလည်း လှူရတာပေါ့။ အဲဒီကလူတွေက မြစ်ဝကျွန်းပေါ်လောက်တော့ စိတ်ပိုင်းဆိုင်ရာ မထိခိုက်ဘူး။ မေး။ ။ ပြည်ပကလူတွေကိုရော ကိုဇာဂနာ ဘာပြောချင်သေးလဲ။ ဖြေ။ ။ ကျနော်တို့ မတတ်နိုင်တဲ့အတိုင်းအတာတွေ ရှိပါတယ်။ အပြင်ကလူတွေ လုပ်ပေးလို့ ရနိုင်တာတွေကတော့ ပျက်စီးသွားတဲ့ရွာတွေ အမြန်ဆုံးပြန်လည်ထူထောင်နိုင်ဖို့အတွက်ပါ။ ဥပမာ - ဆူနာမီ တုံးကဆိုရင် ထိုင်းနိုင်ငံမှာ ပညာရှင်တွေ ချက်ချင်းရောက်လာတယ်။ ပြီးတော့ အိမ်တွေကို ချက်ချင်း ဆောက်ပေးလိုက်နိုင်တယ် … အဲဒီလိုမျိုး ကျနော်တို့ မတတ်နိုင်ဘူး၊ အဲဒီလောက်လည်း မချမ်းသာဘူး။ ဘီလ်ဂိတ်လိုလူမျိုးကလည်း လှူတယ်ဆိုပြီးတော့ ဘယ်လိုလူတွေကို ဘာတွေလုပ်ပေးနေသလဲဆိုတာ စဉ်းစားလို့ကို မတတ်ဘူး။ အိမ်တလုံးဆောက်ဖို့ ဘယ်လောက်မှလည်း မကုန်ပါဘူး … အဲဒီလိုအိမ်လေးတွေများ နိုင်ငံတကာက ရွာတွေမှာ လာဆောက်ပေးနိုင်မယ်ဆိုရင် … …။ ယူအန်ကိုတော့ မကျေနပ်ဘူး။ ကျနော်တို့ပြည်သူတွေအတွက် ဘာမှ ထိထိရောက်ရောက် မလုပ်ပေးနိုင်လို့။ အခု ဘိုကလေးမှာ ကျနော်တို့ရောက်တဲ့ ရွာတွေရှိတယ်ဗျာ၊ ကိုဝေဠုကျော်တို့ရောက်တဲ့ လပ္ပတ္တာကရွာတွေ၊ ကျနော်တို့လူတွေရောက်တဲ့ ငပုတောကရွာတွေ … ကျနော်တို့မှာ မြေပုံတွေရှိပါတယ်၊ အဲဒီနေရာတွေကို ယူအန်က တယောက်မှ မရောက်သေးဘူးဗျာ။ ယူအန်ဖြစ်ဖြစ် … တခြား အန်ဂျီအိုဖြစ်ဖြစ် … သူတို့တွေက အစိုးရ ငြိုငြင်မှာကို ကြောက်နေတယ် … အဲဒါကို ကျနော်ကမကြိုက်တာ။ ဒုက္ခသည်ကိုကူညီမှာ ဘာလို့ ငြိုငြင်တာ မခံရဲရတာလဲ။ မသွားရဘူးပြောလည်း သွားပေါ့ဗျာ ဘာဖြစ်လည်း။ ဒါမှမဟုတ် သွားလာနေတဲ့လူတွေကို အကူအညီပေးပေါ့။ ကျနော်တို့လို အလားသဏ္ဍန်တူ သွားနေတဲ့အဖွဲ့ ၄၊ ၅ ဖွဲ့ လောက်ရှိတယ်။ အဲဒါတွေကိုလည်း အကူအညီမပေးဘူး … မယက ရုံးထဲကို ပစ္စည်းတွေ သွားပို့နေတော့ ဘာသွားလုပ်မလဲ။ မေး။ ။ လူတွေ တောင်းစားတယ်ဆိုတဲ့ကိစ္စကကော ခင်ဗျ။ ဖြေ။ ။ တကယ်တမ်းပြောရရင် ငတ်တော့လည်း တောင်းစားမိမှာပေါ့ဗျာ … ဟုတ်တယ်မလား။ ကုန်းခြံကုန်းလမ်းမှာ အစားအသောက်တွေပေးကြပါနဲ့ တကယ်ငတ်မွတ်နေကြတာကိုး … တောင်းမှာပေါ့၊ သိပ်ရုပ်ပျက်ဆင်းပျက်တော့ မဖြစ်ပါဘူး … ဘီစကစ်တွေ ကားပေါ်ကပစ်ချလို့ လမ်းဘေးမှာလူးလှိမ့်ပြီး လုနေတာတော့မရှိပါဘူး … ကားတိုက်ပြီး သေကုန်မှာပေါ့။ မေး။ ။ အမေရိကန်က ပြောနေတုန်းရှိသေးတယ်၊ တချို့နေရာတွေကို သူတို့ရဲ့ ရေပေါ်၊ မြေပေါ်မှာသွားလို့ရတဲ့ ရှပ်ပြေးမော်တော်လေးတွေနဲ့မှ အလုပ်ဖြစ်မယ်၊ ကူညီချင်ပါတယ်လို့ တဲ့။ အဲဒီအကူအညီက အခုလို တလပြည့်လာတဲ့ကာလမှာ လိုအပ်သေးတယ်လို့ ထင်သလား ခင်ဗျ။ ဖြေ။ ။ ကျနော့်အနေနဲ့ကတော့ လိုအပ်တယ် … ဒုက္ခသည်တွေက သူတို့ကို အမေရိကန်၊ ပြင်သစ်၊ အင်္ဂလိပ်က သင်္ဘောကြီးတွေ သူတို့ကိုလာကူညီနေကြပါပြီဆိုပြီး အရမ်းဝမ်းသာနေကြတာ … ကျနော်တို့က ရေဒီယိုလည်း ပေးတယ်လေ … ခင်ဗျားတို့ ကမ္ဘာနဲ့ အဆက်မပြတ်အောင် နားထောင်ကြပါလို့ … သတင်းတွေနားထောင်ပြီး တအားပျော်ကြတာ၊ အခုလို မလာတော့ဘူးလိုလိုဖြစ်တော့ သူတို့တွေအရမ်းခံစားရတာ။ ကျုပ်တို့ကို မကယ်တော့ဘူးလား၊ ဒီအတိုင်းပစ်ထားတော့မှာလား၊ ဒီကျွန်းပေါ်မှာ သေမယ့်ရက်ကို ထိုင်စောင့်နေရမှာလားလို့ အော်ကြတာ။ တယောက်တည်း၊ နှစ်ယောက်တည်းက ပြောတာမဟုတ်ဘူး။ အဘိုးကြီး၊ အဘွားကြီးတွေ၊ ကလေးတွေပါ ပြောကြတာ။ 
Relief Works at Shwe Bo, Kan Zu, Htain Chaung, Kyun Nyo, EYar, News Photos
ဘိုကလေး မြင်ကွင်း
သွားရောက်ခဲ့သော ရွာများ - ရွှေဘို၊ ကံစု၊ ထိန်ချောင်း၊ ကျွန်းညို၊ ဧရာ
ဓာတ်ပုံသတင်း
မေ ၃၀၊ ၂၀၀၈
ပင်လယ်ဖက်က လှည့်ဝင်ရသော ဒေသမြင်ကွင်းများ ဖြစ်ပါတယ်။ ကယ်ဆယ် စောင့်ရှောက်ရေးတွေအပြင် စိုက်ပျိုးရေး ပြန်လည်ထူထောင်ရန်အတွက် အကူအညီများပေးခြင်း၊ ဆေးကုသခြင်းနှင့် ဆက်သွယ်ရေး လမ်းကြောင်းများ ပြုလုပ်ခြင်းတို့ လုပ်ကြရသည်ဟု သိရသည်။ စိတ်ရောဂါကု ဆရာဝန်များကိုပါ အကူအညီတောင်း ဆောင်ရွက်ကြရသည်ဟု ဆိုပါသည်။ (ဇာဂနာနှင့် အနုပညာရှင်များထံက လာတဲ့စာ)
ကိုယ်ထူကိုယ်ထ ကိုယ့်အားကိုယ်ကိုး ပြည်သူများဖြင့် မြန်မာပြည်ကို တည်ဆောက်နေပြီ ဖြစ်ရာ - ပြည်သူသာ အမိ၊ ပြည်သူသာ အဖ ဟု မကြွေးကြော်ဘဲ၊ တပ်မတော်သာ အမိ၊ တပ်မတော်သာ အဖ ဟူသော တပ်မတော်အစိုးရ ကို မြန်မာတို့က ဘေးမဲ့ပဲ ပေးထားလေသလား၊ တပ်မတော်ကြီးကပဲ ပြည်သူ့ကယ်ဆယ်ရေးလုပ်ငန်းများကို လက်ပိုက်ပဲ ကြည့်နေလေသလား ( စာဖတ်သူတွေ ရေးတဲ့စာ)
အနုပညာရှင်တွေရဲ့ အလှူမြင်ကွင်း
အနုပညာရှင်တွေရဲ့ အလှူမြင်ကွင်း
မိုးမခ၊ ဓာတ်ပုံသတင်း
မေ ၂၇၊ ၂၀၀၈
ကိုရီးယားရောက် မြန်မာများ လှူဒါန်းငွေကို နာရေးကူညီမှုအသင်းက ကျော်သူနှင့်အတူ ဝေဠုကျော်တို့ လက်ခံနေစဉ် (ဓာတ်ပုံ - အင်တာနက်၊ ၀င်းလတ်)
လူမင်း၊ ငှက်ပြောကြော်၊ အရိုင်းနဲ့ ကင်းကောင်တို့ လေဘေးအလှူ ၀ိုင်းကူဆောင်ရွက်ခဲ့ကြသည်။ (ဓာတ်ပုံ - အင်တာနက်၊ ကောင်းကင်ပြာ)
အနုပညာရှင်များ၏ ကူညီရေးလှုပ်ရှားမှုများ
အနုပညာရှင်များ၏ ကူညီရေးလှုပ်ရှားမှုများ
မိုးမခ၊ ဓာတ်ပုံသတင်း
မေ ၂၄၊ ၂၀၀၈
Together with the Burmese volunteers groups and their friends, The artists and the actors are taking bus and boat to help the Burmese Nagis Victims in the delta area.လေဘေးကယ်ဆယ်ရေး စေတနာ့ဝန်ထမ်းများကို စစ်အစိုးရက ဖမ်းဆီးဟု ကြား
လေဘေးကယ်ဆယ်ရေး စေတနာ့ဝန်ထမ်းများကို စစ်အစိုးရက ဖမ်းဆီးဟု ကြား
မိုးမခ
မေ ၂၂၊ ၂၀၀၈
တောင်ဒဂုံတွင် နေထိုင်ကြသူ ကိုလေးလွင်၊ မချိူ၊ ကိုထွန်းထွန်းဇော်၊ ကိုခင်ထွန်း၊ မဥမ္မာ၊ မ ပပတို့ကို စစ်အစိုးရ လုံခြုံရေးအဖွဲ့က ယနေ့မနက် ၃ နာရီတွင် ဖမ်းဆီးသွားကြောင်းသိရသည်။ ကိုခင်ထွန်းမှာ အဲန်အယ်ဒီ မုန်တိုင်းဒဏ် ကယ်ဆယ်ရေးကော်မတီအဖွဲ့ဝင် တဦးဖြစ်သည်ကို တွေ့ရသည်။ ကိုဇာဂနာ၏ အဆိုအရ သူတို့အားလုံးသည် ဒဂုံဒေသဖက် လေဘေးကူညီစောင့်ရှောက်ရေး အလှူကိစ္စများတွက် စေတနာရှင်လုပ်အားပေးများဖြစ်ကြောင်း သိရသည်။
ဒေးဒရဲ အသွား မြင်ကွင်းများ
မိုးမခ၊ ဓာတ်ပုံသတင်း
မေ ၂၃၊ ၂၀၀၈
Still at 20th May 2008, in Delta area, bodies were found still floating
Burmese Film villains in movies but outside, Heroes at heart helping Burmese
(Before 2nd May 2008, they had their own home, family and friends but after the storm, they were left with nothing but at the charity of concerned Burmese citizens and the World ... Please do not wait ... Save Lives and Save Burma ...)
မုန်တိုင်း ဧရာဝတီ သီချင်း
မုန်တိုင်း ဧရာဝတီ သီချင်း
မြန်မာ့အနုပညာရှင်များ
မေ ၂၂၊ ၂၀၀၈
မိုးမခနဲ့ စကားလက်ဆုံ - ဇာဂနာ - (လေဘေး ဒုက္ခသည်တွေက ဘန်ကီမွန်းကို မျှော်နေသလား)
Make Shift Tents for Burmese Refugee setup by the Burmese volunteer led by Burmese Artists
မိုးမခနဲ့ စကားလက်ဆုံ - ဇာဂနာ
(လေဘေး ဒုက္ခသည်တွေက ဘန်ကီမွန်းကို မျှော်နေသလား)
မိုးမခ
မေ ၂၀၊ ၂၀၀၈
Zarganar received donation from concerned public at Pegu
Monks & Burmese people volunteerily work together hand in hand to help relief the storm victims
Burmese Artist, Nga Pyaw Gyaw seen at the help camp (excuse the date on the camera)
Ko Lu Gyaw Group, Burmese Artists Volunteer Group accpeting donation from Public (excuse the date on the camera)
Displaced Burmese Children at the shelter (old school converted into shelter)
Make Shift Tent for Burmese Refugees
Old people waiting in line for food donation
Children at the Shelter converted from School building
At the monastery, the shelter place for displaced childen after the Nagis Storm
Zarganar seen with some non-Burmese in Yangonမိုးမခနဲ့ စကားလက်ဆုံ - ဇာဂနာ
မိုးမခနဲ့ စကားလက်ဆုံ - ဇာဂနာ
"ရန်ကုန်မြစ်ကြီး ညှီပြီင်္း အနံအသက်တွေ ထွက်နေပါပြီ"
မိုးမခ
မေ ၁၁၊ ၂၀၀၈
ပြည်သူချစ်သော အနုပညာသည်များ
ဓာတ်ပုံသတင်း
မိုးမခ
မေ ၁၆၊ ၂၀၀၈
ကလေးသူငယ်တွေမှာ ဒီလို အရေပြားအနာတွေ ဖြစ်နေကြပါတယ်
ပဲခူးမှာ ဇာဂနာ၊ အောင်လွင်နဲ့ အဖွဲ့ အလှူခံနေကြစဉ်
ကေအင်ဒီအို သီချင်း
ဗိုလ်ချုပ် ဇာတ်ညွှန်း နဲ့တော့ မဆိုင်ပါဖူး။ဒါပေမဲ့သမိုင်းမှာ ဒီလို သီချင်းမျိုးပေါ်ပေါက်ခဲ့ဖူးတယ်
ဆိုတာတော့မှတ်တမ်းလေးတင်ထားချင်လို့ပါ။
ကေအင်ဒီအို စောဘအေး ရေးခဲ့တာပါတဲ့။ဖတ်ကြည့်ပါခင်ဗျာ။
ပြည်ထောင်စုရယ် မောင်ရင်နု ရယ် ဆိုရှယ်လစ်ရယ် ဒင်းတို့ရဲ့ကျင့်ကြံပုံတွေ ယုတ်မာလွန်းလျတယ်
တာရှည်ဝါးရင် ကြာရှည်ခါးမယ်အရေခြုံများရယ် ဒင်းတို့နဲ့တစ်နယ်စီ တစ်ပြေစီဝေးဖို့ကွယ်
မွန်ကရင်တို့ ပအိုဝ်ပြည်နယ် ကော်သူးလေး
မှာသီးခြားတည်တော့မယ်။
ခေါင်းဆောင် အောင်ဆန်းတို့နဲ့တင်ထွတ်တို့ပါ သေကံကြုံရှာတယ်။ကိုယ့်ဗမာ ကိုယ်ချင်းသတ်ကာ
မင်းအာဏာ လုတဲ့ပါတီရယ် အော် ဖား ဖား ချင်း ငါး ငါးချင်း မြိုစားတဲ့ကိန်း ဆိုက်ပေါ့ကွယ်
လူထုကိုလှည့်ဖျားကာ ချေးငွေ ဥစ္စာ ကိုယ်ကျိုးစီးပွားရှာကာ သန်းသန်း ကုဋေကျော်တယ် ပုဒ်မ(၅)နဲ့
အမျိုးမျိုးဖိနှိပ်ချုပ်ချယ် ပါတီ ၇န်ဖက်တွေက အသက်အန္တရယ် ချက်ချင်းတွေ့ပါတယ် အော် အနီရောင်
် လွှမ်းတဲ့လက်ဝဲအစိုးရရယ် ကရင် မွန် ပအိုဝ်မျိုးတွေကိုကွယ် ကျူငုတ်မကျန်အောင် သတ်ချင်လွန်းလို့ရယ်
ယုတ်မာပါပေတယ်
စောဘဦးမှ ရွေးလို့သတ်လိုက်တယ်။
သေသူဇာနည်တွေကိုလေးစားပါလို့ရယ် သတ္တိဇွဲနဲ့နိုင်အောင်ခံမယ် နေရောင်မပေါ်မီဝယ် အမိုက်မှောင်
ဒုက္ခတွေ့တယ်
သတ္တိဇွဲနဲ့နိုင်အောင်ခံမယ် စောဘဦးရဲ့လေးချက်မူဝယ် တို့လက်နက်ကို အသက်ပေးလို့ရယ်
တို့လက်နက်ကိုလိုချင်ရင်ကွယ် ဟေ့ အသက်နဲ့လဲမယ် ဟေ့ ကမ္ဘာက ထင်ရှားသိအောင် ထူထောင်ကာ
ကော်သူးလေး ပြည်နယ် တို့လူမျိုးတွေ ရှေး၇ိုးအစဉ်အလာ ကိုယ့်ဝါဒ
ကိုယ်သိရအောင် ကိုယ့်ကြမ္မာကိုယ်ဖန်တီးရတော့မယ်။
ပျောက်ကျားစစ်
ဒီသီချင်းကို ရဲဘော်ဖြူတွေကရေးစပ်ခဲ့တာဖြစ်ပါတယ်။ဗိုလ်ချုပ်အောင်ဆန်းကို
လူငယ်တွေစံနမူနာတင်ကြစေဖို့ရေးစပ်ခဲ့တာဖြစ်သလို
အဲဒီခေတ်အခြေအနေကိုလဲထင်ဟပ်စေခဲ့တဲ့သီချင်းဖြစ်နေလို့ ရုပ်ရှင်ဇာတ်ညွှန်းထဲမှာ
ထဲ့သွင်းဖို့ဆုံးဖြတ်ခဲ့ရပါတယ်။ဖတ်ရှုလေ့လာ ကြည့်ပါခင်ဗျာ
ပျောက်ကျားစစ်
ခြေဆင်း။လွတ်လပ်ဖို့ ကြံစည်ရင်ကွယ် အကြမ်းနည်းနဲ့လက်နက်စုရမည် အနုကိုသုံးရမည် ဥပဒေထုံးနဲ့အညီ
စည်းကမ်းကျကျ အာဏာဖီဆန် သပိတ်မှောက်ရမည်။
(က)သွေးချင်းနှောလိုက်ချင်သည် တို့ဗမာတွေ အားလုံးညီ နယ်ချဲ့ရဲ့အလုပ်တွေကိုစက်ဆုပ်ပေသည်။တော်လှန်ဖို့အရေးတို့သွေးညီအသက်နဲ့လဲလို့
(စွန့်စားမည် တို့လူထု က ရင်ဆိုင်တိုက်ပွဲ ဆင်နွှဲမည် ပြည်သူ့တပ်မတော် ရဲဘော် ရဲမေ အပေါင်းအသင့်ရှီသည်
ကြောက်ရင်လွဲ တကယ်ရဲမှ မင်းဖြစ်မည်
လူငယ်တွေစိတ်ဓါတ်များဟာ ဗိုလ်ချုပ်အပေါ်မှာတည်။
(ခ)အိမ်ကြက်ချင်းကို အိုးမဲသုတ်လို့ခွပ်ကြသည် ရန်သူကိုတောင် အားပေးလို့ဖြင့်တစ်ချို့ကမညီ
အို အဲဒါတွေ လါတ်လပ်ရေးအတွက် ကြန့်ကြာနှောင့်နှေးသည်။ဗမာ့မြေပုံကို သွေးနဲ့ရေးဖို့လိုပါသည်
မတရားလဲ တို့မခံ ပျောက်ကျားစစ်တို့နှံ့မည်။
(ဂ)တို့ဗမာချင်းသာ သစ္စာဖောက်လို့ အပြစ်သာရောက်အောင်ဂျောက်တွန်းချင်ပါသည် ကိုယ့်သွေးကိုသာ
တရားမမျှလို့အသားထဲကလောက်ကောင်တွေကိုသာ ရဲဘော်ဖြူတွေဟာ တိုက်ဖျက်ဖို့ရာပေါ်ထွက်လာပါပြီ
(ဃ)ကိုယ်ကျင့်တရားဆိုတာ တကယ်ကိုပင် ရှာမှရှားလို့ အချောင်သမားဝါဒနဲ့ လူလိမ်လူညာ
နယ်ချဲ့သမားရှေ့မှာမျက်နှာပြောင်ပြောင်ထားလို့
ဖော်လံဖားဝါဒနဲ့ ကလိန်ဥာဏ်တွေဆင်ကာသာ စစ်ဆေးပြီးတော့ အပြစ်ပေးပြီးတော့ သုတ်သင်ကြမယ် ဒီတစ်ခါ
(ခ)အိမ်ကြက်ချင်းကို အိုးမဲသုတ်လို့ခွပ်ကြသည် ရန်သူကိုတောင် အားပေးလို့ဖြင့်တစ်ချို့ကမညီ
အို အဲဒါတွေ လွတ်လပ်ရေးအတွက် ကြန့်ကြာနှောင့်နှေးသည်။ဗမာ့မြေပုံကို သွေးနဲ့ရေးဖို့လိုပါသည် မတရားလဲ
တို့မခံ ပျောက်ကျားစစ်တို့နှံ့မည်။
အရပ်ရပ်ကလာကြသည်
ဇာ၈နာတို့များလုပ်လိုက်ရင် တစ်ခုခုတော့ ပွက်လောညံသွားရမှ ဆိုတာကို အစဉ်အလာ တစ်ခုအနေနဲ့ကိုထိန်းသိမ်းထားသလိုဖြစ်နေပါတယ်။
ဗိုလ်ချုပ်အောင်ဆန်းဇာတ်ညွှန်းရေးတယ်ဆိုတာ ရေးချင်လို့ကိုရေးတာပါ။ဘယ်သူကမှခိုင်းလို့ရေးတာမဟုတ်ပါ။
ဒါကို စိတ်ဝင်တစားရှိဲလို့အရပ်ရပ်က စာတွေအမျိုးမျိုးရေးပို့ကြ အိမ်တိုင်ယာရောက် ဓါတ်ပုံတွေမှတ်တမ်းတွေ စာအုပ်တွေ လာပို့ကြနဲ့ ရှုတ်ရှက်တွေကိုခတ်လို့။ဟုတ်တယ်လေ။ဒါကိုကြည့်ရင် ဇာ၈နာ တို့ မြန်မာလူမျိုးတိုင်းဟာ ဗိုလ်ချုပ်အောင်ဆန်းနဲ့ပတ်သက်လာရင် ဘယ်အတိုင်းအတာထိရင်ထဲစူးနစ်လေးစားတယ်ဆိုတာ သိရတာပါပဲ။
ဒါကို ဥရောပ ကလူတွေဘောလုံးကန်မှ ထမင်းစားရတဲ့အားကစားဂျာနယ်ထုတ်စားတဲ့လူတွေက
ထိခိုက်ပုတ်ခတ် မူရင်းအကြောင်းအရာကို သေသေချာချာမလေ့လာ(ဒါများ၈ျာနယ်ထုတ်ပြီးစားသောက်နေရှာသေးတယ်။သနားလိုက်တာကွယ်)
ပုဂ္ဂိုလ်ရေးတိုက်ခိုက်မှုတွေကို ဦးစားပေးပြီး
ရေးလိုက်ကြတာ ကွယ်ရို့။ခမျာများ သူတို့ပထွေးတွေက တုတ်နဲ့ထိုးတော့ ဟောင်ပေးကြသပေါ့လေ။
သေချာတာတစ်ခုကတော့ မြန်မာပြည်ကိုချစ်တဲ့မြန်မာလူမျိုးတိုင်းရဲ့ အသဲထဲ ရင်ထဲက
ဗိုလ်ချုပ်အောင်ဆန်းကို ဘယ်နှစ်ကြိမ်သတ်သတ် မသေပါဖူးဆိုတာ ပါပဲ။
သေနိုင်ပါရိုးလား
အမျိုးမျိုးကြိုးစားပြီးတဲ့အခါ နောက်ဆုံးမှာတော့ ရေးလို့ရပါပြီ။ဝိုင်းဝန်းကူညီကြသောမိတ်ဆွေအပေါင်းကိုကျေးဇူးတင်ရှိပါကြောင်း။
သောင်ပြင်မှာလှိုင်းရေတိုးသည့်နှယ်
အောင်မင်္ဂလာသမိုင်းအရှည်ထိုး၍
ညောင်ပင်မှာအကိုင်းတွေမညှိုးတဲ့အောင်
(ကိုင်း ရွာစား)တိုင်းပြည်အကျိုးကိုဖွင့်
You received this email because you are subscribed to the real_time feed for http://zarganar-windoor.blogspot.com/feeds/posts/default. To change your subscription settings, please log into RSSFWD.